ᑯᓘᓯᐊᒥᐅᓄᑦ 1:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐅᖃᐅᓰᑦ ᑐᓴᕈᒥᓇᕐᑐᑦ ᑎᑭᐅᑎᓯᒪᖕᒪᑕ ᐃᓕᑦᓯᓐᓄᑦ, ᓯᓚᕐᔪᐊᕐᒥᐅᓕᒫᓄᓪᓗ ᓯᐊᒻᒪᓕᕐᒪᑕ ᐱᕈᕐᑎᑦᓯᓪᓗᑎᒃ ᐊᖏᓕᕙᓪᓕᐊᑎᑦᓯᓪᓗᑎᒡᓗ, ᑍᒫᒃᑕᐅᖅ ᐃᓕᑦᓯᓐᓂ ᐱᒋᐊᕐᓯᒪᒋᕗᑦ, ᑍᒪᓐᖓᓂᑦ ᑐᓴᕋᑦᓯᐅᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓱᓕᓂᖓᓗ ᑐᑭᓯᓪᓗᒍ.

ᑯᓘᓯᐊᒥᐅᓄᑦ 1:6 Iomraidhean Croise

ᐃᓐᖏᕈᑎᑦ 110:3

ᐃᓅᖃᑎᑎᑦ ᐃᑲᔪᕈᒪᓕᓛᕐᐳᑦ ᐊᑭᓕᕐᑕᐅᓂᕐᒥᒃ ᐃᓱᒪᖏᓪᓗᑎᒃ ᐅᓪᓗᓂ ᓵᓚᖃᕐᓂᕐᒥᒃ ᐊᑐᓕᕐᑎᓪᓗᑎᑦ, ᐃᑦᔪᕐᓁᓐᓂᐅᑉ ᐃᓂᖁᓇᕐᓂᖓᓂ ᐅᓪᓛᑉ ᖃᐅᒋᐊᓕᕐᓂᖓᑐᑦ, ᐃᓅᓱᒃᑐᐃᑦ ᐃᓕᖕᓄᑦ ᕾᔪᒫᕐᐳᑦ.

ᐃᓐᖏᕈᑎᑦ 98:3

ᓇᒡᓕᒍᓱᖕᓂᓂ ᓱᖁᓯᔪᐃᑦᑑᓂᓂᓗ ᐃᖅᑲᐅᒪᒐᒥᐅᒃ ᐃᓴᕆᐊᓕᐅᑉ ᐃᓄᖏᑦ ᐱᑦᔪᑎᒋᓪᓗᒋᑦ; ᓄᓇᕐᔪᐊᕐᒥᐅᓕᒫᑦ ᒎᑎᑦᑕ ᓵᓚᖃᕐᓂᖓ ᑕᑯᓯᒪᕚᑦ.

ᒫᑎᐅᓯᐅᑉ ᐊᒡᓚᖏᑦ 24:14

ᐅᖃᐅᓰᑦ ᑐᓴᕈᒥᓇᕐᑐᑦ ᒎᑎᐅᑉ ᐊᑕᓂᐅᕕᖓᓂᒃ ᐅᖃᐅᓯᓖᑦ ᐊᔪᕆᕐᑐᐃᑦᔪᑕᐅᔪᒫᕐᐳᑦ ᓄᓇᕐᔪᐊᓕᒫᒥ ᓇᓂᑐᐃᓐᓇᖅ, ᓱᓕᓂᖓᓗ ᓴᖅᑭᑎᑕᐅᓗᓂ ᐃᓅᖃᑎᒌᒡᔪᐊᓄᑦ; ᑕᕝᕙ ᓯᓚᕐᔫᑉ ᓇᒡᒐᑖ ᓇᓪᓕᐅᑎᔪᒫᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 28:19

