ᑯᓘᓯᐊᒥᐅᓄᑦ 1:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐃᓅᓯᖃᕈᓐᓇᖁᓪᓗᓯ ᐊᑕᓂᐅᑉ ᓈᒻᒪᒋᔭᖓᒍᑦ, ᖁᕕᐊᒋᔭᐅᓗᓯᓗ ᑖᑦᓱᒧᖓ, ᐃᓅᓯᑦᓯᒍᓪᓗ ᐱᐅᔪᓂᒃ ᐱᕈᕐᑎᑦᓯᖁᓪᓗᓯ ᐊᑦᔨᒌᖏᑦᑐᓂᒃ ᖃᐅᔨᕙᓪᓕᐊᓗᓯᓗ ᒎᑎᒥᒃ.

ᑯᓘᓯᐊᒥᐅᓄᑦ 1:10 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:7

ᐃᓅᑉ ᐃᓕᖅᑯᓯᕐᒥᒍᑦ ᐊᑕᓂᖅ ᖁᕕᐊᓱᒃᑎᑉᐸᒍ, ᐊᑭᕋᖏᓐᓄᑦ ᐊᒡᓛᑦ ᐊᑕᓂᐅᑉ ᐱᑦᓯᐊᕐᑕᐅᑎᑦᓱᓐᓇᕐᐹ.

ᐂᓮᐊᓯᐅᑉ ᐊᒡᓚᖏᑦ 53:11

ᑕᕐᓂᕐᒥᒍᑦ ᐊᒃᓱᕈᕐᓇᕐᑐᒦᑎᑕᐅᓂᖓᑕ ᐸᐅᕐᖓᖏᓐᓂᒃ ᑕᑯᔪᒫᕐᐳᖅ ᓈᒻᒪᒋᓗᒋᓪᓗ; ᖃᐅᔨᒪᓂᕐᒥᒍᑦ ᓇᓛᒎᕐᑐᖅ ᐱᔨᒐ ᐅᓄᕐᑐᓂᒃ ᐃᓱᐊᕐᓯᑎᑦᓯᔪᒫᕐᐳᖅ, ᐊᔪᕐᑐᓕᓂᖏᓐᓂᒃ ᐊᒡᔭᕐᓯᔪᒫᕐᒪᑦ.

ᑖᓂᐊᓕᐅᑉ ᐊᒡᓚᖏᑦ 12:4

“ᐃᕝᕕᓪᓕ, ᑖᓂᐊᓖ, ᑎᑎᕋᕐᓯᒪᔪᑦ ᑖᒃᑯᐊ ᒪᑐᓕᒃᑭᑦ ᓇᕿᑦᔪᓯᕐᓗᒋᓪᓗ ᓱᓇᑐᐃᓐᓁᑦ ᐃᓱᓕᖅᑳᕐᑎᓐᓇᒋᑦ, ᐅᓄᕐᑐᑦ ᐊᕗᖓ ᒪᐅᖓᓗ ᐊᐅᓪᓚᕈᒫᕐᒪᑕ, ᐊᖏᓂᕐᓴᒥᒃ ᖃᐅᔨᒃᑲᓐᓂᕈᒪᓗᑎᒃ.”

ᒤᑲᐅᑉ ᐊᒡᓚᖏᑦ 4:5

ᐃᓅᖃᑎᒌᒡᔪᐊᑦ ᒎᑎᒥᖕᓄᑦ ᐃᓅᒐᓗᐊᕐᐸᑕ, ᐅᕙᒍᓪᓕ ᐃᓅᓂᐊᕐᐳᒍᑦ ᐊᑕᓂᐅᑉ ᒎᑎᑦᑕ ᐊᑎᖓᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᕼᐊᐸᑲᐅᑉ ᐊᒡᓚᖏᑦ 2:14

ᓄᓇᕐᔪᐊᖅ ᑕᑕᑕᐅᔪᒫᕐᐳᖅ ᐃᓕᑕᕐᓯᓂᕐᒥᒃ ᐊᑕᓂᐅᑉ ᐱᓐᓇᕐᓇᕐᓂᖓᓂᒃ, ᐃᒪᐅᑉ ᐃᒪᕕᖕᒥᒃ ᐅᓕᒃᓯᓯᒪᓂᖓᑎᑐᑦ.

