14 ᑖᑦᓱᒨᓇ ᐱᐅᓕᔭᐅᒐᑦᑕ, ᑕᕝᕙ ᐊᔪᕐᓂᕐᓂᑦ ᐃᓱᒪᒋᔪᓐᓁᕐᑕᐅᓂᕐᒥᑦ.
ᐃᓕᖕᓂᓕ ᐃᓱᒪᒋᔪᓐᓁᕐᕕᐅᓂᕐᑕᖃᕐᐳᖅ, ᓯᕘᕋᒋᔭᐅᔪᓐᓇᖁᓪᓗᑎᑦ.
ᐃᓅᑉ ᐃᕐᓂᖓ ᑎᑭᓚᐅᓐᖏᓚᖅ ᐱᔨᑦᓯᕐᑕᐅᔭᕐᑐᕐᓗᓂ ᐱᔨᑦᓯᕆᐊᕐᑐᕐᓗᓂᓕ, ᐃᓅᓯᕐᒥᓂᒡᓗ ᑐᓂᓯᓗᓂ ᐃᓄᐃᑦ ᐊᒥᓱᑦ ᐊᑭᓖᑦᔪᑎᓪᓗᓂᒋᑦ ᐅᑎᕐᑎᑕᐅᑦᔪᑎᒃᓴᖏᓐᓄᑦ.”
ᖃᐅᔨᒐᒥ ᑖᒃᑯᐊ ᐅᒃᐱᕐᓂᖃᕐᒪᑕ, ᐊᖑᑦ ᓇᓚᔪᖅ ᐅᖃᐅᑎᕚ, “ᐃᓚᓐᓈᒃ, ᐱᐅᖏᑦᑐᓕᓂᑎᑦ ᐃᓱᒪᒋᔭᐅᔪᓐᓁᕐᐳᑦ.”
ᓇᓚᐅᑦᑍᔪᑦ ᑕᒪᕐᒥᒃ ᑖᑦᓱᒥᖓ ᓇᓗᓁᕐᓯᕗᑦ, ᐅᖃᕐᓗᑎᒃ ᑖᑦᓱᒧᖓ ᐅᒃᐱᕐᑐᑦ ᐊᔪᕐᓂᖏᓐᓂᑦ ᐃᓱᒪᒋᔪᓐᓁᕐᕕᐅᓂᕐᒥᒃ ᐱᑎᑕᐅᕗᑦ, ᑖᑦᓱᒪ ᐊᑎᖓᒍᑦ.”
ᐲᑦᑐᕉᓯᐅᑉ ᐅᖃᐅᑎᕔᑦ, “ᖃᕿᐊᓕᕆᑦᓯ, ᐹᑉᑎᑕᐅᓗᓯᓗ ᑕᒪᑦᓯ ᔩᓱᓯ ᙭ᔅᑑᓯᐅᑉ ᐊᑎᖓᓂ, ᐊᔪᕐᓂᑦᓯᓐᓂᑦ ᐃᓱᒪᒋᔪᓐᓁᕐᕕᐅᖁᓪᓗᓯ; ᐊᓂᕐᓂᐅᑉ ᐃᑦᔪᕐᓁᑦᑑᑉ ᑐᓂᕐᕈᑖᓂᒃ ᐱᓂᐊᕐᐳᓯ ᑕᕝᕙ.
ᖃᐅᔨᓴᑦᓯᐊᓕᕆᑦᓯ ᐃᓅᓯᕆᔭᑦᓯᓐᓂᒃ ᑲᒪᒋᑦᓯᐊᕐᓗᒋᑦ ᐅᒃᐱᕐᑑᖃᑎᓯᓗ. ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᒃᐱᕐᑑᖃᑎᒌᓄᑦ ᓯᕗᓕᕐᑎᓐᖑᕐᑎᓯᒪᖕᒪᓯ ᑖᒃᑯᓄᖓ, ᐰᕐᓯᔨᐅᓕᕆᑦᓯ ᒎᑎᐅᑉ ᐃᓚᒌᒃᑐᖁᑎᖏᓐᓂᒃ ᑖᒃᑯᐊ ᓇᖕᒥᓂᕐᑖᕆᓯᒪᖕᒪᒋᑦ ᐃᕐᓂᕐᒥ ᐊᐅᖓᒍᑦ.
