ᑯᓘᓯᐊᒥᐅᓄᑦ 3:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᙭ᔅᑑᓯᓕ ᐃᓅᑦᔪᑎᒋᔭᓯ ᓴᖅᑭᑉᐸᑦ, ᐃᓕᑦᓯᑦᑕᐅᖅ ᓴᖅᑭᖃᑎᒋᔪᒫᕐᐸᓯ ᐱᓐᓇᕐᓇᕐᑐᕐᔪᐊᕐᒥᒃ ᐱᖃᖃᑎᒋᓗᒍ.

ᑯᓘᓯᐊᒥᐅᓄᑦ 3:4 Iomraidhean Croise

ᐃᓐᖏᕈᑎᑦ 17:15

ᐅᕙᖓᓕ ᑮᓁᑦ ᑕᑯᓐᓇᕈᒫᕐᐸᕋ ᐃᓱᐊᕐᓂᕐᒥ, ᑐᐸᒍᒪᓗ ᓈᒻᒪᒃᓯᑦᓯᐊᕈᒫᕐᐳᖓ, ᑕᑯᓐᓇᕐᓗᖓ ᐊᑦᔨᖕᓂᒃ.

ᐃᓐᖏᕈᑎᑦ 73:24

ᑕᓯᐅᕋᕕᖓ ᐅᖃᐅᑦᔪᐃᖃᑦᑕᕐᓂᒃᑯᑦ, ᐱᓐᓇᕐᓇᕐᑐᕐᔪᐊᒧᓪᓗ ᐃᓚᓕᐅᕈᒫᕋᕕᖓ.

ᒫᑎᐅᓯᐅᑉ ᐊᒡᓚᖏᑦ 13:43

ᐃᓗᐊᕐᑐᓕᔪᓪᓕ ᖃᐅᒪᓂᖃᕈᒫᕐᐳᑦ ᓯᕿᓂᕐᑐᑦ ᐊᑖᑕᖓᑦᑕ ᐊᑕᓂᐅᕕᖓᓂ. ᑐᓵᔪᓂᒃ ᓯᐅᑎᓕᒃ ᑐᓴᕐᓕ!”

ᓘᑲᓯᐅᑉ ᐊᒡᓚᖏᑦ 17:30

ᑍᒤᑦᓱᒫᕆᕗᕐᑕᐅᖅ ᐅᓪᓗᒥ ᐃᓅᑉ ᐃᕐᓂᖓᑕ ᓴᖅᑭᕝᕕᐊᓂ.

ᔪᐊᓇᓯᐅᑉ ᐊᒡᓚᖏᑦ 11:25

ᔩᓱᓯᐅᑉ ᐅᖃᐅᑎᕚ, “ᐅᕙᖓ ᒪᑭᑦᔪᑎᒃᓴᐅᓪᓗᖓᓗ ᐃᓅᑦᔪᑎᒃᓴᐅᕗᖓ; ᓇᓪᓕᐊᑦ ᐅᕙᓐᓄᑦ ᐅᒃᐱᕐᑐᖅ, ᑐᖁᒐᓗᐊᕈᓂ, ᓱᓕ ᐃᓅᔪᒫᕐᐳᖅ,

ᔪᐊᓇᓯᐅᑉ ᐊᒡᓚᖏᑦ 14:3

ᐂᓂᐊᕈᒪᓕ ᐃᓂᒃᓴᓕᐅᕆᐊᕐᑐᕐᓗᓯ, ᐅᑎᕈᒫᕆᕗᖓ ᐂᓗᓯ ᐅᕙᓐᓃᖁᓪᓗᓯ, ᓇᔪᒐᓐᓂ.

ᔪᐊᓇᓯᐅᑉ ᐊᒡᓚᖏᑦ 14:6

ᔩᓱᓯᐅᑉ ᐅᖃᐅᑎᕚ, “ᐊᖅᑯᑕᐅᕗᖓ, ᓱᓕᔫᓪᓗᖓ, ᐃᓅᓯᐅᕗᖓ; ᑭᓇᒥᒡᓘᓐᓃᑦ ᐊᑖᑕᒧᐊᕐᑐᖃᕈᓐᓇᓐᖏᓚᖅ, ᐅᕙᒃᑰᕐᓗᓂ ᑭᓯᐊᓂ.

