ᑖᓂᐊᓕᐅᑉ ᐊᒡᓚᖏᑦ 2:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᓇᓗᓁᕐᓯᕙᒃᐳᖅ ᐃᑎᔪᓂᒃ ᐃᔨᕐᓯᒪᔪᓂᒡᓗ; ᑖᕐᑐᒦᑦᑐᑦ ᖃᐅᔨᒪᕔᑦ, ᖃᐅᒪᔫᓪᓗ ᐃᓂᒋᕚ.

ᑖᓂᐊᓕᐅᑉ ᐊᒡᓚᖏᑦ 2:22 Iomraidhean Croise

ᒨᓯᓯ ᓯᕗᓪᓖᑦ 41:16

ᔫᓯᐱᐅᑉ ᐰᕉ ᑭᐅᕚ ᐅᖃᕐᓗᓂ, “ᐅᕙᖓᐅᖏᑦᑐᖅ; ᒎᑎᐅᓪᓕ ᐰᕉ ᑐᑭᓯᑎᓐᓂᐊᕐᐹ ᑐᑭᓯᔪᒪᔭᖓᓂᒃ.”

ᔫᐱᐅᑉ ᐊᒡᓚᖏᑦ 12:22

ᐃᑎᔪᒦᑦᑐᑦ ᑖᕐᑐᕐᔪᐊᕐᒥ ᒪᑐᐃᕈᑎᕔᑦ; ᑖᕐᑐᕐᔪᐊᒦᑦᑐᑦ ᖃᐅᒪᔪᒧᑦ ᖃᐅᒻᒥᑕᐅᑎᓪᓗᒋᑦ.

ᔫᐱᐅᑉ ᐊᒡᓚᖏᑦ 26:6

ᑐᖁᖓᔪᑦ ᐃᓂᖓᑦ ᐊᓐᓄᕌᖃᓐᖏᓚᖅ ᒎᑎᐅᑉ ᓵᖓᓂ, ᐊᓯᕈᕐᑕᐅᓂᕐᓗ ᐅᓕᒃᓯᒪᓇᓂ ᑖᑦᓱᒪᓂ.

ᐃᓐᖏᕈᑎᑦ 104:2

ᐃᓕᖕᓂᒃ ᐅᓕᒃᓯᒪᕗᑎᑦ ᖃᐅᒪᔪᒥᒃ ᐊᓐᓄᕌᕆᓪᓗᒍ, ᕿᓚᒃ ᐃᓯᕕᑉᐸᑦ ᑐᐱᕐᑎᑐᑦ ᑖᓗᑕᕐᑎᑐᓪᓗ.

ᐃᓐᖏᕈᑎᑦ 25:14

ᐊᑕᓂᐅᑉ ᐃᔨᕐᓯᒪᔭᓂ ᖃᐅᔨᔭᐅᑎᑉᐰᑦ ᓯᕘᕋᒋᔨᒥᓄᑦ; ᐊᖏᖃᑎᒌᒍᑎᒥᓂᒡᓗ ᑕᑯᑎᓐᓂᐊᕐᐰᑦ.

ᐃᓐᖏᕈᑎᑦ 36:9

ᐃᓅᓯᕐᒥᒃ ᐳᐊᓚᔪᖅ ᐃᓕᖕᓃᒻᒪᑦ; ᖃᐅᒪᓂᕐᓂᑦ ᖃᐅᒪᔪᖅ ᑕᑯᕙᕗᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:1

ᑭᓇ ᓯᓚᑐᔪᑎᑐᑦ ᑍᒤᑉᐸ? ᖃᐅᔨᒪᔪᖅ ᓱᓇᑐᐃᓐᓁᑦ ᑐᑭᖏᓐᓂᒃ? ᐊᖑᑎᐅᑉ ᓯᓚᑐᔫᑉ ᓯᓚᑐᓂᖓᑕ ᑮᓇᖓ ᖃᐅᒪᑎᑉᐹ. ᑮᓇᖓᑕᓗ ᐃᓕᕋᓇᕐᓂᖓ ᑕᐅᑦᑐᑦᓯᐊᕆᒃᑎᑉᐹ.

ᐂᓮᐊᓯᐅᑉ ᐊᒡᓚᖏᑦ 41:22

ᓇᒃᓴᕐᓗᒋᑦ ᕾᓕᑦ ᐅᖃᐅᑎᓗᑕᓗ ᓱᔪᖃᓛᕐᒪᖔᑦ, ᐊᑐᓚᐅᕐᑐᓂᒃ ᐅᓂᒃᑲᐅᑎᑎᒍᑦ, ᓱᓇᐅᖕᒪᖔᑕ ᐃᓱᒪᒋᓂᐊᕋᑦᑎᒍ, ᖃᓄᐃᑦᑐᕕᓂᐅᖕᒪᖔᑕ ᖃᐅᔨᓂᐊᕋᑦᑕ; ᐅᕝᕙᓗ ᓱᔪᖃᓛᕐᒪᖔ ᓇᓗᓁᕐᓯᕕᒋᓗᑕ.

