ᑖᓂᐊᓕᐅᑉ ᐊᒡᓚᖏᑦ 2:41 - ᐊᒡᓔᑦ ᐃᑦᔪᕐᖕᓁᑦᑐᑦ

⁴¹ ᑕᑯᓚᐅᕋᕕᑦ ᐃᓄᓐᖑᐊᑉ ᐃᑎᒐᖏᑦ ᐃᓄᒐᓐᖑᐊᖏᓪᓗ ᒪᕐᕋᓕᐅᕐᑎᒧᑦ ᔭᕐᕋᓕᐊᕆᔭᐅᓯᒪᖕᒪᑕ ᐃᓚᖏᑦ ᓴᕕᕋᔭᐅᓪᓗᑎᒃ, ᑍᒫᒃᑕᐅᖅ ᑖᓐᓇ ᐊᖓᔪᖅᑲᐅᕕᒃ ᐊᕕᒃᑐᕈᒫᕐᐳᖅ; ᑭᓯᐊᓂᓕ ᐃᓚᖃᕈᒫᕐᐳᖅ ᓴᕕᕋᔭᐅᑉ ᓴᖏᓂᖓᓂᒃ, ᑍᒫᒃ ᑕᑯᓚᐅᕋᕕᐅᒃ ᓴᕕᕋᔭᒃ ᔭᕐᕋᕐᒥᒃ ᐃᓚᓯᒪᔪᖅ.

ᑖᓂᐊᓕᐅᑉ ᐊᒡᓚᖏᑦ 2:41 Iomraidhean Croise

ᑖᓂᐊᓕᐅᑉ ᐊᒡᓚᖏᑦ 2:40

ᑭᖑᓪᓕᕐᐹᒥᒃ, ᓯᑕᒪᖓᑦ ᐊᖓᔪᖅᑲᐅᕖᑦ ᓴᖅᑭᑦᓱᒫᕐᐳᖅ, ᓴᕕᕋᔭᒃᑎᑐᑦ ᓴᓐᖏᔫᑎᒋᓗᓂ, ᓴᕕᕋᔭᒃ ᓱᓇᑐᐃᓐᓇᕐᓂᒃ ᓱᕋᒃᓯᔪᓐᓇᕐᒪᑦ ᓯᖁᒥᑦᓯᔪᓐᓇᕐᓗᓂᓗ; ᑍᒫᒃ ᓴᕕᕋᔭᒃ ᓯᖁᑦᑎᕆᖕᒪᑦ, ᑍᒫᒃᑕᐅᖅ ᑖᓐᓇ ᐊᓯᒥᓂᒃ ᓯᖁᑦᑎᕆᔪᒫᕆᕗᖅ.

ᑖᓂᐊᓕᐅᑉ ᐊᒡᓚᖏᑦ 2:42

ᐃᓄᒐᓐᖑᐊᖏᑦ ᓴᓇᓯᒪᓚᐅᕐᒪᑕ ᐃᓚᖓ ᓴᕕᕋᔭᐅᓪᓗᓂ ᐃᓚᖓᓗ ᔭᕐᕋᐅᓪᓗᓂ, ᑍᒫᒃᑕᐅᖅ ᐊᖓᔪᖅᑲᐅᕕᒃ ᑖᓐᓇ ᐃᓚᖓ ᓴᓐᖏᔫᔪᒫᕐᐳᖅ ᐃᓚᖓ ᓯᖁᒥᓴᕅᑦᑑᓗᓂ.

ᑖᓂᐊᓕᐅᑉ ᐊᒡᓚᖏᑦ 7:24

ᓇᒡᔪᐃᑦ ᖁᓕᑦ ᑖᒃᑯᐊᖑᕗᑦ ᐊᖓᔪᖅᑳᕐᔪᐊᑦ ᖁᓕᑦ ᑕᕝᕙᓐᖓᑦ ᐊᖓᔪᖅᑲᐅᕕᖕᒥᑦ ᐱᓯᒪᔪᑦ: ᑖᒃᑯᐊ ᑭᖑᓂᖓᑦᑎᒍᑦ ᐊᖓᔪᖅᑳᕐᔪᐊᖅ ᐊᓯᖓᑦ ᓴᖅᑭᑦᓱᒫᕐᐳᖅ, ᑖᒃᑯᓇᖓᑦ ᓯᕗᓪᓕᕐᓂᑦ ᐊᑦᔨᒋᔭᐅᖏᑦᑐᖅ; ᑖᓐᓇ ᓵᓚᖃᕈᒫᕐᐳᖅ ᐊᖓᔪᖅᑳᕐᔪᐊᓂᒃ ᐱᖓᓱᓂᒃ.

