ᑯᓘᓯᐊᒥᐅᓄᑦ 3:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᐱᐅᖏᑦᑐᓕᔪᕐᓕ ᐊᑭᓕᕐᑕᐅᔪᒫᕐᐳᖅ ᐱᐅᖏᑦᑐᓕᓯᒪᓂᖓ ᒪᓕᒡᓗᒍ, ᐃᓅᑉ ᑭᓇᐅᑦᔪᓯᖓ ᑲᒪᒋᔭᐅᖏᒻᒪᑦ.

ᑯᓘᓯᐊᒥᐅᓄᑦ 3:25 Iomraidhean Croise

ᓴᒧᐃᓕ ᐂᑉᐸᖏᑦ 14:14

ᑕᒪᑦᑕ ᑐᖁᔪᒃᓴᐅᕗᒍᑦ; ᐃᒥᕐᑐᑦ ᑍᒤᑉᐳᒍᑦ ᓄᓇᒧᑦ ᑯᕕᔭᐅᔪᑎᑐᑦ, ᑲᑎᑕᐅᓗᑎᒃ ᐅᑎᕐᑎᑕᐅᒃᑲᓐᓂᕈᓐᓁᓪᓕᔪᑎᑐᑦ; ᐊᒡᓛᑦ ᒎᑎᐅᑉ ᑐᖁᖓᔪᑦ ᐅᑎᕐᑎᖃᑦᑕᖏᒻᒪᒋᑦ, ᐊᖓᔪᖅᑳᕐᔪᐊᕐᓕ ᐃᓄᖕᒥᒃ ᐅᑎᕐᑎᑦᓯᔪᓐᓇᕐᐳᖅ ᓇᕐᕈᒋᔭᐅᓕᕐᓯᒪᔪᒥᒃ.

ᑯᕉᓂᑲ ᐂᑉᐸᖏᑦ 19:7

ᒫᓐᓇᓕ ᑕᕝᕙ, ᐊᑕᓂᐅᑉ ᓯᕘᕋᓇᕐᓂᖓ ᐃᓕᑦᓯᓐᓃᓪᓕ; ᑲᒪᑦᓯᐊᕆᑦᓯ ᐱᓇᓱᐊᕐᑎᓪᓗᓯ, ᐊᑕᓂᖅ ᒎᑎᕗᑦ ᓈᒻᒪᓈᖏᓐᓂᖃᖏᒻᒪᑦ, ᐃᓔᓐᓇᕐᓯᐅᕋᓂᓗ, ᐊᑭᓕᕐᑕᐅᓂᒃᑯᓪᓗ ᐊᓯᑦᔨᕐᓱᐃᓲᖑᓇᓂ.”

ᔫᐱᐅᑉ ᐊᒡᓚᖏᑦ 34:19

ᐊᖓᔪᖅᑳᓪᓕ ᓇᓪᓕᐊᓐᓂᒃ ᐱᑦᓯᐊᕐᓂᕐᓴᖃᕐᐸᓐᖏᓚᖅ, ᐊᒃᓱᐃᑦᑐᓪᓗ ᐱᑦᓯᐊᕐᓂᕐᓴᕆᕙᓐᖏᓔᑦ ᐊᒃᓱᔪᓂᑦ, ᑕᒪᒃᑯᐊᓕᒫᑦ ᑖᑦᓱᒪ ᓴᓇᓯᒪᔧᓐᓇᕆᖕᒪᒋᑦ.

ᔫᐱᐅᑉ ᐊᒡᓚᖏᑦ 37:24

ᑍᒤᒻᒪᑦ ᐃᓄᐃᑦ ᑖᓐᓇ ᓯᕘᕋᒋᕚᑦ; ᓯᓚᑐᔫᔪᕆᔫᒐᓗᐊᓪᓗ ᓇᓪᓕᐊᑦ ᐃᒃᐱᒋᓐᖏᓔᑦ.”

ᒨᓯᓯ ᐱᖓᔪᖏᑦ 19:15

ᓱᓕᑦᓯᐊᕐᑐᒥᒃ ᐱᓂᐊᕐᓂᖃᕆᑦ; ᐃᓔᓐᓇᕐᓯᐅᕐᓂᐊᕐᓇᒃ ᐃᓄᒃ ᐊᔪᕐᓴᕐᑐᑦ ᐱᓪᓗᒋᑦ ᐊᔪᕐᓴᖏᑦᑐᓪᓗ ᐱᓪᓗᒋᑦ, ᐃᓅᖃᑎᑎᑦ ᐊᑦᔨᒌᒃᑐᒥᒃ ᐱᓂᐊᕐᓂᖃᕐᕕᒋᔭᕆᐊᖃᕐᐸᑎᑦ.

