ᑯᓘᓯᐊᒥᐅᓄᑦ 3:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᙭ᔅᑑᓯᐅᑉ ᐅᖃᐅᓯᖏᑦ ᐃᓗᑦᓯᓐᓂ ᐃᓂᖃᑦᓯᐊᕐᓕᑦ, ᐊᔪᕆᕐᑐᖃᑦᑕᐅᑎᓗᓯ ᐃᕾᑎᑦᓯᔨᒌᒃᓗᓯᓗ ᐃᓕᑦᓯᓐᓄᑦ ᑕᒤᑎᒍᑦ ᓯᓚᑐᓂᖃᕐᓗᓯ, ᐃᓐᖏᕐᓗᓯᓗ ᑍᕕᑎᐅᑉ ᐃᓐᖏᕈᑎᖏᓐᓄᑦ ᐱᓯᕐᓄᓪᓗ ᐊᓂᕐᓂᒃᑯᓪᓗ ᐃᓐᖏᕐᓗᓯ ᒎᑎᒧᑦ ᖁᔭᓕᓗᓯ ᐆᒻᒪᑎᑦᓯᒍᑦ.

ᑯᓘᓯᐊᒥᐅᓄᑦ 3:16 Iomraidhean Croise

ᐊᑕᓃᑦ ᓯᕗᓪᓖᑦ 3:28

ᐃᓴᕆᐊᓕᐅᑉ ᐃᓄᓕᒫᖏᑦ ᑕᒪᑐᒥᖓ ᑐᓴᕋᒥᒃ ᐊᖓᔪᖅᑳᕐᔪᐊᑉ ᑐᑭᑖᕈᑎᖓᓂᒃ, ᐊᖏᔪᐊᓗᖕᒥᑉ ᑲᒪᓕᕐᐳᑦ ᐊᖓᔪᖅᑳᕐᔪᐊᒥᒃ, ᖃᐅᔨᒐᒥᒃ ᒎᑎᐅᑉ ᓯᓚᑐᓂᖓ ᑖᑦᓱᒪᓃᒻᒪᑦ, ᓱᓕᔪᒥᒃ ᐱᓇᓱᐊᖁᓪᓗᒍ.

ᑯᕉᓂᑲ ᓯᕗᓪᓖᑦ 25:7

ᑖᒃᑯᐊ ᐅᓄᕐᓂᖏᑦ ᐃᓚᒋᔭᑎᒃ ᐃᓚᒋᓪᓗᒋᑦ, ᐊᔪᕆᕐᑐᕐᑕᐅᓯᒪᔪᑦ ᐊᑕᓂᕐᒧᑦ ᐃᓐᖏᕐᑎᐅᖁᓪᓗᒋᑦ, ᐱᔪᓐᓇᑦᓯᐊᕐᑐᐃᓐᓁᑦ, 288ᖑᕗᑦ.

ᓂᕼᐃᒤᐊᐅᑉ ᐊᒡᓚᖏᑦ 12:46

ᑍᕕᑎ ᐊᓴᐸᓗ ᐃᓅᑎᓪᓗᒋᒃ ᑍᑦᓱᒪᓂᐊᓗᒃ ᐃᓐᖏᕐᑎᓄᑦ ᐊᖓᔪᖅᑳᕐᑕᖃᕐᐸᓚᐅᕐᒪᑦ, ᐃᓐᖏᕐᑐᖃᕐᐸᒃᓗᓂᓗ ᓂᕐᑐᐃᔪᓂᒃ ᖁᔭᓕᑦᔪᑎᒃᓴᓂᒡᓗ ᒎᑎᒧᑦ.

ᔫᐱᐅᑉ ᐊᒡᓚᖏᑦ 23:12

ᐱᖁᔭᖏᑦ ᐅᖃᐅᓯᕆᓯᒪᔭᖏᑦ ᕿᒪᓚᐅᓐᖏᓚᒃᑲ; ᑲᒪᒋᑦᓯᐊᕐᓗᒋᑦ ᓴᕐᓕᐊᓚᐅᕐᐸᒃᑲ ᑖᑦᓱᒪ ᐅᖃᐅᓯᖏᑦ.

ᐃᓐᖏᕈᑎᑦ 119:11

ᐅᖃᐅᓯᕐᑎᑦ ᑐᖅᑯᕐᐸᒃᑲ ᐆᒻᒪᑎᓐᓄᑦ, ᐊᔪᕐᑐᓕᖁᓇᖓ ᐃᓕᖕᓄᑦ.

