ᑯᓘᓯᐊᒥᐅᓄᑦ 1:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐃᑦᔪᕐᓁᑎᑕᐅᓯᒪᔪᓄᑦ ᑯᓘᓯᐊᒦᑦᑐᓄᑦ, ᐅᒃᐱᕐᑑᖃᑎᑦᑎᓐᓄᑦ ᐅᒃᐱᕐᓂᕐᒥᑦᓯᐊᕐᑐᓄᑦ: ᒎᑎᐅᑉ ᐊᑖᑕᑦᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᓯ ᖃᓄᐃᖏᑦᓯᐊᕐᑎᓪᓕᓯᓗ.

ᑯᓘᓯᐊᒥᐅᓄᑦ 1:2 Iomraidhean Croise

ᐃᓐᖏᕈᑎᑦ 16:3

ᐃᑦᔪᕐᓁᑦᑐᓪᓕ ᓄᓇᒦᑦᑐᑦ, ᓈᒻᒪᒋᔭᐅᔪᓪᓗ, ᑖᒃᑯᐊ ᖁᕕᐊᒋᕙᒃᑲ.

ᐋᐴᓯᑕᓖᑦ ᐱᓂᐊᕐᓂᖏᑦ 9:13

ᐊᓇᓁᐊᓯ ᑭᐅᕗᖅ, “ᐊᑕᓃᖅ, ᑖᑦᓱᒥᖓ ᑐᓴᐅᒪᒐᒪ ᐃᓄᖕᓂᑦ ᐅᓄᕐᑐᓂᑦ, ᑖᓐᓇ ᐃᓄᖁᑎᖕᓄᑦ ᔨᕉᓴᓕᒻᒥ ᐊᖏᔪᐊᓗᖕᒥᒃ ᐱᐅᖏᑦᑐᓂᒃ ᐱᓇᓱᐊᖃᑕᕐᓯᒪᓂᖓᓂᒃ;

ᕉᒪᒥᐅᓄᑦ 1:7

ᕉᒪᒥᐅᑕᓕᒫᖑᔪᓯ ᑎᑎᕋᕐᕕᒋᕙᑦᓯ ᒎᑎᐅᑉ ᓇᒡᓕᒋᔭᖏᑦ, ᐃᑦᔪᕐᓁᑦᑑᓗᑎᒃ ᐃᓄᖁᑎᒋᔪᒪᓪᓗᓂᒋᑦ ᕾᖁᔭᖏᑦ: ᒎᑎᐅᑉ ᐊᑖᑕᑦᑕ ᐊᑕᓂᑦᑕᓗ ᔩᓱᓯ ᙭ᔅᑑᓯᐅᑉ ᑐᓂᓯᕕᒋᓕᓯ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᒥᓂᒃ ᖃᓄᐃᖏᑦᓯᐊᕐᑎᑦᓯᓂᖓᓂᒡᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:2

ᒎᑎᐅᑉ ᐃᓚᒌᒃᑐᖁᑎᖏᓐᓄᑦ ᐅᒃᐱᕐᑐᓄᑦ ᑯᕆᓐᑎᒦᑦᑐᓄᑦ, ᐃᑦᔪᕐᓁᑎᑕᐅᓯᒪᔪᓄᑦ ᔩᓱᓯ ᙭ᔅᑑᓯᒃᑯᑦ, ᐃᑦᔪᕐᓁᑎᑕᐅᖁᓪᓗᒋᑦ ᕾᖁᔭᐅᓯᒪᔪᓕᒫᓄᑦ ᑐᒃᓯᐊᕐᐸᒃᑐᓄᓪᓗ ᐊᑕᓂᐅᑉ ᔩᓱᓯ ᙭ᔅᑑᓯᐅᑉ ᐊᑎᖓᓄᑦ, ᐊᑕᓂᕆᔭᒥᖕᓄᑦ ᐊᑕᓂᕆᔭᑦᑎᓐᓄᓪᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:17

ᑍᒤᒻᒪᑦ ᑎᒧᑎ ᐃᓕᑦᓯᓐᓄᑦ ᑎᓕᕙᕋ, ᐃᕐᓂᕋ ᓇᒡᓕᒋᔭᕋ ᐊᑕᓂᕐᒥ ᓱᕐᕋᔪᐃᑦᑑᖕᒪᑦ, ᑖᑦᓱᒪ ᐃᖅᑬᑎᓐᓂᐊᕐᒪᓯ ᐃᓅᓯᕆᔭᓐᓂᒃ ᙭ᔅᑑᓯᒥ, ᑍᒫᒡᓗ ᐊᔪᕆᕐᑐᐃᕙᒃᑲᒪ ᓇᓂᑐᐃᓐᓇᖅ ᐅᒃᐱᕐᑑᖃᑎᒌᓕᒫᓂ.

ᒐᓔᑎᐊᒥᐅᓄᑦ 1:3

ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᑐᓂᓯᕕᐅᒋᑦᓯ ᓮᓕᑦᓯᐊᕐᓂᕐᒥᒃ ᒎᑎᒥᑦ ᐊᑖᑕᑦᑎᓐᓂᑦ ᐊᑕᓂᕐᒥᓪᓗ ᔩᓱᓯ ᙭ᔅᑑᓯᒥᑦ.

ᒐᓔᑎᐊᒥᐅᓄᑦ 3:9

ᐂᑉᕋᕼᐋᒻ ᐅᒃᐱᕐᒪᑦ ᓮᒻᒪᕐᑕᐅᓚᐅᕐᐳᖅ; ᑍᒫᒃᑕᐅᖅ ᐅᒃᐱᕐᑐᓕᒫᑦ ᓮᒻᒪᕐᑎᑕᐅᓯᒪᔪᒥᒃ ᐃᓅᓯᖃᕆᕗᑦ ᐂᑉᕋᕼᐋᒻᑎᑐᑦ.

