ᑖᓂᐊᓕᐅᑉ ᐊᒡᓚᖏᑦ 1:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑖᓂᐊᓕᓕ ᐃᓱᒪᑖᕐᐳᖅ ᐆᒻᒪᑎᒥᓂ ᓴᓗᒤᓕᑎᑕᐅᔪᒪᓇᓂ ᐊᖓᔪᖅᑳᕐᔪᐊᑉ ᓂᕿᖏᓐᓄᑦ, ᐊᖓᔪᖅᑳᕐᔪᐊᓪᓗ ᕔᓂᖓᓄᑦ, ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓ ᐅᖃᐅᑎᕚ ᑍᒤᑦᑐᓂᒃ ᓂᕆᖃᑦᑕᕈᒪᓇᓂ.

ᑖᓂᐊᓕᐅᑉ ᐊᒡᓚᖏᑦ 1:8 Iomraidhean Croise

ᐊᑕᓃᑦ ᓯᕗᓪᓖᑦ 5:5

ᑕᕝᕙ ᐃᓱᒪᖃᓕᕐᐳᖓ ᐃᒡᓗᓕᐅᕈᒪᓪᓗᖓ ᐊᑕᓂᐅᑉ ᒎᑎᒪ ᐊᑎᖓᓄᑦ, ᐊᑕᓂᖅ ᐊᑖᑕᓄᑦ ᑍᕕᑎᒧᑦ ᐅᖃᕐᓯᒪᖕᒪᑦ, ‘ᐃᕐᓃᑦ, ᑖᓐᓇ ᐊᖓᔪᖅᑳᕐᔪᐊᕈᑎᓛᑕᕋ ᐃᓂᒋᔭᕐᓄᑦ, ᑖᑦᓱᒪ ᐃᒡᓗ ᐊᑎᕐᒪ ᐃᓂᒃᓴᖓ ᓴᓇᔪᒫᕐᐹ.’

ᐃᓐᖏᕈᑎᑦ 106:28

ᐃᒻᒥᖕᓂᒃᑕᐅᖅ ᐃᓚᓕᐅᑎᓚᐅᕐᐳᑦ ᐰᓕ-ᐱᐅᕆᒧᑦ, ᓂᕆᓪᓗᑎᒡᓗ ᑐᓂᕐᕈᑕᐅᓯᒪᔪᓂᒃ ᑐᖁᖓᔪᓄᑦ ᒎᑎᓐᖑᐊᓄᑦ.

ᐃᓐᖏᕈᑎᑦ 119:106

ᐊᖏᒻᒪᕆᒃᓗᖓ ᐅᖃᕐᓯᒪᕗᖓ ᐊᑐᕈᒪᓪᓗᖓ, ᓈᓚᒍᒪᓂᕋᕐᓗᖓ ᐊᑐᕐᑕᐅᖁᔭᕐᓂᒃ ᓇᓛᒎᕐᑐᓂᒃ.

ᐃᓐᖏᕈᑎᑦ 119:115

ᐅᕙᓐᓂᑦ ᕿᒪᕉᑎᒋᑦᓯ, ᐃᓕᑦᓯ ᐊᔪᕐᑐᓕᔪᓯ, ᒎᑎᒪ ᐱᖁᔭᖏᑦ ᒪᓕᖕᓂᐊᕋᒃᑭᑦ.

ᐃᓐᖏᕈᑎᑦ 141:4

ᐆᒻᒪᑎᒐ ᑲᒪᒋᒍᒃ ᑲᔪᖏᕐᓂᖃᖁᓇᒍ ᐱᐅᖏᑦᑐᓄᑦ ᓱᓇᑐᐃᓐᓇᕐᓄᑦ, ᐱᐅᖏᑦᑐᓪᓗ ᐱᓇᓱᐊᕐᓂᖏᓐᓄᑦ ᐃᓄᖕᓄᑦ ᐃᓚᓕᐅᑎᖁᓇᖓ; ᓂᕆᖁᓇᖓᓗ ᑖᒃᑯᐊ ᒪᒪᕆᔭᖏᓐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:3

ᒪᒪᕆᔭᖏᓐᓂᒃ ᐱᔪᒪᓂᐊᕐᓇᒃ, ᑍᒤᑦᑐᑦ ᐅᐃᕕᕆᒃᓯᕐᒪᑕ.

ᑖᓂᐊᓕᐅᑉ ᐊᒡᓚᖏᑦ 1:5

ᐊᖓᔪᖅᑲᕐᔪᐊᓪᓗ ᖃᐅᑕᒫᑦ ᓂᕆᑎᑕᐅᖃᑦᑕᖁᕔᑦ ᓂᕿᓂᒃ ᒪᒪᕐᑐᓂᒃ ᕔᓂᒥᒡᓗ ᐊᖓᔪᖅᑳᕐᔪᐊᑉ ᓂᕆᕝᕕᖓᓂᑦ ᐱᓯᒪᔪᓂᒃ. ᐊᕐᕌᒍᓂᒡᓗ ᐱᖓᓱᓂᒃ ᐃᓕᓐᓂᐊᕐᑎᑕᐅᖁᕔᑦ, ᑭᖑᕐᖓᒍᑦ ᐊᖓᔪᖅᑳᕐᔪᐊᒥ ᐱᔨᑦᓯᕐᑎᐅᓕᖁᓪᓗᒋᑦ.

