ᑖᓂᐊᓕᐅᑉ ᐊᒡᓚᖏᑦ 2:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐊᕐᕌᒍ ᐊᓂᒍᕐᐸᓪᓕᐊᑎᑉᐹ ᓇᓪᓕᐅᓐᓂᖃᕐᑎᓪᓗᒍ; ᐊᖓᔪᖅᑳᕐᔪᐊᑦ ᒪᑭᑎᑉᐰᑦ, ᐊᖓᔪᖅᑳᕐᔪᐊᓪᓗ ᐊᓯᖏᑦ ᐅᕐᕈᑎᓪᓗᒋᑦ. ᓯᓚᑐᓂᕐᒥᒃ ᑐᓂᓯᕗᖅ ᓯᓚᑐᔪᓄᑦ ᖃᐅᔨᒪᓂᕐᒥᒡᓗ ᑐᓂᓯᕗᖅ ᑐᑭᓯᐊᔪᓄᑦ.

ᑖᓂᐊᓕᐅᑉ ᐊᒡᓚᖏᑦ 2:21 Iomraidhean Croise

ᐊᑕᓃᑦ ᓯᕗᓪᓖᑦ 10:24

ᓯᓚᕐᔪᐊᕐᒥᐅᓕᒫᓂᑦ ᑕᑯᔭᕐᑐᕈᒪᔭᐅᓚᐅᕐᐳᑦ ᓲᓗᒨᓂᐅᑉ ᓯᓚᑐᓂᖓᓂᒃ ᑐᓴᕈᒪᓪᓗᑎᒃ, ᒎᑎᐅᑉ ᑐᓂᔭᖏᓐᓂᒃ ᑖᑦᓱᒪ ᐃᓱᒪᖓᓄᑦ.

ᐊᑕᓃᑦ ᓯᕗᓪᓖᑦ 3:28

ᐃᓴᕆᐊᓕᐅᑉ ᐃᓄᓕᒫᖏᑦ ᑕᒪᑐᒥᖓ ᑐᓴᕋᒥᒃ ᐊᖓᔪᖅᑳᕐᔪᐊᑉ ᑐᑭᑖᕈᑎᖓᓂᒃ, ᐊᖏᔪᐊᓗᖕᒥᑉ ᑲᒪᓕᕐᐳᑦ ᐊᖓᔪᖅᑳᕐᔪᐊᒥᒃ, ᖃᐅᔨᒐᒥᒃ ᒎᑎᐅᑉ ᓯᓚᑐᓂᖓ ᑖᑦᓱᒪᓃᒻᒪᑦ, ᓱᓕᔪᒥᒃ ᐱᓇᓱᐊᖁᓪᓗᒍ.

ᐊᑕᓃᑦ ᓯᕗᓪᓖᑦ 4:29

ᒎᑎᐅᑉ ᓲᓗᒨᓂ ᑐᓂᓚᐅᕐᒪᒍ ᓯᓚᑐᓂᕐᒥᒃ ᑐᑭᓯᒪᓂᕐᒥᒡᓗ ᐊᑦᔨᖃᖏᑦᑐᒥᒃ, ᖃᐅᔨᒪᓂᕐᒥᒡᓗ ᓲᕐᓗ ᓯᐅᕋᕐᑎᑐᑦ ᐃᒪᐅᑉ ᓯᓈᓃᑦᑐᑎᑐᑦ ᐊᖏᑎᒋᔪᒥᒃ.

ᑯᕉᓂᑲ ᓯᕗᓪᓖᑦ 22:12

ᐊᑕᓂᐅᓪᓕ ᑭᓯᒥ ᑐᓂᓯᕕᒋᓕᑎᑦ ᓯᓚᑐᓂᕐᒥᒃ ᑐᑭᓯᓂᕐᒥᒡᓗ, ᐊᖓᔪᖅᑳᓐᖑᕐᑎᑉᐸᑎᑦ ᐃᓴᕆᐊᓕᒥᐅᓄᑦ ᐊᑕᓂᐅᑉ ᒎᑎᕕᑦ ᐱᖁᔭᖏᓐᓂᒃ ᒪᓕᒍᓐᓇᖁᓪᓗᑎᑦ.

