ᑖᓂᐊᓕᐅᑉ ᐊᒡᓚᖏᑦ 11:35 - ᐊᒡᓔᑦ ᐃᑦᔪᕐᖕᓁᑦᑐᑦ

³⁵ ᓯᓚᑐᔪᑦ ᐃᓚᖏᑦ ᑐᖁᑕᐅᔪᒫᕐᐳᑦ, ᑲᔪᓯᔪᑦ ᓴᓗᒻᒪᕐᓴᕐᑕᐅᑦᓯᐊᖁᓪᓗᒋᑦ, ᑕᕐᓴᖃᖏᑦᑐᑐᑦ ᐃᓱᐊᓄᑦ ᑎᑭᑦᓱᓐᓇᖁᓪᓗᒋᑦ, ᓂᕈᐊᕐᑕᐅᓯᒪᔪᖅ ᓇᓪᓕᐅᓐᓂᖅ ᑎᑭᑦᓱᒫᕐᒪᑦ.

ᑖᓂᐊᓕᐅᑉ ᐊᒡᓚᖏᑦ 11:35 Iomraidhean Croise

ᑯᕉᓂᑲ ᐂᑉᐸᖏᑦ 32:31

ᐹᐱᓘᓂᐅᓪᓕ ᐊᖓᔪᖅᑳᕐᔪᐊᖓᑕ ᐃᕐᓂᖏᑦ ᑎᑭᒻᒪᑕ, ᑖᑦᓱᒪ ᑎᓕᔭᖏᑦ ᖃᐅᔨᒋᐊᖁᓪᓗᒋᑦ ᑲᒪᓇᕐᑐᓂᒃ ᓄᓇᖓᓂ ᐱᓂᐊᕐᓂᐅᓯᒪᔪᓂᒃ, ᒎᑎᐅᑉ ᕿᒪᓚᐅᕐᐹ, ᖃᐅᔨᓴᕈᒪᓪᓗᒍ, ᖃᐅᔨᔪᒪᓪᓗᓂ ᐆᒻᒪᑎᒥᐅᑕᓕᒫᖓᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:3

ᐊᐅᒃᑎᑦᓯᕕᒃ ᐊᑐᕐᐳᖅ ᓯᐅᓪᕕᕆᒧᑦ, ᐃᑯᐊᓚᑦᓯᕕᒡᓗ ᒎᓗᒧᑦ ᐊᐅᒃᑎᑦᓯᕕᐅᓪᓗᓂ, ᐊᑕᓂᕐᓕ ᐆᒃᑐᕋᕐᑎᐅᕗᖅ ᐆᒻᒪᑎᓂᒃ.

ᐂᓮᐊᓯᐅᑉ ᐊᒡᓚᖏᑦ 27:9

ᑍᒤᒻᒪᑦ ᑕᒪᑐᒧᖓ ᔧᑰᑉ ᐊᔪᕐᑐᓕᓯᒪᓂᖏᑦ ᐃᓱᒪᒋᔪᓐᓁᕐᑕᐅᔪᓐᓇᕐᓯᔪᒫᕐᐳᑦ, ᑭᓯᐊᓂ ᐅᒃᐱᖏᑦᑐᑦ ᒎᑎᓐᖑᐊᖏᑦ ᐅᔭᕋᖕᓂᑦ ᓴᓇᓯᒪᔪᑦ ᓯᖃᓪᓕᔭᐅᓗᑎᒃ ᓱᓇᐅᔪᓐᓃᕐᑎᑕᐅᒃᐸᑕ. ᒎᑎᓐᖑᐊᒧᑦ ᐊᓯᕋᒧᑦ ᑐᒃᓯᐊᕐᓗᑎᒃ ᐳᔫᕐᑎᑦᓯᑦᔪᑎᐅᖃᑦᑕᕐᑐᑦ ᐊᑐᕐᑕᐅᔪᓐᓃᕐᐸᑕ.

