ᑖᓂᐊᓕᐅᑉ ᐊᒡᓚᖏᑦ 10:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᖓᔪᖅᑳᕐᔪᐊᑉ ᓮᕋᓯᐅᑉ, ᐴᕐᓯᐊᒥᐅᑕᐅᑉ, ᐊᖓᔪᖅᑲᐅᓂᖓᑕ ᐊᕐᕌᒍᑦ ᐱᖓᔪᖓᓐᓂ, ᑖᓂᐊᓕ ᓇᓗᓁᕐᓯᕕᐅᓚᐅᕐᐳᖅ, ᑖᓐᓇ ᐊᑎᖃᕐᑎᑕᐅᔪᖅ ᐱᐊᓪᓴᔮᕆᒥᒃ. ᐅᖃᐅᓯᖅ ᑕᒪᓐᓇ ᓱᓕᑦᓯᐊᕐᐳᖅ ᐱᑦᔪᑎᖃᕐᓗᓂᓗ ᐅᓇᑕᕐᔪᐊᕐᓂᕐᒥᒃ: ᐅᖃᐅᑦᔭᐅᓂᐅᑉ ᑐᑭᓯᓇᕐᓂᖓ ᓴᖅᑭᓚᐅᕐᐳᖅ ᑕᑯᑎᑕᐅᓂᒃᑯᑦ.

ᑖᓂᐊᓕᐅᑉ ᐊᒡᓚᖏᑦ 10:1 Iomraidhean Croise

ᒨᓯᓯ ᓯᕗᓪᓖᑦ 41:32

ᐰᕉᑉ ᓯᓐᓇᒃᑐᕐᓂᕆᔭᖓᑕ ᒪᕐᕉᓕᖅᑲᖓᓂᖓ ᑐᑭᖃᕐᐳᖅ ᑕᒪᓐᓇ ᒎᑎᐅᑉ ᐋᖅᑭᒃᓯᒪᖕᒪᒍ, ᐊᑯᓂᐅᖏᑦᑐᕐᓗ ᑲᔪᓯᑎᓐᓂᐊᕐᓗᓂᐅᒃ.

ᑯᕉᓂᑲ ᐂᑉᐸᖏᑦ 36:22

ᐊᕐᕌᒍᒥ ᓯᕗᓪᓕᕐᐹᒥ ᐊᖓᔪᖅᑳᕐᔪᐊᖅ ᓮᕋᓯ ᐴᕐᓯᐊᒥ ᐊᖓᔪᖅᑳᕐᔪᐊᖑᓕᕐᑎᓪᓗᒍ, ᐊᑕᓂᐅᑉ ᐅᖃᐅᓯᕆᓚᐅᕐᑕᖓ ᔨᕆᒤᐊᒃᑯᑦ ᓇᓚᐅᑦᓯᖁᓪᓗᒍ, ᐴᕐᓯᐊᑉ ᐊᖓᔪᖅᑳᕐᔪᐊᖓᑕ ᓮᕋᓯᐅᑉ ᐊᓂᕐᓂᖓ ᐊᑕᓂᐅᑉ ᐊᐅᓚᑦᔭᒃᑎᑉᐹ ᐅᖃᐅᓯᖃᓚᐅᕐᐳᖅ ᓇᓗᓁᕐᓯᓪᓗᓂ ᐊᖓᔪᖅᑲᐅᕕᓕᒫᒥᓄᑦ ᐊᒡᓚᒃᑕᐅᑎᑦᓯᓪᓗᓂᓗ:

ᐄᓱᕋᐅᑉ ᐊᒡᓚᖏᑦ 3:7

ᐃᓄᐃᑦ ᑮᓇᐅᔭᓂᒃ ᑐᓂᓯᓚᐅᕐᐳᑦ ᐊᑭᓕᐅᑎᒃᓴᓂᒃ ᐅᔭᕋᓕᕆᔨᓄᑦ ᕿᔪᓕᕆᔨᓄᓪᓗ ᑐᓂᓯᓚᐅᕆᕗᑦ ᓂᕿᒃᓴᓂᒃ, ᐃᒥᒐᒃᓴᓂᒡᓗ, ᓇᐹᕐᑑᓪᓗ ᐅᕐᓱᖏᓐᓂᒃ ᑐᔫᑎᒃᓴᓂᒃ ᐃᒡᓗᒐᓴᖕᓄᑦ ᑍᕆᒧᑦ ᓮᑐᓂᒧᓪᓗ ᑕᐅᕐᓰᒍᑎᒃᓴᓂᒃ ᓰᑕᕆᓄᑦ ᓯᑎᔪᓄᑦ ᓕᐸᓇᓂᒥᑦ ᐱᓯᒪᔪᓄᑦ, ᑎᑭᐅᑦᔭᐅᒐᔭᕐᑐᓄᑦ ᑕᕆᐅᒃᑯᑦ ᔮᐸᒃᑯᑦ, ᑕᒪᓐᓇ ᐱᓇᓱᐊᕐᑕᐅᓚᐅᕐᐳᖅ ᐊᖏᕈᑎᒋᔭᐅᓯᒪᖕᒪᑦ ᐊᖓᔪᖅᑳᕐᔪᐊᕐᒧᑦ ᓮᕋᓯᒧᑦ ᐴᕐᓯᐊᒥᐅᒧᑦ.

ᐄᓱᕋᐅᑉ ᐊᒡᓚᖏᑦ 4:3

ᔨᕈᐸᐱᐅᓕ ᔩᓱᐊᓗ, ᐃᓚᒌᓄᓪᓗ ᐊᖓᔪᖅᑲᐅᔪᑦ ᐅᖃᐅᑦᔨᓚᐅᕐᐳᑦ ᑖᒃᑯᓂᖓ, “ᐃᑲᔪᕐᑕᐅᔪᒪᓐᖏᓚᒍᑦ ᐃᓕᑦᓯᓐᓄᑦ ᑐᒃᓯᐊᕐᕕᓕᐅᕐᑎᓪᓗᑕ ᐊᑕᓂᕐᒧᑦ ᒎᑎᑦᑎᓐᓄᑦ. ᓇᖕᒥᓂᖅ ᓴᓇᓂᐊᕐᐸᕗᑦ, ᐊᖓᔪᖅᑳᕐᔪᐊᑉ ᓮᕋᓯᐅᑉ ᐴᕐᓯᐊᒥᐅᑕᐅᑉ ᑍᒫᒃ ᑎᓕᓚᐅᕐᒪᑎᒍᑦ.”

ᐄᓱᕋᐅᑉ ᐊᒡᓚᖏᑦ 4:5

ᐊᑭᓖᒐᓱᐊᓚᐅᕐᐳᑦ ᐴᕐᓯᐊᑉ ᒐᕙᒪᒃᑯᖏᑕ ᑭᒡᒐᕐᑐᑎᖏᓐᓂᒃ ᐱᓇᓱᐊᖁᓪᓗᒋᑦ ᑖᒃᑯᓂᖓ ᐊᑭᕋᕐᑐᕐᓗᑎᒃ, ᑍᒤᓕᐅᖏᓐᓇᓚᐅᕐᐳᑦ ᓮᕋᓯᐅᑉ ᐊᖓᔪᖅᑳᕐᔪᐊᖑᓂᓕᒫᖓᓂ ᑍᕉᓯᐅᑉ ᐊᖓᔪᖅᑳᕐᔪᐊᖑᓂᖓᓄᑦ ᑎᑭᓪᓗᒍ.

ᐄᓱᕋᐅᑉ ᐊᒡᓚᖏᑦ 6:14

ᔫᑎᑦ ᓯᕗᓕᕐᑎᖏᑦ ᐱᕙᓪᓕᐊᒻᒪᕆᓚᐅᕐᐳᑦ ᑐᒃᓯᐊᕐᕕᒡᔪᐊᒥᒃ ᓴᓇᓪᓗᑎᒃ ᓇᓚᐅᑦᑍᑦᔪᑕᐅᓚᐅᕐᑐᓂᒃ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᖕᓄᑦ ᕼᐊᒊᒧᑦ ᓴᑲᕅᐊᒧᓪᓗ ᐃᑑᑉ ᐃᕐᓂᖓᓄᑦ. ᐱᔭᕇᓚᐅᕐᐳᑦ ᑐᒃᓯᐊᕐᕕᒡᔪᐊᒥᒃ ᑎᓕᔭᐅᓚᐅᕐᓂᕐᒥᓂᒃ ᐃᓴᕆᐊᓕᒥᐅᑦ ᒎᑎᖓᓄᑦ, ᓮᕋᓯᐅᓪᓗ ᑎᓕᓯᓂᖓᒍᑦ, ᑍᕉᓯᐅᓪᓗ, ᐋᕐᑕᔮᒃᓯᐅᓪᓗ ᐊᖓᔪᖅᑳᕐᔪᐊᑉ ᐴᕐᓯᐊᒥ.