ᑍᒤᒻᒪᑦ ᐃᓅᖃᑎᒌᒡᔪᐊᓄᑦ ᐂᓕᕆᑦᓯ, ᐃᓕᓐᓂᐊᕐᑎᓐᖑᕐᑎᑦᓯᒋᐊᕐᑐᕐᓗᓯ: ᐹᑉᑎᓪᓗᒋᓪᓗ ᐊᑖᑕᐅᑉ ᐃᕐᓂᐅᓪᓗ ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᐊᑎᖓᓂ,

ᒫᑯᓯᐅᑉ ᐊᒡᓚᖏᑦ 16:15

ᔩᓱᓯᐅᑉ ᐅᖃᐅᑎᕔᑦ, “ᐂᓕᕆᑦᓯ ᐱᓐᖑᕐᑎᑕᐅᓯᒪᔪᓄᑦ ᑕᒤᓐᓄᑦ ᐊᔪᕆᕐᑐᐃᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ.

ᒫᑯᓯᐅᑉ ᐊᒡᓚᖏᑦ 4:8

ᐃᓚᖏᑦ ᐱᕈᕐᓯᐊᒃᓮᑦ ᑲᑕᒃᐳᑦ ᐃᑦᔪᖃᑦᓯᐊᕐᑐᒧᑦ, ᑖᒃᑯᐊ ᐱᕈᐸᓕᐊᓕᕋᒥᒃ, ᐃᓚᖏᑦ ᐱᕈᕐᕕᐅᓪᓗᑎᒃ 30ᓂᒃ, ᐃᓚᖏᓪᓗ 60ᓂᒃ, ᐃᓚᖏᓪᓗ 100ᓂᒃ.”

ᔪᐊᓇᓯᐅᑉ ᐊᒡᓚᖏᑦ 15:16

ᓂᕈᐊᓚᐅᓐᖏᓚᑦᓯᓐᖓ, ᓂᕈᐊᓚᐅᕐᐸᑦᓯᓕ ᑎᓕᓪᓗᓯᓗ ᐸᐅᕐᖓᑲᕆᐊᕐᑐᖁᓪᓗᓯ ᐸᐅᕐᖓᖃᕐᓂᓯ ᑲᔪᓯᖁᓪᓗᒍ; ᓱᓇᑐᐃᓐᓇᕐᒥᒃ ᐊᑖᑕ ᑐᒃᓯᐊᕐᕕᒋᒍᑦᓯᐅᒃ ᐊᑎᓐᓂ, ᑐᓂᓯᓂᐊᕐᐳᖅ ᐃᓕᑦᓯᓐᓄᑦ.

ᔪᐊᓇᓯᐅᑉ ᐊᒡᓚᖏᑦ 17:19

ᑖᒃᑯᐊ ᐱᑦᔪᑎᒋᓪᓗᒋᑦ ᐃᓕᖕᓄᑦ ᑐᓂᕗᖓ, ᑖᒃᑯᐊᑦᑕᐅᖅ ᓱᓕᔪᒥᒃ ᑐᓂᖁᓪᓗᒋᑦ ᐃᓕᖕᓄᑦ.

ᔪᐊᓇᓯᐅᑉ ᐊᒡᓚᖏᑦ 4:23

ᓇᓪᓕᐅᑎᔪᒫᕐᐳᕐᓕ, ᒫᓐᓇᓗ ᓇᓪᓕᐅᑎᓯᒪᓕᕐᐳᖅ, ᐊᑖᑕᒧᑦ ᑐᒃᓯᐊᕐᑐᑦ ᓱᓕᑦᓯᐊᕐᑐᒥᒃ ᑐᒃᓯᐊᖃᑦᑕᓕᕐᕕᒃᓴᓐᖓᑦ, ᐊᓂᕐᓂᒃᑰᕐᓗᑎᒃ ᓱᓕᑦᓯᐊᕐᑐᒥᒃ, ᐊᑖᑕ ᑍᒪᓐᓇ ᑐᒃᓯᐊᖃᑦᑕᕈᓐᓇᕐᑐᓂᒃ ᕿᓂᕐᒪᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 11:18

