ᑯᓘᓯᐊᒥᐅᓄᑦ 3:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑍᒤᒻᒪᑦ ᐊᓐᓄᕌᕐᓯᒪᓕᕆᑦᓯ ᒎᑎᐅᑉ ᓂᕈᐊᕐᓯᒪᔭᖏᑎᑐᑦ, ᐃᑦᔪᕐᓁᑦᑐᑎᑐᑦ, ᓇᒡᓕᒋᔭᐅᔪᑎᑐᓪᓗ, ᐊᓐᓄᕌᕐᓯᒪᓗᓯ ᓇᒡᓕᖕᓂᕐᒥᒃ, ᐱᑦᓯᐊᕐᓂᕐᒥᒃ, ᒥᑭᒡᓕᑎᕐᓯᒪᓂᕐᒥᒃ, ᐱᐅᔪᕆᖏᓐᓂᕐᒥᒃ, ᕿᓄᐃᓵᕐᓂᕐᒥᒡᓗ.

ᑯᓘᓯᐊᒥᐅᓄᑦ 3:12 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 42:1

“ᑕᑯᓯᐅᒃ ᐱᔨᒐ, ᑖᓐᓇ ᓴᐳᑎᓯᒪᔭᕋ, ᓂᕈᐊᕐᓯᒪᔭᕋ ᑕᕐᓂᕐᒪ ᖁᕕᐊᒋᔭᖓ, ᐊᓂᕐᓂᓐᓂᒃ ᐃᓗᒻᒥᕐᑎᓯᒪᔭᕋ; ᑖᑦᓱᒪ ᐃᓅᖃᑎᒌᒡᔪᐊᑦ ᐊᑦᔨᒌᒃᑎᑦᓯᓂᕐᒥᒃ ᑐᓂᓯᕕᒋᔪᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 45:4

ᔧᑯ ᐱᔨᒐ ᐱᓪᓗᒍ, ᐃᓴᕆᐊᓕᓗ ᓂᕈᐊᕐᓯᒪᔭᕋ, ᐊᑏᑦ ᑍᓪᓗᒍ ᕾᖁᓚᐅᕐᐸᒋᑦ, ᐊᑎᕐᑖᕐᑎᓚᐅᕐᐸᒋᑦ ᐅᕙᓐᓂᒃ ᖃᐅᔨᒪᓐᖏᑲᓗᐊᕐᑎᓪᓗᑎᑦ.

ᐂᓮᐊᓯᐅᑉ ᐊᒡᓚᖏᑦ 63:15

ᐊᒻᒧᑦ ᑕᑯᓴᓚᐅᕆᑦ ᕿᓚᖕᒥᑦ ᑕᑯᓗᑎᓪᓗ, ᐃᑦᔪᕐᓁᑦᑐᒥᑦ ᓂᕐᑐᕐᓇᕐᑐᒥᓪᓗ ᐃᓂᒋᔭᕐᓂᑦ, ᓇᐅᒡᓕ ᐊᔪᐃᓐᓇᕈᓐᓇᕐᓃᑦ ᐱᔪᓐᓇᕐᓂᕐᔪᐊᓪᓗ? ᐆᒻᒪᑎᕕᓪᓗ ᐊᑯᓂᒍᓱᖕᓂᖓ ᓇᒡᓕᒍᓱᖕᓃᓪᓗ ᐅᕙᑦᑎᓐᓄᑦ ᑎᑭᑎᑦᓱᓐᓁᓪᓕᒐᕕᒋᑦ.

ᐂᓮᐊᓯᐅᑉ ᐊᒡᓚᖏᑦ 65:22

ᐊᓯᒥ ᐃᒡᓗᒋᓂᐊᕐᑕᖏᓐᓂᒃ ᐃᒡᓗᓕᐅᕐᑐᖃᕐᐸᒍᓐᓃᕈᒫᕐᐳᖅ, ᐱᕈᕐᓰᕕᓕᐅᕐᐸᒍᓐᓃᕐᓗᑎᒡᓗ ᐊᓯᖏᑕ ᓂᕿᒃᓴᖃᕐᕕᒋᓂᐊᕐᑕᖏᓐᓂᒃ, ᓇᐹᕐᑑᑉ ᐆᒪᓂᕆᕙᒃᑕᖓᑐᑦ ᐃᓄᖁᑎᒃᑲ ᐆᒪᑯᑖᒃᑎᒋᖃᑦᑕᕉᒪᕐᐳᑦ, ᓂᕈᐊᕐᓯᒪᔭᒃᑲ ᐱᓇᓱᐊᕈᑎᒋᖃᑦᑕᕐᑕᒥᖕᓂᒃ ᐊᒡᒐᖕᒥᖕᓄᑦ ᐊᑯᓂ ᖁᕕᐊᓲᑎᖃᖃᑦᑕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 65:9