ᐄᓱᕋᐅᑉ ᐊᒡᓚᖏᑦ 6:3

“ᐊᖓᔪᖅᑳᕐᔪᐊᖅ ᓮᕋᓯ ᐊᐅᓚᑦᓯᔨᐅᑎᓪᓗᒍ ᐊᕐᕌᒍᒥ ᓯᕗᓪᓕᕐᐹᒥ ᑎᓕᓯᓚᐅᕐᓯᒪᕗᖅ ᑐᒃᓯᐊᕐᕕᒡᔪᐊᖅ ᔨᕉᓴᓕᒦᑦᑐᖅ ᓴᓇᒋᐊᕐᑕᐅᖁᓪᓗᒍ, ᑐᓂᕐᕈᓯᕐᕕᐅᖃᑦᑕᕐᑐᕐᓗ ᐃᓂᒋᕙᒃᑕᖓᑕ ᑐᓐᖓᕕᖓ ᐋᖅᑭᒃᑕᐅᓗᓂ, ᑐᒃᓯᐊᕐᕕᒡᔪᐊᖅ ᐳᕐᑐᓂᖃᕆᐊᖃᕐᐳᖅ 90ᓂᒃ ᐃᑎᒐᖕᓂᒃ ᓴᓂᒧᓪᓗ ᐃᑎᒐᖕᓂᒃ 90ᓂᒃ,

ᐂᓮᐊᓯᐅᑉ ᐊᒡᓚᖏᑦ 44:28

ᑭᓇ ᓮᕋᓯᒥᒃ ᐅᖃᕈᑎᖃᕐᓯᒪᕚ, ‘ᑖᓐᓇ ᐰᕐᓯᔨᖁᑎᒋᕙᕋ, ᑖᑦᓱᒪᓗ ᐱᓇᓱᐊᕐᓂᐊᕐᓯᒪᔭᒃᑲ ᑲᔪᓯᑎᑦᓱᒫᕐᐰᑦ,’ ᐅᖃᕐᓗᓂᓗ ᔨᕉᓴᓕᒧᑦ, ‘ᓴᓇᔭᐅᒃᑲᓐᓂᕈᒫᕐᐳᑎᑦ,’ ᑐᒃᓯᐊᕐᕕᒡᔪᐊᒧᓪᓗ ᐅᖃᕆᓪᓗᓂ, ‘ᑐᓐᖓᕕᒃᑎᑦ ᐋᖅᑭᒃᓱᕐᑕᐅᔪᒫᕐᐳᑦ.’”

ᑖᓂᐊᓕᐅᑉ ᐊᒡᓚᖏᑦ 1:17

ᒎᑎᐅᑉ ᑖᒃᑯᐊ ᐃᓅᓱᒃᑐᑦ ᓯᑕᒪᑦ ᑐᓂᓯᕕᒋᕔᑦ, ᖃᐅᔨᒪᓂᕐᒥᒃ ᑐᑭᓯᔪᓐᓇᕐᓂᕐᒥᒡᓗ ᐃᓕᓯᒪᓂᕐᒥᒡᓗ. ᑖᓂᐊᓕᓗ ᑐᑭᓯᔪᓐᓇᕐᑎᑉᐹ ᑕᑯᑎᑕᐅᓂᕐᓂᒃ ᓯᓐᓇᒃᑑᒪᓂᕐᓂᒡᓗ.

ᑖᓂᐊᓕᐅᑉ ᐊᒡᓚᖏᑦ 1:21

ᑍᒤᒻᒪᑦ ᑖᓂᐊᓕ ᐃᓂᒥᓃᖏᓐᓇᓚᐅᕐᐳᖅ ᐊᕐᕌᒍ ᓯᕗᓪᓕᕐᐹᖅ ᓮᕋᓯᐅᑉ ᐊᖓᔪᖅᑳᕐᔪᐊᖑᓂᖓ ᑎᑭᓪᓗᒍ.