ᑖᒃᑯᐊ ᑕᒪᑐᒥᖓ ᑐᓴᕋᒥᒃ ᓂᐱᖃᕈᓐᓃᕐᐳᑦ, ᒎᑎ ᓂᕐᑐᓕᕐᓗᒍ ᐅᖃᕐᐳᑦ, “ᔫᑎᐅᖏᑦᑐᓄᑦᑕᐅᖅ ᒎᑎ ᑐᓂᓯᕗᖅ ᓵᒋᐊᕐᓂᕐᒥᒃ ᐃᓅᓯᖃᕐᓇᕐᑐᒧᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 12:24

ᒎᑎᐅᓪᓕ ᐅᖃᐅᓯᖏᑦ ᓯᐊᒻᒪᕐᐸᓪᓕᐊᕗᑦ ᐱᕙᓪᓕᐊᑐᐃᓐᓇᕐᓗᑎᒃᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 16:14

ᑖᒃᑯᐊ ᐃᓚᖓᑦ ᓈᓚᒃᑐᖅ ᓖᑎᐊᒥ ᐊᑎᓕᒃ ᑍᐊᑍᕋᒥᐅᖅ, ᐊᓐᓄᕌᒃᓴᓂᒃ ᐊᐅᐸᓪᓚᕆᒃᑐᓂᒃ ᐱᐅᔪᓂᒃ ᓂᐅᕕᐊᒃᓴᖁᑎᓕᒃ, ᒎᑎᒧᑦ ᑐᒃᓯᐊᖃᑦᑕᕐᑐᖅ. ᓖᑎᐊᑉ ᐆᒻᒪᑎᖓ ᐊᑕᓂᐅᑉ ᒪᑐᐃᕐᐹ ᐸᐅᓗᓯᐅᑉ ᐅᖃᐅᓯᖏᓐᓂᒃ ᓈᓚᑦᓯᐊᖁᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 26:18

ᐃᔨᖏᑦ ᐅᐃᑎᑕᐅᖁᓪᓗᒋᑦ, ᑖᕐᑐᒥᑦ ᓵᒋᐊᖁᓪᓗᒋᑦ ᖃᐅᒪᔪᒧᑦ, ᓵᑖᓇᓯᐅᓪᓗ ᐱᔪᓐᓇᕐᓂᖓᓂᑦ ᒎᑎᒧᑦ, ᐅᒃᐱᕐᓂᕐᒥᒍᓪᓗ ᐅᕙᓐᓄᑦ ᐊᔪᕐᓂᕐᒥᖕᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᐃᓂᖃᓕᖁᓪᓗᒋᓪᓗ ᒎᑎᐅᑉ ᐃᑦᔪᕐᓁᑎᓯᒪᔭᖏᓐᓂ ᐅᒃᐱᕐᓂᒃᑯᑦ.’”

ᕉᒪᒥᐅᓄᑦ 1:13

ᖃᐅᔨᒪᖁᕙᑦᓯᓕ ᐅᒃᐱᕐᑐᓯ; ᐅᓄᕐᑐᐃᕐᓱᕐᓗᖓ ᐃᓕᑦᓯᓐᓄᐊᕋᓱᖃᑦᑕᕐᓯᒪᕗᖓ, ᑎᑭᖏᑦᔪᑎᒃᓴᖃᖃᑦᑕᓚᐅᕐᐳᖓᓕ ᒫᓐᓇᒧᑦ ᑎᑭᓪᓗᒍ, ᐃᓕᑦᓯᓐᓂᑦ ᑲᑎᕐᓱᐃᔪᑎᑐᑦ ᑍᒤᑦᓱᒪᓪᓗᖓ, ᔫᑎᐅᖏᑦᑐᓂᓗ ᑍᒫᒃ ᐱᔪᒪᒋᓪᓗᖓ.