ᐃᔨᖏᑦ ᐅᐃᑎᑕᐅᖁᓪᓗᒋᑦ, ᑖᕐᑐᒥᑦ ᓵᒋᐊᖁᓪᓗᒋᑦ ᖃᐅᒪᔪᒧᑦ, ᓵᑖᓇᓯᐅᓪᓗ ᐱᔪᓐᓇᕐᓂᖓᓂᑦ ᒎᑎᒧᑦ, ᐅᒃᐱᕐᓂᕐᒥᒍᓪᓗ ᐅᕙᓐᓄᑦ ᐊᔪᕐᓂᕐᒥᖕᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᐃᓂᖃᓕᖁᓪᓗᒋᓪᓗ ᒎᑎᐅᑉ ᐃᑦᔪᕐᓁᑎᓯᒪᔭᖏᓐᓂ ᐅᒃᐱᕐᓂᒃᑯᑦ.’”
ᑖᑦᓱᒨᓇᓕ ᑭᓯᐊᓂ ᙭ᔅᑑᓯ ᔩᓱᓯᒦᒃᑲᑦᓯ, ᒎᑎᐅᓪᓗ ᐅᕙᑦᑎᓐᓄᑦ ᙭ᔅᑑᓯ ᓯᓚᑐᓂᓐᖑᕐᑎᑉᐹ, ᑖᑦᓱᒨᓇᓗ ᐃᓗᐊᕐᑐᓕᔪᓐᖑᕐᑎᑉᐹᑎᒍᑦ, ᐃᑦᔪᕐᓁᑦᑐᓐᖑᕐᑎᓪᓗᑕᓗ, ᐱᐅᓕᔭᐅᑦᔪᑎᒋᓪᓗᑎᒍᓗ;
᙭ᔅᑑᓯᐅᑉ ᐱᐅᓕᓚᐅᕐᐹᑎᒍᑦ ᐱᖁᔧᑦ ᐱᐅᖏᑦᑐᐊᓘᓂᕅᓂᖓᓂᑦ, ᑖᑦᓱᒪ ᐱᑦᔪᑎᒋᓪᓗᑕ ᐱᐅᖏᑦᑐᐊᓘᓂᕋᕐᑕᐅᓂᖓᓄᑦ; ᐅᖃᕐᓯᒪᔪᖃᕐᒪᑦ, “ᓇᐹᕐᑐᒥ ᓂᕕᓐᖓᕐᑕᐅᔪᑦ ᑕᒪᕐᒥᒃ ᒎᑎᒧᑦ ᐱᐅᖏᑦᑐᐊᓘᓂᕋᕐᑕᐅᕗᑦ.”
ᑖᑦᓱᒪ ᐊᐅᖓᒍᑦ ᐱᐅᓕᓚᐅᕐᒪᑎᒍᑦ, ᐊᔪᕐᓂᑦᑎᓐᓂᑦ ᐃᓱᒪᒋᔪᓐᓁᕐᕕᒋᓪᓗᑕ, ᐱᑦᓯᐊᕐᓂᒥᒍᑦ ᐱᔪᓐᓇᕐᑎᑦᓯᓂᖓᑕ ᐊᒥᒐᖏᑦᑐᐊᓘᓂᖓᒍᑦ,
ᐃᒫᒡᓕ ᐱᓕᕆᑦᓯ, ᐃᓕᑦᓯᓐᓄᑦ ᐱᑦᓯᐊᖃᑦᑕᐅᑎᓗᓯ, ᓂᑲᒋᖃᑦᑕᐅᑎᓗᓯᓗ ᐊᑐᓂᑦ, ᐃᓱᒪᒋᔪᓐᓁᖃᑦᑕᐅᑎᕙᒡᓗᓯᓗ, ᓲᕐᓗ ᒎᑎᐅᑉ ᐃᓱᒪᒋᔪᓐᓁᕐᕕᒋᓚᐅᕐᒪᓯ ᙭ᔅᑑᓯᒃᑯᑦ.
