ᑯᓘᓯᐊᒥᐅᓄᑦ 1:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᖁᔭᓕᖁᓪᓗᓯ ᐊᑖᑕᒧᑦ, ᑖᑦᓱᒪ ᐊᔪᕈᓐᓃᕐᑎᒻᒪᑎᒍᑦ ᑭᖑᕐᖑᑦᔨᖃᑕᐅᖁᓪᓗᑕ ᐃᑦᔪᕐᓁᑦᑐᖁᑎᖏᑕ ᐱᒃᓴᖏᓐᓂᒃ ᖃᐅᒪᔪᒥ.

ᑯᓘᓯᐊᒥᐅᓄᑦ 1:12 Iomraidhean Croise

ᐊᑕᓃᑦ ᓯᕗᓪᓖᑦ 6:7

ᐃᒡᓗ ᓴᓇᔭᐅᕗᖅ, ᐅᔭᕋᖕᓂᒃ ᓴᓇᔭᐅᔭᕇᕐᓯᒪᔪᓂᒃ ᐅᔭᕋᖕᓂᒃ ᐲᔧᕕᖕᒥ; ᓂᐱᖃᓚᐅᓐᖏᓚᖅ ᑲᑦᔪᒡᕙᓗᒃᑐᒥᒃ ᐅᓕᒪᕐᕙᓗᒃᑐᒥᒡᓘᓐᓃᑦ ᐅᕝᕙᓗ ᓴᓇᕐᕈᑎᓄᑦ ᓴᕕᕋᔭᖕᓄᑦ ᑐᓴᕐᓴᐅᔪᓂᒃ ᑐᒃᓯᐊᕐᕕᒡᔪᐊᖅ ᓴᓇᔭᐅᑎᓪᓗᒍ.

ᑯᕉᓂᑲ ᓯᕗᓪᓖᑦ 29:20

ᑕᕝᕙ ᑍᕕᑎ ᑲᑎᓐᖓᔪᓕᒫᓄᑦ ᐅᖃᕐᐳᖅ, “ᐊᑕᓂᖅ ᒎᑎᓯ ᓂᕐᑐᕐᓯᐅᒃ.” ᐃᓄᓕᒫᓪᓗ ᐊᑕᓂᖅ ᓂᕐᑐᕐᐹᑦ, ᓯᕗᓕᖏᑦᑕ ᒎᑎᖓᑦ, ᐅᑯᓪᓗᑎᒡᓗ, ᐊᑕᓂᖅ ᑐᒃᓯᐊᕐᕕᒋᕚᑦ, ᐊᖓᔪᖅᑳᕐᔪᐊᓪᓗ ᐅᑯᕕᒋᓪᓗᒍ ᐅᐱᒋᕚᑦ.

ᐃᓐᖏᕈᑎᑦ 116:7

ᑕᕐᓃᒃ ᑕᕾᕐᓯᕐᕕᖕᓄᑦ ᐅᑎᕆᑦ; ᐊᑕᓂᐅᑉ ᐊᖏᔪᐊᓗᖕᒥᑦ ᐱᑦᓯᐊᕐᕕᒋᓯᒪᖕᒪᑎᑦ.

ᐃᓐᖏᕈᑎᑦ 36:9

ᐃᓅᓯᕐᒥᒃ ᐳᐊᓚᔪᖅ ᐃᓕᖕᓃᒻᒪᑦ; ᖃᐅᒪᓂᕐᓂᑦ ᖃᐅᒪᔪᖅ ᑕᑯᕙᕗᑦ.

ᐃᓐᖏᕈᑎᑦ 79:13

ᐅᕙᒍᓪᓕ, ᐃᓄᖁᑎᒋᔭᑎᑦ, ᐰᕐᓯᓂᕐᓄᑦ ᓰᐱᖁᑎᒋᔭᑎᑦ, ᑕᕝᕙ ᖁᔭᒋᓂᐊᕐᐸᑦᑎᒋᑦ ᐃᓱᖃᖏᑦᑐᒧᑦ; ᓂᕐᑐᕐᓇᕐᓃᓪᓗ ᐅᖃᐅᓯᕆᔪᒪᕙᕗᑦ ᐃᓅᖃᑎᒌᒡᔪᐊᓕᒫᓄᑦ.

