ᑖᓂᐊᓕᐅᑉ ᐊᒡᓚᖏᑦ 2:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐅᖃᐅᑎᖏᒃᑯᑦᓯᓐᖓ ᓯᓐᓇᒃᑐᓐᓂᒃ, ᓱᒋᐊᕐᑕᐅᑦᔪᑎᒃᓴᓯ ᐃᓕᑦᓯᓐᓄᑦ ᓈᒻᒪᒃᑐᖅ ᐋᖅᑭᒌᕐᓯᒪᕗᖅ. ᐊᖏᖃᑎᒌᒃᓯᒪᒐᑦᓯ ᐅᐃᕕᕆᔪᒪᓪᓗᖓ ᐱᐅᖏᑦᑐᓂᒡᓗ ᓱᓕᖏᑦᑐᓂᒃ ᐅᖃᐅᑎᔪᒪᓪᓗᖓ, ᑲᑉᐱᐊᓇᕐᑐᒦᓐᓂᑦᓯᓐᓂᑦ ᐃᓕᑦᓯᓐᓂᒃ ᓴᐳᑎᔪᒪᓪᓗᓯ. ᒫᓐᓇ ᐅᖃᐅᑎᓚᐅᕐᓯᓐᖓ ᓯᓐᓇᒃᑐᕆᓚᐅᕐᑕᓐᓂᒃ, ᖃᐅᔨᓂᐊᕋᒪ ᑐᑭᖓᓂᒃ ᐅᖃᕈᓐᓇᕐᒪᖔᑦᓯ.”

ᑖᓂᐊᓕᐅᑉ ᐊᒡᓚᖏᑦ 2:9 Iomraidhean Croise

ᐊᑕᓃᑦ ᓯᕗᓪᓖᑦ 22:22

ᐊᑕᓂᐅᓪᓗ ᐅᖃᐅᑎᕚ, ‘ᖃᓄᐃᓕᐅᕐᓗᑏᑦ?’ ᐅᖃᐅᑎᕚ, ‘ᐂᔪᒪᕗᖓ ᐊᓂᕐᓂᐅᓗᖓ ᓴᒡᓗᕿᑦᓯᓗᖓ ᐂᕼᐊᐱᐅᑉ ᐅᖃᕐᑎᓕᒫᖏᑕ ᖃᓂᖏᓐᓂ ᐊᑐᕐᓂᐊᕐᐳᖓ.’ ᐊᑕᓂᕐᓗ ᐅᖃᕐᐳᖅ, ‘ᐊᑏ ᓴᒡᓗᕿᑦᓯᔭᕐᑐᓕᕆᑦ, ᓵᓚᖃᕐᓂᐊᕐᐳᑎᑦ; ᐂᓗᑎᑦ ᑍᒤᓕᐅᕆᐊᕐᑐᓕᕆᑦ.’

ᐊᑕᓃᑦ ᓯᕗᓪᓖᑦ 22:6

ᑕᕝᕙ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓᑕ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᑲᑎᑎᑉᐰᑦ, 400 ᖃᓂᒋᔮᓃᑦᑐᑦ, ᐅᖃᐅᑎᕔᓪᓗ, “ᕌᒪᑦ-ᒋᓖᑦᒦᑦᑐᒧᑦ ᐅᓇᑕᕆᐊᕐᑐᒃᓴᐅᕗᖔ, ᐅᕝᕙᓗ ᐅᓇᑕᕆᐊᕆᐊᖃᓐᖏᓚᖓ?” ᑖᒃᑯᐊ ᐅᖃᐅᑎᕚᑦ, “ᐅᓇᑕᕆᐊᓕᕆᑦ; ᐊᑕᓂᐅᑉ ᑐᓂᔪᒫᕐᐹ ᐊᖓᔪᖅᑳᕐᔪᐊᕐᒧᑦ.”

