ᑖᓂᐊᓕᐅᑉ ᐊᒡᓚᖏᑦ 2:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᒎᑎᑕᖃᕐᐳᕐᓕ ᕿᓚᖕᒥ ᓇᓗᓇᕐᑐᓂᒃ ᓴᖅᑭᑎᑦᓯᔪᓐᓇᕐᑐᒥᒃ, ᑖᑦᓱᒪ ᐊᖓᔪᖅᑳᕐᔪᐊᖅ ᓂᐱᑯᓁᓴ ᖃᐅᔨᑎᑉᐹ ᐅᓪᓗᓂ ᐱᔪᒫᕐᑐᓂᒃ ᓱᔪᖃᕈᒫᕐᒪᖔᑦ. ᓯᓐᓇᒃᑐᐃᑦ ᑕᑯᑎᑕᐅᓃᓪᓗ ᐃᓱᒪᒃᑯᑦ ᐃᓕᖕᓅᓚᐅᕐᑐᑦ ᓯᓂᒃᑎᓪᓗᑎᑦ ᐃᒫᒃ ᑐᑭᖃᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 2:28 Iomraidhean Croise

ᒨᓯᓯ ᓯᕗᓪᓖᑦ 40:8

ᑖᒃᑯᐊᒃ ᑭᐅᕘᒃ, “ᐊᑐᓂᑦ ᓯᓐᓇᒃᑑᒪᖅᑲᐅᕗᒍᒃ, ᓇᓪᓕᐊᓐᓂᒡᓘᓐᓃᓪᓕ ᑐᑭᓯᑎᑕᐅᔪᓐᓇᓐᖏᓚᒍᒃ.” ᔫᓯᐱᐅᓪᓗ ᐅᖃᐅᑎᕚᒃ, “ᒎᑎ ᑭᓯᒥ ᑐᑭᓯᑎᑦᓯᔪᓐᓇᕐᑐᑑᕗᖅ, ᐅᖃᐅᑎᓚᐅᕐᓯᓐᖓ ᑖᒃᑯᓂᖓ.”

ᒨᓯᓯ ᓯᕗᓪᓖᑦ 41:16

ᔫᓯᐱᐅᑉ ᐰᕉ ᑭᐅᕚ ᐅᖃᕐᓗᓂ, “ᐅᕙᖓᐅᖏᑦᑐᖅ; ᒎᑎᐅᓪᓕ ᐰᕉ ᑐᑭᓯᑎᓐᓂᐊᕐᐹ ᑐᑭᓯᔪᒪᔭᖓᓂᒃ.”

ᒨᓯᓯ ᓯᕗᓪᓖᑦ 41:25

ᑕᕝᕙ ᔫᓯᐱ ᐅᖃᕐᐳᖅ ᐰᕉᒧᑦ, “ᐰᕉᑉ ᓯᓐᓇᒃᑐᕐᓯᒪᔭᖏᑦ ᑖᒃᑯᐊᑦᓮᓐᓇᐅᕗᑦ ᐊᑕᐅᓯᐅᓪᓗᑎᒃ; ᒎᑎ ᓇᓗᓁᕐᓯᕗᖅ ᐰᕉᒧᑦ ᖃᓄᐃᓕᐅᕐᓂᐊᓕᕐᓂᕐᒥᓂᒃ.

ᒨᓯᓯ ᓯᕗᓪᓖᑦ 49:1

ᑕᕝᕙ ᔧᑰᑉ ᐃᕐᓂᓂ ᐃᒻᒥᓄᑦ ᕾᖁᕔᑦ, ᐅᖃᐅᑎᓪᓗᒋᓪᓗ, “ᐃᓕᑦᓯᓐᓄᑦ ᑲᑎᓚᐅᕆᑦᓯ, ᓯᕗᓂᒃᓴᑦᓯᓐᓂ ᐃᓕᑦᓯᓐᓄᑦ ᐊᑑᑎᔪᒫᕐᑐᓂᒃ ᐅᖃᐅᑎᓂᐊᕋᑦᓯ.

ᐃᓐᖏᕈᑎᑦ 115:3

ᒎᑎᕗᓪᓕ ᕿᓚᖕᒦᑉᐳᖅ; ᐱᓇᓱᐊᓲᖑᑦᓱᓂᓗ ᐱᓇᓱᐊᕈᒪᔭᒥᓂᒃ.