ᐃᓐᖏᕈᑎᑦ 97:11

ᖃᐅᒪᔪᖅ ᐃᓱᐊᕐᑐᓕᔪᓄᑦ ᖃᐅᒻᒤᕗᖅ, ᐆᒻᒪᑎᒥᒍᓪᓗ ᓈᒻᒪᒃᑐᒥᒃ ᐱᓇᓱᐊᕐᑐᑦ ᖁᕕᐊᓱᒃᑎᑕᐅᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:1

ᐃᓱᒪᒃᑯᑦ ᐃᓱᒪᒃᓴᕐᓯᐅᕐᓂᖅ ᐃᓅᑉ ᐱᒋᕚ, ᐅᖃᐅᓪᓕ ᑭᐅᔭᐅᑦᔪᑎᒃᓴᖓ ᐊᑕᓂᕐᒥᑦ ᐱᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:18

ᓈᒻᒪᓈᑦᓯᐊᕐᑐᒥ ᐃᓅᔪᑦ ᐊᑐᕐᑕᖓᑦ ᓯᕿᓂᕐᒧᑦ ᓄᐃᕕᐅᓕᕐᑐᑎᑐᑦ ᑍᒤᑉᐳᖅ, ᖃᐅᒻᒪᒃᑎᑕᐅᕙᓪᓕᐊᕗᖅ ᐅᓪᓗᓪᓗᐊᕈᕐᐸᓪᓕᐊᔪᒧᑦ ᖃᐅᒻᒪᒌᑦᓯᐊᓕᕐᕕᐅᔪᑎᑐᑦ.

ᑖᓂᐊᓕᐅᑉ ᐊᒡᓚᖏᑦ 2:23

ᖁᔭᒋᕙᒋᑦ ᓂᕐᑐᕐᐸᒋᓪᓗ, ᓯᕗᓕᕕᓂᕐᒪ ᒎᑎᖓ, ᓯᓚᑐᓂᕐᒥᒃ ᐱᔪᓐᓇᕐᓂᕐᒥᒡᓗ ᑐᓂᓯᕕᒋᒐᕕᖓ; ᖃᐅᔨᑎᒃᑲᕕᖓᓗ ᐊᐱᖅᑯᑎᒋᔭᑦᑎᓐᓂᒃ ᐃᓕᖕᓄᑦ, ᐊᖓᔪᖅᑳᕐᔪᐊᑉ ᓯᓐᓇᒃᑐᕕᓂᖓᓂᒃ ᑐᑭᓯᑎᒃᑲᑦᑎᒍᑦ.”

ᒫᑎᐅᓯᐅᑉ ᐊᒡᓚᖏᑦ 25:34

ᑕᕝᕙ ᐊᖓᔪᖅᑳᕐᔪᐊᖅ ᑕᓕᕐᐱᖕᒥᓃᑦᑐᓄᑦ ᐅᖃᕈᒫᕐᐳᖅ, ‘ᕾᒋᑦᓯ, ᐊᑖᑕᒪ ᓇᒡᓕᒃᑕᖏᑦ, ᐊᑕᓂᐅᕕᒃ ᑭᖑᕐᖑᑎᓕᕐᓯᐅᒃ ᐅᐸᓗᖕᒊᔭᕐᑕᐅᓯᒪᔪᖅ ᐃᓕᑦᓯᓐᓄᑦ ᓄᓇᕐᔪᐊᑉ ᐱᓐᖑᕐᑎᑕᐅᓕᕐᓂᖓᓂᑦ;

ᔪᐊᓇᓯᐅᑉ ᐊᒡᓚᖏᑦ 14:6

ᔩᓱᓯᐅᑉ ᐅᖃᐅᑎᕚ, “ᐊᖅᑯᑕᐅᕗᖓ, ᓱᓕᔫᓪᓗᖓ, ᐃᓅᓯᐅᕗᖓ; ᑭᓇᒥᒡᓘᓐᓃᑦ ᐊᑖᑕᒧᐊᕐᑐᖃᕈᓐᓇᓐᖏᓚᖅ, ᐅᕙᒃᑰᕐᓗᓂ ᑭᓯᐊᓂ.

