ᑖᓂᐊᓕᐅᑉ ᐊᒡᓚᖏᑦ 1:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐊᖑᑎᓂᒃ ᐃᓅᓱᒃᑐᓂᒃ ᐃᓗᓯᕐᓗᖃᖏᑦᑐᓂᒃ, ᐃᓂᖁᓇᕐᑑᓗᑎᒃ, ᓯᓚᑐᔪᓂᒃ ᐃᓕᑦᓯᓴᕅᑦᑑᓗᑎᒃ, ᖃᐅᔨᒪᑦᓯᐊᕐᓗᑎᒃ ᓱᓇᓕᒫᓂᒃ, ᑐᑭᓯᓴᕅᑦᑑᓗᑎᒡᓗ, ᐊᖓᔪᖅᑳᕐᔪᐊᑉ ᐃᒡᓗᖓᓂ ᐱᓇᓱᐊᕈᓐᓇᕐᓗᑎᒃ. ᐃᓕᓐᓂᐊᕐᑎᑕᐅᖁᓪᓗᒋ ᐹᐱᓘᓂᒥᐅᑦ ᐅᖃᐅᓯᖏᓐᓂᒃ ᐱᐅᓯᖏᓐᓂᒡᓗ.

ᑖᓂᐊᓕᐅᑉ ᐊᒡᓚᖏᑦ 1:4 Iomraidhean Croise

ᒨᓯᓯ ᓯᕗᓪᓖᑦ 41:46

ᔫᓯᐱ ᐊᕐᕌᒍᖃᓕᓚᐅᕐᐳᖅ 30ᓂᒃ ᐱᓇᓱᐊᕆᐊᓯᑎᓪᓗᒍ ᐰᕉᑉ ᐊᖓᔪᖅᑳᕐᔪᐊᑉ ᐄᑦᔨᑉᑎᒥ ᐊᖓᔪᖅᑳᒃᑯᕕᖓᓂ. ᔫᓯᐱ ᑕᕝᕙᓐᖓᑦ ᐰᕉᑉ ᓇᔪᕐᑕᖓᓂᑦ ᐊᓂᒐᒥ ᐄᑦᔨᑉᑎᐅᑉ ᓄᓇᓕᒫᖓᓄᑦ ᐃᖏᕐᕋᓕᓚᐅᕐᐳᖅ.

ᓴᒧᐃᓕ ᐂᑉᐸᖏᑦ 14:25

ᖃᐅᔨᒪᔭᐅᔪᖃᓚᐅᓐᖏᓚᖅ ᐃᓴᕆᐊᓕᒥᐅᓂ ᐋᑉᓴᓚᐅᑉ ᐃᓂᖁᓇᕐᓂᖓᑐᑦ; ᐱᐅᖏᓐᓂᖃᓚᐅᓐᖏᓚᖅ ᓂᐊᖁᐊᓂᑦ ᐱᒋᐊᕐᓗᒍ ᐃᑎᒐᖏᓐᓄᑦ ᑎᑭᓪᓗᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:29

ᐱᓇᓱᐊᕐᓯᑎᐊᓗᖕᒥᒃ ᖃᐅᔨᒪᕖᑦ? ᑖᓐᓇ ᓇᖏᕈᒫᕐᐳᖅ ᐊᖓᔪᖅᑳᕐᔪᐊᑉ ᓵᖓᓂ; ᐃᓄᑐᐃᓐᓁᑦ ᓵᖓᓐᓂ ᓇᖏᕈᒫᓐᖏᓚᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:19

ᓯᓚᑐᓂᐅᑉ ᓯᓚᑐᔪᖅ ᓴᓐᖏᔫᑎᑉᐹ, ᓴᓐᖏᓂᕐᓴᐅᓗᓂ ᐊᖓᔪᖅᑳᓂᑦ ᖁᓕᓂᑦ ᐃᒡᓗᒐᓴᒡᔪᐊᓂᒃ ᐊᐅᓚᑦᓯᔨᓂᑦ.

