ᑖᓂᐊᓕᐅᑉ ᐊᒡᓚᖏᑦ 3:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᑐᓴᕐᑎᑦᓯᔨᓗ ᓂᐱᖅᑯᕐᑐᓪᓗᓂ ᓂᓪᓕᐊᕗᖅ, “ᐃᒫᒃ ᐱᖁᔭᐅᕗᓯ, ᐃᓕᑦᓯ ᐃᓅᔪᓯ, ᓇᑭᑐᐃᓐᓇᕐᓗ ᐱᓯᒪᔪᓯ, ᐅᖃᐅᓯᖃᑎᒌᖏᑦᑐᓯᓗ:

ᑖᓂᐊᓕᐅᑉ ᐊᒡᓚᖏᑦ 3:4 Iomraidhean Croise

ᐃᔅᑕᐅᑉ ᐊᒡᓚᖏᑦ 8:9

ᑕᕝᕙ ᐊᖓᔪᖅᑳᕐᔪᐊᑉ ᑎᑎᕋᕐᑎᖏᑦ ᕾᖁᔭᐅᕗᑦ, ᐅᓪᓗᖅ 23ᖑᑎᓪᓗᒍ, ᑕᖅᑮᑦ ᐱᖓᔪᒋᓕᕐᑕᖓᓂ, ᓯᕚᓐᒥᒃ ᐊᑎᓕᖕᒥ; ᑎᑎᕋᕐᑕᐅᓚᐅᕐᐳᓪᓗ, ᒧᐊᑎᑬᑉ ᐱᖁᔨᓂᖓ ᒪᓕᒡᓗᒍ ᔫᑎᓄᑦ, ᑐᕌᕐᑎᑕᐅᓪᓗᑎᒃ ᓄᓇᓕᖕᓂ ᐊᐅᓚᑦᓯᔨᓄᑦ, ᐊᖓᔪᖅᑳᒻᒪᕆᖕᓄᑦ, ᓄᓁᓪᓗ ᐊᕕᒃᑐᕐᓯᒪᓂᖏᓐᓂ ᐊᖓᔪᖅᑳᖏᓐᓄᑦ ᓄᓇᒥᒃ ᐃᓐᑎᐊᒥᑦ ᐃᑎᐅᐱᐊ ᑎᑭᓪᓗᒍ, ᓄᓇᓖᑦ ᐊᕕᒃᑐᕐᓯᒪᔪᑦ ᑲᑎᓪᓗᒋᑦ 127ᓄᑦ, ᓄᓇᓕᖕᓂ ᐊᕕᒃᑐᕐᓯᒪᔪᓂ ᑎᑎᕋᐅᓯᖏᑦ ᐊᑐᓂᑦ ᒪᓕᒡᓗᒋᑦ, ᐃᓄᖏᑕᓗ ᐅᖃᐅᓯᖏᑦ ᐊᑐᓂᑦ ᒪᓕᒡᓗᒋᑦ, ᔫᑏᓪᓗ ᑎᑎᕋᐅᓯᖏᑦ ᐅᖃᐅᓯᖏᓪᓗ ᒪᓕᒡᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 40:9

ᓮᐅᓂ, ᖃᖅᑲᐅᑉ ᐳᕐᑐᔫᑉ ᖄᖓᓄᐊᓕᕆᑦᓯ ᐅᖃᐅᓯᖃᓕᕆᑦᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ, ᔨᕉᓴᓕᒻ, ᓂᐱᖅᑯᕐᑐᓗᓯ ᐅᖃᐅᓰᑦ ᑐᓴᕈᒥᓇᕐᑐᑦ ᑐᓴᕐᑕᐅᑎᓕᕐᓯᐅᒃ, ᓂᐱᖅᑯᕐᑐᓗᓯ ᓯᕘᕋᖏᓪᓗᓯ; ᔫᑕᐅᑉ ᓄᓇᓕᖁᑎᖏᑦ ᐅᖃᐅᑎᓯᒋᒃ, ‘ᑕᑯᒋᑦ, ᑕᕝᕙ ᒎᑎᓯ.’

ᐂᓮᐊᓯᐅᑉ ᐊᒡᓚᖏᑦ 58:1

“ᓂᐱᖅᑯᕐᑐᓗᓯ ᓂᓪᓕᐊᓕᕆᑦᓯ, ᓂᐰᓐᖔᕐᓂᐊᕋᓯ, ᑎᑦᑐᓚᐅᑎᑎᑐᑦ ᓂᐱᖅᑯᕐᑐᑎᒋᓗᓯ ᓂᓪᓕᐊᒋᑦᓯ; ᐃᓄᖁᑎᒃᑲ ᐊᔪᕐᑐᓕᓂᖏᓐᓂᒃ ᐅᖃᐅᑎᓯᒋᒃ, ᔧᑰᓪᓗ ᑭᖑᕚᖏᑦ ᐅᖃᐅᑎᓗᒋᑦ ᐊᔪᕐᓂᖏᓐᓂᒃ.