ᔪᐊᓇᓯᐅᑉ ᐊᒡᓚᖏᑦ 20:17

ᔩᓱᓯᐅᑉ ᐅᖃᐅᑎᕚ, “ᐊᒃᑐᕐᓂᐊᕐᓇᖓ, ᓱᓕ ᑕᑉᐸᐅᓐᖓᓚᐅᖏᓐᓇᒪ ᐊᑖᑕᓐᓄᑦ; ᐃᓅᖃᑎᒃᑲᓕ ᐅᐸᓕᒃᑭᑦ ᐅᖃᐅᑎᓗᒋᑦ, ᑕᑉᐸᐅᓐᖓᕐᓂᐊᕐᐳᖓ ᐊᑖᑕᓐᓄᑦ ᐊᑖᑕᑦᓯᓐᓄᓪᓗ, ᒎᑎᓐᓄᑦ ᒎᑎᑦᓯᓐᓄᓪᓗ.”

ᔪᐊᓇᓯᐅᑉ ᐊᒡᓚᖏᑦ 4:23

ᓇᓪᓕᐅᑎᔪᒫᕐᐳᕐᓕ, ᒫᓐᓇᓗ ᓇᓪᓕᐅᑎᓯᒪᓕᕐᐳᖅ, ᐊᑖᑕᒧᑦ ᑐᒃᓯᐊᕐᑐᑦ ᓱᓕᑦᓯᐊᕐᑐᒥᒃ ᑐᒃᓯᐊᖃᑦᑕᓕᕐᕕᒃᓴᓐᖓᑦ, ᐊᓂᕐᓂᒃᑰᕐᓗᑎᒃ ᓱᓕᑦᓯᐊᕐᑐᒥᒃ, ᐊᑖᑕ ᑍᒪᓐᓇ ᑐᒃᓯᐊᖃᑦᑕᕈᓐᓇᕐᑐᓂᒃ ᕿᓂᕐᒪᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 20:32

“ᒫᓐᓇ ᒎᑎᒧᑦ ᑐᓂᓕᕐᐸᑦᓯ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐊᔪᕆᕐᑐᐃᑦᔪᑕᐅᓂᖓᓄᑦ ᑕᒪᑐᒧᖓ ᐱᔪᓐᓇᕐᓯᕙᓪᓕᐊᑎᑕᐅᔪᓐᓇᕋᑦᓯ ᑭᖑᕐᖑᑎᔭᒃᓴᒥᒡᓗ ᑐᓂᓯᕕᒋᔪᓐᓇᕐᐹᓯ ᒎᑎᐅᑉ ᐃᓄᖁᑎᓕᒫᒥᓄᑦ ᐊᖏᕈᑎᒋᓯᒪᔭᒥᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 26:18

ᐃᔨᖏᑦ ᐅᐃᑎᑕᐅᖁᓪᓗᒋᑦ, ᑖᕐᑐᒥᑦ ᓵᒋᐊᖁᓪᓗᒋᑦ ᖃᐅᒪᔪᒧᑦ, ᓵᑖᓇᓯᐅᓪᓗ ᐱᔪᓐᓇᕐᓂᖓᓂᑦ ᒎᑎᒧᑦ, ᐅᒃᐱᕐᓂᕐᒥᒍᓪᓗ ᐅᕙᓐᓄᑦ ᐊᔪᕐᓂᕐᒥᖕᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᐃᓂᖃᓕᖁᓪᓗᒋᓪᓗ ᒎᑎᐅᑉ ᐃᑦᔪᕐᓁᑎᓯᒪᔭᖏᓐᓂ ᐅᒃᐱᕐᓂᒃᑯᑦ.’”