ᑭᖑᕚᕐᑖᕐᑎᑦᓱᒫᕐᐸᒃᑲ ᔧᑰᑉ ᑭᖑᕚᖏᓐᓂᑦ ᐱᔪᓂᒃ, ᔫᑕᐅᓪᓗ ᑭᖑᕚᖏᑦᑕ ᖃᖅᑲᖁᑎᒃᑲ ᐱᒋᔪᒫᕐᐹᑦ; ᓂᕈᐊᕐᓯᒪᔭᒪ ᐱᒋᓕᕈᒫᕐᐹᑦ, ᐱᔨᒃᑲᓗ ᓄᓇᖃᕈᒫᕐᐳᑦ ᑕᕝᕙᓂ.

ᔨᕆᒤᐊᐅᑉ ᐊᒡᓚᖏᑦ 31:20

ᐃᕗᕅᑎ ᐃᕐᓂᕆᓐᖏᓚᕌ? ᕿᑐᕐᖓᕆᓪᓗᒍ ᖁᕕᐊᒋᕙᕋ ᐊᑭᕋᕐᑐᕐᑑᔮᕐᓗᒍ ᐅᖃᕐᕕᒋᕙᒃᑕᕋᓗᐊᕋ, ᑭᓯᐊᓂ ᐳᐃᒍᑦᔮᓐᖏᓚᒋᑦ ᐆᒻᒪᑎᒃᑯᑦ ᐅᖓᒋᕙᒋᑦ, ᐃᓚᑦᓱᒋᓪᓗᑎᓪᓗ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 31:3

ᐊᑕᓂᖅ ᓯᕗᓕᑦᑎᓐᓄᑦ ᓴᖅᑭᑉᐸᓚᐅᕐᐳᖅ, ᐅᖃᕐᓯᒪᓪᓗᓂᓗ, ᓇᒡᓕᒋᕙᑦᓯ ᓇᒡᓕᒍᓱᖕᓂᕐᒧᑦ ᐃᓱᓕᓐᓂᐊᖏᑦᑐᒧᑦ, ᕾᖁᓚᐅᕐᐸᑦᓯᓗ ᓇᒡᓕᒍᓱᖕᓂᓐᓄᑦ ᐱᑦᓯᐊᕐᕕᒋᓪᓗᓯ.

ᐃᓯᑭᐊᓕᐅᑉ ᐊᒡᓚᖏᑦ 16:8

“ᐊᖅᑯᓵᓕᕐᒥᒐᒃᑭᑦ ᑕᑯᓕᓚᐅᕆᕙᒋᑦ, ᑕᑯᒋᑦ, ᐂᑉᐸᖃᕈᓐᓇᓕᓚᐅᕐᐳᑎᑦ; ᐊᓐᓄᕌᖃᖏᓐᓇᕕᑦ ᐊᑐᕐᑕᓐᓂᒃ ᖃᓪᓕᕐᐹᒥᒃ ᐅᓕᓚᐅᕐᐸᒋᑦ ᐊᓐᓄᕌᖃᖏᓐᓃᑦ ᑕᓕᑎᑕᐅᖁᓪᓗᒍ: ᐃᓛᒃ, ᓄᓕᐊᕐᑖᕆᔪᒪᓪᓗᑎᑦ ᐊᖏᖃᑎᒌᒍᑎᓕᐅᓚᐅᕐᐳᖓ, ᐱᑖᕆᓚᐅᕐᐸᒋᓪᓗ, ᐊᑕᓂᖅ ᒎᑎ ᐅᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 24:22

ᐅᓪᓗᐃᑦ ᑍᒃᑯᐊ ᒎᑎᐅᑉ ᓁᒡᓕᒋᐊᓐᖏᑉᐸᒋᑦ, ᓇᓪᓕᐊᓐᓂᒡᓘᓐᓃᑦ ᐃᓄᖕᒥᒃ ᐊᓐᓇᒃᑐᖃᕋᔭᓐᖏᓚᖅ; ᓂᕈᐊᕐᓯᒪᔭᓂᓕ ᐱᑦᔪᑎᒋᓪᓗᒋᑦ ᒎᑎᐅᑉ ᐅᓪᓗᐃᑦ ᓁᒡᓕᒋᐊᕈᒫᕐᐰᑦ.

