ᑯᓘᓯᐊᒥᐅᓄᑦ 2:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑖᑦᓱᒪᓂᑦᑕᐅᖅ ᑭᐱᔭᐅᓯᒪᕗᓯ ᐃᓄᐃᑦ ᐊᒡᒐᖏᓐᓅᖏᑦᑐᖅ, ᙭ᔅᑑᓯᐅᑉ ᑭᐱᓯᒪᕚᓯ ᑎᒥᐅᑉ ᐱᔪᒪᔭᖓᓂᑦ ᐊᔪᕐᓂᕐᒥᑦ ᕿᓚᕈᑦᔮᕐᑕᐅᓂᑦᓯᓐᓄᑦ.

ᑯᓘᓯᐊᒥᐅᓄᑦ 2:11 Iomraidhean Croise

ᔨᕆᒤᐊᐅᑉ ᐊᒡᓚᖏᑦ 4:4

ᐊᑕᓂᕐᒧᑦ ᑐᓂᓕᕆᑦᓯ, ᐆᒻᒪᑎᓯᓗ ᑐᓂᓗᒋᑦ ᐃᓕᑦᓯ ᐃᓄᖁᑎᒋᔭᐅᔪᓯ ᔫᑕᒥ ᔨᕉᓴᓕᒥᓗ, ᑐᓂᓂᐊᖏᒃᑯᑦᓯ ᓂᓐᖓᖕᓂᕋ ᐃᑯᐊᓚᔪᑎᑐᑦ ᑍᒤᓐᓂᐊᕐᐳᖅ ᐱᐅᖏᑦᑐᓂᒃ ᐱᓂᐊᕐᓯᒪᓂᓯ ᐱᓪᓗᒋᑦ, ᑭᓇᒧᓐᓘᓐᓃᑦ ᖃᒥᑕᐅᔪᓐᓇᕐᓂᐊᓐᖏᓚᖅ.”

ᒫᑯᓯᐅᑉ ᐊᒡᓚᖏᑦ 14:58

“ᐅᓇ ᐅᖃᕐᑎᓪᓗᒍ ᑐᓴᓚᐅᕐᑕᕗᑦ, ‘ᑐᒃᓯᐊᕐᕕᒡᔪᐊᖅ ᓯᖁᒥᒍᒪᕙᕋ ᐊᒡᒐᓄᑦ ᓴᓇᔭᐅᓯᒪᔪᖅ, ᐅᓪᓗᐃᑦ ᐱᖓᓱᑦ ᓈᒃᐸᑕ ᐊᓯᐊᓂᒃ ᓴᓇᓂᐊᕆᕗᖓ, ᐊᒡᒐᓄᑦ ᓴᓇᔭᐅᓯᒪᖏᑦᑐᒥᒃ.’”

ᓘᑲᓯᐅᑉ ᐊᒡᓚᖏᑦ 2:21

ᐅᓪᓗᐃᑦ ᓯᑕᒪᐅᔪᕐᑐᑦ ᐊᓂᒍᕐᒪᑕ, ᑭᐱᔭᐅᕕᒃᓴᖓ ᓇᓪᓕᐅᑎᖕᒪᑦ, ᐊᑦᑎᕐᑕᐅᕗᖅ ᔩᓱᓯᒥᒃ, ᐂᖏᓕᐅᑦ ᑍᒫᒃ ᐊᑎᖃᖁᓚᐅᕐᒪᒍ ᓄᑕᕋᒃᓴᕆᔭᐅᓚᐅᕐᑎᓐᓇᒍ ᓱᓕ.