ᑖᓂᐊᓕᐅᑉ ᐊᒡᓚᖏᑦ 1:7

ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓᑕ ᑖᒃᑯᐊ ᐊᓯᖏᓐᓂᒃ ᐃᒫᒃ ᐊᑎᕐᑖᕐᑎᑉᐰᑦ: ᑖᓂᐊᓕ, ᐱᐊᓪᓴᔮᕆᒥᒃ; ᕼᐊᓇᓁᐊ, ᓵᑐᕌᑭᒥᒃ; ᒥᓮᐅᓪ, ᒥᓵᑭᒥᒃ; ᐊᔭᕅᐊᓗ, ᐊᐱᓐᑎᒎᒥᒃ.

ᑖᓂᐊᓕᐅᑉ ᐊᒡᓚᖏᑦ 10:14

ᒫᓐᓇᓕ ᕾᕗᖓ ᓇᓗᓁᕐᓯᕕᒋᔭᕐᑐᕐᓗᑎᑦ ᐃᓅᖃᑎᑎᑦ ᐅᓪᓗᐃᑦ ᑭᖑᓪᓕᖏᓐᓂ ᖃᓄᐃᓕᖓᔪᒫᕐᒪᖔᑕ, ᑕᑯᑎᑦᔪᑦ ᑕᒪᓐᓇ ᓇᓪᓕᐅᑎᔪᒫᕐᒪᑦ ᓯᕗᓂᒃᓴᒥ.”

ᑖᓂᐊᓕᐅᑉ ᐊᒡᓚᖏᑦ 11:2

“ᒫᓐᓇᓕ ᐅᖃᐅᓯᕆᓂᐊᕐᑕᕋ ᐃᓕᖕᓄᑦ ᓱᓕᑦᓯᐊᕐᐳᖅ: ᐊᖓᔪᖅᑳᕐᔪᐊᑦ ᓱᓕ ᐱᖓᓱᑦ ᓴᖅᑭᑦᓱᒫᕐᐳᑦ ᐴᕐᓯᐊᒥ, ᓯᑕᒪᖓᓪᓗ ᓴᖅᑭᑦᓱᒫᕆᕗᖅ, ᑖᓐᓇ ᐊᔪᕐᓴᖏᓐᓂᕐᐹᖑᔪᒫᕐᐳᖅ ᐊᓯᓕᒫᒥᓂᑦ, ᐱᔪᓐᓇᕐᓂᖃᓕᕈᓂ ᐊᔪᕐᓴᖏᓐᓂᕐᒥᓄᑦ, ᑲᑐᑦᔨᓕᕐᑎᑦᓯᔪᒫᕐᐳᖅ, ᐊᑭᕋᕐᑐᓕᕐᓗᑎᒃ ᒍᕇᓯᐅᑉ ᐊᖓᔪᖅᑲᐅᕕᖓᓄᑦ.

ᑖᓂᐊᓕᐅᑉ ᐊᒡᓚᖏᑦ 12:4

“ᐃᕝᕕᓪᓕ, ᑖᓂᐊᓖ, ᑎᑎᕋᕐᓯᒪᔪᑦ ᑖᒃᑯᐊ ᒪᑐᓕᒃᑭᑦ ᓇᕿᑦᔪᓯᕐᓗᒋᓪᓗ ᓱᓇᑐᐃᓐᓁᑦ ᐃᓱᓕᖅᑳᕐᑎᓐᓇᒋᑦ, ᐅᓄᕐᑐᑦ ᐊᕗᖓ ᒪᐅᖓᓗ ᐊᐅᓪᓚᕈᒫᕐᒪᑕ, ᐊᖏᓂᕐᓴᒥᒃ ᖃᐅᔨᒃᑲᓐᓂᕈᒪᓗᑎᒃ.”