ᑯᕉᓂᑲ ᓯᕗᓪᓖᑦ 29:30

ᐊᐅᓚᑦᓯᓂᖓ ᐊᔪᖏᑦᑑᓂᖓᓗ ᐱᓂᐊᕐᓂᐅᓯᒪᔪᓪᓗ ᑖᑦᓱᒧᖓ ᐃᓴᕆᐊᓕᒥᐅᓂᓗ, ᐊᖓᔪᖅᑲᐅᕕᐅᔪᓂᓗ ᓄᓇᓕᓕᒫᓂ ᐊᒡᓚᒃᓯᒪᕗᑦ ᑖᒃᑯᓇᓂ.

ᐃᔅᑕᐅᑉ ᐊᒡᓚᖏᑦ 1:13

ᑕᕝᕙ ᐊᖓᔪᖅᑳᕐᔪᐊᖅ ᓯᓚᑐᔪᖁᑎᒥᓄᑦ ᐊᐱᕆᕗᖅ, ᑕᕝᕙᓃᑦᑐᓄᑦ ᖃᐅᔨᔪᓄᓪᓗ ᓱᖕᒪᖔᑦ, ᐊᖓᔪᖅᑳᕐᔪᐊᖅ ᑍᒤᓕᐅᕐᐸᒃᑲᒥ ᑕᒪᒃᑯᓄᖓ ᐱᖁᔭᓂᒃ ᐃᓅᓯᓕᕆᓂᕐᒥᒡᓗ ᖃᐅᔨᒪᔪᖁᑎᒥᓄᑦ,

ᔫᐱᐅᑉ ᐊᒡᓚᖏᑦ 12:18

ᐊᖓᔪᖅᑳᕐᔪᐊᑦ ᕿᓚᒃᓱᕐᓯᒪᔭᖏᑦ ᐲᕐᑎᑉᐰᑦ, ᕿᑎᖏᑎᒍᓪᓗ ᕿᓚᒃᓯᒪᔭᐅᓕᕐᓗᑎᒃ ᑎᒍᔭᐅᑎᑉᐰᑦ.

ᒨᓯᓯ ᐂᑉᐸᖏᑦ 31:3

ᐃᓗᒻᒥᕐᑎᑉᐸᕋᓗ ᐊᓂᕐᓂᓐᓂᒃ, ᖃᐅᔨᒪᓂᕐᒥᒃ ᑐᓂᓯᕕᒋᓯᒪᕙᕋ, ᓴᓇᔪᓐᓇᕐᓂᕐᒥᒡᓗ, ᐱᓇᓱᐊᕈᓐᓇᕐᓂᕐᒥᒡᓗ ᖃᓄᐃᑦᑐᑐᐃᓐᓇᕐᓂᒃ ᓴᓇᓐᖑᐊᕈᓐᓇᕐᓂᕐᒥᒃ,

ᒨᓯᓯ ᐂᑉᐸᖏᑦ 31:6

ᐊᒻᒪᑦᑕᐅᖅ ᓂᕈᐊᕐᓯᒪᒋᕙᕋ ᐅᕼᐅᓕᐊᑉ ᐊᕼᐃᓴᒪᑭᐅᑉ ᐃᕐᓂᖓ, ᑖᓂᐅᑉ ᑭᖑᕚᖏᓐᓂᑦ ᐱᓯᒪᔪᖅ, ᐃᑲᔪᕐᑎᒃᓴᐅᖁᓪᓗᒍ ᑖᑦᓱᒧᖓ ᐱᓇᓱᐊᖃᑕᐅᖁᓪᓗᒍᓗ. ᐊᓯᖏᑦᑕᐅᖅ ᐊᖑᑎᑦ ᑐᓂᓯᕕᒋᓯᒪᕙᒃᑲ ᐱᔪᓐᓇᑦᓯᐊᕐᓂᕐᓂᒃ, ᓴᓇᔪᓐᓇᖁᓪᓗᒋᑦ ᐃᓕᖕᓄᑦ ᐱᖁᔨᑦᔪᑎᒋᓯᒪᔭᓐᓂᒃ.

ᑖᓂᐊᓕᐅᑉ ᐊᒡᓚᖏᑦ 1:17

ᒎᑎᐅᑉ ᑖᒃᑯᐊ ᐃᓅᓱᒃᑐᑦ ᓯᑕᒪᑦ ᑐᓂᓯᕕᒋᕔᑦ, ᖃᐅᔨᒪᓂᕐᒥᒃ ᑐᑭᓯᔪᓐᓇᕐᓂᕐᒥᒡᓗ ᐃᓕᓯᒪᓂᕐᒥᒡᓗ. ᑖᓂᐊᓕᓗ ᑐᑭᓯᔪᓐᓇᕐᑎᑉᐹ ᑕᑯᑎᑕᐅᓂᕐᓂᒃ ᓯᓐᓇᒃᑑᒪᓂᕐᓂᒡᓗ.