ᐂᓮᐊᓯᐅᑉ ᐊᒡᓚᖏᑦ 2:2

ᐅᓪᓗᐃᑦ ᑭᖑᓪᓕᖏᓐᓂ ᐱᔪᖃᕈᒫᕐᐳᖅ ᖃᖅᑲᖅ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᑕ ᐃᓂᖓ ᐳᕐᑐᓂᕐᐸᐅᓕᕈᒫᕐᐳᖅ ᖃᖅᑲᓂᑦ, ᐱᖑᓕᒫᓂᓪᓗ ᐃᓅᖃᑎᒌᒡᔪᐊᓪᓗ ᓇᑭᑐᐃᓐᓈᕐᓯᒪᔪᑦ ᑕᕝᕗᖓ ᐂᔪᒫᕐᐳᑦ ᑰᒃᑐᑎᑐᑦ,

ᔨᕆᒤᐊᐅᑉ ᐊᒡᓚᖏᑦ 10:7

ᑭᓇᓕ ᓯᕘᕋᖏᑦᑑᔪᓐᓇᕐᐹ ᐃᓕᖕᓃᒃ? ᐊᖓᔪᖅᑳᕐᔪᐊᖑᔪᑎᑦ ᐃᓅᖃᑎᒌᒡᔪᐊᓄᑦ ᓂᕐᑐᕐᑕᐅᔪᒃᓴᐅᕗᑎᑦ; ᓯᓚᑐᔪᕐᔪᐊᓕᒫᑦ ᐃᓅᖃᑎᒌᒡᔪᐊᓂ ᐊᖓᔪᖅᑲᐅᕕᓕᒫᓪᓗ ᑲᑎᓪᓗᒋᑦ ᐃᓕᒃᑐᑦ ᑍᒤᑦᑐᕐᑕᖃᓐᖏᓚᑦ.

ᔨᕆᒤᐊᐅᑉ ᐊᒡᓚᖏᑦ 30:24

ᐊᑕᓂᐅᑉ ᓂᓐᖓᕕᒡᔪᐊᕐᓂᖓ ᓴᖑᑦᔮᖏᒻᒪᑦ ᐱᓂᐊᕈᒪᔭᒥᓂᒃ ᐱᔭᕇᓚᐅᖏᓐᓂᓕᒫᒥᓂ, ᐅᓪᓗᐃᑦ ᑭᖑᓪᓕᖏᓐᓂ ᑕᒪᓐᓇ ᑐᑭᓯᔪᒫᕐᐸᓯ.

ᔨᕆᒤᐊᐅᑉ ᐊᒡᓚᖏᑦ 48:47

“ᑭᓯᐊᓂᓕ ᑍᒤᒐᓗᐊᕐᑎᓪᓗᒍ ᒧᐊᐱᒥᐅᑦ ᐱᔪᓐᓇᕐᓯᑎᑦᓯᐊᕈᒫᕆᕙᒃᑲ ᐅᓪᓗᓂ ᕾᔪᒫᕐᑐᓂ, ᐊᑕᓂᖅ ᐅᖃᕐᐳᖅ, ᑕᒪᓐᓇ ᒧᐊᐱᒥᐅᑦ ᐃᖅᑲᕐᑐᕐᑕᐅᓂᖓᑕ ᐃᓱᒋᕚ.”

ᐃᓯᑭᐊᓕᐅᑉ ᐊᒡᓚᖏᑦ 28:3

ᓯᓚᑐᓂᕐᓴᐅᒐᓗᐊᕐᐳᑎᑦ ᑖᓂᐊᓕᒥᑦ; ᐃᓕᖕᓄᑦ ᓇᓗᓇᕐᑐᖃᖏᒻᒪᑦ;