ᐃᓐᖏᕈᑎᑦ 119:54

ᐊᑐᕐᑕᐅᖁᔭᑎᑦ ᐃᓐᖏᕈᑎᒋᖃᑦᑕᓚᐅᕐᐸᒃᑲ ᑕᕝᕙᓂ ᐃᓅᓯᓐᓂ ᐃᖏᕐᕋᓂᕆᔭᓐᓂ.

ᐃᓐᖏᕈᑎᑦ 138:1

ᐊᑕᓃᖅ ᖁᔭᒋᕙᒋᑦ, ᐆᒻᒪᑎᓕᒫᓐᓄᑦ; ᒎᑎᒋᔭᐅᔪᑦ ᓴᓂᐊᓂ ᓂᕐᑐᕐᓗᑎᑦ ᐃᓐᖏᕐᕕᒋᔪᒪᕙᒋᑦ.

ᐃᓐᖏᕈᑎᑦ 28:7

ᐊᑕᓂᖅ ᓴᓐᖏᔫᑦᔪᑎᒋᕙᕋ ᓴᐴᓗᑕᕆᓪᓗᒍᓗ; ᐆᒻᒪᑎᒪ ᑕᑎᒋᖕᒪᒍ, ᐃᑲᔪᕐᐹᖓᓗ; ᑍᒤᒻᒪᑦ ᐆᒻᒪᑎᒐ ᐊᖏᔪᒥᒃ ᖁᕕᐊᓱᒃᐳᖅ, ᐃᓐᖏᕈᓯᕐᒧᓪᓗ ᖁᔭᒋᔪᒪᕙᕋ.

ᐃᓐᖏᕈᑎᑦ 32:7

ᐃᕝᕕᑦ ᐃᔨᕆᐊᕐᑐᕐᕕᒃᓴᕆᕙᒋᑦ; ᐃᓱᐊᖏᑦᑐᓂᑦ ᓴᐳᑎᕙᕐᒪ; ᐊᕙᓗᔪᒫᕐᐸᕐᒪᓗ ᐃᓐᖏᕈᓯᕐᓂᒃ ᓴᐳᑦᔭᐅᓂᕐᓂᒃ. ᓰᓚ

ᐃᓐᖏᕈᑎᑦ 71:23

ᖃᓂᕋ ᕾᒐᓛᕐᓂᐊᕐᐳᖅ ᖁᕕᐊᓱᖕᓂᐊᕐᒧᑦ, ᐃᓕᖕᓄᑦ ᐃᓐᖏᓕᕈᒪ ᓂᕐᑐᕐᓗᑎᑦ; ᑕᕐᓂᓐᓄᓪᓗᑦᑕᐅᖅ ᐱᐅᓕᓚᐅᕐᑕᕐᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:8

ᓯᓚᑐᓂᕐᒥᓄᑦ ᓯᕗᓂᒃᓴᕐᓯᐅᑦᓯᐊᕐᑑᑉ ᐊᖅᑯᑎᒋᔭᓂ ᐅᑦᔨᕐᑐᑦᓯᐊᕐᓗᒍ ᐃᓅᕗᖅ, ᓯᓔᑦᑐᓪᓕ ᐱᓂᐊᕐᓂᖃᕐᐳᑦ ᑕᒻᒪᕐᑎᑦᓯᓪᓗᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:1

ᐱᖃᓐᓂᖏᑦᑐᖅ ᐃᒻᒥᓂᑐᐊᖅ ᐃᓱᒪᒋᕗᑦ, ᐊᖏᖃᑕᐅᔪᓐᓇᓐᖏᓚᓪᓗ ᓈᒻᒪᑦᓯᐊᕐᑐᒥᒃ ᐱᓂᐊᕐᑐᖃᕋᓗᐊᕐᒪᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 1:1

ᓲᓗᒨᓂᐅᑉ ᐃᓐᖏᕈᓯᖏᑦ ᐃᓐᖏᕈᑎᓂᑦ ᐱᐅᓂᕐᐹᑦ.

ᐂᓮᐊᓯᐅᑉ ᐊᒡᓚᖏᑦ 10:2

ᐱᖃᖏᑦᑐᓂᒃ ᐱᑎᑦᓯᑦᑍᓕᕙᒃᑐᑦ ᐊᑦᔨᒌᒃᑎᑕᐅᓂᕐᒥᒃ ᑎᒡᓕᒐᕐᕕᒋᓪᓗᒋᓪᓗ ᐊᔪᕐᓴᕐᑐᑦ ᐃᓄᖁᑎᒪ ᐱᔪᓐᓇᐅᑎᖏᓐᓂᒃ, ᐅᐃᒡᒐᕐᓃᑦ ᐱᔭᒃᓴᖏᓐᓂᒃ ᐊᕐᓵᕐᓗᒋᑦ ᐱᑖᕐᐸᒃᑐᑦ, ᐃᓕᐊᕐᔪᐃᓪᓗ ᓵᓚᒋᓇᓱᐊᕐᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 26:1