ᒫᑎᐅᓯᐅᑉ ᐊᒡᓚᖏᑦ 24:24

᙭ᔅᑑᓯᐅᓂᕋᕐᑐᑦ ᓱᓕᖏᑦᑐᑦ, ᓇᓚᐅᑦᑍᔫᓂᕋᕐᑐᓪᓗ ᓱᓕᖏᑦᑐᑦ ᓴᖅᑭᑦᓱᒫᕐᒪᑕ; ᐊᖏᔪᓂᒃ ᑲᒪᓇᕐᑐᓕᖃᑦᑕᕐᓗᑎᒃ ᓇᓗᓁᒃᑯᑕᕐᓂᒡᓗ ᓴᖅᑭᔮᕐᑎᑦᓯᖃᑦᑕᕈᒫᕐᒪᑕ, ᑕᒻᒪᕐᑎᑦᓯᓇᓱᐊᕐᓗᑎᒃ, ᐊᒡᓛᑦ ᓂᕈᐊᕐᑕᐅᓯᒪᔪᑦ ᐊᔪᕐᓇᖏᑉᐸᑕ ᑕᒻᒪᕐᑎᓐᓇᓱᐊᕐᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 24:31

ᑕᕝᕙ ᑎᑦᑐᓚᐅᑎᕐᔪᐊᑦ ᓂᐱᖏᑦ ᓂᓪᓕᕈᒫᕐᐳᑦ, ᐂᖏᓕᖁᑎᓂ ᑎᓕᔪᒫᕐᐰᑦ ᓄᓇᕐᔪᐊᓕᒫᒧᑦ ᓄᓇᐅᑉ ᐊᓄᕌᕐᕕᒋᓲᖏᓐᓄᑦ ᓯᑕᒪᓄᑦ, ᑖᒃᑯᐊ ᑲᑎᕐᓯᔪᒫᕐᐳᑦ ᑖᑦᓱᒪ ᓂᕈᐊᕐᓯᒪᔭᖏᓐᓂᒃ ᓄᓇᐅᑉ ᐃᓱᐊᓂᑦ ᐃᓱᐊᓄᑦ.”

ᒫᑯᓯᐅᑉ ᐊᒡᓚᖏᑦ 13:20

ᐊᑕᓂᐅᑉ ᐅᓪᓗᐃᑦ ᓁᒡᓕᒋᐊᕐᓂᐊᖏᑉᐸᒋᑦ, ᐃᓄᓕᒫᑦ ᐱᐅᓕᔭᐅᔪᖃᕋᔭᓐᖏᓚᑦ; ᓂᕈᐊᕐᓯᒪᔭᓂᓕ ᐱᑦᔪᑎᒋᓪᓗᒋᑦ, ᐅᓪᓗᐃᑦ ᑖᒃᑯᐊ ᓁᒡᓕᒋᐊᕐᓯᒪᕔᑦ.

ᒫᑯᓯᐅᑉ ᐊᒡᓚᖏᑦ 13:22

᙭ᔅᑑᓯᐅᓂᕋᕐᑐᑦ ᓱᓕᖏᑦᑐᑦ, ᓇᓚᐅᑦᑍᔫᓂᕋᕐᑐᓪᓗ ᓱᓕᖏᑦᑐᑦ ᓴᖅᑭᕈᒫᕐᒪᑕ ᓇᓗᓁᒃᑯᑕᕐᓂᒃ ᓴᖅᑭᑎᑦᓯᔪᒫᕐᐳᑦ ᑲᒪᓇᕐᑐᓕᓂᕐᓂᒡᓗ, ᑕᒻᒪᕐᑎᑦᓯᓗᑎᒃ, ᐊᒡᓛᑦ ᓂᕈᐊᕐᑕᐅᓯᒪᔪᑦ ᐊᔪᕐᓇᓐᖏᑉᐸᑕ ᑕᒻᒪᕐᑎᓐᓇᓱᐊᕐᓗᒋᑦ.