ᕉᒪᒥᐅᓄᑦ 11:17

ᓇᐹᕐᑑᓪᓕ ᐊᕙᓚᖓᔪᖏᑕ ᐃᓚᖏᑦ ᓇᑲᓯᒪᒃᐸᑕ, ᓇᐹᕐᑐᑉ ᐅᕐᓱᒃᓴᓕᖕᓂᒃ ᐸᐅᕐᖓᖃᕐᑑᑉ ᐊᕙᓚᖓᔪᖏᑦ ᐃᕕᕐᑎᑕᐅᒃᐸᑕ ᓇᑲᓯᒪᔫᑉ ᐃᓂᖓᓄᑦ; ᑕᕝᕙ ᐅᕐᓱᒃᓴᓕᖕᓂᒃ ᐸᐅᕐᖓᓕᐅᑉ ᐃᑦᑎᖓᓂᒃ ᐱᖃᑕᐅᓂᐊᕐᐳᑦ ᐱᕈᑦᓯᐊᕐᓇᕐᑐᒥᒃ.

ᕉᒪᒥᐅᓄᑦ 15:27

ᖁᕕᐊᓱᒡᓗᑎᒃ ᑍᒫᒃ ᐃᒻᒥᖕᓂᒃ ᐱᔪᒪᓚᐅᕐᒪᑕ, ᐅᓐᓃᓄᓇ ᐃᑲᔪᕆᐊᖃᕋᒥᒃ ᑍᒃᑯᓂᖓ, ᔫᑎᐅᖏᑦᑐᑦ ᐱᖃᑕᐅᓯᒪᒍᑎᒃ ᔫᑎᑦ ᐅᒃᐱᕐᓂᒃᑯᑦ ᓮᒻᒪᕐᑎᑕᐅᓂᖏᓐᓂᒃ, ᑍᒫᒃᑕᐅᖅ ᑕᑯᒃᓴᐅᔪᒃᑯᑦ ᓮᒻᒪᕐᑎᑕᐅᓂᕐᒥᖕᓂᒃ ᑲᑐᑦᔨᖃᑎᒋᔭᕆᐊᖃᕐᒪᒋᑦ.

ᕉᒪᒥᐅᓄᑦ 8:17

ᕿᑐᕐᖓᕆᔭᐅᒍᑦᑕᓗ, ᑭᖑᕐᖑᑦᔨᔪᒃᓴᐅᓕᕐᐳᒍᑦ, ᒎᑎᐅᑉ ᐃᓄᖁᑎᒥᓄᑦ ᑭᖑᕐᖑᑎᔭᒃᓴᐅᑎᑕᖏᓐᓂᒃ ᙭ᔅᑑᓯᓗ ᑭᖑᕐᖑᑦᔨᖃᑎᒋᔪᒫᓕᕐᓗᒍᑦ, ᙭ᔅᑑᓯ ᐅᖁᒤᒃᓴᖃᑎᒋᕙᕗᑦ ᓂᕐᑐᕐᓇᕐᓯᑎᑕᐅᓂᖓᓂᒃᑕᐅᖅ ᐱᖃᑕᐅᔪᒫᖁᓪᓗᑕ.

ᕉᒪᒥᐅᓄᑦ 9:23

ᓂᕐᑐᕐᓇᕐᓂᕐᔪᐊᖓᑕ ᐊᒥᒐᖏᑦᑐᐊᓘᓂᖓ ᓇᓗᓁᕐᑕᐅᖁᓪᓗᒍ ᓂᑲᒋᔭᐅᔭᕆᐊᓕᖕᓄᑦ, ᐅᐸᓗᖕᒊᕈᑎᒋᓯᒪᔭᒥᓄᑦ ᓯᕗᓂᖓᒍᑦ ᓂᕐᑐᕐᓇᕐᓯᑎᑕᐅᓚᖁᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:6

ᐅᕙᑦᑎᓐᓄᓪᓕ ᒎᑎ ᐊᑕᐅᓯᐅᕗᖅ, ᐊᑖᑕ, ᑖᑦᓱᒪᓐᖓᑦ ᓱᓇᓕᒫᑦ ᐱᓯᒪᖕᒪᑕ, ᑖᑦᓱᒨᓇᓗ ᐃᓅᓪᓗᑕ; ᐊᑕᓂᕐᓗ ᐊᑕᐅᓯᐅᕗᖅ ᔩᓱᓯ ᙭ᔅᑑᓯ, ᑖᑦᓱᒨᓇ ᓱᓇᓕᒫᑦ ᐱᓐᖑᕐᑎᑕᐅᓯᒪᖕᒪᑕ ᑖᑦᓱᒨᓇᓗ ᐃᓅᓪᓗᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:23