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔫᑕᒥᐅᑦ ᐃᓐᖏᕈᒫᕐᐳᑦ ᐱᓯᕐᒥᒃ ᐆᒥᖓ: “ᐱᔪᓐᓇᑦᓯᐊᕐᑐᒥᒃ ᐃᒡᓗᒐᓴᒡᔪᐊᖃᕐᐳᒍᑦ; ᒎᑎᐅᑉ ᓇᖕᒥᓂᖅ ᐱᐅᓕᔭᐅᕕᒃᓴᐅᑎᒻᒪᒋᑦ ᐊᕙᓗᕐᔪᐊᖏᑦ ᓴᐴᓗᑕᖏᓪᓗ.

ᐂᓮᐊᓯᐅᑉ ᐊᒡᓚᖏᑦ 30:29

ᐃᓕᑦᓯᓕ ᐃᓐᖏᕈᒫᕐᐳᓯ ᐅᓐᓄᒃᑯᑦ ᐃᑦᔪᕐᓁᑦᑐᒥᒃ ᓇᓪᓕᐅᓐᓂᕐᓯᐅᕐᓂᕐᒧᑦ ᓂᕆᕕᒡᔪᐊᕐᓂᐊᕐᑐᓃᑦᑐᑎᑐᑦ, ᖁᕕᐊᓱᖃᕐᑎᒋᒍᒫᕐᐳᓯ ᓱᐴᒐᕐᑎᓄᑦ ᐅᐸᒍᑎᓕᕐᑐᑎᑐᑦ ᐊᑕᓂᐅᑉ ᖃᖅᑲᖁᑎᖓᓄᑦ, ᐃᓴᕆᐊᓕᒥᐅᑦ ᕾᕐᑐᖓᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 5:1

ᐃᓐᖏᓚᐅᕐᓚᖓ ᐆᒥᖓ ᓇᒡᓕᒋᔭᓐᓄᑦ, ᓇᒡᓕᖕᓂᕐᒥᒃ ᐃᓐᖏᐅᑎᖃᕐᓗᖓ ᕔᓂᒃᓴᓂᒃ ᐱᕈᕐᓰᕕᖁᑎᖓᓂᒃ; ᓇᒡᓕᒋᔭᕋ ᕔᓂᒃᓴᓂᒃ ᐱᕈᕐᓰᕕᖁᑎᖃᓚᐅᕐᐳᖅ ᐱᕈᕐᕕᐅᑦᓯᐊᕐᓇᕐᑐᒥᒃ ᐱᖒᑉ ᖄᖓᓂ.

ᔨᕆᒤᐊᐅᑉ ᐊᒡᓚᖏᑦ 15:16

ᐅᖃᐅᑎᒐᕕᖓ ᐅᖃᐅᓯᕆᔭᑎᑦ ᐆᒻᒪᒻᒥᐅᑕᕐᑖᕆᓚᐅᕐᐸᒃᑲ, ᖁᕕᐊᓲᑎᒃᓴᕐᑖᕆᓪᓗᒋᓪᓗ ᐃᓗᒃᑯᑦ, ᕾᖁᔭᐅᓯᒪᒐᒪ ᐊᑎᒃᑯᑦ, ᐊᑕᓃᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ.

ᒫᑎᐅᓯᐅᑉ ᐊᒡᓚᖏᑦ 26:30

ᐱᓯᕐᒥᒃ ᐃᓐᖏᕇᕋᒥᒃ, ᑕᕝᕙᓐᖓᑦ ᐊᓂᕗᑦ ᖃᖅᑲᒧᑦ ᓇᐹᕐᑐᓕᖕᒧᑦ ᐅᕐᓱᒃᓴᐅᔪᓐᓇᕐᑐᓂᒃ ᐸᐅᕐᖓᖃᓲᒧᑦ.

ᓘᑲᓯᐅᑉ ᐊᒡᓚᖏᑦ 2:51

ᔩᓱᓯᐅᑉ ᐊᖓᔪᖅᑳᖕᓂ ᐊᖏᕐᕋᐅᖃᑎᒋᓕᕐᐹᒃ ᓈᓴᕇᑎᒧᑦ, ᓈᓚᑦᓯᐊᕐᓗᒋᒃ; ᐊᓈᓇᖓᑕᓕ ᑕᒪᒃᑯᐊ ᐅᖃᐅᓯᓕᒫᖏᑦ ᐃᓱᒪᒥᐅᑕᕆᓕᕐᐰᑦ.