ᐋᐴᓯᑕᓖᑦ ᐱᓂᐊᕐᓂᖏᑦ 17:24

ᒎᑎ ᑖᓐᓇ ᓴᓇᓚᐅᕐᑐᖅ ᓯᓚᕐᔪᐊᕐᒥᒃ ᐃᓗᓕᖏᓐᓂᒡᓗ ᑕᒤᓐᓂᒃ, ᐊᑕᓂᐅᕗᖅ ᕿᓚᖕᒥ ᓄᓇᒥᓗ, ᐃᓄᖕᒧᑦ ᓴᓇᔭᐅᓯᒪᔪᓂ ᐃᓂᖃᓐᖏᓚᖅ,

ᐋᐴᓯᑕᓖᑦ ᐱᓂᐊᕐᓂᖏᑦ 7:48

“ᒎᑎᓕ ᐊᖏᓂᕐᐹᖑᔪᖅ ᐃᒡᓗᓂ ᐃᓂᖃᓐᖏᓚᖅ ᐃᓄᖕᓄᑦ ᓴᓇᔭᐅᓯᒪᔪᓂ; ᓇᓚᐅᑦᑍᔪᖅ ᐅᖃᕐᓯᒪᖕᒪᑦ,

ᕉᒪᒥᐅᓄᑦ 2:29

ᐃᓄᒃ ᔫᑎᓪᓚᕆᐅᕗᖅ ᐃᓗᒥᒍᑦ ᔫᑎᐅᔪᖅ, ᐃᓗᒥᒍᓪᓗ ᑭᐱᔭᐅᓯᒪᓗᓂ ᒎᑎᐅᑉ ᐊᓂᕐᓂᖓᒍᑦ, ᑎᑎᕋᕐᓯᒪᔪᑎᒍᑐᐃᓐᓇᐅᖏᑦᑐᖅ, ᑍᒤᑦᑑᑉ ᓂᕐᑐᕐᑕᐅᓂᖓ ᐃᓄᖕᓂᑦ ᐱᓐᖏᓚᖅ, ᒎᑎᒥᓪᓕ ᐱᕗᖅ.

ᕉᒪᒥᐅᓄᑦ 6:6

ᖃᐅᔨᒪᒐᑦᑕ ᐃᓅᓯᑐᖃᕗᖅ ᙭ᔅᑑᓯᐅᑉ ᑭᑭᐊᒃᑐᕐᑕᐅᖃᑎᒋᓚᐅᕐᒪᒍ ᓴᓐᓂᖓᔪᓕᖕᒥ ᑎᒥᐅᑉ ᐊᔪᕐᑐᓕᔪᒪᓂᖓ ᓵᓚᐅᖁᓪᓗᒍ, ᕿᓚᒃᓱᕐᑕᐅᓯᒪᔪᓐᓃᖁᓪᓗᑕᓗ ᐊᔪᕐᓂᕐᒧᑦ.

ᕉᒪᒥᐅᓄᑦ 7:24

ᐅᕙᖔᓗ ᖁᕕᐊᓇᖏᑦᑐᒦᑦᑐᖓ! ᑭᐊ ᓴᐳᑎᔪᓐᓇᕐᐹᖔ ᐆᒪᓐᖓᑦ ᑎᒥᒥᑦ ᐅᕙᓐᓂᒃ ᑐᖁᑎᑦᓯᔪᒦᑦ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:1

ᖃᐅᔨᒪᒐᑦᑕ ᓄᓇᒥ ᑐᐱᕗᑦ ᓇᔪᕐᑕᕗᑦ ᐊᓯᕈᕐᐸᑦ, ᐃᒡᓗᒃᓴᖃᕋᑦᑕ ᒎᑎᒥᑦ ᐱᔪᒥᒃ, ᐊᒡᒐᓄᑦ ᓴᓇᔭᐅᓯᒪᖏᑦᑐᒥᒃ, ᕿᓚᖕᒥ ᐃᒡᓗᒋᔪᒫᕐᑕᑦᑎᓐᓂᒃ ᐃᓱᖃᖏᑦᑐᒧᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:17

ᑍᒤᒻᒪᑦ, ᙭ᔅᑑᓯᒧᐊᕐᑐᖃᕐᐸᑦ, ᑖᓐᓇ ᓄᑖᓐᖑᕐᑎᑕᐅᕗᖅ; ᐃᓅᓯᑐᖃᖓ ᐲᕐᑕᐅᕗᖅ, ᑕᑯᒋᑦ, ᓄᑖᖅ ᐱᒋᐊᓕᕐᐳᖅ.

