ᑖᓂᐊᓕᐅᑉ ᐊᒡᓚᖏᑦ 3:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐃᕝᕕᑦ ᐊᖓᔪᖅᑳᕐᔪᐊᖅ ᒪᓕᒋᐊᓕᖕᒥᒃ ᓴᖅᑭᑎᑦᓯᓯᒪᒐᕕᑦ, ᓂᓪᓕᕐᐸᑕ ᑎᑦᑐᓚᐅᑏᑦ ᐊᑦᔨᒌᖏᑦᑐᑦ, ᓱᐴᒊᓪᓗ ᐊᑦᔨᒌᖏᑦᑐᑦ, ᓄᖃᕐᓯᕋᓖᓪᓗ ᐊᑦᔨᒌᖏᑦᑐᑦ ᑐᓴᕐᓂᕋᐅᑏᓪᓗ ᓱᓇᑐᐃᓐᓁᑦ, ᑐᓴᕐᑐᓕᒫᑦ ᐹᒻᒪᒃᑎᖁᓪᓗᒋᑦ ᑐᒃᓯᐊᕐᓗᑎᒡᓗ ᐃᓄᓐᖑᐊᑉ ᒎᓘᑉ ᓵᖓᓂ.

ᑖᓂᐊᓕᐅᑉ ᐊᒡᓚᖏᑦ 3:10 Iomraidhean Croise

ᑯᕉᓂᑲ ᓯᕗᓪᓖᑦ 15:16

ᑍᕕᑎᐅᑉ ᓕᕔᑏᑦ ᓯᕗᓕᕐᑎᖏᑦ ᐅᖃᐅᑎᒋᕔᑦ ᐃᓚᒋᔭᒥᖕᓂᑦ ᑎᓕᓯᖁᓪᓗᒋᑦ ᐃᓐᖏᕐᑎᒃᓴᓂᒃ ᑖᒃᑯᐊ ᓂᑦᔭᐅᓯᔭᖁᓪᓗᒋᑦ ᓄᖃᕐᑎᓕᖕᓄᑦ, ᕼᐅᕐᐱᓄᑦ, ᑯᑭᑦᑕᐸᐅᑎᓄᓪᓗ ᓯᕙᓂᕋᐅᑎᓄᓪᓗ, ᓂᐱᖅᑯᕐᑐᓗᑎᒃ ᖁᕕᐊᓱᒡᓗᑎᒃ ᓂᓪᓕᐊᖁᓪᓗᒋᑦ.

ᑯᕉᓂᑲ ᓯᕗᓪᓖᑦ 15:28

ᑕᕝᕙ ᐃᓴᕆᐊᓕᒥᐅᓕᒫᑦ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᔨᕉᓴᓕᒧᐊᕈᑎᓕᓚᐅᕐᐹᑦ ᖁᕕᐊᓱᖕᓂᕐᒧ ᕾᒐᓛᕐᓗᑎᒃ, ᑎᑦᑐᓛᕐᓗᑎᒃ, ᓱᐴᒐᕐᓗᑎᒃ, ᓯᕙᓂᕋᐅᑎᓂᒡᓗ ᓂᓪᓕᐊᑎᑦᓯᓪᓗᑎᒃ, ᓄᖃᕐᑎᓕᖕᓄᑦ ᕼᐊᕐᐱᓄᓪᓗ ᓂᑦᔭᐅᓯᔭᕐᓗᑎᒃ ᓂᐱᖅᑯᕐᑐᓪᓗᑎᒃ.

ᑯᕉᓂᑲ ᐂᑉᐸᖏᑦ 29:25

ᓕᕔᑏᓪᓗ ᐃᓂᖃᕐᑎᑉᐰᑉ ᐊᑕᓂᐅᑉ ᐃᒡᓗᖓᓂ ᓯᕙᓂᕋᐅᓯᔭᕐᑏᑦ, ᕼᐊᕐᐱᓖᑦ, ᓄᖃᕐᑎᓕᖕᓄᑦ ᓂᑦᔭᐅᑎᓖᑦ, ᑍᕕᑎᐅᑉ ᐱᖁᔭᖏᑦ ᒪᓕᒡᓗᒋᑦ ᒑᑦᓗ ᐊᖓᔪᖅᑳᕐᔪᐊᑉ ᐊᖓᔪᖅᑲᐅᔪᖁᑎᖓᑕ, ᓁᑕᐅᓪᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ; ᐊᑕᓂᐅᑉ ᐱᖁᔭᖏᑦ ᒪᓕᒡᓗᒋᑦ ᐅᖃᕐᑎᒥᒍᑦ ᐅᖃᕐᓯᒪᔭᖏᑦ.

