ᑖᓂᐊᓕᐅᑉ ᐊᒡᓚᖏᑦ 1:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐊᑕᓂᐅᓪᓗ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᔨᕼᐅᐃᐊᑭᒻ ᑐᓂᕚ ᑖᑦᓱᒧᖓ, ᒎᑎᐅᓪᓗ ᐃᒡᓗᖓᑕ ᐃᓗᓕᖏᑕ ᐃᓚᖏᓐᓂᒃ ᐊᑭᑐᔪᓂᒃ ᐱᖃᓯᐅᑦᔨᓪᓗᓂ: ᓂᐱᑯᓁᓴᐅᑉ ᐊᐅᓪᓚᕈᑎᕔᑦ ᓄᓇᒧᑦ ᓯᓇᕆᒧᑦ ᒎᑎᓐᖑᐊᒥ ᐃᒡᓗᖓᓄᑦ; ᐃᓕᕔᓪᓗ ᒎᑎᓐᖑᐊᖃᕐᕕᖕᒥ ᐊᑭᑐᔪᓂᒃ ᐱᖁᑎᒃᑯᕕᖓᓄᑦ.

ᑖᓂᐊᓕᐅᑉ ᐊᒡᓚᖏᑦ 1:2 Iomraidhean Croise

ᒨᓯᓯ ᓯᕗᓪᓖᑦ 10:10

ᐊᖓᔪᖅᑲᐅᕕᖃᕆᐊᓯᓚᐅᕐᐳᖅ ᐅᑯᓂᖓ ᐹᐱᓕ, ᐃᕆᒃ, ᐊᑳᑎᒥᒡᓗ, ᑳᓪᓂᒥᒡᓗ, ᑖᒃᑯᐊᓗ ᑕᒪᕐᒥᒃ ᓄᓇᒥ ᓯᓈᕆᒦᓚᐅᕐᐳᑦ.

ᒨᓯᓯ ᓯᕗᓪᓖᑦ 11:2

ᐃᓄᐃᓪᓗ ᓯᕿᓂᐅᑉ ᓄᐃᕕᐊᑕ ᓇᓛᓃᖔᕐᓗᑎᒃ ᐃᖏᕐᕋᕙᓪᓕᐊᒐᒥᒃ, ᓇᑎᕐᓇᒧᑦ ᑎᑭᓐᓇᒥᒃ ᓯᓈᕆᒥ ᓄᓇᑖᕐᐳᑦ.

ᐊᑕᓃᑦ ᐂᑉᐸᖏᑦ 24:1

ᔨᕼᐅᐃᐊᑭᒻ ᐊᖓᔪᖅᑳᕐᔪᐊᖑᑎᓪᓗᒍ ᓂᐱᑯᓁᓴ ᐹᐱᓘᓂᒥᐅᑉ ᐊᖓᔪᖅᑳᕐᔪᐊᖓᑦ ᑎᑭᓚᐅᕐᐳᖅ, ᔨᕼᐅᐃᐊᑭᒻᓗ ᐱᔨᒋᓕᓚᐅᕐᐹ ᐊᕐᕌᒍᓂᒃ ᐱᖓᓱᓂᒃ; ᑭᖑᓂᖓᒍᑦ ᐊᐅᓚᑕᐅᔪᒪᔪᓐᓃᕐᓗᓂ ᐊᑭᕋᕐᑐᓕᓚᐅᕐᐳᖅ.

ᑯᕉᓂᑲ ᐂᑉᐸᖏᑦ 36:5

ᔨᕼᐅᐃᐊᑭᒻ ᐊᕐᕌᒍᖃᓚᐅᕐᐳᖅ 25ᓂᒃ ᐊᖓᔪᖅᑳᕐᔪᐊᓐᖑᕐᑎᓪᓗᒍ, ᐊᖓᔪᖅᑳᖑᓚᐅᕐᐳᕐᓗ ᐊᕐᕌᒍᓂᒃ 11ᓂᒃ ᔨᕉᓴᓕᒥ. ᐱᓂᐊᕐᓂᖃᓚᐅᕐᐳᕐᓗ ᐱᐅᖏᑦᑐᓂᒃ ᐊᑕᓂᐅᑉ ᒎᑎᖓᑕ ᑕᑯᓐᓇᕐᑕᖓᒍᑦ.