ᑖᓂᐊᓕᐅᑉ ᐊᒡᓚᖏᑦ 10:1

ᐊᖓᔪᖅᑳᕐᔪᐊᑉ ᓮᕋᓯᐅᑉ, ᐴᕐᓯᐊᒥᐅᑕᐅᑉ, ᐊᖓᔪᖅᑲᐅᓂᖓᑕ ᐊᕐᕌᒍᑦ ᐱᖓᔪᖓᓐᓂ, ᑖᓂᐊᓕ ᓇᓗᓁᕐᓯᕕᐅᓚᐅᕐᐳᖅ, ᑖᓐᓇ ᐊᑎᖃᕐᑎᑕᐅᔪᖅ ᐱᐊᓪᓴᔮᕆᒥᒃ. ᐅᖃᐅᓯᖅ ᑕᒪᓐᓇ ᓱᓕᑦᓯᐊᕐᐳᖅ ᐱᑦᔪᑎᖃᕐᓗᓂᓗ ᐅᓇᑕᕐᔪᐊᕐᓂᕐᒥᒃ: ᐅᖃᐅᑦᔭᐅᓂᐅᑉ ᑐᑭᓯᓇᕐᓂᖓ ᓴᖅᑭᓚᐅᕐᐳᖅ ᑕᑯᑎᑕᐅᓂᒃᑯᑦ.

ᑖᓂᐊᓕᐅᑉ ᐊᒡᓚᖏᑦ 11:6

ᐊᕐᕌᒍᐃᑦ ᑖᒃᑯᐊ ᐊᓂᒍᕐᐸᑕ, ᑖᒃᑯᐊ ᑲᑎᓗᑎᒃ ᑕᐱᕇᓕᕈᒫᕐᐳᑦ; ᐊᖓᔪᖅᑳᕐᔪᐊᑉ ᓯᕿᓂᐅᑉ ᓇᓛᓂᑦ ᐱᓯᒪᔫᑉ ᐸᓂᐊ ᐂᔪᒫᕐᐳᖅ ᐊᖓᔪᖅᑳᕐᔪᐊᒧᑦ ᐅᓐᓄᐊᑉ ᓇᓛᓂ ᐊᖓᔪᖅᑲᐅᔪᒧᑦ, ᑕᐱᕇᓕᕐᑎᑦᓯᓗᓂᓗ, ᑭᓯᐊᓂᓕ ᐱᔪᓐᓇᕐᓂᓂ ᐱᓯᒤᓐᓇᕈᒫᓐᖏᓛ, ᐊᖓᔪᖅᑳᕐᔪᐊᓪᓗ ᑖᑦᓱᒪ ᐱᔪᓐᓇᕐᓂᓂ ᐱᓯᒤᓐᓇᕈᒫᖏᓐᓂᕚ, ᐅᓪᓗᓂ ᑍᒃᑯᓇᓂ ᐊᖓᔪᖅᑳᔪᐊᑉ ᓯᕿᓂᐅᑉ ᓇᓛᓃᑦᑑᑉ ᐸᓂᐊ ᕿᑐᕐᖓᖓᓗ ᐊᑖᑕᖓᓗ ᐃᑲᔪᕐᑐᕐᑎᖓᓗ ᑖᒃᑯᐊ ᑐᖁᑕᐅᔪᒫᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 2:20

ᐅᖃᕐᓗᓂ, “ᒎᑎᐅᑉ ᐊᑎᖓ ᓂᕐᑐᕐᑕᐅᓕ; ᓯᓚᑐᓂᖅ ᐱᔪᓐᓇᕐᓂᕐᓗ ᐱᒋᖕᒪᒋᒃ.