ᑖᓂᐊᓕᐅᑉ ᐊᒡᓚᖏᑦ 11:27

ᑖᒃᑯᐊᒃ ᐊᖓᔪᖅᑳᕐᔪᐊᒃ ᒪᕐᕉᒃ, ᑕᒪᕐᒥᒃ ᐱᐅᖏᑦᑐᒥᒃ ᐆᒻᒪᑎᖃᕐᓗᑎᒃ, ᓂᕆᕕᖕᒥ ᐃᒃᓯᕙᖃᑎᒌᒍᒫᕐᐴᒃ ᓴᒡᓗᓂᕐᒥᒡᓗ ᐃᒻᒥᖕᓄᑦ ᓂᓪᓕᐊᖃᑎᒌᒡᓗᑎᒃ, ᓵᓚᒌᖃᑦᑕᐅᑎᔪᒫᓐᖏᓚᒃ ᐱᕕᒃᓴᖓᒃ ᓈᒻᒪᒃᓯᖏᒻᒪᑦ ᓱᓕ.

ᑖᓂᐊᓕᐅᑉ ᐊᒡᓚᖏᑦ 11:29

“ᐱᕕᒃᓴᖓ ᓈᒻᒪᒃᓯᒃᐸᑦ, ᓯᕿᓂᐅᑉ ᓇᓛᓃᑦᑐᓄᑦ ᐅᓇᑕᕆᐊᕈᒫᕆᕗᖅ, ᑭᓯᐊᓂᓕ ᓯᕗᓪᓕᕐᑐᑦ ᓵᓚᖃᕈᓯᕆᓚᐅᕐᑕᒥᑐᑦ ᑍᒤᑦᓱᓐᓃᕈᒫᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 11:33

ᑐᑭᓯᒪᑦᓯᐊᕐᑐᑦ ᐃᓕᓐᓂᐊᕐᑎᑦᓯᔪᒫᕐᐳᑦ ᑖᑦᓱᒪ ᐱᐅᓯᖓᓂᒃ, ᐅᓪᓗᓂᒃ ᐅᓄᕐᑐᓂᒃ ᓴᕕᒡᔪᐊᒧᑦ ᐃᓚᖏᑦ ᑐᖁᑕᐅᒐᓗᐊᕐᑎᓪᓗᒋᑦ, ᐃᑭᑕᐅᓗᑎᒡᓘᓐᓃᑦ, ᑎᒍᔭᐅᓗᑎᒡᓘᓐᓃᑦ, ᐱᖁᑍᕈᑦᔭᐅᓗᑎᒡᓘᓐᓃᑦ.

ᑖᓂᐊᓕᐅᑉ ᐊᒡᓚᖏᑦ 11:40

“ᑍᑦᓱᒪ ᐃᓱᐊᓂ ᐊᖓᔪᖅᑳᕐᔪᐊᖅ ᓯᕿᓂᐅᑉ ᓇᓛᓂᑦ ᐱᔪᖅ ᐅᓇᑕᖃᑎᒋᔪᒫᕐᐹ, ᐊᖓᔪᖅᑳᕐᔪᐊᓪᓗ ᐅᓐᓄᐊᑉ ᓇᓛᓂᑦ ᐱᔫᑉ ᓱᕐᔪᒍᒫᕆᕚ ᕿᒧᒃᓯᐅᑎᑦ ᐃᑭᒪᕝᕕᖕᒥᒃ ᐅᓂᐊᕐᑐᑦ ᐊᑐᕐᓗᒋᑦ, ᐅᓇᑕᕐᑐᒃᓴᒐᓴᒃᔪᐊᖃᕐᓗᓂ, ᐅᒥᐊᕐᔪᐊᖁᑎᖏᓪᓗ ᐅᓄᕐᑐᑦ ᐊᑐᕐᓗᒋᑦ, ᓄᓇᓕᒡᔪᐊᑦ ᐅᓄᕐᑐᑦ ᐅᓇᑕᕈᒫᕐᐰᑦ ᐃᒪᕐᑐᑦ ᖄᒥᑦᑐᑐᑦ.

ᑖᓂᐊᓕᐅᑉ ᐊᒡᓚᖏᑦ 12:3

ᓯᓚᑐᔪᓪᓕ ᖃᐅᒪᔪᒫᕐᐳᑦ ᕿᓚᐅᑉ ᖃᐅᒪᓂᖓᑐᑦ, ᑕᓯᐅᕐᓯᓚᐅᕐᑐᓪᓗ ᐅᓄᕐᑐᓂᒃ ᐃᓗᐊᕐᑐᒧᑦ ᐅᓪᓗᕆᐊᑎᑐᑦ ᖃᐅᒪᔪᒫᕐᐳᑦ ᐃᓱᖃᖏᑦᑐᒧᑦ.