ᐃᔅᑕᐅᑉ ᐊᒡᓚᖏᑦ 4:11

“ᐊᖓᔪᖅᑳᕐᔪᐊᑉ ᐱᔨᓕᒫᖏᑦ ᐃᓄᓕᒫᓪᓗ ᐊᖓᔪᖅᑳᕐᔪᐊᑉ ᓄᓇᖁᑎᖏᓐᓃᑦᑐᑦ ᖃᐅᔨᒪᕗᑦ ᓇᓪᓕᐊᑦ ᐊᖑᑦ ᐊᕐᓇᕐᓘᓐᓃᑦ ᐊᖓᔪᖅᑳᕐᔪᐊᑉ ᐃᒡᓗᖓᑕ ᐊᕙᓗᐊᑕ ᐃᓗᐊᓄᐊᕋᔭᕐᐸᑦ, ᐊᖓᔪᖅᑳᕐᔪᐊᕐᒧᑦ ᕾᖁᔭᐅᓯᒪᖏᓪᓗᓂ, ᐊᖓᔪᖅᑳᕐᔪᐊᖅ ᐱᖁᔭᖃᕐᐳᖅ ᑕᒪᑐᒧᖓ ᐊᑕᐅᓯᕐᒥᒃ: ᑍᒤᑦᑐᑦ ᑐᖁᑕᐅᔭᕆᐊᖃᕐᒪᑕ, ᓇᓪᓕᐊᓪᓕ ᐊᖓᔪᖅᑳᕐᔪᐊᑉ ᐊᔭᐅᑉᐱᐊᖓᓂᒃ ᒎᓗᒥᒃ ᐊᒃᑐᕐᓯᑎᑕᐅᔪᖅ, ᑭᓯᒥ ᐃᓅᑎᑕᐅᔪᓐᓇᕐᐳᖅ. ᐅᕙᖓᓕ ᓱᓕ ᕾᖁᔭᐅᓯᒪᓐᖏᓚᖓ ᐊᖓᔪᖅᑳᕐᔪᐊᕐᒧᑦ ᐃᑎᖁᓗᖓ ᑖᒃᑯᓇᓂ ᐅᓪᓗᓂ 30ᓂ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:19

ᓱᓕᑦᓯᐊᕐᑐᑦ ᐅᖃᐅᓰᑦ ᐳᐃᒍᕐᑕᐅᓂᐊᓐᖏᓚᑦ ᐃᓱᖃᖏᑦᑐᒧᑦ, ᓴᒡᓗᑐᔫᓪᓕ ᐅᖃᐅᓯᖏᑦ ᑕᕝᕔᓐᓇᖅ ᐊᓯᐅᕗᑦ.

ᐂᓮᐊᓯᐅᑉ ᐊᒡᓚᖏᑦ 41:23

ᓯᕗᓂᑦᑎᓐᓂ ᐊᑐᓛᕐᑐᓂᒃ ᓇᓗᓁᕐᓯᕕᒋᓚᐅᕐᑎᒍᑦ, ᒎᑎᓪᓚᕆᐅᖕᒪᖔᑦᓯ ᑐᑭᓯᓂᐊᕋᑦᑕ; ᐱᐅᔪᒥᒃ ᐱᓂᐊᕐᓂᖃᕐᒪᖔᑦᓯ ᓱᒃᑯᑎᕆᔪᒥᒡᓘᓐᓃᑦ, ᑲᑉᐱᐊᓱᓕᖁᓪᓗᑕ ᓴᔪᓕᖁᓪᓗᑕᓗ.

ᐂᓮᐊᓯᐅᑉ ᐊᒡᓚᖏᑦ 44:25

ᑭᐊ ᓇᓗᓕᕐᑎᑉᐰᑦ ᓱᓕᓇᑎᒃ ᓇᓚᐅᑦᑍᓇᓱᒃᑐᑦ, ᓯᕗᓂᕐᒥᒡᓗ ᖃᐅᔨᒪᓇᓱᐊᕐᑐᑦ ᓯᓔᑦᑐᓐᖑᕐᑎᓪᓗᒋᑦ; ᑭᐊ ᑎᒥᒃᑯᑦ ᓯᓚᑐᔪᑦ ᐅᑎᒧᑦ ᓵᑎᑉᐰᑦ, ᖃᐅᔨᒪᓂᖏᓪᓗ ᓯᓔᓐᓂᐅᓕᕐᑎᓪᓗᒋᑦ;

ᐃᓯᑭᐊᓕᐅᑉ ᐊᒡᓚᖏᑦ 13:17

“ᐃᕝᕕᓪᓗ, ᐃᓅᑉ ᐃᕐᓂᖓ, ᐊᕐᓁᑦ ᐱᔪᒫᕐᑐᓂᒃ ᐅᖃᕐᑎᐅᓂᕋᕐᑐᑦ ᐃᓅᖃᑎᕕᑦ ᐸᓂᖏᑦ, ᐃᓱᒪᑐᐃᓐᓇᕐᒥᖕᓂᒃ ᓇᓚᐅᑦᑍᓇᓱᖃᑦᑕᕐᑐᑦ; ᓵᓐᖓᓗᒋᑦ ᐅᖃᐅᑦᔪᓕᒃᑭᑦ