ᐅᖃᐅᓰᑦ ᑐᓴᕈᒥᓇᕐᑐᑦ ᐱᑦᔪᑎᒋᓪᓗᒋᑦ ᑍᒫᒃ ᐱᕗᖓ, ᓮᒻᒪᕐᑎᑕᐅᓇᕐᓂᖏᓐᓂᒃ ᐱᖃᑕᐅᔪᒪᓪᓗᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:14

ᑕᒪᓐᓇᓗ ᑲᒪᓇᓐᖏᓚᖅ ᓵᑖᓇᓯ ᐊᒡᓛᑦ ᓇᖕᒥᓂᖅ ᓴᖅᑭᔮᕈᓐᓇᕐᒪᑦ ᖃᐅᒪᔫᑉ ᐂᖏᓕᖏᑎᑐᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:5

ᐅᕙᑦᑎᓐᓂᒡᓕ ᐅᐸᓗᖕᒊᔧᓯᒪᔪᖅ ᑕᒪᑐᒥᖓ ᑕᕝᕙ ᒎᑎ, ᑖᑦᓱᒪ ᐊᓂᕐᓂᕐᒥᒃ ᑐᓂᓯᕕᒋᓯᒪᕚᑎᒍᑦ ᓇᓗᓁᒃᑯᑕᒃᓴᑦᑎᓐᓂᒃ ᖁᓚᕐᓁᕈᑎᒃᓴᒥᒃ.

ᐃᐱᓯᒥᐅᓄᑦ 1:11

ᑖᑦᓱᒨᓇ ᐱᑎᑕᐅᕗᒍᑦ ᑭᖑᕐᖑᑎᔭᒃᓴᑦᑎᓐᓂᒃ, ᐃᓱᒪᒋᓯᒪᔭᑐᖃᕆᓪᓗᒍ ᐊᑐᕈᒪᓯᒪᔭᓐᖓ ᒪᓕᒡᓗᒍ, ᑐᓐᖓᕕᖃᕐᑎᓪᓗᒍ ᓱᓇᓕᒫᓂᒃ ᐱᓇᓱᐊᕐᓯᒪᔫᑉ ᐱᔪᒪᔭᖓ ᒪᓕᒃᓗᒍ.

ᐃᐱᓯᒥᐅᓄᑦ 1:18

ᐆᒻᒪᑎᓯᒍᑦ ᑕᑯᔪᓐᓇᕐᓯᑎᑕᐅᖁᕙᑦᓯ ᑖᑦᓱᒥᖓ ᑐᑭᓯᔪᓐᓇᑦᓯᐊᓕᖁᓪᓗᓯ, ᓂᕆᐅᒋᔭᒃᓴᒥᒡᓗ ᖃᐅᔨᔪᓐᓇᖁᓪᓗᓯ ᕾᖁᔭᐅᑦᔪᑎᒋᔭᑦᓯᓐᓂᒃ, ᐊᖏᕈᑎᒋᓯᒪᔭᖓᑕᓗ ᐃᓄᖁᑎᒥᓄᑦ ᑭᖑᕐᖑᑎᔭᒃᓴᓕᐊᕆᓯᒪᔭᖓᑕ ᐱᐅᔪᕐᔪᐊᖑᓂᖓᓂᒃ,

ᐃᐱᓯᒥᐅᓄᑦ 2:18

ᑖᑦᓱᒨᓇ ᑕᒪᑦᑕ ᐊᑐᓂᑦ ᐊᖅᑯᑎᒃᓴᖃᓕᕐᐳᒍᑦ ᐊᑖᑕᒧᑦ ᐊᓂᕐᓂᒃᑯᑦ ᐊᑕᐅᓯᒃᑯᑦ.