ᑖᓂᐊᓕᐅᑉ ᐊᒡᓚᖏᑦ 12:9

ᑭᐅᕚᖓᓗ, “ᑖᓂᐊᓖ, ᐊᐅᓪᓚᓕᕆᑦ, ᐅᖃᐅᓰᑦ ᑕᒪᒃᑯᐊ ᒪᑐᓯᒪᖕᒪᑕ ᓇᕿᑦᔪᓯᕐᓯᒪᓪᓗᑎᒡᓗ ᑭᓯᐊᓂ ᐃᓱᐊᑕ ᓇᓪᓕᐅᑎᓂᖓ ᑎᑭᑉᐸᑦ.”

ᑖᓂᐊᓕᐅᑉ ᐊᒡᓚᖏᑦ 2:21

ᐊᕐᕌᒍ ᐊᓂᒍᕐᐸᓪᓕᐊᑎᑉᐹ ᓇᓪᓕᐅᓐᓂᖃᕐᑎᓪᓗᒍ; ᐊᖓᔪᖅᑳᕐᔪᐊᑦ ᒪᑭᑎᑉᐰᑦ, ᐊᖓᔪᖅᑳᕐᔪᐊᓪᓗ ᐊᓯᖏᑦ ᐅᕐᕈᑎᓪᓗᒋᑦ. ᓯᓚᑐᓂᕐᒥᒃ ᑐᓂᓯᕗᖅ ᓯᓚᑐᔪᓄᑦ ᖃᐅᔨᒪᓂᕐᒥᒡᓗ ᑐᓂᓯᕗᖅ ᑐᑭᓯᐊᔪᓄᑦ.

ᑖᓂᐊᓕᐅᑉ ᐊᒡᓚᖏᑦ 4:8

ᑭᖑᓪᓕᕐᐹᒥᒡᓕ ᑖᓂᐊᓕ ᕾᓚᐅᕆᕗᖅ ᓇᔪᒐᓐᓄᑦ, ᓯᓐᓇᒃᑐᓐᓂᒡᓗ ᐅᓂᒃᑳᕐᕕᒋᓚᐅᕐᐸᕋ. ᑖᓐᓇ ᐊᑎᖃᕐᑐᖅ ᐱᐊᓪᓴᔮᕆᒥᒃ, ᒎᑎᒪ ᐊᑎᖓᓂᒃ, ᑖᓐᓇ ᒎᑎᑦ ᐃᑦᔪᕐᓁᑦᑐᑦ ᐊᓂᕐᓂᖏᑕ ᐃᓂᒋᕚᑦ.

ᑖᓂᐊᓕᐅᑉ ᐊᒡᓚᖏᑦ 5:12

ᑖᓐᓇ ᑖᓂᐊᓕ, ᐊᖓᔪᖅᑳᕐᔪᐊᑉ ᐊᑎᖃᑎᓚᐅᕐᑕᖓ ᐱᐊᓪᓴᔮᕆᒥᒃ, ᐃᓱᒪᖃᑦᓯᐊᕐᒪᑦ ᖃᐅᔨᒪᑦᓯᐊᕐᓗᓂᓗ, ᑐᑭᓯᒪᑦᓯᐊᕐᓗᓂᓗ, ᓯᓐᓇᒃᑐᐃᓪᓗ ᑐᑭᖏᓐᓂᒃ ᐅᖃᐅᓯᖃᕈᓐᓇᕐᓗᓂ, ᐅᖃᐅᓰᓪᓗ ᓇᓗᓇᕐᑐᑦ ᑐᑭᖏᓐᓂᒃ ᐅᖃᐅᓯᖃᕈᓐᓇᕐᓗᓂ, ᓇᓗᓇᕐᑐᓂᒡᓗ ᓇᓗᓁᕐᓯᔪᓐᓇᕐᓗᓂ; ᕾᖁᓚᐅᕈᒃ ᐅᖃᐅᑎᓂᐊᕐᒪᑎᑦ ᑎᑎᕋᕐᓯᒪᔪᑦ ᖃᓄᖅ ᑐᑭᖃᕐᒪᖔᑕ.”

ᑖᓂᐊᓕᐅᑉ ᐊᒡᓚᖏᑦ 5:17

ᑖᓂᐊᓕᐅᑉ ᐊᖓᔪᖅᑳᕐᔪᐊᖅ ᑭᐅᕚ, “ᑐᓂᕐᕈᑎᑎᑦ ᐱᓯᒪᓕᒃᑭᑦ, ᐊᑭᓕᐅᑎᑎᓪᓗ ᐊᓯᓐᓄᑦ ᑐᓂᓗᒋᑦ: ᐊᖓᔪᖅᑳᕐᔪᐊᕐᓕ ᑎᑎᕋᕐᓯᒪᔪᓂᒃ ᐅᖃᓕᒫᕈᑎᓂᐊᕐᐸᕋ, ᑐᑭᖓᓂᒡᓗ ᐅᖃᐅᑎᓗᒍ.

