ᑖᓂᐊᓕᐅᑉ ᐊᒡᓚᖏᑦ 11:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᑖᒃᑯᐊᒃ ᐊᖓᔪᖅᑳᕐᔪᐊᒃ ᒪᕐᕉᒃ, ᑕᒪᕐᒥᒃ ᐱᐅᖏᑦᑐᒥᒃ ᐆᒻᒪᑎᖃᕐᓗᑎᒃ, ᓂᕆᕕᖕᒥ ᐃᒃᓯᕙᖃᑎᒌᒍᒫᕐᐴᒃ ᓴᒡᓗᓂᕐᒥᒡᓗ ᐃᒻᒥᖕᓄᑦ ᓂᓪᓕᐊᖃᑎᒌᒡᓗᑎᒃ, ᓵᓚᒌᖃᑦᑕᐅᑎᔪᒫᓐᖏᓚᒃ ᐱᕕᒃᓴᖓᒃ ᓈᒻᒪᒃᓯᖏᒻᒪᑦ ᓱᓕ.

ᑖᓂᐊᓕᐅᑉ ᐊᒡᓚᖏᑦ 11:27 Iomraidhean Croise

ᓴᒧᐃᓕ ᐂᑉᐸᖏᑦ 13:26

ᑕᕝᕙ ᐋᑉᓴᓚᒻ ᐅᖃᓕᕐᐳᖅ, “ᕾᓂᐊᖏᒃᑯᕕᑦ, ᓄᑲᕋ ᐋᒻᓇᓐ ᐃᓚᐅᑎᑦᓱᓐᓇᕐᐱᐅᒃ?” ᐊᖓᔪᖅᑳᕐᔪᐊᖅ ᐅᖃᐅᑎᕚ, “ᓱᖕᒪᑦ ᕾᔭᕆᐊᖃᕐᐹ?”

ᐃᓐᖏᕈᑎᑦ 12:2

ᓱᓕᖏᑦᑐᓂᒃ ᐅᖃᐅᓯᖃᕐᐳᑦ ᐃᓅᖃᑎᒥᖕᓄᑦ; ᖃᓂᕐᒥᖕᓄᑦ ᐱᐅᔪᕆᔪᒧᑦ, ᐆᒪᒻᒧᓪᓗ ᑕᒃᑯᕐᒨᕐᑐᒧᑦ ᓂᓪᓕᐊᕗᑦ.

ᐃᓐᖏᕈᑎᑦ 52:1

ᓱᖕᒪᑦ ᐱᑦᓯᐊᖏᓐᓂᕐᒥᒃ ᐱᐅᔪᕆᑦᔪᑎᖃᕐᐱᑦ, ᐊᔪᖏᑦᑐᐊᓘᔪᑎᑦ ᐊᖑᑦ? ᒎᑎᐅᑉ ᐃᓄᖁᑎᖓᓄᑦ, ᐅᓪᓗᓕᒫᖅ ᓈᓪᓗᒍ.

ᐃᓐᖏᕈᑎᑦ 58:2

ᑍᒤᖏᒻᒪᑦ, ᐆᒻᒪᑎᑦᓯᒍᑦ ᐋᖅᑭᒃᓱᐃᕗᓯ ᓇᓛᒎᖏᑦᑐᒥᒃ ᐃᖅᑲᕐᑐᐃᓂᕐᒥᒃ, ᐊᒡᒐᑦᓯᓐᓄᑦ ᐱᓂᐊᕐᓂᖃᕐᐳᓯ ᑲᑉᐱᐊᓱᒃᑎᑦᓯᓂᕐᒥᒃ ᓄᓇᕐᔪᐊᒥ.

ᐃᓐᖏᕈᑎᑦ 62:9

ᐃᓄᐃᑦ ᐃᒻᒥᖕᓂᒃ ᓱᓇᐅᔪᕆᖏᑦᑐᑦ ᐳᔪᑐᐃᓐᓇᐅᕗᑦ, ᐃᓄᐃᓪᓗ ᐃᒻᒥᖕᓂᒃ ᓱᓇᐅᔪᕆᓗᐊᕐᑐᑦ ᓴᒡᓗᓂᑐᐃᓐᓇᐅᕗᑦ; ᐅᖁᒤᓐᓂᕐᓯᐅᕐᑕᐅᒃᐸᑕ; ᑲᑎᓪᓗᒋᑦ ᐳᔪᕐᒥᑦ ᐅᕿᓐᓂᕐᓴᐅᒐᔭᕐᐳᑦ.