ᔪᐊᓇᓯᐅᑉ ᐊᒡᓚᖏᑦ 17:24

“ᐊᑖᑖᒃ, ᐱᔪᒪᕗᖓ ᑖᒃᑯᐊ ᐅᕙᓐᓄᑦ ᑐᓂᓚᐅᕐᑕᑎᑦ, ᐅᕙᓐᓃᖁᓪᓗᒋᑦ ᓇᔪᕐᑕᓐᓂ, ᓂᕐᑐᕐᓇᕐᓂᕐᒥᒡᓗ ᐅᕙᓐᓄᑦ ᑐᓂᓚᐅᕐᑕᕐᓂᒃ ᑕᑯᖁᓪᓗᒋᑦ; ᐅᕙᓐᓂᒃ ᓇᒡᓕᒍᓱᖕᓂᕐᓄᑦ ᓯᓚᕐᔪᐊᖅ ᐱᓐᖑᕐᑎᑕᐅᓚᐅᖅᑳᕐᑎᓐᓇᒍ.

ᔪᐊᓇᓯᐅᑉ ᐊᒡᓚᖏᑦ 20:31

ᑖᒃᑯᐊ ᑎᑎᕋᕐᓯᒪᕗᑦ ᐅᒃᐱᓕᖁᓪᓗᓯ ᔩᓱᓯ ᙭ᔅᑑᓯᐅᖕᒪᑦ, ᒎᑎᐅᑉ ᐃᕐᓂᖓ. ᐅᒃᐱᕐᓂᑦᓯᒍᑦ ᐃᓅᓯᖃᖁᓪᓗᓯ ᑖᑦᓱᒨᓇ.

ᐋᐴᓯᑕᓖᑦ ᐱᓂᐊᕐᓂᖏᑦ 3:15

ᑐᖁᑕᐅᑎᑦᓯᓚᐅᕐᐳᓯ ᐃᓅᓯᕐᑖᕐᑎᑦᓯᔨᒥᒃ, ᑖᓐᓇ ᒎᑎᐅᑉ ᒪᑭᑎᓚᐅᕐᐹ ᑐᖁᒥᑦ. ᑕᒪᑐᒥᖓ ᖃᐅᔨᓯᒪᓪᓗᑕ ᓇᓗᓁᕐᓯᔨᐅᕗᒍᑦ.

ᕉᒪᒥᐅᓄᑦ 8:18

ᐃᓱᒪᒋᒐᒃᑯ ᐅᖁᒤᑦᑐᒦᓐᓃᑦ ᒫᓐᓇ ᐊᑐᕐᑕᐅᔪᑦ ᐊᑦᔨᐅᑎᑕᒃᓴᐅᖏᒻᒪᑕ ᐱᓐᓇᕐᓇᕐᑐᕐᔪᐊᒧᑦ ᓴᖅᑭᑎᑕᐅᔪᒫᕐᑐᒧᑦ ᐅᕙᑦᑎᓐᓄᑦ.

ᕉᒪᒥᐅᓄᑦ 8:19

ᐱᓐᖑᕐᑎᑕᐅᓯᒪᔪᓪᓕ ᐅᑕᖅᑭᕗᑦ ᕿᓚᓈᕐᓗᑎᒃ ᒎᑎᐅᑉ ᕿᑐᕐᖓᖏᑕ ᓇᓗᓁᕐᑕᐅᓂᒃᓴᖏᓐᓂᒃ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:7

ᑍᒤᒻᒪᑦ ᐅᒃᐱᕐᓂᒃᑯᑦ ᑐᓂᕐᕈᓯᐊᖃᕐᓂᕐᒥᒃ ᖃᓄᓕᒫᖅ ᐊᔪᕐᓴᓐᖏᓚᓯ, ᕿᓚᓈᕐᓗᓯᓗ ᐅᑕᖅᑭᓪᓗᓯ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᓴᖅᑭᑦᓱᒫᕐᓂᖓᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:43

ᑕᑯᒥᓇᖏᑦᑐᖅ ᐃᓕᔭᐅᓕᕐᐳᖅ, ᑕᑯᒥᓇᕐᑐᕐᔪᐊᖑᓕᕐᓗᓂᓗ ᒪᑭᑦᓱᒫᕐᐳᖅ. ᓴᓐᖐᑦᑐᓪᓗᓂ ᐃᓕᔭᐅᓕᕐᐳᖅ, ᐱᔪᓐᓇᕐᓂᖃᓕᕐᓗᓂᓗ ᒪᑭᑦᓱᒫᕐᐳᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:17

ᒪᑯᐊ ᐊᑯᓂᐅᖏᑦᑐᖅ ᐅᖁᒻᒤᒃᓴᕐᑎᑕᐅᓂᕆᕙᒃᑕᕗᑦ ᐅᕙᑦᑎᓐᓂᒃ ᐅᐸᓗᖕᒊᔧᖕᒪᑕ ᐱᓐᓇᕐᓇᕐᑐᕐᔪᐊᒧᑦ ᐃᓱᖃᖏᑦᑐᒧᑦ; ᐊᑦᔨᒋᔭᐅᑎᑕᒃᓴᐅᖏᑦᑐᒧᓪᓘᓐᓃᑦ,