ᒫᑯᓯᐅᑉ ᐊᒡᓚᖏᑦ 13:27

ᑖᑦᓱᒪ ᐂᖏᓖᑦ ᑎᓕᔪᒫᕐᐰᑦ, ᑲᑎᕐᓱᐃᖁᓪᓗᒋᑦ ᓂᕈᐊᕐᓯᒪᔭᖏᓐᓂᒃ ᓄᓇᕐᔪᐊᑉ ᐊᓄᕌᕐᕕᒋᕙᒃᑕᖏᓐᓂᑦ ᓯᑕᒪᓂᑦ, ᓄᓇᕐᔪᐊᑉ ᐃᓱᐊᓂᑦ ᕿᓚᐅᑉ ᐃᓱᐊᓄᑦ.”

ᓘᑲᓯᐅᑉ ᐊᒡᓚᖏᑦ 1:78

ᒎᑎᑦᑕ ᓂᑲᒍᓱᖕᓂᕐᔪᐊᖓᒍᑦ, ᐱᐅᓕᔭᐅᓂᖅ ᖃᐅᓕᕐᑐᑐᑦ ᐅᓪᓛᑐᑦ ᓴᖅᑭᑎᑦᓱᒫᕐᐹ ᐅᕙᑦᑎᓐᓄᑦ.

ᓘᑲᓯᐅᑉ ᐊᒡᓚᖏᑦ 18:7

ᒎᑎᐅᓪᓖ ᐃᓄᖁᑎᓂ, ᕿᓄᐃᓐᓇᓕᕐᐸᑕ ᐅᓪᓗᒃᑯᑦ ᐅᓐᓄᐊᑯᓪᓗ ᐃᑲᔪᕐᑕᐅᔪᒪᓗᑎᒃ? ᐱᒋᐊᕐᓇᓵᕋᔭᕐᐹ ᐃᑲᔪᕐᑕᐅᔪᒪᑎᓪᓗᒋᑦ?

ᕉᒪᒥᐅᓄᑦ 1:7

ᕉᒪᒥᐅᑕᓕᒫᖑᔪᓯ ᑎᑎᕋᕐᕕᒋᕙᑦᓯ ᒎᑎᐅᑉ ᓇᒡᓕᒋᔭᖏᑦ, ᐃᑦᔪᕐᓁᑦᑑᓗᑎᒃ ᐃᓄᖁᑎᒋᔪᒪᓪᓗᓂᒋᑦ ᕾᖁᔭᖏᑦ: ᒎᑎᐅᑉ ᐊᑖᑕᑦᑕ ᐊᑕᓂᑦᑕᓗ ᔩᓱᓯ ᙭ᔅᑑᓯᐅᑉ ᑐᓂᓯᕕᒋᓕᓯ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᒥᓂᒃ ᖃᓄᐃᖏᑦᓯᐊᕐᑎᑦᓯᓂᖓᓂᒡᓗ.

ᕉᒪᒥᐅᓄᑦ 13:14

ᐊᑕᓂᖅ ᔩᓱᓯ ᙭ᔅᑑᓯ ᐊᑎᓕᕐᓯᐅᒃ, ᑎᒥᐅᑉ ᐃᓕᖅᑯᓯᖓ ᓈᓚᒍᓐᓃᕐᓯᐅᒃ, ᐱᔪᒪᓂᖓ ᓈᒻᒪᒃᓯᑎᓐᓇᓱᐊᕈᓐᓃᕐᓗᒍ.

ᕉᒪᒥᐅᓄᑦ 9:11

ᓱᓕ ᐃᓅᓚᐅᕐᑎᓐᓇᒋᒃ ᐱᐅᔪᒥᒡᓘᓐᓃᑦ ᐱᐅᖏᑦᑐᒥᒡᓘᓐᓃᑦ ᓱᓕ ᐊᑐᓚᐅᕐᑎᓐᓇᒋᒃ, ᒎᑎᐅᑉ ᓂᕈᐊᕐᓯᓂᖓ ᕾᖁᔨᓂᕐᒥᒍᑦ ᑲᔪᓯᖁᓪᓗᒍ, ᐱᓂᐊᕐᓂᕐᒥᒃ ᐱᑦᔪᑎᖃᕐᑎᓐᓇᒍ ᕾᖁᔨᓂᖓᓕ ᐱᑦᔪᑎᒋᓪᓗᒍ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:4

