ᑖᓂᐊᓕᐅᑉ ᐊᒡᓚᖏᑦ 3:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑕᕝᕙᓃᑦᑐᖃᕐᒪᑦ ᔫᑎᓂᒃ, ᐹᐱᓘᓂᐅᑉ ᐊᕕᒃᑐᕐᓯᒪᓂᖏᓐᓄᑦ ᐊᖓᔪᖅᑲᐅᑎᑕᕐᓂᒃ; ᓵᑐᕌᑭ, ᒥᓵᑭ, ᐊᐱᓐᑎᒎᓗ; ᐊᖓᔪᖅᑳᕐᔪᐊᖅ ᐃᓕᖕᓂᒃ ᑖᒃᑯᐊ ᓈᓚᓐᖏᓚᑦ, ᐃᕝᕕᓪᓗ ᒎᑎᖏᓐᓂᒃ ᐱᔨᑦᓯᕈᒪᓇᑎᒃ, ᑐᒃᓯᐊᕐᕕᖃᕈᒪᖏᒻᒪᑕ ᐃᓄᓐᖑᐊᒥᒃ ᓴᓇᔭᐅᑎᓚᐅᕐᑕᕐᓂᒃ.”

ᑖᓂᐊᓕᐅᑉ ᐊᒡᓚᖏᑦ 3:12 Iomraidhean Croise

ᐃᔅᑕᐅᑉ ᐊᒡᓚᖏᑦ 3:8

ᑕᕝᕙ ᕼᐂᒪᓂ ᐊᖓᔪᖅᑳᕐᔪᐊᕐᒧᑦ ᐊᕼᐊᓱᐃᕋᔅᒧᑦ ᐅᖃᕐᐳᖅ, “ᐃᓅᖃᑎᒌᒡᔪᐊᕐᑕᖃᕐᐳᖅ ᓇᓂᑐᐃᓐᓇᖅ ᓯᐊᒻᒪᖓᔪᓂᒃ ᓄᓇᖁᑎᕕᑦ ᐊᕕᒃᑐᕐᓯᒪᓂᖏᓐᓂ ᓄᓇᖃᕐᑐᓂᒃ; ᑖᒃᑯᐊᓗ ᐃᒻᒥᒍᑦ ᐱᖁᔭᖃᕐᓗᑎᒃ ᐊᑦᔨᒋᔭᐅᖏᑦᑐᓂᒃ ᐃᓅᖃᑎᒌᒡᔪᐊᑦ ᐱᖁᔭᖏᓐᓄᑦ, ᐊᖓᔪᖅᑳᕐᔪᐊᓪᓗ ᐱᖁᔭᖏᓐᓂᒃ ᒪᓕᒐᑎᒃ, ᑍᒤᒻᒪᑦ ᑖᒃᑯᐊ ᑍᒤᓕᖓᑐᐃᓐᓇᕐᑎᓐᓂᐊᕈᕕᒋᑦ ᐃᓕᖕᓄᑦ ᓈᒻᒪᑦᔮᓐᖏᓚᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 27:4

ᓂᓐᖓᐅᒪᓂᖅ ᐱᐅᓐᖏᓚᖅ, ᓂᓐᖓᖕᓂᒡᓗ ᓵᓚᖃᕈᓐᓇᕐᐳᖅ; ᑭᓇᓕ ᓯᖕᓇᓂᐅᑉ ᓵᖓᓂ ᓇᖏᕈᓐᓇᕐᐹ?

ᐃᓕᓯᒪᓃᑦ ᐃᒃᓖᓯᐊᓯᑏᔅ 4:4

ᓱᓕ ᖃᐅᔨᓚᐅᕆᕗᖓ ᓴᓇᓂᓕᒫᑦ ᓴᓇᔪᓐᓇᑦᓯᐊᕐᓃᓪᓗ ᑐᓱᒋᔭᐅᖕᒪᑕ ᐊᓯᖏᓐᓄᑦ. ᑕᒪᓐᓇ ᑐᑭᖃᖏᒻᒪᑦ ᐊᓄᕆᒥᒡᓗ ᐊᖑᓯᓇᓱᑐᐃᓐᓇᕐᓂᐅᔮᕐᓗᓂ.