ᑯᕉᓂᑲ ᐂᑉᐸᖏᑦ 36:7

ᓂᐱᑯᓁᓴᐅᓪᓗ ᐱᖁᑏᑦ ᐃᓚᖏᑦ ᐊᑕᓂᐅᑉ ᐃᒡᓗᖓᓃᑦᑐᑦ ᐹᐱᓘᓂᒧᑦ ᐊᐅᓪᓚᕈᑎᕔᑦ ᐃᓕᓪᓗᒋᓪᓗ ᐊᖓᔪᖅᑳᕐᔪᐊᒃᑯᕕᖕᒥᓄᑦ ᐹᐱᓘᓂᒦᑦᑐᒧᑦ.

ᐄᓱᕋᐅᑉ ᐊᒡᓚᖏᑦ 1:7

ᐊᖓᔪᖅᑳᕐᔪᐊᑉ ᓮᕋᓯᐅᑉ ᐅᑎᕐᑎᓚᐅᕐᐰᑦ ᐴᒍᑍᑦ ᐃᒥᐅᑏᓪᓗ ᐊᖓᔪᖅᑳᕐᔪᐊᑉ ᓂᐱᑯᓁᓴᐅᑉ ᑎᒍᔭᕕᓂᖏᑦ ᔨᕉᓴᓕᐅᑉ ᑐᒃᓯᐊᕐᕕᖓᓂᑦ ᐃᓕᔭᕕᓂᖏᓪᓗ ᑐᒃᓯᐊᕐᕕᖁᑎᒥᓄᑦ ᒎᑎᓐᖑᐊᖁᑎᒥᓄᓪᓗ.

ᐂᓮᐊᓯᐅᑉ ᐊᒡᓚᖏᑦ 11:11

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᐊᒡᒐᓂ ᐃᓴᒍᒫᕐᐰᑦ ᐃᓄᖁᑎᓂ ᐊᒥᐊᒃᑰᔪᑦ ᐅᑎᕐᑎᑦᓱᒪᓗᒋᑦ, ᐊᓯᕆᐊᒥᑦ ᐄᑦᔨᑉᑎᒥᓪᓗ, ᐹᑐᕉᓯᒥᑦ ᐃᑎᐅᐱᐊᒥᓪᓗ, ᐃᓛᒻᒥᑦ ᓯᓇᕆᒥᓪᓗ, ᕼᐊᒫᑎᒥᑦ ᕿᑭᕐᑕᓂᓪᓗ ᐃᒪᕕᖕᒦᑦᑐᓂᑦ.

ᐂᓮᐊᓯᐅᑉ ᐊᒡᓚᖏᑦ 42:24

ᑭᐊ ᔧᑰᑉ ᑭᖑᕚᖏᑦ ᐊᕐᓵᕐᑎᕆᔪᒧᑦ ᑐᓂᓚᐅᕐᐰᑦ, ᐃᓴᕆᐊᓕᒥᐅᓪᓗ ᑎᒡᓕᒃᑎᓄᑦ ᑐᓂᓪᓗᒋᑦ? ᐊᑕᓂᐅᑉ ᑍᒤᑕᐅᑎᓚᐅᓐᖏᓔᑦ? ᐊᔪᕐᑐᓕᕕᒋᓚᐅᕋᑦᑎᒍ, ᑍᑦᓱᒪᓂ ᐊᑐᕐᑕᐅᖁᔭᖏᓐᓂᒃ ᒪᓕᓚᐅᖏᒻᒪᑕ, ᐱᖁᔭᖏᓪᓗ ᓈᓚᓚᐅᕐᓇᒋᑦ.

