ᑯᓘᓯᐊᒥᐅᓄᑦ 2:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐃᖅᑲᕐᑐᕐᑕᐅᑦᔪᑎᒃᓴᕗᑦ ᑎᑎᕋᕐᓯᒪᓚᐅᕐᑐᑦ ᓵᑕᐅᑦᔪᑎᒃᓴᕗᑦ ᐲᓚᐅᕐᐰᑦ; ᑕᒪᕐᒥᒡᓗ ᐊᑐᕈᓐᓃᕐᑎᓪᓗᒋᑦ, ᑭᑭᐊᒃᑐᓚᐅᕐᐰᑦ ᓴᓐᓂᖓᔪᓕᖕᒧᑦ.

ᑯᓘᓯᐊᒥᐅᓄᑦ 2:14 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 4:5

ᐃᓱᒪᒋᔪᓐᓁᕐᕕᒋᑦᑍᓕᒃᑭᑦ ᐳᐃᒍᕐᑍᓕᒃᑭᓪᓗ ᐊᔪᕐᑐᓕᓂᖏᓐᓂᒃ, ᑍᒃᑯᐊ ᐅᕙᑦᑎᓐᓂᒃ ᓇᕐᕈᓇᕐᓯᑎᑦᓯᖕᒪᑕ ᓴᓇᓂᑦᑎᓐᓂᒃ ᐃᓕᖕᓂᒡᓗ ᓂᓐᖓᒃᓮᓪᓗᑎᒃ.”

ᐃᔅᑕᐅᑉ ᐊᒡᓚᖏᑦ 3:12

ᑕᕝᕙ ᐊᖓᔪᖅᑳᕐᔪᐊᑉ ᑎᑎᕋᕐᑎᖏᑦ ᕾᖁᔭᐅᓕᕐᐳᑦ ᐅᓪᓗᐃᑦ 13ᖓᓐᓂ ᑕᖅᑮᑦ ᓯᕗᓪᓕᕐᐹᖓᓐᓂ, ᐱᖁᔭᓕᐊᖑᔪᒥᒡᓗ ᑎᑎᕋᕐᐳᑦ ᕼᐂᒪᓂᐅᑉ ᐱᖁᔨᑦᔪᑎᒋᓚᐅᕐᑕᖏᓐᓂᒃ ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖏᓐᓄᑦ, ᓄᓇᓖᑦ ᐊᕕᒃᑐᕐᓯᒪᓂᖏᓐᓂ ᐊᐅᓚᑦᓯᔨᓄᑦ ᑐᕌᕐᑎᑕᐅᖁᓪᓗᒋᑦ, ᐃᓄᓕᒫᓄᑦ ᐅᖃᐅᓯᖃᑎᒌᖏᑦᑐᓄᑦ ᐅᖃᐅᓯᖏᑦ ᒪᓕᒡᓗᒋᑦ. ᐊᖓᔪᖅᑳᕐᔪᐊᑉ ᐊᕼᐊᓱᐃᕋᓯᐅᑉ ᐱᔪᓐᓇᕐᓂᖓ ᐊᑐᕐᓗᒍ ᑎᑎᕋᕐᑕᐅᕗᑦ, ᓇᓗᓁᒃᑯᓯᕐᑕᐅᓪᓗᑎᒡᓗ ᐊᖓᔪᖅᑳᕐᔪᐊᑉ ᓇᒡᒍᐊᕐᒥᖓᑕ ᓇᓗᓁᒃᑯᑕᖓᓄᑦ.

ᐃᔅᑕᐅᑉ ᐊᒡᓚᖏᑦ 8:8

ᐃᕝᕕᓪᓕ ᓇᖕᒥᓂᖅ ᑎᑎᕋᓚᐅᕆᑦ ᐱᖁᔭᓐᖑᕐᓂᐊᕐᑐᒥᒃ ᔫᑎᑦ ᐱᑦᔪᑎᒋᓗᒋᑦ, ᓈᒻᒪᒋᔭᕐᓂᒃ, ᐊᖓᔪᖅᑳᕐᔪᐊᑉ ᐱᔪᓐᓇᕐᓂᖓ ᐊᑐᕐᓗᒍ, ᓇᕿᑦᔪᓯᕐᓗᒋᓪᓗ ᐊᖓᔪᖅᑳᕐᔪᐊᑉ ᓇᒡᒍᐊᕐᒥᖓᓄᑦ; ᖃᓄᑐᐃᓐᓇᖅ ᑎᑎᕋᕐᓯᒪᔪᑦ ᐊᖓᔪᖅᑳᕐᔪᐊᑉ ᐱᔪᓐᓇᕐᓂᖓ ᐊᑐᕐᓗᒍ ᓇᑭᑦᔪᓯᕐᓯᒪᔪᕐᓗ ᐊᖓᔪᖅᑳᕐᔪᐊᑉ ᓇᒡᒍᐊᕐᒥᖓᓄᑦ ᓄᖅᑲᕐᑎᑕᐅᔪᓐᓇᖏᒻᒪᑦ.”