ᔪᐊᓇᓯᐅᑉ ᐊᒡᓚᖏᑦ 15:7

ᐅᕙᓐᓃᓐᖏᓇᕈᑦᓯ, ᐅᖃᐅᓯᒃᑲᓗ ᐃᓗᑦᓯᓐᓃᖏᓐᓇᕐᐸᑕ, ᐱᔪᒪᔭᑦᓯᓐᓂᒃ ᓱᓇᑐᐃᓐᓇᒥᒃ ᑐᒃᓯᐊᕈᑦᓯ, ᑕᕝᕙ ᑐᓂᓯᕕᐅᓂᐊᕐᐳᓯ.

ᕉᒪᒥᐅᓄᑦ 10:17

ᑕᕝᕙ ᐅᒃᐱᕐᓂᖅ ᐱᒋᐊᕐᐳᖅ ᑐᓴᕐᑎᑕᐅᓂᒃᑯᑦ, ᑐᓴᕐᑎᑕᐅᓂᕐᓗ ᐱᒋᐊᕐᐳᖅ ᙭ᔅᑑᓯᐅᑉ ᐊᔪᕆᕐᑐᐃᑦᔪᑕᐅᓂᖓᓂᑦ.

ᕉᒪᒥᐅᓄᑦ 15:14

ᐃᓅᖃᑎᒃᑳ, ᐅᕙᖓ ᓇᖕᒥᓂᖅ ᖁᓚᖏᑦᓯᐊᕐᐳᖓ ᐱᐅᔪᒥᒃ ᐃᓗᒻᒥᕐᑕᐅᓯᒪᒐᑦᓯ, ᖃᐅᔨᑎᑕᐅᓯᒪᓪᓗᓯᓗ, ᐊᔪᕆᕐᑐᖃᑦᑕᐅᑎᔪᓐᓇᕐᓗᓯᓗ ᐃᓕᑦᓯᓐᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:15

ᖃᓄᕐᓕ ᑍᒪ ᐱᔪᒃᓴᐅᕗᖔ? ᐊᓂᕐᓂᒃᑯᑦ ᑐᒃᓯᐊᕈᒪᕗᖓ ᐃᓱᒪᒃᑯᓪᓗ ᑐᒃᓯᐊᕈᒪᒋᓪᓗᖓ; ᐊᓂᕐᓂᒃᑯᑦ ᐃᓐᖏᕈᒪᕗᖓ ᐃᓱᒪᒃᑯᓪᓗ ᐃᓐᖏᕈᒪᒋᓪᓗᖓ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:26

ᖃᓄᕐᓕ ᐅᖃᕐᓂᐊᓕᕐᐳᖓ ᐃᓚᒃᑳ? ᑲᑎᖃᑎᒌᒑᖓᑦᓯ ᐃᓚᑦᓯ ᐊᑐᓂᑦ ᐃᓐᖏᕈᑎᒃᓴᖃᕐᐳᑦ, ᐃᓚᖓᑦ ᐊᔪᕆᕐᑐᐃᑦᔪᑎᒃᓴᖃᕐᐳᖅ, ᐃᓚᖓᑦ ᒎᑎᒧᑦ ᑕᑯᑎᑕᐅᓯᒪᕗᖅ, ᐃᓚᖓᑦ ᑐᓴᕐᖓᕐᑕᓄᑦ ᐅᖃᐅᓯᒃᓴᖃᕐᐳᖅ, ᐅᕝᕙᓗ ᐃᓚᖓᑦ ᑐᓴᕐᖓᕐᑕᓄᑦ ᐅᖃᐅᓯᐅᔪᓂᒃ ᑐᑭᓯᓇᕐᓯᑎᑦᓯᑦᔪᑎᒃᓴᖃᕐᐳᖅ. ᑕᒪᒃᑯᐊᓕᒫᓪᓕ ᐊᑐᕐᑕᐅᔪᒃᓴᐅᕗᑦ ᐃᓚᒌᒃᑐᑦ ᐱᕙᓪᓕᕐᑎᑕᐅᑦᔪᑎᒃᓴᖏᓐᓄᑦ.

ᐃᐱᓯᒥᐅᓄᑦ 1:17

ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᒎᑎᖓ, ᐱᓐᓇᕐᓇᕐᓂᐅᑉ ᐊᑖᑕᖓ, ᑐᒃᓯᐊᕐᕕᒋᖃᑦᑕᕐᐸᕋ, ᑐᓂᓯᕕᐅᖁᓪᓗᓯ ᐊᓂᕐᓂᕐᒥᒃ ᓯᓚᑐᑎᑦᓯᔪᒥᒃ ᑐᑭᓯᑎᑦᓯᔪᒥᒡᓗ ᑖᑦᓱᒥᖓ ᖃᐅᔨᑦᓯᐊᖁᓪᓗᓯ.

