ᑯᓘᓯᐊᒥᐅᓄᑦ 3:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑍᒤᒻᒪᑦ ᓯᓚᕐᔪᐊᕐᒥᐅᑦ ᐱᔪᒪᕕᒡᔪᐊᕐᓂᖏᑦ ᐃᓕᑦᓯᓐᓃᑦᑐᑦ ᑐᖁᓕᕐᓯᒋᒃ ᒪᑯᐊ: ᓄᓕᐊᕐᓃᑦ, ᐃᑦᔪᕐᓇᕐᑐᓕᓃᑦ, ᐃᒃᓯᒎᕐᓃᑦ, ᐱᐅᖏᑦᑐᒥᒃ ᐱᔪᒪᕕᒡᔪᐊᕐᓃᑦ, ᐱᖃᕈᒪᓗᐊᕐᓃᓪᓗ, ᑕᒪᒃᑯᐊ ᒎᑎᐅᑉ ᐊᓯᐊᓂᒃ ᒎᑎᖃᕐᓂᐅᖕᒪᑕ.

ᑯᓘᓯᐊᒥᐅᓄᑦ 3:5 Iomraidhean Croise

ᒨᓯᓯ ᐂᑉᐸᖏᑦ 37:22

ᑖᒃᑯᐊᓕ ᓇᓂᕈᐊᖃᕐᕕᐅᔪᑦ ᓇᓴᓐᖑᐊᖑᔪᑦ ᐊᕙᓚᖓᔪᓐᖑᐊᕆᔭᖏᓪᓗ ᐊᑕᐅᓯᐅᓪᓗᓂ ᐃᓗᐃᑦᑑᕗᑦ, ᑕᒪᓐᓇ ᓇᓂᕈᐊᖃᕐᕕᐅᔪᖅ ᐃᓗᐃᑦᑑᓗᓂ ᐃᓛᕐᑐᕐᓯᒪᖏᓪᓗᓂᓗ ᑲᐅᒐᕐᑕᐅᓯᒪᓪᓗᓂ ᓴᓇᓯᒪᕗᖅ ᒎᓗᐃᓐᓇᐅᓗᓂ.

ᒫᑎᐅᓯᐅᑉ ᐊᒡᓚᖏᑦ 15:19

ᐃᓅᑉ ᐆᒻᒪᑎᖓᓂᑦ ᐃᓱᒤᑦ ᐱᐅᖏᑦᑐᑦ ᓴᖅᑭᑉᐳᑦ, ᐱᔮᕆᓗᓂ ᑐᖁᑦᓯᓂᖅ, ᓄᓕᐊᕇᖕᓂᕐᒥᒃ ᐊᓯᓐᓂᐊᕐᓂᖅ, ᑲᑎᑎᑕᐅᓯᒪᖃᑎᒋᓐᖏᑕᒥᒃ ᐃᓐᓇᖓᖃᑎᖃᕐᓂᖅ; ᑎᒡᓕᖕᓂᖅ, ᐃᓅᖃᑎᒥᒃ ᓴᒡᓗᑎᖃᕐᓂᖅ, ᐅᖃᐅᑎᖃᕐᓗᖕᓂᖅ.

ᕉᒪᒥᐅᓄᑦ 1:26

ᑍᒤᒻᒪᑦ, ᒎᑎᐅᑉ ᐃᓱᒪᕐᓱᕐᑎᓕᕐᐰᑦ ᐱᔪᒪᓂᕐᔪᐊᓄᑦ ᑲᓐᖑᓇᕐᑐᓄᑦ. ᐊᕐᓁᓪᓘᓐᓃᑦ ᐊᖑᒻᒧᑦ ᐱᔪᒪᓂᑎᒃ ᐊᑐᕈᓐᓃᕐᓗᒍ ᐊᑐᖃᑦᑕᓕᕐᐳᑦ ᐊᑐᒐᒃᓴᔭᕆᓐᖏᑕᒥᖕᓂᒃ,