ᓇᒡᓕᖕᓂᖅ ᕿᓄᐃᓵᕈᓐᓇᕐᐳᖅ ᐱᑦᓯᐊᕈᓐᓇᕐᓗᓂᓗ; ᓇᒡᓕᖕᓂᖅ ᐊᓐᓂᕈᑦᔨᓐᖏᓚᖅ, ᐱᐅᔪᕆᓇᓂᓗ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:6

ᐃᒃᖠᒎᕐᓂᕐᒧᑦ ᓵᓚᐅᑦᑍᓕᓪᓗᑕ, ᖃᐅᔨᒪᑦᓯᐊᕐᓗᑕ, ᕿᓄᐃᓵᕐᓗᑕ, ᐱᑦᓯᐊᕐᓗᑕ, ᐊᓂᕐᓂᒃᑯᑦ ᐃᑦᔪᕐᓁᑦᑐᒃᑯᑦ, ᓱᓕᔪᒥᒃ ᓇᒡᓕᖕᓂᖃᕐᓗᑕ,

ᒐᓔᑎᐊᒥᐅᓄᑦ 5:6

᙭ᔅᑑᓯ ᔩᓱᓯᒥ ᑭᐱᓯᒪᓂᖅ ᑭᐱᓯᒪᖏᓐᓂᕐᓗ ᐊᑐᖏᒻᒪᑎᒃ, ᐅᒃᐱᕐᓂᒃᑯᓪᓕ ᐱᓇᓱᐊᕐᓂᖅ ᓇᒡᓕᖕᓂᒃᑯᑦ ᐊᑐᕐᑐᑑᕗᖅ.

ᐃᐱᓯᒥᐅᓄᑦ 1:4

ᐊᒡᓛᑦ ᓯᓚᕐᔪᐊᖅ ᓴᓇᔭᐅᓚᐅᖅᑳᕐᑎᓐᓇᒍ ᒎᑎᐅᑉ ᓂᕈᐊᓚᐅᕐᐹᑎᒍᑦ ᙭ᔅᑑᓯᒃᑯᑦ, ᐃᑦᔪᕐᓁᖁᓪᓗᑕ ᐸᓯᔭᒃᓴᐅᓂᖃᖁᓇᑕᓗ ᑖᑦᓱᒪ ᓵᖓᓂ ᓇᒡᓕᖕᓂᕐᒥᒍᑦ.

ᐃᐱᓯᒥᐅᓄᑦ 4:2

ᑍᒪᓐᖓᑦ ᒥᑭᓕᑎᕐᓯᒪᓗᓯ ᐱᐅᔪᕆᖏᓪᓗᓯᓗ, ᕿᓄᐃᓵᕐᓗᓯ, ᐃᓕᑦᓯᓐᓄᑦ ᐊᑐᓂᑦ ᓇᒡᓕᖕᓂᕐᒥᒃ ᓴᖅᑭᑎᑦᓯᒋᑦᓯ ᐃᑲᔪᕐᑎᒌᖕᓂᒃᑯᑦ,

ᐃᐱᓯᒥᐅᓄᑦ 4:24

ᐃᓅᓯᖅ ᓄᑖᖅ ᐊᑎᓕᕐᓯᐅᒃ, ᐱᓐᖑᕐᑎᑕᐅᓯᒪᔪᖅ ᒎᑎᒧᑦ ᐊᑦᔨᐅᖁᓪᓗᒍ ᓴᖅᑭᑎᑦᓯᓗᓂᓗ ᐃᓅᓯᕐᒥᒃ ᓱᓕᔪᒥᒃ ᐋᖅᑭᑦᓯᐊᕐᓯᒪᔪᒥᒃ ᐃᑦᔪᕐᓁᑦᑐᒥᒡᓗ.