ᔨᕆᒤᐊᐅᑉ ᐊᒡᓚᖏᑦ 25:1

ᐊᑕᓂᐅᑉ ᐅᖃᕐᕕᒋᕚ ᔨᕆᒤᐊ ᔫᑕᒥᐅᓕᒫᑦ ᐱᑦᔪᑎᒋᓪᓗᒋᑦ, ᐊᕐᕌᒍᐃᑦ ᔨᕼᐅᐃᐊᑭᒻ ᔫᓮᐊᐅᑉ ᐃᕐᓂᖓᑕ ᐊᖓᔪᖅᑳᕐᔪᐊᕆᔭᐅᓂᖓᑕ ᔫᑕᒥ ᓯᑕᒪᒋᓕᕐᑕᖓᓂ, ᓂᐱᑯᓁᓴ ᐊᕐᕌᒍᓕᒫᒥᒃ ᐊᖓᔪᖅᑳᕐᔪᐊᕆᔭᐅᓕᕐᑎᓪᓗᒍ ᐹᐱᓘᓂᒥᐅᓄᑦ.

ᔨᕆᒤᐊᐅᑉ ᐊᒡᓚᖏᑦ 27:16

“ᑐᓂᕐᕈᓯᕐᑎᑦᓯᔨᓄᑦ ᐃᓄᖕᓄᓪᓗ ᐅᖃᓕᕐᐳᖓ, ᐃᒫᒃ ᐊᑕᓂᖅ ᐅᖃᕐᐳᖅ, ᓇᓚᐅᑦᑍᔪᑦ ᓈᓚᒃᑍᓕᓯᒋᒃ ᐅᖃᖃᑦᑕᕐᑐᑦ, ‘ᐊᑕᓂᐅᑉ ᐃᒡᓗᖓᑕ ᐱᖁᑎᖏᑦ ᐅᑎᕐᑎᑕᐅᔪᒫᕐᐳᑦ ᐹᐱᓘᓂᒥᑦ,’ ᓱᓕᖏᓪᓗᑎᒃ ᑍᒤᓕᐅᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 28:3

ᐊᕐᕌᒎᖕᓂᒃ ᒪᕐᕉᖕᓂᒃ ᐊᑕᓂᐅᑉ ᐃᒡᓗᖓᑕ ᐱᖁᑎᓕᒫᖏᑦ ᐅᑎᕐᑎᑦᓱᒫᕐᐸᒃᑲ ᓂᐱᑯᓁᓴᐅᑉ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐊᐅᓪᓚᕈᑎᓚᐅᕐᑕᖏᑦ ᐹᐱᓘᓂᒧᑦ.

ᔨᕆᒤᐊᐅᑉ ᐊᒡᓚᖏᑦ 35:11

ᓂᐱᑯᓁᓴᐅᓪᓕ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᓄᓇᕗᑦ ᓵᓚᒋᓕᕐᒪᒍ ᐅᖃᓚᐅᕐᐳᖑᑦ, ᔨᕉᓴᓕᒧᐊᕈᒪᓪᓗᑕ ᑲᐅᓪᑎᐊᒥᐅᑦ ᓯᕆᐊᒥᐅᓪᓗ ᐅᓇᑕᕐᑎᖁᑎᖏᓐᓂᑦ ᕿᒫᔪᒪᓪᓗᑕ ᑍᒪᓐᖓᑦ ᑕᕝᕙ ᔨᕉᓴᓕᒥᐅᑕᐅᓕᕐᐳᒍᑦ.”

ᔨᕆᒤᐊᐅᑉ ᐊᒡᓚᖏᑦ 50:2

“ᐃᓅᖃᑎᒌᒡᔪᐊᓂ ᐅᖃᐅᑎᒋᓯᐅᒃ ᑐᓴᕐᑕᐅᑎᓪᓗᒍᓗ, ᓇᓗᓁᒃᑯᑕᖃᕐᓗᓯ ᐅᖃᐅᓯᕆᓯᐅᒃ, ᑐᓴᕐᑕᐅᔭᕆᐊᓖᑦ ᐅᖃᐅᑎᒋᔧᓐᓇᕆᓯᐅᒃ ᐅᖃᕐᓗᓯᓗ, ᐹᐱᓘᓂᒥᐅᑦ ᓵᓚᐅᓗᑎᒃ ᑎᒍᔭᐅᓂᐊᕐᐳᑦ, ᒎᑎᖓᑦ ᐱᐊᓪ ᑲᓐᖑᓱᒃᑎᑕᐅᓂᐊᕐᐳᖅ, ᒎᑎᖓᓪᓗ ᒥᕈᑖᒃ ᑲᑉᐱᐊᓱᒃᑎᑕᐅᓂᐊᕐᐳᖅ, ᐊᑦᔨᖏᓪᓗ ᓴᓇᔭᐅᓯᒪᔪᑦ ᑲᓐᖑᓇᕐᑐᒥᒃ ᐊᑐᕐᓂᐊᕐᐳᑦ, ᒎᑎᒋᔭᓕᒫᖏᑦ ᑲᑉᐱᐊᓇᕐᑐᒦᑎᑕᐅᓂᐊᕐᐳᑦ!