ᐃᓅᓕᕆᑦᓯ ᓇᒡᓕᖕᓂᒃᑯᑦ, ᙭ᔅᑑᓯᐅᑦᑕᐅᖅ ᓇᒡᓕᒋᓚᐅᕐᒪᑎᒍᑦ ᐃᓅᓯᓂᓗ ᑐᓂᓚᐅᕐᒪᒍ ᐱᑦᔪᑎᒋᓪᓗᑕ, ᑐᓂᕐᕈᑎᒃᓴᐅᔪᒪᓪᓗᓂ ᑎᐱᑦᓯᐊᕆᒃᓴᐅᑕᐅᓗᓂ ᒎᑎᒧᑦ ᖁᕕᐊᒋᔭᐅᔪᒥᒃ.
ᒪᑐᒪ ᓯᕗᓂᖓᒍᑦ ᐅᒃᐱᕐᓂᑦᓯᒍᑦ ᑐᖁᖓᓚᐅᕐᑐᓯ ᐊᔪᕐᓂᑦᓯᓐᓄᑦ ᑭᐱᔭᐅᓯᒪᖏᓐᓂᑦᓯᓐᓄᓪᓗ, ᒎᑎᐅᓪᓕ ᐃᓅᓯᕐᑖᕐᑎᓚᐅᕐᐹᓯ ᙭ᔅᑑᓯᒃᑯᑦ, ᐃᓱᒪᒋᔪᓐᓁᕐᕕᒋᓪᓗᑕᓗ ᐊᔪᕐᑐᓕᓂᑦᑎᓐᓂᑦ ᑕᒤᓐᓂᑦ.
ᐃᓕᑦᓯᓐᓄᑦ ᐃᑲᔪᕐᑐᖃᑦᑕᐅᑎᓗᓯ, ᓱᓇᒥᒡᓗ ᓈᒻᒪᒃᓴᖏᑦᔪᑎᖃᕐᑐᖃᕐᐸᑦ ᓇᓕᑦᓯᓐᓄᑦ, ᐃᓱᒪᒋᔪᓐᓁᖃᑎᒌᖃᑦᑕᕐᓗᓯ; ᐊᑕᓂᐅᑦᑕᐅᖅ ᐃᓱᒪᒋᔪᓐᓁᕐᕕᒋᓚᐅᕐᒪᓯ, ᑍᒫᒃᑕᐅᖅ ᐃᓱᒪᒋᔪᓐᓁᕐᓯᖃᑦᑕᕆᑦᓯ.
ᐃᒻᒥᓂᒃ ᑐᓂᓚᐅᕐᐳᖅ ᐊᑭᓖᑦᔪᔨᔪᒪᓪᓗᓂ ᐃᓄᓕᒫᓂᒃ; ᑕᒪᓐᓇ ᓈᒻᒪᑦᓯᐊᕐᑐᒥᒃ ᒎᑎᐅᑉ ᐱᓇᓱᐊᕈᑎᒋᓚᐅᕐᐹ ᐱᐅᓕᕐᓯᓂᓂ ᖃᐅᔨᔭᐅᖁᓪᓗᒍ.
ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.