ᑖᓂᐊᓕᐅᑉ ᐊᒡᓚᖏᑦ 1:7

ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓᑕ ᑖᒃᑯᐊ ᐊᓯᖏᓐᓂᒃ ᐃᒫᒃ ᐊᑎᕐᑖᕐᑎᑉᐰᑦ: ᑖᓂᐊᓕ, ᐱᐊᓪᓴᔮᕆᒥᒃ; ᕼᐊᓇᓁᐊ, ᓵᑐᕌᑭᒥᒃ; ᒥᓮᐅᓪ, ᒥᓵᑭᒥᒃ; ᐊᔭᕅᐊᓗ, ᐊᐱᓐᑎᒎᒥᒃ.

ᑖᓂᐊᓕᐅᑉ ᐊᒡᓚᖏᑦ 2:48

ᐊᖓᔪᖅᑳᕐᔪᐊᑉ ᑕᕝᕙ ᑖᓂᐊᓕ ᐃᓂᑖᕐᑎᑉᐹ ᐊᖓᔪᖅᑳᖁᑎᒥ ᐳᕐᑐᓂᕐᐹᖓᓐᓄᑦ, ᑐᓂᓯᕕᒋᓪᓗᒍᓗ ᐱᐅᔪᓂᒃ ᐱᖁᑎᓂᒃ ᐅᓄᕐᑐᓂᒃ. ᐊᖓᔪᖅᑳᓐᖑᕐᑎᓪᓗᒍᓗ ᐹᐱᓘᓂᓕᒫᒧᑦ, ᓯᓚᑐᔪᖁᑎᓕᒫᒥᓄᓪᓗ ᐊᖓᔪᖅᑳᓐᖑᕐᑎᑉᐹ.

ᑖᓂᐊᓕᐅᑉ ᐊᒡᓚᖏᑦ 2:49

ᑖᓂᐊᓕᐅᓪᓕ ᐱᖁᔨᓂᖓᓄᑦ, ᐊᖓᔪᖅᑳᕐᔪᐊᑉ ᓵᑐᕌᑭ, ᒥᓵᑭᓗ ᐊᐱᓐᑎᒎᓗ, ᑲᒪᔨᓐᖑᕐᑎᐰᑦ ᐹᐱᓘᓂᓕᒫᒧᑦ: ᑖᓂᐊᓕᓕ ᐊᖓᔪᖅᑳᕐᔪᐊᑉ ᐃᒡᓗᖓᓃᖏᓐᓇᓕᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 3:11

ᓇᓪᓕᐊᓪᓗ ᐹᒻᒪᒃᑎᖏᑦᑐᖅ ᑐᒃᓯᐊᖏᓪᓗᓂᓗ, ᐃᒋᑕᐅᖁᓪᓗᒍ ᐃᒐᐅᑉ ᐃᓗᐊᓄᑦ ᐃᑯᐊᓚᔪᒧᑦ.

ᑖᓂᐊᓕᐅᑉ ᐊᒡᓚᖏᑦ 3:16

ᑕᕝᕙ ᓵᑐᕌᑭ, ᒥᓵᑭᓗ, ᐊᐱᓐᑎᒎᓗ ᐊᖓᔪᖅᑳᕐᔪᐊᕐᒧᑦ ᑭᐅᕗᑦ, “ᓂᐱᑯᓁᓵ, ᐅᕙᑦᑎᓐᓂᒃ ᓵᖕᓂ ᓇᖕᒥᓂᑦᑎᓐᓂᒃ ᓴᐳᑎᓇᓱᐊᕆᐊᖃᓐᖏᓚᒍᑦ.

ᑖᓂᐊᓕᐅᑉ ᐊᒡᓚᖏᑦ 3:29

“ᑍᒤᒻᒪᑦ ᐱᖁᔭᓕᐅᓕᕐᐳᖓ ᐃᓄᐃᑦ ᓇᑭᑐᐃᓐᓇᖅ ᐱᓯᒪᔪᑦ ᐅᖃᐅᓯᖃᑎᒌᖏᑦᑐᓪᓗ, ᓇᓪᓕᐊᓐᓂᒃ ᐊᑭᕋᕐᑐᕐᓂᕐᒥᒃ ᐅᖃᕐᑐᖃᕐᐸᑦ, ᓵᑐᕌᑭᐅᑉ ᒥᓵᑭᐅᓪᓗ ᐊᐱᓐᑎᒎᓪᓗ ᒎᑎᖓᓐᓄᑦ, ᑍᒤᓕᐅᕐᑑᑉ ᑎᒥᖓ ᐊᕕᒃᑐᕐᑕᐅᔪᒃᓴᐅᕗᖅ ᐃᒡᓗᖓᓗ ᓯᖁᒥᑕᐅᓗᓂ ᓴᓂᑐᐃᓐᓇᐅᓕᕐᓗᓂ: ᒎᑎᑕᖃᖏᒻᒪᑦ ᐊᓯᐊᓂᒃ ᑍᒫᒃ ᓴᐳᑦᔨᔪᓐᓇᕐᑎᒋᔪᒥᒃ.”

