ᑖᓂᐊᓕᐅᑉ ᐊᒡᓚᖏᑦ 2:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᑖᒃᑯᐊ ᒎᑎᒧᑦ ᕿᓚᖕᒦᑦᑐᒧᑦ ᓂᑲᒋᔭᐅᔪᒪᓪᓗᑎᒃ ᑐᒃᓯᐊᖁᕔᑦ ᑕᒪᓐᓇ ᓇᓗᓇᕐᑐᖅ ᐱᑦᔪᑎᒋᓪᓗᒍ; ᑖᓂᐊᓕ ᐃᓚᓐᓇᕆᔭᓂᓗ ᑐᖁᑕᐅᖃᑕᐅᔪᒪᓇᑎᒃ ᐹᐱᓘᓂᒥᐅᑦ ᓯᓚᑐᔪᖁᑎᓕᒫᖏᑦ ᐃᓚᒋᓗᒋᑦ.

ᑖᓂᐊᓕᐅᑉ ᐊᒡᓚᖏᑦ 2:18 Iomraidhean Croise

ᒨᓯᓯ ᓯᕗᓪᓖᑦ 18:28

ᐃᒻᒪᖄᓕ ᐃᓄᖃᕋᔭᕐᐸᑦ ᐸᓯᔭᒃᓴᐅᒋᑦᑐᓂᒃ ᑕᓪᓕᒪᓂᒃ ᐅᓄᖏᓐᓂᕐᓴᐅᓗᑎᒃ 50ᓂᑦ. ᑖᒃᑯᐊ ᐃᒡᓗᒐᓮᑦ ᐊᑕᖏᕐᓗᒋᑦ ᓄᖑᒃᑲᔭᕐᐱᒌᑦ? ᑕᓪᓕᒪᓂᒃ ᖃᑦᓰᓐᓇᐅᓗᐊᕐᓂᖏᓐᓄᑦ?” ᐊᑕᓂᐅᑉ ᑭᐅᕚ, “ᐃᒡᓗᒐᓮᑦ ᓄᖑᓐᓂᐊᓐᖏᓚᒃᑲ ᓇᓂᓯᒐᔭᕈᒪ 45ᓂᒃ ᐃᓄᖕᓂᒃ ᐸᓯᔭᒃᓴᐅᖏᑦᑐᓂᒃ.”

ᐃᓐᖏᕈᑎᑦ 136:26

ᕿᓚᐅᑉ ᒎᑎᖓ ᖁᔭᒋᓯᐅᒃ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ.

ᐃᓐᖏᕈᑎᑦ 50:15

ᓂᓪᓕᐊᕕᒋᓯᓐᖓ ᐅᓪᓗᒥᒃ ᐊᒃᓱᕈᕐᓇᕐᑐᖃᕐᑎᓪᓗᒍ; ᑕᕝᕙ ᓴᐳᑎᓂᐊᕐᐸᑦᓯ, ᓂᕐᑐᕐᓂᐊᕐᐸᑦᓯᓐᖓᓗ.”

ᐃᓐᖏᕈᑎᑦ 91:15

ᓂᓪᓕᐊᕕᒋᒃᐸᖓ, ᑕᕝᕙ ᑭᐅᓂᐊᕐᐸᕋ; ᐊᑲᐅᖏᑦᑐᒦᓕᕐᐸᑦ ᓇᔪᕐᓂᐊᕐᐸᕋ, ᓴᐳᑎᓗᒍ ᐅᐱᓐᓇᕐᓯᑎᓐᓂᐊᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 37:4

ᐃᒻᒪᖄ, ᐊᑕᓂᐅᑉ ᒎᑎᕕᑦ ᕌᑉᓴᑭᐅᑉ ᐅᖃᐅᓯᖏᑦ ᑐᓴᕐᐰᑦ, ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᑎᓕᓚᐅᕐᒪᒍ ᒎᑎᒥᒃ ᐆᒪᔪᒥᒃ ᒥᑕᐅᑎᖃᖁᓪᓗᒍ, ᐃᓂᕐᑎᕆᑐᐃᓐᓇᕆᐊᖃᕐᓗᓂᓗ ᐅᖃᐅᓯᖏᓐᓂᒃ ᐊᑕᓂᐅᑉ ᒎᑎᕕᑦ ᑐᓴᕐᑕᒥᓂᒃ; ᑍᒤᒻᒪᑦ ᑐᒃᓯᐅᑎᓚᐅᒃᑭᑦ ᐃᓄᐃᑦ ᐊᒥᐊᒃᑰᔪᑦ ᐱᓪᓗᒋᑦ.’”

