ᑯᓘᓯᐊᒥᐅᓄᑦ 1:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᑖᓐᓇ ᑎᒥᐅᑉ ᓂᐊᖁᕆᕚ, ᑕᕝᕙ ᐅᒃᐱᕐᑑᖃᑎᒌᑦ; ᑖᓐᓇ ᐱᒋᐊᕐᓂᐅᕗᖅ, ᐊᖓᔪᒃᖠᕐᐹᒍᕗᕐᓗ ᑐᖁᖓᔪᓂᑦ ᒪᑭᑎᑕᐅᔪᓂᑦ, ᓱᓇᑐᐃᓐᓇᕐᓄᑦ ᓯᕗᓪᓕᕐᐹᖑᓗᓂ ᐊᖓᔪᖅᑳᖑᖁᓪᓗᒍ.

ᑯᓘᓯᐊᒥᐅᓄᑦ 1:18 Iomraidhean Croise

ᐃᓐᖏᕈᑎᑦ 89:27

ᐅᕙᖓᓗ ᐃᕐᓂᐊᖑᖅᑳᕐᑐᓐᖑᕐᑎᑦᓱᒪᕙᕋ, ᐊᖓᔪᖅᑲᐅᓂᕐᐸᐅᓗᓂᓗ ᐊᖓᔪᖅᑳᕐᔪᐊᓂᑦ ᓄᓇᕐᔪᐊᒥ.

ᓲᓗᒨᓂᐅᑉ ᐃᓐᖏᕈᓯᖏᑦ 5:10

ᓇᒡᓕᒋᔭᕋ ᑕᑯᒥᓇᕐᐳᖅ ᖃᓄᐃᖏᑦᓯᐊᕐᓗᓂᓗ, ᐊᑦᔨᖃᓐᖏᓚᖅ ᐊᖑᑎᓂᑦ 10,000ᓂᑦ.

ᐂᓮᐊᓯᐅᑉ ᐊᒡᓚᖏᑦ 52:13

ᑕᑯᒋᑦ, ᐱᔨᒐ ᐱᓇᓱᐊᕐᑕᒥᓂᒃ ᐊᔪᖏᑦᓯᐊᕈᒫᕐᐳᖅ, ᑖᓐᓇ ᐊᖏᒡᓕᑎᕐᑕᐅᔪᒫᕐᐳᖅ, ᖃᖓᑦᑕᕐᑎᑕᐅᓗᓂᓗ, ᖁᒻᒧᒃᑎᑕᐅᒻᒪᕆᒍᒫᕐᓗᓂᓗ.

ᒫᑎᐅᓯᐅᑉ ᐊᒡᓚᖏᑦ 23:8

ᕌᑉᐰᒥᒃ ᑍᔭᐅᔭᕆᐊᖃᓐᖏᓚᓯ, ᐃᓘᓐᓇᓯ ᖃᑕᓐᖑᑎᒌᑐᐃᓐᓇᕋᑦᓯ, ᐊᑕᐅᓯᑐᐊᒥᒡᓕ ᕌᑉᐰᖃᕐᐳᓯ.

ᒫᑎᐅᓯᐅᑉ ᐊᒡᓚᖏᑦ 28:18

ᔩᓱᓯᐅᑉ ᐅᐸᒃᓗᒋᑦ ᐅᖃᐅᑎᕔᑦ, “ᐱᔪᓐᓇᕐᓂᕐᓂᒃ ᑕᒤᓐᓂᒃ ᑐᓂᓯᕕᐅᕗᖓ ᕿᓚᖕᒥ ᓄᓇᕐᔪᐊᒥᓗ.

ᔪᐊᓇᓯᐅᑉ ᐊᒡᓚᖏᑦ 1:1

ᐱᒋᐊᕐᓂᕐᒥ ᐅᖃᐅᓯᖅ ᑕᕝᕙᓃᓚᐅᕐᐳᖅ, ᐅᖃᐅᓯᕐᓗ ᒎᑎᒦᓚᐅᕐᐳᖅ, ᐅᖃᐅᓯᕐᓗ ᒎᑎᐅᕗᖅ.

