ᑯᓘᓯᐊᒥᐅᓄᑦ 4:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᖓᔪᖅᑳᖑᔪᓯ ᓂᐅᕕᐊᕆᓯᒪᓪᓗᒋᑦ ᐱᔨᒋᔭᓯ ᓈᒻᒪᒃᑐᒥᒃ ᐱᐅᔪᒥᒡᓗ ᐱᓂᐊᕐᕕᒋᓯᒋᒃ, ᖃᐅᔨᒪᓗᓯ ᐊᖓᔪᖅᑳᖃᕋᑦᓯᑦᑕᐅᖅ ᕿᓚᖕᒥ.

ᑯᓘᓯᐊᒥᐅᓄᑦ 4:1 Iomraidhean Croise

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:8

ᑕᑯᒍᕕᑦ ᐊᔪᕐᓴᕐᑐᒥᒃ ᐅᖁᒤᑎᑕᐅᔪᒥᒃ, ᐊᑦᔨᒌᒃᑎᑦᓯᑦᓯᐊᕐᓂᐅᓪᓗ ᐃᓱᐊᕐᑐᓕᓂᐅᓪᓗ ᐊᑐᕐᑕᐅᖏᓐᓂᖓᓂᒃ ᑲᑉᐱᐊᓇᕐᑐᒃᑯᑦ, ᓄᓇᐅᑉ ᐊᐅᓚᑦᓯᔨᖏᑎᒍᑦ, ᑕᒪᓐᓇ ᑕᑕᒥᓐᓂᐊᕈᑎᒋᓇᒍ; ᐊᖓᔪᖅᑳᖅ ᖃᐅᔨᓴᕐᑎᖃᕐᒪᑦ ᐊᖓᔪᖅᑲᐅᖅᑭᔭᒥᓂᒃ, ᑖᒃᑯᐊᓗ ᐊᖓᔪᖅᑳᖑᖅᑭᔭᖃᕆᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 58:3

ᐅᖃᓚᐅᕐᐳᑦ, “ᓱᖕᒪᑦ ᓂᕆᑦᑍᓕᓚᐅᕐᐱᑖ? ᓂᕆᑦᑍᓕᒐᓗᐊᕐᑎᓪᓗᑕ ᑕᑯᕙᓐᖏᓚᑏᑦ? ᓱᖕᒪᓪᓗ ᒥᑭᒡᓕᑎᕋᓱᐊᕐᐸᒃᐱᑖ ᒥᑭᒡᓕᑎᕐᑎᓪᓗᑕ ᐅᑦᔨᕈᓱᖃᑦᑕᖏᓐᓇᕖᑦ?” ᑕᑯᓕᕆᑦᓯ, ᓂᕆᑦᑍᓕᕕᒋᔭᑦᓯ ᐅᓪᓗᖓᓂ ᖁᕕᐊᒋᔭᑐᐃᓐᓇᑦᓯᓐᓂᒃ ᐊᑐᕐᐸᒃᑐᓯ, ᐱᓇᓱᐊᕐᑎᓯᓗ ᐅᖁᒤᒃᓴᕐᑎᓪᓗᒋᑦ.

ᒨᓯᓯ ᐱᖓᔪᖏᑦ 19:13

“ᐃᓅᖃᑎᖕᓂᒃ ᓯᓔᕐᕆᒃᓯᔪᒃᓴᐅᓐᖏᓚᑎᑦ, ᐱᖁᑎᖏᓐᓂᒡᓗ ᑎᒡᓕᒡᕕᒋᔭᒃᓴᕆᓐᖏᓚᑦ ᐃᖅᑲᓁᔭᕐᑎᑕᕐᓂᒃ ᐊᑭᓖᑦᑍᓕᒪᔪᒃᓴᐅᓐᖏᓚᑎᑦ ᖃᐅᑦᓯᐊᕆᑦᑍᓕᓗᒍ ᐊᒡᓛᑦ.

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 20:4

ᑕᕝᕙ ᐅᖃᐅᑎᕔᑦ, ‘ᐃᓕᑦᓯᑦᑕᐅᖅ ᐱᓇᓱᐊᕆᐊᕐᑐᓕᕆᑦᓯ ᐸᐅᕐᒐᓂᒃ ᐅᐂᓂᒃᓴᐅᓂᐊᕐᑐᓂᒃ ᐱᕈᕐᓰᕕᖁᑎᓐᓂᑦ, ᐊᑭᓕᕐᓂᐊᕐᐸᑦᓯ ᐊᑭᓕᐅᑕᐅᕙᒃᑐᑎᑐᑦ.’