ᑖᓂᐊᓕᐅᑉ ᐊᒡᓚᖏᑦ 2:23

ᖁᔭᒋᕙᒋᑦ ᓂᕐᑐᕐᐸᒋᓪᓗ, ᓯᕗᓕᕕᓂᕐᒪ ᒎᑎᖓ, ᓯᓚᑐᓂᕐᒥᒃ ᐱᔪᓐᓇᕐᓂᕐᒥᒡᓗ ᑐᓂᓯᕕᒋᒐᕕᖓ; ᖃᐅᔨᑎᒃᑲᕕᖓᓗ ᐊᐱᖅᑯᑎᒋᔭᑦᑎᓐᓂᒃ ᐃᓕᖕᓄᑦ, ᐊᖓᔪᖅᑳᕐᔪᐊᑉ ᓯᓐᓇᒃᑐᕕᓂᖓᓂᒃ ᑐᑭᓯᑎᒃᑲᑦᑎᒍᑦ.”

ᑖᓂᐊᓕᐅᑉ ᐊᒡᓚᖏᑦ 2:9

ᐅᖃᐅᑎᖏᒃᑯᑦᓯᓐᖓ ᓯᓐᓇᒃᑐᓐᓂᒃ, ᓱᒋᐊᕐᑕᐅᑦᔪᑎᒃᓴᓯ ᐃᓕᑦᓯᓐᓄᑦ ᓈᒻᒪᒃᑐᖅ ᐋᖅᑭᒌᕐᓯᒪᕗᖅ. ᐊᖏᖃᑎᒌᒃᓯᒪᒐᑦᓯ ᐅᐃᕕᕆᔪᒪᓪᓗᖓ ᐱᐅᖏᑦᑐᓂᒡᓗ ᓱᓕᖏᑦᑐᓂᒃ ᐅᖃᐅᑎᔪᒪᓪᓗᖓ, ᑲᑉᐱᐊᓇᕐᑐᒦᓐᓂᑦᓯᓐᓂᑦ ᐃᓕᑦᓯᓐᓂᒃ ᓴᐳᑎᔪᒪᓪᓗᓯ. ᒫᓐᓇ ᐅᖃᐅᑎᓚᐅᕐᓯᓐᖓ ᓯᓐᓇᒃᑐᕆᓚᐅᕐᑕᓐᓂᒃ, ᖃᐅᔨᓂᐊᕋᒪ ᑐᑭᖓᓂᒃ ᐅᖃᕈᓐᓇᕐᒪᖔᑦᓯ.”

ᑖᓂᐊᓕᐅᑉ ᐊᒡᓚᖏᑦ 4:14

ᑖᓐᓇ ᓂᓪᓕᐊᕗᖅ ᓂᐱᖅᑯᕐᑐᓪᓗᓂ: ‘ᑭᐱᓕᕐᓯᐅᒃ ᓇᐹᕐᑐᖅ, ᐊᕙᓚᖓᔪᖏᑦ ᓇᑲᑎᕐᓗᒋᑦ, ᐅᖃᐅᔭᖏᓪᓗ ᐲᔭᕐᓗᒋᑦ, ᐸᐅᕐᖓᖏᓪᓗ ᓇᒧᑐᐃᓐᓇᖅ ᓯᐊᒻᒪᒃᑎᓪᓗᒋᑦ, ᐆᒪᔪᑦ ᐊᑖᓂᑦ ᕿᒫᓕᕐᓕᑦ, ᑎᖕᒥᐊᓪᓗ ᐊᕙᓚᖓᔪᖏᓐᓂᑦ ᑎᖏᓕᑦ.

ᑖᓂᐊᓕᐅᑉ ᐊᒡᓚᖏᑦ 4:17

ᐃᓱᒪᒃᓴᕐᓯᐅᕐᓂᖅ ᑕᒪᓐᓇ ᐅᖃᐅᓯᐅᕗᖅ ᐂᖏᓕᓄᑦ ᖃᐅᔨᓴᕐᑎᓄᑦ, ᐃᑦᔪᕐᓁᑦᑐᓪᓗ ᑖᒃᑯᐊ ᑕᒪᑐᒥᖓ ᓇᓗᓁᕐᓯᕗᑦ, ᐃᓅᔪᑦ ᑐᑭᓯᓕᖁᓪᓗᒋᑦ ᖁᑦᓯᖕᓂᕐᐹᖅ ᐊᐅᓚᑦᓯᖕᒪᑦ ᐃᓄᐃᑦ ᐊᖓᔪᖅᑲᐅᕕᖏᓐᓂᒃ, ᐊᖓᔪᖅᑳᕐᔪᐊᖑᖁᔭᖏᓪᓗ ᐃᓱᒪᒥᓂᒃ ᐊᖓᔪᖅᑳᕐᔪᐊᖑᑎᑉᐸᒃᐰᑦ, ᐊᖓᔪᖅᑳᕐᔪᐊᖑᑎᓪᓗᒋᓗ ᒥᑭᓐᓂᕐᐹᓄᑦ ᓄᓇᒦᑦᑐᓄᑦ.’