ᔪᐊᓇᓯᐅᑉ ᐊᒡᓚᖏᑦ 15:16

ᓂᕈᐊᓚᐅᓐᖏᓚᑦᓯᓐᖓ, ᓂᕈᐊᓚᐅᕐᐸᑦᓯᓕ ᑎᓕᓪᓗᓯᓗ ᐸᐅᕐᖓᑲᕆᐊᕐᑐᖁᓪᓗᓯ ᐸᐅᕐᖓᖃᕐᓂᓯ ᑲᔪᓯᖁᓪᓗᒍ; ᓱᓇᑐᐃᓐᓇᕐᒥᒃ ᐊᑖᑕ ᑐᒃᓯᐊᕐᕕᒋᒍᑦᓯᐅᒃ ᐊᑎᓐᓂ, ᑐᓂᓯᓂᐊᕐᐳᖅ ᐃᓕᑦᓯᓐᓄᑦ.

ᔪᐊᓇᓯᐅᑉ ᐊᒡᓚᖏᑦ 15:8

ᑕᒪᒃᑯᑎᒎᓇᖅ ᐊᑖᑕᒐ ᓂᕐᑐᕐᓇᕐᑎᑕᐅᓂᐊᕐᐳᖅ, ᐸᐅᕐᖓᖃᓕᕈᑦᓯ ᐊᒥᓱᓂᒃ; ᐃᓕᓐᓂᐊᕐᑎᐅᓂᓯᓗ ᐅᕙᓐᓄᑦ ᓇᓗᓁᕐᓗᓂ.

ᔪᐊᓇᓯᐅᑉ ᐊᒡᓚᖏᑦ 17:3

ᐃᓅᓯᖅ ᓄᖑᓱᐃᑦᑐᖅ ᐃᒤᓕᖓᕗᖅ, ᐃᓕᖕᓂᒃ ᖃᐅᔨᓗᓂ ᓇᓛᒍᑦ ᓱᓕᔪᒥᒃ ᒎᑎᑐᐊᖑᓂᕐᓂᒃ, ᑎᓕᓚᐅᕐᑕᕐᓂᒡᓗ ᔩᓱᓯ ᙭ᔅᑑᓯᒥᒃ.

ᕉᒪᒥᐅᓄᑦ 1:13

ᖃᐅᔨᒪᖁᕙᑦᓯᓕ ᐅᒃᐱᕐᑐᓯ; ᐅᓄᕐᑐᐃᕐᓱᕐᓗᖓ ᐃᓕᑦᓯᓐᓄᐊᕋᓱᖃᑦᑕᕐᓯᒪᕗᖓ, ᑎᑭᖏᑦᔪᑎᒃᓴᖃᖃᑦᑕᓚᐅᕐᐳᖓᓕ ᒫᓐᓇᒧᑦ ᑎᑭᓪᓗᒍ, ᐃᓕᑦᓯᓐᓂᑦ ᑲᑎᕐᓱᐃᔪᑎᑐᑦ ᑍᒤᑦᓱᒪᓪᓗᖓ, ᔫᑎᐅᖏᑦᑐᓂᓗ ᑍᒫᒃ ᐱᔪᒪᒋᓪᓗᖓ.

ᕉᒪᒥᐅᓄᑦ 4:12

ᐊᑖᑕᒋᔭᐅᒋᕗᕐᓗ ᑭᐱᔭᐅᓯᒪᔪᓄᑦ ᑭᐱᔭᐅᓯᒪᓂᖏᑦ ᐱᑦᔪᑎᒋᓇᒋᑦ ᐅᒃᐱᕐᓂᒥᒍᓪᓕ ᐂᑉᕋᕼᐋᒻᑐᑦ ᓯᕗᓕᕕᓂᑦᑎᑐᑦ ᑭᐱᔭᐅᓚᐅᖅᑳᕋᓂ ᐃᓅᓯᕆᓚᐅᕐᑕᖓᓂᒃ ᒪᓕᖕᓂᖏᓐᓄᑦ.