ᐃᓐᖏᕈᑎᑦ 94:20

ᐱᐅᖏᑦᑐᓕᔪᑦ ᐊᐅᓚᑦᓯᔨᖏᑦ, ᐋᖅᑭᒃᓱᐃᖃᑦᑕᕐᑐᑦ ᐱᐅᖏᑦᑐᒥᒃ ᐱᖁᔭᑎᒍᑦ, ᐃᓕᖕᓂᒃ ᑲᑐᑦᔨᖃᑎᖃᕈᓐᓇᑦᐹᑦ?

ᒨᓯᓯ ᐂᑉᐸᖏᑦ 1:16

ᐄᑉᕉᒥᐅᑦ ᐊᕐᓇᖏᓐᓂᒃ ᐃᕐᓂᓱᒃᓰᖃᑕᐅᔭᕌᖓᑦᓯᒃ ᕿᑐᕐᖓᕐᑖᖏᑦ ᑐᖁᑉᐸᖕᓂᐊᕐᐸᓯᒃ ᐊᖑᑕᐅᔭᕌᖓᑕ, ᐊᕐᓇᐅᔭᕌᖓᑕᓕ ᐆᒪᑎᑉᐸᒡᓗᒋᑦ.

ᒨᓯᓯ ᐂᑉᐸᖏᑦ 1:22

ᐊᓱᐃᓛᒃ ᐊᖓᔪᖅᑳᕐᔪᐊᖅ ᐃᓄᖁᑎᒥᓄᑦ ᐊᑐᕐᑕᐅᖁᔭᒥᓂᒃ ᑐᓴᕐᑎᑦᓯᓕᕐᐳᖅ ᐃᒫᒃ, “ᐄᑉᕉᒥᐅᑦ ᕿᑐᕐᖓᕐᑖᕌᖓᑕ ᓄᑲᑉᐱᐊᓂᒃ ᑰᖕᒧᑦ ᓁᓕᒧᑦ ᐃᒋᖃᑦᑕᕐᓂᐊᕐᐸᓯ, ᐊᕐᓇᐅᓂᖏᓪᓕ ᑕᒪᕐᒥᒃ ᐆᒪᑎᖃᑦᑕᕐᓗᒋᑦ.”

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:16

ᓱᓕ ᓯᕿᓂᐅᑉ ᐊᑖᓂ ᐊᓯᐊᓂᒃ ᑕᑯᒃᑲᓐᓂᓚᐅᕆᕗᖓ: ᐃᖅᑲᕐᑐᐃᓂᐅᑉ ᐃᓂᖓᓂ-ᐱᐅᖏᑦᑐᓕᓂᖅ ᑕᕝᕙᓃᓚᐅᕐᐳᖅ, ᐊᑦᔨᒌᒃᑎᑦᓯᓂᐅᑉ ᐃᓂᖓᓂ- ᐱᐅᖏᑦᑐᓕᓂᖅ ᑕᕝᕙᓃᓚᐅᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 10:1

ᑲᑉᐱᐊᓐᓇᒦᒃ ᐱᐅᖏᑦᑐᓕᓂᕐᓂᒃ ᐃᓕᖅᑯᓯᕐᓂᒃ ᐊᑐᖁᔨᔪᑦ, ᑎᑎᕋᕐᐸᒃᑐᓪᓗ ᓵᓚᐅᓯᒪᓂᕐᒥᒃ ᑎᑎᕋᐅᓯᕾᓐᓇᕐᑐᑦ,

ᑖᓂᐊᓕᐅᑉ ᐊᒡᓚᖏᑦ 3:11

ᓇᓪᓕᐊᓪᓗ ᐹᒻᒪᒃᑎᖏᑦᑐᖅ ᑐᒃᓯᐊᖏᓪᓗᓂᓗ, ᐃᒋᑕᐅᖁᓪᓗᒍ ᐃᒐᐅᑉ ᐃᓗᐊᓄᑦ ᐃᑯᐊᓚᔪᒧᑦ.