ᑖᓂᐊᓕᐅᑉ ᐊᒡᓚᖏᑦ 4:22

“ᐃᕝᕕ ᐊᖓᔪᖅᑳᕐᔪᐊᖅ, ᑖᓐᓇᐅᕗᑎ ᓇᐹᕐᑐᖅ! ᐊᖏᔪᕈᕐᓯᒪᕗᑎᑦ ᓴᓐᖏᔫᓪᓗᑎᓪᓗ: ᐱᔪᓐᓇᕐᓃᑦ ᑎᑭᓯᒪᕗᖅ ᕿᓚᖕᒧᑦ, ᐊᖓᔪᖅᑲᐅᕖᓪᓗ ᑎᑭᓯᒪᕗᖅ ᓄᓇᕐᔪᐊᑉ ᐅᖓᓯᖕᓂᕐᐹᖏᓐᓄᑦ.

ᑖᓂᐊᓕᐅᑉ ᐊᒡᓚᖏᑦ 4:32

ᐃᓄᐃᑦ ᐃᓂᖏᓐᓂᑦ ᐊᐅᓪᓚᕐᑎᑕᐅᓂᐊᕐᐳᑎᑦ, ᐆᒪᔪᓪᓗ ᓄᔪᐊᕐᑐᑦ ᐃᓅᖃᑎᒋᔪᒫᕐᐸᑎᑦ: ᐆᒪᔪᖁᑎᒋᔭᐅᔪᑐᓪᓗ ᐃᕕᒃᓱᒐᕐᓂᒃ ᓂᕿᖃᕐᓂᐊᓕᕐᐳᑎᑦ, ᓇᓪᓕᐅᓐᓃᑦ 7 ᐊᓂᒍᕐᐸᑕ, ᖃᐅᔨᓕᕈᕕᑦ ᑭᓯᐊᓂ ᖁᑦᓯᖕᓂᕐᐹᖅ ᐊᐅᓚᑦᓯᖕᒪᑦ ᐃᓄᐃᑦ ᐊᖓᔪᖅᑲᐅᕕᖏᓐᓂᒃ, ᐊᖓᔪᖅᑲᐅᓃᓪᓗ ᑐᓂᕙᒃᐰᑦ ᑐᓂᔪᒪᔭᒥᓄᑦ.”

ᑖᓂᐊᓕᐅᑉ ᐊᒡᓚᖏᑦ 7:25

ᑖᓐᓇ ᓂᓪᓕᐊᔪᒫᕐᐳᖅ ᖁᑦᓯᖕᓂᕐᐹᖑᔪᖅ ᐊᑭᕋᕐᑐᕐᓗᒍ ᐅᖁᒤᒃᓴᕐᑎᓪᓗᒋᓪᓗ ᖁᑦᓯᖕᓂᕐᐹᖑᔪᑉ ᐃᑦᔪᕐᓁᑦᑐᖁᑎᖏᑦ, ᐋᖅᑭᒃᓱᐃᓇᓱᐊᕈᒫᕐᓗᓂᓗ ᐱᖁᔭᓂᒃ ᓇᓪᓕᐅᓂᕐᓯᐅᕕᖕᓂᒡᓗ ᐊᓯᑦᔩᓇᓱᐊᕈᒫᕐᓗᓂ. ᖁᑦᓯᖕᓂᕐᐹᓪᓗ ᐃᑦᔪᕐᓁᑦᑐᖁᑎᖏᑦ ᓯᐊᓛᕆᑬᓐᓇᕈᒫᕐᐰᑦ, ᓇᓪᓕᐅᓐᓂᕐᓂᒃ ᐱᖓᓱᓂᒃ ᐊᕝᕙᕐᒥᒡᓗ.

