ᑯᓘᓯᐊᒥᐅᓄᑦ 2:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᑕᕝᕙᓂ ᐱᔪᓐᓇᕐᓃᑦ ᐊᖓᔪᖅᑲᐅᕖᓪᓗ ᐱᔪᓐᓇᕐᓃᕈᑎᓚᐅᕐᐰᑦ, ᓯᓚᕐᔪᐊᕐᒥᐅᓄᓪᓗ ᑲᓐᖑᓇᕐᓯᑎᓪᓗᒋᑦ, ᓵᓚᒋᓚᐅᕐᐰᑦ ᓴᓐᓂᖓᔪᓕᖕᒥ.

ᑯᓘᓯᐊᒥᐅᓄᑦ 2:15 Iomraidhean Croise

ᒨᓯᓯ ᓯᕗᓪᓖᑦ 3:15

ᐊᕐᓇᕐᓗ ᐊᑭᕋᕇᒃᑎᓐᓂᐊᓕᕐᐸᑦᓯᒃ, ᑭᖑᕚᑎᓪᓗ ᑭᖑᕚᖏᓪᓗ ᐊᑭᕋᕇᒃᓗᑎᒃ; ᑖᑦᓱᒪ ᑭᖑᕚᖓᑕ ᓂᐊᖁᐃᑦ ᑎᒡᓘᔭᕐᑎᑦᓱᒫᕐᐹ, ᐃᕝᕕᓪᓕ ᑭᖑᕚᖓ ᑭᖕᒥᖓᒍᑦ ᑎᒡᓘᔭᕐᑎᑦᓱᒫᕐᐸᑦ.”

ᐃᓐᖏᕈᑎᑦ 68:18

ᖁᒻᒧᐊᒃᐳᑎᑦ ᖁᑦᓯᒃᑐᒧᑦ, ᑎᒍᔭᐅᓯᒪᔪᑦ ᓇᒃᓴᕐᓗᒋᑦ, ᑐᓂᕐᕈᑎᓂᒡᓗ ᐃᓄᖕᓂᑦ ᐱᑎᑕᐅᕗᑎᑦ, ᐊᑭᕋᕐᑐᕐᑐᓂᑦ ᐊᒡᓛᑦ, ᐊᑕᓂᖅ ᒎᑎ ᐃᓂᖃᖁᓪᓗᒍ ᑍᑲᓂ.

ᐂᓮᐊᓯᐅᑉ ᐊᒡᓚᖏᑦ 53:12

ᑍᒤᒻᒪᑦ ᐊᔪᖏᑦᑐᓄᑦ ᐊᕕᖃᑕᐅᑎᑦᓱᒫᕐᐸᕋ ᐱᑖᕆᔭᒃᓴᖏᓐᓂᒃ, ᐊᒡᒍᐃᖃᑕᐅᔪᒫᕐᐳᖅ ᐅᓇᑕᕐᓂᕐᒥ ᓵᓚᖃᕐᑐᑦ ᐱᑖᖏᓐᓂᒃ ᓴᓐᖏᔪᑦ ᐃᓚᒋᓗᒋᑦ; ᐃᓅᓯᕐᒥᓂᒃ ᑐᓂᓯᓚᐅᕐᒪᑦ ᑐᖁᒧᑦ, ᐊᔪᕐᑐᓕᔪᓄᑦ ᐃᓚᓕᐅᑎᓯᒪᓚᐅᕐᓂᖓᓄᑦ; ᑎᒍᒥᐊᓚᐅᕐᐳᕐᓗ ᐅᓄᕐᑐᑦ ᐊᔪᕐᓂᖏᓐᓂᒃ, ᐊᔪᕐᑐᓕᔪᓪᓗ ᑐᒃᓯᐅᑎᓪᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 12:29

“ᐅᕝᕙᓗ ᖃᓄᖅ ᓴᓐᖏᔪᐊᓘᑉ ᐃᒡᓗᖓᓄᑦ ᐃᑎᕐᑐᖃᕈᓐᓇᕐᐹ? ᐱᖁᑎᖏᓐᓂᒡᓗ ᐊᕐᓵᕐᓗᒍ, ᑭᓯᐊᓂ ᓴᓐᖏᔪᐊᓗᒃ ᕿᓚᒃᓱᖅᑳᕐᓗᒍ; ᑕᕝᕙ ᐃᒡᓗᖓᑕ ᐱᖁᑎᖏᓐᓂᒃ ᐊᕐᓵᕐᓯᔪᓐᓇᕐᓯᒐᔭᕐᐳᖅ.

