ᑯᓘᓯᐊᒥᐅᓄᑦ 1:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑖᑦᓱᒨᓇ ᐱᓐᖑᕐᑎᑕᐅᓯᒪᕗᑦ ᓱᓇᓕᒫᑦᓯᐊᑦ ᕿᓚᖕᒥ ᓄᓇᒥᓗ, ᑕᑯᒃᓴᐅᔪᑦ ᑕᑯᒃᓴᐅᖏᑦᑐᓪᓗ, ᐊᑕᓂᐅᕖᑦ ᐱᔪᓐᓇᕐᓃᑦ ᐊᖓᔪᖅᑲᐅᓃᑦ ᐊᐅᓚᑦᓯᔩᓪᓗ; ᑖᑦᓱᒨᓇ ᐱᓐᖑᕐᑎᑕᐅᓯᒪᕗᑦ ᑖᑦᓱᒧᖓᓗ.

ᑯᓘᓯᐊᒥᐅᓄᑦ 1:16 Iomraidhean Croise

ᑯᕉᓂᑲ ᓯᕗᓪᓖᑦ 29:11

ᐊᑕᓃᖅ ᐱᒋᒐᕕᒋᑦ ᐊᖏᔪᕐᔪᐊᖑᓂᖅ, ᐱᔪᓐᓇᕐᓂᕐᓗ, ᓂᕐᑐᕐᓇᕐᓂᖅ, ᓵᓚᖃᕐᓂᕐᓗ, ᐊᖓᔪᖅᑲᐅᓂᕐᓗ; ᕿᓚᖕᒦᑦᑐᓕᒫᑦ ᓄᓇᒦᑦᑐᓕᒫᓪᓗ ᐱᒋᒐᕕᒋᑦ; ᐊᑕᓂᐅᓂᖅ ᐱᒋᒐᕕᐅᒃ, ᐊᑕᓃᖅ, ᐊᖏᒡᓕᑎᑕᐅᕗᑎᑦ ᐊᖓᔪᖅᑳᕐᔪᐊᖑᓪᓗᑎᓪᓗ ᑕᒤᓐᓄᓕᒫᖅ.

ᓂᕼᐃᒤᐊᐅᑉ ᐊᒡᓚᖏᑦ 9:6

“ᐃᕝᕕᑦ ᑭᓯᕕᑦ ᐊᑕᓂᑑᕗᑎᑦ; ᕿᓚᖕᒥᒃ ᓴᓇᓚᐅᕐᐳᑎᑦ, ᕿᓔᓪᓗ ᕿᓚᖏᓐᓂᒃ, ᕿᓚᖕᒦᑦᑐᓕᒫᓂᓪᓗ, ᓄᓇᒥᒃ ᓄᓇᒥᐅᑕᓕᒫᓂᒡᓗ, ᐃᒪᕕᒡᓗ ᐃᓘᓐᓇᑎᒡᓗ ᐃᒪᐅᑉ ᐃᓗᐊᓃᑦᑐᑦ ᓴᓇᓚᐅᕐᐸᑎᑦ; ᐃᓅᓯᕐᒥᒃ ᐃᓘᓁᓐᓄᑦ ᑐᓂᓯᕗᑎᑦ, ᕿᓚᖕᒥᐅᑕᓕᒫᑦᓯᐊᑦ ᐃᓕᖕᓄᑦ ᐅᑯᕗᑦ ᑐᒃᓯᐊᕐᓗᑎᒡᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:4

ᐊᑕᓂᐅᑉ ᓱᓇᑐᐃᓐᓁᑦ ᐱᓐᖑᕐᑎᓚᐅᕐᐰᑦ ᐊᑑᑎᒃᓴᖏᓐᓄᑦ, ᐱᐅᖏᑦᑐᑦ ᐊᒡᓛᑦ ᐊᓯᕈᕐᑕᐅᕕᒃᓴᖏᑦ ᓇᓪᓕᐅᑎᑎᑦᓱᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 43:21

ᑖᒃᑯᐊ ᐃᓄᖁᑎᓕᐊᕆᓚᐅᕋᒃᑭᑦ ᐅᕙᓐᓄᑐᐊᖅ ᐱᒋᔭᐅᖁᓪᓗᒋᑦ; ᑖᒃᑯᐊᓗ ᓂᕐᑐᕐᓇᕐᓂᕋ ᐅᖃᐅᓯᕆᔪᒫᕐᐹᑦ.

