ᑖᓂᐊᓕᐅᑉ ᐊᒡᓚᖏᑦ 3:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐃᒐᐅᑉ ᐃᑯᒪᔫᑉ ᐃᓗᐊᓄᑦ ᐃᒋᑕᐅᒍᑦᑕ, ᒎᑎᐅᑉ ᐱᔨᑦᓯᕐᑕᑦᑕ, ᓴᐳᑎᓂᐊᕐᐹᑎᒍᑦ ᑕᕝᕙᓐᖓᑦ, ᐃᕝᕕᓪᓗ ᐊᖓᔪᖅᑳᕐᔪᐊᖅ ᐱᔪᓐᓇᕐᓂᕐᓂᑦ ᓴᐳᑎᓂᐊᕆᕚᑎᒍᑦ.

ᑖᓂᐊᓕᐅᑉ ᐊᒡᓚᖏᑦ 3:17 Iomraidhean Croise

ᒨᓯᓯ ᓯᕗᓪᓖᑦ 17:1

ᐂᑉᕋᒻᓕ 99ᓂᒃ ᐊᕐᕌᒍᖃᓕᕐᓗᓂ, ᐊᑕᓂᐅᑉ ᓴᖅᑭᕝᕕᒋᕚ ᐅᖃᐅᑎᓪᓗᒍᓗ, “ᐅᕙᖓ ᒎᑎᐅᕗᖓ ᐊᔪᒐᖃᖏᑦᑐᖅ; ᓵᓐᓂ ᐃᓅᒋᑦ ᐸᓯᔭᒃᓴᐅᖏᓪᓗᑎᓪᓗ.

ᒨᓯᓯ ᓯᕗᓪᓖᑦ 18:14

ᐊᑕᓂᕐᒧᑦ ᐊᔪᕐᓇᓗᐊᕐᑐᖃᕐᐹ? ᐅᖃᖅᑲᐅᒐᒪ, ᐱᕕᒃᓴᖅ ᓈᒻᒪᒃᓯᒃᐸᑦ ᐅᑎᓛᕆᕗᖓ, ᓵᕋᓗ ᐃᕐᓂᖃᓕᓛᕐᐳᖅ.”

ᔫᐱᐅᑉ ᐊᒡᓚᖏᑦ 34:29

ᒎᑎ ᓂᐱᖃᕈᓐᓁᕐᐸᑦ, ᑭᐊ ᐸᒡᕕᓴᕈᓐᓇᕐᐸᐅᒃ? ᑖᑦᓱᒪᓗ ᑮᓇᓂ ᑕᓕᑎᑉᐸᒍ, ᑭᐊ ᑕᑯᔪᓐᓇᕐᐸᐅᒃ? ᐃᓅᖃᑎᒌᒡᔪᐊᓄᑦ ᐅᕝᕙᓗ ᐃᓄᑐᐊᒧᑦ?

ᔫᐱᐅᑉ ᐊᒡᓚᖏᑦ 5:19

ᐱᐅᓕᖃᑦᑕᕐᓂᐊᕐᐹᑎᑦ ᐱᖓᓲᔪᕐᑐᓂᑦ ᐊᑲᐅᓐᖏᓕᐅᕈᑎᓂᑦ; 7ᖓᓐᓂᓕ ᓱᓇᒧᓪᓘᓐᓃᑦ ᐱᐅᖏᑦᑐᒧᑦ ᐊᒃᑐᕐᑕᐅᑎᓐᓂᐊᓐᖏᓛᑎᑦ.

ᐃᓐᖏᕈᑎᑦ 115:3

ᒎᑎᕗᓪᓕ ᕿᓚᖕᒦᑉᐳᖅ; ᐱᓇᓱᐊᓲᖑᑦᓱᓂᓗ ᐱᓇᓱᐊᕈᒪᔭᒥᓂᒃ.

ᐃᓐᖏᕈᑎᑦ 37:39

ᐃᓱᐊᕐᑐᓪᓕ ᐱᐅᓕᔭᐅᓂᖓᑦ ᐊᑕᓂᕐᒥᑦ ᐱᕗᖅ; ᓄᑭᖃᐅᑎᒋᕚᑦ ᐅᖁᒤᑦᑐᖃᕐᑎᓪᓗᒍ.

ᐃᓐᖏᕈᑎᑦ 37:40

ᐊᑕᓂᐅᑉ ᐃᑲᔪᕐᐰ ᓴᐳᑎᓪᓗᒋᓪᓗ; ᐱᐅᖏᑦᑐᓕᔪᓂᑦ ᓴᐳᑎᓂᐊᕐᐰᑦ, ᐱᐅᓕᓗᒋᓪᓗ, ᑖᑦᓱᒥᖓ ᑕᑎᖃᕐᒪᑕ.