᙭ᔅᑑᓯᓕ ᐃᑦᔪᕐᓁᓐᓂᕐᐹᒧᑦ ᐃᓯᓚᐅᕐᐳᖅ ᐊᑕᐅᓯᐊᕐᓗᓂ ᑕᒤᓐᓄᑦ ᓈᒻᒪᒃᓯᑦᔪᑕᐅᓂᐊᓕᕐᑐᒥᒃ ᐃᓯᐅᑦᔨᓪᓗᓂ; ᒎᑦᓯᓪᓗ ᓄᕐᕋᐅᔮᕐᑑᓪᓘᓐᓃᑦ ᐊᐅᖓᓂᒃ ᓇᒃᓴᓚᐅᓐᖏᓚᖅ ᓇᖕᒥᓂᕐᓕ ᐊᐅᖕᒥᓂᒃ ᓇᒃᓴᓚᐅᕐᐳᖅ, ᐃᓱᖃᖏᑦᑐᒧᑦ ᐱᐅᓕᔭᐅᕕᒃᓴᒥᒃ ᐱᓂᐊᕈᑦᔨᓪᓗᓂ.
ᐃᓛᒃ, ᐱᖁᔭᖅ ᒪᓕᒡᓗᒍ ᑕᒪᑦᓯᐊᑲᓵᖏᑦ ᐊᐅᖕᒧᑦ ᓴᓗᒻᒪᕐᑕᐅᕗᑦ, ᐊᐅᒡᓗ ᑯᕕᔭᐅᓐᖏᑉᐸᑦ ᐊᔪᕐᓃᑦ ᐃᓱᒪᒋᔭᐅᔪᓐᓃᕈᓐᓇᓐᖏᓚᑦ.
᙭ᔅᑑᓯᑦᑕᐅᖅ ᐊᑕᐅᓯᐊᕐᓗᓂ ᐋᓐᓂᐊᑎᑕᐅᓚᐅᕐᒪᑦ ᐊᔪᕐᓃᑦ ᐱᑦᔪᑎᒋᓪᓗᒋᑦ, ᐃᖢᐊᕐᑐᖅ ᐃᓗᐃᑦᑐᓕᔪᑦ ᐱᑦᔪᑎᒋᓪᓗᒋᑦ, ᒎᑎᒧᑦ ᐱᑎᑦᓱᒪᓪᓗᑕ, ᑎᒥᒥᒍᑦ ᑐᖁᑕᐅᓚᐅᕐᐳᖅ ᐊᓂᕐᓂᒃᑯᓪᓕ ᐆᒻᒪᕐᑎᑕᐅᓚᐅᕐᐳᖅ;
ᐊᔪᕐᓂᕗᓪᓕ ᖃᕿᐊᓕᐅᑎᒋᒍᑦᑎᒍᑦ, ᑖᓐᓇ ᓱᖁᓯᔪᐃᑦᑑᒐᒥ ᐊᑦᔨᒌᑎᑦᓯᒐᒥᓗ, ᐊᔪᕐᓂᕗᑦ ᐃᓱᒪᒋᔪᓐᓁᕐᓂᐊᕐᐰᑦ ᓴᓗᒻᒪᕐᓗᑕᓗ ᐃᖢᐃᑦᑐᓕᒫᑦᓯᐊᓂᑦ.
ᕿᑐᕐᖔᐱᒃᑲ, ᑎᑎᕋᕐᕕᒋᕙᑦᓯ, ᐊᔪᕐᓂᓯ ᐃᓱᒪᒋᔪᓐᓁᕐᑕᐅᓯᒪᖕᒪᑕ ᙭ᔅᑑᓯ ᐱᑦᔪᑎᒋᓪᓗᒍ.
ᑖᓐᓇᓗ ᐊᖅᑯᑎᒃᓴᑑᕗᖅ ᐊᔪᕐᓂᑦᑕ ᐃᓱᒪᒋᔪᓐᓁᕐᑕᐅᑦᔪᑎᒃᓴᖏᓐᓄᑦ, ᐅᕙᒍᑑᖏᑦᑐᕐᓕ ᓯᓚᕐᔪᐊᕐᒥᐅᓪᓕ ᑕᒪᕐᒥᒃ ᐊᔪᕐᓂᖏᑦ ᐱᓪᓗᒋᑦ.