ᕉᒪᒥᐅᓄᑦ 6:4

ᐃᓗᕕᕐᑕᐅᖃᑎᒋᓯᒪᕙᕗᑦ ᑐᖁᒧᑦ ᐹᑉᑎᑕᐅᓂᒃᑯᑦ, ᙭ᔅᑑᓯᑦᑕᐅᖅ ᐆᒻᒪᕐᑎᑕᐅᖕᒪᑦ ᑐᖁᒥᑦ ᐊᑖᑕᐅᑉ ᓂᕐᑐᕐᓇᕐᓂᕐᔪᐊᖓᒍᑦ, ᐅᕙᒍᑦᑕᐅᖅ ᐃᓅᓯᕐᒥ ᓄᑖᒥ ᐃᓅᔪᓐᓇᕐᓯᖁᓪᓗᑕ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:14

ᒎᑎᓕ ᖁᔭᒋᔭᐅᓕ, ᙭ᔅᑑᓯᒃᑯᑦ ᓵᓚᖃᕐᓂᕐᒧᑦ ᑕᓯᐅᕐᐸᖕᒪᑎᒍᑦ, ᐅᕙᑦᑎᒍᓪᓗ ᖃᐅᔨᔭᐅᕙᓪᓕᐊᑎᑦᓯᖕᒪᑦ ᙭ᔅᑑᓯᒥᒃ ᑎᐱᑦᓯᐊᕆᒃᑐᒧᑦ ᒪᒪᕐᓮᔪᑎᑐᑦ ᓇᒧᑐᐃᓐᓇᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:6

ᐃᒫᒃ ᒎᑎ ᐅᖃᕐᓯᒪᖕᒪᑦ, “ᖃᐅᒪᔪᖅ ᖃᐅᒻᒤᓕᕐᓕ ᑖᕐᑐᒥ,” ᑖᑦᓱᒪ ᖃᐅᒪᓂᓂ ᖃᐅᒻᒪᒃᑎᑉᐹ ᐆᒻᒪᑎᑦᑎᓐᓄᑦ ᖃᐅᔨᑎᑕᐅᖁᓪᓗᑕ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᙭ᔅᑑᓯᐅᑉ ᖃᐅᒻᒪᒃᑎᑦᓯᓂᖓᓂᑦ ᐱᔪᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:9

ᑍᒤᒻᒪᑦ ᐊᖏᕐᕋᕐᓯᒪᒍᑦᑕ ᐊᖏᕐᕋᕐᓯᒪᖏᒃᑯᑦᑕᓘᓐᓃᑦ, ᐊᑕᓂᐅᑉ ᖁᕕᐊᒋᔭᖓᓂᒃ ᐃᓅᓇᓱᐊᕐᐳᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:8

ᒎᑎᐅᓪᓗ ᑐᓂᓯᕕᒋᔪᓐᓇᕐᐹᓯ ᓮᒻᒪᕐᑎᑕᐅᓂᕐᓂᒃ ᐊᒥᒐᖏᑦᑐᓂᒃ, ᑕᒤᓐᓂᒃ ᓈᒻᒪᒃᑐᓂᒃ ᓱᓇᑐᐃᓐᓇᕐᓂᒃ ᐱᑕᕾᓐᓇᖁᓪᓗᓯ ᑐᓂᓯᔪᓐᓇᖁᓪᓗᓯᓗ ᓈᒻᒪᒃᑐᓂᒃ ᐱᐅᔪᒧᑦ ᐱᓇᓱᐊᕈᑎᒃᓴᐅᔪᓂᒃ.

ᐃᐱᓯᒥᐅᓄᑦ 1:17

ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᒎᑎᖓ, ᐱᓐᓇᕐᓇᕐᓂᐅᑉ ᐊᑖᑕᖓ, ᑐᒃᓯᐊᕐᕕᒋᖃᑦᑕᕐᐸᕋ, ᑐᓂᓯᕕᐅᖁᓪᓗᓯ ᐊᓂᕐᓂᕐᒥᒃ ᓯᓚᑐᑎᑦᓯᔪᒥᒃ ᑐᑭᓯᑎᑦᓯᔪᒥᒡᓗ ᑖᑦᓱᒥᖓ ᖃᐅᔨᑦᓯᐊᖁᓪᓗᓯ.

ᐃᐱᓯᒥᐅᓄᑦ 2:10

ᒎᑎᐅᑉ ᓴᓇᓯᒪᕚᑎᒍᑦ, ᙭ᔅᑑᓯ ᔩᓱᓯᒃᑯᑦ ᐱᓐᖑᕐᑎᓚᐅᕐᐹᑎᒍᑦ ᐱᓇᓱᐊᑦᓯᐊᖁᓪᓗᑕ, ᒎᑎᐅᑉ ᑕᒪᓐᓇ ᓯᕗᓂᖓᒍᑦ ᐅᐸᓗᖕᒊᔭᕇᕐᓯᒪᓚᐅᕐᐹ, ᑍᒤᓕᐅᖁᓪᓗᑕ.

