ᑖᓂᐊᓕᐅᑉ ᐊᒡᓚᖏᑦ 2:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ “ᐊᖓᔪᖅᑳᕐᔪᐊᖅ ᓯᓂᒃᑎᓪᓗᑎᑦ, ᐃᓱᒤᑦ ᓴᖅᑭᕝᕕᐅᓚᐅᕐᐳᖅ ᓯᕗᓂᕐᒥ ᐱᔪᒫᕐᑐᓂᒃ, ᓇᓗᓇᕐᑐᓂᒃ ᓇᓗᓁᕐᓯᔪᓐᓇᕐᑑᑉ ᑕᑯᑎᓚᐅᕐᐹᑎᑦ ᓱᔪᖃᕈᒫᕐᒪᖔᑦ.

ᑖᓂᐊᓕᐅᑉ ᐊᒡᓚᖏᑦ 2:29 Iomraidhean Croise

ᒨᓯᓯ ᓯᕗᓪᓖᑦ 41:25

ᑕᕝᕙ ᔫᓯᐱ ᐅᖃᕐᐳᖅ ᐰᕉᒧᑦ, “ᐰᕉᑉ ᓯᓐᓇᒃᑐᕐᓯᒪᔭᖏᑦ ᑖᒃᑯᐊᑦᓮᓐᓇᐅᕗᑦ ᐊᑕᐅᓯᐅᓪᓗᑎᒃ; ᒎᑎ ᓇᓗᓁᕐᓯᕗᖅ ᐰᕉᒧᑦ ᖃᓄᐃᓕᐅᕐᓂᐊᓕᕐᓂᕐᒥᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 38:10

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑖᓐᓇ ᐅᓪᓗᖅ ᓇᓪᓕᐅᑎᒃᐸᑦ ᐃᓱᒪᒧᑦ ᑎᑭᑕᐅᔪᒫᕐᐳᑎᑦ, ᐱᐅᖏᑦᑐᒥᒃ ᐱᓇᓱᐊᕈᒪᓗᑎᑦ.

ᑖᓂᐊᓕᐅᑉ ᐊᒡᓚᖏᑦ 2:22

ᓇᓗᓁᕐᓯᕙᒃᐳᖅ ᐃᑎᔪᓂᒃ ᐃᔨᕐᓯᒪᔪᓂᒡᓗ; ᑖᕐᑐᒦᑦᑐᑦ ᖃᐅᔨᒪᕔᑦ, ᖃᐅᒪᔫᓪᓗ ᐃᓂᒋᕚ.

ᑖᓂᐊᓕᐅᑉ ᐊᒡᓚᖏᑦ 2:23

ᖁᔭᒋᕙᒋᑦ ᓂᕐᑐᕐᐸᒋᓪᓗ, ᓯᕗᓕᕕᓂᕐᒪ ᒎᑎᖓ, ᓯᓚᑐᓂᕐᒥᒃ ᐱᔪᓐᓇᕐᓂᕐᒥᒡᓗ ᑐᓂᓯᕕᒋᒐᕕᖓ; ᖃᐅᔨᑎᒃᑲᕕᖓᓗ ᐊᐱᖅᑯᑎᒋᔭᑦᑎᓐᓂᒃ ᐃᓕᖕᓄᑦ, ᐊᖓᔪᖅᑳᕐᔪᐊᑉ ᓯᓐᓇᒃᑐᕕᓂᖓᓂᒃ ᑐᑭᓯᑎᒃᑲᑦᑎᒍᑦ.”