ᑖᓂᐊᓕᐅᑉ ᐊᒡᓚᖏᑦ 6:28

ᑍᒤᒻᒪᑦ ᑖᓂᐊᓕ ᐱᔪᓐᓇᕐᓯᕙᓪᓕᐊᓚᐅᕐᐳᖅ ᓱᓇᑐᐃᓐᓇᕐᓂᒃ ᑍᕉᓯ ᐊᖓᔪᖅᑳᕐᔪᐊᖑᑎᓪᓗᒍ ᓮᕋᓯᓗ ᐴᕐᓯᐊᒥᐅᖅ ᐊᖓᔪᖅᑳᕐᔪᐊᖑᓂᖓᓂ.

ᑖᓂᐊᓕᐅᑉ ᐊᒡᓚᖏᑦ 8:16

ᑐᓵᓕᕐᐳᖓᓗ ᐊᖑᑎᐅᑉ ᓂᐱᖓᓂᒃ ᑰᑉ ᐅᓔᑉ ᓇᓛᓂᑦ ᐅᖃᕐᑐᒥᒃ, “ᒊᐳᕆᐅᓖ, ᐊᖑᑦ ᐅᓇ ᐅᖃᐅᑎᓚᐅᕈᒃ ᑕᑯᑎᑕᐅᓂᐅᑉ ᑐᑭᖓᓂᒃ.”

ᑖᓂᐊᓕᐅᑉ ᐊᒡᓚᖏᑦ 8:26

ᑕᑯᑎᑕᐅᓃᑦ ᐅᓪᓗᓂᒃ ᐅᓐᓄᐊᓂᒡᓗ ᐅᖃᐅᓯᐅᔪᑦ ᐃᓕᖕᓄᑦ ᓱᓕᑦᓯᐊᕐᐳᑦ, ᑕᑯᑎᑕᐅᓂᕐᓕ ᒪᑐᒍᒃ, ᐅᖃᐅᓯᖃᕐᒪᑦ ᓯᕗᓂᕐᔪᐊᒥ ᐱᔪᒫᕐᑐᓂᒃ.”

ᓘᑲᓯᐅᑉ ᐊᒡᓚᖏᑦ 1:20

ᑕᑯᒋᑦ, ᐅᖃᕈᓐᓁᓪᓕᓂᐊᕐᐳᑎᑦ ᓂᓪᓕᕈᓐᓁᓪᓕᓗᑎᓪᓗ ᐅᓪᓗᖅ ᑍᓐᓇ ᐅᖃᐅᓯᕆᔭᕋ ᓇᓪᓕᐅᑎᓚᐅᖅᑳᕐᑎᓐᓇᒍ, ᐅᖃᐅᓯᒃᑲ ᐅᒃᐱᕆᖏᓐᓇᕕᒋᑦ, ᓇᓪᓕᐅᑎᕝᕕᓴᖓ ᑎᑭᑉᐸᑦ ᓇᓚᐅᑦᓯᓛᕐᐳᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:9

ᐂᖏᓕᐅᓪᓗ ᐅᖃᐅᑎᕚᖓ, “ᐅᓇ ᑎᑎᕋᕈᒃ: ᓮᒪᕐᑎᑕᐅᓯᒪᕗᑦ ᓄᕐᕋᐅᔭᐅᑉ ᑲᑎᑎᑕᐅᓂᖓᑕ ᓂᕆᕕᒡᔪᐊᕈᑕᐅᓂᐊᕐᓂᖓᓄᑦ ᕾᖁᔭᐅᔪᑦ.” ᐂᖏᓕᓗ ᐅᖃᒃᑲᓐᓂᕐᐳᖅ, “ᑕᒪᒃᑯᐊ ᓱᓕᔪᒥᒃ ᒎᑎᐅᑉ ᐅᖃᐅᓯᕆᕔᑦ.”