ᑖᓂᐊᓕᐅᑉ ᐊᒡᓚᖏᑦ 3:15

ᑎᑦᑐᓚᐅᑏᑦ ᐊᑦᔨᒌᖏᑦᑐᑦ, ᓱᐴᒊᓪᓗ ᐊᑦᔨᒌᖏᑦᑐᑦ, ᓄᖃᕐᑎᓖᓪᓗ ᐊᑦᔨᒌᖏᑦᑐᑦ, ᑐᓴᕐᓂᕋᐅᑏᓪᓗ ᓱᓇᑐᐃᓐᓁᑦ, ᓂᓪᓕᕐᑎᑕᐅᔪᑦ ᑐᓴᕈᑦᓯᐅᒃ, ᐹᒻᒪᒃᑎᕐᓂᐊᕈᑦᓯ ᑐᒃᓯᐊᕐᓗᓯᓗ ᐃᓄᓐᖑᐊᒧᑦ ᓴᓇᔭᐅᑎᓚᐅᕐᑕᓐᓄᑦ ᑍᒫᒃ ᓈᒻᒪᒃᐳᖅ: ᑖᑦᓱᒧᖓᓕ ᑐᒃᓯᐊᕐᓂᐊᖏᒍᑦᓯ, ᐃᒋᑕᐅᓂᐊᕐᐳᓯ ᐃᒐᐅᑉ ᐃᑯᐊᓚᔫᑉ ᐃᓗᐊᓄᑦ. ᑭᓇᐅᓪᓗ ᒎᑎᐅᑉ ᓴᐳᑎᔪᓐᓇᕐᐹᓯ ᐊᒡᒐᓐᓂᑦ?”

ᑖᓂᐊᓕᐅᑉ ᐊᒡᓚᖏᑦ 6:12

ᐊᖓᔪᖅᑳᕐᔪᐊᒧᓪᓗ ᐂᕗᑦ ᐅᖃᕐᕕᒋᓪᓗᒍᓗ ᐱᖁᔭᓕᐊᕆᓯᒪᔭᖓᓂᒃ ᐅᖃᕐᓗᑎᒃ, “ᐱᖁᔭᓕᐅᓚᐅᓐᖏᓚᑏᑦ? ᐅᓪᓗᓂᒃ 30ᓂᒃ ᓇᓪᓕᐊᑦ ᑐᒃᓯᐊᕐᑐᖅ ᒎᑎᒧᑦ ᓇᓪᓕᐊᓐᓄᑐᐃᓐᓇᖅ ᐃᓄᖕᒧᓪᓘᓐᓃᑦ, ᐊᖓᔪᖅᑳᕐᔪᐊᑉ ᐊᓯᐊᓄᑦ, ᑍᒤᓕᐅᕐᑐᖅ ᓛᔧᑦ ᓯᑎᖓᓄᑦ ᐃᒋᑕᐅᑯᓪᓗᒎ?” ᐊᖓᔪᖅᑳᕐᔪᐊᖅ ᑭᐅᕗᖅ, “ᐱᖁᔭᖅ ᐊᓯᑦᔨᕐᓯᒪᓐᖏᓚᖅ, ᒦᑎᒥᐅᑦ ᐳᕐᓯᐊᒥᐅᓪᓗ ᐱᖁᔭᖏᑦ ᒪᓕᒡᓗᒋᑦ ᐊᓯᑦᔨᕐᑕᐅᔪᓐᓇᓐᖏᓚᖅ.”

ᐂᒨᓯᐅᑉ ᐊᒡᓚᖏᑦ 6:5

ᕼᐊᕐᐱᓄᓪᓗ ᐃᓐᖏᕐᐸᒃᑐᓯ ᐊᑑᑎᖃᖏᑦᑐᓂᒃ, ᑍᕕᑎᑐᓪᓗ ᐃᓐᖏᐅᑎᓕᐅᕐᓗᓯ ᓄᑖᓂᒃ;

ᔪᐊᓇᓯᐅᑉ ᐊᒡᓚᖏᑦ 11:57

ᑐᓂᕐᕈᓯᕐᑎᑦᓯᔩᓪᓕ ᐊᖓᔪᖅᑳᖏᑦ ᐹᕆᓯᓪᓗ ᐱᖁᔨᓚᐅᕐᐳᑦ ᓇᓪᓕᐊᑐᐃᓐᓇᖅ ᔩᓱᓯᐅᑉ ᓇᓃᓐᓂᖓᓂᒃ ᖃᐅᔨᔪᖅ, ᖃᐅᔨᑎᑦᓯᖁᕙᑦ, ᑎᒍᔭᐅᓂᐊᕐᒪᑦ.