ᔪᐊᓇᓯᐅᑉ ᐊᒡᓚᖏᑦ 1:16

ᑖᑦᓱᒪ ᐱᑦᑎᐊᕐᓂᖓᑕ ᐱᔪᒃᓇᕐᓯᑎᑎᓂᖓ ᐊᖏᔫᓂᑯᖓᓄᑦ ᓮᒻᒪᕐᑎᑕᐅᓯᒪᔪᒥᒃ ᐃᓅᓯᖃᕐᑎᑉᐹᑎᒍᑦ ᐱᑦᑎᐊᕐᕕᐅᓂᕐᒧᑦ ᓮᒻᒪᕐᑎᑕᐅᕙᓪᓕᐊᖏᓐᓇᕐᓗᑕᓗ.

ᔪᐊᓇᓯᐅᑉ ᐊᒡᓚᖏᑦ 1:27

ᑖᓐᓇ ᑭᖑᓂᒃᑯᑦ ᕾᓂᐊᕐᑐᖅ, ᓇᓗᖅᑯᑎᕗᖓ ᐊᒡᓛᑦ ᐃᑎᒐᒍᑎᖏᓐᓂᒃ ᓯᖐᑦᔮᕐᓯᔭᕆᐊᒃᓴᖅ.”

ᐋᐴᓯᑕᓖᑦ ᐱᓂᐊᕐᓂᖏᑦ 26:23

ᑖᓐᓇ ᙭ᔅᑑᓯ ᐋᓐᓂᐊᕐᑎᑕᐅᔭᕆᐊᖃᓚᐅᕐᒪᑦ ᓯᕗᓪᓕᕐᐹᖑᓪᓗᓂᓗ ᑐᖁᒥᑦ ᒪᑭᓪᓗᓂ; ᐱᐅᓕᔭᐅᓂᐅᑉ ᖃᐅᒻᒤᓂᖓᓂᒃ ᐅᖃᐅᓯᖃᕐᓗᓂ ᐃᓅᖃᑎᒥᓄᑦ ᔫᑎᐅᖏᑦᑐᓄᓪᓗ.”

ᕉᒪᒥᐅᓄᑦ 8:29

ᓯᕗᓂᖓᒍᑦ ᓂᕈᐊᕐᓯᒪᔭᓂ ᒎᑎᐅᑉ ᕾᖁᓯᒪᖕᒪᒋᑦᑕᐅᖅ ᐃᕐᓂᕐᒥᓄᑦ ᐊᑦᔨᒋᔭᐅᓕᖁᓪᓗᒋᑦ, ᑖᓐᓇ ᐊᖓᔪᒃᖠᕐᐹᖑᖁᓪᓗᒍ ᐅᒃᐱᕐᑑᖃᑎᒌᑦ ᐊᒥᓱᑦ ᐊᑯᕐᖓᓐᓂ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:3

ᖃᐅᔨᒪᖁᕙᑦᓯᓕ ᙭ᔅᑑᓯ ᐊᖑᑎᓕᒫᓄᑦ ᓂᐊᖁᕆᔭᐅᖕᒪᑦ, ᐊᖑᓪᓗ ᐊᕐᓇᒧᑦ ᓂᐊᖁᕆᔭᐅᓪᓗᓂ, ᙭ᔅᑑᓯᐅᓪᓗ ᒎᑎ ᓂᐊᖁᕆᕚ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:27

᙭ᔅᑑᓯᐅᑉ ᑎᒥᒋᕚᓯ, ᐊᑐᓂᓪᓗ ᐃᓚᒋᔭᐅᓪᓗᓯ ᑎᒥᖓᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:25

ᐊᐅᓚᑦᓯᔭᕆᐊᖃᕐᐳᕐᓕ ᐊᑭᕋᕐᑐᕐᑎᖏᑦ ᑕᒪᕐᒥᒃ ᐃᑎᒐᖏᑕ ᐊᑖᓄᑦ ᐱᑎᑕᐅᓚᐅᖏᓐᓂᖏᓐᓂ.