ᐃᐱᓯᒥᐅᓄᑦ 3:6

ᑕᒪᓐᓇ ᓇᓗᓇᕈᑎᖃᓚᐅᕐᐳᖅ ᔪᑎᐅᓐᖏᑦᑐᑦ ᑭᖑᕐᖑᑦᔨᔪᓐᓇᕐᓯᑎᑕᐅᓚᐅᕐᒪᑕ ᐃᓚᒋᔭᐅᓕᕐᓗᑎᒃ ᑎᒥᒧᑦ ᐊᑕᐅᓯᕐᒧᑦ, ᐱᖃᑕᐅᓕᕐᓗᑎᒃᓗ ᐊᖏᕈᑕᐅᓯᒪᔪᒥᒃ ᙭ᔅᑑᓯ ᔩᓱᓯᒃᑯᑦ ᐅᖃᐅᓯᕐᑎᒍᑦ ᑐᓴᕈᒥᓇᕐᑐᑎᒍᑦ.

ᐃᐱᓯᒥᐅᓄᑦ 4:6

ᒎᑎ ᐊᑕᐅᓯᖅ ᐊᑖᑕᒋᔭᕗᓪᓗ ᑕᒪᑦᑕ, ᑕᒤᓐᓄᑦ ᐊᑕᓂᐅᔪᖅ ᑕᒤᑎᒍᓪᓗ ᐱᓇᓱᐊᕐᑐᖅ ᑕᒤᓐᓃᑦᑐᕐᓗ.

ᐃᐱᓯᒥᐅᓄᑦ 5:11

ᑖᕐᑑᑉ ᐱᓂᐊᕐᓂᖏᑦ ᐊᑐᖏᑦᑐᑦ ᐃᓚᐅᖃᑕᐅᕕᒋᓂᐊᕋᓯᒋᒃ, ᖃᐅᒪᔪᒧᓪᓕ ᓴᖅᑭᑎᖔᕐᓯᒋᒃ.

ᐃᐱᓯᒥᐅᓄᑦ 5:20

ᑕᒤᑕᓗ ᑍᒪᓐᖓᑦ ᖁᔭᓕᑦᔪᑎᒋᖃᑦᑕᕐᓯᒋᑦ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐊᑎᖓᓂ ᒎᑎᒧᑦ ᐊᑖᑕᒧᑦ.

ᐃᐱᓯᒥᐅᓄᑦ 5:4

ᐅᖃᐅᓯᕐᓘᑎᓂᒃ, ᒥᑕᐅᑎᖃᕐᓂᕐᓂᒃ, ᐅᖃᕐᓂᕐᓘᑎᓂᒡᓗ ᐊᑐᕐᑐᒃᓴᐅᔪᓐᓃᕐᐳᓯ; ᖁᔭᓕᖔᕐᓗᓯᓕ ᐱᒋᑦᓯ.

ᐃᐱᓯᒥᐅᓄᑦ 5:8

ᐃᓕᑦᓯᑦᑕᐅᖅ ᒪᑐᒪ ᓯᕗᕐᖓᒍᑦ ᑖᕐᑐᒥᐅᖑᓚᐅᕋᑦᓯ, ᒫᓐᓇᓕ ᐊᑕᓂᕐᒥ ᖃᐅᒪᔪᒦᓕᕐᐳᓯ; ᑍᒤᒻᒪᑦ ᖃᐅᒪᔫᑉ ᕿᑐᕐᖓᖏᑎᑐᑦ ᐃᓅᓕᕆᑦᓯ,

ᑯᓘᓯᐊᒥᐅᓄᑦ 2:2

ᑍᒤᓕᐅᕐᐳᖓ ᐆᒻᒪᑎᖏᑦ ᖃᔪᖏᕐᑎᑕᐅᖁᓪᓗᒋᑦ ᑲᑎᑦᓯᐊᖁᓪᓗᒋᓪᓗ ᓇᒡᓕᖕᓂᒃᑯᑦ, ᐊᔪᕐᓴᖏᑦᓯᐊᖁᓪᓗᒋᑦ ᑐᑭᓯᑦᓯᐊᕐᓂᕐᒥᒃ ᖃᐅᔨᖁᓪᓗᒋᓪᓗ ᒎᑎᐅᑉ ᓇᓗᓇᕐᓂᖓᓂᒃ, ᙭ᔅᑑᓯᒥᒡᓗ.

