ᑖᓂᐊᓕᐅᑉ ᐊᒡᓚᖏᑦ 3:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᓇᓪᓕᐊᑦ ᐹᒻᒪᒃᑎᖏᑦᑐᖅ ᑐᒃᓯᐊᕐᓇᓂᓗ, ᑕᕝᕔᓐᓇᖅ ᐃᒋᑕᐅᓂᐊᕐᐳᖅ ᐃᑯᒪᒧᑦ ᐃᑯᐊᓚᔪᒧᑦ.”

ᑖᓂᐊᓕᐅᑉ ᐊᒡᓚᖏᑦ 3:6 Iomraidhean Croise

ᒨᓯᓯ ᓯᕗᓪᓖᑦ 19:28

ᐳᕐᑐᔪᒥᑦ ᐊᒻᒧᑦ ᑕᑯᓐᓇᕋᒥᒋᑦ ᓱᑑᒪ ᒍᒨᕋᓗ ᓄᓇᓕᒫᕐᓗ ᓇᕐᓴᖅ, ᑕᑯᕚ ᐳᔪᖅ ᖁᒻᒧᐊᒃᑐᖅ ᓲᕐᓗ ᐃᑯᐊᓚᑦᓯᕕᐊᓗᖕᒥᑦ ᐳᔫᕐᑐᖅ.

ᒨᓯᓯ ᐂᑉᐸᖏᑦ 20:5

ᐹᒻᒪᒃᑎᕐᕕᖃᕐᑐᒃᓴᐅᓐᖏᓚᓯ ᒎᑎᓐᖑᐊᓕᐊᕆᓯᒪᔪᒥᒃ ᑐᒃᓯᐊᕐᕕᖃᕋᓱᐊᕐᑍᓕᓗᓯᓗ ᑍᒤᑦᑐᓂᒃ, ᐅᕙᖓ ᐊᑕᓂᖅ ᒎᑎᒋᕙᑦᓯᓐᖓ ᐊᓯᓐᓂᒃ ᐱᑕᖃᖏᒻᒪᑦ. ᓱᒋᐊᕐᓯᓂᐊᕐᐳᖓ ᐅᕙᓐᓂᒃ ᐆᒥᓱᒃᑐᓂᒃ ᑭᖑᕚᖏᓐᓂᒡᓗ, ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 44:17

ᐊᒥᐊᒃᑯᖓᓂᒡᓗ ᒎᑎᓕᐅᕐᐳᖅ, ᓴᓇᓪᓗᓂ ᐃᓄᓐᖑᐊᓕᐅᕐᐳᖅ. ᐅᑯᕕᒋᓪᓗᒍᓗ ᑐᒃᓯᐊᕐᕕᒋᕚ, ᑐᒃᓯᐊᕐᕕᒋᓕᕋᒥᐅᒃ ᐅᖃᐅᑎᕚ, “ᓴᐳᑎᓚᐅᓐᖓ ᒎᑎᒋᒐᒃᑭᑦ!”

ᔨᕆᒤᐊᐅᑉ ᐊᒡᓚᖏᑦ 29:22

ᐃᓄᐃᓪᓗ ᐊᐅᓪᓚᕈᑦᔭᐅᓯᒪᔪᑦ ᔨᕉᓴᓕᒥᑦ ᐹᐱᓘᓂᒧᑦ ᓱᒋᐊᕐᑕᐅᖁᔨᓕᕌᖓᒥᒃ ᐅᖃᕐᐸᖕᓂᐊᕐᐳᑦ, ‘ᐊᑕᓂᐅᑉ ᐱᓂᐊᕐᕕᒋᓕᑎᑦ ᓲᕐᓗ ᔨᑎᑬᐊᒧᑦ ᐂᕼᐊᑉᒧᓪᓗ ᐱᓂᐊᓚᐅᕐᓂᖓᑐᑦ ᐆᒪᑎᓪᓗᒋᒃ ᐹᐱᓘᓂᐅᑉ ᐊᖓᔪᖅᑳᕐᔪᐊᖓᓄᑦ ᐃᑯᐊᓪᓚᒃᑕᐅᓚᐅᕐᒪᑎᒃ.’