ᐃᐱᓯᒥᐅᓄᑦ 4:1

ᑍᒤᒻᒪᑦ, ᐃᓇᑉᐸᑦᓯ ᐅᕙᖓ ᑎᒍᔭᐅᓯᒪᕕᖕᒦᑦᑐᖓ ᐊᑕᓂᖅ ᐱᑦᔪᑎᒋᓪᓗᒍ, ᒎᑎᒧᑦ ᕾᖁᔭᐅᓯᒪᓂᓯ ᐊᑐᑦᓯᐊᕐᓗᒍ ᐃᓅᖁᓪᓗᓯ ᑕᒪᑐᒧᖓ ᕾᖁᔭᐅᓯᒪᒐᑦᓯ.

ᐃᐱᓯᒥᐅᓄᑦ 4:13

ᑕᒪᑦᑕ ᑎᑭᐅᑎᓚᐅᖏᓐᓂᑦᑎᓐᓂ ᐅᒃᐱᕐᓂᑯᑦ ᐊᑕᐅᓯᐅᓕᖅᑲᖓᔪᒧᑦ ᖃᐅᔨᓂᕐᒧᓪᓗ ᒎᑎᐅᑉ ᐃᕐᓂᖓᓂᒃ, ᐅᒃᐱᕐᓂᕐᒥ ᐱᕈᕇᑦᓯᐊᕐᓂᕐᒧᑦ ᑎᑭᐅᑎᖁᓪᓗᑕ, ᙭ᔅᑑᓯᐅᑉ ᐃᓅᓯᖓᑕ ᓱᓇᒥᑦᓯᐊᕐᓂᖓ ᐊᒡᓛᑦ ᓇᓪᓕᕈᓐᓇᕐᓯᓗᒍ;

ᐃᐱᓯᒥᐅᓄᑦ 5:10

ᖃᐅᔨᓇᓱᐊᕆᑦᓯᓗ ᓱᓇᐅᖕᒪᖔᑦ ᐊᑕᓂᐅᑉ ᖁᕕᐊᒋᔭᖓ.

ᐃᐱᓯᒥᐅᓄᑦ 5:15

ᑍᒤᒻᒪᑦ ᐃᒃᐱᒍᓱᑦᓯᐊᕆᑦᓯ ᐃᓅᓯᑦᓯᓐᓂᒃ, ᓯᓔᑦᑐᑎᑐᑦ ᐃᓅᖏᓪᓗᓯ ᓯᓚᑐᔪᑎᑐᓪᓕ ᐃᓅᒋᑦᓯ.

ᐃᐱᓯᒥᐅᓄᑦ 5:2

ᐃᓅᓕᕆᑦᓯ ᓇᒡᓕᖕᓂᒃᑯᑦ, ᙭ᔅᑑᓯᐅᑦᑕᐅᖅ ᓇᒡᓕᒋᓚᐅᕐᒪᑎᒍᑦ ᐃᓅᓯᓂᓗ ᑐᓂᓚᐅᕐᒪᒍ ᐱᑦᔪᑎᒋᓪᓗᑕ, ᑐᓂᕐᕈᑎᒃᓴᐅᔪᒪᓪᓗᓂ ᑎᐱᑦᓯᐊᕆᒃᓴᐅᑕᐅᓗᓂ ᒎᑎᒧᑦ ᖁᕕᐊᒋᔭᐅᔪᒥᒃ.

ᐱᓕᐱᒥᐅᓄᑦ 1:11

ᐃᓅᓯᓯᓗ ᐃᓗᒻᒥᕐᑕᐅᓂᐊᕐᐳᖅ ᓇᓛᒎᕐᓂᐅᑉ ᐱᕈᕐᑎᑕᖏᓐᓂᒃ ᔩᓱᓯ ᙭ᔅᑑᓯᒃᑯᑦ ᓴᖅᑭᑦᑐᓂᒃ, ᒎᑎ ᓂᕐᑐᕐᑕᐅᖁᓪᓗᒍ ᐱᓐᓇᕐᓇᕐᓯᑎᑕᐅᖁᓪᓗᒍᓗ.