ᑖᓂᐊᓕᐅᑉ ᐊᒡᓚᖏᑦ 12:4

“ᐃᕝᕕᓪᓕ, ᑖᓂᐊᓖ, ᑎᑎᕋᕐᓯᒪᔪᑦ ᑖᒃᑯᐊ ᒪᑐᓕᒃᑭᑦ ᓇᕿᑦᔪᓯᕐᓗᒋᓪᓗ ᓱᓇᑐᐃᓐᓁᑦ ᐃᓱᓕᖅᑳᕐᑎᓐᓇᒋᑦ, ᐅᓄᕐᑐᑦ ᐊᕗᖓ ᒪᐅᖓᓗ ᐊᐅᓪᓚᕈᒫᕐᒪᑕ, ᐊᖏᓂᕐᓴᒥᒃ ᖃᐅᔨᒃᑲᓐᓂᕈᒪᓗᑎᒃ.”

ᑖᓂᐊᓕᐅᑉ ᐊᒡᓚᖏᑦ 8:10

ᑖᓐᓇ ᐊᖏᔪᕐᔪᐊᖑᓕᕐᐳᖅ ᕿᓚᖕᒥᐅᒐᓴᒃᔪᐃᑦ ᑎᑭᓪᓗᒋᑦ, ᐅᓪᓗᕆᐊᑦ ᐃᓚᖏᑦ ᐃᒋᑉᐰᑦ ᓄᓇᒧᑦ ᑐᓪᓕᕋᕐᓗᒋᓪᓗ.

ᑖᓂᐊᓕᐅᑉ ᐊᒡᓚᖏᑦ 8:17

ᖃᓂᒋᔭᓐᓄᓪᓗ ᕾᕗᖅ, ᓯᕘᕋᓂᕐᒥᒡᓗ ᑕᑕᑉᐳᖓ ᓵᖓᓂᓗ ᐅᕐᕈᓪᓗᖓ ᐹᒻᒪᒃᐳᖓ, ᐅᖃᐅᑎᕚᖓᓗ, “ᐃᓅᑉ ᐃᕐᓂᖓ, ᑐᑭᓯᓕᕆᑦ ᑕᑯᑎᑕᐅᓂᖅ ᑕᒪᓐᓇ ᐱᑦᔪᑎᖃᕐᒪᑦ ᓱᓇᓕᒫᑦ ᐃᓱᒃᓴᖓᓂᒃ.

ᑖᓂᐊᓕᐅᑉ ᐊᒡᓚᖏᑦ 8:19

ᐅᖃᐅᑎᕚᖓ, “ᐅᖃᐅᑎᓂᐊᕋᒃᑭᑦ ᓱᓇᒥᒃ ᐱᔪᖃᕈᒫᕐᒪᖔᑦ ᐅᓪᓗᐃᑦ ᑭᖑᓪᓕᖏᓐᓂ ᓂᓐᖓᐅᒪᓂᕐᔪᐊᖅ ᓇᓪᓕᐅᑎᒃᐸᑦ, ᑕᑯᑎᑕᐅᓂᖅ ᑕᒪᓐᓇ ᐱᑦᔪᑎᖃᕐᒪᑦ ᐃᓱᐊᓂ ᐱᔪᒫᕐᑐᓂᒃ.

ᑖᓂᐊᓕᐅᑉ ᐊᒡᓚᖏᑦ 9:27

ᑖᓐᓇ ᐊᖏᖃᑎᒌᒍᑎᒥᒃ ᐋᖅᑭᒃᓯᔪᒫᕐᐳᖅ ᓇᓪᓕᐅᓐᓃᑦ 7ᐃᑦ ᐃᓚᖓᓐᓂ, ᓇᓪᓕᐅᓐᓃᑦ 7ᐃᑦ ᐃᓚᖓᓐᓂ ᑐᖁᑕᐅᔪᒫᕐᐳᖅ ᐆᒪᔪᑎᑐᑦ ᑐᓂᕐᕈᑎᒋᔭᐅᓗᓂ. ᑐᒃᓯᐊᕐᕕᒡᔪᐊᑉ ᐳᕐᑐᓂᕐᐹᖓᓂ ᐃᓕᓯᔪᒫᕐᐳᖅ ᓇᕐᕈᓇᕐᑐᕐᔪᐊᒥᒃ ᓱᕋᒃᑕᐅᑎᑦᓯᔪᒥᒃ ᐃᒡᓗᒐᓴᒡᔪᐊᓂᒃ ᑖᓐᓇ ᑍᒤᓕᖓᓂᐊᕐᐳᖅ, ᐅᖃᐅᑕᐅᓯᒪᔫᑉ ᓇᓪᓕᐅᑎᓂᖓᑕ ᐃᓱᓕᑦᓯᐊᕐᓂᖓᓄᑦ ᑎᑭᓪᓗᒍ.”