ᐃᓐᖏᕈᑎᑦ 73:20

ᓲᕐᓗ ᓯᓐᓇᒃᑑᒪᒥᑦ ᑐᐸᒃᑐᑐᑦ ᑍᒤᑉᐳᑦ, ᑍᒫᒃ ᐊᑕᓃᖅ ᒪᑭᒃᑯᕕᑦ, ᑕᐅᑦᑐᖏᑦ ᐊᓯᐅᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 12:2

ᑕᑯᒋᑦ, ᒎᑎ ᐱᐅᓕᔨᒋᕙᕋ, ᑕᑎᒋᓗᒍ ᑲᑉᐱᐊᓱᖕᓂᐊᓐᖏᓚᖓ; ᐄᓛᒃ, ᐊᑕᓂᖅ ᒎᑎ ᐱᔪᓐᓇᕐᑎᑦᓯᔨᒋᒐᒃᑯ ᐃᓐᖏᐅᑎᒋᓪᓗᒍᓗ, ᑖᓐᓇ ᐃᓛᒃ ᐱᐅᓕᔨᑖᕆᒐᒃᑯ.”

ᐂᓮᐊᓯᐅᑉ ᐊᒡᓚᖏᑦ 54:14

ᓇᓛᒎᕐᓂᕐᒥᒃ ᐱᐅᓯᕐᑖᕈᒫᕐᐳᓯ; ᐅᖁᒤᒃᓴᕐᑎᑕᐅᔪᒫᓐᖏᓚᓯ ᑲᑉᐱᐊᒋᔭᒃᓴᖃᖏᓪᓗᓯᓗ; ᑲᑉᐱᐊᓇᕐᑐᑦ ᐃᓕᑦᓯᓐᓄᑦ ᑎᑭᐅᑎᔪᓐᓇᕈᒫᖏᒻᒪᑕ.

ᔨᕆᒤᐊᐅᑉ ᐊᒡᓚᖏᑦ 1:8

ᑲᑉᐱᐊᒋᑦᑍᓕᑭᑦ, ᐃᓚᒋᓂᐊᕐᐸᒋᑦ ᓴᐳᑎᓯᒪᓗᑎᑦ, ᐅᕙᖓ ᐊᑕᓂᐅᓪᓗᖓ ᐅᖃᕐᐳᖓ!”

ᔨᕆᒤᐊᐅᑉ ᐊᒡᓚᖏᑦ 15:20

ᐃᒡᓗᒐᓮᑦ ᐊᕙᓗᕐᔪᐊᖏᑎᑐᑦ ᑍᒤᑦᑑᑎᓐᓂᐊᕐᐸᒋᑦ ᐃᓄᖕᓄᑦ, ᐊᕙᓗᕐᔪᐊᑎᑐᑦ ᐱᔭᐅᓐᓇᖏᑦᑐᑎᑐᑦ ᑲᓐᓄᔭᒥᑦ ᓴᓇᔭᐅᓯᒪᔪᑎᑐᑦ, ᐃᓕᖕᓂᒃ ᐱᓇᓱᐊᕋᓗᐊᕈᑎᒃ ᓵᓚᖃᕐᓂᐊᓐᖏᓚᑦ, ᐅᕙᖓ ᓇᔪᕐᓂᐊᕋᒃᑭᑦ ᓴᐳᑎᓂᐊᕐᐸᒋᑦ ᐱᐅᓕᓗᑎᓪᓗ.” ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 15:21

“ᓴᐳᑎᓂᐊᕐᐸᒋᑦ ᐊᔪᕐᑐᓕᔪᑦ ᐊᒡᒐᖏᓐᓂᑦ, ᐱᐅᓕᓗᑎᓪᓗ ᐊᑐᖏᑦᑐᓕᔪᓂᑦ.”

ᑖᓂᐊᓕᐅᑉ ᐊᒡᓚᖏᑦ 3:26

ᓂᐱᑯᓁᓴᓕ ᐃᒐᐅᑉ ᐃᑯᐊᓚᔫᑉ ᐹᖓ ᖃᒡᓕᓪᓗᓂᐅᒃ ᕾᒐᓛᕐᐳᖅ ᐅᖃᕐᓗᓂ, “ᓵᑐᕌᑭ, ᒥᓵᑭ, ᐊᐱᓐᑎᒎ, ᒎᑎᐅᑉ ᖁᑦᓯᖕᓂᕐᐹᑉ ᐱᔨᖏᑦ, ᐊᓂᓕᕆᑦᓯ! ᕾᓗᓯᓗ!” ᑕᕝᕙ ᓵᑐᕌᑭ ᒥᓵᑭ ᐊᐱᓐᑎᒎᓗ ᐃᑯᒪᒥᑦ ᐊᓂᕗᑦ.