ᑖᓂᐊᓕᐅᑉ ᐊᒡᓚᖏᑦ 2:5

ᐊᖓᔪᖅᑳᕐᔪᐊᕐᓗ ᓯᓚᑐᔪᓄᑦ ᑭᐅᕗᖅ, “ᐃᒫᒃ ᑕᕝᕙ ᐃᓱᒪᑖᕐᓯᒪᕗᖓ: ᓱᓇᒥᒃ ᓯᓐᓇᑑᒪᓚᐅᕐᒪᖔᕐᒪ ᑐᑭᖓᓂᒡᓗ ᐅᖃᐅᑎᖏᒃᑯᑦᓯᖓ, ᐊᕕᒃᑐᕐᑕᐅᑎᓐᓂᐊᕐᐸᑦᓯ ᒥᑭᔫᑕᐅᓕᕐᓗᓯ, ᐃᒡᓗᓯᓗ ᓯᖁᒥᑕᐅᓗᑎᒃ ᓴᓂᑐᐃᓐᓇᐅᓕᕐᑎᓐᓂᐊᕐᐸᒃᑲ.

ᑖᓂᐊᓕᐅᑉ ᐊᒡᓚᖏᑦ 3:11

ᓇᓪᓕᐊᓪᓗ ᐹᒻᒪᒃᑎᖏᑦᑐᖅ ᑐᒃᓯᐊᖏᓪᓗᓂᓗ, ᐃᒋᑕᐅᖁᓪᓗᒍ ᐃᒐᐅᑉ ᐃᓗᐊᓄᑦ ᐃᑯᐊᓚᔪᒧᑦ.

ᑖᓂᐊᓕᐅᑉ ᐊᒡᓚᖏᑦ 3:15

ᑎᑦᑐᓚᐅᑏᑦ ᐊᑦᔨᒌᖏᑦᑐᑦ, ᓱᐴᒊᓪᓗ ᐊᑦᔨᒌᖏᑦᑐᑦ, ᓄᖃᕐᑎᓖᓪᓗ ᐊᑦᔨᒌᖏᑦᑐᑦ, ᑐᓴᕐᓂᕋᐅᑏᓪᓗ ᓱᓇᑐᐃᓐᓁᑦ, ᓂᓪᓕᕐᑎᑕᐅᔪᑦ ᑐᓴᕈᑦᓯᐅᒃ, ᐹᒻᒪᒃᑎᕐᓂᐊᕈᑦᓯ ᑐᒃᓯᐊᕐᓗᓯᓗ ᐃᓄᓐᖑᐊᒧᑦ ᓴᓇᔭᐅᑎᓚᐅᕐᑕᓐᓄᑦ ᑍᒫᒃ ᓈᒻᒪᒃᐳᖅ: ᑖᑦᓱᒧᖓᓕ ᑐᒃᓯᐊᕐᓂᐊᖏᒍᑦᓯ, ᐃᒋᑕᐅᓂᐊᕐᐳᓯ ᐃᒐᐅᑉ ᐃᑯᐊᓚᔫᑉ ᐃᓗᐊᓄᑦ. ᑭᓇᐅᓪᓗ ᒎᑎᐅᑉ ᓴᐳᑎᔪᓐᓇᕐᐹᓯ ᐊᒡᒐᓐᓂᑦ?”

ᑖᓂᐊᓕᐅᑉ ᐊᒡᓚᖏᑦ 3:21

ᑖᒃᑯᐊ ᐊᖑᑎᑦ ᐊᓐᓄᕌᕐᓯᒪᓪᓗᑎᒃ, ᖃᕐᓕᒃᓯᒪᓪᓗᑎᒡᓗ, ᓇᓴᕐᓯᒪᓪᓗᑎᒡᓗ, ᐊᓯᖏᓐᓂᒡᓗ ᐊᑐᕐᓗᑎᒃ ᕿᓚᒃᓱᕐᑕᐅᕗᑦ, ᐃᒋᑕᐅᓪᓗᑎᒡᓗ ᐃᒐᒧᑦ ᐃᑯᐊᓚᔪᕐᔪᐊᒧᑦ.

