ᑖᓂᐊᓕᐅᑉ ᐊᒡᓚᖏᑦ 1:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᓯᓚᑐᓂᕐᓂᒃ ᑐᑭᓯᐅᒪᓂᕐᓂᒡᓗ ᐊᖓᔪᖅᑳᕐᔪᐊᑉ ᐊᐱᖁᑎᒋᔭᖏᓐᓂᒃ, ᖁᓖᕐᓱᓪᓗᐊᕐᓗᑎᒃ ᖃᐅᔨᒪᓂᕐᓴᐅᓚᐅᕐᐳᑦ ᐊᖓᒃᑯᓂᑦ ᓇᓚᐅᑦᑍᔪᓐᓇᕐᑐᓂᓪᓗ ᐊᖓᔪᖅᑳᕐᔪᐊᑉ ᐊᖓᔪᖅᑲᐅᕕᒋᔭᓕᒫᖓᓂ.

ᑖᓂᐊᓕᐅᑉ ᐊᒡᓚᖏᑦ 1:20 Iomraidhean Croise

ᒨᓯᓯ ᓯᕗᓪᓖᑦ 31:7

ᐊᑖᑕᑦᓯᓕ ᓯᓔᕐᕆᓯᒪᕚᖓ ᐊᑭᓕᕐᑕᐅᑦᔪᑎᒃᑲᓗ ᖁᓕᕕᒃᓗᒋᑦ ᐊᓯᑦᔨᕐᓯᒪᕔᑦ, ᒎᑎᐅᓪᓕ ᑖᑦᓱᒪᓐᖓᑦ ᓴᐳᑎᓯᒪᓚᐅᕐᐹᖓ ᖃᓄᐃᓕᔭᐅᖁᓇᖓ.

ᒨᓯᓯ ᓯᕗᓪᓖᑦ 41:8

ᐅᓪᓛᖑᓕᕐᑎᓪᓗᒍᓕ ᐃᓱᒪᔮᓕᕐᐳᖅ; ᑎᓕᓯᓪᓗᓂᓗ ᕾᖁᔨᕗᖅ ᐄᑦᔨᑉᑎᒥ ᐊᖓᒃᑯᓕᒫᓂᒃ ᐃᓕᓯᒪᔪᓕᒫᓂᒡᓗ; ᐰᕉᓪᓗ ᓯᓐᓇᒃᑐᒥᓂᒃ ᐅᓂᒃᑲᐅᑎᓕᕐᐰᑦ, ᓇᓪᓕᐊᓐᓂᒡᓘᓐᓃᓪᓕ ᑐᑭᓕᐅᕆᔪᖃᕈᓐᓇᓚᐅᓐᖏᓚᖅ ᐰᕉᒧᑦ.

ᓂᕼᐃᒤᐊᐅᑉ ᐊᒡᓚᖏᑦ 4:12

ᑭᓯᐊᓂᓕ ᑍᒪᓐᖓᑦ ᔫᑎᓂᑦ ᖃᓂᒋᔮᓂ ᓄᓇᖃᖃᑕᐅᔪᓂᑦ ᐊᑭᕋᑦᑎᓐᓄᑦ ᐅᖃᐅᑦᔭᐅᒋᐊᕐᑐᖃᑦᑕᓚᐅᕐᐳᒍᑦ, ᐊᑭᕋᑦᑕᓗ ᐅᕙᑦᑎᓐᓄᑦ ᐱᓇᓱᐊᓕᕐᑕᖏᓐᓂᒃ.

ᔫᐱᐅᑉ ᐊᒡᓚᖏᑦ 19:3

ᖁᓖᕐᑐᕐᓗᓯ ᐅᕙᓐᓂᒃ ᓵᓐᖓᓯᓯᒪᓕᕐᐳᓯ; ᑲᓐᖑᓱᓐᖏᓚᓰ ᐅᕙᓐᓂᒃ ᓱᒃᑯᔨᐊᖃᕋᓱᐊᕐᓂᑦᓯᓐᓂᒃ?

ᐃᓐᖏᕈᑎᑦ 119:99

ᖃᐅᔨᒪᓂᕐᓴᐅᕗᖓ ᐃᓕᓮᔨᒋᓯᒪᔭᓕᒫᓐᓂᑦ, ᐃᓕᓮᑦᔪᑎᒋᓯᒪᔭᑎᑦ ᐃᓱᒪᒃᓴᕐᓯᐅᕈᑎᒋᓯᒪᒐᒃᑭᑦ.