ᕉᒪᒥᐅᓄᑦ 1:29

ᐱᐅᖏᑦᑐᓕᓂᕐᓂᒃ ᖃᓄᐃᑦᑐᑐᐃᓐᓇᑦᓯᐊᓂᒃ ᐱᓕᕆᕗᑦ, ᐱᐅᖏᑦᑐᓂᒃ, ᐱᔪᒪᕕᒡᔪᐊᕐᓂᕐᓂᒃ, ᐊᑭᕋᕐᑑᑎᓂᕐᓂᒃ, ᐊᓯᒥᖕᓂᑦ ᐱᖃᕐᓂᕐᓴᐅᔪᒪᓂᕐᒥᒃ, ᑐᖁᑦᓯᔪᒪᓂᕐᒥᒃ, ᐅᓇᑕᕈᒪᓂᕐᒥᒃ, ᓯᓔᕐᕆᒃᓯᓂᕐᒥᒃ, ᐅᒋᐊᓐᖑᖃᑦᑕᐅᑎᓂᕐᒥᒃ, ᑎᕐᓕᐊᖃᑦᑍᓂᕐᓂᒡᓗ.

ᕉᒪᒥᐅᓄᑦ 6:13

ᐊᕙᑎᓯᓗ ᐊᔪᕐᑐᓕᑦᑍᓕᑦᔪᑎᒋᓕᕐᓯᐅᒃ ᐱᐅᖏᑦᑐᒧᑦ ᐊᖅᑯᑕᐅᖁᓇᒋᑦ, ᐃᓕᑦᓯᓐᓂᒡᓕ ᑐᓂᓕᕆᑦᓯ ᒎᑎᒧᑦ ᑕᓯᐅᕐᑕᐅᓯᒪᔪᑎᑐᑦ ᑐᖁᒥᑦ ᐃᓅᓯᕐᒧᑦ, ᐊᕙᑎᓯᓗ ᑐᓂᓯᒋᒃ ᒎᑎᒧᑦ ᐊᑐᕐᑕᐅᖁᓪᓗᒋᑦ ᐃᓗᐊᕐᑐᓕᓂᕐᒧᑦ.

ᕉᒪᒥᐅᓄᑦ 6:6

ᖃᐅᔨᒪᒐᑦᑕ ᐃᓅᓯᑐᖃᕗᖅ ᙭ᔅᑑᓯᐅᑉ ᑭᑭᐊᒃᑐᕐᑕᐅᖃᑎᒋᓚᐅᕐᒪᒍ ᓴᓐᓂᖓᔪᓕᖕᒥ ᑎᒥᐅᑉ ᐊᔪᕐᑐᓕᔪᒪᓂᖓ ᓵᓚᐅᖁᓪᓗᒍ, ᕿᓚᒃᓱᕐᑕᐅᓯᒪᔪᓐᓃᖁᓪᓗᑕᓗ ᐊᔪᕐᓂᕐᒧᑦ.

ᕉᒪᒥᐅᓄᑦ 7:23

ᖃᐅᔨᕗᖓᓕ ᑎᒥᓐᓂ ᐱᖁᔧᑦ ᐊᓯᖏᓐᓂᒃ ᐅᓇᑕᕐᑐᓂᒃ ᐃᓱᒪᒪ ᐱᖁᔭᖓᓄᑦ ᑖᒃᑯᐊᓗ ᑎᒍᔭᐅᓯᒪᑎᑉᐹᖓ ᐊᔪᕐᓂᐅᑉ ᐱᖁᔭᖓᓄᑦ ᑎᒥᓐᓃᑦᑐᒧᑦ.