ᕉᒪᒥᐅᓄᑦ 15:19

ᓇᓗᓁᒃᑯᑍᑦ ᑲᒪᓇᕐᑐᓕᓃᓪᓗ ᐱᔪᓐᓇᕐᓂᖏᑎᒍᑦ, ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᐱᔪᓐᓇᕐᓂᖓᒍᑦ, ᔨᕉᓴᓕᒻᒥᑦ ᐱᒋᐊᕐᓗᖓ ᐃᓔᕆᑲᒻ ᑎᑭᓪᓗᒍ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᙭ᔅᑑᓯᒥᒃ ᐅᖃᐅᓯᖃᕐᓯᒪᕗᖓ ᑕᒤᓐᓄᑦ.

ᕉᒪᒥᐅᓄᑦ 15:28

ᑍᒤᒻᒪᑦ ᑕᒪᓐᓇ ᐱᔭᕇᕈᒃᑯ, ᑍᒃᑯᐊᓗ ᐱᔭᕆᐊᖃᕐᑕᒥᖕᓂ ᑐᓂᕐᕈᑎᓂᒃ ᑲᑎᑕᐅᓯᒪᔪᓂᒃ ᐱᒃᐸᑕ, ᓯᐰᓂᒧᐊᓕᕈᒪ ᐊᖅᑯᓵᓛᕈᒪᕙᑦᓯ;

ᕉᒪᒥᐅᓄᑦ 16:26

ᒫᓐᓇᓕ ᓇᓗᓇᕈᓐᓃᕐᑎᑕᐅᖕᒪᑕ ᓇᓚᐅᑦᑍᔪᑦ ᑎᑎᖅᑲᖏᓐᓄᑦ ᐃᓅᖃᑎᒌᒡᔪᐊᓄᑦ, ᒎᑎᐅᑉ ᐃᓱᖃᖏᑦᑑᑉ ᐱᖁᔨᓂᖓᓄᑦ, ᐅᒃᐱᕐᑐᑦ ᓈᓚᒍᓐᓇᕐᓯᖁᓪᓗᒋᑦ ᑖᑦᓱᒥᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:14

ᐊᕗᖓᓗᐊᖅ ᐅᕙᑦᑎᓐᓂᒃ ᓂᕐᑑᑎᓐᖏᓚᒍᑦ, ᓈᒻᒪᓈᕐᓗᑕ ᐃᓕᑦᓯᓐᓄᑦ ᑎᑭᐅᑦᔨᓚᐅᕋᑦᑕ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᙭ᔅᑑᓯᒥᒃ ᐅᖃᐅᓯᖃᕐᓗᑕ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:1

ᑖᑦᓱᒥᖓ ᐱᓇᓱᐊᖃᑎᖃᕋᑦᑕ, ᑍᒤᒻᒪᑦ, ᐃᓇᑉᐸᑦᓯ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐃᓚᓕᐅᕐᓯᒪᔭᓯ ᑕᒪᐅᖓᑐᐃᓐᓈᕐᑎᑦᑍᓕᓯᐅᒃ.

ᐃᐱᓯᒥᐅᓄᑦ 3:2

ᖁᓚᕐᓇᓐᖏᓚᖅ ᑐᓴᐅᒪᓕᕋᑦᓯ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᑎᓕᔭᐅᑦᔪᑎᖃᕋᒪ ᐃᓕᑦᓯ ᐱᑦᔪᑎᒋᓪᓗᓯ.

ᐃᐱᓯᒥᐅᓄᑦ 4:21

ᑖᑦᓱᒥᖓᑦ ᑐᓴᑦᓯᐊᓚᐅᕐᐳᓯ ᑖᑦᓱᒪᓗ ᒪᓕᒃᑎᖏᑎᑐᑦ ᐊᔪᕆᕐᑐᕐᑕᐅᓯᒪᕗᓯ, ᓱᓕᓂᖅ ᑕᕝᕙ ᔩᓱᓯᒦᒻᒪᑦ.