ᐃᓐᖏᕈᑎᑦ 64:6

ᐃᓱᒪᓕᐅᖃᑎᒌᒃᐳᑦ ᐱᐅᖏᑦᑐᒥᒃ ᐅᖃᕐᓗᑎᒃ, “ᖃᐅᔨᔭᐅᓂᐊᖏᑦᑐᒥᒃ ᓈᒻᒪᒃᑐᒥᒃ ᐱᕋᔭᒍᑎᒃᓴᒥᒃ ᐋᖅᑭᕗᒍᑦ.” ᐃᓛᒃ ᐃᓅᑉ ᐃᓱᒪᖓ ᐆᒻᒪᑎᒥᐅᑕᖏᓪᓗ ᐅᐃᕕᕆᒃᓯᓂᐅᖕᒪᑕ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:20

ᐅᐃᕕᕆᒃᓯᓂᖅ ᐆᒻᒪᑎᖓᓂᑉᐳᖅ ᐱᐅᖏᑦᑐᓂᒃ ᐃᓱᒪᒃᓴᕐᓯᐅᕈᑎᖃᕐᑐᓄᑦ, ᐃᓱᒪᒃᓴᕐᓯᐅᑦᓯᐊᕐᑐᓪᓕ ᐱᐅᔪᓂᒃ ᖁᕕᐊᓱᖕᓂᕐᒦᑉᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:21

ᐃᓄᒃ ᐅᓄᕐᑐᓂᒃ ᐃᓱᒪᒥᒍᑦ ᐱᓇᓱᐊᕈᒪᔭᖃᕐᐳᖅ, ᑭᓯᐊᓂᓕ ᐊᑕᓂᐅᑉ ᐱᓇᓱᐊᖁᔭᖓ ᑲᔪᓯᔪᑑᓂᐊᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 26:23

ᖃᓂᖅ ᐅᖃᕐᓴᕅᑦᑐᖅ ᐱᐅᖏᑦᑐᒥᒃ ᐆᒻᒪᑎᓕᖕᒥᑦ, ᐊᑦᔨᖃᕐᐳᖅ ᒪᕋᖅ ᐃᓗᓕᖁᑎ ᓯᐅᓪᕕᕆᒥᒃ ᐊᒥᐊᕐᓯᒪᔪᑐᑦ ᑍᒤᑉᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 17:9

“ᐅᖃᕆᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑖᓐᓇ ᕔᓂᒃᓴᖅ ᐱᕈᕐᐸᓪᓕᐊᖏᓐᓇᕐᓂᐊᕐᐹ? ᑖᑦᓱᒪ ᓄᓱᒃᑲᔭᓐᖏᓚᐅᒃ ᐊᒫᖏᑎᒍᑦ? ᐊᕙᓚᖓᔪᖏᑦ ᓇᑲᑎᕐᓗᓂᒋᑦ, ᐱᕈᓕᓵᕐᑐᑦ ᑕᒪᕐᒥᒃ ᑐᖁᓕᒐᔭᓐᖏᓛᑦ? ᓴᓐᖏᔪᐊᓘᖏᑦᑑᒐᓗᐊᑦ ᖃᑦᓰᓐᓇᐅᒐᓗᐊᓪᓗ ᐊᒫᖏᑎᒍᑦ ᓄᓱᒃᓯᔪᓐᓇᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 10:1

ᐊᖓᔪᖅᑳᕐᔪᐊᑉ ᓮᕋᓯᐅᑉ, ᐴᕐᓯᐊᒥᐅᑕᐅᑉ, ᐊᖓᔪᖅᑲᐅᓂᖓᑕ ᐊᕐᕌᒍᑦ ᐱᖓᔪᖓᓐᓂ, ᑖᓂᐊᓕ ᓇᓗᓁᕐᓯᕕᐅᓚᐅᕐᐳᖅ, ᑖᓐᓇ ᐊᑎᖃᕐᑎᑕᐅᔪᖅ ᐱᐊᓪᓴᔮᕆᒥᒃ. ᐅᖃᐅᓯᖅ ᑕᒪᓐᓇ ᓱᓕᑦᓯᐊᕐᐳᖅ ᐱᑦᔪᑎᖃᕐᓗᓂᓗ ᐅᓇᑕᕐᔪᐊᕐᓂᕐᒥᒃ: ᐅᖃᐅᑦᔭᐅᓂᐅᑉ ᑐᑭᓯᓇᕐᓂᖓ ᓴᖅᑭᓚᐅᕐᐳᖅ ᑕᑯᑎᑕᐅᓂᒃᑯᑦ.