ᔨᕆᒤᐊᐅᑉ ᐊᒡᓚᖏᑦ 33:3

ᑐᒃᓯᐊᕐᕕᒋᒍᕕᖓ ᑭᐅᓂᐊᕐᐸᒋᑦ, ᐅᖃᐅᑎᓗᑎᓪᓗ ᖃᐅᔨᒪᓚᐅᓐᖏᑕᕐᓂᒃ ᐅᓄᕐᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 36:37

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᐅᑉ ᑭᖑᕚᖏᑦ ᐃᑲᔪᕐᑕᐅᔪᒪᓗᑎᒃ ᐅᕙᓐᓄᑦ ᐅᖃᕈᓐᓇᕐᑎᑦᓱᒫᕆᕙᒃᑲ: ᐅᓄᕐᓯᕙᓪᓕᐊᑎᓪᓗᒋᓪᓗ ᓰᐲᑎᑐᑦ.

ᑖᓂᐊᓕᐅᑉ ᐊᒡᓚᖏᑦ 2:23

ᖁᔭᒋᕙᒋᑦ ᓂᕐᑐᕐᐸᒋᓪᓗ, ᓯᕗᓕᕕᓂᕐᒪ ᒎᑎᖓ, ᓯᓚᑐᓂᕐᒥᒃ ᐱᔪᓐᓇᕐᓂᕐᒥᒡᓗ ᑐᓂᓯᕕᒋᒐᕕᖓ; ᖃᐅᔨᑎᒃᑲᕕᖓᓗ ᐊᐱᖅᑯᑎᒋᔭᑦᑎᓐᓂᒃ ᐃᓕᖕᓄᑦ, ᐊᖓᔪᖅᑳᕐᔪᐊᑉ ᓯᓐᓇᒃᑐᕕᓂᖓᓂᒃ ᑐᑭᓯᑎᒃᑲᑦᑎᒍᑦ.”

ᑖᓂᐊᓕᐅᑉ ᐊᒡᓚᖏᑦ 3:17

ᐃᒐᐅᑉ ᐃᑯᒪᔫᑉ ᐃᓗᐊᓄᑦ ᐃᒋᑕᐅᒍᑦᑕ, ᒎᑎᐅᑉ ᐱᔨᑦᓯᕐᑕᑦᑕ, ᓴᐳᑎᓂᐊᕐᐹᑎᒍᑦ ᑕᕝᕙᓐᖓᑦ, ᐃᕝᕕᓪᓗ ᐊᖓᔪᖅᑳᕐᔪᐊᖅ ᐱᔪᓐᓇᕐᓂᕐᓂᑦ ᓴᐳᑎᓂᐊᕆᕚᑎᒍᑦ.

ᑖᓂᐊᓕᐅᑉ ᐊᒡᓚᖏᑦ 4:26

ᓇᐹᕐᑑᑉ ᑭᐱᔭᐅᓂᖓᑕ ᐊᒥᐊᒃᑯᐊᑕ ᐊᒫᖏᑕᓗ ᓱᖁᓯᖁᔭᐅᖏᓐᓂᖓ, ᑐᑭᑲᕐᐳᖅ ᐊᖓᔪᖅᑲᐅᕖᑦ ᐃᓕᖕᓄᑦ ᐅᑎᕐᑎᑕᐅᔪᒫᕐᒪᑦ ᖃᐅᔨᒍᕕᑦ ᕿᓚᐅᑉ ᐊᐅᓚᑦᓯᓂᖓᓂᒃ.

ᔫᓇᐅᑉ ᐊᒡᓚᖏᑦ 1:9

ᐅᖃᐅᑎᕔᓪᓗ: “ᐄᑉᕈᐃᖑᕗᖓ, ᓯᕘᕋᒋᕙᕋ ᐊᑕᓂᖅ ᕿᓚᐅᑉ ᒎᑎᖓ ᐃᒪᕐᒥᒃ ᓄᓇᒥᒡᓗ ᐱᓐᖑᑎᑦᓯᓯᒪᔪᖅ.”

ᒪᓚᑬᑉ ᐊᒡᓚᖏᑦ 3:18

ᑕᕝᕙ ᑭᖑᓂᐊᒍᑦ ᖃᐅᔨᓕᕈᒫᕐᐳᓯ ᐃᓱᐊᕐᑐᓂᒃ ᐱᐅᖏᑦᑐᓂᒡᓗ, ᒎᑎᒥᒡᓗ ᐱᔨᑦᓯᕐᑐᑦ ᐱᔨᑦᓯᖏᑦᑐᓪᓗ ᐊᑦᔨᒌᖏᓐᓂᖏᓐᓂᒃ.”