ᐂᓮᐊᓯᐅᑉ ᐊᒡᓚᖏᑦ 41:26

ᑭᐊ ᓇᓗᓁᓚᐅᕐᐸᐅᒃ ᐱᒋᐊᕐᓂᖓᓂᑦ? ᑕᒪᑐᒥᖓ ᖃᐅᔨᖁᓪᓗᑕ, ᐊᑐᓚᐅᕐᑎᓐᓇᒍ ᐅᖃᕈᓐᓇᖁᓪᓗᑕ, ‘ᐅᓇ ᓱᓕᔪᖅ.’ ᐃᓛᒃ, ᐱᑕᖃᓐᖏᓚᖅ ᓇᓗᓁᕐᓯᔪᓐᓇᕐᑐᒥᒃ, ᑐᓴᕐᑎᑦᓯᔪᖃᕈᓐᓇᓐᖏᓚᕐᓘᓐᓃᑦ, ᐅᖃᐅᓯᕐᑎᑦ ᑐᓴᕐᑕᐅᖏᒻᒪᑕ.

ᐂᓮᐊᓯᐅᑉ ᐊᒡᓚᖏᑦ 42:9

ᑕᑯᒋᑦ, ᐊᑐᓚᐅᕐᑐᑦ ᐊᓂᒍᕐᓯᒪᓕᕐᐳᑦ, ᒫᓐᓇᓗ ᓄᑖᓂᒃ ᓇᓗᓁᕐᓯᕕᒋᕙᑦᓯ; ᓱᓕ ᐊᑐᓕᓚᐅᕐᑎᓐᓇᒋᑦ ᐃᓕᑦᓯᓐᓄᑦ ᐅᖃᐅᓯᕆᕙᒃᑲ.”

ᐂᓮᐊᓯᐅᑉ ᐊᒡᓚᖏᑦ 45:7

ᖃᐅᒪᔪᒥᒃ ᐱᒋᐊᕐᑎᑦᓯᓚᐅᕐᐳᖓ ᑖᕐᑐᕐᓗ ᓴᖅᑭᑎᓪᓗᒍ, ᓮᒻᒪᕐᑎᑕᐅᓂᖅ ᐱᒋᐊᕐᑎᓯᒪᕙᕋ ᑲᑉᐱᐊᓇᕐᑐᒦᓐᓂᕐᓗ ᓴᖅᑭᑎᒃᑭᓪᓗᒍ, ᐅᕙᖓᐅᕗᖅ ᐊᑕᓂᖅ, ᑕᒪᒃᑯᓂᖓᓕᒫᖅ ᐱᓇᓱᐊᕐᐸᒃᑐᖅ.

ᔨᕆᒤᐊᐅᑉ ᐊᒡᓚᖏᑦ 23:24

ᐃᓄᒃ ᐃᔨᕐᓯᒪᔪᓐᓇᕐᐹ ᖃᐅᔨᒪᓇᖏᑦᑐᒧᑦ ᑕᑯᔪᓐᓇᕐᓂᐊᓐᖏᑕᓐᓂᒃ? ᐊᑕᓂᖅ ᐅᖃᕐᐳᖅ. ᓇᓂᑐᐃᓐᓈᓐᖏᓚᖔ ᕿᓚᖕᒥ ᓄᓇᒥᓗ? ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 33:3

ᑐᒃᓯᐊᕐᕕᒋᒍᕕᖓ ᑭᐅᓂᐊᕐᐸᒋᑦ, ᐅᖃᐅᑎᓗᑎᓪᓗ ᖃᐅᔨᒪᓚᐅᓐᖏᑕᕐᓂᒃ ᐅᓄᕐᑐᓂᒃ.

ᑖᓂᐊᓕᐅᑉ ᐊᒡᓚᖏᑦ 2:11

ᐊᖓᔪᖅᑳᕐᔪᐊᑉ ᐱᔪᒪᔭᖓ ᐊᔪᕐᓇᓗᐊᕐᒪᑦ. ᐊᖓᔪᖅᑳᕐᔪᐊᖅ ᑕᒪᑐᒥᖓ ᐅᖃᐅᑎᔭᐅᔪᓐᓇᓐᖏᓚᖅ ᒎᑎᑦ ᑭᓯᒥ ᑍᒤᓕᐅᕈᓐᓇᕐᐳᑦ, ᑍᒃᑯᐊᓗ ᐃᓄᖕᓂ ᐃᓂᖃᕋᑎᒃ.”

