ᑯᓘᓯᐊᒥᐅᓄᑦ 1:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᒫᓐᓇᓕ ᐃᕐᓂᖓᑕ ᑐᖁᓂᖓᒍᑦ ᐅᑎᕐᑎᓯᒪᕚᓯ, ᐃᑦᔪᕐᓁᓕᖁᓪᓗᓯ ᓴᓗᒪᑦᓯᐊᓕᕐᓗᓯᓗ ᐸᓯᔭᒃᓴᐅᔪᓐᓃᕐᓗᓯᓗ ᑖᑦᓱᒪ ᓵᖓᓂ,

ᑯᓘᓯᐊᒥᐅᓄᑦ 1:22 Iomraidhean Croise

ᓴᒧᐃᓕ ᐂᑉᐸᖏᑦ 22:24

ᐸᓯᔭᒃᓴᐅᓂᖃᓚᐅᓐᖏᓚᖓ ᑖᑦᓱᒪ ᓵᖓᓂ, ᐅᕙᓐᓂᒃ ᐸᓯᔭᒃᓴᓐᖑᕐᑎᑦᑍᓕᒪᓚᐅᕋᒪ.

ᔫᐱᐅᑉ ᐊᒡᓚᖏᑦ 15:15

ᑕᑯᒋᑦ ᒎᑎᐅᑉ ᐂᖏᓕᖁᑎᓂ ᐊᒡᓛᑦ ᑕᑎᒋᔪᓐᓇᓚᐅᓐᖏᓔᑦ, ᐊᒡᓛᑦ ᑖᑦᓱᒪ ᓵᖓᓂ ᕿᓔᑦ ᐃᑦᔪᕐᓁᑦᑑᓚᐅᖏᒻᒪᑕ.

ᔫᐱᐅᑉ ᐊᒡᓚᖏᑦ 25:5

ᑕᑯᒋᑦ ᑕᖅᑭᖅ ᐊᒡᓛᑦ ᑖᑦᓱᒪ ᓵᖓᓂ ᖃᐅᒻᒪᕆᒃᑑᓐᖏᓚᖅ ᐅᓪᓗᕆᐊᓪᓗ ᐃᑦᔪᕐᓁᑦᑑᓇᑎᒃ ᑖᑦᓱᒪ ᓵᖓᓂ;

ᐃᓐᖏᕈᑎᑦ 51:7

ᓴᓗᒻᒪᕐᓴᓚᐅᓐᖓ ᕼᐊᓯᑉᒧᑦ, ᑕᕝᕙ ᓴᓗᒻᒪᕐᓂᐊᕐᐳᖓ; ᐅᐊᓴᓚᐅᓐᖓ, ᑕᕝᕙ ᐊᐳᒻᒥᑦ ᖃᑯᕐᓂᕐᓴᐅᓕᕐᓂᐊᕐᐳᖓ.

ᓘᑲᓯᐅᑉ ᐊᒡᓚᖏᑦ 1:75

ᐃᑦᔪᕐᓁᓐᓂᕐᒥ ᓈᒻᒪᒋᔭᐅᓂᕐᒥᓗ ᑖᑦᓱᒪ ᓵᖓᓂ ᐃᓅᓯᑦᑕ ᐃᓱᐊᓄᑦ.

ᕉᒪᒥᐅᓄᑦ 7:4

ᑍᒤᒃᑭᕗᓯᑦᑕᐅᖅ ᐃᓚᒃᑳ, ᐱᖁᔭᒧᑦ ᑐᖁᓯᒪᒐᑦᓯ ᙭ᔅᑑᓯᐅᑉ ᑎᒥᖓᒍᑦ, ᐊᓯᑦᓯᓐᓄᑦ ᐱᑖᕆᔭᐅᖁᓪᓗᓯ, ᑖᑦᓱᒧᖓ ᑐᖁᖓᔪᓂᑦ ᒪᑭᓚᐅᕐᑐᒧᑦ ᒎᑎᐅᑉ ᐱᓇᓱᐊᕐᓂᖓᓄᑦ ᐸᐅᕐᖓᕆᔭᐅᖁᓪᓗᑕ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:2

ᒎᑎᒥᑦ ᐱᔪᒥᒃ ᓯᖕᓇᓂᕐᒥᒃ ᐃᒃᐱᒍᓱᒃᑲᒪ ᐃᓕᑦᓯᓐᓄᑦ, ᐊᕐᓇᑐᑦ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᑎᑐᑦ ᓄᓕᐊᒃᓴᐅᖁᓪᓗᓯ ᑐᓂᔪᒪᒐᑦᓯ ᙭ᔅᑑᓯᒧᑦ ᑖᑦᓱᒥᖓ ᐅᐃᑖᖁᓪᓗᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:14

