3 ᑐᖁᓯᒪᒐᑦᓯ, ᐃᓅᓯᓯᓗ ᙭ᔅᑑᓯ ᐃᓚᒋᓗᒍ ᐃᔨᕐᓯᒪᕗᑦ ᒎᑎᒥ.
ᑍᑦᓱᒪᓂᐅᑎᓪᓗᒍ ᔩᓱᓯ ᐅᖃᕐᐳᖅ, “ᐊᑖᑖᒃ, ᖁᔭᒋᕙᒋᑦ, ᐊᑕᓂᐅᔪᑎᑦ ᕿᓚᖕᒥ ᓄᓇᕐᔪᐊᕐᒥᓗ! ᑕᒪᒃᑯᐊ ᐃᔨᕐᓯᒪᒐᕕᒋᑦ ᓯᓚᑐᔪᓄᑦ ᐃᓕᓯᒪᔪᓄᓪᓗ, ᑕᒪᑐᒥᖓᓕ ᓴᖅᑭᑎᑦᓯᓚᐅᕋᕕᑦ ᓄᑕᖅᑲᑎᑐᑦ ᑍᒤᑦᑐᓄᑦ;
ᐊᑯᓂᐅᖏᑦᑐᖅ ᓯᓚᕐᔪᐊᕐᒥᐅᑦ ᑕᑯᖃᑦᑕᕐᓂᐊᕈᓐᓃᕐᐹᖓ, ᐃᓕᑦᓯᓕ ᑕᑯᓛᕆᕙᑦᓯᓐᖓ; ᐃᓅᒐᒪ, ᐃᓕᑦᓯᑦᑕᐅᖅ ᐃᓅᓂᐊᕆᕗᓯ.
ᒎᑎᐅᑉ ᓯᓚᕐᔪᐊᕐᒥᐅᑦ ᓇᒡᓕᒋᓪᓚᕆᒃᑲᒥᒋᑦ ᐃᕐᓂᑐᐊᓂ ᑐᓂᓚᐅᕐᐹ, ᑕᒪᕐᒥᒃ ᑖᑦᓱᒧᖓ ᐅᒃᐱᕐᑐᑦ ᐊᓯᐅᖁᓇᒋᑦ ᓄᖑᓱᐃᑦᑐᒥᒡᓕ ᐃᓅᓯᖃᖁᓪᓗᒋᑦ.
ᓇᓪᓕᐊᓪᓕ ᐃᒥᕐᒥᒃ ᑐᓂᔭᓐᓂᒃ ᐃᒥᕐᓂᐊᕐᑐᖅ ᐃᒥᕈᓕᒃᑲᓐᓂᕐᓂᐊᓐᖏᓚᖅ; ᐃᒥᖅ ᑐᓂᓂᐊᕐᑕᕋ ᑖᑦᓱᒧᖓ ᐃᓗᐊᓂᑦ ᑰᓕᕐᓂᐊᕐᐳᖅ ᐃᓅᓯᖃᕐᓇᕐᑐᒥᒃ ᓄᖑᓱᐃᑦᑐᒥᒃ.”
ᓲᕐᓗᑦᑕᐅᖅ ᐊᑖᑕᐅᑉ ᑐᖁᖓᔪᑦ ᒪᑭᑎᒻᒪᒋᑦ ᐆᒻᒪᕐᑎᓪᓗᒋᓪᓗ, ᑍᒫᒃᑕᐅᖅ ᐃᕐᓂᖅ ᐆᒻᒪᕐᑎᑦᓯᕗᖅ ᐆᒻᒪᕐᑎᑦᓱᒪᔭᒥᓂᒃ.
“ᓱᓕᔪᒥᒃ ᐅᖃᐅᑎᕙᑦᓯ, ᐅᖃᐅᓯᓐᓂᒃ ᑐᓴᕐᑐᖅ ᐅᒃᐱᕆᓗᒍᓗ ᑎᓕᔨᒐ, ᑖᓐᓇ ᐃᓅᓯᖃᕐᐳᖅ ᓄᖑᓱᐃᑦᑐᒥᒃ; ᐃᖅᑲᕐᑐᕐᑕᐅᑦᔮᓇᓂᓗ, ᑐᖁᒥᓪᓕ ᓄᒃᑎᕐᓯᒪᓕᕐᐳᖅ ᐃᓅᓯᕐᒧᑦ.
ᐅᕙᓐᓄᓪᓕ ᕾᔪᒪᓐᖏᓚᓯ ᐃᓅᓯᕐᑖᕐᕕᒋᔪᓐᓇᕐᑕᑦᓯᓐᓄᑦ.