ᕼᐊᐸᑲᐅᑉ ᐊᒡᓚᖏᑦ 2:3

ᑕᑯᑎᑦᔪᑎᑦ ᐱᕕᒃᓴᒥᖕᓂᒃ ᓇᓪᓕᐅᑎᕝᕕᐅᓯᒪᖏᒃᑲᓗᐊᕐᑎᓪᓗᒋᑦ; ᑭᖑᓪᓕᕐᐹᒥᒡᓕ ᐅᖃᐅᓯᖏᑦ ᓇᓪᓕᐅᑎᔪᒫᕐᐳᑦ ᓴᒡᓗᓂᐊᕋᑎᒡᓗ. ᓇᓪᓕᐅᑎᓂᐊᕐᓂᖓ ᐊᑯᓂᐅᖅᑰᔨᓂᐊᕋᓗᐊᕐᐳᖅ, ᐅᑕᖅᑭᑐᐃᓐᓇᕐᓯᐅᒡᓕ; ᐱᕕᒃᓴᖓ ᓇᓪᓕᐅᑎᓪᓚᕆᒍᒫᕐᒪᑦ, ᑭᖑᕙᕐᓂᐊᕋᓂᓗ.

ᓴᑲᕅᐊᐅᑉ ᐊᒡᓚᖏᑦ 13:9

ᑖᒃᑯᐊ ᐱᖓᔪᖏᑦ ᐃᑯᒪᒃᑰᕐᑎᓱᒪᕙᒃᑲ, ᓯᐅᓪᕕᕆᑎᑐᓪᓗ ᐊᐅᒃᑎᓪᓗᒋᑦ ᓴᓗᒻᒪᕐᓴᕈᒪᕙᒃᑲ, ᐆᒃᑐᕐᓗᒋᓪᓗ ᒎᓗᐃᑦ ᐆᒃᑐᕐᑕᐅᑦᔪᓯᖏᑎᑐᑦ: ᐊᑎᓐᓄᓪᓗ ᓂᓪᓕᐊᔪᒫᕐᐳᑦ ᑭᐅᔪᒫᕐᐸᒃᑲᓗ, ᐅᖃᓕᕐᓗᖓᓗ, ‘ᐅᑯᐊ ᑕᕝᕙ ᐃᓄᖁᑎᒃᑲ,’ ᑖᒃᑯᐊᓗ ᐅᖃᓕᕐᓗᑎᒃ, ‘ᐊᑕᓂᖅ ᒎᑎᒋᕙᕗᑦ.’”

ᒫᑎᐅᓯᐅᑉ ᐊᒡᓚᖏᑦ 16:17

ᔩᓱᓯᐅᑉ ᐅᖃᐅᑎᕚ, “ᓮᒨᓃ ᔪᐊᓇᓯᐅᑉ ᐃᕐᓂᖓ ᓇᓛᒍᑦ ᐅᖃᕐᐳᑎᑦ! ᑕᒪᓐᓇ ᖃᐅᔨᑎᑕᐅᓃᑦ ᐃᓄᑐᐃᓐᓇᕐᒥᑦ ᐱᓐᖏᓚᖅ, ᐊᑖᑕᒪᓕ ᕿᓚᖕᒦᑦᑑᑉ ᑕᒪᑐᒥᖓ ᑐᑭᓯᑎᑉᐹᑎᑦ.

ᒫᑎᐅᓯᐅᑉ ᐊᒡᓚᖏᑦ 26:56

ᑕᒪᒃᑯᐊᓕᒫᑦ ᐱᓂᐊᕐᓂᐅᕗᑦ, ᓇᓚᐅᑦᑍᔫᑉ ᐅᖃᐅᓯᕆᓚᐅᕐᑕᖏᑦ ᓇᓚᐅᑦᓯᑎᑕᐅᖁᓪᓗᒋᑦ.” ᐃᓕᓐᓂᐊᕐᑎᓕᒫᖏᑦᑕᓕ ᔩᓱᓯ ᕿᒪᑉᐹᑦ ᕿᒫᓪᓗᑎᒃ.