ᑖᓂᐊᓕᐅᑉ ᐊᒡᓚᖏᑦ 3:7

ᑍᒤᒻᒪᑦ ᑖᒃᑯᐊ ᑐᓴᑐᐊᕋᒥᒃ ᑎᑦᑐᓚᐅᑏᑦ ᐊᑦᔨᒌᖏᑦᑐᑦ, ᓱᐴᒊᓪᓗ ᐊᑦᔨᒌᖏᑦᑐᑦ, ᓄᖃᕐᓯᕋᓖᓪᓗ, ᑐᓴᕐᓂᕋᐅᑏᓪᓗ ᓱᓇᑐᐃᓐᓁᑦ, ᓂᓪᓕᕐᑎᑕᐅᖕᒪᑕ, ᐃᓄᐃᑦ ᓇᑭᑐᐃᓐᓇᖅ ᐱᓯᒪᔪᑦ, ᐅᖃᐅᓯᖃᑎᒌᖏᑦᑐᑦ, ᐹᒻᒪᒃᑎᕐᐳᑦ ᑐᒃᓯᐊᕐᓗᑎᒡᓗ ᐃᓄᓐᖑᐊᒧᑦ ᒎᓗᒧᑦ ᐊᖓᔪᖅᑳᕐᔪᐊᑉ ᓂᐱᑯᓁᓴᐅᑉ ᓴᓇᔭᐅᑎᓯᒪᔭᖓᓄᑦ.

ᑖᓂᐊᓕᐅᑉ ᐊᒡᓚᖏᑦ 5:19

ᐊᖓᔪᖅᑳᕐᔪᐊᖑᓂᖓᑕ ᐅᐱᒋᔭᐅᓂᖓᓂᒃ ᑐᓂᓯᕕᒋᓚᐅᕐᒪᒍ, ᐃᓄᐃᑦ ᓇᓂᑐᐃᓐᓇᖅ ᐃᓅᖃᑎᒋᒃᔪᐃᓪᓗ ᓇᓂᑐᐃᓐᓇᖅ ᖃᓄᑐᐃᓐᓇᕐᓗ ᐅᖃᐅᓯᓖᑦ ᑲᑉᐱᐊᒋᓚᐅᕐᐹᑦ ᓯᕘᕋᒋᓪᓗᒍᓗ. ᑐᖁᑕᐅᖁᔭᓂᓗ ᑐᖁᑕᐅᑎᓚᐅᕐᐰᑦ; ᐆᒪᖁᔭᓂᓗ ᐆᒪᑎᓚᐅᕐᐰᑦ; ᐊᖓᔪᖅᑳᖑᖁᔭᓂᓗ ᐊᖓᔪᖅᑳᓐᖑᕐᑎᓚᐅᕐᐰᑦ; ᒥᑭᒡᓕᑎᖁᔭᖏᓪᓗ ᒥᑭᒡᓕᑎᓚᐅᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 6:7

ᓄᓇᒧᑦ ᐊᐅᓚᑦᓯᔨᐅᑎᑕᑎᑦ ᐊᖓᔪᖅᑳᑦ, ᐊᖓᔪᖅᑳᖁᑎᑎᓪᓗ, ᐃᓱᒪᓕᐅᕐᑎᖁᑎᑎᓪᓗ, ᐊᐅᓚᑦᓯᔨᐅᔪᓪᓗ ᐊᖏᖃᑎᒌᖕᒪᑕ ᐊᖓᔪᖅᑳᕐᔪᐊᖅ ᐱᖁᔭᓕᐅᖁᓪᓗᒍ ᒪᓕᒃᑕᐅᔭᕆᐊᓕᖕᒥᒃ ᐊᑐᕐᑕᐅᔭᕆᐊᖃᓪᓚᕆᒡᓗᓂ ᐃᒤᓕᔪᒥᒃ, ᓇᓪᓕᐊᑦ ᑐᒃᓯᐊᕐᑐᖅ ᒎᑎᒧᑦ ᓇᓪᓕᐊᓐᓄᑐᐃᓐᓇᖅ ᐃᓄᖕᒧᓪᓘᓐᓂᑦ, ᐅᓪᓗᐃᑦ 30 ᐊᑯᓐᓂᖓᓂ, ᐃᕝᕕᑦ ᐊᖓᔪᖅᑳᕐᔪᐊᖅ ᐊᓯᖕᓄᑦ, ᓛᔧᑦ ᓯᑎᖓᓄᑦ ᐃᒋᑕᐅᔪᒃᓴᐅᕗᖅ.