ᔩᓱᓯ ᙭ᔅᑑᓯᒥᓪᓗ ᓱᖁᓯᔪᐃᑦᑑᓪᓗᓂ ᖃᐅᔨᑎᑦᓯᔪᒥᑦ, ᐃᕐᓂᕐᑖᕆᔭᐅᖄᕐᓯᒪᔪᒥᑦ ᑐᖁᖓᔪᓂᑦ ᒪᑭᑎᑕᐅᓯᒪᔪᓂᑦ, ᐊᖓᔪᖅᑳᕐᔪᐊᖑᔪᒥᓪᓗ ᐊᖓᔪᖅᑳᕐᔪᐊᓕᒫᓄᑦ ᓄᓇᕐᔪᐊᕐᒥ. ᑖᑦᓱᒪ ᓇᒡᓕᒋᖕᒪᑎᒍᑦ ᕿᓚᕈᑦᔮᓚᐅᕐᐹᑎᒍᓪᓗ ᐊᔪᕐᓂᑦᑎᓐᓂᑦ ᐊᐅᖕᒥᓄᑦ.
ᑖᒃᑯᐊᓗ ᐃᒻᒥᖕᓂᒃ ᓴᓗᒤᓕᑎᓚᐅᓐᖏᓚᑦ ᐊᕐᓇᓂᒃ ᓄᓕᐊᕐᓂᕐᒧᑦ, ᐃᒻᒥᖕᓂᒃ ᐊᕐᓇᒥᒃ ᐃᓐᓇᖓᖃᑎᖃᓚᐅᕐᓯᒪᓐᖏᓐᓇᒥᒃ; ᓄᕐᕋᐅᔭᖅ ᒪᓕᖃᑦᑕᕐᐹᑦ ᓇᒧᑐᐃᓐᓇᖅ ᐂᓕᕌᖓᑦ; ᑖᒃᑯᐊ ᐊᑭᓕᕐᑕᐅᓪᓗᑎᒃ ᐅᑎᕐᑎᑕᐅᓯᒪᕗᑦ ᐃᓅᖃᑎᓕᒫᒥᖕᓂᑦ ᓯᕗᓪᓕᕐᐹᖑᕗᑦ ᒎᑎᒧᑦ ᓄᕐᕋᐅᔭᕐᒧᓪᓗ ᑐᓂᕐᕈᑕᐅᓯᒪᔪᓂᑦ,
ᐃᓐᖏᕐᓯᕗᓪᓗ ᐃᖏᕈᒻᒥᒃ ᓄᑖᒥᒃ, ᐅᖃᕐᓗᑎᒃ: “ᐊᒡᓚᖕᓂᒃ ᐃᒧᓯᒪᔪᓂᒃ ᐃᓯᕕᑦᓯᔪᓐᓇᕐᑎᑕᐅᔪᑑᕗᑎᑦ ᓇᕿᑦᔪᑎᖏᓐᓂᒃ ᐲᕐᓯᔪᓐᓇᕋᕕᑦ, ᑐᖁᑕᐅᓚᐅᕋᕕᑦ ᐊᐅᖕᓄᓪᓗ ᐃᓄᐃᑦ ᐊᑭᓕᓚᐅᕐᐸᑎᑦ ᒎᑎᒧᑦ ᐅᑎᕐᑎᓪᓗᒋᑦ, ᑭᖑᕚᕇᓕᒫᓂᑦ ᐅᖃᐅᓯᖃᑎᒌᖏᑦᑐᓂᑦ ᐃᓄᒐᓴᒡᔪᐊᓂᑦ ᐃᓅᖃᑎᒌᒡᔪᐊᓂᓪᓗ.