ᑯᓘᓯᐊᒥᐅᓄᑦ 3:15

᙭ᔅᑑᓯᐅᑉ ᓮᒻᒪᕐᑎᑦᓯᓂᖓᑕ ᐆᒻᒪᑎᓯ ᐊᐅᓚᓪᓕᒋᑦ, ᕾᖁᔭᐅᓯᒪᒐᑦᓯ ᑎᒥᐅᖁᓪᓗᓯ ᐊᑕᐅᓯᕐᒥ. ᑕᒪᓐᓇᓗ ᖁᔭᓕᑦᔪᑎᒋᓯᐅᒃ.

ᑯᓘᓯᐊᒥᐅᓄᑦ 3:17

ᓱᓇᑐᐃᓐᓇᕐᓂᒡᓗ ᐱᓇᓱᐊᕌᖓᑦᓯ, ᐅᖃᐅᓯᒃᑯᓪᓘᓐᓃᑦ ᐱᓂᐊᕐᓂᒃᑯᓪᓘᓐᓃᑦ, ᐱᓇᓱᐊᖃᑦᑕᕆᑦᓯ ᐊᑕᓂᐅᑉ ᔩᓱᓯᐅᑉ ᐊᑎᖓᓂ, ᖁᔭᓕᓗᓯ ᒎᑎᒧᑦ ᐊᑖᑕᒧᑦ ᑖᑦᓱᒨᓇ.

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.

ᐄᑉᕈᐃᓄᑦ 12:23

ᑕᒪᓐᓇ ᐅᐸᒃᑕᓯ ᒎᑎᐅᑉ ᐊᖓᔪᒃᓕᕐᐹᖁᑎᖏᑕ ᑲᑎᒪᕕᖓ, ᑕᕝᕙᓃᑦᑐᓪᓗ ᐊᑎᖏᑦ ᑎᑎᕋᕐᓯᒪᕗᑦ ᕿᓚᖕᒥ, ᒎᑎᒧᓪᓗ ᑎᑭᑉᐳᓯ, ᑕᒤᓐᓂᒃ ᐃᖅᑲᕐᑐᐃᔪᒧᑦ, ᐃᓄᐃᓪᓗ ᓇᓛᒎᕐᑐᑦ ᐊᓂᕐᓂᖏᑕ ᓈᒻᒪᒃᓯᑎᑕᐅᕕᖏᓐᓄᑦ,

ᐄᑉᕈᐃᓄᑦ 3:1

ᑍᒤᒻᒪᑦ, ᐅᒃᐱᖃᑎᕗᑦ ᐃᑦᔪᕐᓁᑦᑐᓯ, ᒎᑎᒧᑦ ᕾᖁᔭᐅᖃᑕᐅᓯᒪᔪᓯ, ᔩᓱᓯ ᐃᓱᒪᒋᓚᐅᕐᓯᐅᒃ, ᐋᐴᓯᑕᓕᐅᔪᖅ ᑐᓂᕐᕈᓯᕐᑎᑦᓯᔨᓄᓪᓗ ᐊᖓᔪᖅᑳᖑᓪᓗᓂ ᐅᒃᐱᕐᓂᑦᑎᓐᓄᑦ.

ᐄᑉᕈᐃᓄᑦ 3:14

᙭ᔅᑑᓯ ᐱᓇᓱᐊᖃᑎᒋᒐᑦᑎᒍᑦ, ᐱᒋᐊᓕᕐᓗᑕ ᑕᑎᖃᕐᓂᕆᓚᐅᕐᑕᕗᑦ ᑲᔪᓯᑎᓐᓂᐊᑐᐊᕈᑦᑎᒍᑦ ᐃᓱᐊᓄᑦ.

ᔧᒥᓯᐅᑉ ᐊᒡᓚᖏᑦ 3:9

ᐅᖃᕗᑦ ᐊᑐᕐᓗᒍ ᖁᔭᓕᕙᒃᐳᒍᑦ ᐊᑕᓂᕐᒧᑦ ᐊᑖᑕᒧᓪᓗ, ᐅᖃᑦᑎᓐᓄᑦᑕᐅᖅ ᐃᓅᖃᑎᕗᑦ ᐅᖃᕐᓂᕐᓗᒡᕕᒋᕙᒃᐸᕗᑦ, ᒎᑎᐅᑉ ᐊᑦᔨᖓᓄᑦ ᐱᓐᖑᕐᑎᑕᐅᓯᒪᔪᖅ.