ᐃᓯᑭᐊᓕᐅᑉ ᐊᒡᓚᖏᑦ 38:16

ᐃᓄᖁᑎᒃᑲ ᐃᓴᕆᐊᓕᒥᐅᑦ ᐅᓇᑕᕆᐊᕈᒫᕐᐸᓯ, ᓄᕗᔭᒧᑦ ᓄᓇ ᐅᓕᒃᑕᐅᔪᑎᑐᑦ ᑍᒤᑦᓱᒫᕐᐸᓯ. ᑖᒃᑯᓇᓂ ᐅᓪᓗᐃᑦ ᑭᖑᓪᓕᖏᓐᓂ ᑎᓕᔪᒫᕐᐸᒋᑦ ᑎᒍᓯᔭᕐᑐᕐᑎᓪᓗᓯ ᓄᓇᖁᑎᓐᓂᒃ, ᐃᓅᖃᑎᒌᒡᔪᐊᑦ ᖃᐅᔨᓕᖁᓪᓗᒋᑦ ᐅᕙᓐᓂᒃ, ᐃᓕᖕᓂᒃ ᐊᑐᕐᓗᖓ ᒑᒡ, ᐃᑦᔪᕐᓁᑦᑑᓂᕋ ᖃᐅᔨᔭᐅᑎᑦᓱᒫᕐᐸᕋ ᑖᒃᑯᐊ ᑕᒃᑯᐊᓂ.

ᐃᓯᑭᐊᓕᐅᑉ ᐊᒡᓚᖏᑦ 38:8

ᐅᓪᓗᐃᑦ ᐅᓄᕐᑐᑦ ᓈᒃᐸᑕ ᐅᓇᑕᕆᐊᖁᔪᒫᕋᒃᑭᑦ; ᐊᕐᕌᒎᓛᕐᑐᓂ ᐅᓇᑕᕆᐊᖁᔪᒫᕋᒃᑭᑦ ᐅᓇᑕᕋᓱᒍᓐᓃᕐᑐᓂᒃ, ᐃᓴᕆᐊᓕᒥᐅᑦ ᖃᖅᑲᖏᓐᓂᕐᒥᐅᓂᒃ ᑲᑎᕐᓱᕐᓯᒪᔪᓂᒃ ᐃᓅᖃᑎᒌᒡᔪᐊᓂᑦ, ᐊᑯᓂ ᓱᓇᐅᔪᓐᓃᕐᓯᒪᔪᓂᒃ; ᐃᓄᖃᕐᑐᓂᒃ ᐃᓅᖃᑎᒌᒡᔪᐊᓂᓐᖔᕐᓯᒪᔪᓂᒃ ᒫᓐᓇᓗ ᐃᓂᓪᓚᑦᑎᐊᕐᓯᒪᓕᕐᑐᓂᒃ, ᑖᒃᑯᓂᖓᓕᒫᖅ.

ᑖᓂᐊᓕᐅᑉ ᐊᒡᓚᖏᑦ 1:20

ᓯᓚᑐᓂᕐᓂᒃ ᑐᑭᓯᐅᒪᓂᕐᓂᒡᓗ ᐊᖓᔪᖅᑳᕐᔪᐊᑉ ᐊᐱᖁᑎᒋᔭᖏᓐᓂᒃ, ᖁᓖᕐᓱᓪᓗᐊᕐᓗᑎᒃ ᖃᐅᔨᒪᓂᕐᓴᐅᓚᐅᕐᐳᑦ ᐊᖓᒃᑯᓂᑦ ᓇᓚᐅᑦᑍᔪᓐᓇᕐᑐᓂᓪᓗ ᐊᖓᔪᖅᑳᕐᔪᐊᑉ ᐊᖓᔪᖅᑲᐅᕕᒋᔭᓕᒫᖓᓂ.

ᑖᓂᐊᓕᐅᑉ ᐊᒡᓚᖏᑦ 10:14

ᒫᓐᓇᓕ ᕾᕗᖓ ᓇᓗᓁᕐᓯᕕᒋᔭᕐᑐᕐᓗᑎᑦ ᐃᓅᖃᑎᑎᑦ ᐅᓪᓗᐃᑦ ᑭᖑᓪᓕᖏᓐᓂ ᖃᓄᐃᓕᖓᔪᒫᕐᒪᖔᑕ, ᑕᑯᑎᑦᔪᑦ ᑕᒪᓐᓇ ᓇᓪᓕᐅᑎᔪᒫᕐᒪᑦ ᓯᕗᓂᒃᓴᒥ.”

ᑖᓂᐊᓕᐅᑉ ᐊᒡᓚᖏᑦ 2:18

ᑖᒃᑯᐊ ᒎᑎᒧᑦ ᕿᓚᖕᒦᑦᑐᒧᑦ ᓂᑲᒋᔭᐅᔪᒪᓪᓗᑎᒃ ᑐᒃᓯᐊᖁᕔᑦ ᑕᒪᓐᓇ ᓇᓗᓇᕐᑐᖅ ᐱᑦᔪᑎᒋᓪᓗᒍ; ᑖᓂᐊᓕ ᐃᓚᓐᓇᕆᔭᓂᓗ ᑐᖁᑕᐅᖃᑕᐅᔪᒪᓇᑎᒃ ᐹᐱᓘᓂᒥᐅᑦ ᓯᓚᑐᔪᖁᑎᓕᒫᖏᑦ ᐃᓚᒋᓗᒋᑦ.