ᔨᕆᒤᐊᐅᑉ ᐊᒡᓚᖏᑦ 51:44

ᐹᐱᓘᓂᒥᐅᑦ ᒎᑎᒋᔭᖓᑦ ᐱᐊᓪ ᓱᒋᐊᕈᒫᕐᐸᕋ, ᒥᕆᐊᕐᑎᓪᓗᒍᓗ ᐄᔭᕕᓂᖏᓐᓂᒃ, ᐃᓅᖃᑎᒌᒡᔪᐊᓄᑦ ᐅᐸᒃᑕᐅᕙᒍᓐᓃᕈᒫᕐᐳᖅ. “ᐹᐱᓘᓂᒥᐅᑦ ᐊᕙᓗᕐᔪᐊᖓ ᐅᕐᕈᔪᒫᕐᒪᑦ.

ᑖᓂᐊᓕᐅᑉ ᐊᒡᓚᖏᑦ 5:13

ᑖᓂᐊᓕᓗ ᕾᑎᑕᐅᕗᖅ ᐊᖓᔪᖅᑳᕐᔪᐊᑉ ᓵᖓᓄᑦ, ᐊᖓᔪᖅᑳᕐᔪᐊᓪᓗ ᐅᖃᐅᑎᕚ, “ᑖᓂᐊᓕᐅᕖᑦ ᐊᑖᑕᒪ ᔫᑕᒥᑦ ᑎᒍᓚᐅᕐᑕᖏᑕ ᐃᓚᖓᑦ?

ᑖᓂᐊᓕᐅᑉ ᐊᒡᓚᖏᑦ 5:18

“ᐊᖓᔪᖅᑳᕐᔪᐊᖅ, ᒎᑎᐅᑉ ᖁᑦᓯᖕᓂᕐᐹᑉ ᐊᑖᑍᑦ ᓂᐱᑯᓁᓴ ᑐᓂᓯᕕᒋᓚᐅᕐᐹ ᐊᖓᔪᖅᑲᐅᓂᕐᒥᒃ, ᐊᖏᔪᕐᔫᓂᕐᒥᒡᓗ, ᐅᐱᒋᔭᐅᓂᕐᒥᒡᓗ, ᐱᐅᒋᔭᐅᒻᒪᕆᖕᓂᕐᒥᒡᓗ.

ᕼᐊᐸᑲᐅᑉ ᐊᒡᓚᖏᑦ 1:16

ᑍᒤᒻᒪᑦ ᓄᓗᐊᒥᖕᓄᑦ ᑐᓂᕐᕈᓯᖃᑦᑕᕐᐳᑦ, ᐃᒪᒃᑯᑦ ᐅᓂᐊᖃᑦᑕᕐᑕᒥᖕᓄᑦ ᐃᓯᕐᓗᐊᕐᓂᕐᑎᑦᓯᕙᒃᐳᑦ; ᑖᒃᑯᓄᖓ ᐃᓅᑦᔪᑎᒃᓴᒥᖕᓂᒃ ᐊᒥᒐᕐᓯᑎᑕᐅᖏᓐᓇᒥᒃ, ᓂᕿᒃᓴᒥᖕᓂᒡᓗ ᐊᒥᒐᕐᓯᓇᑎᒃ.

ᓴᑲᕅᐊᐅᑉ ᐊᒡᓚᖏᑦ 5:11

ᑭᐅᕚᖓ, “ᓄᓇᒧᑦ ᓯᓇᕆᒧᑦ ᑍᑲᓂ ᑐᒃᓯᐊᕐᕕᖕᒥᒃ ᐃᒡᓗᓕᐅᕐᑕᐅᖁᓪᓗᒍ; ᐃᒡᓗ ᐱᔭᕇᕐᐸᑦ, ᐃᕕᐅᔭᖅ ᑕᕝᕙᓂ ᐃᓂᖃᕈᒫᕐᒪᑦ ᑐᒃᓯᐊᕐᕕᐅᖁᓪᓗᒍ.”