ᐃᐱᓯᒥᐅᓄᑦ 5:17

ᑍᒤᒻᒪᑦ ᐃᓕᑦᓯᓐᓂᒃ ᓯᓔᕐᕆᓂᐊᕋᓯ, ᖃᐅᔨᓕᕆᑦᓯᓕ ᖃᓄᖅ ᐱᖁᔭᐅᖕᒪᖔᑦᓯ ᐊᑕᓂᕐᒧᑦ.

ᐃᐱᓯᒥᐅᓄᑦ 5:19

ᑍᕕᑎᐅᑉ ᐃᓐᖏᕈᑎᖏᓐᓂᒃ ᐱᓯᕐᓂᒡᓗ ᐊᓂᕐᓂᒃᑯᓪᓗ ᐃᓐᖏᕐᓂᕐᓂᒃ ᐅᖃᖃᑎᒌᖃᑦᑕᕆᑦᓯ, ᐃᓐᖏᕐᓗᓯ ᓂᑦᔭᐅᓯᔭᕆᑦᓯ ᐊᑕᓂᕐᒧᑦ ᐆᒻᒪᑎᑦᓯᒍᑦ ᓂᕐᑐᐃᓗᓯ.

ᐃᐱᓯᒥᐅᓄᑦ 5:26

ᑍᒤᓚᐅᕐᐳᕐᓕ ᐅᒃᐱᕐᑑᖃᑎᒌᑦ ᐃᑦᔪᕐᓁᑎᑦᓱᒪᓪᓗᒋᑦ, ᐅᐊᓴᓚᐅᕐᐰᑦ ᓴᓗᒻᒪᕐᑎᓪᓗᒋᓪᓗ ᐃᒪᕐᒧᑦ ᐅᖃᐅᓯᕐᒧᓪᓗ,

ᑯᓘᓯᐊᒥᐅᓄᑦ 1:28

ᑍᒤᒻᒪᑦ ᙭ᔅᑑᓯ ᐊᔪᕆᕐᑐᐃᑦᔪᑎᒋᕙᕗᑦ ᐃᓄᓕᒫᓄᑦ, ᓯᕘᕋᒋᔭᒃᓴᖏᓐᓂᒃ ᐅᖃᐅᑦᔪᐃᑦᔪᑎᒋᓪᓗᒍ ᐊᔪᕆᕐᑐᐃᑦᔪᑎᒋᕙᕗᓪᓗ ᑕᒤᓐᓄᑦ ᓯᓚᑐᓂᖃᕐᓗᑕ, ᑕᒪᕐᒥᒃ ᐱᕈᕇᕐᓯᒪᓗᑎ ᐅᒃᐱᕐᓂᒃᑯᑦ ᓴᖅᑭᑎᑦᓱᒪᓪᓗᑎᒍ ᙭ᔅᑑᓯᒥ.

ᑯᓘᓯᐊᒥᐅᓄᑦ 1:9

ᑍᒤᒻᒪᑦ ᐅᓪᓗᒥᑦ ᑍᑦᓱᒪᓂ ᑐᓴᓚᐅᕐᓂᑦᑎᓂᑦ, ᑐᒃᓯᐅᑦᔩᓐᓇᕐᐳᒍᑦ ᐃᓕᑦᓯᓐᓂᒃ, ᖃᐅᔨᑎᑕᐅᖁᓪᓗᓯ ᑖᑦᓱᒪ ᐱᔪᒪᔭᖓᓂᒃ ᑕᒤᓐᓂᒡᓗ ᐊᓂᕐᓂᒃᑯᑦ ᓯᓚᑐᓂᕐᒥᒃ ᑐᑭᓯᓂᕐᒥᒡᓗ,

ᑯᓘᓯᐊᒥᐅᓄᑦ 4:6

ᐅᖃᐅᓯᕆᔭᓯ ᐱᔪᓐᓇᕐᑎᑦᓯᓂᕐᒥᒃ ᐃᓗᓕᖃᕐᑐᒃᓴᐅᕗᑦ ᑐᓴᕈᒥᓇᕐᓗᑎᒡᓗ ᑕᕆᐅᓕᕐᓯᒪᔪᑎᑐᑦ, ᑕᒤᓐᓄᑦ ᑭᐅᑦᔪᑎᒃᓴᖃᑦᓯᐊᖁᓪᓗᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:8