ᒎᑎᒥᒃ ᐊᑭᕋᕐᑐᕐᑎᐅᓚᐅᕐᑐᒍᑦ ᒫᓐᓇ ᒎᑎᒥᒃ ᐃᓚᓐᓈᖃᕐᓂᕐᒧᑦ ᐅᑎᕐᑎᑕᐅᓯᒪᓕᕐᐳᒍᑦ ᐃᕐᓂᖓᑕ ᑐᖁᖓᒍᑦ, ᐊᖏᓂᕐᓴᒥᒡᓕ ᒫᓐᓇ ᐃᓚᓐᓈᖃᕐᓂᕐᒧᑦ ᐅᑎᕐᑎᑕᐅᓯᒪᔪᒍᑦ ᐱᐅᓕᔭᐅᔪᒫᓕᕐᐳᒍᑦ ᑖᑦᓱᒪ ᐃᓅᓯᖓᒍᑦ.
ᑕᕝᕙ ᐊᔪᕐᓂᐅᑉ ᐊᐅᓚᑦᓯᓂᖓ ᑐᖁᓐᓇᕐᑐᒥᒃ ᓴᖅᑭᑎᑦᓯᓚᐅᕐᒪᑦ, ᑍᒫᒃᑕᐅᖅ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐊᐅᓚᑦᓯᔨᐅᓕᕆᕗᖅ ᐃᓗᐊᕐᑐᓕᔪᓐᖑᕐᑎᑕᐅᓂᕐᒧᑦ, ᐃᓅᓯᖃᕐᓇᕐᑐᑎᒥᒃ ᐃᓱᖃᖏᑦᑐᒧᑦ ᔩᓱᓯ ᙭ᔅᑑᓯᒃᑯᑦ ᐊᑕᓂᑦᑎᒍᑦ.
ᑍᒫᒃᑕᐅᖅ ᐃᓕᑦᓯᓐᓂᒃ ᐃᓱᒪᒋᔪᒃᓴᐅᕗᓯ ᐊᔪᕐᓂᕐᒧᑦ ᑐᖁᓯᒪᓂᑦᓯᓐᓂᒃ ᐃᓅᓗᓯᓗ ᒎᑎᒧᑦ ᙭ᔅᑑᓯ ᔩᓱᓯᒥ.
ᑍᒤᑦᑐᓐᓇᖏᑦᑐᖅ! ᐅᕙᒍᑦ ᐊᔪᕐᓂᕐᒧᑦ ᑐᖁᓯᒪᔪᒍᑦ, ᓱᓕ ᐃᓅᔪᒃᓴᐅᒋᕕᑖ ᐊᔪᕐᓂᕐᒥ?
᙭ᔅᑑᓯ ᔩᓱᓯᒃᑯᑦ ᐊᓂᕐᓂᐅᑉ ᐃᓅᓯᖃᕐᑎᑦᓯᔫᑉ ᐱᖁᔭᖏᑎᒍᑦ ᕿᓚᕈᑦᔮᕐᑕᐅᒐᒪ ᐊᔪᕐᓂᐅᑉ ᑐᖂᓪᓗ ᐱᖁᔭᖏᓐᓂᑦ.
ᐃᒫᒃ ᑎᑎᕋᕐᓯᒪᖕᒪᑦ, “ᐋᑕᒥ ᓯᕗᓪᓕᖅ ᐆᒻᒪᕐᑎᑕᐅᓚᐅᕐᐳᖅ ᑎᒥᖃᕐᓗᓂ”; ᐋᑕᒥᓕ ᑭᖑᓪᓕᖅ ᐊᓂᕐᓂᒃᑯᑦ ᐃᓅᓯᕐᑖᕐᑎᑦᓯᕗᖅ.
ᓇᓪᓕᐊᑦ ᒎᑎᐅᑉ ᐊᓂᕐᓂᖓᓂᒃ ᐱᖃᖏᑦᑐᖅ ᒎᑎᐅᑉ ᐊᓂᕐᓂᖓᑕ ᑐᓂᕐᕈᑎᖏᓐᓂᒃ ᐱᔪᓐᓇᓐᖏᓚᖅ, ᑍᒤᑦᑐᓄᑦ ᑕᒪᒃᑯᐊ ᑐᑭᖃᓐᖏᓚᑦ, ᑐᑭᓯᔪᓐᓇᕐᓇᒋᓪᓗ ᐊᓂᕐᓂᒃᑯᑦ ᑭᓯᐊᓂ ᑐᑭᓯᓇᕐᓯᑎᑕᐅᔪᓐᓇᕐᒪᑕ.