ᔪᐊᓇᓯᐅᑉ ᐊᒡᓚᖏᑦ 15:2

ᐊᕙᓚᖓᔪᓕᒫᓪᓗ ᐅᕙᓐᓃᑦᑐᑦ ᐸᐅᕐᖓᖃᕈᓐᓇᖏᑦᑐᑦ, ᐲᔭᕐᓂᐊᕐᐰᑦ, ᐸᐅᕐᖓᖃᖃᑦᑕᕐᑐᓕᒫᓪᓗ ᓴᓗᒻᒪᕐᓴᕐᓗᖏᑦ ᐲᔧᕕᒋᓂᐊᕐᐰᑦ, ᓴᓗᒪᑦᓯᐊᕐᓗᑎᒃ ᐸᐅᕐᖓᓂᑦ ᐱᕈᕐᕕᐅᒃᑲᓐᓂᖁᓪᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 20:25

ᑕᕝᕙ ᐃᓕᓐᓂᐊᕐᑏᑦ ᑑᒪᓯ ᐅᖃᐅᑎᕚᑦ, “ᐊᑕᓂᖅ ᑕᑯᓚᐅᕐᐸᕗᑦ.” ᑑᒪᓯᐅᓪᓕ ᐅᖃᐅᑎᕔᑦ, “ᐊᒡᒐᖏᓐᓂ ᑭᑭᐊᒃᑐᕐᑕᐅᓂᖏᑦ ᑕᑯᖏᒃᑯᒃᑭᑦ, ᑎᑭᕋᓗ ᑭᑭᐊᒃᑐᕐᑕᐅᓂᖏᓐᓄᑦ ᐃᓕᖏᒃᑯᒃᑯ, ᓴᓂᕋᖓᓗ ᐊᒃᑐᖏᒃᑯᒃᑯ ᐅᐱᕈᓱᓕᑦᔮᓐᖏᓚᖓ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:13

ᐸᐅᓗᓯ ᐱᓇᓱᐊᖃᑎᓂ ᐃᓚᒋᓪᓗᒋᑦ ᐅᒥᐊᕐᑐᓕᕐᐳᑦ ᐹᐳᓯᒥᑦ, ᐃᒡᓗᒐᓴᖕᓄᑦ ᐴᕐᒐᒧᑦ ᐊᑎᓕᖕᓄᑦ ᑎᑭᓪᓗᑎᒃ ᐸᒻᐱᓕᐊᒦᑦᑐᒧᑦ. ᑕᕝᕙᓂ ᔪᐊᓇᓯ ᒫᑯᓯᐅᑉ ᑭᒪᒃᐹᒃ ᔨᕉᓴᓕᒻᒧᑦ ᐅᑎᕐᓗᓂ.

ᒨᓯᓯ ᑕᓪᓕᒪᖏᑦ 8:16

ᓱᓇᖃᖏᑦᑐᒥ ᓂᕆᑎᓚᐅᕐᐹᓯ ᓂᕿᒃᓴᒥᒃ ᒫᓇᒥᒃ ᓯᕗᓕᑦᓯ ᖃᐅᔨᓚᐅᕐᓯᒪᓐᖏᑕᖏᓐᓂᒃ, ᒥᑭᒡᓕᑎᕈᓐᓇᖁᓪᓗᓯ ᖃᐅᔨᓴᕈᒪᓪᓗᓂᓯᓗ, ᑕᒪᓐᓇ ᐊᓂᒍᕐᐸᑦ ᓮᒻᒪᕐᑎᑦᓱᒪᓪᓗᓂᓯ ᐱᕙᓪᓕᐅᑎᒃᓴᑦᓯᓂᒡᓗ ᐱᑎᑦᓱᒪᓪᓗᓂᓯ.