ᒫᑎᐅᓯᐅᑉ ᐊᒡᓚᖏᑦ 16:27

ᐃᓅᑉ ᐃᕐᓂᖓ ᑎᑭᑦᓱᒫᕐᒪᑦ ᐂᖏᓖᖁᑎᓂ ᐃᓚᒋᓗᒋᑦ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂᑦ, ᑕᕝᕙᓂ ᐊᑐᓂᑦ ᐊᑭᓕᕈᒫᕐᐰᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ.

ᓘᑲᓯᐅᑉ ᐊᒡᓚᖏᑦ 20:21

ᑖᒃᑯᐊ ᖃᐅᔨᓴᕐᑎᑕᐅᔪᑦ ᔩᓱᓯᒧᑦ ᐊᐱᕆᕗᑦ, “ᐊᔪᕆᕐᑐᐃᔩ, ᖃᐅᔨᒪᕗᒍᑦ ᐅᖃᐅᑦᔨᑦᓯᐊᕐᐸᒃᑲᕕᑦ ᐊᔪᕆᕐᑐᐃᑦᓯᐊᕐᐸᒡᓗᑎᓪᓗ ᐊᑲᐅᔪᓂᒃ, ᐃᓄᖕᓂᒃ ᐊᑦᔨᒌᒃᑎᑦᓯᒐᕕᑦ, ᓱᓕᑦᓯᐊᕐᑐᒥᒡᓗ ᒎᑎᐅᑉ ᐊᑐᕐᑕᐅᖁᔭᖓᓂᒃ ᐊᔪᕆᕐᑐᐃᖃᑦᑕᕋᕕᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 10:34

ᐲᑦᑐᕉᓯ ᐅᖃᓯᕗᖅ: “ᒫᓐᓇ ᑐᑭᓯᕗᖓ ᒎᑎ ᐃᓔᓐᓇᕐᓯᐅᖏᒻᒪᑦ, ᐃᓄᓕᒫᓪᓕ ᐊᑦᔨᒌᒃᑎᒻᒪᒋᑦ.

ᕉᒪᒥᐅᓄᑦ 2:11

ᒎᑎᐅᑉ ᐃᓄᓕᒫᑦ ᐊᑦᔨᒌᒃᑎᒻᒪᒋᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:10

ᑕᒪᑦᑕ ᓴᖅᑭᑦᑕᕆᐊᖃᕈᒫᕋᑦᑕ ᙭ᔅᑑᓯᐅᑉ ᐃᖅᑲᕐᑐᐃᕕᖓᑕ ᓵᖓᓂ, ᑕᒪᕐᒥᒃ ᐊᑐᓂᑦ ᐱᓂᐊᕐᕕᐅᖁᓪᓗᒋᑦ ᑎᒥᒦᓪᓗᑎᒃ ᐊᑐᓚᐅᕐᑕᖏᑦ ᒪᓕᒡᓗᒋᑦ, ᐱᐅᔪᒥᒃ ᐱᐅᖏᑦᑐᒥᒡᓘᓐᓃᑦ.

ᐃᐱᓯᒥᐅᓄᑦ 6:8

ᖃᐅᔨᒪᒐᑦᓯ ᐱᓂᐊᑦᓯᐊᕐᓂᖏᑦ ᒪᓕᒡᓗᒋᑦ, ᐊᑕᓂᐅᑉ ᐊᑭᓕᕈᒫᕐᒪᒋᑦ ᐊᑐᓂᑦ, ᓂᐅᕕᐊᖑᓯᒪᓂᕐᒧᑦ ᐱᔨᐅᒐᓗᐊᕐᐸᑦ ᐱᔨᐅᖏᒃᑲᓗᐊᕐᐸᓪᓘᓐᓃᑦ.