ᒐᓔᑎᐊᒥᐅᓄᑦ 2:20

ᐅᕙᖓ ᐃᓅᔪᓐᓃᕐᐳᖓ, ᙭ᔅᑑᓯᓕ ᐅᕙᓐᓂ ᐃᓅᓕᕐᐳᖅ. ᒫᓐᓇ ᑎᒥᓐᓂ ᐃᓅᓯᕋ, ᐅᒃᐱᕐᓂᒃᑯᑦ ᐃᓅᓕᕐᐳᖓ ᒎᑎᐅᑉ ᐃᕐᓂᖓᓄᑦ, ᑖᑦᓱᒪ ᓇᒡᓕᒋᒐᒥᖓ ᐃᓅᓯᓂ ᑐᓂᓚᐅᕐᐹ ᐱᑦᔪᑎᒋᓪᓗᖓ.

ᒐᓔᑎᐊᒥᐅᓄᑦ 5:24

᙭ᔅᑑᓯ ᔩᓱᓯᒧᓪᓕ ᐱᒋᔭᐅᔪᑦ ᑭᑭᐊᒃᑐᕐᑕᐅᑎᑦᓯᓯᒪᕗᑦ ᑎᒥᐅᑉ ᐱᔪᒪᓗᐊᕐᓂᕆᕙᒃᑕᖏᓐᓂᒃ ᐃᒃᖠᒍᓂᖏᓐᓂᒃᓗ.

ᐃᐱᓯᒥᐅᓄᑦ 4:22

ᑍᒤᒻᒪᑦ ᐃᓅᓯᑐᖃᓯ ᐊᑐᕈᓐᓁᕐᓯᐅᒃ ᐃᓕᖅᑯᓯᕐᓘᑎᐅᕙᓚᐅᕐᑐᑦ ᐊᓚᕐᓗᒋᑦ, ᐃᒃᓯᒎᕐᓂᕐᒧᑦ ᐃᒻᒥᖕᓂᒃ ᐊᓯᕈᐃᓂᐅᖕᒪᑕ ᑕᒻᒪᕐᓇᕐᑐᒧᑦ.

ᒨᓯᓯ ᑕᓪᓕᒪᖏᑦ 10:16

ᑍᒤᒻᒪᑦ, ᒫᓐᓇᒥᑦ ᐱᒋᐊᕐᓗᓯ ᐊᑕᓂᕐᒥᒃ ᓈᓚᑦᓯᐊᕐᑐᒃᓴᐅᕗᓯ ᑐᓵᓐᖏᓴᕐᑐᒃᓴᐅᓇᓯᓗ.

ᒨᓯᓯ ᑕᓪᓕᒪᖏᑦ 30:6

ᐊᑕᓂᐅᓪᓗ ᒎᑎᑦᓯ ᑐᓂᓯᕕᒋᔪᒫᕐᐹᓯ ᑭᖑᕚᓯᓗ ᐃᓚᒋᓗᒋᑦ ᐆᒻᒪᑎᒥᒃ ᓈᓚᒍᓐᓇᕐᑐᒥᒃ, ᑖᑦᓱᒥᖓ ᐅᖓᒻᒪᕆᓕᖁᓪᓗᓯ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ ᑕᕐᓂᑦᓯᓐᓄᓪᓗ ᐊᑕᖏᕐᑐᒧᑦ, ᑕᒫᓂᓗ ᓄᓇᒋᔭᑦᓯᓐᓂ ᓄᓇᑖᒃᑲᓐᓂᓕᖁᓪᓗᓯ.

