ᑖᓂᐊᓕᐅᑉ ᐊᒡᓚᖏᑦ 2:40 - ᐊᒡᓔᑦ ᐃᑦᔪᕐᖕᓁᑦᑐᑦ

⁴⁰ ᑭᖑᓪᓕᕐᐹᒥᒃ, ᓯᑕᒪᖓᑦ ᐊᖓᔪᖅᑲᐅᕖᑦ ᓴᖅᑭᑦᓱᒫᕐᐳᖅ, ᓴᕕᕋᔭᒃᑎᑐᑦ ᓴᓐᖏᔫᑎᒋᓗᓂ, ᓴᕕᕋᔭᒃ ᓱᓇᑐᐃᓐᓇᕐᓂᒃ ᓱᕋᒃᓯᔪᓐᓇᕐᒪᑦ ᓯᖁᒥᑦᓯᔪᓐᓇᕐᓗᓂᓗ; ᑍᒫᒃ ᓴᕕᕋᔭᒃ ᓯᖁᑦᑎᕆᖕᒪᑦ, ᑍᒫᒃᑕᐅᖅ ᑖᓐᓇ ᐊᓯᒥᓂᒃ ᓯᖁᑦᑎᕆᔪᒫᕆᕗᖅ.

ᑖᓂᐊᓕᐅᑉ ᐊᒡᓚᖏᑦ 2:40 Iomraidhean Croise

ᔫᐱᐅᑉ ᐊᒡᓚᖏᑦ 9:17

ᐊᓄᕆᕐᔪᐊᒥᒃ ᑎᑭᑎᑦᓯᕗᖅ ᐋᓐᓂᕐᑕᐅᖁᓪᓗᖓ, ᐃᑭᓕᕐᑕᐅᓂᒃᑲ ᐅᓄᕐᓯᒋᐊᕐᓗᒋᑦ ᓱᓇᒥᒃ ᐱᑦᔪᑎᒃᓴᖃᕋᓂ;

ᔨᕆᒤᐊᐅᑉ ᐊᒡᓚᖏᑦ 15:12

ᐃᓄᒃ ᓱᕅᔪᓐᓇᕐᐹ? ᓴᕕᕋᔮᓗᖕᒥᒃ ᑲᓐᓄᔭᒥᒃ ᐃᓚᖃᕐᑐᒥᒃ? ᐅᓐᓄᐊᓪᓗᐊᑉ ᓇᓛᓂᒥᐅᓂᑦ ᐱᓯᒪᔪᒥᒃ?

ᑖᓂᐊᓕᐅᑉ ᐊᒡᓚᖏᑦ 2:33

ᓂᐅᖏᒃ ᓴᕕᕋᔭᖕᒥᒃ ᓴᓇᓯᒪᓪᓗᑎᒃ, ᐃᑎᒐᖏᓪᓗ ᓴᕕᕋᔭᐅᓪᓗᑎ ᐃᓚᖓᓗ ᔭᕐᕋᐅᓪᓗᓂ.

ᑖᓂᐊᓕᐅᑉ ᐊᒡᓚᖏᑦ 2:39

ᑭᖑᓂᕐᓂ ᐊᖓᔪᖅᑲᐅᕕᒃ ᒪᑭᑦᓱᒫᕐᒪᑦ ᐃᕝᕕᑦ ᐊᖓᔪᖅᑲᐅᕕᖕᒐᓂᑦ ᓴᓐᖐᑦᑑᓂᕐᓴᖅ, ᓱᓕ ᐱᖓᔪᖓᑦ ᑭᖑᓂᒃᑲᓐᓂᕐᓂ, ᖃᑯᕐᓕᒃ, ᐊᖓᔪᖅᑳᕐᔪᐊᖑᔪᒫᕐᐳᖅ ᓄᓇᕐᔪᐊᓕᒫᒧᑦ.

ᑖᓂᐊᓕᐅᑉ ᐊᒡᓚᖏᑦ 2:41

ᑕᑯᓚᐅᕋᕕᑦ ᐃᓄᓐᖑᐊᑉ ᐃᑎᒐᖏᑦ ᐃᓄᒐᓐᖑᐊᖏᓪᓗ ᒪᕐᕋᓕᐅᕐᑎᒧᑦ ᔭᕐᕋᓕᐊᕆᔭᐅᓯᒪᖕᒪᑕ ᐃᓚᖏᑦ ᓴᕕᕋᔭᐅᓪᓗᑎᒃ, ᑍᒫᒃᑕᐅᖅ ᑖᓐᓇ ᐊᖓᔪᖅᑲᐅᕕᒃ ᐊᕕᒃᑐᕈᒫᕐᐳᖅ; ᑭᓯᐊᓂᓕ ᐃᓚᖃᕈᒫᕐᐳᖅ ᓴᕕᕋᔭᐅᑉ ᓴᖏᓂᖓᓂᒃ, ᑍᒫᒃ ᑕᑯᓚᐅᕋᕕᐅᒃ ᓴᕕᕋᔭᒃ ᔭᕐᕋᕐᒥᒃ ᐃᓚᓯᒪᔪᖅ.