ᒫᑎᐅᓯᐅᑉ ᐊᒡᓚᖏᑦ 13:42

ᑖᒃᑯᐊ ᐃᒋᑦᓱᒫᕐᐰᑦ ᐃᑯᒪᕐᔪᐊᕐᒧᑦ; ᑕᕝᕙᓂ ᕿᐊᔪᒫᕐᐳᑦ ᐊᒡᓕᕈᓚᕐᓗᑎᒡᓗ ᐋᓐᓂᐊᓂᕐᒧᑦ.

ᒫᑎᐅᓯᐅᑉ ᐊᒡᓚᖏᑦ 13:50

ᐱᐅᖏᑦᑐᑦ ᐃᒋᑦᓱᒫᕐᐰᑦ ᐃᑯᒪᕐᔪᐊᕐᒧᑦ; ᑕᕝᕙᓂ ᕿᐊᔪᒫᕐᐳᑦ ᐊᒡᓕᕈᓚᕐᓗᑎᒡᓗ ᐋᓐᓂᐊᓂᕐᒧᑦ.”

ᒫᑎᐅᓯᐅᑉ ᐊᒡᓚᖏᑦ 4:9

ᐅᖃᐅᑎᓪᓗᒍ, “ᑕᒪᒃᑯᐊᓕᒫᑦ ᑐᓂᓂᐊᕐᐸᒃᑲ ᐃᓕᖕᓄᑦ, ᓵᓐᓄᑦ ᓰᖅᑯᕐᓗᑎᑦ ᑐᒃᓯᐊᕐᕕᒋᒍᕕᖓ.”

ᒫᑯᓯᐅᑉ ᐊᒡᓚᖏᑦ 6:27

ᑍᒤᒻᒪᑦ ᐅᓇᑕᕐᑐᒃᓴᒥᒃ ᑕᕝᕔᓐᓇᖅ ᑎᓕᓯᕗᖅ ᔪᐊᓇᓯᐅᑉ ᓂᐊᖁᖓᓂᒃ ᐂᒃᓕᖁᓪᓗᒍᑦ. ᐅᓇᑕᕐᑐᒃᓴᖅ ᐊᓂᕗᖅ ᑎᒍᔭᐅᓯᒪᕕᖕᒧᑦ ᐅᐸᒃᓗᓂᐅᒃ, ᔪᐊᓇᓯ ᓂᐊᖁᐃᕐᐹ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:11

ᐳᔪᕐᓗ ᐋᓐᓂᐊᑎᑕᐅᑦᔪᑎᒋᔭᖓᑦ ᖁᒻᒧᐊᖕᓂᐊᕐᐳᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ; ᑕᕾᕐᓯᕐᕕᒃᓴᖃᕐᓂᐊᓐᖏᓚᑦ, ᐅᓪᓗᒃᑯᑦ ᐅᓐᓄᐊᒃᑯᓪᓗ, ᐆᒪᔪᐊᓗᖕᒥᒃ ᐊᑦᔨᖓᓂᒡᓗ ᓴᓇᓯᒪᔪᒥᒃ ᑐᒃᓯᐊᕐᕕᖃᕐᐸᒃᑐᑦ, ᓇᓗᓁᒃᑯᓯᕐᑕᐅᓯᒪᔪᓕᒫᑦ ᐆᒪᔪᐊᓘᑉ ᐊᑎᖓᑕ ᓇᓗᓁᒃᑯᑕᖓᓂᒃ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:2

ᐅᓪᓗᕆᐊᓪᓗ ᐃᑎᕐᓴᕐᔪᐊᖅ ᓇᑎᖃᖏᑦᑐᖅ ᐅᒃᑯᐃᕐᐹ, ᐃᓯᕐᓗᒡᓗ ᓴᖅᑭᑉᐳᖅ ᐃᓗᐊᓂᑦ ᐃᑯᐊᓚᑦᓯᕕᒡᔪᐊᕐᒥᑦ ᐳᔫᕐᑐᑎᑐᑦ ᑍᒤᑦᑐᖅ, ᓯᕿᓂᕐᓗ ᓯᓚᓗ ᑖᕐᓯᑎᑕᐅᕘᒃ ᐃᑎᕐᓴᕐᔪᐊᑉ ᐃᓯᕐᓗᖓᓄᑦ.