ᐃᐱᓯᒥᐅᓄᑦ 1:1

ᐸᐅᓗᓯᒥᑦ ᔩᓱᓯ ᙭ᔅᑑᓯᐅᑉ ᐋᐴᓯᑕᓕᖓᓂᑦ ᒎᑎᐅᑉ ᐱᖁᔨᓂᖓᒍᑦ; ᐃᑦᔪᕐᓁᑎᑕᐅᓯᒪᔪᓄᑦ ᐃᐱᓲᓯᒥᐅᓄᑦ, ᐅᒃᐱᕐᓂᖃᑦᓯᐊᕐᑐᓄᑦ ᔩᓱᓯ ᙭ᔅᑑᓯᒥ:

ᐃᐱᓯᒥᐅᓄᑦ 6:21

ᐊᒻᒪᑦᑕᐅᖅ ᓱᓕ ᖃᐅᔨᒪᖁᓪᓗᓯ ᖃᓄᐃᒻᒪᖔᕐᒪ ᓱᓕᕆᖕᒪᖔᕐᒪᓗ, ᑍᑭᑰᓯᐅᑉ ᑕᒤᓐᓂᒃ ᐅᖃᐅᑎᔪᒫᕐᐹᓯ. ᖃᑕᓐᖑᑎᒋᒐᑦᑎᒍ ᓇᓪᓕᖕᓇᕐᑐᖅ ᓱᖁᓯᔪᐃᑦᑑᓪᓗᓂ ᐊᑕᓂᕐᒥᒃ ᐱᔨᑦᓯᕐᑐᖅ.

ᐱᓕᐱᒥᐅᓄᑦ 1:1

ᐸᐅᓗᓯᒥᑦ ᑎᒧᑎᒥᓪᓗ, ᔩᓱᓯ ᙭ᔅᑑᓯᐅᑉ ᐱᔨᖏᖕᓂᑦ, ᐃᑦᔪᕐᓁᑎᑕᐅᓯᒪᔪᓕᒫᓄᑦ ᐱᓕᐰᒦᑦᑐᓄᑦ ᔩᓱᓯ ᙭ᔅᑑᓯᒥ ᐃᓚᒌᖕᓂᖃᕐᑐᓄᑦ, ᐅᒃᐱᕐᑑᖃᑎᒌᓄᑦ ᓯᕗᓕᕐᑎᐅᔪᓄᑦ ᐃᑲᔪᕐᑎᓄᓪᓗ:

ᐲᑦᑐᕉᓯ ᓯᕗᓪᓖᑦ 1:2

ᓂᕈᐊᕐᑕᐅᓯᒪᕗᓯ ᒎᑎᒧᑦ ᐊᑖᑕᒧᑦ ᐱᓂᐊᕐᑕᐅᖁᔭᖓᓄᑦ ᐃᑦᔪᕐᓁᑎᑕᐅᖁᓪᓗᓯ ᐊᓂᕐᓂᖓᓄᑦ ᒪᓕᑦᓯᐊᖁᓪᓗᓯ ᔩᓱᓯ ᙭ᔅᑑᓯᒥᒃ ᐊᐅᖓᓄᓪᓗ ᓴᓗᒻᒪᕐᑎᑕᐅᓗᓯ: ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓮᒻᒪᕐᑎᑕᐅᓇᕐᑐᖅ ᐱᕙᓪᓕᐊᓕ ᐃᓕᑦᓯᓐᓄᑦ.

ᐲᑦᑐᕉᓯ ᐂᑉᐸᖏᑦ 1:2

ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓮᒻᒪᕐᑎᑕᐅᓂᕐᓗ ᐱᕙᓪᓕᐊᓕᕐᓯᐅᒃ ᑕᒪᑦᓯᓐᓄᑦ ᖃᐅᔨᒪᓕᕐᓂᑦᓯᓐᓄᑦ ᒎᑎᒥᒃ ᔩᓱᓯ ᙭ᔅᑑᓯᒥᒡᓗ ᐊᑕᓂᑦᑎᓐᓂᒃ.

ᔫᑎᐅᑉ ᐊᒡᓚᖏᑦ 1:2

ᓂᑲᒋᔭᐅᓂᖅ, ᐃᓅᓯᕐᒧᑦ ᓮᒪᔪᒦᓐᓇᕐᑐᖅ, ᓇᒡᓕᖕᓂᕐᓗ ᐃᓕᑦᓯᓐᓂ ᐊᑐᓂ ᐱᕙᓪᓕᐊᖏᓐᓇᕐᓕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:4

ᔪᐊᓇᓯᒥᑦ ᐅᒃᐱᕐᑑᖃᑎᒌᓄᑦ 7ᓄᑦ ᐂᓯᐊᒦᑦᑐᓄᑦ: ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᓮᒻᒪᕐᑎᑦᓯᓂᖓᑕᓗ ᐃᓚᒋᓕᓯ ᒫᓐᓇ ᑍᒤᓕᖓᔪᖅ, ᑍᒤᓚᐅᕐᑐᖅ, ᐱᔪᒫᕐᑐᒥᓗ ᑍᒤᓱᒫᕐᒥᔪᖅ, ᐊᓂᕐᓂᕐᓂᓪᓗ 7ᓂᑦ ᐃᒃᓯᕙᐅᑕᕐᔪᐊᖓᑕ ᓵᖓᓃᑦᑐᓂᑦ,