ᖃᐅᔨᒪᒐᑦᑕ ᒎᑎᐅᑉ ᐊᑕᓂᕐᒥᒃ ᔩᓱᓯᒥᒃ ᐆᒻᒪᕐᑎᑦᓯᔫᑉ, ᐆᒻᒪᕐᑎᑦᓱᒫᕐᒥᖕᒪᑎᒍᑦ ᔩᓱᓯᒃᑯᑦ, ᐃᓚᒋᓗᓯᓗ ᓴᖅᑭᑎᓪᓗᓂᑎᒍᑦ ᓇᔪᒐᒥᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:18

ᑕᒪᓐᓇᓕ ᑕᒪᕐᒥᒃ ᒎᑎᒥᑦ ᐱᕗᖅ, ᑖᑦᓱᒪ ᙭ᔅᑑᓯᒃᑯᑦ ᐊᓯᑦᔨᕐᐹᑎᒍᑦ ᐃᒻᒥᓄᑦ ᐃᓚᓐᓇᕆᔭᐅᓕᕐᑎᓪᓗᑕ, ᐱᔭᒃᓴᕐᑖᕐᑎᑉᐹᑎᒍᓪᓗ ᐃᓄᖕᓄᑦ ᑖᒃᑯᐊᑦᑕᐅᖅ ᒎᑎᒧᑦ ᐃᓚᓐᓇᕆᔭᐅᓕᖁᓪᓗᒋᑦ;

ᐃᐱᓯᒥᐅᓄᑦ 1:4

ᐊᒡᓛᑦ ᓯᓚᕐᔪᐊᖅ ᓴᓇᔭᐅᓚᐅᖅᑳᕐᑎᓐᓇᒍ ᒎᑎᐅᑉ ᓂᕈᐊᓚᐅᕐᐹᑎᒍᑦ ᙭ᔅᑑᓯᒃᑯᑦ, ᐃᑦᔪᕐᓁᖁᓪᓗᑕ ᐸᓯᔭᒃᓴᐅᓂᖃᖁᓇᑕᓗ ᑖᑦᓱᒪ ᓵᖓᓂ ᓇᒡᓕᖕᓂᕐᒥᒍᑦ.

ᐃᐱᓯᒥᐅᓄᑦ 5:27

ᐅᒃᐱᕐᑑᖃᑎᒌᑦ ᐃᒻᒥᓄᑦ ᐱᑎᑦᓱᒪᓪᓗᒋᑦ ᑕᑯᒥᓇᕐᑑᓕᕐᑎᓪᓗᒋᑦ, ᓴᓗᒪᑦᓯᐊᕐᓗᑎᒃ ᐸᓯᔭᒃᓴᐅᓂᖃᕈᓐᓃᕐᑎᓪᓗᒋᑦ, ᐱᐅᖏᑦᑐᒥᒃ ᑕᕐᓴᖃᖏᑦᓯᐊᕐᓗᑎᒃ ᐃᒧᓪᓕᖓᓂᖃᕋᑎᒡᓗ, ᓱᓇᑐᐃᓐᓇᕐᒧᓪᓗ ᓈᒻᒪᓐᖏᑦᔪᑎᒃᓴᖃᖏᓪᓗᑎᒃ.

ᑯᓘᓯᐊᒥᐅᓄᑦ 1:28

ᑍᒤᒻᒪᑦ ᙭ᔅᑑᓯ ᐊᔪᕆᕐᑐᐃᑦᔪᑎᒋᕙᕗᑦ ᐃᓄᓕᒫᓄᑦ, ᓯᕘᕋᒋᔭᒃᓴᖏᓐᓂᒃ ᐅᖃᐅᑦᔪᐃᑦᔪᑎᒋᓪᓗᒍ ᐊᔪᕆᕐᑐᐃᑦᔪᑎᒋᕙᕗᓪᓗ ᑕᒤᓐᓄᑦ ᓯᓚᑐᓂᖃᕐᓗᑕ, ᑕᒪᕐᒥᒃ ᐱᕈᕇᕐᓯᒪᓗᑎ ᐅᒃᐱᕐᓂᒃᑯᑦ ᓴᖅᑭᑎᑦᓱᒪᓪᓗᑎᒍ ᙭ᔅᑑᓯᒥ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:7

ᒎᑎᐅᑉ ᕾᖁᓚᐅᖏᒻᒪᑎᒍᑦ ᐊᑐᕈᒥᓇᖏᑦᑐᓂᒃ ᑕᒪᒃᑯᓂᖓ ᐃᓕᖅᑯᓯᖃᖁᓗᑕ, ᐃᑦᔪᕐᓁᖁᓪᓗᑕᓕ.