ᐱᓕᐱᒥᐅᓄᑦ 1:27

ᒫᓐᓇᓕ ᐱᔭᕆᐊᖃᕐᓂᕐᐹᖑᕗᖅ ᐃᓅᓯᓯ ᒪᓕᑦᓯᐊᖁᓪᓗᒍ ᙭ᔅᑑᓯᐅᑉ ᐅᖃᐅᓯᖏᑕ ᐊᑐᕐᑕᐅᖁᔭᖏᓐᓂᒃ, ᐃᓕᑦᓯᓐᓄᑦ ᑎᑭᑦᓱᓐᓇᕈᒪ ᑕᑯᓗᓯ, ᐃᓕᑦᓯᓅᕈᓐᓇᖏᒃᑲᓗᐊᕈᒪᓘᓐᓃᑦ, ᑐᓴᕈᓐᓇᖁᓪᓗᖓ ᑲᔪᓯᑦᓯᐊᕐᓂᑦᓯᓐᓂᒃ ᐊᑕᐅᓯᐅᑦᓯᐊᕐᓂᑦᓯᓐᓂᒡᓗ ᐆᒻᒪᑎᑦᓯᒍᑦ, ᐃᓱᒪᑦᓯᒍᓪᓗ ᐊᒃᓱᕉᑎᖃᓪᓚᕆᖕᓂᑦᓯᓐᓂᒃ ᑲᑐᑦᔨᑦᓯᐊᕐᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᒃᐱᕈᓱᑦᓯᐊᕐᓂᕐᒧᑦ.

ᐱᓕᐱᒥᐅᓄᑦ 4:18

ᒫᓐᓇ ᑕᒤᓐᓂᒃ ᑭᓐᖒᒪᔭᖃᕈᓐᓃᕐᐳᖓ, ᐱᖃᓗᐊᕐᓗᖓ ᐊᒡᓛᑦ; ᐃᐸᐳᕈᑍᑕᓯᐅᑉ ᓇᒃᓴᕐᕕᒋᖕᒪᖓ ᑐᔫᑎᑦᓯᓐᓂᒃ, ᑕᒪᒃᑯᐊ ᑎᐱᑦᓯᐊᕆᒃᓴᐅᑎᑎᑐᑦ ᑐᓂᕐᕈᑕᐅᔪᑎᑐᑦ ᑍᒤᑉᐳᑦ ᒎᑎᒧᑦ, ᑐᓂᕐᕈᑎᒃᓴᖅ ᓈᒻᒪᒋᔭᐅᔪᖅ ᒎᑎᒧᓪᓗ ᖁᕕᐊᒋᔭᐅᔪᖅ.

ᑯᓘᓯᐊᒥᐅᓄᑦ 2:19

ᑖᒃᑯᐊ ᓂᐊᖁᕐᒥᒃ ᓴᒃᑯᐃᓯᒪᕗᑦ, ᑕᕝᕙᓐᖓᑦ ᑎᒥᓕᒫᖅ ᓂᕆᑎᑕᐅᖕᒪᑦ ᑲᑎᓐᖓᑎᑕᐅᓪᓗᓂᓗ ᓇᒡᒍᐊᓄᑦ ᓄᑭᖕᓄᓪᓗ, ᐱᕈᕐᐸᓪᓕᐊᕗᕐᓗ ᒎᑎᐅᑉ ᐱᕈᕐᐸᓪᓕᐊᕕᐅᖁᔭᖓᓄᑦ.

ᑯᓘᓯᐊᒥᐅᓄᑦ 2:6

᙭ᔅᑑᓯ ᔩᓱᓯᒥᒃ ᐃᓚᓕᐅᕆᓯᒪᓕᕋᑦᓯ ᐊᑕᓂᕆᔪᒪᓕᕐᓗᒍ, ᑍᒤᒻᒪᑦ ᐃᓅᔪᒃᓴᐅᓕᕐᐳᓯ ᑖᑦᓱᒪᓃᓪᓗᓯ,

ᑯᓘᓯᐊᒥᐅᓄᑦ 3:20

ᕿᑐᕐᖓᐅᔪᓯ, ᐊᖓᔪᖅᑳᓯ ᓱᓇᓕᒫᓄᑦ ᓈᓚᒃᓯᒋᒃ, ᑕᒪᓐᓇ ᐊᑕᓂᐅᑉ ᐊᑲᐅᒋᖕᒪᒍ.