ᕉᒪᒥᐅᓄᑦ 7:5

ᑎᒥᒃᑯᑦ ᐃᓅᑎᓪᓗᑕ, ᐊᔪᕐᓂᕐᒥᒃ ᐱᔪᒪᓂᕗᑦ ᐱᖁᔭᓄᑦ ᐆᒻᒪᕐᑎᑕᐅᕗᑦ, ᑎᒥᕗᑦ ᐱᓇᓱᐊᕐᕕᐅᕗᑦ ᐱᕈᕐᕕᐅᖁᓪᓗᒋᑦ ᑐᖁᒥᒃ.

ᕉᒪᒥᐅᓄᑦ 8:13

ᑎᒥᐅᑉ ᐱᔪᒪᔭᖓ ᒪᓕᒡᓗᒍ ᐃᓄᒎᑦᓯ ᑐᖁᔪᒫᕐᐳᓯ, ᐊᓂᕐᓂᑯᓪᓕ ᑎᒥᐅᑉ ᐱᓂᐊᕐᓂᖏᑦ ᑐᖁᒃᑯᑦᓯᒋᑦ ᐃᓅᔪᒫᕐᐳᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:1

ᐅᖃᐅᓯᐅᓪᓚᕆᒃᓯᒪᖕᒪᑦ ᓄᓕᐊᕐᓂᑰᕐᑐᒥᒃ ᐊᑐᒐᒃᓴᐅᖏᑦᑐᒥᒃ ᐃᓗᐊᖏᑦᔪᑎᖃᕐᓂᕋᕐᑕᐅᑎᓪᓗᓯ, ᐅᒃᐱᖏᑦᑑᒐᓗᐊᓂᑦ ᐱᐅᓯᕆᔭᐅᓲᖑᖏᑦᑐᒥᒃ; ᐃᓕᑦᓯᓐᓂᒎᖅ ᐊᑖᑕᒥ ᓄᓕᐊᖓᓂᒃ ᓄᓕᐊᖃᖃᑕᐅᔪᖃᖃᑦᑕᓕᕐᒪᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:11

ᐃᓚᓯ ᐃᓚᖏᑦ ᑍᒤᑦᑑᓚᐅᕆᕗᑦ. ᐊᔪᕐᓂᕐᒥᓪᓕ ᓴᓗᒻᒪᕐᑕᐅᓯᒪᓕᕐᐳᓯ, ᐃᑦᔪᕐᓁᑎᑕᐅᓪᓗᓯ, ᐸᓯᔭᒃᓴᐅᔪᓐᓃᕐᑎᑕᐅᕗᓯ ᐊᑕᓂᑦᑎᓐᓄᑦ ᔩᓱᓯ ᙭ᔅᑑᓯᒧᑦ ᒎᑎᑦᑕᓗ ᐊᓂᕐᓂᖓᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:13

ᓂᕿ ᐊᕿᐊᕈᕐᒧᑦ ᑐᕌᖓᖕᒪᑦ, ᐊᕿᐊᕈᕐᓗ ᓂᕿᒧᑦ ᑐᕌᖓᒋᓪᓗᓂ, ᒎᑎᐅᓪᓗ ᑕᒪᒃᑯᐊ ᑕᒪᕐᒥᒃ ᐊᑐᕈᓐᓃᕐᑎᑦᓱᒫᕐᐰᑦ. ᑎᒥ ᐊᕐᓇᕐᓂᐊᕐᓂᕐᒧᑦ ᐊᖑᓐᓂᐊᕐᓂᕐᒧᓪᓗ ᑐᕌᖓᖏᒻᒪᑦ, ᐊᑕᓂᕐᒧᓪᓕ ᐱᔨᑦᓯᕐᑐᒃᓴᓕᐊᕆᓯᒪᕗᖅ, ᐊᑕᓂᕐᓗ ᑎᒥᒧᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:18