ᑖᓂᐊᓕᐅᑉ ᐊᒡᓚᖏᑦ 3:30

ᐊᖓᔪᖅᑳᕐᔪᐊᑉ ᓵᑐᕌᑭ ᒥᓵᑭᓗ, ᐊᐱᓐᑎᒎᓗ ᐊᖓᔪᖅᑳᓐᖑᕐᑎᒃᑲᓐᓂᕐᐰᑦ ᐹᐱᓘᓂᒥ ᓄᓇᒥ.

ᑖᓂᐊᓕᐅᑉ ᐊᒡᓚᖏᑦ 6:13

ᑖᒃᑯᐊ ᐊᖓᔪᖅᑳᕐᔪᐊᒧᑦ ᐅᖃᓕᕐᐳᑦ, “ᐊᖓᔪᖅᑳᕐᔪᐊᖅ, ᑖᓂᐊᓕ, ᔫᑕᒥᑦ ᑎᒍᔭᐅᓯᒪᔪᑦ ᐃᓚᖓᑦ, ᐃᓕᖕᓂᒃ ᓈᓚᖏᒻᒪᑦ, ᐱᖁᔭᓕᐊᕆᓚᐅᕐᑕᕐᓂᒡᓘᓐᓃᑦ ᒪᓕᖏᒻᒪᑦ; ᓱᓕ ᑐᒃᓯᐊᖃᑦᑕᕐᒪᑦ ᐅᓪᓗᖅ ᐱᖓᓱᐃᕐᓱᕐᓗᒍ.”

ᑖᓂᐊᓕᐅᑉ ᐊᒡᓚᖏᑦ 6:14

ᐊᖓᔪᖅᑳᕐᔪᐊᕐᓕ ᑕᒪᑐᒥᖓ ᑐᓴᕋᒥ ᐃᓱᒪᔮᒻᒪᕆᓕᕐᐳᖅ, ᖃᓄᑐᐃᓐᓇᕐᓗ ᕿᓂᓕᕐᐳᖅ ᑖᓂᐊᓕ ᓴᐳᑎᔪᒪᓪᓗᒍ ᓯᕿᓂᐅᑉ ᓂᐱᓂᖓ ᑎᑭᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 17:7

ᔧᓴᐅᑉ ᐃᓚᓕᐅᕐᓯᒪᕔᑦ ᐃᒡᓗᒥᓄᑦ; ᐊᖓᔪᖅᑳᕐᔪᐊᑉ ᓰᓴᕆᐅᑉ ᐱᖁᔭᖏᓐᓂᒃ ᐊᑭᕋᕐᑐᕐᒪᑕ, ᐊᓯᐊᓂᒃ ᐊᖓᔪᖅᑳᕐᔪᐊᕐᑕᖃᕐᓂᕅᓪᓗᑎᒃ, ᔩᓱᓯᒥᒃ ᐊᑎᓕᖕᒥᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 5:28

ᐅᖃᕐᓗᓂ, “ᐊᒃᓱᕈᕐᓗᑕ ᐃᓕᑦᓯᓐᓂᒃ ᐃᓂᕐᑎᕆᓚᐅᕐᐳᒍᑦ ᐊᔪᕆᕐᑐᐃᖃᑦᑕᖁᓇᑕ ᑖᑦᓱᒪ ᐊᑎᖓᓂ, ᐃᓕᑦᓯᓕ ᔨᕉᓴᓕᒻᒥᐅᑦ ᑕᒪᕐᒥᐊᓗᒃ ᑐᓴᕐᑎᓕᕐᐸᓯ ᐊᔪᕆᕐᑐᐃᓂᑦᓯᓐᓄᑦ, ᐅᕙᑦᑎᓐᓂᒃ ᑍᑦᓱᒪ ᑐᖁᑕᐅᓂᖓᓄᑦ ᓵᑕᒃᓴᐅᓂᕅᖃᑦᑕᕐᓗᓯ.”