ᑖᓂᐊᓕᐅᑉ ᐊᒡᓚᖏᑦ 2:28

ᒎᑎᑕᖃᕐᐳᕐᓕ ᕿᓚᖕᒥ ᓇᓗᓇᕐᑐᓂᒃ ᓴᖅᑭᑎᑦᓯᔪᓐᓇᕐᑐᒥᒃ, ᑖᑦᓱᒪ ᐊᖓᔪᖅᑳᕐᔪᐊᖅ ᓂᐱᑯᓁᓴ ᖃᐅᔨᑎᑉᐹ ᐅᓪᓗᓂ ᐱᔪᒫᕐᑐᓂᒃ ᓱᔪᖃᕈᒫᕐᒪᖔᑦ. ᓯᓐᓇᒃᑐᐃᑦ ᑕᑯᑎᑕᐅᓃᓪᓗ ᐃᓱᒪᒃᑯᑦ ᐃᓕᖕᓅᓚᐅᕐᑐᑦ ᓯᓂᒃᑎᓪᓗᑎᑦ ᐃᒫᒃ ᑐᑭᖃᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 2:45

ᑖᓐᓇ ᑕᕝᕙ ᐅᔭᕋᒃᔪᐊᑉ ᑐᑭᖓ, ᑕᑯᓚᐅᕐᑍᑦ ᐲᕐᑕᐅᔪᖅ ᖃᖅᑲᒥ ᐃᓅᑉ ᐊᒡᒐᖏᓐᓅᖏᑦᑐᖅ, ᓯᖁᒥᑦᓯᓚᐅᕐᑐᖅ ᓴᕕᕋᔭᖕᒥᒃ, ᖃᑯᕐᓕᕐᒥᒡᓗ, ᔭᕐᕋᕐᒥᒡᓗ, ᓯᐅᓪᕕᕆᒥᒡᓗ, ᒎᓗᒥᒡᓗ. ᒎᑎᓪᓚᕆᐊᓘᑉ ᐊᖓᔪᖅᑲᕐᔪᐊᖅ ᑕᑯᑎᓚᐅᕐᐹ ᓯᕗᓂᒃᓴᒥ ᐱᔪᒫᕐᑐᓂᒃ: ᓯᓐᓇᒃᑐᕆᔧᑦ ᓱᓕᔪᖅ ᑐᑭᖓᓗ ᐅᒃᐱᕆᔭᒃᓴᐅᓪᓗᓂ.”

ᑖᓂᐊᓕᐅᑉ ᐊᒡᓚᖏᑦ 2:47

ᐊᖓᔪᖅᑳᕐᔪᐊᕐᓗ ᐅᖃᕐᐳᖅ ᑖᓂᐊᓕᒧᑦ, “ᓱᓕᔪᒥᒃ ᒎᑏᑦ ᒎᑎᓄᑦ ᒎᑎᒋᔭᐅᕗᖅ, ᐊᑕᓂᐅᓪᓗᓂᓗ ᐊᖓᔪᖅᑳᕐᔪᐊᓄᑦ, ᓇᓗᓇᕐᑐᓂᒃ ᓴᖅᑭᑎᑦᓯᔪᓐᓇᕐᑐᖅ, ᖃᐅᔨᑦᔪᑎᒐ ᑕᕝᕙ ᓇᓗᓇᕐᑐᒥ ᑕᒪᑐᒥᖓ ᖃᐅᔨᑎᑕᐅᒐᕕᑦ.”

ᐂᒨᓯᐅᑉ ᐊᒡᓚᖏᑦ 4:13

ᑕᑯᒋᑦ, ᖃᖅᑲᓂᒃ ᓴᓇᓚᐅᕐᑐᖅ, ᐊᓄᕆᒥᒡᓗ ᐱᓐᖑᕐᑎᑦᓯᓚᐅᕐᑐᖅ, ᐃᓄᖕᒧᓪᓗ ᓇᓗᓁᕐᓯᓚᐅᕐᑐᖅ ᐃᓱᒪᒋᔭᒥᓂᒃ, ᐅᓪᓛᒥᒡᓗ ᑖᕐᓯᑎᑦᓯᓚᐅᕐᑐᖅ, ᓄᓇᕐᔪᐊᓪᓗ ᐳᕐᑐᓂᕐᐹᖏᓐᓂᒃ ᑐᓪᓕᕋᕐᑐᖅ ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑦ ᒎᑎᒥᒃ ᐊᑎᖃᕐᐳᖅ.”