ᐃᐱᓯᒥᐅᓄᑦ 4:23

ᐃᓱᒪᓯᓗ ᓄᑖᓐᖑᕐᑎᑕᐅᔪᒃᓴᐅᕗᑦ ᐊᓂᕐᓂᕐᒥ,

ᐃᐱᓯᒥᐅᓄᑦ 5:9

ᖃᐅᒪᔫᑉ ᐱᕈᕐᑎᑕᖏᑦ ᐊᒥᒐᖏᒻᒪᑕ ᐱᑦᓯᐊᕐᓃᑦ ᖃᓄᐃᑦᑐᑐᐃᓐᓁᑦ ᓇᓛᒎᕐᓂᖅ, ᓱᓕᓂᕐᓗ.

ᐱᓕᐱᒥᐅᓄᑦ 1:11

ᐃᓅᓯᓯᓗ ᐃᓗᒻᒥᕐᑕᐅᓂᐊᕐᐳᖅ ᓇᓛᒎᕐᓂᐅᑉ ᐱᕈᕐᑎᑕᖏᓐᓂᒃ ᔩᓱᓯ ᙭ᔅᑑᓯᒃᑯᑦ ᓴᖅᑭᑦᑐᓂᒃ, ᒎᑎ ᓂᕐᑐᕐᑕᐅᖁᓪᓗᒍ ᐱᓐᓇᕐᓇᕐᓯᑎᑕᐅᖁᓪᓗᒍᓗ.

ᐱᓕᐱᒥᐅᓄᑦ 4:17

ᑐᓂᓯᕕᐅᔪᒪᓗᖓ ᐱᓐᖏᓚᖓ; ᐊᑭᓕᕐᑕᐅᓂᒃᓴᓯᓕ ᐱᓂᐊᕐᓂᕕᓂᑦᓯᓐᓄᑦ ᑕᒪᓐᓇ ᐱᔪᒪᕙᕋ.

ᑯᓘᓯᐊᒥᐅᓄᑦ 1:10

ᐃᓅᓯᖃᕈᓐᓇᖁᓪᓗᓯ ᐊᑕᓂᐅᑉ ᓈᒻᒪᒋᔭᖓᒍᑦ, ᖁᕕᐊᒋᔭᐅᓗᓯᓗ ᑖᑦᓱᒧᖓ, ᐃᓅᓯᑦᓯᒍᓪᓗ ᐱᐅᔪᓂᒃ ᐱᕈᕐᑎᑦᓯᖁᓪᓗᓯ ᐊᑦᔨᒌᖏᑦᑐᓂᒃ ᖃᐅᔨᕙᓪᓕᐊᓗᓯᓗ ᒎᑎᒥᒃ.

ᑯᓘᓯᐊᒥᐅᓄᑦ 1:23

ᑲᔪᓯᓂᐊᕈᑦᓯ ᐅᒃᐱᕐᓂᑦᓯᓐᓂ, ᑐᓐᖓᕕᖃᑦᓯᐊᕐᓗᓯ ᐊᐅᓚᖏᑦᓯᐊᕐᑐᒥᒃ, ᓴᖑᑎᑕᐅᔪᓐᓃᕐᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᑦ ᑐᓴᓚᐅᕐᑕᑦᓯᓐᓂᑦ, ᑕᒪᓐᓇ ᐅᖃᐅᓯᖅ ᑐᓴᕈᒥᓇᕐᑐᖅ ᐱᑦᔪᑎᒋᓪᓗᒍ ᐅᕙᖓ ᐸᐅᓗᓯ, ᐱᔨᓐᖑᕐᑎᑕᐅᓯᒪᕗᖓ; ᑕᒪᓐᓇᓗ ᐅᖃᐅᓯᖅ ᑐᓴᕈᒥᓇᕐᑐᖅ ᐊᔪᕆᕐᑐᐃᑦᔪᑕᐅᓯᒪᓕᕐᐳᖅ ᓯᓚᕐᔪᐊᕐᒥᐅᓕᒫᓄᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:5

ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐃᓕᑦᓯᓐᓄᑦ ᐅᖃᐅᓯᖃᓚᐅᕋᑦᑕ ᐅᖃᐅᓯᑐᐃᓐᓇᕐᑎᒎᖏᑦᑐᖅ, ᐊᓂᕐᓂᐅᓪᓕ ᐃᑦᔪᕐᓁᑦᑑᑉ ᐱᔪᓐᓇᕐᓂᖓᒍᑦ, ᓱᓕᓂᖓᓗ ᓴᖅᑭᑎᑕᐅᑦᓯᐊᕐᓗᓂ. ᖃᐅᔨᒪᕗᓯ ᖃᓄᖅ ᐃᓅᓯᖃᓚᐅᕐᒪᖔᑦᑕ ᐃᓕᑦᓯᓐᓃᑦᑎᓪᓗᑕ ᐱᕙᓪᓕᕐᑎᑕᐅᖁᓪᓗᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:13

ᒎᑎᒧᑦᑕᐅᖅ ᖁᔭᓕᖃᑦᑕᕐᐳᒍᑦ ᑕᒪᒃᑯᐊ ᐱᑦᔪᑎᒋᓪᓗᒋᑦ, ᒎᑎᐅᑉ ᐅᖃᐅᓯᖏᓐᓂᒃ ᐅᖃᐅᓯᖃᕐᑎᓪᓗᑕ, ᑐᓵᑦᓯᐊᕐᓗᓯ ᐃᓚᓕᐅᕐᓗᓯᐅᒡᓗ ᐱᓚᐅᕋᑦᓯ, ᐃᓄᖕᒥᑦ ᐱᓯᒪᔪᑎᑑᖏᑦᑐᖅ ᒎᑎᒥᓪᓕ ᐱᓯᒪᔪᑎᑐᑦ, ᐃᓛᒃ ᑕᒪᒃᑯᐊ ᒎᑎᒥᑦ ᐱᖕᒪᑕ, ᒎᑎᐅᑉ ᐅᖃᐅᓯᖓ ᐱᓇᓱᐊᕐᒪᑦ ᐃᓗᑦᓯᓐᓂ ᐅᒃᐱᕐᑐᓯ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:13

ᒎᑎᒧᓪᓕ ᖁᔭᓕᑦᔪᑎᒋᔭᕆᐊᕾᓐᓇᕐᐸᑦᓯ, ᙭ᔅᑑᓯᒥᐅᑕᐅᖃᑎᒃᑲ, ᐊᑕᓂᐅᑉ ᓇᒡᓕᒋᔭᖏᑦ, ᓯᕗᓪᓕᕐᐸᐅᓪᓗᓯ ᓂᕈᐊᓚᐅᕐᒪᓯ ᐱᐅᓕᔭᐅᖁᓪᓗᓯ, ᐊᓂᕐᓂᐅᑉ ᐃᑦᔪᕐᓁᑎᑦᓯᓂᖓᒍᑦ ᓱᓕᓂᕐᒥᒡᓗ ᐅᒃᐱᕐᓂᑦᓯᒍᑦ.

ᐲᑦᑐᕉᓯ ᓯᕗᓪᓖᑦ 5:12

ᓮᓚᓯᒥᒃ ᐃᑲᔪᕐᑎᖃᕐᓗᖓ, ᐅᑯᓂᖓ ᓁᑦᑐᓂᒃ ᑎᑎᕋᕐᕕᒋᕙᑦᓯ, ᑖᓐᓇ ᑍᔪᓐᓇᕐᐸᕋ ᓱᖁᓯᔪᐃᑦᑐᒥᒃ ᖃᑕᓐᖑᑎᒋᒐᒃᑯ, ᑲᔪᖏᕐᓴᕐᐸᑦᓯ ᓇᓗᓁᕐᓯᕕᒋᓪᓗᓯᓗ ᑕᒪᓐᓇ ᓱᓕᔪᒥᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ; ᑐᓐᖓᕕᒋᓯᐅᒃ ᐊᐅᓚᖏᓪᓗᓯ.