᙭ᔅᑑᓯᐅᑉ ᓇᒡᓕᖕᓂᖓᑕ ᐊᐅᓚᒻᒪᑎᒍᑦ, ᐅᒃᐱᕈᓱᒃᑲᑦᑕ ᐃᒫᒃ ᐊᑕᐅᓯᖅ ᑐᖁᓚᐅᕐᒪ ᐃᓄᓕᒫᑦ ᐱᓪᓗᒋᑦ; ᑍᒤᒻᒪᑦ ᐃᓄᓕᒫᑦ ᑖᑦᓱᒧᖓ ᑐᖁᖃᑕᐅᕗᑦ.
ᐅᒃᐱᕐᓂᑯᑦ ᐃᓅᕗᒍᑦ, ᑕᐅᑐᒃᑕᕗᑦ ᐅᒃᐱᕈᑎᒋᓇᒋᑦ.
ᐅᕙᖓ ᐃᓅᔪᓐᓃᕐᐳᖓ, ᙭ᔅᑑᓯᓕ ᐅᕙᓐᓂ ᐃᓅᓕᕐᐳᖅ. ᒫᓐᓇ ᑎᒥᓐᓂ ᐃᓅᓯᕋ, ᐅᒃᐱᕐᓂᒃᑯᑦ ᐃᓅᓕᕐᐳᖓ ᒎᑎᐅᑉ ᐃᕐᓂᖓᓄᑦ, ᑖᑦᓱᒪ ᓇᒡᓕᒋᒐᒥᖓ ᐃᓅᓯᓂ ᑐᓂᓚᐅᕐᐹ ᐱᑦᔪᑎᒋᓪᓗᖓ.
ᐃᓄᓕᒫᑦ ᑐᑭᓯᑎᓐᓇᓱᐊᕐᓗᒋᑦ ᓇᓗᓇᓚᐅᕐᑑᑉ ᖃᐅᔨᔭᐅᓕᕈᓐᓇᕐᓂᖓᓂᒃ, ᑕᒪᓐᓇ ᑍᑦᓱᒪᓂᐊᓗᖕᓂᑦ ᒎᑎᐅᑉ ᐃᔨᕐᓯᒪᓚᐅᕐᐹ, ᑕᒤᓐᓂᒃ ᐱᓐᖑᕐᑎᑦᓯᓚᐅᕐᑑᑉ.
ᒎᑎᐅᑉ ᓮᒻᒪᕐᑎᑦᓯᓂᖓᑕ, ᑐᑭᓯᔭᐅᔪᓐᓇᕐᑐᓂᑦ ᐊᖏᓂᕐᓴᐅᔫᑉ, ᐆᒻᒪᑎᓯ ᐃᓱᒪᓯᓗ ᓴᐳᑎᓯᒪᓂᐊᕐᐰᑦ ᙭ᔅᑑᓯ ᔩᓱᓯᒥ.
ᓂᕆᐅᒋᔭᒃᓴᖅ ᐱᑦᔪᑎᒋᓪᓗᒍ ᐃᓕᑦᓯᓐᓄᑦ ᖁᒥᐅᑕᐅᓯᒪᔪᒧᑦ ᕿᓚᖕᒥ. ᑕᒪᓐᓇ ᓯᕗᓂᖓᒍᑦ ᑐᓴᓚᐅᕐᑕᓯ ᐅᖃᐅᓯᒃᑯᑦ ᓱᓕᔪᒃᑯᑦ, ᐅᖃᐅᓯᕐᑎᒍᑦ ᑐᓴᕈᒥᓇᕐᑐᑎᒍᑦ.
᙭ᔅᑑᓯ ᑐᖁᖃᑎᒋᓯᒪᒐᑦᓯᐅᒃ ᓯᓚᕐᔪᐊᓪᓗ ᐱᔪᓐᓇᕐᓂᖏᓐᓂᑦ ᕿᓚᕈᑦᔮᕐᑕᐅᓯᒪᓕᕐᓗᓯ, ᓱᖕᒪᓪᓕ ᓱᓕ ᓯᓚᕐᔪᐊᕐᒥᐅᑎᑐᑦ ᐃᓅᓯᖃᕋᓱᐊᕐᐱᓰ ᓱᖕᒪᓪᓗ ᒪᓕᓕᕐᐱᓰ ᒪᑯᓂᖓ ᐱᖁᔭᓂᒃ ᐃᒤᓕᔪᓂᒃ,
ᑖᓐᓇᑐᐊᖅ ᒪᑐᐃᕐᓯᔪᓐᓇᕐᒪᑦ ᑕᒤᓐᓂᒃ ᐃᔨᕐᓯᒪᔪᓂᒃ ᓯᓚᑐᓂᕐᒥᒃ ᖃᐅᔨᒪᓂᕐᒥᒡᓗ.