ᒨᓯᓯ ᐂᑉᐸᖏᑦ 7:22

ᐄᑦᔨᑉᑎᐅᓪᓕ ᐊᖓᒃᑯᖁᑎᖏᑦ ᑍᒤᓕᐅᕐᑎᑦᓯᔪᓐᓇᓚᐅᕆᕗᑦ; ᑍᒤᒻᒪᑦ ᐰᕉᑉ ᐆᒻᒪᑎᖓ ᓱᓕ ᓯᑎᔫᒋᐊᓪᓚᑐᐃᓐᓇᓚᐅᕐᐳᖅ, ᑖᒃᑯᓂᖓᓗ ᓈᓚᒍᒪᓇᓂ, ᓲᕐᓗ ᐊᑕᓂᐅᑉ ᑍᒫᒃ ᐅᖃᐅᓯᕆᓚᐅᕐᒪᒍ ᑍᒤᓐᓂᐊᕐᓂᕋᕐᓗᒍ.

ᒨᓯᓯ ᐂᑉᐸᖏᑦ 8:19

ᐊᖓᒃᑯᐃᓪᓗ ᐰᕉᒧᑦ ᐅᖃᕐᐳᑦ, “ᑕᒪᓐᓇ ᒎᑎᐅᑉ ᐱᔪᓐᓇᕐᓂᖓᑕ ᐱᓇᓱᐊᕐᓂᕆᕚ!” ᑭᓯᐊᓂᓕ ᐰᕉᑉ ᐆᒻᒪᑎᖓ ᓱᓕ ᓯᑎᔫᓚᐅᕐᐳᖅ, ᑖᒃᑯᓂᖓᓗ ᓈᓚᒍᓐᓇᕋᓂ, ᓲᕐᓗ ᐊᑕᓂᐅᑉ ᑍᒤᓐᓂᐊᕐᓂᕋᓚᐅᕐᒪᒍ.

ᒨᓯᓯ ᐂᑉᐸᖏᑦ 8:7

ᑭᓯᐊᓂᓕ ᐊᖓᒃᑯᐃᑦᑕᐅᖅ ᐊᖓᒃᑰᓂᕐᒥᖕᓄᑦ ᑍᒤᓕᐅᓚᐅᕆᕗᑦ, ᓴᖅᑭᑎᑦᓯᓪᓗᑎᒃ ᓈᕌᔨᓂᒃ ᐄᑦᔨᑉᑎᐅᑉ ᓄᓇᖓᓄᑦ.

ᐂᓮᐊᓯᐅᑉ ᐊᒡᓚᖏᑦ 19:3

ᐄᑦᔨᑉᑎᒥᐅᑦ ᐃᓕᖅᑯᓯᖏᑦ ᐊᑐᕈᓐᓃᕈᒫᕐᐳᑦ ᑖᒃᑯᓇᓂ, ᐱᓇᓱᐊᕈᒪᔭᖏᓐᓂᒡᓗ ᓇᓗᓕᕐᑎᑦᓱᒫᕐᐸᒃᑲ; ᒎᑎᓐᖑᐊᒥᖕᓂᒃ ᐊᖓᒃᑯᓂᒡᓗ ᐃᑲᔪᕐᑎᖃᕋᓱᐊᓕᕈᒫᕐᐳᑦ, ᑐᖁᖓᔪᓪᓗ ᐊᓂᕐᓂᖏᓐᓂᒃ ᐱᓇᓱᐊᖃᑦᑕᕐᑐᓂᒃ ᐊᖓᒃᑰᓇᓱᐊᕐᑐᓂᒡᓗ ᑕᑎᖃᕋᓱᓕᕈᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 28:3

ᓯᓚᑐᓂᕐᓴᐅᒐᓗᐊᕐᐳᑎᑦ ᑖᓂᐊᓕᒥᑦ; ᐃᓕᖕᓄᑦ ᓇᓗᓇᕐᑐᖃᖏᒻᒪᑦ;