ᑖᓂᐊᓕᐅᑉ ᐊᒡᓚᖏᑦ 3:10

ᐃᕝᕕᑦ ᐊᖓᔪᖅᑳᕐᔪᐊᖅ ᒪᓕᒋᐊᓕᖕᒥᒃ ᓴᖅᑭᑎᑦᓯᓯᒪᒐᕕᑦ, ᓂᓪᓕᕐᐸᑕ ᑎᑦᑐᓚᐅᑏᑦ ᐊᑦᔨᒌᖏᑦᑐᑦ, ᓱᐴᒊᓪᓗ ᐊᑦᔨᒌᖏᑦᑐᑦ, ᓄᖃᕐᓯᕋᓖᓪᓗ ᐊᑦᔨᒌᖏᑦᑐᑦ ᑐᓴᕐᓂᕋᐅᑏᓪᓗ ᓱᓇᑐᐃᓐᓁᑦ, ᑐᓴᕐᑐᓕᒫᑦ ᐹᒻᒪᒃᑎᖁᓪᓗᒋᑦ ᑐᒃᓯᐊᕐᓗᑎᒡᓗ ᐃᓄᓐᖑᐊᑉ ᒎᓘᑉ ᓵᖓᓂ.

ᑖᓂᐊᓕᐅᑉ ᐊᒡᓚᖏᑦ 3:3

ᑕᕝᕙ ᐊᖓᔪᖅᑳᕐᔪᐊᑉ ᑐᖓᓕᖏᑦ, ᓄᓇᒥᓗ ᐊᐅᓚᑦᓯᔩᑦ, ᐅᓇᑕᕐᑐᒃᓮᓪᓗ ᐊᖓᔪᖅᑳᖏᑦ, ᐃᖅᑲᕐᑐᐃᔩᓪᓗ, ᑮᓇᐅᔭᓕᕆᔩᓪᓗ, ᐃᓄᓕᕆᔩᓪᓗ, ᐳᓖᓰᓪᓗ, ᐹᐱᓘᓂᐅᓪᓗ ᐊᕕᒃᑐᕐᓯᒪᓂᖏᑕ ᐊᐅᓚᑦᓯᔨᖏᑦ, ᑲᑎᕗᑦ ᐊᖓᔪᖅᑳᕐᔪᐊᑉ ᓂᐱᑯᓁᓴᐅᑉ ᐃᓄᓐᖑᐊᓕᐊᖓᑕ, ᓵᖓᓂ ᓇᖏᕐᓗᑎᒃ.

ᑖᓂᐊᓕᐅᑉ ᐊᒡᓚᖏᑦ 3:7

ᑍᒤᒻᒪᑦ ᑖᒃᑯᐊ ᑐᓴᑐᐊᕋᒥᒃ ᑎᑦᑐᓚᐅᑏᑦ ᐊᑦᔨᒌᖏᑦᑐᑦ, ᓱᐴᒊᓪᓗ ᐊᑦᔨᒌᖏᑦᑐᑦ, ᓄᖃᕐᓯᕋᓖᓪᓗ, ᑐᓴᕐᓂᕋᐅᑏᓪᓗ ᓱᓇᑐᐃᓐᓁᑦ, ᓂᓪᓕᕐᑎᑕᐅᖕᒪᑕ, ᐃᓄᐃᑦ ᓇᑭᑐᐃᓐᓇᖅ ᐱᓯᒪᔪᑦ, ᐅᖃᐅᓯᖃᑎᒌᖏᑦᑐᑦ, ᐹᒻᒪᒃᑎᕐᐳᑦ ᑐᒃᓯᐊᕐᓗᑎᒡᓗ ᐃᓄᓐᖑᐊᒧᑦ ᒎᓗᒧᑦ ᐊᖓᔪᖅᑳᕐᔪᐊᑉ ᓂᐱᑯᓁᓴᐅᑉ ᓴᓇᔭᐅᑎᓯᒪᔭᖓᓄᑦ.

ᑖᓂᐊᓕᐅᑉ ᐊᒡᓚᖏᑦ 4:1

“ᐊᖓᔪᖅᑳᕐᔪᐊᒥᑦ ᓂᐱᑯᓁᓴᒥᑦ, ᐃᓄᓕᒫᓄᑦ, ᐃᓅᖃᑎᒌᓄᓪᓗ ᓇᑭᑐᐃᓐᓇᖅ ᐱᓯᒪᔪᓄᑦ, ᐅᖃᐅᓯᖃᑎᒌᖏᑦᑐᓄᓪᓗ, ᓄᓇᕐᔪᐊᒥ ᐃᓅᔪᓕᒫᓄᑦ; ᓮᒪᓂᖃᕆᑦᓯ ᐊᖏᔪᒥᒃ!