ᐃᐱᓯᒥᐅᓄᑦ 1:10

ᑕᒪᓐᓇ ᐃᓱᒪᒋᓯᒪᔭᒥᓄᑦ ᐱᕕᒃᓴᓕᐊᕆᓯᒪᔭᓂ ᓈᒻᒪᑦᓯᐊᓕᕐᐸᑦ, ᓴᖅᑭᑎᑕᐅᓯᒪᔪᓕᒫᑦ ᑲᑎᑎᑦᓱᒪᓪᓗᒋᑦ ᐊᑕᐅᑦᓯᕐᒧᑦ ᙭ᔅᑑᓯᒥ, ᕿᓚᖕᒦᑦᑐᑦ ᓄᓇᒦᑦᑐᓪᓗ.

ᐃᐱᓯᒥᐅᓄᑦ 5:23

ᐊᖑᑦ ᓂᐊᖂᖕᒪᑦ ᓄᓕᐊᒥᓄᑦ ᙭ᔅᑑᓯᑦᑕᐅᖅ ᓂᐊᖁᕆᔭᐅᖕᒪᑦ ᐅᒃᐱᕐᑑᖃᑎᒌᓄᑦ, ᑕᕝᕙ ᑎᒥᒥᓄᑦ, ᓇᖕᒥᓂᕐᓗ ᐱᐅᓕᔨᐅᓪᓗᓂ ᑖᒃᑯᓄᖓ.

ᑯᓘᓯᐊᒥᐅᓄᑦ 1:24

ᒫᓐᓇ ᖁᕕᐊᓲᑎᒋᕙᕋ ᐅᖁᒤᒃᓴᕐᓇᕐᑐᑰᕐᑎᑕᐅᓂᒃᑲ ᐃᓕᑦᓯ ᐱᑦᔪᑎᒋᓪᓗᓯ, ᑎᒥᒃᑯᑦ ᐋᓐᓂᐊᓇᑐᑰᑎᑕᐅᓂᒃᑲ ᐱᔭᕇᓯᖃᑕᐅᑦᔪᑎᒋᒐᒃᑭᑦ ᙭ᔅᑑᓯᐅᑉ ᑎᒥᖁᑎᒥᓂ ᐋᓐᓂᐊᕈᑎᒋᒐᔭᕐᑕᖏᓐᓂ, ᐅᒃᐱᕐᑑᖃᑎᒌᑦ ᐱᓪᓗᒋᑦ.

ᑯᓘᓯᐊᒥᐅᓄᑦ 2:19

ᑖᒃᑯᐊ ᓂᐊᖁᕐᒥᒃ ᓴᒃᑯᐃᓯᒪᕗᑦ, ᑕᕝᕙᓐᖓᑦ ᑎᒥᓕᒫᖅ ᓂᕆᑎᑕᐅᖕᒪᑦ ᑲᑎᓐᖓᑎᑕᐅᓪᓗᓂᓗ ᓇᒡᒍᐊᓄᑦ ᓄᑭᖕᓄᓪᓗ, ᐱᕈᕐᐸᓪᓕᐊᕗᕐᓗ ᒎᑎᐅᑉ ᐱᕈᕐᐸᓪᓕᐊᕕᐅᖁᔭᖓᓄᑦ.

ᔪᐊᓇᓯ ᓯᕗᓪᓖᑦ 1:1

ᑖᓐᓇ ᐱᒋᐊᕐᓂᕐᒦᓚᐅᕐᑐᖅ, ᑐᓵᓯᒪᔭᕗᑦ, ᐃᔨᑦᑎᓐᓄᓪᓗ ᑕᑯᓐᓇᖃᑦᑕᓚᐅᕐᑕᕗᑦ ᐊᒡᒐᑦᑎᓐᓄᓪᓗ ᐊᒃᑐᖃᑦᑕᓚᐅᕐᑕᕗᑦ, ᐱᑕᖃᕐᐳᖅ ᐅᖃᐅᓯᕐᒥᒃ ᐃᓅᓯᕐᑕᓕᖕᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:18