ᒨᓯᓯ ᑕᓪᓕᒪᖏᑦ 32:30

ᖃᓄᖅ ᐊᑕᐅᓯᕐᒧᑦ 1,000 ᕿᒫᑎᑕᐅᔪᓐᓇᕐᐹᑦ? ᖃᓄᕐᓗ ᒪᕐᕉᖕᓄᑦ 10,000 ᕿᒫᑎᑕᐅᔪᓐᓇᕐᐸᑦ? ᕾᕐᑑᑉ ᐱᔪᓐᓇᕐᑎᑦᓯᔨᖏᑕ ᕿᒪᒃᓯᒪᒃᐸᒋᑦ, ᐊᑕᓂᐅᓪᓗ ᖁᔭᓈᕐᓯᒪᓕᕐᐸᒋᑦ ᑭᓯᐊᓂ.

ᐃᓗᐊᕐᓮᔩᑦ ᐊᒡᓚᖏᑦ 2:14

ᑍᒤᒻᒪᑦ ᐊᑕᓂᖅ ᓂᓐᖓᓚᐅᕐᐳᖅ ᐃᓴᕆᐊᓕᒥᐅᓄᑦ, ᑎᒡᓕᒃᑎᓄᑦ ᐱᓕᕆᐊᖑᑎᓚᐅᕐᐰᑦ ᑎᒡᓕᒐᕐᕕᐅᑎᓪᓗᒋᓪᓗ; ᐊᑭᕋᖏᓐᓄᓪᓗ ᐊᕙᑎᖏᓐᓃᑦᑐᓄᑦ ᓵᓚᒋᔭᐅᑎᓚᐅᕐᐰᑦ, ᑍᒤᒻᒪᑦ ᐊᑭᕋᒥᖕᓂᒃ ᓵᓚᖃᕈᓐᓁᓪᓕᓚᐅᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 3:8

ᑍᒤᒻᒪᑦ ᐊᑕᓂᖅ ᓂᓐᖓᓚᐅᕐᐳᖅ ᐃᓴᕆᐊᓕᒥᐅᓄᑦ ᐊᖓᔪᖅᑳᕐᔪᐊᒧᓪᓗ ᑯᓵᓐ-ᕆᓴᑍᒻ ᒥᓱᐳᑍᒥᐊᒥᐅᑕᕐᒧᑦ ᓵᓚᒋᔭᐅᑎᑉᐰᑦ, ᑯᓵᓐ-ᕆᓵᑍᒻᒥᒃ ᐱᔨᑦᓯᓚᐅᕐᐳᑦ ᐊᕐᕌᒍᓂᒃ 8ᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 4:2

ᐊᑕᓂᐅᑉ ᓵᓚᐅᑎᓚᐅᕐᐰᑦ ᔮᐱᓂᒧᑦ, ᑬᓇᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᐊᐅᓚᑦᓯᕕᖃᕐᑐᒧᑦ ᐃᒡᓗᒐᓴᒡᓂ ᕼᐂᔭᒥ. ᐅᓇᑕᕐᑐᒃᓴᖁᑎᖓᑕ ᐊᖓᔪᖅᑳᕆᓚᐅᕐᑕᖓ ᓯᓰᕋ, ᐊᖏᕐᕋᖃᓚᐅᕐᑐᖅ ᕼᐊᕈᓯᑎ-ᕼᐊᒍᔨᒻᒥ.

ᓴᒧᐃᓕ ᓯᕗᓪᓖᑦ 5:2

ᑕᕝᕙ ᐱᓕᔅᑍᓂᒥᐅᑦ ᑐᒃᓯᐊᕐᕕᖕᒥᓅᕈᑎᓚᐅᕐᐹᑦ ᒎᑎᓐᖑᐊᒧᑦ ᑍᒐᓐᒧᑦ, ᓴᓇᓐᖑᐊᕐᓯᒪᔪᒧᑦ ᑖᑦᓱᒪᓗ ᓴᓂᐊᓄᐊᕐᐹᑦ.