ᑖᓂᐊᓕᐅᑉ ᐊᒡᓚᖏᑦ 5:4

ᕔᓂᑐᕐᓗᑎᒡᓗ, ᒎᑎᑎᒃ ᒎᓗᐃᑦ ᓯᐅᓪᕕᕇᓪᓗ, ᖃᖁᕐᓖᓪᓗ, ᓴᕕᕋᔧᓪᓗ, ᕿᔪᐃᓪᓗ ᐅᔭᕅᓪᓗ ᓂᕐᑐᕐᐰᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 11:23

ᑍᑯᖓ ᑎᑭᓐᓇᒥ ᑕᑯᕗᖅ ᒎᑎᐅᑉ ᓮᒻᒪᕐᑎᑦᓯᓂᖓᓂᒃ ᐃᓄᖕᓂᒃ, ᖁᕕᐊᓱᒃᐳᑦ; ᑲᔪᖏᕐᓴᕐᐰᑦ ᑕᒪᕐᒥᒃ ᑲᔪᓯᑦᓯᐊᖁᓪᓗᒋᑦ ᐊᑕᓂᕐᒥᒃ ᐊᑕᕕᖃᑦᓮᓐᓇᖁᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 15:20

ᑎᑎᕋᕐᕕᒋᔭᒃᓴᕆᕙᕗᓪᓕ ᐅᖃᐅᑎᓗᒋᑦ ᓂᕆᖃᑕᐅᖁᖏᓪᓗᒋᑦ ᐆᒪᔪᕕᓂᕐᓂᒃ ᒎᑎᓐᖑᐊᓄᑦ ᑐᓂᕐᕈᑕᐅᓯᒪᔪᓂᒃ, ᓄᓕᐊᕐᓂᕐᒥᒡᓗ ᐊᑐᕐᓂᕐᓗᒃᑍᓕᖏᑦᑐᓄᑦ ᐃᓚᐅᖃᑕᖁᖏᓪᓗᒋᑦ, ᓂᕆᖃᑦᑕᖁᖏᓪᓗᒋᓪᓗ ᐆᒪᔪᓂᒃ ᕿᒥᑕᐅᓗᑎᒃ ᑐᖁᑕᐅᓯᒪᔪᓂᒃ, ᐊᐅᒃᑐᖃᑦᑕᖁᖏᓪᓗᒋᓪᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:37

ᓇᓪᓕᐊᑦᑕᓗ ᐃᓱᒪᓂ ᐋᖅᑭᒃᓯᒪᒍᓂᐅᒃ, ᐱᔪᒪᓂᕐᔪᐊᒥᓄᑦ ᓵᓚᐅᓯᒪᖏᓪᓗᓂ ᐱᔪᒪᓂᓂ ᓄᖅᑲᕐᑎᓯᒪᔪᓐᓇᕈᓂᐅᒃ, ᓄᓕᐊᒃᓴᓂ ᑲᑎᔪᒪᖏᓪᓗᒍ ᑐᑭᑖᕐᓯᒪᒍᓂ ᑖᓐᓇ ᓈᒻᒪᒃᑐᒥᒃ ᐱᒋᕗᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:7

ᐃᓄᐃᑦ ᐊᑐᓂᑦ ᐃᓱᒪᒥᖕᓂᒃ ᑐᓂᓯᓕᑦ, ᑐᓂᓯᔪᒪᑦᓯᐊᖏᓪᓗᑎᒃ ᑐᓂᓯᔪᒃᓴᐅᓐᖏᓚᑦ ᐱᖁᔭᐅᑐᐃᓐᓇᕐᓂᕐᒧᓪᓘᓐᓃᑦ, ᖁᕕᐊᓱᒡᓗᓂ ᑐᓂᓯᔪᖅ ᒎᑎᐅᑉ ᓇᒡᓕᒋᖕᒪᒍ.

ᒨᓯᓯ ᑕᓪᓕᒪᖏᑦ 32:38

ᓂᕆᑎᖃᑦᑕᓚᐅᕐᐱᓯᐅᒃ ᖁᐃᓂᔪᓂᒃ ᑐᓂᕐᕈᓯᕐᕕᒋᓪᓗᒋᑦ, ᕔᓂᒥᒡᓗ ᐃᒥᕐᑎᖃᑦᑕᕐᓗᒋᑦ ᑐᓂᕐᕈᑎᑦᓯᓐᓄᑦ? ᒫᓐᓇ ᒪᑭᓪᓗᑎᒃ ᑖᒃᑯᓇᓐᖓᑦ ᐃᑲᔪᕐᑕᐅᓕᕆᑦᓯ; ᓴᐳᑦᔨᔨᒋᓕᕐᓯᐅᒃ!