ᑯᓘᓯᐊᒥᐅᓄᑦ 4:5

ᓯᓚᑐᔪᒥᒃ ᐱᓂᐊᕐᓂᖃᕆᑦᓯ ᐅᒃᐱᖏᑦᑐᓄᑦ; ᐱᕕᒃᓴᓯᓗ ᐊᑐᑦᓯᐊᖃᑦᑕᕐᓗᒍ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:12

ᐃᓅᓯᖃᖁᓪᓗᓯ ᒎᑎᐅᑉ ᓈᒻᒪᒋᔭᖓᓂᒃ, ᑖᑦᓱᒪ ᕾᖁᓚᐅᕐᒪᓯ ᐊᑕᓂᐅᕕᖕᒥᓄᑦ ᐱᓐᓇᕐᓇᕐᓂᕐᔪᐊᒥᓄᓪᓗ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:1

ᑭᖑᓪᓕᕐᐹᒥᒡᓕ, ᙭ᔅᑑᓯᒥᐅᑕᐅᖃᑎᒃᑲ, ᕿᓄᕕᒋᓪᓗᓯ ᐃᓇᑉᐸᑦᓯ ᐊᑕᓂᑦᑎᓐᓂ ᔩᓱᓯᒥ, ᐅᕙᑦᑎᓐᓂᑦ ᐃᓕᓐᓂᐊᓚᐅᕋᑦᓯ ᖃᓄᖅ ᐃᓅᔪᒃᓴᐅᖕᒪᖔᑦᓯ ᒎᑎᒧᑦ ᖁᕕᐊᒋᔭᐅᔪᒥᒃ. ᑍᒫᒃᓗ ᐃᓅᓯᖃᓚᐅᕋᑦᓯ, ᑭᓯᐊᓂᓕ ᐃᓅᓯᖃᑦᓯᐊᓕᖁᕙᑦᓯ.

ᑎᒧᑎᒧᑦ ᐂᑉᐸᖏᑦ 2:4

ᐅᓇᑕᕐᑐᒃᓴᖅ ᐅᓇᑕᕆᐊᕐᓯᒪᔪᖅ ᐅᓇᑕᕐᑐᒃᓴᐅᖏᑦᑐᑎᑐᑦ ᐃᓄᓯᖃᕋᓱᐊᕐᓂᐊᓐᖏᓚᖅ, ᐅᓇᑕᕐᑐᒃᓴᐅᓂᕐᒧᑦ ᐊᖓᔪᖅᑳᕆᔭᐅᔪᒧᑦ ᐊᑲᐅᒋᔭᐅᔪᒪᒐᒥ.

ᑍᑑᓯᒧᑦ 3:1

ᐃᖅᑬᑎᒃᑭᑦ ᐊᐅᓚᑦᓯᔨᓂᒃ ᐊᖓᔪᖅᑳᓂᒡᓗ ᓈᓚᑦᓯᐊᖁᓗᒋᑦ, ᐃᒻᒥᖕᓂᒃ ᑐᓂᓯᒪᑦᓯᐊᕐᓗᑎᒃ ᑖᒃᑯᓄᖓ, ᐱᓇᓱᐊᑦᓯᐊᕈᒪᓂᕐᒥᒡᓗ ᖃᖓᓕᒫᒃᑯᑦ ᐊᑐᐃᓐᓇᐅᑦᓯᐊᖁᓪᓗᒋᑦ.

ᑍᑑᓯᒧᑦ 3:14

ᐃᓅᖃᑎᕗᑦ ᐱᓂᐊᑦᓯᐊᕈᓐᓇᕐᓂᕐᒥᒃ ᐃᓕᓐᓂᐊᕈᓐᓇᖁᓪᓗᒋᑦ, ᐃᑲᔪᕐᑕᐅᔭᕆᐊᖃᓪᓚᕆᒃᑐᓂᒃ ᐃᑲᔪᕈᓐᓇᕐᓯᖁᓪᓗᒋᑦ, ᐊᑑᑎᖃᖏᑦᑐᒥᒡᓗ ᐃᓅᓯᖃᖁᓇᒋᑦ.