ᑖᓂᐊᓕᐅᑉ ᐊᒡᓚᖏᑦ 2:22

ᓇᓗᓁᕐᓯᕙᒃᐳᖅ ᐃᑎᔪᓂᒃ ᐃᔨᕐᓯᒪᔪᓂᒡᓗ; ᑖᕐᑐᒦᑦᑐᑦ ᖃᐅᔨᒪᕔᑦ, ᖃᐅᒪᔫᓪᓗ ᐃᓂᒋᕚ.

ᑖᓂᐊᓕᐅᑉ ᐊᒡᓚᖏᑦ 2:44

ᑖᒃᑯᐊ ᐊᖓᔪᖅᑳᕐᔪᐊᑦ ᑭᖑᓕᕇᒃᑕᕐᓗᑎᒃ ᐊᖓᔪᖅᑲᐅᑎᓪᓗᒋᑦ, ᒎᑎ ᕿᓚᖕᒦᑦᑐᖅ ᐊᖓᔪᖅᑲᐅᕕᓕᐅᕈᒫᕆᕗᖅ ᓯᖁᒥᑕᐅᓂᐊᖏᑦᑐᒥᒃ, ᐃᓄᐃᓪᓗ ᐊᓯᖏᓐᓄᑦ ᐱᔭᐅᓂᐊᖏᑦᑐᒥᒃ. ᑖᓐᓇ ᓵᓚᖃᕈᒫᕐᐳᖅ ᐊᖓᔪᖅᑲᐅᕕᖕᓂᒃ ᐊᓯᒥᓂᒃ ᑖᒃᑯᓂᖓ ᐃᓱᓕᑎᓪᓗᒋᓪᓗ, ᐊᖓᔪᖅᑲᐅᕕᒡᓕ ᑖᓐᓇ ᐃᓱᓕᓐᓂᐊᓐᖏᓚᖅ ᐃᓱᖃᖏᑦᑐᒧᑦ.

ᑖᓂᐊᓕᐅᑉ ᐊᒡᓚᖏᑦ 2:45

ᑖᓐᓇ ᑕᕝᕙ ᐅᔭᕋᒃᔪᐊᑉ ᑐᑭᖓ, ᑕᑯᓚᐅᕐᑍᑦ ᐲᕐᑕᐅᔪᖅ ᖃᖅᑲᒥ ᐃᓅᑉ ᐊᒡᒐᖏᓐᓅᖏᑦᑐᖅ, ᓯᖁᒥᑦᓯᓚᐅᕐᑐᖅ ᓴᕕᕋᔭᖕᒥᒃ, ᖃᑯᕐᓕᕐᒥᒡᓗ, ᔭᕐᕋᕐᒥᒡᓗ, ᓯᐅᓪᕕᕆᒥᒡᓗ, ᒎᓗᒥᒡᓗ. ᒎᑎᓪᓚᕆᐊᓘᑉ ᐊᖓᔪᖅᑲᕐᔪᐊᖅ ᑕᑯᑎᓚᐅᕐᐹ ᓯᕗᓂᒃᓴᒥ ᐱᔪᒫᕐᑐᓂᒃ: ᓯᓐᓇᒃᑐᕆᔧᑦ ᓱᓕᔪᖅ ᑐᑭᖓᓗ ᐅᒃᐱᕆᔭᒃᓴᐅᓪᓗᓂ.”

ᑖᓂᐊᓕᐅᑉ ᐊᒡᓚᖏᑦ 2:47

ᐊᖓᔪᖅᑳᕐᔪᐊᕐᓗ ᐅᖃᕐᐳᖅ ᑖᓂᐊᓕᒧᑦ, “ᓱᓕᔪᒥᒃ ᒎᑏᑦ ᒎᑎᓄᑦ ᒎᑎᒋᔭᐅᕗᖅ, ᐊᑕᓂᐅᓪᓗᓂᓗ ᐊᖓᔪᖅᑳᕐᔪᐊᓄᑦ, ᓇᓗᓇᕐᑐᓂᒃ ᓴᖅᑭᑎᑦᓯᔪᓐᓇᕐᑐᖅ, ᖃᐅᔨᑦᔪᑎᒐ ᑕᕝᕙ ᓇᓗᓇᕐᑐᒥ ᑕᒪᑐᒥᖓ ᖃᐅᔨᑎᑕᐅᒐᕕᑦ.”