ᒐᓔᑎᐊᒥᐅᓄᑦ 2:20

ᐅᕙᖓ ᐃᓅᔪᓐᓃᕐᐳᖓ, ᙭ᔅᑑᓯᓕ ᐅᕙᓐᓂ ᐃᓅᓕᕐᐳᖅ. ᒫᓐᓇ ᑎᒥᓐᓂ ᐃᓅᓯᕋ, ᐅᒃᐱᕐᓂᒃᑯᑦ ᐃᓅᓕᕐᐳᖓ ᒎᑎᐅᑉ ᐃᕐᓂᖓᓄᑦ, ᑖᑦᓱᒪ ᓇᒡᓕᒋᒐᒥᖓ ᐃᓅᓯᓂ ᑐᓂᓚᐅᕐᐹ ᐱᑦᔪᑎᒋᓪᓗᖓ.

ᐱᓕᐱᒥᐅᓄᑦ 3:21

ᑖᑦᓱᒪ ᑎᒥᕗᑦ ᓴᓐᖐᑦᑐᖅ ᐊᓯᑦᔨᕈᒫᕐᐹ ᑎᒥᒥᓄᑦ ᐱᕕᐊᕐᓇᕐᑐᕐᔪᐊᒧᑦ ᐊᑦᔨᐅᓕᕐᑎᓪᓗᒍ, ᐱᔪᓐᓇᕐᓂᕐᒥᒡᓗ ᑖᑦᓱᒥᖓ ᐊᑐᕐᓗᓂ ᑕᒪᕐᒥᒃ ᐊᑕᓂᐅᕕᒋᓕᕈᒫᕐᐰᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:17

ᑕᕝᕙ ᑭᖑᕐᖓᒍᑦ ᐅᕙᒍᑦ ᐃᓅᔪᒍᑦ, ᑕᒪᓐᓇ ᓇᓪᓕᐅᑎᒃᐸᑦ, ᑍᒃᑯᐊ ᐃᓚᒋᓕᕐᓗᒋᑦ ᖁᒻᒧᐊᖃᑎᒋᔪᒫᕐᐸᕗᑦ ᓄᕗᔭᑎᒍᑦ ᐸᕐᕆᐊᓕᕐᓗᑕ ᐊᑕᓂᕐᒥᒃ ᑲᑎᓯᔭᕐᑐᓕᕐᓗᑕ ᓯᓚᒃᑯᑦ ᖁᒻᒧᐊᒡᓗᑕ; ᑕᕝᕙᓗ ᐊᑕᓂᖅ ᓇᔪᑦᓮᓐᓇᓕᕈᒫᕐᐸᕗᑦ.

ᑎᒧᑎᒧᑦ ᓯᕗᓪᓖᑦ 6:14

ᒪᓕᒃᑕᐅᖁᔭᐅᔪᑦ ᐃᓕᖕᓄᑦ ᒪᓕᑦᓯᐊᒃᑭᑦ ᐸᓯᔭᒃᓴᐅᑦᑍᓕᓗᑎᑦ ᓱᕐᕋᔪᐃᓪᓗᑎᑦ ᐅᓪᓗᖅ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᓴᖅᑭᕝᕕᒋᔪᒫᕐᑕᖓ ᑎᑭᓪᓗᒍ.

ᑎᒧᑎᒧᑦ ᐂᑉᐸᖏᑦ 1:1

ᐸᐅᓗᓯᒥᑦ, ᙭ᔅᑑᓯ ᔩᓱᓯᒧᑦ ᐋᐴᓯᑕᓕᒋᔭᐅᔪᒥᑦ ᒎᑎᐅᑉ ᐱᔪᒪᔭᖓ ᒪᓕᒡᓗᒍ ᑎᓕᔭᐅᓯᒪᔪᒥᑦ ᐅᖃᐅᓯᖃᖁᓪᓗᒍ ᐃᓅᓯᖃᕐᓇᕐᑐᒥᒃ ᙭ᔅᑑᓯ ᔩᓱᓯᒦᑦᑐᒥᒃ.