ᑖᓂᐊᓕᐅᑉ ᐊᒡᓚᖏᑦ 7:7

“ᓱᓕ, ᐅᓐᓄᐊᒥ ᑕᑯᑎᑕᐅᓪᓗᖓ ᑕᑯᒋᕗᖓ ᐆᒪᔪᐊᓗᐃᑦ ᓯᑕᒪᖓᓐᓂᒃ, ᑲᑉᐱᐊᓇᕐᑑᓪᓗᓂ ᓯᕘᕋᓇᕐᑐᖅ ᓴᓐᖏᔪᕐᔪᐊᖑᓪᓗᓂᓗ, ᑭᒍᑎᖃᕐᐳᖅ ᓴᕕᕋᔭᖕᓂᒃ ᐊᖏᔪᐊᓗᖕᓂᒃ; ᖃᖅᑯᐊᕐᐳᖅ ᓂᕆᓪᓗᓂᓗ ᓵᓚᒋᔭᒥᓂᒃ, ᑐᓪᓕᕋᕐᐰᓪᓗ ᐊᒥᐊᒃᑯᓂ. ᐆᒪᔪᕐᔪᐊᖑᖃᑎᒥᓂᑦ ᓯᕗᓪᓕᕐᓂᑦ ᐊᑦᔨᒋᔭᐅᓐᖏᓚᖅ, ᖁᓕᓂᑦ ᓇᒡᔪᖃᕐᑐᖅ.

ᑖᓂᐊᓕᐅᑉ ᐊᒡᓚᖏᑦ 8:24

ᑖᑦᓱᒪ ᐱᔪᓐᓇᕐᓂᖓ ᓴᓐᖏᔪᕐᔪᐊᖑᓕᕈᒫᕐᐳᖅ, ᓇᖕᒥᓂᖅ ᐱᔪᓐᓇᕐᓂᕐᒥᓅᖏᑦᑐᖅ: ᑖᓐᓇ ᐊᖏᔪᐊᓗᖕᒥᒃ ᓵᓚᖃᕈᒫᕐᐳᖅ, ᖃᓄᐃᓕᐅᕋᓱᐊᕐᑕᒥᓂᒃ ᑕᒤᓐᓂᒃ ᑲᔪᓯᓗᓂ, ᓱᓇᐅᔪᓐᓁᕐᑎᑦᓯᔪᒫᕐᐳᖅ ᐊᔪᖏᑦᑐᕐᔪᐊᖁᑕᐅᔪᓂᒃ ᐃᓄᖕᓂᒡᓗ ᐃᑦᔪᕐᓁᑦᑐᓂᒃ.

ᑖᓂᐊᓕᐅᑉ ᐊᒡᓚᖏᑦ 9:26

ᓇᓪᓕᐅᓐᓃᑦ 62 7ᐃᕐᑐᕐᓯᒪᔪᑦ ᐊᓂᒍᕐᐸᑕ ᐅᕐᓱᒧᑦ ᒥᖑᐊᕐᑕᐅᓯᒪᔪᖅ ᑐᖁᑕᐅᔪᒫᕐᐳᖅ ᐃᒻᒥᓂᒃ ᐱᑦᔪᑎᒋᓇᓂ: ᐊᖓᔪᖅᑳᕐᓗ ᑎᑭᑦᓱᒫᕐᐳᖅ ᐃᒡᓗᒐᓮᑦ ᓱᕋᒃᑎᕐᓗᒋᑦ ᐃᑦᔪᕐᓁᑦᑐᕕᒡᓗ. ᐃᓱᐊ ᑕᕝᕙ ᓇᓪᓕᐅᑎᔪᒫᕐᐳᖅ ᓄᓇᑐᑦ ᖄᒥᑦᑐᒥᑦ ᑎᑭᑕᐅᔪᑐᑦ; ᐅᓇᑕᕐᓂᕐᓗ ᑲᔪᓰᓐᓇᕈᒫᕐᐳᖅ ᐃᓱᐊᓄᑦ, ᑲᑉᐱᐊᓇᕐᑐᑦ ᐊᑐᕈᒫᕐᓂᖏᑦ ᐋᖅᑭᒃᑕᐅᔭᕇᕐᒪᑕ.

ᐂᒨᓯᐅᑉ ᐊᒡᓚᖏᑦ 1:3

ᐊᑕᓂᖅ ᐃᒫᒃ ᐅᖃᕐᐳᖅ: “ᐱᖓᓱᑦ ᑕᒫᓯᑰᓯᐅᑉ ᐊᔪᕐᑐᓕᓂᖏᑦ ᐱᓪᓗᒋᑦ, ᓯᑕᒪᖓᓪᓕ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᒋᓕᐊᑎᒥᐅᓂᒃ ᑐᓪᓕᕋᕐᓯᒪᓂᖏᑦ ᐱᓪᓗᒋᑦ, ᑐᓪᓕᕅᑦᔪᑎᓄᑦ ᓴᕕᕋᔭᓕᖕᓄᑦ.

ᔪᐊᓇᓯᐅᑉ ᐊᒡᓚᖏᑦ 11:48

ᑲᒪᒋᖏᓪᓗᒍ ᐃᓱᒪᕐᓱᕐᑎᓐᓂᐊᕈᑦᑎᒍ, ᑕᕝᕙ ᐃᓄᓕᒫᑦ ᐅᒃᐱᓕᕐᓂᐊᕐᐳᑦ ᑖᑦᓱᒧᖓ, ᕉᒪᒥᐅᓪᓗ ᐅᕙᑦᑎᓐᓄᑦ ᕾᓗᑎᒃ ᐊᓯᕈᐃᔪᒫᕐᐳᑦ ᑐᒃᓯᐊᕐᕕᒡᔪᐊᑦᑎᓐᓂᒃ ᐃᓄᖁᑎᑦᑎᓐᓂᒡᓗ.”