ᐊᖑᓐᓂᐊᕐᓂᖅ ᐊᕐᓇᕐᓂᐊᕐᓂᕐᓗ ᐅᓗᕆᐊᒋᓯᐅᒃ. ᐊᔪᕐᑐᓕᓃᑦ ᐊᓯᓕᒫᖏᑦ ᑎᒥᐅᑉ ᓯᓚᑖᓂᑦ ᐱᖕᒪᑕ; ᐊᖑᓐᓂᐊᕐᑐᕐᓕ ᐊᕐᓇᕐᓂᐊᕐᑐᕐᓗ ᓇᖕᒥᓂᖅ ᑎᒥᒥᓄᑦ ᐊᔪᕐᑐᓕᕗᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:21

ᓯᕘᕋᕗᖓ ᐃᓕᑦᓯᓐᓄᑦ ᑎᑭᒍᒪ ᒎᑎᒧᑦ ᒥᑭᒡᓕᑎᕐᑕᐅᓂᐊᕋᓱᒋᓪᓗᖓ ᐃᓕᑦᓯ ᓵᖓᓐᓂ, ᕿᒃᓵᒍᑎᖃᕐᓂᐊᕋᓱᒋᓪᓗᖓᓗ ᐅᓄᕐᑐᓄᑦ ᐊᔪᕐᑐᓕᓚᐅᕐᑐᓄᑦ ᖃᕿᐊᓕᓚᐅᖏᑦᑐᓄᑦ ᐱᐅᖏᑦᑐᓕᐊᕆᓚᐅᕐᑕᒥᖕᓂᑦ, ᓄᓕᐊᕐᓂᒃᑯᑦ, ᐱᔪᒪᓂᕐᔪᐊᒃᑯᓪᓗ ᐱᓕᕆᓂᕆᓚᐅᕐᑕᒥᖕᓄᑦ.

ᒐᓔᑎᐊᒥᐅᓄᑦ 5:24

᙭ᔅᑑᓯ ᔩᓱᓯᒧᓪᓕ ᐱᒋᔭᐅᔪᑦ ᑭᑭᐊᒃᑐᕐᑕᐅᑎᑦᓯᓯᒪᕗᑦ ᑎᒥᐅᑉ ᐱᔪᒪᓗᐊᕐᓂᕆᕙᒃᑕᖏᓐᓂᒃ ᐃᒃᖠᒍᓂᖏᓐᓂᒃᓗ.

ᐃᐱᓯᒥᐅᓄᑦ 4:19

ᑲᓐᖑᓱᖕᓂᕐᒥᒃ ᐃᒃᐱᒋᔭᖃᕈᓐᓃᕐᐳᑦ; ᐃᒻᒥᖕᓂᒡᓗ ᑐᓂᕗᑦ ᐊᔪᕐᑐᓕᓂᕐᒧᑦ, ᓇᕐᕈᓇᕐᑐᓂᒡᓗ ᖃᓄᐃᑦᑐᑐᐃᓐᓇᕐᓂᒃ ᐱᓇᓱᐊᕐᐳᑦ ᐱᒃᑲᓐᓂᕈᒪᕙᓪᓕᐊᑐᐃᓐᓇᕐᓗᑎᒡᓗ.

ᑯᓘᓯᐊᒥᐅᓄᑦ 2:11

ᑖᑦᓱᒪᓂᑦᑕᐅᖅ ᑭᐱᔭᐅᓯᒪᕗᓯ ᐃᓄᐃᑦ ᐊᒡᒐᖏᓐᓅᖏᑦᑐᖅ, ᙭ᔅᑑᓯᐅᑉ ᑭᐱᓯᒪᕚᓯ ᑎᒥᐅᑉ ᐱᔪᒪᔭᖓᓂᑦ ᐊᔪᕐᓂᕐᒥᑦ ᕿᓚᕈᑦᔮᕐᑕᐅᓂᑦᓯᓐᓄᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:3