ᑖᓂᐊᓕᐅᑉ ᐊᒡᓚᖏᑦ 4:5

ᓯᓐᓇᒃᑐᓚᐅᕐᐳᖓ ᑲᑉᐱᐊᓱᓕᕈᑎᒋᓪᓗᒍᓗ, ᓯᓂᒃᑎᓪᓗᖓ ᓯᓂᒡᕕᓐᓂ, ᑕᑯᓚᐅᕐᐳᖓᓗ ᑕᑯᑎᑕᐅᓂᕐᓂᒃ ᑲᑉᐱᐊᓱᓕᓚᐅᕐᐳᖓᓗ.

ᕼᐆᓯᐊᑉ ᐊᒡᓚᖏᑦ 3:5

ᑕᒪᑐᒪ ᑭᖑᓂᖓᒍᑦ ᐃᓴᕆᐊᓕᒥᐅᑦ ᐃᓄᖏᑦ ᐅᑎᕈᒫᕆᕗᑦ ᕿᓂᓕᕐᓗᑎᒡᓗ ᐊᑕᓂᕐᒥᒃ ᒎᑎᒥᖕᓂᒃ, ᑍᕕᑎᒥᒡᓗ ᐊᖓᔪᖅᑳᕐᔪᐊᒥᖕᓂᒃ; ᓯᕘᕋᓕᕈᒫᕐᐳᓪᓗ ᐊᑕᓂᕐᒥᒃ ᐱᐅᔪᓂᒡᓗ ᑐᓂᕐᕈᑎᖏᓐᓂᒃ ᐱᓕᕈᒫᕐᐳᑦ ᐅᓪᓗᐃᑦ ᑭᖑᓪᓕᖏᓐᓂ.

ᐂᒨᓯᐅᑉ ᐊᒡᓚᖏᑦ 4:13

ᑕᑯᒋᑦ, ᖃᖅᑲᓂᒃ ᓴᓇᓚᐅᕐᑐᖅ, ᐊᓄᕆᒥᒡᓗ ᐱᓐᖑᕐᑎᑦᓯᓚᐅᕐᑐᖅ, ᐃᓄᖕᒧᓪᓗ ᓇᓗᓁᕐᓯᓚᐅᕐᑐᖅ ᐃᓱᒪᒋᔭᒥᓂᒃ, ᐅᓪᓛᒥᒡᓗ ᑖᕐᓯᑎᑦᓯᓚᐅᕐᑐᖅ, ᓄᓇᕐᔪᐊᓪᓗ ᐳᕐᑐᓂᕐᐹᖏᓐᓂᒃ ᑐᓪᓕᕋᕐᑐᖅ ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑦ ᒎᑎᒥᒃ ᐊᑎᖃᕐᐳᖅ.”

ᒨᓯᓯ ᓯᑕᒪᖏᑦ 24:14

ᒫᓐᓇᓕ, ᐃᓄᖁᑎᓐᓄᑦ ᐂᓂᐊᓕᕐᐳᖓ. ᕾᒋᑦ, ᐅᖃᐅᑎᓂᐊᕋᒃᑭᑦ, ᐃᓄᒋᐊᒃᑐᕐᔪᐊᑦ ᐅᑯᐊ ᐃᓄᖁᑎᖕᓄᑦ ᖃᓄᐃᓕᐅᕐᓂᐊᕐᒪᖔᑕ ᐅᓪᓗᓂ ᑭᖑᓪᓕᕐᓂ.”

