ᑖᓂᐊᓕᐅᑉ ᐊᒡᓚᖏᑦ 4:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᓇᐹᕐᑐᖅ ᑖᓐᓇ ᐱᕈᓚᐅᕐᐳᖅ ᐊᖏᔪᐊᓘᓕᕐᓗᓂ ᓴᓐᖏᔫᓪᓗᓂᓗ, ᓄᕗᐊᓗ ᕿᓚᖕᒧ ᑎᑭᑉᐳᖅ, ᓄᓇᒥᓪᓗ ᓇᑭᑐᐃᓐᓇᖅ ᑕᑯᓴᐅᓕᕐᓗᓂ.

ᑖᓂᐊᓕᐅᑉ ᐊᒡᓚᖏᑦ 4:11 Iomraidhean Croise

ᒨᓯᓯ ᓯᕗᓪᓖᑦ 11:4

ᐅᖃᕐᓗᑎᒡᓗ, “ᐃᒡᓗᒐᓴᒡᔪᐊᓕᐅᓚᐅᕐᑕ ᐳᕐᑐᔪᐊᓗᖕᒥᒃ ᕿᓚᖕᒧᑦ ᑎᑭᐅᒪᓗᒍ, ᑖᓐᓇ ᐃᓕᑕᕆᔭᐅᑦᔪᑎᒃᓴᕆᓂᐊᕋᑦᑎᒍ, ᓄᓇᕐᔪᐊᕐᒧᑦ ᓯᐊᒻᒪᕐᑎᑕᐅᖁᓇᑦᑕ ᓇᒧᑐᐃᓐᓇᖅ.”

ᐃᓯᑭᐊᓕᐅᑉ ᐊᒡᓚᖏᑦ 31:12

ᓄᓇᖃᑎᒋᔭᐅᖏᑦᑐᓄᑦ ᐃᓅᖃᑎᒌᒡᔪᐊᓄᑦ ᓂᑲᒋᔭᖃᖏᑦᑐᓄᑦ ᓇᑲᑕᐅᓗᓂ ᕿᒪᒃᑕᐅᔪᒫᕐᐳᖅ. ᐅᕐᕈᒍᓂ ᐊᕙᓚᖓᔪᖏᑦ ᐅᓕᒃᓯᔪᒫᕐᐳᑦ ᖃᖅᑲᓂᒃ ᓇᕐᓴᓂᒡᓗ, ᐊᕙᓚᖓᔪᖏᑕᓗ ᓇᑲᑎᕐᓂᑯᖏᑦ ᓄᓇᐅᑉ ᐃᒥᖏᓐᓄᐊᖅᑲᕈᒫᕐᐳᑦ; ᐃᓅᖃᑎᒌᒡᔪᐊᓪᓗ ᓄᓇᕐᔪᐊᕐᒥᐅᑦ ᑖᑦᓱᒪ ᑕᕐᕋᓕᓂᖓᓃᑦᑐᑦ ᕿᒤᔪᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 31:5

ᓇᐹᕐᑑᖃᑎᒥᓂᑦ ᑕᑭᓂᕐᐹᖑᓕᕐᐳᖅ ᓇᐹᕐᑐᒐᓮᑦ ᐊᑯᕐᖓᓐᓂ; ᐊᕙᓚᖓᔪᖏᑦ ᐱᕈᕐᑐᖃᑦᓯᐊᕐᐳᑦ ᑕᑭᔫᓪᓗᑎᒡᓗ, ᐃᒪᕐᑐᑦᓯᐊᕋᒥ ᐊᒫᖏᑎᒍᑦ.

ᒫᑎᐅᓯᐅᑉ ᐊᒡᓚᖏᑦ 11:23

ᐃᕝᕕᓪᓗ ᑲᐲᕐᓂᐊᒻ! ᐃᓕᖕᓂᒃ ᖃᖓᑦᑕᕐᑎᑦᓱᒪᕖᑦ? ᕿᓚᖕᒧᑦ, ᐃᒋᑕᐅᔪᒫᕐᐳᑎᓪᓕ ᐃᑯᒪᕐᔪᐊᕐᒧᑦ! ᑲᒪᓇᕐᑐᓕᓃᓪᓕ ᐃᓕᑦᓯᓐᓂ ᐱᓂᐊᕐᑕᐅᓚᐅᕐᑐᑦ ᐱᓂᐊᕐᓂᐅᒐᔭᓚᐅᕐᐸᑕ ᓱᑑᒪᒥ, ᓱᑑᒪᒥᐅᑦ ᓱᓕ ᐅᓪᓗᒥ ᓴᖅᑭᔮᕋᔭᕐᐳᑦ!

ᒨᓯᓯ ᑕᓪᓕᒪᖏᑦ 9:1

“ᐃᓴᕆᐊᓕᒥᐅᑦ ᓈᓚᒋᑦᓯ! ᐅᓪᓗᒥ ᐃᑳᕐᓂᐊᓕᕐᐳᓯ ᔪᐊᕐᑕᓂᐅᑉ ᑰᖓᒍᑦ, ᓄᓇᑖᖁᓪᓗᓯ ᐃᓅᖃᑎᒌᒡᔪᐊᓄᑦ ᐃᓕᑦᓯᓐᓂᑦ ᐅᓄᕐᓂᕐᓴᕐᔪᐊᖑᔪᓄᑦ ᐊᔪᖏᓐᓂᕐᓴᕐᔪᐊᖑᔪᓄᓪᓗ ᓄᓇᒋᔭᐅᔪᒥᒃ. ᐃᒡᓗᒐᓴᒡᔪᐊᓂᒃ ᐊᖏᔪᕐᔪᐊᖑᔪᓂᒃ, ᐊᕙᓗᕐᔪᐊᖏᓪᓗ ᕿᓚᖕᒧᑦ ᑎᑭᐅᒪᔪᓂᒃ.