ᑕᒪᑦᔭ ᒎᑎᐅᑉ ᐱᔪᒪᔭᖓ, ᐃᑦᔪᕐᓁᖁᓪᓗᓯ: ᐊᕐᓇᕐᓂᐊᕐᓂᖅ ᐊᖑᓐᓂᐊᕐᓂᕐᓗ ᐊᑐᕐᑍᓕᓗᒍ;

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:5

ᐃᒃᖠᒎᕐᓂᕐᒧᑦ ᐱᔪᒪᓗᐊᕐᓂᖅ ᐊᑐᖏᓪᓗᒍ ᐅᒃᐱᖏᑦᑐᑎᑐᑦ ᒎᑎᒥᒡᓗ ᖃᐅᔨᒪᖏᑦᑐᑎᑐᑦ,

ᑎᒧᑎᒧᑦ ᓯᕗᓪᓖᑦ 6:10

ᑮᓇᐅᔭᖃᕈᒪᓗᐊᕐᓂᖅ ᐱᐅᖏᑦᑐᓄᑦ ᖃᓄᐃᑦᑐᑐᐃᓇᕐᓄᑦ ᐱᒋᐊᕐᕕᐅᖕᒪᑦ; ᑕᒪᓐᓇ ᐱᔪᒪᓗᐊᕐᓂᖅ ᐃᓚᖏᑕ ᐊᑐᓚᐅᕋᒥᑦᔪᒃ ᐅᒃᐱᕐᓂᕐᒥᒃ ᕿᒤᓯᒪᕗᑦ ᕿᒃᓵᖕᓇᕐᑐᓄᓪᓗ ᐅᓄᕐᑐᓄᑦ ᐃᒻᒥᖕᓂᒃ ᑎᑭᑎᓯᒪᓕᕐᓗᑎᒃ.

ᐄᑉᕈᐃᓄᑦ 12:16

ᐊᕐᓇᕐᓂᐊᕐᓂᕐᒧᑦ ᐊᖑᓐᓂᐊᕐᓂᕐᒧᓪᓗ ᐊᔪᓕᕈᑎᖃᕐᑐᖃᕐᑍᓕᓕ ᓈᒻᒪᖏᑦᑐᓂᒃᓘᓪᓃᑦ ᐃᓕᖅᑯᓯᖃᕋᓱᐊᕐᑐᖃᕐᑍᓕᓕ ᐃᑦᔪᕐᓇᕐᑐᒥᒃ ᐄᓴᑐᑦ ᑍᒤᑦᑐᒥᒃ, ᑖᑦᓱᒪ ᐊᑕᐅᓯᐊᕐᓗᓂ ᓂᕆᔭᒃᓴᒥᓄᑦ ᐃᕐᓂᐊᖑᖅᑳᕐᓯᒪᓂᓂ ᑐᓐᓂᖅᑯᑎᒋᓚᐅᕐᒪᒍ.

ᐄᑉᕈᐃᓄᑦ 13:4

ᓄᓕᐊᕇᖕᓂᖅ ᑕᒤᓐᓄᑦ ᐅᐱᒋᔭᐅᑦᓯᐊᕆᐊᖃᕐᐳᖅ, ᓄᓕᐊᕇᓪᓗ ᐃᓐᓇᖓᕕᐊ ᓇᕐᕈᓇᕐᓯᑎᑕᐅᑦᑍᓕᓕ; ᓄᓕᐊᕇᖕᓂᕐᒥᒃ ᐊᑐᕐᓂᕐᓗᒃᑐᑦ ᐊᓯᓐᓂᐊᕐᑐᓪᓗ ᒎᑎᐅᑉ ᓱᒋᐊᕈᒫᕐᒪᒋᑦ.