ᐱᓕᐱᒥᐅᓄᑦ 3:3

ᐅᕙᒍᑦ ᓱᓕᔪᒥᒃ ᑭᐱᔭᐅᓯᒪᕗᒍᑦ, ᒎᑎᒥᒃ ᐱᔨᑦᓯᕐᑐᒍᑦ ᐊᓂᕐᓂᒃᑯᑦ, ᖁᕕᐊᓲᑎᖃᕐᓗᑕᓗ ᔩᓱᓯ ᙭ᔅᑑᓯᒥ, ᑎᒥᐅᑉ ᐱᐅᓯᖓᓂᒃ ᑕᑎᖃᕐᒥᓇᑕ.

ᑯᓘᓯᐊᒥᐅᓄᑦ 3:5

ᑍᒤᒻᒪᑦ ᓯᓚᕐᔪᐊᕐᒥᐅᑦ ᐱᔪᒪᕕᒡᔪᐊᕐᓂᖏᑦ ᐃᓕᑦᓯᓐᓃᑦᑐᑦ ᑐᖁᓕᕐᓯᒋᒃ ᒪᑯᐊ: ᓄᓕᐊᕐᓃᑦ, ᐃᑦᔪᕐᓇᕐᑐᓕᓃᑦ, ᐃᒃᓯᒎᕐᓃᑦ, ᐱᐅᖏᑦᑐᒥᒃ ᐱᔪᒪᕕᒡᔪᐊᕐᓃᑦ, ᐱᖃᕈᒪᓗᐊᕐᓃᓪᓗ, ᑕᒪᒃᑯᐊ ᒎᑎᐅᑉ ᐊᓯᐊᓂᒃ ᒎᑎᖃᕐᓂᐅᖕᒪᑕ.

ᐄᑉᕈᐃᓄᑦ 9:11

᙭ᔅᑑᓯᓕ ᑎᑭᑦᑕᕇᕐᓯᒪᕗᖅ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑲᐅᓪᓗᓂ ᓈᒻᒪᑦᓯᐊᕐᑐᒥᒃ ᐱᐅᓯᐅᔭᕆᐊᖃᕐᑐᑦ ᑎᑭᐅᑎᓪᓗᓂᒋᑦ ᑐᐱᐅᓕᕐᐳᖅ ᐱᓇᓱᐊᕐᓂᖓ ᓈᒻᒪᖕᓂᕐᓴᐅᓪᓗᓂ ᐋᖅᑭᑦᓯᐊᕐᓯᒪᓂᕐᓴᐅᕗᖅ ᑐᐱᐅᓂᖓ ᑖᓐᓇ ᐃᓄᖕᒧᑦ ᓴᓇᔭᐅᓯᒪᓐᖏᓚᖅ, ᐃᒫᒃ, ᑕᒫᓃᑦᑐᓄᑦ ᐊᑦᔨᒋᔭᐅᓐᖏᓚᖅ.

ᐄᑉᕈᐃᓄᑦ 9:24

᙭ᔅᑑᓯ ᐃᑎᓚᐅᕐᐳᖅ, ᐃᑦᔪᕐᓁᑦᑐᕕᖕᒧᑦ ᐊᒡᒐᓄᑦ ᓴᓇᔭᐅᓯᒪᖏᑦᑐᒧᑦ, ᕿᓚᖕᒦᑦᑐᒧᑦ ᑕᕝᕗᖓ ᐊᑦᔨᐅᑎᑕᐅᓯᒪᔪᒧᑦ, ᓇᖕᒥᓂᕐᓗ ᕿᓚᖕᒧᐊᓚᐅᕐᐳᖅ ᒎᑎᐅᑉ ᓵᖓᓄᑦ ᓴᖅᑭᑦᓱᒪᓪᓗᓂ ᐱᑦᔪᑎᒋᓪᓗᑕ.