ᑎᒧᑎᒧᑦ ᐂᑉᐸᖏᑦ 4:8

ᓵᓚᒃᓴᐅᓯᐊᒃᓴᖅ ᐅᕙᓐᓂᒃ ᐅᑕᖅᑭᓕᕐᐳᖅ ᓂᐊᖂᑎᒃᓴᖅ ᐃᓗᐊᕐᑐᓕᔪᓄᑦ, ᐊᑕᓂᐅᑉ ᐃᓗᐊᕐᑐᒥᒃ ᐃᖅᑲᕐᑐᐃᔫᑉ ᑐᓂᔪᒫᕐᑕᖓ ᐅᕙᓐᓄᑦ ᐅᓪᓗᖅ ᓇᓪᓕᐅᑎᒃᐸᑦ, ᐅᕙᓐᓄᑐᐊᖑᖏᑦᑐᕐᓕ ᑍᒃᑯᓄᖓᓕᑦᑕᐅᖅ ᐊᑕᓂᐅᑉ ᓴᖅᑭᓐᓂᒃᓴᖓᓂᒃ ᖁᕕᐊᓱᒡᓗᑎᒃ ᐅᑕᖅᑭᔪᓄᑦ.

ᑍᑑᓯᒧᑦ 2:13

ᓂᕆᐅᒋᔭᒃᓴᕗᑦ ᐅᓪᓗᖅ ᐱᕕᐊᕐᓇᕐᑐᕐᔪᐊᖅ ᐅᑕᖅᑭᓗᒍ, ᒎᑎᐅᑉ ᐊᖏᓂᕐᐹᖑᔫᑉ ᐱᐅᓕᔨᑦᑕᓗ ᔩᓱᓯ ᙭ᔅᑑᓯᐅᑉ ᓂᕐᑐᕐᓇᕐᓂᕐᔪᐊᖓ ᓴᖅᑭᑦᓯᐊᕆᓗᒍ.

ᐄᑉᕈᐃᓄᑦ 9:28

ᑍᒫᒃᑕᐅᖅ ᙭ᔅᑑᓯ, ᐊᑕᐅᓯᐊᕐᓗᓂ ᑐᓂᕐᕈᑎᒋᔭᐅᓚᐅᕐᐳᖅ ᐊᒥᓱᑦ ᐊᔪᕐᓂᖏᑦ ᐲᔭᕐᑕᐅᖁᓪᓗᒋᑦ, ᑭᖑᓪᓕᕐᒥᒡᓕ ᓴᖅᑭᑦᓱᒫᕆᕗᖅ, ᐊᔪᕐᓂᕐᒥᒃ ᐱᑦᔪᑎᖃᕈᓐᓁᕐᓗᓂ ᐱᐅᓕᓯᔭᕐᑐᓕᕐᓗᓂᓕ ᐅᑕᖅᑭᔪᓂᒃ ᑖᑦᓱᒥᖓ.

ᐲᑦᑐᕉᓯ ᓯᕗᓪᓖᑦ 1:13

ᑍᒤᒻᒪᑦ ᐃᓱᒪᑦᓯᒍᑦ ᐅᐸᓗᖕᒊᕐᓯᒪᓕᕆᑦᓯ; ᓇᖕᒥᓂᑦᓯᓐᓂᒃ ᑲᒪᑦᓯᐊᕐᓗᓯ ᐃᓅᓯᑦᓯᓐᓂᒃ; ᓂᕆᐅᖕᓂᓯ ᓱᖁᓯᕐᑍᓕᓗᒍ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐃᓕᑦᓯᓐᓄᑦ ᑎᑭᓐᓂᐊᕐᒪᑦ ᔩᓱᓯ ᙭ᔅᑑᓯᐅᑉ ᓴᖅᑭᕝᕕᒃᓴᖓᓂ.

ᐲᑦᑐᕉᓯ ᓯᕗᓪᓖᑦ 5:4

ᐰᕐᓯᔩᑦ ᐊᖓᔪᖅᑳᖓᑦ ᓴᖅᑭᑉᐸᑦ ᑕᕝᕙ ᓂᕐᑐᕐᓇᕐᑐᒥᒃ ᓂᐊᖂᓯᕐᑕᐅᔪᒫᕐᐳᓯ ᐱᓐᓇᕐᓇᕐᑐᒥᒃ ᐊᓯᐅᓂᐊᖏᑦᑐᒥᒃ.

ᔪᐊᓇᓯ ᓯᕗᓪᓖᑦ 2:28

ᒫᓐᓇᓗ ᕿᑐᕐᖓᒃᑲ, ᑖᑦᓱᒪᓃᑦᓮᓐᓇᕆᑦᓯ, ᑖᓐᓇ ᓴᖅᑭᑉᐸᑦ ᓯᕘᕋᑦᔪᑎᒃᓴᖃᖁᓇᑕ ᑲᓐᖑᓲᑎᒃᓴᖃᖁᓇᑕᓗ ᑖᑦᓱᒪ ᑎᑭᕝᕕᐊᓂ.