ᑖᓂᐊᓕᐅᑉ ᐊᒡᓚᖏᑦ 4:35

“ᐃᓄᐃᑦ ᓄᓇᕐᔪᐊᒥ ᐃᓂᖃᕐᑐᑦ ᓱᓇᐅᖏᑦᑐᑎᑐᑦ ᑍᒤᒻᒪᑕ, ᐃᓱᒪᒥᓂᒃ ᕿᓚᖕᒥᐅᒐᓴᒃᔪᐃᑦ ᐊᐅᓚᑎᑉᐰᑦ, ᓄᓇᒦᑦᑐᓪᓗ ᐃᓄᐃ ᐃᓱᒪᒥᓂᒃ ᐊᐅᓚᑎᑉᐰᑦ: ᐱᔪᓐᓇᕐᓂᖓ ᓄᖅᑲᕐᑎᑕᐅᔪᓐᓇᓐᖏᓚᖅ, ᐅᖃᐅᑎᔭᐅᔪᓐᓇᕋᓂᓗ, ‘ᓱᖕᒪᑦ ᑍᒤᓕᐅᕐᐲᑦ?’

ᑖᓂᐊᓕᐅᑉ ᐊᒡᓚᖏᑦ 6:16

ᑍᒤᒻᒪᑦ ᐊᖓᔪᖅᑳᕐᔪᐊᖅ ᐱᖁᔨᕗᖅ, ᑖᓂᐊᓕ ᐂᔭᐅᖁᓪᓗᒍ ᓛᔧᓪᓗ ᓯᑎᖓᓄᑦ ᐃᒋᑕᐅᖁᓪᓗᒍ, ᐊᖓᔪᖅᑳᕐᔪᐊᕐᓗ ᑖᓂᐊᓕᒧᑦ ᐅᖃᕐᐳᖅ, “ᒎᑎᕕᑦ ᑍᒪᓐᖓᑦ ᐱᔨᑦᓯᕐᑕᕕᑦ, ᓴᐳᑎᓕᑎᑦ!”

ᑖᓂᐊᓕᐅᑉ ᐊᒡᓚᖏᑦ 6:23

ᐊᖓᔪᖅᑳᕐᔪᐊᕐᓗ ᖁᕕᐊᓱᖕᓂᕐᒥᒃ ᑕᑕᑕᐅᕗᖅ, ᐱᖁᔨᓪᓗᓂᓗ ᑖᓂᐊᓕ ᓛᔧᑦ ᓯᑎᖓᓂᑦ ᐊᒧᔭᐅᖁᓪᓗᒍ. ᑖᓂᐊᓕᓗ ᐊᒧᔭᐅᖕᒪᑦ, ᓇᐅᒃᑯᑐᐃᓐᓇᖅ ᐃᑭᖃᓐᖏᓚᖅ, ᒎᑎᓂ ᑕᑎᒋᖕᒪᒍ.

ᑖᓂᐊᓕᐅᑉ ᐊᒡᓚᖏᑦ 6:27

ᑖᓐᓇ ᐊᓐᓇᒃᑎᑦᓯᕙᒃᑐᖅ ᓴᐳᑦᔨᕙᒡᓗᓂᓗ; ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ ᐱᓂᐊᕐᓂᖃᕐᐳᖅ ᕿᓚᖕᒥ ᓄᓇᒥᓗ. ᑖᓂᐊᓕ ᓴᐳᑎᓚᐅᕐᐹ ᓔᔧᑦ ᐱᔪᓐᓇᕐᓂᖏᓐᓂᑦ.”

ᒤᑲᐅᑉ ᐊᒡᓚᖏᑦ 7:7

ᐅᕙᖓᓕ ᐊᑕᓂᕐᒥᒃ ᓂᕆᐅᒃᐳᖓ; ᐅᑕᖅᑭᓪᓗᖓᓗ ᒎᑎᓐᓂᒃ ᐱᐅᓕᕐᓯᔨᓐᓂᒃ, ᒎᑎᒪᓗ ᑐᓴᕐᓂᐊᕐᐹᖓ.

ᓘᑲᓯᐅᑉ ᐊᒡᓚᖏᑦ 1:37

ᒎᑎᒥ ᐊᔪᕐᓇᕐᑐᖃᖏᒻᒪᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 20:24

ᐃᓅᓯᕐᒪ ᐅᕙᓐᓄᑦ ᐊᑐᕐᓇᓗᐊᖏᓐᓂᖓ ᖃᐅᔨᒪᕙᕋ, ᐱᔭᕇᕋᓱᐊᕈᒪᓂᕋ ᐃᓱᒪᓇᕐᓂᕐᓴᐅᕗᖅ ᐊᑕᓂᐅᑉ ᔩᓱᓯᐅᑉ ᐅᕙᓐᓄᑦ ᑎᓕᓯᑦᔪᑎᒋᓯᒪᔭᖓᓂᒃ, ᓇᓗᓁᕐᓯᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 21:13