ᑖᓂᐊᓕᐅᑉ ᐊᒡᓚᖏᑦ 4:14

ᑖᓐᓇ ᓂᓪᓕᐊᕗᖅ ᓂᐱᖅᑯᕐᑐᓪᓗᓂ: ‘ᑭᐱᓕᕐᓯᐅᒃ ᓇᐹᕐᑐᖅ, ᐊᕙᓚᖓᔪᖏᑦ ᓇᑲᑎᕐᓗᒋᑦ, ᐅᖃᐅᔭᖏᓪᓗ ᐲᔭᕐᓗᒋᑦ, ᐸᐅᕐᖓᖏᓪᓗ ᓇᒧᑐᐃᓐᓇᖅ ᓯᐊᒻᒪᒃᑎᓪᓗᒋᑦ, ᐆᒪᔪᑦ ᐊᑖᓂᑦ ᕿᒫᓕᕐᓕᑦ, ᑎᖕᒥᐊᓪᓗ ᐊᕙᓚᖓᔪᖏᓐᓂᑦ ᑎᖏᓕᑦ.

ᑖᓂᐊᓕᐅᑉ ᐊᒡᓚᖏᑦ 6:25

ᐊᖓᔪᖅᑳᕐᔪᐊᕐᓗ ᑍᕉᓯ ᐃᓄᖁᑎᓕᒫᒥᓄᑦ, ᐃᓅᖃᑎᒌᒡᔪᐊᓄᑦ ᓇᑭᑐᐃᓐᓇᖅ ᐱᓯᒪᔪᓄᑦ ᐃᓄᖕᓄᓪᓗ ᖃᓄᑐᐃᓐᓇᖅ ᐅᖃᐅᓯᖃᕐᑐᓄᑦ ᐊᖓᔪᖅᑲᐅᕕᖕᒥᓃᑦᑐᓄᑦ ᐅᖃᕐᐳᖅ: “ᐊᖏᔪᒥᒃ ᓮᒪᓂᖃᕆᑦᓯ!

ᕼᐆᓯᐊᑉ ᐊᒡᓚᖏᑦ 5:11

ᐃᕗᕅᒥ ᐊᒃᓱᕈᕐᓇᕐᑐᒃᑰᓕᕐᐳᖅ; ᓄᓇᖁᑎᒋᓚᐅᕐᑕᒥᓂᒃ ᐊᓯᐅᔨᖕᒪᑦ, ᐱᓇᓱᐊᕋᓱᓚᐅᕐᒪᑕ ᐊᑑᑎᖃᖏᑦᑐᓄᑦ.

ᒤᑲᐅᑉ ᐊᒡᓚᖏᑦ 6:16

ᐊᖓᔪᖅᑳᕐᔪᐊᑉ ᐅᒻᕆᐅᑉ ᒪᓕᖓᖏᓐᓂᒃ ᒪᓕᒃᑲᑦᓯ, ᐂᕼᐊᑉᓗ ᐱᓂᐊᕐᓂᖏᓐᓂᒃ ᐱᐅᖏᑦᑐᓂᒃ ᒪᓕᒃᓗᓯ; ᑍᒃᑯᐊ ᐱᐅᓯᖏᓐᓂᒃ ᐱᐅᓯᖃᕋᑦᓯ; ᑍᒤᒻᒪᑦ ᐃᓂᓕᐅᕈᒫᕐᐳᓯ ᓄᓇᖅᑲᑎᓯ ᒥᑕᐅᑎᒃᓴᐅᓕᕐᓗᑎᒃ, ᐃᓅᖃᑎᒌᒡᔪᐊᓄᓪᓗ ᒥᑕᐅᑎᒋᔭᐅᓂᓯ ᐊᑐᓕᕐᓗᒍ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:9

ᐃᓐᖏᕐᓯᕗᓪᓗ ᐃᖏᕈᒻᒥᒃ ᓄᑖᒥᒃ, ᐅᖃᕐᓗᑎᒃ: “ᐊᒡᓚᖕᓂᒃ ᐃᒧᓯᒪᔪᓂᒃ ᐃᓯᕕᑦᓯᔪᓐᓇᕐᑎᑕᐅᔪᑑᕗᑎᑦ ᓇᕿᑦᔪᑎᖏᓐᓂᒃ ᐲᕐᓯᔪᓐᓇᕋᕕᑦ, ᑐᖁᑕᐅᓚᐅᕋᕕᑦ ᐊᐅᖕᓄᓪᓗ ᐃᓄᐃᑦ ᐊᑭᓕᓚᐅᕐᐸᑎᑦ ᒎᑎᒧᑦ ᐅᑎᕐᑎᓪᓗᒋᑦ, ᑭᖑᕚᕇᓕᒫᓂᑦ ᐅᖃᐅᓯᖃᑎᒌᖏᑦᑐᓂᑦ ᐃᓄᒐᓴᒡᔪᐊᓂᑦ ᐃᓅᖃᑎᒌᒡᔪᐊᓂᓪᓗ.