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.

ᐄᑉᕈᐃᓄᑦ 10:10

ᑕᕝᕙ ᑖᑦᓱᒪ ᐱᓂᐊᕐᑕᐅᖁᔭᖓᓄᑦ ᓴᓗᒻᒪᕐᑕᐅᕗᒍᑦ ᔩᓱᓯᐅᑉ ᙭ᔅᑑᓯᐅᑉ ᑎᒥᖓᑕ ᑐᓂᕐᕈᑕᐅᓂᖓᓄᑦ ᐊᑕᐅᓯᐊᕐᓗᓂ ᐱᒃᑲᓐᓂᕆᐊᖃᖏᑦᑐᒥᒃ.

ᐄᑉᕈᐃᓄᑦ 10:20

ᓄᑖᒥᒃ ᐊᖅᑯᓯᓚᐅᕐᒪᑎᒍᑦ ᐃᓅᓯᖃᕐᓇᕐᑐᒥᒡᓗ ᐅᒃᑯᐃᕈᑎᓚᐅᕐᒪᑎᒍᑦ ᑖᓗᑕᕐᔪᐊᒃᑯᑦ, ᑕᕝᕙ ᓇᖕᒥᓂᖅ ᑎᒥᒥᒍᑦ,

ᐄᑉᕈᐃᓄᑦ 13:21

ᑖᑦᓱᒪ ᐱᔪᓐᓇᕐᑎᓪᓕᓯ ᐱᓂᐊᑦᓯᐊᕐᓂᕐᓂᒃ ᑕᒤᓐᓂᒃ ᐱᔪᓐᓇᑦᓯᖁᓪᓗᓯ ᑖᑦᓱᒪ ᐱᔪᒪᔭᖓᒍᑦ, ᐃᓗᑦᓯᓐᓂ ᐱᓇᓱᐊᕐᓗᓂ ᖁᕕᐊᒋᔭᒥᓂᒃ, ᔩᓱᓯ ᙭ᔅᑑᓯᒃᑯᑦ; ᑖᓐᓇ ᓂᕐᑐᕐᑕᐅᓕ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒥᓐ.

ᐲᑦᑐᕉᓯ ᓯᕗᓪᓖᑦ 3:18

᙭ᔅᑑᓯᑦᑕᐅᖅ ᐊᑕᐅᓯᐊᕐᓗᓂ ᐋᓐᓂᐊᑎᑕᐅᓚᐅᕐᒪᑦ ᐊᔪᕐᓃᑦ ᐱᑦᔪᑎᒋᓪᓗᒋᑦ, ᐃᖢᐊᕐᑐᖅ ᐃᓗᐃᑦᑐᓕᔪᑦ ᐱᑦᔪᑎᒋᓪᓗᒋᑦ, ᒎᑎᒧᑦ ᐱᑎᑦᓱᒪᓪᓗᑕ, ᑎᒥᒥᒍᑦ ᑐᖁᑕᐅᓚᐅᕐᐳᖅ ᐊᓂᕐᓂᒃᑯᓪᓕ ᐆᒻᒪᕐᑎᑕᐅᓚᐅᕐᐳᖅ;

ᐲᑦᑐᕉᓯ ᐂᑉᐸᖏᑦ 3:14

ᑍᒤᒻᒪᑦ ᓇᒡᓕᒋᔭᒃᑲ, ᑍᒤᑦᑐᒥᒃ ᓂᕆᐅᒃᑎᓪᓗᓯ, ᐊᒃᓱᕈᕆᑦᓯ ᑖᑦᓱᒧᖓ ᑲᑎᔭᐅᖁᓪᓗᓯ ᐊᔪᕐᓂᖃᕐᑎᓐᓇᓯ ᐃᑦᔪᕐᓇᕐᑐᖃᕐᑎᓐᓇᓯᓗ ᑖᑦᓱᒧᖓ ᑎᑭᑕᐅᖁᓪᓗᓯ, ᓮᒪᓂᖃᕐᑎᓪᓗᓯᓗ.

ᔫᑎᐅᑉ ᐊᒡᓚᖏᑦ 1:24

ᑖᓐᓇᓕ ᐃᓕᑦᓯᓐᓂᒃ ᓴᐳᑦᔨᔪᓐᓇᕐᑐᖅ ᑲᑕᖁᓇᓯ ᐸᓯᔭᒃᓴᐅᖁᓇᓯᓗ ᓵᒥᓄᑦ ᐱᓐᓇᕐᓇᕐᑐᕐᔪᐊᒧᑦ ᐂᑎᑦᓯᔪᓐᓇᕐᑐᖅ ᖁᕕᐊᓱᒃᑐᐊᓘᑎᓪᓗᓯ;