ᐂᓮᐊᓯᐅᑉ ᐊᒡᓚᖏᑦ 36:11

ᑕᕝᕙ ᐃᓔᐊᑭᒻ ᓯᑉᓇᐅᓪᓗ, ᔪᐊᓪᓗ, ᕌᑉᓴᑭ ᐅᖃᐅᑎᕚᑦ, “ᐊᕋᒥᐊᒃᑎᑐᑦ ᐅᖃᓪᓚᒡᕕᒋᓚᐅᕐᑎᒍᑦ ᔫᑎᑎᑐᑦ ᒪᑯᐊ ᐃᓄᐃᑦ ᐊᕙᓗᕐᔪᐊᒦᑦᑐᑦ ᑐᓵᖕᒪᑕ.”

ᔨᕆᒤᐊᐅᑉ ᐊᒡᓚᖏᑦ 5:15

ᐃᓴᕆᐊᓕᒥᐅᓄᑦ, ᐊᑕᓂᖅ ᐅᖃᕐᐳᖅ, ᑎᓕᓯᓂᐊᕐᐳᖓ ᐃᓅᖃᑎᒌᒡᔪᐊᓂᒃ ᐅᖓᓯᒃᑐᒥᑦ ᐱᔪᓂᒃ ᐃᓕᑦᓯᓐᓂᒃ ᐅᓇᑕᕆᐊᕐᑐᕐᑐᓂᒃ. ᐃᓅᖃᑎᒌᒡᔪᐊᑐᖃᐅᔪᓂᒃ ᐱᔪᓐᓇᕐᓂᖃᑦᓯᐊᕐᑐᓂᒃ, ᐅᖃᐅᓯᖃᖃᑎᒋᓐᖏᑕᑦᓯᓐᓂᒃ ᐅᖃᐅᓯᖏᓪᓗ ᑐᑭᓯᓂᐊᓐᖏᓚᓯ.

ᑖᓂᐊᓕᐅᑉ ᐊᒡᓚᖏᑦ 2:10

ᓯᓚᑐᔪᓪᓕ ᐊᖓᔪᖅᑳᕐᔪᐊᒥᒃ ᑭᐅᕗᑦ, “ᓄᓇᒥ ᐃᓄᒃᑕᖃᓐᖏᓚᖅ ᐊᖓᔪᖅᑳᕐᔪᐊᑉ ᐱᔪᒪᔭᖓᓂᒃ ᐅᖃᕈᓐᓇᕐᑐᒥᒃ! ᐊᖓᔪᖅᑳᕐᔪᐊᒥᒃ ᐳᕐᑐᓛᖑᓗᓂ ᐊᔪᖏᓐᓂᕐᐹᖑᓗᓂᓗ, ᑍᒫᒃ ᐱᖁᔨᔪᖃᓚᐅᕐᓯᒪᖏᒻᒪᑦ ᐊᖓᒃᑯᓂᒃ ᓇᓚᐅᑦᑍᔨᓂᒡᓗ ᑳᓪᑎᐊᒥᐅᓪᓗ ᓯᓚᑐᔪᖁᑎᖏᓐᓂᒃ.

ᑖᓂᐊᓕᐅᑉ ᐊᒡᓚᖏᑦ 2:2

ᐊᖓᔪᖅᑳᕐᔪᐊᕐᓗ ᕾᖁᔨᕗᖅ ᐊᖓᒃᑯᓂᒃ, ᓇᓚᐅᑦᑍᔨᓂᒡᓗ, ᐱᔪᓐᓇᐅᑎᓕᖕᓂᒡᓗ, ᑳᓪᑎᐊᒥᐅᓪᓗ ᓯᓚᑐᔪᖁᑎᖏᓐᓂᒃ, ᑖᒃᑯᓄᖓ ᐅᖃᐅᑎᔭᐅᔪᒪᓪᓗᓂ ᓱᓇᒥᒃ ᓯᓐᓇᒃᑐᓚᐅᕐᒪᖔᕐᒥ. ᑖᒃᑯᐊᓗ ᕾᒐᒥᒃ ᐊᖓᔪᖅᑳᕐᔪᐊᑉ ᓵᖓᓂ ᓇᖏᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 3:8

ᑍᑦᓱᒪᓂ ᑲᐅᓪᑎᐊᒥᐅᑦ ᓯᓚᑐᔪᖁᑎᖏᑕ ᐃᓚᖏᑦ ᕾᕗᑦ, ᔫᑎᓂᒡᓗ ᐊᑭᕋᕐᑐᕐᓗᑎᒃ.