ᑖᓂᐊᓕᐅᑉ ᐊᒡᓚᖏᑦ 7:7

“ᓱᓕ, ᐅᓐᓄᐊᒥ ᑕᑯᑎᑕᐅᓪᓗᖓ ᑕᑯᒋᕗᖓ ᐆᒪᔪᐊᓗᐃᑦ ᓯᑕᒪᖓᓐᓂᒃ, ᑲᑉᐱᐊᓇᕐᑑᓪᓗᓂ ᓯᕘᕋᓇᕐᑐᖅ ᓴᓐᖏᔪᕐᔪᐊᖑᓪᓗᓂᓗ, ᑭᒍᑎᖃᕐᐳᖅ ᓴᕕᕋᔭᖕᓂᒃ ᐊᖏᔪᐊᓗᖕᓂᒃ; ᖃᖅᑯᐊᕐᐳᖅ ᓂᕆᓪᓗᓂᓗ ᓵᓚᒋᔭᒥᓂᒃ, ᑐᓪᓕᕋᕐᐰᓪᓗ ᐊᒥᐊᒃᑯᓂ. ᐆᒪᔪᕐᔪᐊᖑᖃᑎᒥᓂᑦ ᓯᕗᓪᓕᕐᓂᑦ ᐊᑦᔨᒋᔭᐅᓐᖏᓚᖅ, ᖁᓕᓂᑦ ᓇᒡᔪᖃᕐᑐᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:3

ᓱᓕ ᓴᖅᑭᑦᑐᖃᕆᕗᖅ ᑕᑯᓕᒪᓇᖏᑦᑐᒥᒃ ᕿᓚᖕᒥ; ᑕᑯᒋᓪᓗ ᐊᐅᐸᕐᑐᒥᒃ ᑐᕌᒎᓂᒥᒃ ᐊᖏᔪᕐᔪᐊᕐᒥᒃ ᓴᖅᑭᑦᑐᖃᕐᐳᖅ, ᓂᐊᖁᖃᕐᑐᒥᒃ 7ᓂᒃ ᖁᓕᓂᒡᓗ ᓇᒡᔪᖃᕐᑐᒥᒃ, ᐊᖓᔪᖅᑳᕐᓯᐅᑎᓂᒡᓗ ᓂᐊᖁᓕᒫᖏᑦ ᓂᐊᖂᓯᕐᓯᒪᓪᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:1

ᐆᒪᔪᐊᓗᖕᒥᒡᓗ ᑕᑯᕗᖓ ᐃᒪᕕᖕᒥᑦ ᖃᑭᔪᒥᒃ, ᖁᓕᓂᒃ ᓇᒡᔪᖃᕐᑐᒥᒃ 7ᓂᒡᓗ ᓂᐊᖁᖃᕐᓗᓂ, ᓇᒡᔪᖏᓪᓗ ᐊᑐᓂᑦ ᐊᖓᔪᖅᑳᕐᔪᐊᕐᓯᐅᑎᓂᒃ ᓂᐊᖂᑎᖃᕐᐳᑦ, ᓂᐊᖁᖏᓐᓂᓗ ᑎᑎᕋᕐᓯᒪᔪᖃᕐᐳᖅ ᒎᑎᒥᒃ ᐅᖃᕐᓂᕐᓘᑎᖃᕐᑐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:12

“ᓇᒡᔪᐃᓪᓗ ᖁᓖᑦ ᑕᑯᔭᑎᑦ ᐊᖓᔪᖅᑳᕐᔪᐊᖑᕗᑦ ᖁᓕᑦ ᓱᓕ ᐊᖓᔪᖅᑳᕐᔪᐊᓐᖑᓚᐅᖏᑦᑐᑦ, ᑭᓯᐊᓂᓕ ᐱᔪᓐᓇᕐᓯᑎᑕᐅᔪᒫᕐᐳᑦ ᐊᖓᔪᖅᑳᕐᔪᐊᖑᖁᓪᓗᒋᑦ ᐃᑲᕐᕋᕐᒥᒃ ᐊᑕᐅᓯᕐᒥᒃ, ᐊᐅᓚᑦᓯᖃᑎᖃᕐᓗᑎᒃ ᐆᒪᔪᐊᓗᖕᒥᒃ.