ᐂᓮᐊᓯᐅᑉ ᐊᒡᓚᖏᑦ 44:24

ᐊᑕᓂᖅ ᐃᓕᖕᓂᒃ ᐅᑎᕐᑎᑦᓯᔪᖅ ᐃᒻᒥᓄᑦ, ᐃᒡᓕᐊᑉ ᐃᓗᐊᓂ ᓴᓇᓚᐅᕐᑐᖅ ᐃᓕᖕᓂᒃ; ᐃᒫᒃ ᐅᖃᕐᐳᖅ, “ᐊᑕᓂᐅᕗᖓ, ᑕᒤᓐᓂᒃ ᓴᓇᓚᐅᕐᑐᖅ, ᐃᓄᑑᑦᔨᓪᓗᖓ ᕿᓚᖕᒥᒃ ᐃᓯᕕᑦᓯᓚᐅᕐᐳᖓ, ᓄᓇᓗ ᓯᐊᒻᒪᒃᓗᒍ ᓴᓇᓚᐅᕐᐸᕋ;

ᔪᐊᓇᓯᐅᑉ ᐊᒡᓚᖏᑦ 1:10

ᖃᐅᒪᔪᖅ ᓯᓚᕐᔪᐊᕐᒦᓚᐅᕐᐳᖅ, ᓯᓚᕐᔪᐊᕐᓗ ᑖᑦᓱᒨᓇ ᐱᓐᖑᕐᑎᑕᐅᓯᒪᕗᖅ, ᓯᓚᕐᔪᐊᕐᒥᐅᓪᓕ ᖃᐅᔨᒪᓐᖏᓛᑦ.

ᔪᐊᓇᓯᐅᑉ ᐊᒡᓚᖏᑦ 1:3

ᓱᓇᓕᒫᑦᓯᐊᑦ ᑖᑦᓱᒨᓇ ᐱᓐᖑᕐᑎᑕᐅᓚᐅᕐᓯᒪᕗᑦ; ᑖᑦᓱᒪᓗ ᐊᓯᐊᒍᑦ ᐱᓐᖑᕐᑎᑕᐅᓯᒪᔪᖃᓐᖏᓚᖅ ᐱᓐᖑᕐᑎᑕᐅᓯᒪᔪᓂᒃ.

ᕉᒪᒥᐅᓄᑦ 11:36

ᑖᑦᓱᒪᓐᖓᑦ ᑖᑦᓱᒨᓇᓗ ᓱᓇᓕᒫᑦ ᐱᓐᖑᕐᑎᑕᐅᓯᒪᖕᒪᑕ, ᑖᓐᓇ ᓂᕐᑐᕐᑕᐅᓕ ᐃᓱᖃᖏᑦᑐᒧᑦ. ᐋᒥᓐ.

ᕉᒪᒥᐅᓄᑦ 8:38

ᖁᓚᖏᑦᓯᐊᕋᒪ ᑖᑦᓱᒪ ᓇᒡᓕᒍᓱᖕᓂᖓᓂᑦ ᓱᓇᒧᓪᓘᓐᓃᑦ ᐊᕕᑎᑕᐅᔪᓐᓇᖏᓐᓇᑦᑕ, ᑐᖁᒨᓪᓘᓐᓃᑦ, ᐃᓅᓯᕐᒧᓪᓘᓐᓃᑦ, ᐂᖏᓕᓄᓪᓘᓐᓃᑦ, ᕿᓚᖕᒥᓘᓐᓃᑦ ᐊᖓᔪᖅᑳᖑᔪᓄᑦ, ᒫᓐᓇᓗ ᐊᑐᕐᑕᑦᑎᓐᓄᑦ, ᐊᑐᕈᒫᕐᑕᑦᑎᓐᓄᓪᓘᓐᓃᑦ, ᐱᔪᓐᓇᕐᓂᐅᔪᓄᓪᓗ,

ᕉᒪᒥᐅᓄᑦ 9:5

ᑭᖑᕚᕆᔭᐅᕗᑦ ᐱᒋᐊᕐᕕᐅᓚᐅᕐᑐᓄᑦ ᓯᕗᓕᕕᓂᑦᑎᓐᓄᑦ, ᔫᑎᐅᓪᓗᑎᒡᓗ, ᙭ᔅᑑᓯᐅᑉ ᑎᒥᑖᕐᓂᖓᓄᑦ ᐃᓅᖃᑎᒋᔭᐅᕗᑦ. ᑖᓐᓇ ᒎᑎᐅᔪᖅ ᑕᒤᓐᓄᑦ ᓂᕐᑐᕐᑕᐅᓕ ᐃᓱᖃᖏᑦᑐᒧᑦ. ᐋᒥᓐ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:6