ᓘᑲᓯᐅᑉ ᐊᒡᓚᖏᑦ 10:18

ᔩᓱᓯᐅᑉ ᑭᐅᕔᑦ, “ᓵᑖᓇᓯ ᑕᑯᓚᐅᕐᐸᕋ ᕿᓚᖕᒥᑦ ᑲᑕᒃᑐᖅ ᖃᐅᒻᒫᓪᓚᒃᑐᑎᑐᑦ.

ᓘᑲᓯᐅᑉ ᐊᒡᓚᖏᑦ 11:22

ᓴᓐᖏᓂᕐᓴᒧᓪᓕ ᐅᐸᒃᑐᕐᑕᐅᒍᓂ ᓵᓚᒋᔭᐅᒍᓂᓗ, ᓱᒋᐅᑎᖏᓐᓂᒃ ᐊᕐᓵᕐᑕᐅᓂᐊᕐᐳᖅ ᑕᑎᒋᔭᖏᓐᓂᒃ, ᐱᖁᑎᖏᑦ ᐊᒡᒍᕐᓗᒋᑦ ᐱᑖᕆᔭᐅᒐᔭᕐᐳᑦ.

ᔪᐊᓇᓯᐅᑉ ᐊᒡᓚᖏᑦ 16:11

ᐃᖅᑲᕐᑐᐃᓂᖅ ᐱᑦᔪᑎᒋᓪᓗᒍ, ᓯᓚᕐᔪᐊᑉ ᒪᑐᒪ ᐊᐅᓚᑦᓯᔨᖓ ᐃᖅᑲᕐᑐᕐᑕᐅᖕᒪᑦ.

ᔪᐊᓇᓯᐅᑉ ᐊᒡᓚᖏᑦ 19:30

ᔩᓱᓯ ᖃᓯᓕᓇᕐᑐᒥᒃ ᐃᒥᕋᒥ ᐅᖃᕐᐳᖅ, “ᐱᔭᕇᕐᐳᖅ”; ᐅᑯᓪᓗᓂᓗ ᐊᓂᕐᓇᖏᕐᐳᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:24

ᑕᕝᕙ ᓯᓚᕐᔫᑉ ᐃᓱᐊ ᑎᑭᑦᓱᒫᕐᐳᖅ; ᙭ᔅᑑᓯᐅᓪᓗ ᑕᒪᕐᒥᒃ ᓵᓚᒋᓚᐅᕐᓗᒋᑦ ᐊᖓᔪᖅᑲᐅᓃᑦ ᐱᔪᓐᓇᕐᑎᑕᐅᓃᑦ ᐱᔪᓐᓇᕐᓂᐅᔪᓪᓗ, ᐊᑕᓂᐅᕕᒃ ᑐᓂᔪᒫᕐᐹ ᒎᑎᒧᑦ ᐊᑖᑕᒧᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:14

ᒎᑎᓕ ᖁᔭᒋᔭᐅᓕ, ᙭ᔅᑑᓯᒃᑯᑦ ᓵᓚᖃᕐᓂᕐᒧᑦ ᑕᓯᐅᕐᐸᖕᒪᑎᒍᑦ, ᐅᕙᑦᑎᒍᓪᓗ ᖃᐅᔨᔭᐅᕙᓪᓕᐊᑎᑦᓯᖕᒪᑦ ᙭ᔅᑑᓯᒥᒃ ᑎᐱᑦᓯᐊᕆᒃᑐᒧᑦ ᒪᒪᕐᓮᔪᑎᑐᑦ ᓇᒧᑐᐃᓐᓇᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:4

