ᑖᓂᐊᓕᐅᑉ ᐊᒡᓚᖏᑦ 11:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᐅᓇᑕᕐᑐᒃᓴᕐᔪᐊᖁᑎᖏᑦ ᓱᕐᔪᒍᒫᕐᐳᑦ ᑐᒃᓯᐊᕐᕕᒡᔪᐊᑉ ᐊᕙᓗᕐᔪᐊᖓ ᐃᑦᔪᕐᓇᕐᓯᑎᓪᓗᒍ, ᓄᖅᑲᕐᑎᑦᓯᓗᑎᒡᓗ ᐆᒪᔪᓂᒃ ᖃᐅᑕᒫᑦ ᑐᓂᕐᕈᓯᖃᑦᑕᕐᓂᕐᒥᒃ; ᑕᕝᕙ ᐃᓕᓯᔪᒫᕐᐳᑦ ᐃᑦᔪᕐᓇᕐᑐᕐᔪᐊᒥᒃ ᑲᑉᐱᓇᕐᑐᕐᔪᐊᒥᒃ.

ᑖᓂᐊᓕᐅᑉ ᐊᒡᓚᖏᑦ 11:31 Iomraidhean Croise

ᔨᕆᒤᐊᐅᑉ ᐊᒡᓚᖏᑦ 19:4

ᐅᕙᓐᓂᒃ ᕿᒤᓚᐅᕐᒪᑕ, ᐊᓯᖏᑕᓗ ᒎᑎᒋᔭᖏᓐᓄᑦ ᓄᓇᑎᒃ ᐃᓂᑖᖑᑎᓪᓗᒍ ᓇᕐᕈᓇᕐᓯᑎᑉᐹᑦ, ᐆᑕᒃᓴᓂᒡᓗ ᑐᓂᕐᕈᓯᕐᕕᒋᕙᒃᓗᒋᑦ, ᓯᕗᓕᕕᓂᖏᑕᓘᓐᓃᑦ ᖃᐅᔨᒪᓚᐅᕐᓯᒪᓐᖏᑕᖏᓐᓂᒃ, ᔫᑕᐅᓪᓘᓐᓃᑦ ᐊᖓᔪᖅᑳᕐᔪᐊᖏᑕ ᖃᐅᔨᒪᓚᐅᕐᓯᒪᖏᒻᒥᔭᖏᑦ; ᑕᕝᕙᓂᓗ ᑐᖁᕅᕙᒃᓗᑎᒃ ᐸᓯᔭᒃᓴᐅᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 7:30

“ᔫᑕᒥᐅᑦ ᓵᓐᓂ ᐊᔪᕐᑐᓕᓯᒪᖕᒪᑕ, ᐊᑕᓂᖅ ᐅᖃᕐᐳᖅ, ᒎᑎᓐᖑᐊᓂᒃ ᓇᕐᕈᓇᕐᑐᓂᒃ ᐃᓕᐅᖅᑬᓯᒪᖕᒪᑕ ᑐᒃᓯᐊᕐᕕᒡᔪᐊᖁᑎᓐᓄᑦ ᐊᑎᓐᓂᒃ ᓇᓗᓁᒃᑯᑕᖃᕐᑐᒧᑦ ᓇᕐᕈᓇᕐᓯᑎᑦᓯᕗᑦ ᑍᒤᓕᐅᕐᓂᕐᒥᖕᓄᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:10

ᐊᑭᕋᕐᑐᑎᖏᑕᓗ ᐱᒃᑯᒥᓇᕐᑐᖁᑎᖏᑦ ᐱᐅᕋᕐᐰᑦ, ᑕᑯᓐᓇᕐᐳᑦ ᑐᒃᓯᐊᕐᕕᒡᔪᐊᖓ ᐃᓅᖃᑎᒌᒡᔪᐊᓄᑦ ᐃᑎᕐᑕᐅᑎᓪᓗᒍ, ᒎᑎᐅᑉ ᐅᒃᐱᕆᔨᒋᓐᖏᑕᒥᓄᑦ ᐃᑎᕐᑕᐅᖁᓚᐅᕐᓯᒪᓐᖏᑎᓪᓗᓂᐅᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:7

ᐊᑕᓂᐅᑉ ᑐᓂᕐᕈᓯᕐᕕᖁᑎᓂ ᐃᑦᔪᕐᓁᑦᑐᒃᑯᕕᖁᑎᓂᓗ ᖁᔭᓈᕐᐰᑦ ᐃᒡᓗᒐᓴᒡᔪᐊᖁᑎᒥᓗ ᐊᕙᓗᕐᔪᐊᖏᑦ ᓯᖁᒥᑕᐅᑎᑉᐰᑦ ᐊᑭᕋᖏᓐᓄᑦ, ᓵᓚᖃᕐᓂᕐᒥᒃ ᓂᓪᓕᐊᕕᐅᓕᕐᐳᑦ ᑐᒃᓯᐊᕐᕕᒃᔪᐊᖁᑎᕗᑦ ᓂᕐᑐᐃᕙᓗᒃᑐᓂᒃ ᓂᓪᓕᐊᕕᐅᕙᓚᐅᕐᑐᖅ ᓇᓪᓕᐅᓐᓂᕐᓯᐅᕖᑦ ᐊᑐᕐᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 9:7