ᐅᕙᑦᑎᓐᓄᓪᓕ ᒎᑎ ᐊᑕᐅᓯᐅᕗᖅ, ᐊᑖᑕ, ᑖᑦᓱᒪᓐᖓᑦ ᓱᓇᓕᒫᑦ ᐱᓯᒪᖕᒪᑕ, ᑖᑦᓱᒨᓇᓗ ᐃᓅᓪᓗᑕ; ᐊᑕᓂᕐᓗ ᐊᑕᐅᓯᐅᕗᖅ ᔩᓱᓯ ᙭ᔅᑑᓯ, ᑖᑦᓱᒨᓇ ᓱᓇᓕᒫᑦ ᐱᓐᖑᕐᑎᑕᐅᓯᒪᖕᒪᑕ ᑖᑦᓱᒨᓇᓗ ᐃᓅᓪᓗᑕ.

ᐃᐱᓯᒥᐅᓄᑦ 1:10

ᑕᒪᓐᓇ ᐃᓱᒪᒋᓯᒪᔭᒥᓄᑦ ᐱᕕᒃᓴᓕᐊᕆᓯᒪᔭᓂ ᓈᒻᒪᑦᓯᐊᓕᕐᐸᑦ, ᓴᖅᑭᑎᑕᐅᓯᒪᔪᓕᒫᑦ ᑲᑎᑎᑦᓱᒪᓪᓗᒋᑦ ᐊᑕᐅᑦᓯᕐᒧᑦ ᙭ᔅᑑᓯᒥ, ᕿᓚᖕᒦᑦᑐᑦ ᓄᓇᒦᑦᑐᓪᓗ.

ᐃᐱᓯᒥᐅᓄᑦ 6:12

ᐃᓄᖕᓂᒃ ᑎᒥᖃᕐᑐᓂᒃ ᑕᑯᒃᓴᐅᔪᓂᒃ ᐅᓇᑕᖏᓐᓇᑦᑕ, ᐊᔪᖏᑦᑐᕐᔪᐊᓄᓪᓕ ᐅᓇᑕᕐᐳᒍᑦ, ᐱᔪᓐᓇᕐᑐᕐᔪᐊᓄᑦ, ᐊᐅᓚᑦᓯᔪᓄᑦ ᓯᓚᕐᔪᐊᕐᒥ ᐊᖓᔪᖅᑲᐅᔪᓄᑦ, ᐊᖓᔪᖅᑳᖑᑎᑕᐅᔪᓄᓪᓗ ᓯᓚᕐᔫᑉ ᑕᒪᑐᒪ ᑖᕐᑑᓂᖓᓂ ᐱᔪᓐᓇᕐᓂᕐᔪᐊᖃᕐᑐᓄᑦ, ᐊᓂᕐᓂᕐᓄᑦ ᐱᐅᖏᑦᑐᕐᔪᐊᓄᑦ ᕿᓚᐅᑉ ᐊᑖᓃᑦᑐᓄᑦ.

ᒨᓯᓯ ᑕᓪᓕᒪᖏᑦ 4:39

ᑍᒤᒻᒪᑦ ᐅᓪᓗᒥ ᐃᖅᑲᐅᒪᓕᕐᓯᐅᒃ ᐳᐃᒍᕐᓂᐊᕐᓇᒍᓗ: ᐊᑕᓂᖅ ᒎᑎᐅᖕᒪᑦ ᕿᓚᖕᒥᓗ ᓄᓇᒥᓗ. ᐊᓯᐊᓂᒡᓗ ᒎᑎᑕᖃᓐᖏᓚᖅ.

ᐱᓕᐱᒥᐅᓄᑦ 2:10

ᔩᓱᓯᐅᑉ ᐊᑎᖓᓂ ᓰᖅᑯᑦ ᑕᒪᕐᒥᒃ ᓰᖅᑯᕐᑐᒃᓴᐅᕗᑦ, ᕿᓚᖕᒦᑦᑐᑦ ᓄᓇᒦᑦᑐᓪᓗ ᓄᓇᐅᑉ ᐊᑖᓃᑦᑐᓪᓗ,

ᑯᓘᓯᐊᒥᐅᓄᑦ 1:15

ᔩᓱᓯ ᑕᑯᒃᓴᐅᓪᓗᓂ ᐊᑦᔨᒋᔭᐅᖕᒪᑦ ᒎᑎᒧᑦ ᑕᑯᒃᓴᐅᖏᑦᑐᒧᑦ, ᐃᕐᓂᐊᖑᖅᑳᕐᓯᒪᕗᖅ ᐱᓐᖑᕐᑎᑕᐅᓯᒪᔪᓕᒫᓂᑦ;