ᑖᓂᐊᓕᐅᑉ ᐊᒡᓚᖏᑦ 2:19

ᐅᓐᓄᐊᖑᑎᓪᓗᒍ ᓇᓗᓇᕐᑐᖅ ᑕᒪᓐᓇ ᓇᓗᓇᕈᓐᓃᕐᑎᑕᐅᕗᖅ ᑖᓂᐊᓕᒧᑦ ᑕᑯᑎᑕᐅᓂᒃᑯᑦ. ᑖᓂᐊᓕᐅᓪᓗ ᒎᑎ ᕿᓚᖕᒦᑦᑐᖅ ᓂᕐᑐᕐᐹ:

ᑖᓂᐊᓕᐅᑉ ᐊᒡᓚᖏᑦ 2:47

ᐊᖓᔪᖅᑳᕐᔪᐊᕐᓗ ᐅᖃᕐᐳᖅ ᑖᓂᐊᓕᒧᑦ, “ᓱᓕᔪᒥᒃ ᒎᑏᑦ ᒎᑎᓄᑦ ᒎᑎᒋᔭᐅᕗᖅ, ᐊᑕᓂᐅᓪᓗᓂᓗ ᐊᖓᔪᖅᑳᕐᔪᐊᓄᑦ, ᓇᓗᓇᕐᑐᓂᒃ ᓴᖅᑭᑎᑦᓯᔪᓐᓇᕐᑐᖅ, ᖃᐅᔨᑦᔪᑎᒐ ᑕᕝᕙ ᓇᓗᓇᕐᑐᒥ ᑕᒪᑐᒥᖓ ᖃᐅᔨᑎᑕᐅᒐᕕᑦ.”

ᑖᓂᐊᓕᐅᑉ ᐊᒡᓚᖏᑦ 5:11

ᐊᖑᒻᒥᒃ ᐱᑕᖃᕐᐳᖅ ᐊᖓᔪᖅᑲᐅᕕᖕᓂ, ᒎᑎᑦ ᐃᑦᔪᕐᓁᑦᑐᑦ ᐊᓂᕐᓂᖏᓐᓂᒃ ᐱᓯᒪᔪᒥᒃ; ᐊᑖᑍᑦ ᓂᐱᑯᓁᓴ ᐃᓅᑎᓪᓗᒍ ᖃᐅᔨᒪᓂᖃᓚᐅᕐᑐᖅ ᑐᑭᓯᐅᒪᓂᖃᕐᓗᓂᓗ ᒎᑎᑎᑐᑦ, ᐊᖓᔪᖅᑳᕐᔪᐊᖅ, ᐅᖃᕐᐳᖓ, ᐊᖓᔪᖅᑳᕐᔪᐊᑉ ᐊᑖᑕᕕᑦ ᐊᖓᔪᖅᑳᓐᖑᕐᑎᓚᐅᕐᑕᖓ ᐊᖓᒃᑯᓄᑦ, ᓇᓚᐅᑦᑍᔨᓄᓪᓗ, ᑳᓪᑎᐊᒥᓗ ᓯᓚᑐᔪᓄᑦ, ᑐᖁᖓᔪᓂᒡᓗ ᐅᖃᖃᑎᖃᕐᐸᒃᑐᓄᑦ.

ᑖᓂᐊᓕᐅᑉ ᐊᒡᓚᖏᑦ 5:14

ᑐᓴᓚᐅᕋᒪ ᒎᑎᑦ ᐊᓂᕐᓂᖏᑕᒎᖅ ᐃᓚᒋᖕᒪᑎᑦ, ᖃᐅᔨᔪᓐᓇᕋᕕᒡᒎᖅ ᐃᓱᒪᑖᕈᓇᕐᓗᑎᓪᓗ ᑐᑭᓯᔪᓐᓇᕐᓗᑎᓪᓗ ᓯᓚᑐᓂᒃᑯᑦ.

ᒫᑎᐅᓯᐅᑉ ᐊᒡᓚᖏᑦ 13:13

ᑖᒃᑯᓄᖓ ᐊᑦᔨᐅᔪᓂᒃ ᐅᖃᐅᓯᖃᖃᑦᑕᕐᐳᖓ ᐃᒤᓐᓂᖓᓄᑦ, ᑕᑯᓐᓇᕋᓗᐊᕐᓗᑎᒃ ᑕᑯᔪᓐᓇᖏᒻᒪᑕ, ᑐᓵᒐᓗᐊᕐᓗᑎᒃ ᑐᓴᕈᓐᓇᓐᖏᓚᑦ, ᑐᑭᓯᔪᓐᓇᕋᑎᒡᓗ.