ᓘᑲᓯᐅᑉ ᐊᒡᓚᖏᑦ 21:15

ᐅᕙᖓ ᐅᖃᐅᓯᒃᓴᖃᕐᑎᑦᓱᒫᕐᐸᑦᓯ ᓯᓚᑐᓂᖃᕐᑎᓪᓗᓯᓗ, ᐊᑭᕋᕐᑐᕐᑎᑦᓯᓐᓂᓪᓘᓐᓃᑦ ᐊᑭᕋᕐᑐᕐᑕᐅᔪᓐᓇᕈᒫᓐᖏᓚᓯ ᑭᒡᒍᓯᒃᓮᕈᑦᔨᔪᒫᕐᐳᓯᓕ ᑖᒃᑯᓂᖓ.

ᕉᒪᒥᐅᓄᑦ 13:1

ᐃᓄᓕᒫᑦ ᓈᓚᒃᑐᒃᓴᐅᕗᑦ ᐱᔪᓐᓇᕐᓂᖃᕐᑎᑕᐅᔪᓂᒃ ᐊᐅᓚᑦᓯᔨᐅᔪᓂᒡᓗ, ᐊᐅᓚᑦᓯᔩᐅᓃᑦ ᒎᑎᒥᑦ ᐱᓯᒪᔪᐃᓐᓇᐅᖕᒪᑕ, ᒫᓐᓇ ᐊᐅᓚᑦᓯᔨᐅᔪᑦ ᒎᑎᐅᑉ ᑕᕝᕗᓐᖓᕐᑎᓯᒪᕔᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:30

ᑖᑦᓱᒨᓇᓕ ᑭᓯᐊᓂ ᙭ᔅᑑᓯ ᔩᓱᓯᒦᒃᑲᑦᓯ, ᒎᑎᐅᓪᓗ ᐅᕙᑦᑎᓐᓄᑦ ᙭ᔅᑑᓯ ᓯᓚᑐᓂᓐᖑᕐᑎᑉᐹ, ᑖᑦᓱᒨᓇᓗ ᐃᓗᐊᕐᑐᓕᔪᓐᖑᕐᑎᑉᐹᑎᒍᑦ, ᐃᑦᔪᕐᓁᑦᑐᓐᖑᕐᑎᓪᓗᑕᓗ, ᐱᐅᓕᔭᐅᑦᔪᑎᒋᓪᓗᑎᒍᓗ;

ᔧᒥᓯᐅᑉ ᐊᒡᓚᖏᑦ 1:17

ᑐᓂᕐᕈᑏᑦ ᐱᐅᔪᑦ ᑐᓂᕐᕈᑎᓪᓗ ᓈᒻᒪᑦᓯᐊᕐᑐᑦ ᑕᒪᕐᒥᒃ ᕿᓚᖕᒥᑦ ᐱᕗᑦ, ᖃᐅᒪᔪᒥᑦ ᐊᑖᑕᒥᑦ ᐱᕗᑦ ᑖᑦᓱᒪᓂ ᑕᕐᕋᕐᒥᒃ ᐊᓯᑦᔨᕐᐸᓪᓕᐊᔪᖃᓐᖏᓚᖅ ᐊᓯᓐᖑᕐᐸᓪᓕᐊᔪᖃᕋᓂᓗ.

ᔧᒥᓯᐅᑉ ᐊᒡᓚᖏᑦ 1:5

ᓇᓪᓕᕐᓯᓕ ᓯᓚᑐᓂᕐᒥᒃ ᐊᔪᕐᓴᕈᓂ, ᒎᑎᒧᑦ ᑐᒃᓯᐊᕐᑐᒃᓴᐅᕗᖅ, ᑖᑦᓱᒪ ᑕᑉᕙ ᑐᓂᓯᕕᒋᓂᐊᕐᐹ ᐱᔪᒪᔭᖓᓂᒃ. ᐃᓄᓕᒫᑦ ᑐᓂᓯᕕᒋᕙᖕᒪᒋᑦ ᖁᕕᐊᒋᓪᓗᒋᑦ ᐊᓐᓂᕈᓱᒐᓂᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:16

ᐅᓕᒡᔪᐊᖓᓂ ᖁᒃᑐᕋᖏᖕᓂᓗ ᐊᑎᖓ ᑎᑎᕋᕐᓯᒪᕗᖅ, “ᐊᖓᔪᖅᑳᕐᔪᐊᖅ ᐊᖓᔪᖅᑳᕐᔪᐊᓄᑦ ᐊᑕᓂᐅᔪᕐᓗ ᐊᑕᓂᕐᓄᑦ.”