ᐆᒻᒪᕗᖓ; ᑐᖁᓚᐅᕋᓗᐊᕐᑐᖓ, ᒫᓐᓇᓕ ᑕᑯᒋᑦ ᐆᒪᓂᐊᓕᕐᐳᖓ ᐃᓱᖃᖏᑦᑐᒧᑦ, ᑐᖂᑉ ᑲᑉᐱᐊᓇᕐᑐᕕᐅᓪᓗ ᐅᒃᑯᐃᕈᑎᖏᓐᓂᒃ ᐱᖃᓕᕐᐳᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:5

ᔩᓱᓯ ᙭ᔅᑑᓯᒥᓪᓗ ᓱᖁᓯᔪᐃᑦᑑᓪᓗᓂ ᖃᐅᔨᑎᑦᓯᔪᒥᑦ, ᐃᕐᓂᕐᑖᕆᔭᐅᖄᕐᓯᒪᔪᒥᑦ ᑐᖁᖓᔪᓂᑦ ᒪᑭᑎᑕᐅᓯᒪᔪᓂᑦ, ᐊᖓᔪᖅᑳᕐᔪᐊᖑᔪᒥᓪᓗ ᐊᖓᔪᖅᑳᕐᔪᐊᓕᒫᓄᑦ ᓄᓇᕐᔪᐊᕐᒥ. ᑖᑦᓱᒪ ᓇᒡᓕᒋᖕᒪᑎᒍᑦ ᕿᓚᕈᑦᔮᓚᐅᕐᐹᑎᒍᓪᓗ ᐊᔪᕐᓂᑦᑎᓐᓂᑦ ᐊᐅᖕᒥᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:8

“ᐋᓪᐸᐅᕗᖓ ᐅᒥᒐᐅᓪᓗᖓᓗ,” ᐱᒋᐊᕐᓂᐅᕗᖓ ᑭᖑᓪᓕᕐᐸᐅᓪᓗᖓᓗ, ᐊᑕᓂᖅ ᒎᑎ ᐅᖃᕐᐳᖅ, ᒫᓐᓇ ᑍᒤᑦᑐᖅ ᑍᒤᓚᐅᕐᑐᕐᓗ ᑍᒤᖏᓐᓇᕐᓂᐊᕐᑐᕐᓗ ᐊᔪᒐᖃᖏᑦᑐᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:15

ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:6

ᐅᖃᐅᑎᒋᕚᖓᓗ, “ᐱᔭᕇᕐᐳᖅ! ᐋᓪᐸᐅᕗᖓ ᐅᒥᒐᐅᓪᓗᖓᓗ, ᐱᒋᐊᕐᓂᐅᕗᖓ ᐃᓱᓕᓐᓂᐅᓪᓗᖓᓗ. ᐃᒥᕈᒃᑐᖅ ᐃᒥᕐᑎᓐᓂᐊᕐᐸᕋ ᐃᒥᕐᒥᒃ ᐃᓅᓯᖃᕐᓇᕐᑐᒥᑦ ᑯᕕᔪᒥᑦ ᐊᑭᖃᖏᑦᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:13

ᐋᓪᐸᐅᕗᖓ ᐅᒥᒐᐅᓪᓗᖓᓗ, ᓯᕗᓪᓕᕐᐸᐅᕗᖓ ᑭᖑᓪᓕᕐᐸᐅᓪᓗᖓᓗ, ᐱᒋᐊᕐᓂᐅᓪᓗᖓᓗ ᐃᓱᓕᕝᕕᐅᕗᖓ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:14

“ᓚᐅᑏᓯᐊᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓐᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐂᒦᓐᖑᔪᒥᑦ ᐱᕗᑦ, ᓱᖁᓯᔪᐃᑦᑑᓪᓗᓂ ᓱᓕᔪᒥᒃ ᓇᓗᓁᕐᓯᔨᒥᑦ, ᐱᒋᐊᕐᓂᐅᔪᒥᑦ ᒎᑎᐅᑉ ᐱᓐᖑᕐᑎᓯᒪᔭᖏᓐᓂᑦ.