ᔪᐊᓇᓯᐅᑉ ᐊᒡᓚᖏᑦ 1:9

ᓱᓕᔪᒥᒡᓕ ᖃᐅᒪᔫᕗᖅ ᑖᓐᓇ ᓯᓚᕐᔪᐊᕐᒧᑦ ᑎᑭᑦᑐᓕᒫᓂᒃ ᐃᓄᖕᓂᒃ ᖃᐅᒪᒃᓮᔪᖅ.

ᔪᐊᓇᓯᐅᑉ ᐊᒡᓚᖏᑦ 21:17

ᐱᖓᔪᐊᓐᓂᒃ ᔩᓱᓯᐅᑉ ᐅᖃᐅᑎᕚ, “ᓮᒨᓃ, ᔪᐊᓇᓯᐅᑉ ᐃᕐᓂᖓ, ᓇᒡᓕᒋᕕᖔ?” ᐲᑦᑐᕉᓯᓕ ᕿᒃᓵᓕᕐᐳᖅ ᐱᖓᔪᐊᓐᓂᒃ ᐅᖃᐅᑎᖕᒪᒍ, “ᓇᒡᓕᒋᕕᖔ?” ᑕᕝᕙ ᐅᖃᐅᑎᓕᕐᐹ, “ᐊᑕᓃᖅ, ᓱᓇᓕᒫᓂᒃ ᖃᐅᔨᒪᕗᑎᑦ; ᖃᐅᔨᒪᕙᕐᒪ ᓇᒡᓕᒋᒐᒃᑭᑦ.” ᔩᓱᓯᐅᑉ ᐅᖃᐅᑎᕚ, “ᓰᐱᖁᑎᒃᑲ ᓂᕆᑎᓐᓂᐊᒃᑭᑦ.

ᔪᐊᓇᓯᐅᑉ ᐊᒡᓚᖏᑦ 8:12

ᔩᓱᓯᐅᑉ ᐹᕆᓯᑦ ᐅᖃᐅᑎᒃᑲᓐᓂᕐᐰᑦ, “ᓯᓚᕐᔪᐊᕐᒥᐅᑦ ᖃᐅᒪᓂᕆᕚᖓ; ᐅᕙᓐᓂᒃ ᒪᓕᒃᑐᖅ ᑖᕐᑐᒥ ᐃᓅᓂᐊᓐᖏᓚᖅ, ᖃᐅᒪᔪᒥᓕ ᐃᓅᓂᐊᕐᐳᖅ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:5

ᑍᒤᒻᒪᑦ ᐃᖅᑲᕐᑐᐃᓂᐊᕋᓯ ᐃᖅᑲᕐᑐᐃᕕᒃ ᓇᓪᓕᐅᑎᖏᓐᓂᖓᓂ, ᐊᑕᓂᐅᑉ ᑎᑭᑦᓱᒫᕐᓂᖓᓂᒃ ᐅᑕᖅᑭᓕᕆᑦᓯ, ᑖᓐᓇ ᖃᐅᒪᔪᒧᑦ ᓴᖅᑭᑎᑦᓯᔪᒫᕐᒪᑦ ᒫᓐᓇ ᑖᕐᑐᒥ ᐃᔨᕐᓯᒪᔪᓂᒃ ᐃᓄᐃᓪᓗ ᐃᓗᒥᖕᓂ ᐃᓱᒪᒋᕙᒃᑕᖏᑦ ᓴᖅᑭᑎᑦᓱᒫᕐᐰᑦ. ᑕᕝᕙ ᐃᓄᓕᒫᑦ ᐊᑐᓂᑦ ᒎᑎᒧᑦ ᓈᒻᒪᒋᔭᐅᖕᒪᖔᕐᒥᒃ ᖃᐅᔨᑎᑕᐅᔪᒫᕐᐳᑦ.