ᐊᑕᓂᕐᒥᒡᓕ ᐅᖃᐅᓯᖃᕐᓂᓯ ᑐᓴᐅᒪᔭᐅᓕᕐᐳᖅ ᒫᓯᑑᓂᐊᓕᒫᒥ ᐊᑬᐊᓕᒫᒥᓗ, ᑖᒃᑯᑑᓐᖏᓚᓪᓕ, ᒎᑎᒧᓪᓕᑦᑕᐅᖅ ᐅᒃᐱᕐᓂᑦᓯ ᑕᒤᓐᓄᑦ ᑐᓴᐅᒪᔭᐅᓕᕐᐳᖅ, ᑕᒪᑐᒥᖓᓗ ᐅᖃᒃᑲᓐᓂᕆᐊᖃᓐᖏᓚᒍᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:18

ᑍᒤᒻᒪᑦ ᑕᒪᒃᑯᓄᖓ ᐅᖃᐅᓯᕐᓄᑦ ᒪᓂᒍᕐᑎᒌᒋᑦᓯ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:15

ᐊᑭᕋᕐᑐᕐᑎᑎᑐᑦ ᐱᓂᐊᕐᕕᒋᖏᓪᓗᒍ, ᙭ᔅᑑᓯᒥᐅᑕᐅᖃᑎᑐᓪᓕ ᐃᓂᕐᑎᕐᓯᐅᒃ.

ᑎᒧᑎᒧᑦ ᓯᕗᓪᓖᑦ 6:17

ᓯᓚᕐᔪᐊᑉ ᐱᖏᓐᓄᑦ ᐊᔪᕐᓴᓐᖏᑦᑐᑦ, ᐱᐅᔪᕆᖁᖏᓪᓗᒋᑦ ᐅᖃᐅᑎᒃᑭᑦ, ᓂᕆᐅᖁᖏᓪᓗᒋᓪᓗ ᐊᔪᕐᓴᖏᑦᑐᒪᓂᑐᐃᓐᓇᒧᑦ ᐊᐅᓚᑕᐅᔪᒥᒃ, ᒎᑎᒥᓪᓕ ᑖᑦᓱᒪ ᐊᓐᓂᕈᓱᒐᓂ ᓱᓇᓕᒫᓂᒃ ᑐᓂᓯᕕᒋᖕᒪᑎᒍᑦ ᖁᕕᐊᓲᑎᒋᓗᒋᑦ ᐃᓅᖁᓪᓗᑕ.

ᑎᒧᑎᒧᑦ ᐂᑉᐸᖏᑦ 3:15

ᓄᑕᕋᐅᓂᕐᓂᓪᓗ ᐊᒡᓔᑦ ᖃᐅᔨᒪᒐᕕᒋᑦ ᐱᐅᓕᔭᐅᓐᓇᕐᑐᒥᒃ ᖃᐅᔨᑎᑦᓯᔪᓐᓇᕐᓂᖏᓐᓂᒃ ᐅᒃᐱᕐᓂᒃᑯᑦ ᙭ᔅᑑᓯ ᔩᓱᓯᒥᒃ.

ᑍᑑᓯᒧᑦ 3:6

ᒎᑎᐅᑉ ᑯᕝᕕᕆᓚᐅᕐᐹᑎᒍᑦ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐊᒥᒐᖏᑦᑐᒥᒃ ᔩᓱᓯ ᙭ᔅᑑᓯᒃᑯᑦ ᐱᐅᓕᔨᑦᑎᒍᑦ,

ᔧᒥᓯᐅᑉ ᐊᒡᓚᖏᑦ 1:5

ᓇᓪᓕᕐᓯᓕ ᓯᓚᑐᓂᕐᒥᒃ ᐊᔪᕐᓴᕈᓂ, ᒎᑎᒧᑦ ᑐᒃᓯᐊᕐᑐᒃᓴᐅᕗᖅ, ᑖᑦᓱᒪ ᑕᑉᕙ ᑐᓂᓯᕕᒋᓂᐊᕐᐹ ᐱᔪᒪᔭᖓᓂᒃ. ᐃᓄᓕᒫᑦ ᑐᓂᓯᕕᒋᕙᖕᒪᒋᑦ ᖁᕕᐊᒋᓪᓗᒋᑦ ᐊᓐᓂᕈᓱᒐᓂᓗ.