᙭ᔅᑑᓯᓕ ᐃᓅᑦᔪᑎᒋᔭᓯ ᓴᖅᑭᑉᐸᑦ, ᐃᓕᑦᓯᑦᑕᐅᖅ ᓴᖅᑭᖃᑎᒋᔪᒫᕐᐸᓯ ᐱᓐᓇᕐᓇᕐᑐᕐᔪᐊᕐᒥᒃ ᐱᖃᖃᑎᒋᓗᒍ.
ᑍᒤᒻᒪᑦ ᑖᑦᓱᒨᓇ ᒎᑎᒧᐊᕐᑐᑦ ᑕᒪᕐᒥᒃ ᐱᐅᓕᔪᓐᓇᑦᓯᐊᕐᐰᑦ, ᐃᓅᑦᓮᓐᓇᕋᒥ ᐃᓱᖃᖏᑦᑐᒧᑦ ᑐᒃᓯᐅᑦᔩᓐᓇᕐᓗᓂ ᑖᒃᑯᓂᖓ.
ᐱᐅᓂᓯ ᐃᔨᕐᓯᒪᔪᒃᓴᐅᕗᖅ ᐃᓗᑦᓯᓐᓂ ᐊᓯᕈᔪᐃᑦᑑᓗᓂ ᑕᑯᒥᓇᕈᑎᖃᕐᓗᓂ ᐃᓅᖃᑎᑦᓯᐊᕙᐅᓂᕐᒥᒃ ᐅᐃᒪᔮᖏᑦᑐᒥᒡᓗ ᐊᓂᕐᓂᕐᒥᒃ, ᑕᒪᓐᓇ ᒎᑎᐅᑉ ᓵᖓᓂ ᐱᓐᓇᕐᓇᕐᑐᕐᔪᐊᖑᖕᒪᑦ.
ᒫᓐᓇᒥᑦ ᑕᒫᓂ ᓄᓇᒥ ᐃᓅᓯᓕᒫᓯ ᓈᓗᒍ ᐃᓅᔭᕆᐊᖃᓕᕐᐳᓯ ᒎᑎᐅᑉ ᐱᔪᒪᔭᖓᓄᑦ ᐊᐅᓚᑕᐅᓗᓯ, ᑎᒥᐅᑉ ᐱᔪᒪᔭᖓᓅᖏᑦᑐᖅ.
ᓇᒡᓕᒋᔭᒃᑲ, ᒫᓐᓇ ᒎᑎᐅᑉ ᕿᑐᕐᖓᕆᖕᒫᑎᒍᑦ, ᓱᓕᓕ ᖃᐅᔨᒪᖏᒃᑲᓗᐊᕐᐳᒍᑦ ᖃᓄᐃᑦᑐᓐᖑᓛᕐᒪᖔᑦᑕ ᑖᓐᓇ ᓴᖅᑭᑉᐸᑦ. ᖃᐅᔨᒪᕗᒍᓪᓕ ᑖᓐᓇ ᓴᖅᑭᑉᐸᑦ, ᐊᑦᔨᒋᔪᒫᕋᑦᑎᒍ, ᑕᑯᔪᒫᕋᑦᑎᒍ ᖃᓄᐃᑦᑑᓂᖓ.
“‘ᓯᐅᑎᖃᕐᑑᑉ ᑐᓴᕐᓕᒋᑦ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᓯᖏᑦ ᐅᒃᐱᕐᑑᖃᑎᒌᓄᑦ. “‘ᓵᓚᖃᕐᑐᑦ ᑐᓂᓯᕕᒋᓂᐊᕐᐸᒃᑲ ᓂᕿᒃᓴᒥᒃ ᒫᓇᒥᒃ ᐃᔨᕐᓯᒪᔪᒥᒃ, ᑐᓂᓯᕕᒋᓗᒋᓪᓗ ᐅᔭᕋᖕᒥᒃ ᖃᑯᕐᑕᒥᒃ, ᑕᕝᕙᓂ ᐊᑎᖏᑦ ᓄᑖᑦ ᑎᑎᕋᕐᓯᒪᓂᐊᕐᐳᑦ ᐊᓯᖏᓐᓄᑦ ᖃᐅᔨᒪᔭᐅᖏᑦᑐᑦ ᑐᓂᓯᕕᐅᔫᑉ ᑭᓯᒥ ᖃᐅᔨᒪᓂᐊᕐᐰᑦ.’”