ᑕᒪᑐᒪ ᓯᓚᕐᔪᐊᑉ ᒎᑎᖓᑕ ᐅᒃᐱᖏᑦᑐᑦ ᐃᓱᒪᖏᑦ ᑐᑭᓯᔪᓐᓇᕐᑎᓐᖏᓔᑦ, ᐅᖃᐅᓰᑦ ᑐᓴᕈᒥᓇᕐᑐᑦ ᖃᐅᒪᓂᖓᓂᒃ ᑕᑯᖁᓇᒋᑦ ᙭ᔅᑑᓯᐅᑉ ᓂᕐᑐᕐᓇᕐᓂᕐᔪᐊᖓᓂᒃ, ᑖᑦᓱᒥᖓ ᒎᑎᐅᑉ ᐊᑦᔨᖓᓂᒃ.

ᐃᐱᓯᒥᐅᓄᑦ 3:10

ᒫᓐᓇᐅᓕᕐᑐᒃᑯᑦ ᐅᒃᐱᕐᑑᖃᑎᒌᑎᒍᑦ, ᒎᑎᐅᑉ ᓱᓇᑐᐃᓐᓇᓕᒫᑎᒍᑦ ᓯᓚᑐᓂᕐᔪᐊᖓ ᖃᐅᔨᔭᐅᔪᓐᓇᕐᓯᖁᓪᓗᒍ ᐊᐅᓚᑦᑎᔨᐅᕙᒃᑐᓄᑦ ᐱᔪᓐᓇᕐᓂᖃᕐᑐᓄᓪᓗ ᕿᓚᖕᒥᐅᓄᑦ.

ᐃᐱᓯᒥᐅᓄᑦ 4:8

ᑍᒤᒻᒪᑦ ᐅᖃᕐᓯᒪᔪᖃᕐᐳᖅ, “ᖁᑦᓯᖕᓂᕐᐹᒧᑦ ᖁᒻᒧᐊᒃᑲᒥ ᑎᒍᔭᐅᓯᒪᔪᑦ ᓇᒃᓴᓚᐅᕐᐰᑦ, ᑐᓂᕐᕈᑎᓂᒡᓗ ᑐᓂᓯᓪᓗᓂ ᐃᓄᖕᓄᑦ.”

ᐃᐱᓯᒥᐅᓄᑦ 6:12

ᐃᓄᖕᓂᒃ ᑎᒥᖃᕐᑐᓂᒃ ᑕᑯᒃᓴᐅᔪᓂᒃ ᐅᓇᑕᖏᓐᓇᑦᑕ, ᐊᔪᖏᑦᑐᕐᔪᐊᓄᓪᓕ ᐅᓇᑕᕐᐳᒍᑦ, ᐱᔪᓐᓇᕐᑐᕐᔪᐊᓄᑦ, ᐊᐅᓚᑦᓯᔪᓄᑦ ᓯᓚᕐᔪᐊᕐᒥ ᐊᖓᔪᖅᑲᐅᔪᓄᑦ, ᐊᖓᔪᖅᑳᖑᑎᑕᐅᔪᓄᓪᓗ ᓯᓚᕐᔫᑉ ᑕᒪᑐᒪ ᑖᕐᑑᓂᖓᓂ ᐱᔪᓐᓇᕐᓂᕐᔪᐊᖃᕐᑐᓄᑦ, ᐊᓂᕐᓂᕐᓄᑦ ᐱᐅᖏᑦᑐᕐᔪᐊᓄᑦ ᕿᓚᐅᑉ ᐊᑖᓃᑦᑐᓄᑦ.

ᑯᓘᓯᐊᒥᐅᓄᑦ 1:16

ᑖᑦᓱᒨᓇ ᐱᓐᖑᕐᑎᑕᐅᓯᒪᕗᑦ ᓱᓇᓕᒫᑦᓯᐊᑦ ᕿᓚᖕᒥ ᓄᓇᒥᓗ, ᑕᑯᒃᓴᐅᔪᑦ ᑕᑯᒃᓴᐅᖏᑦᑐᓪᓗ, ᐊᑕᓂᐅᕖᑦ ᐱᔪᓐᓇᕐᓃᑦ ᐊᖓᔪᖅᑲᐅᓃᑦ ᐊᐅᓚᑦᓯᔩᓪᓗ; ᑖᑦᓱᒨᓇ ᐱᓐᖑᕐᑎᑕᐅᓯᒪᕗᑦ ᑖᑦᓱᒧᖓᓗ.

