19 ᑖᑦᓱᒪᓂ ᒎᑎᐅᓂᓂ ᐊᑕᖏᕐᓗᒍ ᖁᕕᐊᒋᓚᐅᕐᐹ ᐃᓂᒋᓗᒍ,
ᑕᕝᕙᓂ ᐃᑲᕐᕋᒥ ᔩᓱᓯ ᐊᓂᕐᓂᒃᑯᑦ ᐃᑦᔪᕐᓁᑦᑐᒃᑯᑦ ᖁᕕᐊᓱᒃᑎᑕᐅᕗᖅ ᐅᖃᕐᓗᓂ, “ᐊᑖᑖᒃ, ᖁᔭᒋᕙᒋᑦ, ᐊᑕᓂᐅᔪᑎᑦ ᕿᓚᖕᒥ ᓄᓇᒥᓗ, ᑕᒪᒃᑯᐊ ᐃᓕᓯᒪᔪᓄᑦ ᓯᓚᑐᔪᓄᓪᓗ ᐃᔨᕐᓯᒪᒐᕕᒋᑦ, ᓄᑕᕋᕐᑎᑑᕐᑐᓄᓪᓕ ᑕᒪᒃᑯᐊ ᓇᓗᓇᕈᓐᓁᕐᑎᓐᓇᕕᒋᑦ; ᐄᓛᒃ, ᐊᑖᑖᒃ, ᑍᒫᒃ ᐱᖁᓯᒪᒐᕕᐅᒃ ᖁᕕᐊᒋᒐᕕᐅᒡᓗ.
ᑖᑦᓱᒪ ᐱᑦᑎᐊᕐᓂᖓᑕ ᐱᔪᒃᓇᕐᓯᑎᑎᓂᖓ ᐊᖏᔫᓂᑯᖓᓄᑦ ᓮᒻᒪᕐᑎᑕᐅᓯᒪᔪᒥᒃ ᐃᓅᓯᖃᕐᑎᑉᐹᑎᒍᑦ ᐱᑦᑎᐊᕐᕕᐅᓂᕐᒧᑦ ᓮᒻᒪᕐᑎᑕᐅᕙᓪᓕᐊᖏᓐᓇᕐᓗᑕᓗ.
ᒎᑎᐅᑉ ᑎᓕᓯᒪᔭᖓ ᒎᑎᐅᑉ ᐅᖃᐅᓯᖏᓐᓂᒃ ᐅᖃᐅᓯᖃᕐᐳᖅ, ᒎᑎᐅᑉ ᐊᓂᕐᓂᕐᒥᓂᒃ ᑐᓂᓯᕕᒋᖕᒪᒍ ᐊᒥᒐᖏᑦᑐᒥᒃ;
ᒎᑎᐅᑉ ᓯᓚᑐᓂᕐᒥᓄᑦ ᓯᓚᕐᔪᐊᕐᒥᐅᑦ ᓇᖕᒥᓂᖅ ᓯᓚᑐᓂᕐᒥᒃᑎᒍᑦ ᑐᑭᓯᔪᓐᓇᕐᑎᓐᖏᓔᑦ ᒎᑎᒥᒃ. ᒎᑎᓕ ᐊᑲᐅᒃᓴᕐᐳᖅ ᑖᒃᑯᐊ ᓯᓔᓐᓇᓱᒋᔭᖏᑎᒍᑦ ᐅᖃᐅᓯᕆᔭᑦᑎᒍᑦ ᐅᒃᐱᕈᓱᒃᑐᑦ ᐱᐅᓕᔪᒪᓪᓗᒋᑦ.
ᐅᒃᐱᕐᑑᖃᑎᒌᑦ ᑎᒥᒋᖕᒪᒋᑦ, ᑖᑦᓱᒪᓗ ᐊᑕᖏᐅᒪᑦᓯᐊᕐᓂᖓᑕ ᐃᓗᒻᒥᕐᑎᑉᐰᑦ ᑕᒪᕐᒥᒃ ᓱᓇᓕᒫᑦ ᑕᒤᓐᓂ.
ᓂᕐᑐᕐᑕᐅᓕ ᒎᑎ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐊᑖᑕᖓ! ᑖᑦᓱᒪ ᙭ᔅᑑᓯᒥ ᐊᓂᕐᓂᒃᑯᑦ ᓮᒻᒪᕐᑎᑕᐅᔪᑕᐅᔪᓐᓇᕐᑐᓂ ᑕᒤᓐᓂᒃ ᐱᑎᓚᐅᕐᐹᑎᒍᑦ, ᕿᓚᖕᒥᐅᑍᑦ ᓇᔪᕐᑕᖏᓐᓂᒃ ᙭ᔅᑑᓯᒥᐅᑕᐅᓂᑦᑎᓐᓄᑦ.
ᐃᓱᒪᑖᕇᕐᓯᒪᓚᐅᕐᐳᖅ ᐃᕐᓂᕐᑖᕆᔪᒪᓪᓗᑕ ᔩᓱᓯ ᙭ᔅᑑᓯᒃᑯᑦ, ᑕᒪᓐᓇ ᑕᕝᕙ ᖁᕕᐊᒋᓪᓗᒍ ᐱᔪᒪᔭᕆᓚᐅᕐᑕᖓ.
ᑖᓐᓇ ᑕᕝᕙ ᐊᖅᑲᓚᐅᕐᑐᖅ ᑖᓐᓇᑦᓮᓐᓇᐅᒋᕗᖅ ᖁᒻᒧᐊᓚᐅᕐᑐᖅ ᕿᓔᑦ ᐅᖓᑖᓄᑦ ᖁᑦᓯᖕᓂᕐᐹᒧᑦ, ᐃᓘᓐᓇᓕᒫᑎᒃ ᐃᓗᒻᒥᕐᑕᐅᖁᓪᓗᒋᑦ.
ᑖᓐᓇᑐᐊᖅ ᒪᑐᐃᕐᓯᔪᓐᓇᕐᒪᑦ ᑕᒤᓐᓂᒃ ᐃᔨᕐᓯᒪᔪᓂᒃ ᓯᓚᑐᓂᕐᒥᒃ ᖃᐅᔨᒪᓂᕐᒥᒡᓗ.
ᒎᑎᐅᑉ ᐃᓕᖅᑯᓯᖓ ᑕᒪᒃᑭᑦᓯᐊᕐᓗᓂ ᙭ᔅᑑᓯᒦᒻᒪᑦ ᑎᒥᖃᕐᓗᓂ.
ᑕᕝᕙᓂ ᐃᓅᓯᕐᒥ ᓄᑖᒥ ᒍᕇᑭᑕᖃᓐᖏᓚᖅ ᔫᑎᑕᖃᕋᓂᓗ, ᑭᐱᓯᒪᔪᖃᓐᖏᓚᖅ ᑭᐱᓯᒪᖏᑦᑐᖃᕋᓂᓗ, ᐅᖓᓯᕐᑐᒥᐅᑕᖃᕋᓂᓗ ᐋᓪᓚᑕᖃᕋᓂᓗ, ᓂᐅᕕᐊᖑᓯᒪᓂᒃᑯᓪᓗ ᐱᔨᑕᖃᕋᓂ, ᐱᔨᐅᖏᕐᑐᖃᕋᓂᓗ, ᙭ᔅᑑᓯᓕ ᑕᒤᓐᓅᕐᐳᖅ, ᑕᒤᓐᓃᓪᓗᓂᓗ.