ᑯᓘᓯᐊᒥᐅᓄᑦ 1:20

ᑖᑦᓱᒨᓇᓗ ᓱᓇᓕᒫᑦᓯᐊᑦ ᐃᒻᒥᓄᑦ ᐅᑎᕐᑎᓚᐅᕐᐰᑦ, ᓄᓇᒦᑦᑐᑦ ᕿᓚᖕᒦᑦᑐᓪᓗ, ᓮᒻᒪᕐᑎᓚᐅᕐᐰᑦ ᓴᓐᓂᖓᔪᓕᖕᒥ ᐊᐅᖓᒍᑦ.

ᑯᓘᓯᐊᒥᐅᓄᑦ 2:10

ᐃᓅᓯᕐᒥᒡᓗ ᓈᒻᒪᒃᓯᑦᓯᐊᕐᑐᒥᒃ ᐱᑎᑕᐅᓯᒪᕗᓯ ᙭ᔅᑑᓯᒥ, ᑖᓐᓇ ᓂᐊᖁᕆᔭᐅᖕᒪᑦ ᑕᒤᓐᓄᑦ ᐱᔪᓐᓇᕐᓂᕐᓄᑦ ᐊᖓᔪᖅᑲᐅᓂᕐᓄᓪᓗ.

ᑯᓘᓯᐊᒥᐅᓄᑦ 2:15

ᑕᕝᕙᓂ ᐱᔪᓐᓇᕐᓃᑦ ᐊᖓᔪᖅᑲᐅᕖᓪᓗ ᐱᔪᓐᓇᕐᓃᕈᑎᓚᐅᕐᐰᑦ, ᓯᓚᕐᔪᐊᕐᒥᐅᓄᓪᓗ ᑲᓐᖑᓇᕐᓯᑎᓪᓗᒋᑦ, ᓵᓚᒋᓚᐅᕐᐰᑦ ᓴᓐᓂᖓᔪᓕᖕᒥ.

ᐄᑉᕈᐃᓄᑦ 1:2

ᐅᓪᓗᓂᓕ ᑭᖑᓪᓕᕐᓂ ᐅᖃᓪᓚᒡᕕᒋᓚᐅᕐᐹᑎᒍᑦ ᐃᕐᓂᕐᒥᒍᑦ, ᑖᓐᓇ ᓱᓇᓕᒫᑦᓯᐊᕐᓂᒃ ᑭᖑᕐᖑᑦᔨᔪᒃᓴᐅᖁᓪᓗᒍ ᓂᕈᐊᕐᓯᒪᕚ, ᑖᑦᓱᒨᓇᓗ ᓯᓚᕐᔪᐊᖅ ᐱᓐᖑᕐᑎᓚᐅᕐᐹ.

ᐄᑉᕈᐃᓄᑦ 2:10

ᒎᑎᐅᑉ ᓈᒻᒪᒋᓚᐅᕐᒪᒍ, ᑖᑦᓱᒨᓇ ᓱᓇᓕᒫᑦ ᓴᖅᑭᑎᑕᐅᓯᒪᖕᒪᑕ, ᑖᑦᓱᒪᖓᓪᓗ ᓱᓇᓕᒫᑦ ᐱᓯᒪᓪᓗᑎᒃ, ᐋᓐᓂᐊᑎᑕᐅᓂᒃᑯᑦ ᓈᒻᒪᑦᓯᐊᓕᖁᓪᓗᒍ ᕿᑐᕐᖓᐅᓕᕐᑐᓂᒃ ᐊᒥᓱᓂᒃ ᓂᕐᑐᕐᓇᕐᓂᕐᔪᐊᖓᓂᒃ ᐱᖃᑕᐅᓕᖁᓪᓗᒋᑦ.

ᐲᑦᑐᕉᓯ ᓯᕗᓪᓖᑦ 3:22

ᑖᓐᓇ ᕿᓚᓕᐊᓚᐅᕐᐳᖅ ᒫᓐᓇᓗ ᒎᑎᐅᑉ ᑕᓕᕐᐱᐊᓃᑉᐳᖅ, ᐂᖏᓖᓂᒃ ᐃᓚᖃᕐᓗᓂ, ᐱᔪᓐᓇᕐᑎᑕᐅᔪᑦ, ᐱᔪᓐᓇᕐᓃᓪᓗ ᑖᑦᓱᒥᖓ ᓈᓚᒐᖃᕐᐳᑦ.