ᓘᑲᓯᐅᑉ ᐊᒡᓚᖏᑦ 19:15

“ᑖᓐᓇ ᐊᖓᔪᖅᑳᕐᔪᐊᓐᖑᕐᑎᑕᐅᒐᒥ ᐊᖏᕐᕋᒥᓄᑦ ᐅᑎᕐᐳᖅ. ᐱᔨᓂ ᑮᓇᐅᔭᓂᒃ ᐂᑦᑐᓚᐅᕐᑕᓂ ᕾᖁᕔᑦ, ᖃᐅᔨᔪᒪᓪᓗᓂ ᖃᑦᓯᓂᒃ ᐃᓚᒃᑲᓐᓂᕐᓂᕐᒪᖔᑦᔪᒃ.

ᔧᒥᓯᐅᑉ ᐊᒡᓚᖏᑦ 2:13

ᐃᖅᑲᑐᕐᑕᐅᓂᕐᒧᑦ ᓂᑲᒋᔭᐅᒐᔭᓐᖏᓚᖅ ᓂᑲᒍᓱᓐᖏᑦᑐᒧᑦ; ᓂᑲᒍᓱᖕᓂᖅ ᓵᓚᖃᕐᑎᑦᓯᔪᓐᓇᕐᐳᖅ ᐃᖅᑲᕐᑐᕐᑕᐅᓂᒃᓴᒥᒃ.

ᔧᒥᓯᐅᑉ ᐊᒡᓚᖏᑦ 5:4

ᑕᑯᒋᑦ, ᐱᓇᓱᐊᕐᑐᑦ ᐱᕈᕐᓰᕕᖁᑎᑦᓯᓐᓂ ᐱᕈᕐᑐᓂᒃ ᓇᑲᑎᕆᔪᑦ ᐊᑭᓕᓚᐅᓐᖏᓚᓯ ᑮᓇᐅᔭᒃᓴᖏᓐᓂᒃ, ᓯᓔᕐᕆᒃᓯᓂᒃᑯᑦ, ᓈᒻᒪᒃᓴᕈᓐᓃᕐᓗᑎᒃ ᓂᓪᓕᐊᓂᖏᑦ ᑐᓴᓕᕐᓯᐅᒃ; ᐱᕈᕐᓰᕕᖁᑎᑦᓯᓐᓂ ᓇᑲᑎᕆᔪᑦ ᓂᓪᓕᐊᓂᖏᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᑐᓵᓕᕐᐰᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:14

ᑖᒃᑯᐊᓗ ᐅᓇᑕᕈᒫᕐᐳᑦ ᓄᕐᕋᐅᔭᒥᒃ, ᓄᕐᕋᐅᔭᕐᓕ ᓵᓚᖃᕈᒫᕐᐳᖅ ᑖᒃᑯᓂᖓ, ᐊᑕᓂᐅᒐᒥ ᐊᑕᓂᕐᓄᑦ ᐊᖓᔪᖅᑳᕐᔪᐊᖑᓪᓗᓂᓗ ᐊᖓᔪᖅᑳᕐᔪᐊᓄᑦ, ᐃᓚᖃᕈᒫᕐᒪᑦ ᕾᖁᔭᐅᓯᒪᔪᓂᒃ ᓂᕈᐊᕐᑕᐅᓯᒪᔪᓂᒡᓗ ᓱᕐᕋᔪᐃᑦᑐᒥᒃ ᒪᓕᒃᑎᐅᔪᓂᒃ ᑖᑦᓱᒥᖓ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:16

ᐅᓕᒡᔪᐊᖓᓂ ᖁᒃᑐᕋᖏᖕᓂᓗ ᐊᑎᖓ ᑎᑎᕋᕐᓯᒪᕗᖅ, “ᐊᖓᔪᖅᑳᕐᔪᐊᖅ ᐊᖓᔪᖅᑳᕐᔪᐊᓄᑦ ᐊᑕᓂᐅᔪᕐᓗ ᐊᑕᓂᕐᓄᑦ.”