ᑯᓘᓯᐊᒥᐅᓄᑦ 1:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᒎᑎᐅᑉ ᐱᑦᓯᐊᕐᓂᖓᑕ ᐱᔪᒡᓇᕐᑎᑦᑎᓂᖓᓂᒃ ᐃᓕᑦᓯᑎᑕᐅᓚᐅᕋᑦᓯ ᐃᐸᐳᕌᓯᒧᑦ, ᑖᓐᓇ ᓇᒡᓕᖕᓇᕐᓗᓂ ᐱᔨᑦᓯᖃᑎᒋᔭᕗᑦ, ᐅᒃᐱᕐᓂᕆᔭᒥᓂᒃ ᓱᕐᕋᔪᐃᑦᑑᓪᓗᓂ ᙭ᔅᑑᓯᒧᑦ ᐱᓇᓱᐊᕐᑎᒋᔭᐅᒋᔪᖅ ᐱᑦᔪᔨᓪᓗᓂ ᐅᕙᑦᑎᓐᓂᒃ.

ᑯᓘᓯᐊᒥᐅᓄᑦ 1:7 Iomraidhean Croise

ᒨᓯᓯ ᓯᑕᒪᖏᑦ 12:7

ᒨᓯᓯᒧᓪᓕ ᐱᔨᓐᓄᑦ ᑍᒤᓕᐅᕐᐸᓐᖏᓚᖓ; ᑖᓐᓇ ᓱᖁᓯᔪᐃᑦᑑᖕᒪᑦ ᐃᒡᓗᓐᓂ.

ᒫᑎᐅᓯᐅᑉ ᐊᒡᓚᖏᑦ 18:29

ᐱᔨᐅᖃᑎᖓᓗ ᑖᓐᓇ ᓰᖅᑯᕐᓗᓂ ᓵᖓᓄᑦ ᕿᓄᕕᒋᕚ, ‘ᕿᓄᐃᓵᕐᕕᒋᓚᐅᓐᖓ, ᐊᑭᓕᓛᕐᐸᒋᑦ.’

ᒫᑎᐅᓯᐅᑉ ᐊᒡᓚᖏᑦ 24:45

“ᑭᓇ ᓱᖁᓯᔪᐃᑦᑑᓪᓗᓂ ᓯᓚᑐᓪᓗᓂᓗ ᐱᔨᐅᕚ? ᑖᓐᓇ ᐊᖓᔪᖅᑳᖓᑕ ᐊᖓᔪᖅᑳᖑᕐᑎᑕᖓ ᐱᔨᐅᖃᑎᖏᓐᓄᑦ, ᓂᕿᒃᓴᖏᓐᓂᒃ ᑐᓂᓯᖃᑦᑕᖁᓪᓗᒍ ᑐᓂᓯᕕᒃᓴᖓ ᓇᓪᓕᐅᑎᔭᕌᖓᑦ.

ᒫᑎᐅᓯᐅᑉ ᐊᒡᓚᖏᑦ 25:21

ᐊᖓᔪᖅᑳᖓᑕ ᐅᖃᐅᑎᕚ, ‘ᓈᒻᒪᒋᕙᒋᑦ ᐱᔨᐅᓪᓗᑎᑦ ᐱᓇᓱᐊᑦᓯᐊᕐᑐᑎᑦ ᓱᖁᓯᔪᐃᑦᑑᒐᕕᑦ; ᑮᓇᐅᔭᓂᒃ ᒥᑭᔪᓂᒃ ᓱᖁᓯᔪᐃᑦᑑᓪᓗᑎᑦ ᑲᒪᑦᓯᐊᓚᐅᕋᕕᑦ, ᒫᓐᓇ ᑮᓇᐅᔭᓂᒃ ᐊᖏᓂᕐᓴᓂᒃ ᑲᒪᔨᓐᖑᕐᑎᓐᓂᐊᕐᐸᒋᑦ; ᕾᓗᑎᑦ ᐊᖓᔪᖅᑳᑦ ᖁᕕᐊᓱᖃᑎᒋᓕᕈᒃ.’

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:17

ᑍᒤᒻᒪᑦ ᑎᒧᑎ ᐃᓕᑦᓯᓐᓄᑦ ᑎᓕᕙᕋ, ᐃᕐᓂᕋ ᓇᒡᓕᒋᔭᕋ ᐊᑕᓂᕐᒥ ᓱᕐᕋᔪᐃᑦᑑᖕᒪᑦ, ᑖᑦᓱᒪ ᐃᖅᑬᑎᓐᓂᐊᕐᒪᓯ ᐃᓅᓯᕆᔭᓐᓂᒃ ᙭ᔅᑑᓯᒥ, ᑍᒫᒡᓗ ᐊᔪᕆᕐᑐᐃᕙᒃᑲᒪ ᓇᓂᑐᐃᓐᓇᖅ ᐅᒃᐱᕐᑑᖃᑎᒌᓕᒫᓂ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:2