ᐄᑉᕈᐃᓄᑦ 13:5

ᐃᓅᓯᓯ ᑮᓇᐅᔭᓂᒃ ᐱᔪᒪᓗᐊᕐᓂᕐᒥᑦ ᓴᐳᑎᓯᒪᓯᐅᒃ, ᐱᒋᔭᓯᓗ ᑕᒫᓂ ᓈᒻᒪᒋᓯᒋᒃ; ᐅᖃᕐᓯᒪᖕᒪᑦ, “ᕿᒪᓚᐅᕐᓯᒪᓂᐊᓐᖏᓚᑦᓯ; ᖁᔭᓈᕐᓂᐊᕐᓇᓯᓗ.”

ᔧᒥᓯᐅᑉ ᐊᒡᓚᖏᑦ 4:1

ᐂᕙᓃᑦ ᓱᓇᒧᑦ ᐱᒋᐊᕐᐸᑦ ᓱᓇᒧᓪᓗ ᐊᑭᕋᕐᑑᑎᓂᖅ ᐱᒋᐊᕐᐸ ᐊᑯᓐᓇᑦᓯᓐᓂ?. ᐱᔪᒪᕕᒃᔪᐊᕐᓂᑦᓯᓐᓂᑦ ᐃᒃᖠᒍᖕᓂᑦᒥᓪᓗ ᐱᕗᑦ, ᑕᒪᒃᑯᐊ ᐃᓗᑦᓯᓐᓂ ᐅᓇᑕᕐᑐᑎᑑᕐᒪᑕ.

ᐲᑦᑐᕉᓯ ᓯᕗᓪᓖᑦ 2:11

ᓇᒡᓕᒋᔭᒃᑲ, ᕿᓄᕕᒋᕙᑦᓯ ᑕᒫᓂ ᓯᓚᕐᔪᐊᕐᒥ ᐊᖏᕐᕋᖃᖏᓐᓇᑦᓯ ᓄᓇᒋᓐᖏᑕᑦᓯᓐᓃᓐᓇᑦᓯ ᑎᒥᐅᑉ ᐱᔪᒪᓂᐊᓗᓐᖏᑦ ᐊᑐᕐᑍᓕᓯᐅᒃ ᑕᒪᒃᑯᐊ ᑕᕐᓂᑦᓯᓐᓂᒃ ᓵᓚᖃᕈᒪᖕᒪᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:8

ᓯᕘᕋᓂᕐᒧᓪᓕ ᓯᕗᒧᒍᓐᓃᕐᑐᑦ, ᐅᒃᐱᖏᑦᑐᑦ, ᐃᒃᓯᒎᕐᓂᕐᒧᑦ ᓱᕈᕐᑎᕐᓯᒪᔪᑦ, ᐃᓄᐊᕐᑏᑦ, ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐊᖓᒃᑰᓇᓱᐊᕐᑏᑦ, ᒎᑎᐅᓐᖑᐊᓖᑦ, ᓴᒡᓗᑐᔪᓪᓗ, ᑖᒃᑯᐊ ᐃᓂᖃᕈᒫᕐᐳᑦ ᑕᓯᕐᒥ ᐃᑯᒪᕐᔪᐊᕐᒥ ᐃᒃᑭᕆᒃᑐᕐᔪᐊᕐᒧᑦ ᓲᓪᕕᒧᑦ ᐃᑯᒪᔪᒧᑦ, ᑕᒪᓐᓇ ᑕᕝᕙ ᑐᖂᑉ ᐂᑉᐸᖓ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:15

ᐃᒡᓗᒐᓴᒡᔪᐊᓪᓕ ᓯᓚᑖᓃᑉᐳᑦ ᕿᒻᒦᑦ ᐊᖓᒃᑰᓇᓱᐊᕐᑐᓪᓗ ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐃᓄᐊᕐᑏᓪᓗ, ᒎᑎᓐᖑᐊᓖᓪᓗ, ᓴᒡᓗᑐᔪᓪᓗ ᐅᖃᐅᓯᕐᒥᒃᑎᒍᑦ ᐱᓂᐊᕐᓂᕐᒥᒃᑎᒍᓪᓗ.