ᐃᐱᓯᒥᐅᓄᑦ 4:32

ᐃᒫᒡᓕ ᐱᓕᕆᑦᓯ, ᐃᓕᑦᓯᓐᓄᑦ ᐱᑦᓯᐊᖃᑦᑕᐅᑎᓗᓯ, ᓂᑲᒋᖃᑦᑕᐅᑎᓗᓯᓗ ᐊᑐᓂᑦ, ᐃᓱᒪᒋᔪᓐᓁᖃᑦᑕᐅᑎᕙᒡᓗᓯᓗ, ᓲᕐᓗ ᒎᑎᐅᑉ ᐃᓱᒪᒋᔪᓐᓁᕐᕕᒋᓚᐅᕐᒪᓯ ᙭ᔅᑑᓯᒃᑯᑦ.

ᐱᓕᐱᒥᐅᓄᑦ 1:8

ᒎᑎᐅᑉ ᖃᐅᔨᒪᕚᖓ ᐅᖃᕐᑎᓪᓗᖓ ᓱᓕᑦᓯᐊᕐᓂᓐᓂᒃ, ᐃᓕᑦᓯᓐᓂᒃ ᓇᒡᓕᒍᓱᓪᓚᕆᖕᓂᕋ ᔩᓱᓯ ᙭ᔅᑑᓯᒥᑦ ᐱᖕᒪᑦ.

ᑯᓘᓯᐊᒥᐅᓄᑦ 3:10

ᐃᓅᓯᕐᒥᒡᓗ ᓄᑖᒥᒃ ᐊᑎᓯᓯᒪᓕᕋᑦᓯ, ᑕᒪᓐᓇᓗ ᓄᑖᓐᖑᕐᑎᑕᐅᕙᓪᓕᐊᕗᖅ ᖃᐅᔨᕙᓪᓕᐊᓂᒃᑯᑦ ᒎᑎ ᐱᓐᖑᕐᑎᑦᓯᔨᓂ ᐊᑦᔨᒋᓗᒍ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:15

ᑲᒪᑦᓯᐊᕆᑦᓯ ᐱᐅᖏᑦᑐᖅ ᐊᑭᓂᐊᕐᑍᓕᓗᒍ ᐱᐅᖏᑦᑑᖕᒥᔪᒧᑦ, ᐱᑦᓯᐊᕈᒪᓂᕐᒥᒡᓕ ᑍᒪᓐᖓᑦ ᐱᓇᓱᐊᕈᒪᔭᖃᕆᑦᓯ ᐃᓅᖃᑎᑦᓯᓐᓄᑦ ᐃᓄᓕᒫᓄᓪᓗ.

ᑎᒧᑎᒧᑦ ᐂᑉᐸᖏᑦ 1:9

ᑖᑦᓱᒪ ᐱᐅᓕᓚᐅᕐᒪᑎᒍᑦ ᕾᖁᓪᓗᑕᓗ ᕾᖁᔨᓂᕐᒧᑦ ᐃᑦᔪᕐᓁᑦᑐᒧᑦ, ᐱᓇᓱᐊᕈᓐᓇᕐᓂᕗᑦ ᐱᑦᔪᑎᒋᓇᒋᑦ ᐱᓇᓱᐊᕈᒪᔭᓂᓕ ᐱᑦᔪᑎᒋᓪᓗᒍ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᑐᓂᕐᕈᑎᒋᓯᒪᔭᖓ ᙭ᔅᑑᓯ ᔩᓱᓯᒃᑯᑦ ᓱᓇᓕᒫᑦ ᐱᒋᐊᓚᐅᖅᑳᕐᑎᓐᓇᒋᑦ.

ᑎᒧᑎᒧᑦ ᐂᑉᐸᖏᑦ 2:10

ᑍᒤᒻᒪᑦ ᑕᒪᕐᒥᒃ ᕿᓄᐃᓵᕈᑎᒋᕙᒃᑲ ᒎᑎᐅᑉ ᓂᕈᐊᕐᓯᒪᔭᖏᑦ ᐱᑦᔪᑎᒋᓪᓗᒋᑦ, ᑖᒃᑯᐊᑦᑕᐅᖅ ᐱᐅᓕᔭᐅᔪᓐᓇᖁᓪᓗᒋᑦ ᙭ᔅᑑᓯ ᔩᓱᓯᒃᑯᑦ ᐃᓱᖃᖏᑦᑐᒧᑦ ᐱᓐᓇᕐᓇᕐᑐᕐᔪᐊᖅ ᐃᓚᒋᓗᒍ.