ᐲᑦᑐᕉᓯ ᓯᕗᓪᓖᑦ 5:1

ᐃᓐᓁᑦ ᐊᐅᓚᑦᓯᔩᑦ ᐃᓇᑉᐸᒃᑲ, ᐅᕙᖓᑦᑕᐅᖅ ᐊᐅᓚᑦᓯᔨᐅᖃᑕᐅᒐᒪ ᙭ᔅᑑᓯᐅᑉ ᐊᒃᓱᕈᓇᕐᑐᒦᑎᑕᐅᓚᐅᕐᓂᖓᓂᒃ ᑕᑯᖃᑕᐅᓯᒪᒐᒪ ᐱᖃᑕᐅᔪᒫᕆᕗᖓ ᓂᕐᑐᕐᓇᕐᑐᔪᐊᕐᒥ ᓴᖅᑭᕈᒫᕐᑐᒥ.

ᔪᐊᓇᓯ ᓯᕗᓪᓖᑦ 1:3

ᑕᑯᓯᒪᔭᕗᑦ ᑐᓴᕐᓯᒪᔭᕗᓪᓗ ᐃᓕᑦᓯᓐᓄᑦ ᐅᖃᐅᓯᕆᕙᕗᑦ, ᐃᓕᑦᓯᑦᑕᐅᖅ ᐅᕙᑦᑎᓐᓄᑦ ᐃᓚᒌᒍᑎᖃᖁᓪᓗᓯ; ᐊᑖᑕᒧᑦ ᐃᕐᓂᖓᓄᓪᓗ ᔩᓱᓯ ᙭ᔅᑑᓯᒧᑦ ᐃᓚᒌᒍᑎᖃᓕᖁᓪᓗᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:23

ᐃᒡᓗᒐᓴᒡᔪᐊᓪᓗ ᓯᕿᓂᕐᒧᑦ ᑕᖅᑭᕐᒧᓪᓘᓐᓃᑦ ᖃᐅᒪᑎᑕᐅᔭᕆᐊᖃᓐᖏᓚᑦ, ᒎᑎᐅᑉ ᐱᓐᓇᕐᓇᕐᓂᖓᑕ ᖃᐅᒪᑎᒻᒪᒋᑦ, ᓄᕐᕋᐅᔭᕐᓗ ᖃᐅᒻᒪᖅᑯᑎᒋᖕᒪᑦᔪᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:14

ᓮᒪᓇᕐᑐᒦᐳᑦ ᐊᓐᓄᕌᒥᖕᓂᒃ ᓴᓗᒻᒪᕐᓮᓯᒪᔪᑦ, ᓂᕆᔪᓐᓇᕐᑎᑕᐅᕐᒪᑕ ᓇᐹᕐᑐᒥᑦ ᐆᒪᓐᓇᕐᑐᒥᑦ ᐃᒡᓗᒐᓴᒡᔪᐊᓪᓗ ᐃᑎᕐᑕᕐᕕᖏᑎᒍᑦ ᐃᑎᕈᓐᓇᕐᑎᑕᐅᓂᐊᕐᒪᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:5

ᑕᕝᕙᓂᓗ ᐅᓐᓄᐊᖃᕈᓐᓃᕈᒫᕐᐳᖅ; ᖃᐅᒻᒪᖅᑯᑎᖃᕆᐊᖃᕈᒫᕋᑎᒡᓗ ᓯᕿᓂᕐᒥᒡᓘᓐᓃᑦ, ᐊᑕᓂᖅ ᒎᑎ ᖃᐅᒻᒪᖅᑯᑎᒋᔪᒫᕐᒪᑦᔪᒃ, ᑕᕝᕙᓂᓗ ᐊᖓᔪᖅᑳᕐᔪᐊᖑᖃᑕᐅᔪᒫᕐᐳᑦ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.