ᑖᓂᐊᓕᐅᑉ ᐊᒡᓚᖏᑦ 11:28

ᐅᓐᓄᐊᑉ ᓇᓛᓂ ᐊᖓᔪᖅᑳᕐᔪᐊᖅ ᓄᓇᒥᓄᑦ ᐅᑎᕈᒫᕐᐳᖅ ᐊᔪᕐᓴᖏᑦᑐᕐᔪᐊᖑᓗᓂ, ᒎᑎᐅᓪᓗ ᐊᖏᖃᑎᒌᒍᑎᒋᓯᒪᓪᓗᒋᑦ ᐃᓄᖁᑎᖏᑦ ᐅᓇᖕᒥᔪᒫᕐᐰᑦ ᐆᒻᒪᑎᒥᓂ, ᐃᓱᒪᕐᓱᑦᓯᐊᕐᓗᓂ ᓱᒃᑯᔨᐊᖃᕈᒫᕐᐳᖅ, ᓄᓇᒥᓄᓪᓗ ᐅᑎᕈᒫᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 11:29

“ᐱᕕᒃᓴᖓ ᓈᒻᒪᒃᓯᒃᐸᑦ, ᓯᕿᓂᐅᑉ ᓇᓛᓃᑦᑐᓄᑦ ᐅᓇᑕᕆᐊᕈᒫᕆᕗᖅ, ᑭᓯᐊᓂᓕ ᓯᕗᓪᓕᕐᑐᑦ ᓵᓚᖃᕈᓯᕆᓚᐅᕐᑕᒥᑐᑦ ᑍᒤᑦᓱᓐᓃᕈᒫᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 11:35

ᓯᓚᑐᔪᑦ ᐃᓚᖏᑦ ᑐᖁᑕᐅᔪᒫᕐᐳᑦ, ᑲᔪᓯᔪᑦ ᓴᓗᒻᒪᕐᓴᕐᑕᐅᑦᓯᐊᖁᓪᓗᒋᑦ, ᑕᕐᓴᖃᖏᑦᑐᑐᑦ ᐃᓱᐊᓄᑦ ᑎᑭᑦᓱᓐᓇᖁᓪᓗᒋᑦ, ᓂᕈᐊᕐᑕᐅᓯᒪᔪᖅ ᓇᓪᓕᐅᓐᓂᖅ ᑎᑭᑦᓱᒫᕐᒪᑦ.

ᑖᓂᐊᓕᐅᑉ ᐊᒡᓚᖏᑦ 11:40

“ᑍᑦᓱᒪ ᐃᓱᐊᓂ ᐊᖓᔪᖅᑳᕐᔪᐊᖅ ᓯᕿᓂᐅᑉ ᓇᓛᓂᑦ ᐱᔪᖅ ᐅᓇᑕᖃᑎᒋᔪᒫᕐᐹ, ᐊᖓᔪᖅᑳᕐᔪᐊᓪᓗ ᐅᓐᓄᐊᑉ ᓇᓛᓂᑦ ᐱᔫᑉ ᓱᕐᔪᒍᒫᕆᕚ ᕿᒧᒃᓯᐅᑎᑦ ᐃᑭᒪᕝᕕᖕᒥᒃ ᐅᓂᐊᕐᑐᑦ ᐊᑐᕐᓗᒋᑦ, ᐅᓇᑕᕐᑐᒃᓴᒐᓴᒃᔪᐊᖃᕐᓗᓂ, ᐅᒥᐊᕐᔪᐊᖁᑎᖏᓪᓗ ᐅᓄᕐᑐᑦ ᐊᑐᕐᓗᒋᑦ, ᓄᓇᓕᒡᔪᐊᑦ ᐅᓄᕐᑐᑦ ᐅᓇᑕᕈᒫᕐᐰᑦ ᐃᒪᕐᑐᑦ ᖄᒥᑦᑐᑐᑦ.