ᐃᐱᓯᒥᐅᓄᑦ 3:5

ᓯᕗᓕᕕᓂᑦᑎᓐᓄᑦ ᑕᒪᓐᓇ ᓇᓗᓇᕐᑎᑕᐅᓚᐅᕐᑐᖅ ᑐᑭᓯᔭᐅᓂᖅ ᐊᔪᕐᓇᕐᑎᑕᐅᓚᐅᕐᐳᖅ ᐃᓅᑎᓪᓗᒋᑦ, ᒫᓐᓇᓕ ᓇᓗᓇᕈᓐᓃᕐᑎᑕᐅᕗᖅ ᐊᐴᓯᑕᓕᖁᑎᖏᓐᓄᑦ ᐃᑦᔪᕐᓁᑦᑐᓄᑦ ᓇᓚᐅᑦᑍᔪᓄᓪᓗ ᐊᓂᕐᓂᒃᑯᑦ.

ᒨᓯᓯ ᑕᓪᓕᒪᖏᑦ 29:28

ᐊᑕᓂᖅ ᓂᓐᖓᕕᒡᔪᐊᕐᓯᒪᓕᕐᐳᖅ, ᓂᓐᖓᐅᒪᓂᕐᒥᓄᓪᓗ ᐊᖏᔪᒧᑦ ᓄᓇᒋᔭᖏᓐᓂᑦ ᓄᓲᕋᓕᕐᐰᑦ ᐃᒋᓪᓗᓂᒋᓪᓗ ᓄᓇᖅᑲᑎᒋᓐᖏᑕᖏᓐᓄᑦ, ᒫᓐᓇᓗ ᑕᕝᕙᓃᓕᕐᐳᑦ ᐅᓪᓗᒥᒧᑦ.’

ᑎᒧᑎᒧᑦ ᓯᕗᓪᓖᑦ 6:16

ᑖᓐᓇ ᑭᓯᒥ ᑐᖁᓱᐃᑦᑑᔪᖅ ᖃᐅᒪᔪᒦᑦᑐᖅ ᑭᓇᑐᐃᓐᓇᕐᒧᑦ ᑎᑭᑕᐅᔪᓐᓇᖏᑦᑐᒥᒃ, ᑭᓇᒧᓪᓘᓐᓃᑦ ᑕᑯᔭᐅᓚᐅᕐᓯᒪᖏᑦᑐᖅ ᑕᑯᔭᐅᔪᓐᓇᖏᑦᑐᕐᓗ. ᑖᓐᓇ ᐅᐱᒋᔭᐅᓕ ᐃᓂᖃᕐᓗᓂᓗ ᐃᓱᖃᖏᑦᑐᒥ. ᐋᒥᓐ.

ᐄᑉᕈᐃᓄᑦ 4:13

ᑖᑦᓱᒪ ᓵᖓᓂ ᐱᓐᖑᕐᑎᑕᐅᓯᒪᔪᒥᒃ ᐃᔨᕐᓯᒪᔪᖃᓐᖏᓚᖅ, ᑕᒪᕐᒥᒃ ᓴᖅᑭᔮᑦᓯᐊᕐᐳᑦ ᑕᑯᒃᓴᐅᑦᓯᐊᕐᓗᑎᒃᓗ ᑖᑦᓱᒪ ᐃᔨᖏᒃᑕ ᓵᖓᓂ. ᑖᑦᓱᒧᖓ ᐅᕙᑦᑎᓐᓂᒃ ᐅᖃᐅᓯᕆᔭᕆᐊᖃᕐᐳᒍᑦ.

ᔧᒥᓯᐅᑉ ᐊᒡᓚᖏᑦ 1:17

ᑐᓂᕐᕈᑏᑦ ᐱᐅᔪᑦ ᑐᓂᕐᕈᑎᓪᓗ ᓈᒻᒪᑦᓯᐊᕐᑐᑦ ᑕᒪᕐᒥᒃ ᕿᓚᖕᒥᑦ ᐱᕗᑦ, ᖃᐅᒪᔪᒥᑦ ᐊᑖᑕᒥᑦ ᐱᕗᑦ ᑖᑦᓱᒪᓂ ᑕᕐᕋᕐᒥᒃ ᐊᓯᑦᔨᕐᐸᓪᓕᐊᔪᖃᓐᖏᓚᖅ ᐊᓯᓐᖑᕐᐸᓪᓕᐊᔪᖃᕋᓂᓗ.

ᔪᐊᓇᓯ ᓯᕗᓪᓖᑦ 1:5

ᑕᒪᑦᔭ ᐅᖃᐅᓯᖅ ᑖᑦᓱᒪᓐᖓᑦ ᑐᓴᕐᓯᒪᔭᕗᑦ ᐃᓕᑦᓯᓐᓄᑦ ᐅᖃᐅᓯᕆᕙᕗᑦ, ᒎᑎ ᖃᐅᒪᔫᖕᒪᑦ ᑖᑦᓱᒪᓂᓗ ᑖᕐᑐᖃᓐᖏᓚᖅ.