ᑯᓘᓯᐊᒥᐅᓄᑦ 2:10

ᐃᓅᓯᕐᒥᒡᓗ ᓈᒻᒪᒃᓯᑦᓯᐊᕐᑐᒥᒃ ᐱᑎᑕᐅᓯᒪᕗᓯ ᙭ᔅᑑᓯᒥ, ᑖᓐᓇ ᓂᐊᖁᕆᔭᐅᖕᒪᑦ ᑕᒤᓐᓄᑦ ᐱᔪᓐᓇᕐᓂᕐᓄᑦ ᐊᖓᔪᖅᑲᐅᓂᕐᓄᓪᓗ.

ᐄᑉᕈᐃᓄᑦ 2:14

ᑍᒤᒻᒪᑦ ᕿᑐᕐᖓᐅᔪᑦ ᐃᓄᑐᐃᓐᓇᐅᕗᑦ ᑎᒥᖃᕐᑐᑦ, ᑕᕝᕙ ᔩᓱᓯ ᓇᖕᒥᓂᖅ ᑖᒃᑯᓄᖓ ᐊᑦᔨᒋᔭᐅᓕᓚᐅᕐᐳᖅ ᐃᓄᑐᐃᓐᓇᐅᓪᓗ ᐃᓅᓯᖓᓂᒃ ᐃᓚᖏᐅᑎᖃᑎᒋᓪᓗᒋᑦ, ᑍᒤᓕᐅᓚᐅᕐᐳᖅ ᑐᖁᒥᒍᑦ ᓵᑖᓇᓯ ᓱᓇᐅᔪᓐᓃᕐᑎᑉᐹ, ᑖᓐᓇ ᑐᖂᑉ ᐱᔪᓐᓇᕐᓂᖓᓂᒃ ᐱᖃᕐᑐᖅ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:9

ᑐᕌᒎᓂ ᐊᖏᔪᕐᔪᐊᖅ ᐊᒻᒧᑦ ᐃᒋᑕᐅᕗᖅ, ᑖᓐᓇ ᖁᒡᓗᒋᐊᑐᖃᖅ, ᐱᐅᖏᑦᑐᒥᒃ ᓵᑖᓇᓯᒥᒡᓗ ᑍᔭᐅᔪᖅ, ᓯᓚᕐᔪᐊᕐᒥᐅᓕᒫᓂᒃ ᐅᐃᕕᕆᒃᓯᔨ; ᓄᓇᕐᔪᐊᕐᒧᑦ ᐃᒋᑕᐅᕗᖅ, ᐂᖏᓕᖁᑎᖏᓪᓗ ᐃᓚᒋᓪᓗᒋᑦ ᐃᒋᑕᐅᖃᑕᐅᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:10

ᑕᕝᕙ ᓵᑖᓇᓯ ᑖᒃᑯᓂᖓ ᑕᒻᒪᕐᑎᑦᓯᓚᐅᕐᑐᖅ ᐃᒋᑕᐅᔪᒫᕐᐳᖅ ᑕᓯᕐᔪᐊᒧᑦ ᐃᒃᑭᕆᑦᑐᕐᔪᐊᒥᒃ ᓲᓪᕕᕆᒧᑦ ᐃᑯᒪᔪᒧᑦ ᑕᕝᕙᓂ ᐆᒪᔪᐊᓘᑉ ᓇᓚᐅᑦᑍᓂᕐᓗᒃᑑᓪᓗ ᐃᒋᑕᐅᕕᒋᓯᒪᔭᖓᓄᑦ, ᑖᒃᑯᐊᓗ ᑕᕝᕙᓂ ᐋᓐᓂᐊᑎᑕᐅᔪᒫᕐᐳᑦ ᐅᓪᓗᖅ ᐅᓐᓄᐊᕐᓗ ᓈᓗᒋᒃ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.