ᐃᐱᓯᒥᐅᓄᑦ 6:9

ᐊᖓᔪᖅᑳᖑᔪᓯ, ᓂᐅᕕᐊᕆᓯᒪᓪᓗᒋᑦ ᐱᔨᒋᔭᓯ ᑍᒫᑦᓮᓐᓇᕐᑕᐅᖅ ᐱᓂᐊᕐᕕᒋᓯᒋᒃ, ᐃᓕᕋᓇᕐᓵᕐᑍᓕᒋᑦᓯᓗ ᓯᕘᕋᓵᕆᓂᒃᑯᑦ, ᐃᖅᑲᐅᒪᓗᓯ ᑕᒪᑦᓯ ᐊᖓᔪᖅᑳᖃᕋᑦᓯ ᐊᑕᐅᓯᕐᒥᒃ ᕿᓚᖕᒦᑦᑐᒥᒃ, ᑖᑦᓱᒪᓂᓗ ᐃᓄᐃᑦ ᐊᑦᔨᒌᖏᑦᑐᒥᒃ ᐱᓂᐊᕐᕕᐅᓐᖏᓚᑦ.

ᒨᓯᓯ ᑕᓪᓕᒪᖏᑦ 1:17

ᐃᓔᓐᓇᖏᓐᓂᒃ ᑕᑉᐱᕐᓱᐃᓗᓯ ᐱᓇᓱᐊᕐᑐᒃᓴᐅᓐᖏᓚᓯ ᐋᖅᑭᒃᓱᐃᓕᕐᑎᓪᓗᓯ; ᐋᖅᑭᒃᓱᐃᔪᒃᓴᐅᕗᓯᓕ ᐊᑦᔨᒌᒃᑎᑦᓯᓗᓯ, ᑭᓇᑐᐃᓐᓇᐅᒐᓗᐊᕐᐸᑦ. ᓇᓪᓕᐊᓐᓂᒡᓘᓐᓃᑦ ᓯᕘᕋᒋᔭᖃᕐᑐᒃᓴᐅᓐᖏᓚᓯ, ᑐᑭᑖᕆᔭᓯ ᒎᑎᒥᑦ ᐱᖕᒪᑕ. ᐃᓕᑦᓯᓐᓄᓪᓕ ᓱᓇᑐᐃᓐᓇᖅ ᐅᖁᒤᓗᐊᕐᐸᑦ, ᑕᕝᕙ ᐅᕙᓐᓄᑦ ᑐᓂᔭᒃᓴᕆᕙᓯ, ᑕᕝᕙ ᐅᕙᖓ ᑐᑭᑖᕐᕕᒋᓂᐊᕐᐸᒃᑲ.’

ᒨᓯᓯ ᑕᓪᓕᒪᖏᑦ 10:17

ᐊᑕᓂᖅ ᒎᑎᒋᔭᓯ ᒎᑎᒋᔭᐅᔪᓕᒫᓂᑦ ᐊᖏᓂᕐᓴᐅᖕᒪᑦ ᐱᔪᓐᓇᕐᓂᕐᐹᖑᓪᓗᓂᓗ. ᐱᔪᓐᓇᕐᑐᕐᔪᐊᖑᕗᖅ ᐊᔪᒐᖃᖏᑦᑐᕐᔪᐊᖑᓪᓗᓂᓗ, ᓯᕘᕋᒋᔭᐅᔪᒃᓴᐅᕗᕐᓗ. ᐃᓄᖕᓂᒡᓗ ᐃᓔᓐᓇᕐᓯᐅᓐᖏᓚᖅ, ᓯᓔᕐᕆᔭᐅᔪᓐᓇᕋᓂᓗ.

ᑯᓘᓯᐊᒥᐅᓄᑦ 4:1

ᐊᖓᔪᖅᑳᖑᔪᓯ ᓂᐅᕕᐊᕆᓯᒪᓪᓗᒋᑦ ᐱᔨᒋᔭᓯ ᓈᒻᒪᒃᑐᒥᒃ ᐱᐅᔪᒥᒡᓗ ᐱᓂᐊᕐᕕᒋᓯᒋᒃ, ᖃᐅᔨᒪᓗᓯ ᐊᖓᔪᖅᑳᖃᕋᑦᓯᑦᑕᐅᖅ ᕿᓚᖕᒥ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:6