ᔧᒥᓯᐅᑉ ᐊᒡᓚᖏᑦ 3:17

ᓯᓚᑐᓂᕐᓕ ᕿᓚᖕᒥᑦ ᐱᔪᖅ ᓯᕗᓪᓕᐅᑦᔨᕗᖅ ᓴᓗᒪᑦᓯᐊᕐᓂᕐᒥᒃ, ᐊᒻᒪ ᓮᓕᓂᕐᒥᒃ, ᐅᐃᒪᔮᖏᓐᓂᕐᒥᒃ, ᐱᖃᓐᓂᕐᓗᓂᓗ; ᐱᑦᔪᑎᒃᓴᑦᓯᐅᑦᓯᐊᕐᐳᖅ, ᓂᑲᒍᓱᒃᐳᖅ ᐱᐅᔪᓂᒡᓗ ᐱᕈᕐᑎᑦᓯᓪᓗᓂ, ᐊᑦᔨᒌᒃᑎᑦᓯᕗᖅ ᓱᓕᑦᓯᐊᕐᓗᓂᓗ.

ᔧᒥᓯᐅᑉ ᐊᒡᓚᖏᑦ 5:13

ᐃᓚᓯ ᐃᓗᐊᖏᑦᔪᑎᖃᕐᐹ? ᑖᓐᓇ ᑐᒃᓯᐊᕐᓕ. ᐃᓚᓯ ᖁᕕᐊᓱᒃᐹ? ᑖᓐᓇ ᐃᓐᖏᕐᓕ ᓂᕐᑐᐃᓗᓂ.

ᔪᐊᓇᓯ ᓯᕗᓪᓖᑦ 2:14

ᐊᑖᑕᐅᔪᓯ ᑎᑎᕋᕐᕕᒋᓚᐅᕐᐸᑦᓯ, ᑖᓐᓇ ᖃᐅᔨᒪᒐᑦᓯᐅᒃ ᐱᒋᐊᕐᓂᖓᓂᑦ ᐱᑕᕾᓐᓇᓚᐅᕐᑐᖅ. ᐃᓅᓱᒃᑑᔪᓯ ᑎᑎᕋᕐᕕᒋᓚᐅᕐᐸᑦᓯ, ᐱᔪᓐᓇᕐᓂᖃᑦᓯᐊᕋᑦᓯ, ᒎᑎᐅᓪᓗ ᐅᖃᐅᓯᖓ ᐃᓗᑦᓯᓐᓃᒻᒪᑦ, ᐱᐅᖏᑦᑐᐊᓗᒡᓗ ᓵᓚᒋᓯᒪᒐᑦᓯᐅᒃ.

ᔪᐊᓇᓯ ᓯᕗᓪᓖᑦ 2:24

ᐱᒋᐊᕐᓂᖓᓂᑦ ᑐᓴᕐᓯᒪᔭᓯ ᐃᓕᑦᓯᓃᖏᓐᓇᕐᓕ. ᐱᒋᐊᕐᓂᖓᓂᑦ ᑐᓴᕐᓯᒪᔭᓯ ᐱᓯᒤᓐᓇᕈᑦᓯᐅ, ᑕᕝᕙ ᐃᕐᓂᕐᒦᖏᓐᓇᕐᓂᐊᕐᐳᓯ ᐊᑖᑕᒦᓪᓗᓯᓗ

ᔪᐊᓇᓯ ᓯᕗᓪᓖᑦ 2:27

ᐃᓕᑦᓯᓕ, ᑖᑦᓱᒪᓐᖓᑦ ᐅᕐᓱᕐᑎᕐᑕᐅᓯᒪᓂᓯ ᐱᓯᒤᓐᓇᕈᑦᓯᐅᒃ, ᑭᓇᒧᓪᓘᓃᑦ ᐊᔪᕆᕐᑐᕐᑕᐅᔭᕆᐊᖃᕋᔭᓐᖏᓚᓯ. ᑖᑦᓱᒪᓕ ᐅᕐᓱᕐᑎᑕᐅᓯᒪᓂᑦᓯ ᐊᔪᕆᕐᓱᒐᕆᓕᕐᒪᓯ ᓱᓇᑐᐃᓐᓇᕐᓂᒃ, ᑕᒪᓐᓇᓗ ᓱᓕᓪᓗᓂ, ᓴᒡᓗᓂᕐᑕᖃᕋᓂᓗ; ᐊᔪᕆᕐᓲᕐᑎᒋᓯᒪᒐᑦᓯᐅᒃ ᑖᑦᓱᒪᓃᖏᓐᓇᓕᕆᑦᓯ.