ᑖᓂᐊᓕᐅᑉ ᐊᒡᓚᖏᑦ 8:17

ᖃᓂᒋᔭᓐᓄᓪᓗ ᕾᕗᖅ, ᓯᕘᕋᓂᕐᒥᒡᓗ ᑕᑕᑉᐳᖓ ᓵᖓᓂᓗ ᐅᕐᕈᓪᓗᖓ ᐹᒻᒪᒃᐳᖓ, ᐅᖃᐅᑎᕚᖓᓗ, “ᐃᓅᑉ ᐃᕐᓂᖓ, ᑐᑭᓯᓕᕆᑦ ᑕᑯᑎᑕᐅᓂᖅ ᑕᒪᓐᓇ ᐱᑦᔪᑎᖃᕐᒪᑦ ᓱᓇᓕᒫᑦ ᐃᓱᒃᓴᖓᓂᒃ.

ᑖᓂᐊᓕᐅᑉ ᐊᒡᓚᖏᑦ 8:19

ᐅᖃᐅᑎᕚᖓ, “ᐅᖃᐅᑎᓂᐊᕋᒃᑭᑦ ᓱᓇᒥᒃ ᐱᔪᖃᕈᒫᕐᒪᖔᑦ ᐅᓪᓗᐃᑦ ᑭᖑᓪᓕᖏᓐᓂ ᓂᓐᖓᐅᒪᓂᕐᔪᐊᖅ ᓇᓪᓕᐅᑎᒃᐸᑦ, ᑕᑯᑎᑕᐅᓂᖅ ᑕᒪᓐᓇ ᐱᑦᔪᑎᖃᕐᒪᑦ ᐃᓱᐊᓂ ᐱᔪᒫᕐᑐᓂᒃ.

ᕼᐊᐸᑲᐅᑉ ᐊᒡᓚᖏᑦ 2:3

ᑕᑯᑎᑦᔪᑎᑦ ᐱᕕᒃᓴᒥᖕᓂᒃ ᓇᓪᓕᐅᑎᕝᕕᐅᓯᒪᖏᒃᑲᓗᐊᕐᑎᓪᓗᒋᑦ; ᑭᖑᓪᓕᕐᐹᒥᒡᓕ ᐅᖃᐅᓯᖏᑦ ᓇᓪᓕᐅᑎᔪᒫᕐᐳᑦ ᓴᒡᓗᓂᐊᕋᑎᒡᓗ. ᓇᓪᓕᐅᑎᓂᐊᕐᓂᖓ ᐊᑯᓂᐅᖅᑰᔨᓂᐊᕋᓗᐊᕐᐳᖅ, ᐅᑕᖅᑭᑐᐃᓐᓇᕐᓯᐅᒡᓕ; ᐱᕕᒃᓴᖓ ᓇᓪᓕᐅᑎᓪᓚᕆᒍᒫᕐᒪᑦ, ᑭᖑᕙᕐᓂᐊᕋᓂᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 1:7

ᔩᓱᓯᐅᑉ ᑭᐅᕔᑦ, “ᐃᓕᑦᓯ ᑕᒪᑐᒥᖓ ᖃᐅᔨᒪᔭᕆᐊᖃᓐᖏᓚᓯ ᐱᕕᒃᓴᒥᒃ ᓇᓪᓕᐅᑎᕕᒃᓴᓂᒡᓗ ᐊᑖᑕᒪ ᑕᒪᒃᑯᐊ ᐱᔪᓐᓇᕐᓂᕐᒥᓄᑦ ᐋᖅᑭᒃᓯᒪᖕᒪᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 17:31

ᐅᓪᓗᒥᒃ ᐋᖅᑭᒃᓯᓯᒪᖕᒪᑦ ᐃᖅᑲᕐᑐᐃᔪᒪᓪᓗᓂ ᓯᓚᕐᔪᐊᕐᒥᐅᓂᒃ ᓇᓛᒎᑦᓯᐊᕐᓗᓂ, ᐃᓄᒃᑯᑦ ᓂᕈᐊᕐᓯᒪᔭᒥᒍᑦ, ᑕᒪᑐᒥᖓᓗ ᖁᓚᕐᓇᕈᓐᓃᕐᑎᑦᓯᕗᖅ ᑖᓐᓇ ᒪᑭᑎᓚᐅᕋᒥᐅᒃ ᑐᖁᒥᑦ.”

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:1

᙭ᔅᑑᓯᒥᐅᑕᐅᖃᑎᒃᑲ, ᓇᓪᓕᐅᑦᑐᒃᓴᓂᒃ ᖃᖓᐅᓂᒃᓴᖏᓂᒃᓗ ᐅᓪᓗᓪᓘᓐᓃᑦ ᓇᓪᓕᐊᓐᓂ ᑎᑎᕋᕐᕕᒋᔭᕆᐊᖃᓐᖏᓚᑦᓯ.