ᑍᒤᒻᒪᑦ ᐃᓄᒃ ᐅᒃᐱᕐᑑᖃᑎᒥᓂᒃ ᙭ᔅᑑᓯᒥ ᐅᖁᒤᑎᑦᓯᑦᑍᓕᓕ ᓄᓕᐊᕐᓂᕐᒧᑦ ᐅᐃᕕᕐᕆᓇᒍᓗ ᓱᓇᑐᐃᓐᓇᕐᒧᑦ, ᑕᒪᑐᒥᖓ ᐅᖃᐅᑎᓚᐅᕐᐸᑦᓯ, ᐅᓗᕆᐊᓇᕐᓂᖓᓂᒃ ᐊᑕᓂᖅ ᓱᒋᐊᕐᓯᕙᖕᒪᑦ ᑍᒤᓕᐅᕐᑐᓕᒫᓂᒃ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:6

ᒎᑎ ᓈᒪᑦᓯᐊᕐᑐᒥᒃ ᐱᓇᓱᐊᕐᓂᐊᕐᐳᖅ ᐊᒃᓱᕈᕐᑎᒋᔭᑦᓯᓐᓄᑦ ᐊᒃᓱᕈᕐᓇᕐᑐᒧᑦᑕᐅᖅ ᐊᑭᓂᐊᕐᕕᒋᓂᐊᕐᐰᑦ,

ᐰᓕᒨᓂᒧᑦ 1:18

ᐃᓕᖕᓄᑦ ᓈᒻᒪᖏᑐᓕᓚᐅᕐᐸᑦ, ᐅᕝᕙᓗ ᐊᑭᓕᒃᓴᖃᓚᐅᕐᓂᕐᐸᑦ ᓱᓇᑐᐃᓐᓇᕐᒥᒃ, ᐅᕙᓐᓄᑦ ᐊᑭᓕᒐᒃᓴᐅᑎᓐᓂᐊᕐᐸᑎᑦ.

ᐄᑉᕈᐃᓄᑦ 2:2

ᐂᖏᓕᓂᑦ ᐅᖃᐅᓯᐅᓚᐅᕐᑐᑦ ᓱᓕᓚᐅᕐᒪᑕ ᓇᓪᓕᐊᑦ ᒪᓕᖏᑦᑐᖅ ᐊᔪᕐᑐᓕᔪᓪᓗ ᓱᒋᐊᕐᑕᐅᖃᑦᑕᓚᐅᕐᐳᖅ ᐱᓂᐊᕐᓂᖏᓐᓄᑦ.

ᐲᑦᑐᕉᓯ ᓯᕗᓪᓖᑦ 1:17

ᒎᑎ ᐊᑖᑕᒋᓂᕋᕐᓗᒍ ᐅᖃᕐᕕᒋᕙᒃᑯᑦᓯᐅᒃ ᐊᑦᔨᒌᒥᒃ ᐃᓄᖕᓂᒃ ᐃᖅᑲᕐᑐᐃᓲᖅ ᐊᑐᓂᑦ ᐱᓂᐊᕐᓂᕆᔭᖏᑦ ᒪᓕᒡᓗᒋᑦ; ᑍᒤᒻᒪᑦ ᑕᒫᓂ ᐃᓅᓂᑦᓯᓐᓂ ᑖᓐᓇ ᐅᐱᒋᑦᓯᐊᕐᓗᒍ ᐃᓅᒋᑦᓯ ᓄᓇᒋᓐᖏᑕᑦᓯᓐᓃᓐᓇᑦᓯ.

ᔫᑎᐅᑉ ᐊᒡᓚᖏᑦ 1:16

ᑖᒃᑯᐊ ᓈᒪᒃᓴᓐᖏᓐᓇᐅᔭᕐᐳᑦ, ᐊᓯᒥᖕᓂᒡᓗ ᓈᒻᒪᖏᑦᔪᑎᒃᓴᓯᐅᕐᐸᒃᓗᑎᒃ; ᐱᔪᒪᕕᒡᔪᐊᕐᑕᒥᖕᓂᒃ ᐱᐅᖏᑦᑐᓂᒃ ᒪᓕᑐᐃᓐᓇᕐᐳᑦ, ᖃᓂᑐᐃᓐᓇᕐᒥᒃᑎᒍᑦ ᐊᔪᖏᑦᑐᐊᓘᔮᕐᐳᑦ, ᐃᓄᖕᓄᑦ ᐱᐅᒋᔭᐅᑎᓐᓇᓱᐊᕐᐳᑦ ᐱᔪᒪᔭᒥᖕᓂᒃ ᐊᑐᕈᒪᓪᓗᑎᒃ.