ᐱᔭᕆᐊᖃᒻᒪᕆᒃᐳᓪᓕ ᑲᒪᔨᐅᑎᑕᐅᔪᑦ ᐅᒃᐱᕆᔭᒃᓴᐅᓂᕐᒥᖕᓂᒃ ᓴᖅᑭᑎᑦᓯᔪᒃᓴᐅᓪᓗᑎᒃ ᐊᖓᔪᖅᑳᒥᖕᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:25

ᐅᐃᖃᖏᑦᑐᓪᓕ ᐱᑦᔪᑎᒋᓪᓗᒋᑦ, ᐊᑕᓂᕐᒥᑦ ᐱᔪᒥᒃ ᐱᖁᔭᒥᒃ ᐅᖃᐅᓯᒃᓴᖃᓐᖏᓚᖓ ᑖᒃᑯᓄᖓ, ᑭᓯᐊᓂᓕ ᐃᓱᒪᒋᔭᓐᓂᒃ ᐅᖃᕐᐳᖓ ᐊᑕᓂᐅᑉ ᓂᑲᒍᓱᖕᓂᕐᒥᓄᑦ ᐅᒃᐱᕆᔭᒃᓴᐅᔪᓐᓇᕐᑎᒻᒪᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:23

᙭ᔅᑑᓯᐅᑉ ᐱᔨᒋᕔᑦ? ᐃᓱᒤᕈᑎᓯᒪᔪᑎᑐᑦ ᐅᖃᕋᓗᐊᕐᐳᖓ ᐅᕙᖓᓕ ᐊᖏᓂᕐᓴᒥᒃ ᐱᔨᑦᓯᕐᓯᒪᕗᖓ ᙭ᔅᑑᓯᒥᒃ, ᐱᓇᓱᐊᕐᓂᕐᒥᒃ ᐊᒃᓱᕈᕐᓂᕐᓴᐅᓯᒪᕗᖓ, ᐅᓄᕐᑐᐃᕐᓱᕐᓂᕐᓴᐅᕗᖓ ᑎᒍᔭᐅᓯᒪᕕᖕᒦᓪᓗᖓ, ᐅᓄᕐᓂᕐᓴᓂᒡᓗ ᑏᒐᕐᑐᕐᑕᐅᖃᑦᑕᕐᓯᒪᕗᖓ, ᐅᓄᕐᑐᐃᕐᓱᕐᓗᖓᓗ ᑐᖁᒦᖃᑦᑕᕐᓯᒪᕗᖓ.

ᐃᐱᓯᒥᐅᓄᑦ 5:21

ᐃᓕᑦᓯᓐᓄᑦ ᐊᑐᓂᑦ ᑐᓂᖃᑦᑕᐅᑎᓯᒪᑦᓯᐊᕆᑦᓯ ᙭ᔅᑑᓯᒧᑦ ᑐᓂᓯᒪᓂᕆᔭᑦᓯᑐᑦ.

ᐱᓕᐱᒥᐅᓄᑦ 2:25

ᐃᓱᒪᖃᕐᓯᒪᒋᕗᖓᓕ ᑎᓕᔭᕆᐊᖃᕋᓱᒋᓪᓗᒍ ᐅᒃᐱᕐᑑᖃᑎᕗᑦ ᐃᐸᐳᕈᑍᑕᓯ ᐱᓇᓱᐊᖃᑎᒐ ᐅᓇᑕᕐᑎᐅᖃᑎᒐᓗ, ᑖᓐᓇ ᐱᓇᓱᐊᕐᓯᒪᖕᒪᑦ ᑎᓕᔭᐅᓯᒪᓪᓗᓂ ᐃᓕᑦᓯᓐᓂᑦ ᐃᑲᔪᕐᑕᐅᖁᓪᓗᖓ.

ᑯᓘᓯᐊᒥᐅᓄᑦ 4:12

ᐃᐸᐳᕌᓯᐅᑉ ᑕᕝᕙᐅᕗᑏᕆᕚᓯ, ᐃᓕᑦᓯᓐᓂᑦᑕᐅᖅ ᐱᓯᒪᔫᑉ, ᙭ᔅᑑᓯᐅᑉ ᔩᓱᓯᐅᑉ ᐱᔨᖓᑕ, ᑖᓐᓇ ᑍᒪᓐᖓᑦ ᐊᒃᓱᕈᕐᓗᓂ ᐃᓕᑦᓯᓐᓂᒃ ᑐᒃᓯᐅᑦᔨᖃᑦᑕᕐᐳᖅ, ᓇᖏᕈᓐᓇᕐᑎᑕᐅᖁᓪᓗᓯ ᐊᐅᓚᖏᓪᓗᓯ ᐱᕈᕇᑦᓯᐊᖁᓪᓗᓯᓗ ᖁᓚᕐᓂᖃᖏᑦᓯᐊᕐᓗᓯ ᒎᑎᐅᑉ ᐱᔪᒪᔭᖓᓂᒃ ᓈᓚᑦᓯᐊᕐᓗᓯ.