ᑖᓂᐊᓕᐅᑉ ᐊᒡᓚᖏᑦ 4:7

ᐊᖓᒃᑯᐃᓪᓕ, ᓇᓚᐅᑦᑍᔩᓪᓗ, ᑲᓪᑎᐊᒥᐅᓪᓗ ᓯᓚᑐᔪᖁᑎᖏᑦ, ᓯᕗᓂᒃᓴᒥᒡᓗ ᖃᐅᔨᒪᓇᓱᐊᕐᑏᑦ, ᕾᖕᒪᑕ ᓯᓐᓇᒃᑐᓐᓂᒃ ᐅᓂᒃᑳᕐᕕᒋᓚᐅᕐᐸᒃᑲ, ᑍᒃᑯᓇᖓᓪᓕ ᑐᑭᖓᓂᒃ ᐅᖃᐅᑎᔭᐅᔪᓐᓇᓚᐅᓐᖏᓚᖓ.

ᑖᓂᐊᓕᐅᑉ ᐊᒡᓚᖏᑦ 5:11

ᐊᖑᒻᒥᒃ ᐱᑕᖃᕐᐳᖅ ᐊᖓᔪᖅᑲᐅᕕᖕᓂ, ᒎᑎᑦ ᐃᑦᔪᕐᓁᑦᑐᑦ ᐊᓂᕐᓂᖏᓐᓂᒃ ᐱᓯᒪᔪᒥᒃ; ᐊᑖᑍᑦ ᓂᐱᑯᓁᓴ ᐃᓅᑎᓪᓗᒍ ᖃᐅᔨᒪᓂᖃᓚᐅᕐᑐᖅ ᑐᑭᓯᐅᒪᓂᖃᕐᓗᓂᓗ ᒎᑎᑎᑐᑦ, ᐊᖓᔪᖅᑳᕐᔪᐊᖅ, ᐅᖃᕐᐳᖓ, ᐊᖓᔪᖅᑳᕐᔪᐊᑉ ᐊᑖᑕᕕᑦ ᐊᖓᔪᖅᑳᓐᖑᕐᑎᓚᐅᕐᑕᖓ ᐊᖓᒃᑯᓄᑦ, ᓇᓚᐅᑦᑍᔨᓄᓪᓗ, ᑳᓪᑎᐊᒥᓗ ᓯᓚᑐᔪᓄᑦ, ᑐᖁᖓᔪᓂᒡᓗ ᐅᖃᖃᑎᖃᕐᐸᒃᑐᓄᑦ.

ᑖᓂᐊᓕᐅᑉ ᐊᒡᓚᖏᑦ 5:7

ᐊᖓᔪᖅᑳᕐᔪᐊᕐᓗ ᕾᖁᔨᕗᖅ ᓇᓚᐅᑦᑍᔨᓂᒃ, ᑳᓪᑎᐊᒥᐅᓪᓗ ᓯᓚᑐᔪᖁᑎᖏᓐᓂᒃ, ᐊᖓᒃᑯᓂᒡᓗ, ᐅᖃᐅᑎᓪᓗᒋᓪᓗ ᐹᐱᓘᓂᒥᐅᑦ ᓯᓚᑐᔪᖁᑎᖏᑦ, “ᓇᓪᓕᐊᑦ ᐅᑯᓂᖓ ᑎᑎᖅᑲᓂᒃ ᐅᖃᓕᒫᕐᑐᖅ, ᖃᓄᐃᓕᖕᒪᖔᑕᓗ ᐅᖃᐅᑎᓗᖓ, ᐊᓐᓄᕌᕐᑎᓐᓂᐊᕐᐸᕋ ᐊᐅᐸᓪᓚᕆᒃᑐᓂᒃ ᒎᓗᒥᒡᓗ ᐅᔭᒥᒃᑎᓪᓗᒍ, ᐊᖓᔪᖅᑲᐅᓂᓐᓂᓗ ᑐᖏᓕᕐᒪ ᐱᖓᔪᒋᓕᕐᓂᐊᐹ.”

ᑖᓂᐊᓕᐅᑉ ᐊᒡᓚᖏᑦ 9:1

ᑍᕉᓯᐅᑉ ᐊᕼᐊᓱᐃᕋᓯᐅᑉ ᐃᕐᓂᖓᑕ, ᐊᖓᔪᖅᑳᕐᔪᐊᖑᓂᖓᑕ ᐊᕐᕌᒍᖏᑕ ᓯᕗᓪᓕᕐᐹᖓᓂ, ᒥᑏᒥᐅᑉ ᑭᖑᕚᖓᑦ, ᐊᖓᔪᖅᑳᕐᔪᐊᓐᖑᓚᐅᕐᐳᖅ ᑲᐅᓪᑎᐊᒥ.