ᒫᑎᐅᓯᐅᑉ ᐊᒡᓚᖏᑦ 6:9

ᑍᒤᒻᒪᑦ ᐃᒫᒃ ᑕᕝᕙ ᑐᒃᓯᐊᕐᑐᒃᓴᐅᕗᓯ: ‘ᐊᑖᑕᕗᑦ ᕿᓚᖕᒦᑦᑐᑎᑦ: ᐊᑏᑦ ᐃᑦᔪᕐᓁᑦᑐᖅ ᐃᓱᒪᒋᔭᐅᑦᓯᐊᕐᓕ;

ᒨᓯᓯ ᑕᓪᓕᒪᖏᑦ 31:19

“ᒫᓐᓇᓕ ᑍᒤᒻᒪᑦ, ᐅᓇ ᐃᓐᖏᕈᓯᖅ ᑎᑎᕋᕐᑕᒃᓴᕆᕙᑦ, ᐃᓕᓐᓂᐊᕐᑎᑦᓯᑦᔪᑎᒋᓗᒍᓗ ᐃᓴᕆᐊᓕᒥᐅᓄᑦ; ᓇᓗᓁᕐᓯᓂᐊᕐᒪᑦ ᑖᒃᑯᓂᖓ ᓈᒻᒪᒃᓴᖏᓐᓂᓐᓂᒃ.

ᒨᓯᓯ ᑕᓪᓕᒪᖏᑦ 4:30

ᐊᑲᐅᖏᑦᔪᑎᒃᓴᖃᕐᓂᕐᒧᓪᓕ ᑎᑭᐅᑎᒍᑦᓯ ᑕᒪᒃᑯᐊᓗ ᐃᓕᑦᓯᓐᓄᑦ ᑎᑭᐅᑎᒃᐸᑕ, ᑕᕝᕙ ᐊᑕᓂᕐᒧᑦ ᒎᑎᑦᓯᓐᓄᑦ ᓵᓕᑍᓐᓇᕈᒫᕐᐳᓯ ᓈᓚᓕᕐᓗᒍᓗ.

ᑎᒧᑎᒧᑦ ᐂᑉᐸᖏᑦ 3:1

ᐅᓇ ᖃᐅᔨᒪᓕᕈᒃ, ᐅᓪᓗᐃᑦ ᑭᖑᓪᓕᖏᓐᓂ ᐃᓅᓯᕐᒧᑦ ᐊᒃᓱᕈᕐᓇᕐᑐᖃᕈᒫᕐᒪᑦ.

ᐄᑉᕈᐃᓄᑦ 1:1

ᑍᑦᓱᒪᓂ ᒎᑎᐅᑉ ᓯᕗᓕᕆᓚᐅᕐᑕᕗᑦ ᐅᓄᕐᑐᐃᕐᓱᕐᓗᓂ ᐅᖃᕐᕕᒋᖃᑦᑕᓚᐅᕐᒪᒋᑦ ᓇᓚᐅᑦᑍᔪᑎᒍᑦ ᐊᑦᔨᒌᖏᑦᑐᑎᒍᑦ ᐱᓇᓱᐊᕐᓗᓂ;

ᐲᑦᑐᕉᓯ ᐂᑉᐸᖏᑦ 3:3

ᓯᕗᓪᓕᕐᒥᒃ ᐅᓇ ᑐᑭᓯᔭᕆᐊᖃᕐᐸᓯ, ᐅᓪᓗᐃᑦ ᑭᖑᓪᓕᖏᓐᓂ ᓴᖅᑭᑦᑐᖃᕈᒫᕐᒪᑦ ᒥᑕᐅᑎᒃᓴᕐᑎᓂᒃ, ᐃᒃᖠᒎᖕᓂᕐᒥᒍᑦ ᐊᐅᓚᑕᐅᔪᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:1

ᐅᑯᐊ ᓇᓗᓁᕐᓯᕗᑦ ᔩᓱᓯ ᙭ᔅᑑᓯᐅᑉ ᑕᑯᑎᑦᓯᓂᖓᓂᒃ, ᒎᑎᐅᑉ ᐱᔨᓂ ᑕᑯᑎᓚᐅᕐᐹ ᐱᔪᒫᕐᑐᒃᓴᓂᒃ ᖃᐅᔨᖁᓪᓗᒍ ᐊᑯᓂᐅᖏᑦᑐᖅ ᓇᓪᓕᐅᑎᔪᒫᓕᕐᑐᓂᒃ; ᑕᒪᒃᑯᐊ ᖃᐅᔨᒃᑲᐅᑎᒋᓚᐅᕐᐰᑦ ᐱᔨᒥᓄᑦ ᔪᐊᓇᓯᒧᑦ ᐂᖏᓕᒥᒃ ᑎᓕᓯᓪᓗᓂ.