ᐃᓐᖏᕈᑎᑦ 51:1

ᒎᑏ, ᓂᑲᒋᓚᐅᓐᖓ, ᑍᒪᓐᖓᑦ ᓇᒡᓕᒍᓱᖕᓃᑦ ᓱᖁᓯᔪᐃᑦᑐᖅ ᒪᓕᒡᓗᒍ; ᓂᑲᒍᓱᖕᓃᓪᓗ ᐊᒥᒐᖏᑦᑐᖅ ᒪᓕᒡᓗᒍ ᐊᔪᕐᓂᒃᑲ ᑕᕐᕆᑎᓚᐅᒃᑭᑦ.

ᐃᓐᖏᕈᑎᑦ 51:9

ᑮᓁᑦ ᐃᔨᓚᐅᕈᒃ ᐊᔪᕐᓂᓐᓂᑦ, ᐊᓯᐅᑎᓚᐅᒃᑭᓪᓗ ᑕᒪᕐᒥᒃ ᐱᐅᖏᑦᑐᓕᓂᒃᑲ.

ᐂᓮᐊᓯᐅᑉ ᐊᒡᓚᖏᑦ 43:25

ᐅᕙᖓ, ᓇᖕᒥᓂᖅ ᐅᕙᖓᐅᕗᖅ ᐊᔪᕐᑐᓕᓂᓯ ᐲᔭᓚᐅᕐᐸᒃᑲ ᐅᕙᖓ ᓇᖕᒥᓂᖅ ᐱᑦᔪᑎᒋᓪᓗᖓ, ᐃᖅᑲᐅᒪᓂᐊᕈᓐᓃᕐᐸᒃᑲᓗ ᐊᔪᕐᓂᓯ.

ᐂᓮᐊᓯᐅᑉ ᐊᒡᓚᖏᑦ 44:22

ᐱᐅᖏᑦᑐᓕᓂᓯ ᐊᖑᐊᓚᐅᕐᐸᒃᑲ ᓄᕗᔭᕐᓗᒃᑎᑐᑦ, ᐊᔪᕐᑐᓕᓂᓯᓗ ᓄᕗᔭᑎᑐᑦ ᐊᖑᐊᕐᓗᒋᑦ, ᐅᕙᓐᓄᑦ ᐅᑎᕆᑦᓯ, ᓴᑐᕐᑕᐅᕕᒃᓴᓕᐅᕐᓯᒪᓕᕋᑦᓯ.”

ᐂᓮᐊᓯᐅᑉ ᐊᒡᓚᖏᑦ 57:14

ᐅᖃᕐᑐᖃᕈᒫᕐᐳᖅ, “ᓴᓇᒋᑦᓯ, ᓴᓇᒋᑦᓯ, ᐊᖅᑯᑎᒃᓴᖅ ᐱᔭᕇᓕᕐᓯᐅᒃ, ᐃᓄᖁᑎᒪ ᐊᑐᕐᓂᐊᕐᑕᖓᓂ ᐊᒡᕕᐊᕈᑎᒃᓮᑦ ᐲᔭᕐᑕᐅᓕᕐᓕᑦ.”

ᒨᓯᓯ ᓯᑕᒪᖏᑦ 5:23

“ᑐᓂᕐᕈᓯᕐᑎᑦᓯᔨᐅᑉ ᐃᑦᔪᕐᓇᕐᑎᑕᐅᓃᑦ ᒪᒃᐱᕐᑐᒐᕐᓄᑦ ᑎᑎᕋᕐᑕᒃᓴᕆᕔᑦ, ᐃᕐᕈᕐᑐᕐᓗᒋᓪᓗ ᐃᒥᕐᒧᑦ ᒪᒤᓕᑎᓯᒪᔪᒧᑦ.