ᒫᑎᐅᓯᐅᑉ ᐊᒡᓚᖏᑦ 18:12

“ᖃᓄᕐᓕ ᐃᓱᒪᕕᓰ ᐊᖑᑦ 100ᓂᒃ ᓰᐱᖁᑎᓕᒃ, ᑖᒃᑯᐊ ᐃᓚᖓᑦ ᐊᑕᐅᓯᖅ ᐊᓯᐅᒃᐸᑦ, ᑖᒃᑯᐊ ᓰᐲᑦ 99 ᕿᒪᒃᑲᔭᓐᖏᓔᑦ ᖃᖅᑲᒧᑦ ᕿᓂᕆᐊᕐᓗᓂ ᓰᐱᒥᒃ ᐊᓯᐅᓯᒪᔪᒥᒃ?

ᒫᑎᐅᓯᐅᑉ ᐊᒡᓚᖏᑦ 18:19

“ᓱᓕ ᐅᖃᐅᑎᒃᑲᓐᓂᕐᐸᑦᓯ, ᓄᓇᕐᔪᐊᕐᒥ ᒪᕐᕉᓗᓯᒃ ᐊᖏᖃᑎᒌᒃᑯᑦᓯᒃ ᓱᓇᑐᐃᓐᓇᕐᒥᒃ ᑐᒃᓯᐊᕈᑎᖃᕈᒪᓗᓯᒃ, ᑕᒪᑐᒥᖓ ᑕᕝᕙ ᑐᓂᓯᕕᐅᓂᐊᕐᐳᓯᒃ ᐊᑖᑕᓐᓄᑦ ᕿᓚᖕᒦᑦᑐᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 12:4

ᑎᒍᒐᒥᐅᒃ, ᑎᒍᔭᐅᓯᒪᕕᖕᒧᐊᕐᑎᑉᐹ, ᑲᒪᒋᔭᐅᑎᓪᓗᒍ ᐅᓇᑕᕐᑐᒃᓴᓄ ᓯᑕᒤᓄᑦ ᐊᕕᒃᑐᕐᓯᒪᔪᓄᑦ ᐊᑐᓂᑦ ᓯᑕᒪᐅᓪᓗᑎᒃ, ᐃᓄᐃᑦ ᓵᖏᓐᓂ ᐃᖅᑲᕐᑐᕐᑕᐅᑎᑦᓱᒪᓪᓗᓂᐅᒃ ᖄᖏᕐᑕᐅᕕᒃ ᐊᓂᒍᕐᐸᑦ.

ᕉᒪᒥᐅᓄᑦ 15:30

ᐊᒃᓱᕈᕐᓗᖓ ᐃᓇᑉᐸᑦᓯ ᐃᓅᖃᑎᒃᑲ, ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ ᐊᓂᕐᓂᐅᓪᓗ ᓇᒡᓕᒍᓱᖕᓂᖓᒍᑦ, ᐊᒃᓱᕈᖃᑎᒋᓗᖓ ᑐᒃᓯᐅᑎᓚᐅᕐᓯᓐᖓ ᒎᑎᒧᑦ.

ᐲᑦᑐᕉᓯ ᐂᑉᐸᖏᑦ 2:9

ᑕᕝᕙ ᐊᑕᓂᐅᑉ ᓴᐳᑎᔪᓐᓇᕐᐰᑦ ᒎᑎᒧᑦ ᐅᒃᐱᕐᑐᑦ ᐆᒃᑐᕐᑕᐅᓂᖏᓐᓂᑦ, ᐱᐅᖏᑦᑐᒥᒃ ᐃᓕᖅᑯᓯᖃᕋᓱᐊᕐᑐᑦ ᓱᒋᐊᕐᑕᐅᓂᕐᒦᑎᓐᓂᐊᕐᐰᑦ ᐃᖅᑲᕐᑐᕐᑕᐅᕕᐅᑉ ᐅᓪᓗᖓ ᓈᒻᒪᒃᓯᑦᓯᐊᕆᓗᒍ;

ᓴᒧᐃᓕ ᓯᕗᓪᓖᑦ 17:37

ᑍᕕᑎᓗ ᐅᖃᒃᑲᓐᓂᕐᐳᖅ, “ᐊᑕᓂᐅᑉ ᐱᐅᓕᓚᐅᕐᐹᖓ ᓛᔭᑦ ᑯᑭᖏᓐᓂᑦ ᓇᓅᓪᓗ ᑯᑭᖏᓐᓂᑦ, ᐱᐅᓕᓂᐊᕆᕚᖓ ᐱᓕᔅᑍᓂᒥᐅᑉ ᐊᒡᒐᖓᓂᑦ.” ᓴᐅᓕᐅᓪᓗ ᑍᕕᑎ ᐅᖃᐅᑎᕚ, “ᐂᓕᕆᑦ ᐊᑕᓂᐅᑉ ᐃᓚᒋᓛᑎᑦ.”