ᑯᓘᓯᐊᒥᐅᓄᑦ 4:7

ᑍᑭᑰᓯᐅᑉ ᐅᓂᒃᑲᐅᓯᕆᑦᓯᐊᕐᓂᐊᕐᐹᖓ ᐃᓕᑦᓯᓐᓄᑦ; ᑖᓐᓇ ᐅᒃᐱᕐᑑᖃᑎᒋᒐᑦᑎᒍ ᓇᒡᓕᖕᓇᕐᑐᖅ ᓱᖁᓯᔪᐃᑦᑑᓪᓗᓂᓗ ᐱᔨᑦᓯᕐᑎᐅᔪᖅ ᐱᔨᐅᖃᑎᒋᓪᓗᒍᓗ ᐊᑕᓂᕐᒥ.

ᑯᓘᓯᐊᒥᐅᓄᑦ 4:9

ᑖᓐᓇᓗ ᐃᓚᖃᕐᓂᐊᕐᐳᖅ ᐅᓂᓯᒪᓯᒥᒃ, ᓱᖁᓯᔪᐃᑦᑑᓪᓗᓂ ᐅᒃᐱᕐᑑᖃᑎᑦᑎᓐᓂᒃ ᓇᒡᓕᖕᓇᕐᑐᒥᒃ, ᐃᓕᑦᓯᓗ ᐃᓚᒋᒐᑦᓯᐅᒃ. ᑖᒃᑯᖕᓇᓐᖓᑦ ᐅᖃᐅᑦᔭᐅᑦᓯᐊᕈᒫᕐᐳᓯ ᒫᓂ ᖃᓄᐃᒻᒪᖔᑦᑕ.

ᑎᒧᑎᒧᑦ ᓯᕗᓪᓖᑦ 4:6

ᑕᒪᒃᑯᐊ ᐅᖃᐅᑦᔪᐃᑦᔪᑎᒋᒍᕕᒋᑦ ᐅᒃᐱᕐᑑᖃᑎᒌᓄᑦ, ᐱᔨᑦᓯᕐᑎᐅᑦᓯᐊᕐᓂᐊᕐᐳᑎᑦ ᙭ᔅᑑᓯ ᔩᓱᓯᒥᒃ, ᓇᖕᒥᓂᖅ ᐱᒋᐅᕐᓴᓗᑎᑦ ᐅᖃᐅᓯᕐᓄᑦ ᐅᒃᐱᕐᓂᒃᑯᑦ ᐊᔪᕆᕐᑑᓯᕐᓄᓪᓗ ᓱᓕᔪᓄᑦ ᒪᓕᒃᓯᒪᔭᕐᓄᑦ.

ᑎᒧᑎᒧᑦ ᐂᑉᐸᖏᑦ 2:2

ᐊᔪᕆᕐᑐᐃᓂᒃᑲᓗ ᑐᓴᓚᐅᕐᑕᑎᑦ ᐃᓄᐃᑦ ᐊᒥᓱᑦ ᑐᓵᑎᓪᓗᒋᑦ ᑲᒪᒋᔭᐅᖁᒃᑭᑦ ᐱᓇᓱᐊᑦᓯᐊᕈᓐᓇᕐᑐᓄᑦ ᐊᔪᕆᕐᑐᐃᔪᓐᓇᕋᔭᕐᑐᓄᓪᓗ ᐊᓯᒥᖕᓂᒃ.

ᐰᓕᒨᓂᒧᑦ 1:23

ᐃᐸᐳᕌᓯᐅᑉ, ᑎᒍᔭᐅᓯᒪᖃᑎᒪ ᔩᓱᓯ ᙭ᔅᑑᓯ ᐱᑦᔪᑎᒋᓪᓗᒍ ᑖᑦᓱᒪ ᑕᕝᕙᐅᕗᑏᕐᐹᑎᑦ,

ᐄᑉᕈᐃᓄᑦ 2:17

ᑍᒤᒻᒪᑦ ᐃᓅᖃᑎᓂ ᐊᑦᔨᒋᓕᕆᐊᖃᓚᐅᕐᐰᑦ ᓇᐅᒃᑯᑐᐃᓐᓇᓕᒫᖅ, ᓂᑲᒍᓱᒃᑑᓗᓂ ᓱᕐᕋᔪᐃᑦᑑᓗᓂᓗ ᑐᓂᕐᕈᓯᕐᑎᑦᓯᔨᐅᓗᓂ ᐊᖓᔪᖅᑲᐅᖁᓪᓗᒍ ᑖᒃᑯᓄᖓ ᐱᔨᑦᓯᕐᓗᓂ ᒎᑎᒥᒃ, ᐃᓄᐃᑦ ᐊᔪᕐᓂᖏᑦ ᐃᓱᒪᒋᔪᓐᓁᕐᑕᐅᖁᓪᓗᒋᑦ.

ᐄᑉᕈᐃᓄᑦ 3:2

ᓱᖁᓯᔪᐃᑦᑑᓚᐅᕐᐳᖅ ᑎᓕᔨᒋᓯᒪᔭᒥᓄᑦ, ᒨᓯᓯᑕᐅᖅ ᓱᖁᓯᔪᐃᑦᑑᓚᐅᕐᒪᑦ ᐱᓇᓱᐊᕐᑕᒥᓂᒃ ᒎᑎᐅᑉ ᐃᒡᓗᖓᓂ.