ᐸᐅᓗᓯᓕ ᑭᐅᕗᖅ, “ᓱᖕᒪᑦ ᕿᐊᕕᓰ? ᐆᒻᒪᑎᒃᑯᑦ ᓰᖁᒥᑎᓐᓇᑦᓯᓐᖓ, ᐅᐸᓗᖕᒊᕐᓯᒪᕗᖓᓕ ᕿᓚᒃᓱᕐᑕᐅᓂᕐᒧᑐᐃᓐᓇᐅᖏᑦᑐᖅ, ᑐᖁᑕᐅᓂᕐᒧᓪᓕ ᐊᒡᓛᑦ ᔨᕉᓴᓕᒻᒥ ᐊᑕᓂᖅ ᔩᓱᓯ ᐱᑦᔪᑎᒋᓗᒍ.”

ᕉᒪᒥᐅᓄᑦ 8:31

ᑕᒪᑐᒧᖓ ᑕᕝᕙ ᖃᓄᖅ ᐅᖃᕐᑐᒃᓴᐅᓕᕐᐱᑖ? ᒎᑎᐅᑉ ᐃᓚᒋᒃᐸᑎᒍᑦ, ᑭᐊ ᐊᑭᕋᕐᑐᕈᓐᓇᕐᐹᑎᒎᑦ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:10

ᑖᑦᓱᒪ ᓴᐳᑎᓚᐅᕐᐹᑎᒍᑦ ᑐᖁᒦᓐᓇᕐᑐᓂᑦ, ᓱᓕᓗ ᓴᐳᑎᓂᐊᕆᕚᑎᒍᑦ; ᑖᑦᓱᒪᓐᖓᑦ ᓂᕆᐅᒃᐳᒍᑦ ᓱᓕ ᓴᐳᑎᓯᒪᓂᐊᕐᒪᑎᒍᑦ.

ᐄᑉᕈᐃᓄᑦ 7:25

ᑍᒤᒻᒪᑦ ᑖᑦᓱᒨᓇ ᒎᑎᒧᐊᕐᑐᑦ ᑕᒪᕐᒥᒃ ᐱᐅᓕᔪᓐᓇᑦᓯᐊᕐᐰᑦ, ᐃᓅᑦᓮᓐᓇᕋᒥ ᐃᓱᖃᖏᑦᑐᒧᑦ ᑐᒃᓯᐅᑦᔩᓐᓇᕐᓗᓂ ᑖᒃᑯᓂᖓ.

ᓴᒧᐃᓕ ᓯᕗᓪᓖᑦ 17:37

ᑍᕕᑎᓗ ᐅᖃᒃᑲᓐᓂᕐᐳᖅ, “ᐊᑕᓂᐅᑉ ᐱᐅᓕᓚᐅᕐᐹᖓ ᓛᔭᑦ ᑯᑭᖏᓐᓂᑦ ᓇᓅᓪᓗ ᑯᑭᖏᓐᓂᑦ, ᐱᐅᓕᓂᐊᕆᕚᖓ ᐱᓕᔅᑍᓂᒥᐅᑉ ᐊᒡᒐᖓᓂᑦ.” ᓴᐅᓕᐅᓪᓗ ᑍᕕᑎ ᐅᖃᐅᑎᕚ, “ᐂᓕᕆᑦ ᐊᑕᓂᐅᑉ ᐃᓚᒋᓛᑎᑦ.”

ᓴᒧᐃᓕ ᓯᕗᓪᓖᑦ 17:46

ᐅᓪᓗᒥ ᑕᕝᕙᓂ ᐊᑕᓂᐅᑉ ᑐᓂᓂᐊᕐᐹᑎᑦ ᐱᔪᓐᓇᕐᓂᓐᓄᑦ, ᐱᒋᐊᕐᓂᐊᕐᐸᒋᑦ, ᓂᐊᖁᐃᓪᓗ ᓇᑲᓐᓂᐊᕐᐸᕋ; ᐅᓪᓗᒥᓗ ᐱᓕᔅᑍᓂᒥᐅᑦ ᑕᖕᒫᕐᓯᒪᕕᖓᓂ ᑎᒥᕕᓃᑦ ᑐᓂᓂᐊᕐᐸᕋ ᑎᖕᒥᐊᓄᑦ ᖃᖓᑕᖃᑦᑕᕐᑐᓄᑦ ᐅᒫᔪᓄᓪᓗ ᓄᓇᒦᑦᑐᓄᑦ; ᓄᓇᕐᔪᐊᕐᒥᐅᓕᒫᑦ ᖃᐅᔨᖁᓪᓗᒋᑦ ᐃᓴᕆᐊᓕᒥ ᒎᑎᑕᖃᕐᒪᑦ.