ᓘᑲᓯᐅᑉ ᐊᒡᓚᖏᑦ 1:6

ᑖᒃᑯᐊᒃ ᐃᓅᓯᖃᓚᐅᕐᐳᒃ ᒎᑎᐅᑉ ᖁᕕᐊᒋᔭᖓᓂᒃ, ᐊᑕᓂᐅᑉ ᐱᖁᔭᓕᒫᖏᓐᓂᒃ ᐊᑐᕐᑕᐅᑯᔭᖏᓐᓂᒡᓗ ᒪᓕᑦᓯᐊᕐᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 3:19

ᑍᒤᒻᒪᑦ ᖃᕿᐊᓕᕆᑦᓯ, ᒎᑎᒧᓪᓗ ᓵᒋᐊᕐᓗᓯ, ᐱᐅᖏᑐᓕᓂᓯ ᑕᕝᕙ ᐲᔭᕐᓂᐊᕐᐰᑦ, ᓄᑖᒥᒡᓗ ᐱᔪᓐᓇᕐᓂᕐᑖᕐᑎᑕᐅᖃᑦᑕᕐᓂᐊᕐᐳᓯ ᐊᑕᓂᐅᑉ ᓇᔫᑎᓂᖓᓄᑦ,

ᑯᓘᓯᐊᒥᐅᓄᑦ 2:20

᙭ᔅᑑᓯ ᑐᖁᖃᑎᒋᓯᒪᒐᑦᓯᐅᒃ ᓯᓚᕐᔪᐊᓪᓗ ᐱᔪᓐᓇᕐᓂᖏᓐᓂᑦ ᕿᓚᕈᑦᔮᕐᑕᐅᓯᒪᓕᕐᓗᓯ, ᓱᖕᒪᓪᓕ ᓱᓕ ᓯᓚᕐᔪᐊᕐᒥᐅᑎᑐᑦ ᐃᓅᓯᖃᕋᓱᐊᕐᐱᓰ ᓱᖕᒪᓪᓗ ᒪᓕᓕᕐᐱᓰ ᒪᑯᓂᖓ ᐱᖁᔭᓂᒃ ᐃᒤᓕᔪᓂᒃ,

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:7

ᐱᖁᔭᖃᖏᑦᑐᕐᔪᐊᑉ ᓇᓗᓇᕐᓂᖓ ᐱᓇᓱᐊᓕᕇᕐᐳᖅ; ᓇᓪᓕᐅᑎᔪᒃᓴᕐᓕ ᓱᓕ ᓇᓪᓕᐅᑎᓂᐊᓐᖏᓚᖅ, ᑖᓐᓇ ᓄᖅᑲᖓᑎᑦᓯᔪᖅ ᐊᒡᕖᕐᑎᑕᐅᖅᑳᖏᓐᓂᖓᓂ.

ᐄᑉᕈᐃᓄᑦ 7:18

ᑕᕝᕙ ᐱᖁᔭᑐᖃᖅ ᐊᑐᕈᓐᓃᕐᑎᑕᐅᕗᖅ ᓴᓐᖏᑦᑑᓪᓗᓂ ᐊᑑᑎᒃᓴᖃᖏᒻᒪᑦ.

ᐄᑉᕈᐃᓄᑦ 8:13

ᐅᖃᐅᓯᖃᓕᕋᒥᓕ ᐊᖏᖃᑎᒌᖕᓂᕐᒥᒃ “ᓄᑖᒥᒃ,” ᓯᕗᓪᓕᖅ ᐊᑐᕈᓐᓃᕐᑎᑉᐹ; ᓱᓇᑐᐃᓐᓇᕐᓗ ᐊᑐᕈᓐᓃᕐᑐᖅ ᓄᑕᐅᔪᓐᓃᕐᑐᕐᓗ ᓄᖑᓐᓂᐊᕐᐳᖅ.

ᐲᑦᑐᕉᓯ ᓯᕗᓪᓖᑦ 2:24

ᑖᑦᓱᒪ ᓇᖕᒥᓂᖅ ᐊᔪᕐᓂᕗᑦ ᑎᒥᒥᒍᑦ ᓇᒃᓴᓚᐅᕐᐰᑦ ᓴᓐᓂᖓᔪᓕᖕᒧᑦ, ᐊᔪᕐᓂᕐᒧᑦ ᑐᖁᖁᓪᓗᑕ ᒪᑭᖁᓪᓗᑕᓗ ᐃᓗᐊᕐᑐᓕᕐᓂᕐᒧᑦ. ᑖᑦᓱᒪ ᐃᑭᖏᓐᓄᑦ ᐋᖅᑭᒃᑕᐅᓯᒪᕗᓯ.