ᑖᓂᐊᓕᐅᑉ ᐊᒡᓚᖏᑦ 1:17

ᒎᑎᐅᑉ ᑖᒃᑯᐊ ᐃᓅᓱᒃᑐᑦ ᓯᑕᒪᑦ ᑐᓂᓯᕕᒋᕔᑦ, ᖃᐅᔨᒪᓂᕐᒥᒃ ᑐᑭᓯᔪᓐᓇᕐᓂᕐᒥᒡᓗ ᐃᓕᓯᒪᓂᕐᒥᒡᓗ. ᑖᓂᐊᓕᓗ ᑐᑭᓯᔪᓐᓇᕐᑎᑉᐹ ᑕᑯᑎᑕᐅᓂᕐᓂᒃ ᓯᓐᓇᒃᑑᒪᓂᕐᓂᒡᓗ.

ᑖᓂᐊᓕᐅᑉ ᐊᒡᓚᖏᑦ 2:13

ᐊᖓᔪᖅᑳᕐᔪᐊᑉ ᐱᖁᔭᖓ ᑐᓴᐅᒪᔭᐅᓕᕐᐳᖅ ᐊᖓᔪᖅᑲᐅᕕᖓᓂ, ᓯᓚᑐᔪᖁᑎᓕᒫᖏᑦ ᑐᖁᑕᐅᖁᓪᓗᒋᑦ, ᐊᖑᑏᓪᓗ ᑎᓕᔭᐅᕗᑦ ᑖᓂᐊᓕᒥᒃ ᐱᖃᓐᓇᕆᔭᖏᓐᓂᒡᓗ ᕿᓂᖁᓪᓗᒋᑦ ᑐᖁᑦᓯᖁᓪᓗᒋᓪᓗ.

ᑖᓂᐊᓕᐅᑉ ᐊᒡᓚᖏᑦ 2:21

ᐊᕐᕌᒍ ᐊᓂᒍᕐᐸᓪᓕᐊᑎᑉᐹ ᓇᓪᓕᐅᓐᓂᖃᕐᑎᓪᓗᒍ; ᐊᖓᔪᖅᑳᕐᔪᐊᑦ ᒪᑭᑎᑉᐰᑦ, ᐊᖓᔪᖅᑳᕐᔪᐊᓪᓗ ᐊᓯᖏᑦ ᐅᕐᕈᑎᓪᓗᒋᑦ. ᓯᓚᑐᓂᕐᒥᒃ ᑐᓂᓯᕗᖅ ᓯᓚᑐᔪᓄᑦ ᖃᐅᔨᒪᓂᕐᒥᒡᓗ ᑐᓂᓯᕗᖅ ᑐᑭᓯᐊᔪᓄᑦ.

ᑖᓂᐊᓕᐅᑉ ᐊᒡᓚᖏᑦ 5:17

ᑖᓂᐊᓕᐅᑉ ᐊᖓᔪᖅᑳᕐᔪᐊᖅ ᑭᐅᕚ, “ᑐᓂᕐᕈᑎᑎᑦ ᐱᓯᒪᓕᒃᑭᑦ, ᐊᑭᓕᐅᑎᑎᓪᓗ ᐊᓯᓐᓄᑦ ᑐᓂᓗᒋᑦ: ᐊᖓᔪᖅᑳᕐᔪᐊᕐᓕ ᑎᑎᕋᕐᓯᒪᔪᓂᒃ ᐅᖃᓕᒫᕈᑎᓂᐊᕐᐸᕋ, ᑐᑭᖓᓂᒡᓗ ᐅᖃᐅᑎᓗᒍ.

ᒨᓯᓯ ᓯᑕᒪᖏᑦ 14:22

ᐊᖑᑎᑦ ᐅᑯᐊ ᑕᑯᓯᒪᖕᒪᑕ ᐱᓐᓇᕐᓇᕐᓂᓐᓂᒃ ᓇᓗᓁᒃᑯᑕᓂᒡᓗ ᑲᒪᓇᕐᑐᓂᒃ ᐱᓂᐊᕐᓂᕆᓚᐅᕐᑕᓐᓂᒃ ᐄᑦᔨᑉᑎᒥ ᐃᓄᖃᖏᑦᑐᒥᓗ, ᐆᒃᑐᕐᒪᖓᓗ ᒫᓐᓇ ᖁᓕᕕᒡᓗᑎᒃ ᓂᐱᓐᓂᒡᓗ ᓈᓚᓚᐅᕋᑎᒃ,