ᔪᐊᓇᓯ ᓯᕗᓪᓖᑦ 3:2

ᓇᒡᓕᒋᔭᒃᑲ, ᒫᓐᓇ ᒎᑎᐅᑉ ᕿᑐᕐᖓᕆᖕᒫᑎᒍᑦ, ᓱᓕᓕ ᖃᐅᔨᒪᖏᒃᑲᓗᐊᕐᐳᒍᑦ ᖃᓄᐃᑦᑐᓐᖑᓛᕐᒪᖔᑦᑕ ᑖᓐᓇ ᓴᖅᑭᑉᐸᑦ. ᖃᐅᔨᒪᕗᒍᓪᓕ ᑖᓐᓇ ᓴᖅᑭᑉᐸᑦ, ᐊᑦᔨᒋᔪᒫᕋᑦᑎᒍ, ᑕᑯᔪᒫᕋᑦᑎᒍ ᖃᓄᐃᑦᑑᓂᖓ.

ᔪᐊᓇᓯ ᓯᕗᓪᓖᑦ 5:12

ᓇᓪᓕᐊᑦ ᒎᑎᐅᑉ ᐃᕐᓂᖓᓂᒃ ᐱᖃᕐᑐᖅ ᐃᓅᓯᕐᒥᒃ ᐱᖃᕐᐳᖅ; ᒎᑎᐅᓪᓕ ᐃᕐᓂᖓᓂᒃ ᐱᖃᖏᑦᑐᖅ ᐃᓅᓯᕐᒥᒃ ᐱᖃᓐᖏᓚᖅ.

ᔫᑎᐅᑉ ᐊᒡᓚᖏᑦ 1:24

ᑖᓐᓇᓕ ᐃᓕᑦᓯᓐᓂᒃ ᓴᐳᑦᔨᔪᓐᓇᕐᑐᖅ ᑲᑕᖁᓇᓯ ᐸᓯᔭᒃᓴᐅᖁᓇᓯᓗ ᓵᒥᓄᑦ ᐱᓐᓇᕐᓇᕐᑐᕐᔪᐊᒧᑦ ᐂᑎᑦᓯᔪᓐᓇᕐᑐᖅ ᖁᕕᐊᓱᒃᑐᐊᓘᑎᓪᓗᓯ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:7

“‘ᓯᐅᑎᖃᕐᑑᑉ, ᑐᓴᕐᓕᒋᑦ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᓯᖏᑦ ᐅᒃᐱᕐᑑᖃᑎᒌᓄᑦ. “‘ᓵᓚᖃᕐᑐᑦ ᓂᕆᔪᓐᓇᕐᑎᓐᓂᐊᕐᐸᒃᑲ ᓇᐹᕐᑐᒥᑦ ᐃᓅᓯᖃᕐᓇᕐᑐᒥᒃ ᐱᕈᕐᑐᓕᖕᒥᑦ, ᒎᑎᐅᑉ ᐸᕋᑍᓯᖓᓂ.’”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:1

ᑕᕝᕙ ᐂᖏᓕᐅᑉ ᑕᑯᑎᒃᑭᕚᖓ ᑰᖕᒥᒃ ᐃᓅᓯᖃᕐᓇᕐᑐᒥᒃ ᐃᒪᓕᖕᒥᒃ, ᐊᓕᒍᕐᑐᑦ ᑍᒤᑦᑐᒥᒃ ᑲᑭᐊᒃᑐᒥᒃ ᐃᒪᓕᖕᒥᒃ, ᒎᑎᐅᑉ ᓄᕐᕋᐅᔭᐅᓪᓗ ᐃᒃᓯᕙᐅᑕᕐᔪᐊᖓᓐᓂᑦ ᑰᒃᑐᒥᒃ

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:14

ᓮᒪᓇᕐᑐᒦᐳᑦ ᐊᓐᓄᕌᒥᖕᓂᒃ ᓴᓗᒻᒪᕐᓮᓯᒪᔪᑦ, ᓂᕆᔪᓐᓇᕐᑎᑕᐅᕐᒪᑕ ᓇᐹᕐᑐᒥᑦ ᐆᒪᓐᓇᕐᑐᒥᑦ ᐃᒡᓗᒐᓴᒡᔪᐊᓪᓗ ᐃᑎᕐᑕᕐᕕᖏᑎᒍᑦ ᐃᑎᕈᓐᓇᕐᑎᑕᐅᓂᐊᕐᒪᑕ.