ᑍᑑᓯᒧᑦ 1:1

ᐸᐅᓗᓯᒥᑦ, ᒎᑎᐅᑉ ᐱᔨᖓᓂᑦ ᔩᓱᓯᐅᓪᓗ ᙭ᔅᑑᓯᐅᑉ ᐋᐴᓯᑕᓕᖓᓂᑦ, ᒎᑎᐅᑉ ᓂᕈᐊᕐᓯᒪᔭᖏᓐᓄᑦ ᓱᓕᔪᒥᒡᓗ ᖃᐅᔨᓯᒪᔪᓄᑦ ᐊᑕᐅᓯᐅᓕᖓᑎᑦᓯᔪᒧᑦ ᐅᒃᐱᕐᓂᑦᑎᓐᓄᓪᓗ.

ᐲᑦᑐᕉᓯ ᓯᕗᓪᓖᑦ 1:2

ᓂᕈᐊᕐᑕᐅᓯᒪᕗᓯ ᒎᑎᒧᑦ ᐊᑖᑕᒧᑦ ᐱᓂᐊᕐᑕᐅᖁᔭᖓᓄᑦ ᐃᑦᔪᕐᓁᑎᑕᐅᖁᓪᓗᓯ ᐊᓂᕐᓂᖓᓄᑦ ᒪᓕᑦᓯᐊᖁᓪᓗᓯ ᔩᓱᓯ ᙭ᔅᑑᓯᒥᒃ ᐊᐅᖓᓄᓪᓗ ᓴᓗᒻᒪᕐᑎᑕᐅᓗᓯ: ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓮᒻᒪᕐᑎᑕᐅᓇᕐᑐᖅ ᐱᕙᓪᓕᐊᓕ ᐃᓕᑦᓯᓐᓄᑦ.

ᐲᑦᑐᕉᓯ ᐂᑉᐸᖏᑦ 1:10

ᑍᒤᒻᒪᑦ ᐅᒃᐱᖃᑎᒃᑲ, ᐊᒃᓱᕈᒃᑲᓐᓂᕆᐊᖃᕐᐳᓯ ᕾᖁᔭᐅᓯᒪᓂᓯ ᓂᕈᐊᕐᑕᐅᓯᒪᓂᓯᓗ ᑲᔪᓯᑎᓐᓇᓱᐊᕐᓗᒋᑦ, ᑍᒤᒃᑯᑦᓯ ᐅᒃᐱᕐᓂᕐᒥᑦ ᑲᑕᖕᓂᐊᓐᖏᒻᒪᕆᒃᐳᓯ;

ᔪᐊᓇᓯ ᓯᕗᓪᓖᑦ 4:19

ᓇᒡᓕᖕᓂᖃᕐᐳᒍᑦ, ᑖᑦᓱᒪ ᓇᒡᓕᒋᖅᑳᓚᐅᕐᒫᑎᒍᑦ.

ᔪᐊᓇᓯᐅᑉ ᐂᑉᐸᖏᑦ 1:13

ᐅᒃᐱᖃᑎᕕᑦ ᐊᕐᓇᐅᑉ ᓂᕈᐊᕐᑕᐅᓯᒪᔫᑉ ᕿᑐᕐᖓᖏᑕ ᑕᕝᕙᐅᕗᑏᕐᐹᑎᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:14

ᑖᒃᑯᐊᓗ ᐅᓇᑕᕈᒫᕐᐳᑦ ᓄᕐᕋᐅᔭᒥᒃ, ᓄᕐᕋᐅᔭᕐᓕ ᓵᓚᖃᕈᒫᕐᐳᖅ ᑖᒃᑯᓂᖓ, ᐊᑕᓂᐅᒐᒥ ᐊᑕᓂᕐᓄᑦ ᐊᖓᔪᖅᑳᕐᔪᐊᖑᓪᓗᓂᓗ ᐊᖓᔪᖅᑳᕐᔪᐊᓄᑦ, ᐃᓚᖃᕈᒫᕐᒪᑦ ᕾᖁᔭᐅᓯᒪᔪᓂᒃ ᓂᕈᐊᕐᑕᐅᓯᒪᔪᓂᒡᓗ ᓱᕐᕋᔪᐃᑦᑐᒥᒃ ᒪᓕᒃᑎᐅᔪᓂᒃ ᑖᑦᓱᒥᖓ.”