ᔪᐊᓇᓯᐅᑉ ᐂᑉᐸᖏᑦ 1:2

ᓱᓕᔪᖅ ᐃᓗᑦᑎᓐᓃᑦᑐᖅ ᐅᕙᑦᑎᓐᓃᑦᓮᓐᓇᕐᓂᐊᕐᒪᑦ ᐃᓱᖃᖏᑦᑐᒧᑦ:

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:3

ᐃᓐᖏᕐᐳᓪᓗ ᐃᓐᖏᕈᒻᒥᒃ ᓄᑖᒥᒃ ᐃᒃᓯᕙᐅᑕᕐᔪᐊᑉ ᓵᖓᓂ ᐆᒪᔪᓪᓗ ᓯᑕᒪᑦ ᐊᖓᔪᖅᑳᖑᔪᓪᓗ ᓵᖏᓐᓂ. 144,000 ᐊᓯᖏᓐᓄᑦ ᐃᓕᑕᐅᔪᓐᓇᖏᑦᑐᒥᒃ ᐃᓐᖏᕐᐳᑦ ᑖᒃᑯᐊ ᐊᑭᓕᕐᑕᐅᓪᓗᑎᒃ ᐅᑎᕐᑎᑕᐅᓯᒪᔪᑦ ᓄᓇᕐᔪᐊᕐᒥᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:3

ᐃᓐᖏᕐᐳᓪᓗ ᒨᓯᓯᐅᑉ ᐃᓐᖏᕈᑎᖓᓂᒃ, ᒎᑎᐅᑉ ᐱᔨᖓᑕ, ᓄᕐᕋᐅᔭᐅᓪᓗ ᐃᓐᖏᕈᑎᖓᓂᒃ, ᐅᖃᕐᓗᑎᒃ: “ᐊᑕᓃᖅ ᒎᑎ ᐊᔪᒐᖃᖏᑦᑐᑎᑦ! ᐱᓂᐊᕐᓂᑎᑦ ᐊᖏᔪᕐᔫᕗᑦ ᐱᐅᔪᐊᓘᓪᓗᑎᒡᓗ, ᐊᖅᑯᑎᑎᑦ ᓈᒻᒪᑦᓯᐊᕐᐳᑦ ᓱᓕᓪᓗᑎᒡᓗ, ᐊᖓᔪᖅᑳᕐᔪᐊᖑᕗᑎᑦ ᐃᓱᖃᖏᑦᑐᒧᑦ!

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:10

ᑕᕝᕙ ᐃᑎᒐᖏᓐᓄᑦ ᐹᒻᒪᒃᐳᖓ ᒥᑭᒡᓕᑎᕐᓗᖓ ᐅᐱᒋᕕᒃᔪᐊᕈᒪᓪᓗᒍ, ᑖᑦᓱᒪᓕ ᐅᖃᐅᑎᕚᖓ, “ᑍᒤᓕᐅᕆᐊᖃᓐᖏᓚᑎᑦ! ᐱᔨᑐᐃᓐᓇᐅᖃᑕᐅᕗᖓ ᐃᓕᒃᑐᑦ ᐅᒃᐱᖃᑎᒃᑐᓪᓗ ᐅᖅᑲᕆᒃᓴᐅᑦᔨᔪᓄᑦ ᔩᓱᓯᒥᒃ. ᒎᑎᓕ ᐅᐱᒋᕕᒃᔪᐊᕆᐊᖃᕐᐸᑦ.” ᔩᓱᓯᐅᑉ ᓇᓗᓁᔭᓚᐅᕐᑕᖓ ᐊᓂᕐᓂᐅᕗᖅ ᓇᓚᐅᑦᑍᔪᑦ ᐱᔪᓐᓇᐅᑎᒋᓚᐅᕐᑕᖓᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:9

ᐃᓐᖏᕐᓯᕗᓪᓗ ᐃᖏᕈᒻᒥᒃ ᓄᑖᒥᒃ, ᐅᖃᕐᓗᑎᒃ: “ᐊᒡᓚᖕᓂᒃ ᐃᒧᓯᒪᔪᓂᒃ ᐃᓯᕕᑦᓯᔪᓐᓇᕐᑎᑕᐅᔪᑑᕗᑎᑦ ᓇᕿᑦᔪᑎᖏᓐᓂᒃ ᐲᕐᓯᔪᓐᓇᕋᕕᑦ, ᑐᖁᑕᐅᓚᐅᕋᕕᑦ ᐊᐅᖕᓄᓪᓗ ᐃᓄᐃᑦ ᐊᑭᓕᓚᐅᕐᐸᑎᑦ ᒎᑎᒧᑦ ᐅᑎᕐᑎᓪᓗᒋᑦ, ᑭᖑᕚᕇᓕᒫᓂᑦ ᐅᖃᐅᓯᖃᑎᒌᖏᑦᑐᓂᑦ ᐃᓄᒐᓴᒡᔪᐊᓂᑦ ᐃᓅᖃᑎᒌᒡᔪᐊᓂᓪᓗ.