ᐃᓯᑭᐊᓕᐅᑉ ᐊᒡᓚᖏᑦ 13:19

ᓇᕐᕈᓇᕐᑎᑉᐸᑦᓯᓐᖓ ᐃᓄᖁᑎᒪ ᐊᑯᕐᖓᓐᓂ ᓂᐊᖂᔭᒃᓴᓄᑦ ᑎᒍᒥᐊᓪᓗᐊᕐᑕᑦᓯᓐᓄᑦ ᓂᐊᖂᔭᓄᓪᓗ ᐊᒡᒍᕐᓂᑯᓄᑦ, ᑐᖁᒐᔭᖏᑦᑐᓂᒃ ᑐᖁᑎᑦᓯᖃᑦᑕᕐᐳᓯ ᐃᓅᔭᕆᐊᖃᖏᑦᑐᓂᒡᓗ ᐃᓅᑎᑦᓯᕙᒃᓗᓯ, ᓱᓕᖏᑦᑐᓂᒃ ᐃᓄᖁᑎᒃᑲ ᐅᖃᐅᑎᖃᑦᑕᕋᑦᓯᐅᒃ, ᓈᓚᒃᐸᒃᓗᑎᒡᓗ ᓴᒡᓗᓂᑦᓯᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 13:6

ᓱᓕᖏᑦᑐᒥᒃ ᐅᖃᖃᑦᑕᕐᒪᑕ ᓴᒡᓗᓪᓚᕆᒃᓗᑎᒃ; ᐅᖃᖃᑦᑕᕐᐳᑦ, ‘ᐊᑕᓂᖅ ᐅᖃᕐᐳᖅ,’ ᐊᑕᓂᕐᒧᑦ ᑎᓕᔭᐅᓯᒪᓇᑎᒃ, ᐅᖃᐅᓯᕆᔭᒥᖕᓂᒃ ᓂᕆᐅᒋᔭᖃᕋᓱᖃᑦᑕᕐᐳᑦ ᓇᓚᐅᑦᓯᑎᑕᐅᓂᐊᕋᓱᒋᓪᓗᒋᑦ.

ᑖᓂᐊᓕᐅᑉ ᐊᒡᓚᖏᑦ 2:16

ᑕᕝᕔᓐᓇᖅ ᑖᓂᐊᓕ ᐊᖓᔪᖅᑳᕐᔪᐊᒧᑦ ᐂᕗᖅ ᐱᕕᖃᕐᑎᑕᐅᒃᑲᓐᓂᕈᒪᓪᓗᓂ, ᓯᓐᓇᒃᑑᑉ ᑐᑭᖓᓂᒃ ᓇᓗᓁᕐᓯᔪᓐᓇᕈᒪᓪᓗᓂ ᐊᖓᔪᖅᑳᕐᔪᐊᒧᑦ.

ᑖᓂᐊᓕᐅᑉ ᐊᒡᓚᖏᑦ 2:21

ᐊᕐᕌᒍ ᐊᓂᒍᕐᐸᓪᓕᐊᑎᑉᐹ ᓇᓪᓕᐅᓐᓂᖃᕐᑎᓪᓗᒍ; ᐊᖓᔪᖅᑳᕐᔪᐊᑦ ᒪᑭᑎᑉᐰᑦ, ᐊᖓᔪᖅᑳᕐᔪᐊᓪᓗ ᐊᓯᖏᑦ ᐅᕐᕈᑎᓪᓗᒋᑦ. ᓯᓚᑐᓂᕐᒥᒃ ᑐᓂᓯᕗᖅ ᓯᓚᑐᔪᓄᑦ ᖃᐅᔨᒪᓂᕐᒥᒡᓗ ᑐᓂᓯᕗᖅ ᑐᑭᓯᐊᔪᓄᑦ.

ᑖᓂᐊᓕᐅᑉ ᐊᒡᓚᖏᑦ 2:8

ᐊᖓᔪᖅᑳᕐᔪᐊᑉ ᐅᖃᐅᑎᒃᑲᓐᓂᕐᐰᑦ, “ᖃᐅᔨᕗᖓ ᐱᕕᖃᒃᑲᓐᓂᕋᓱᑐᐃᓐᓇᕋᑦᓯ, ᖃᐅᔨᒪᕗᓯ ᐃᓱᒪᒐ ᐋᖅᑭᒌᕐᓯᒪᖕᒪᑦ ᑍᒫᒃ ᐱᔪᒪᓪᓗᖓ.