ᓴᑲᕅᐊᐅᑉ ᐊᒡᓚᖏᑦ 2:4

ᐹᕐᑕᒥᓄᓪᓗ ᐅᖃᕐᐳᖅ, “ᐅᓪᓚᒡᓗᑎᑦ ᐃᓅᓱᒃᑐᖅ ᑍᓐᓇ ᐅᖃᐅᑎᔭᕐᑐᕈᒃ ᐃᒫᒃ, ‘ᔨᕉᓴᓕᒻ ᓄᓇᓕᒡᔪᐊᖓ ᐊᕙᓗᕐᔪᐊᖃᕈᓐᓁᕈᒫᕐᐳᖅ ᐃᓄᖃᓗᐊᓕᕐᓂᖓᓄᑦ ᐆᒪᔪᖁᑎᖃᓗᐊᓕᕐᓂᖏᓐᓄᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 7:20

ᑕᒪᓐᓇ ᓇᓪᓕᐅᑎᓯᒪᑎᓪᓗᒍ ᒨᓯᓯ ᐃᓅᓕᓚᐅᕐᐳᖅ, ᐃᓂᖁᓇᕐᑐᒻᒪᕆᐅᓪᓗᓂ ᓄᑕᕋᐅᓚᐅᕐᐳᖅ, ᐊᖏᕐᕋᒥᓂ ᑲᒪᒋᔭᐅᓚᐅᕐᐳᖅ ᑕᖅᑭᓂᒃ ᐱᖓᓱᓂᒃ;

ᐋᐴᓯᑕᓖᑦ ᐱᓂᐊᕐᓂᖏᑦ 7:22

ᒨᓯᓯ ᐃᓕᓐᓂᐊᕐᑎᑕᐅᓚᐅᕐᐳᖅ ᐄᑦᔨᑉᑎᒥᐅᑦ ᐃᓕᓯᒪᓂᓕᒫᖏᓐᓂᒃ ᐱᔪᓐᓇᑦᓯᐊᓕᕐᓗᓂ ᐅᖃᐅᓯᒃᑯᑦ ᐱᓂᐊᕐᓂᒃᑯᓪᓗ.

ᐃᐱᓯᒥᐅᓄᑦ 5:27

ᐅᒃᐱᕐᑑᖃᑎᒌᑦ ᐃᒻᒥᓄᑦ ᐱᑎᑦᓱᒪᓪᓗᒋᑦ ᑕᑯᒥᓇᕐᑑᓕᕐᑎᓪᓗᒋᑦ, ᓴᓗᒪᑦᓯᐊᕐᓗᑎᒃ ᐸᓯᔭᒃᓴᐅᓂᖃᕈᓐᓃᕐᑎᓪᓗᒋᑦ, ᐱᐅᖏᑦᑐᒥᒃ ᑕᕐᓴᖃᖏᑦᓯᐊᕐᓗᑎᒃ ᐃᒧᓪᓕᖓᓂᖃᕋᑎᒡᓗ, ᓱᓇᑐᐃᓐᓇᕐᒧᓪᓗ ᓈᒻᒪᓐᖏᑦᔪᑎᒃᓴᖃᖏᓪᓗᑎᒃ.

ᐃᓗᐊᕐᓮᔩᑦ ᐊᒡᓚᖏᑦ 8:18

ᒋᑎᐅᓂᐅᑉ ᔩᐸᓗ ᔮᓪᒨᓇᓗ ᐊᐱᕆᕚᒃ, “ᑍᒃᑯᐊᓕ ᐊᖑᑎᑦ ᑐᖁᓚᐅᕐᑕᓯ ᑍᐸᕆᒥ ᖃᓄᐃᑦᑑᕙᑦ?” ᑭᐅᕘᒡᓗ, “ᐃᓕᒃᑐᑦ ᑕᐅᑦᑐᖃᓚᐅᕐᐳᑦ ᐃᓘᓐᓇᑎᒡᓗ ᐊᖓᔪᖅᑳᕐᔪᐊᑉ ᐃᕐᓂᕆᔫᔮᓚᐅᕐᐰᑦ.”