ᔧᒥᓯᐅᑉ ᐊᒡᓚᖏᑦ 1:2

ᐅᒃᐱᕐᑑᖃᑎᒃᑲ ᖁᕕᐊᓱᒪᕆᒋᑦᓯ, ᓱᓇᑐᐃᓐᓇᕐᓄᑦ ᐊᑦᔨᒌᖏᑦᑐᓄᑦ ᐆᖁᒤᑐᒦᑎᑕᐅᓕᕈᑦᓯ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:15

ᐂᖏᓕᒥᒡᓗ ᐊᓯᐊᓂᒃ ᓴᖅᑭᑦᑐᖃᕆᕗᖅ ᑐᒃᓯᐊᕐᕕᒡᔪᐊᕐᒥᑦ ᐊᓂᔪᒥᒃ, ᓂᐱᖅᑯᕐᑐᓪᓗᓂᓗ ᓄᕗᔭᒥ ᐃᒃᓯᕚᕐᑐᒧᑦ ᐅᖃᕐᐳᖅ, “ᐱᕈᕐᑐᑦ ᓇᑲᑎᓕᒃᑭᑦ ᓇᑲᑎᕆᑦᔪᑎᖕᓄᑦ, ᑲᑎᕐᓱᐃᕕᒃ ᓇᓪᓕᐅᑎᖕᒪᑦ, ᓄᓇᕐᔪᐊᑉ ᐱᕈᕐᑐᖏᑦ ᓈᒻᒪᒃᓯᖕᒪᑕ ᑲᑎᕐᓱᕐᑕᐅᔪᓐᓇᕐᓯᕗᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:17

ᒎᑎᐅᑉ ᐃᓱᒪᖃᓕᕐᑎᑦᓱᒫᕐᒪᒋᑦ ᐱᓇᓱᐊᕈᒪᔭᒥᓂᒃ ᓈᒻᒪᒃᓯᑎᑦᓯᖁᓪᓗᒋᑦ ᐱᓇᓱᐊᖃᑎᒌᓂᕐᒥᒃᑎᒍᑦ ᐊᑕᐅᓯᕐᒥᒃ ᐃᓱᒪᖃᕐᓗᑎᒃ ᐊᖓᔪᖅᑳᕐᔪᐊᖑᓂᕐᒧᑦ ᐱᔪᓐᓇᕐᓂᕐᒥᖕᓂᒃ ᐃᑲᔪᕈᑎᖃᖁᓪᓗᒋᑦ ᐆᒪᔪᐊᓗᖕᒧᑦ ᐊᐅᓚᑦᓯᓂᕐᒥᒃᑎᒍᑦ, ᒎᑎᐅᑉ ᐅᖃᐅᓯᖏᑦ ᓇᓚᐅᑦᓯᔭᕇᓚᐅᕐᑎᓐᓇᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:10

ᐊᒃᓱᕈᕐᓇᕐᑐᔪᐊᑰᓂᕆᓂᐊᕐᑕᓯ ᓯᕘᕋᒋᑦᑍᓕᓯᐅᒃ. ᑕᑯᒋᑦ, ᓵᑖᓇᓯᐅᑉ ᐆᒃᑐᕐᑕᐅᖁᓪᓗᓯ ᐃᓚᑦᓯ ᐃᓚᖏᓐᓂᒃ ᑎᒍᔭᐅᓯᒪᕕᖕᒧᐊᕐᑕᐅᑎᑦᓯᓂᐊᕐᐳᖅ, ᐊᒃᓱᕈᕐᓇᕐᑐᒃᑰᕐᓂᕆᓂᐊᕐᑕᓯᓗ ᐅᓪᓗᓂᒃ ᖁᓕᓂᒃ ᓯᕕᑐᓂᖃᕐᓂᐊᕐᐳᖅ. ᓱᖁᓯᕐᑍᓕᒋᑦᓯᓕ ᑐᖁ ᑎᑭᓪᓗᒍ, ᑕᕝᕙ ᑐᓂᓯᕕᒋᔪᒫᕐᐸᑦᓯ ᓂᐊᖂᑎᒥᒃ ᐃᓅᓯᖃᕐᓇᕐᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:14

ᑭᐅᕙᕋᓗ, “ᐊᖓᔪᖅᑳᖅ, ᐃᕝᕕᑦ ᖃᐅᔨᒪᕙᑎᑦ.” ᐅᖃᐅᑎᕚᖓᓗ, “ᑖᑯᐊ ᑕᕝᕙ ᑲᑉᐱᐊᓇᕐᑐᕐᔪᐊᕐᒥᒃ ᐊᓂᒍᐃᔪᑦ; ᐊᓐᓄᕌᒥᖕᓂᒃ ᓴᓗᒻᒪᕐᓮᓯᒪᕗᑦ ᖃᑯᕐᓯᑎᓪᓗᒋᒡᓗ ᓄᕐᕋᐅᔭᐅᑉ ᐊᐅᖓᓄᑦ.