ᑕᕝᕙ ᐅᖃᐅᑎᕔᑦ, “ᑐᒃᓯᐊᕐᕕᒡᔪᐊᖅ ᐃᑦᔪᕐᓇᕐᓯᑎᓯᐅᒃ, ᐊᓃᕋᔭᒡᕕᖏᑦ ᑐᖁᑕᐅᔪᓂᒃ ᓈᓗᒋᑦ. ᐊᑏ ᐂᓕᕆᑦᓯ.” ᐊᓂᒐᒥᒡᓗ, ᑐᖁᕅᓕᕐᐳᑦ ᐃᓄᖕᓂᒃ ᐃᒡᓗᒐᓴᒡᔪᐊᓃᑦᑐᓂᒃ.

ᑖᓂᐊᓕᐅᑉ ᐊᒡᓚᖏᑦ 12:11

ᑍᑦᓱᒪᓂ ᖃᐅᑕᒫᑦ ᐆᒪᔪᓂᒃ ᑐᓂᕐᕈᓯᖃᑦᑕᕐᓂᐅᑉ ᓄᖅᑲᕐᑎᑕᐅᓂᖓᓂᑦ, ᐃᑦᔪᕐᓇᕐᑐᐊᓘᓪᓗ ᐃᓕᔭᐅᓂᖓ ᓱᕈᕐᑎᑕᐅᓐᓇᕐᑑᑉ ᐊᑯᓐᓂᖓᓂ, ᐅᓪᓗᐃᑦ 1,290ᐅᕗᑦ.

ᑖᓂᐊᓕᐅᑉ ᐊᒡᓚᖏᑦ 8:24

ᑖᑦᓱᒪ ᐱᔪᓐᓇᕐᓂᖓ ᓴᓐᖏᔪᕐᔪᐊᖑᓕᕈᒫᕐᐳᖅ, ᓇᖕᒥᓂᖅ ᐱᔪᓐᓇᕐᓂᕐᒥᓅᖏᑦᑐᖅ: ᑖᓐᓇ ᐊᖏᔪᐊᓗᖕᒥᒃ ᓵᓚᖃᕈᒫᕐᐳᖅ, ᖃᓄᐃᓕᐅᕋᓱᐊᕐᑕᒥᓂᒃ ᑕᒤᓐᓂᒃ ᑲᔪᓯᓗᓂ, ᓱᓇᐅᔪᓐᓁᕐᑎᑦᓯᔪᒫᕐᐳᖅ ᐊᔪᖏᑦᑐᕐᔪᐊᖁᑕᐅᔪᓂᒃ ᐃᓄᖕᓂᒡᓗ ᐃᑦᔪᕐᓁᑦᑐᓂᒃ.

ᑖᓂᐊᓕᐅᑉ ᐊᒡᓚᖏᑦ 8:26

ᑕᑯᑎᑕᐅᓃᑦ ᐅᓪᓗᓂᒃ ᐅᓐᓄᐊᓂᒡᓗ ᐅᖃᐅᓯᐅᔪᑦ ᐃᓕᖕᓄᑦ ᓱᓕᑦᓯᐊᕐᐳᑦ, ᑕᑯᑎᑕᐅᓂᕐᓕ ᒪᑐᒍᒃ, ᐅᖃᐅᓯᖃᕐᒪᑦ ᓯᕗᓂᕐᔪᐊᒥ ᐱᔪᒫᕐᑐᓂᒃ.”

ᑖᓂᐊᓕᐅᑉ ᐊᒡᓚᖏᑦ 9:27

ᑖᓐᓇ ᐊᖏᖃᑎᒌᒍᑎᒥᒃ ᐋᖅᑭᒃᓯᔪᒫᕐᐳᖅ ᓇᓪᓕᐅᓐᓃᑦ 7ᐃᑦ ᐃᓚᖓᓐᓂ, ᓇᓪᓕᐅᓐᓃᑦ 7ᐃᑦ ᐃᓚᖓᓐᓂ ᑐᖁᑕᐅᔪᒫᕐᐳᖅ ᐆᒪᔪᑎᑐᑦ ᑐᓂᕐᕈᑎᒋᔭᐅᓗᓂ. ᑐᒃᓯᐊᕐᕕᒡᔪᐊᑉ ᐳᕐᑐᓂᕐᐹᖓᓂ ᐃᓕᓯᔪᒫᕐᐳᖅ ᓇᕐᕈᓇᕐᑐᕐᔪᐊᒥᒃ ᓱᕋᒃᑕᐅᑎᑦᓯᔪᒥᒃ ᐃᒡᓗᒐᓴᒡᔪᐊᓂᒃ ᑖᓐᓇ ᑍᒤᓕᖓᓂᐊᕐᐳᖅ, ᐅᖃᐅᑕᐅᓯᒪᔫᑉ ᓇᓪᓕᐅᑎᓂᖓᑕ ᐃᓱᓕᑦᓯᐊᕐᓂᖓᓄᑦ ᑎᑭᓪᓗᒍ.”