ᑖᓂᐊᓕᐅᑉ ᐊᒡᓚᖏᑦ 3:15

ᑎᑦᑐᓚᐅᑏᑦ ᐊᑦᔨᒌᖏᑦᑐᑦ, ᓱᐴᒊᓪᓗ ᐊᑦᔨᒌᖏᑦᑐᑦ, ᓄᖃᕐᑎᓖᓪᓗ ᐊᑦᔨᒌᖏᑦᑐᑦ, ᑐᓴᕐᓂᕋᐅᑏᓪᓗ ᓱᓇᑐᐃᓐᓁᑦ, ᓂᓪᓕᕐᑎᑕᐅᔪᑦ ᑐᓴᕈᑦᓯᐅᒃ, ᐹᒻᒪᒃᑎᕐᓂᐊᕈᑦᓯ ᑐᒃᓯᐊᕐᓗᓯᓗ ᐃᓄᓐᖑᐊᒧᑦ ᓴᓇᔭᐅᑎᓚᐅᕐᑕᓐᓄᑦ ᑍᒫᒃ ᓈᒻᒪᒃᐳᖅ: ᑖᑦᓱᒧᖓᓕ ᑐᒃᓯᐊᕐᓂᐊᖏᒍᑦᓯ, ᐃᒋᑕᐅᓂᐊᕐᐳᓯ ᐃᒐᐅᑉ ᐃᑯᐊᓚᔫᑉ ᐃᓗᐊᓄᑦ. ᑭᓇᐅᓪᓗ ᒎᑎᐅᑉ ᓴᐳᑎᔪᓐᓇᕐᐹᓯ ᐊᒡᒐᓐᓂᑦ?”

ᑖᓂᐊᓕᐅᑉ ᐊᒡᓚᖏᑦ 5:28

ᐹᕐᓯᓐ: ᐊᖓᔪᖅᑲᐅᕖᑦ ᐊᕕᒃᑕᐅᓯᒪᕗᖅ, ᑐᓂᔭᐅᓯᒪᓪᓗᓂᓗ ᒥᑎᐊᒥᐅᓄᑦ ᐴᕐᓯᐊᒥᐅᓄᓪᓗ.”

ᑖᓂᐊᓕᐅᑉ ᐊᒡᓚᖏᑦ 5:31

ᑍᕉᓯᓗ ᒦᑎᒥᐅᑕᐅᑉ ᐊᖓᔪᖅᑳᕐᔪᐊᖑᕐᑎᑕᐅᓚᐅᕐᐳᖅ, ᐊᕐᕌᒍᖃᕐᓗᓂ 62ᓂᒃ.

ᑖᓂᐊᓕᐅᑉ ᐊᒡᓚᖏᑦ 7:25

ᑖᓐᓇ ᓂᓪᓕᐊᔪᒫᕐᐳᖅ ᖁᑦᓯᖕᓂᕐᐹᖑᔪᖅ ᐊᑭᕋᕐᑐᕐᓗᒍ ᐅᖁᒤᒃᓴᕐᑎᓪᓗᒋᓪᓗ ᖁᑦᓯᖕᓂᕐᐹᖑᔪᑉ ᐃᑦᔪᕐᓁᑦᑐᖁᑎᖏᑦ, ᐋᖅᑭᒃᓱᐃᓇᓱᐊᕈᒫᕐᓗᓂᓗ ᐱᖁᔭᓂᒃ ᓇᓪᓕᐅᓂᕐᓯᐅᕕᖕᓂᒡᓗ ᐊᓯᑦᔩᓇᓱᐊᕈᒫᕐᓗᓂ. ᖁᑦᓯᖕᓂᕐᐹᓪᓗ ᐃᑦᔪᕐᓁᑦᑐᖁᑎᖏᑦ ᓯᐊᓛᕆᑬᓐᓇᕈᒫᕐᐰᑦ, ᓇᓪᓕᐅᓐᓂᕐᓂᒃ ᐱᖓᓱᓂᒃ ᐊᕝᕙᕐᒥᒡᓗ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:17

ᐊᓯᕗᑦ ᐊᒥᓱᑦ ᐱᓇᓱᐊᕐᑐᑦ ᐊᑦᔨᒋᖏᓐᓇᑦᑎᒍ, ᒎᑎᐅᑉ ᐅᖃᐅᓯᖏᓐᓂᒃ ᑮᓇᐅᔭᓕᐅᕈᑎᖃᕋᓱᐊᕐᑐᑦ; ᓱᓕᑦᓯᐊᕐᑐᒥᒡᓕ ᐅᖃᐅᓯᖃᕐᐳᒍᑦ ᑖᑦᓱᒪ ᓵᖓᓂ, ᒎᑎᒧᓪᓗ ᑎᓕᔭᐅᓯᒪᓪᓗᑕ, ᙭ᔅᑑᓯᒥᒃ ᐅᖃᐅᓯᖃᕐᐳᒍᑦ.