ᕼᐆᓯᐊᑉ ᐊᒡᓚᖏᑦ 3:4

ᑍᒫᒃᑕᐅᖅ ᐃᓴᕆᐊᓕᐅᑉ ᐃᓄᖏᑦ ᐃᓅᔭᕆᐊᖃᕈᒫᕐᐳᑦ ᐊᑯᓂ ᐊᖓᔪᖅᑳᕐᔪᐊᖃᖏᓪᓗᑎᒃ ᓯᕗᓕᕐᑎᖃᖏᓪᓗᑎᒡᓗ, ᑐᓂᕐᕈᓯᖃᑦᑕᖏᓪᓗᑎᒃ ᐅᔭᕋᖕᓂᒡᓗ ᓇᐸᔪᓂᒃ ᐊᑐᖏᓪᓗᑎᒃ, ᒎᑎᓐᖑᐊᓂᒡᓘᓐᓃᑦ ᖃᐅᔨᓇᓱᐊᕈᑕᐅᕙᒃᑐᓂᒃ ᐊᑐᖏᓪᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 24:15

“ᑕᑯᒍᑦᓯ ᑐᒃᓯᐊᕐᕕᒡᔪᐊᕐᒥ ᑕᑯᒥᓁᑦᑐᕐᔪᐊᒥᒃ ᐃᓕᓯᕕᐅᓂᖓᓂᒃ ᓇᓚᐅᑦᑍᔫᑉ ᑖᓂᐊᓕᐅᑉ ᐅᖃᐅᓯᕆᓯᒪᔭᖓᓂᒃ, ᐃᑦᔪᕐᓁᑦᑐᕕᖕᒦᑦᑐᒥᒃ (ᐊᑐᐊᕐᓯᔫᑉ ᑐᑭᓯᔭᕆᐊᖃᕐᑕᖓ),

ᒫᑯᓯᐅᑉ ᐊᒡᓚᖏᑦ 13:14

“ᑕᑯᓕᕈᑦᓯ ᑕᑯᒥᓁᑦᑐᕐᔪᐊᕐᒥᒃ ᓇᑉᐸᕐᑕᐅᔪᒥᒃ ᑕᒫᓂ ᐃᓂᒃᓴᕆᓐᖏᑕᖓᓂ (ᐊᑐᐊᕐᓯᔫᑉ ᑐᑭᓯᓕᐅᒃ ᖃᓄᖅ ᑐᑭᖃᕐᒪᖔᑦ), ᑕᕝᕙ ᔫᑎᐊᒦᑦᑐᑦ ᕿᒫᔭᕆᐊᖃᓕᕈᒫᕐᐳᑦ ᖃᖅᑲᓄᑦ.

ᓘᑲᓯᐅᑉ ᐊᒡᓚᖏᑦ 21:20

“ᔨᕉᓴᓕᒻ ᑕᑯᒍᑦᓯᐅᒃ ᐅᓇᑕᕐᑐᒃᓴᓄᑦ ᐃᓗᒪᔭᐅᔪᖅ, ᖃᐅᔨᔪᒫᕐᐳᓯ ᑕᕝᕙ ᓯᖁᑦᑎᕐᑕᐅᕕᒃᓴᖓ ᖃᒡᓕᖕᒪᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:12

“ᓇᒡᔪᐃᓪᓗ ᖁᓖᑦ ᑕᑯᔭᑎᑦ ᐊᖓᔪᖅᑳᕐᔪᐊᖑᕗᑦ ᖁᓕᑦ ᓱᓕ ᐊᖓᔪᖅᑳᕐᔪᐊᓐᖑᓚᐅᖏᑦᑐᑦ, ᑭᓯᐊᓂᓕ ᐱᔪᓐᓇᕐᓯᑎᑕᐅᔪᒫᕐᐳᑦ ᐊᖓᔪᖅᑳᕐᔪᐊᖑᖁᓪᓗᒋᑦ ᐃᑲᕐᕋᕐᒥᒃ ᐊᑕᐅᓯᕐᒥᒃ, ᐊᐅᓚᑦᓯᖃᑎᖃᕐᓗᑎᒃ ᐆᒪᔪᐊᓗᖕᒥᒃ.