ᐄᑉᕈᐃᓄᑦ 11:5

ᐅᒃᐱᕐᓂᑯᑦ ᐃᓅᑭ ᕿᓚᓕᐊᕐᑎᑕᐅᓚᐅᕐᐳᖅ ᑐᖁᒥᒃ ᖃᐅᔨᓇᓂ; ᓇᓂᔭᐅᓚᐅᓐᖏᓚᕐᓗ, ᒎᑎᐅᑉ ᐊᐅᓪᓚᕈᑎᓚᐅᕐᒪᒍ. ᕿᓚᓕᐊᕐᑎᑕᐅᓚᐅᕐᑎᓐᓇᒍ ᓇᓗᓁᕐᑕᐅᓯᒪᕗᖅ ᒎᑎᒧᑦ ᖁᕕᐊᒋᔭᐅᓂᖓᓂᒃ.

ᐄᑉᕈᐃᓄᑦ 13:16

ᓄᖅᑲᐅᑦᔨᓂᐊᕋᓯ ᐱᑦᓯᐊᕐᓂᕐᒥᒃ ᐱᖁᑎᑦᓯᓐᓂᒡᓗ ᑲᑐᑦᔨᖃᑎᖃᕐᓂᕐᒥᒃ, ᑕᒪᒃᑯᐊ ᑐᓂᕐᕈᑏᑦ ᒎᑎᐅᑉ ᖁᕕᐊᒋᖕᒪᒋᑦ.

ᐄᑉᕈᐃᓄᑦ 13:21

ᑖᑦᓱᒪ ᐱᔪᓐᓇᕐᑎᓪᓕᓯ ᐱᓂᐊᑦᓯᐊᕐᓂᕐᓂᒃ ᑕᒤᓐᓂᒃ ᐱᔪᓐᓇᑦᓯᖁᓪᓗᓯ ᑖᑦᓱᒪ ᐱᔪᒪᔭᖓᒍᑦ, ᐃᓗᑦᓯᓐᓂ ᐱᓇᓱᐊᕐᓗᓂ ᖁᕕᐊᒋᔭᒥᓂᒃ, ᔩᓱᓯ ᙭ᔅᑑᓯᒃᑯᑦ; ᑖᓐᓇ ᓂᕐᑐᕐᑕᐅᓕ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒥᓐ.

ᐲᑦᑐᕉᓯ ᐂᑉᐸᖏᑦ 1:8

ᑕᒪᒃᑯᐊ ᐱᓪᓚᕇᑦ ᐱᓯᒪᒍᑦᓯᐅᒃ ᐊᖏᒡᓕᕙᓪᓕᐊᒃᐸᑕᓗ ᐃᓕᑦᓯᓐᓂ, ᑕᕝᕙ ᐱᓇᓱᐊᕐᓂᖃᑦᓯᐊᕐᓂᐊᕐᐳᓯ ᐱᕙᓪᓕᐊᑎᑦᓯᑦᓯᐊᕐᓗᓯᓗ ᖃᐅᔨᒪᓕᕐᓂᑦᓯᓐᓄᑦ ᐊᑕᓂᑦᑎᓐᓂᒃ ᔩᓱᓯ ᙭ᔅᑑᓯᒥᒃ.

ᐲᑦᑐᕉᓯ ᐂᑉᐸᖏᑦ 3:18

ᐱᕈᕐᐸᓪᓕᐊᓕᕆᑦᓯᓕ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂ ᖃᐅᔨᕙᓪᓕᐊᓗᓯᓗ ᐊᑕᓂᑦᑎᓐᓂᒃ ᐱᐅᓕᔨᑦᑎᓐᓂᒡᓗ ᔩᓱᓯ ᙭ᔅᑑᓯᒥᒃ. ᑖᓐᓇ ᓂᕐᑐᕐᑕᐅᓕ ᒫᓐᓇᒥᑦ ᐃᓱᖃᖏᑦᑐᒧᓪᓗ ᐋᒦᓐ.

ᔪᐊᓇᓯ ᓯᕗᓪᓖᑦ 3:22

ᑖᑦᓱᒪᖓᑦ ᑐᓂᓯᕕᐅᕙᒃᑲᑦᑕ ᑕᒤᓐᓂᒃ ᑐᒃᓯᐊᕈᑎᒋᔭᑦᑎᓐᓂᒃ, ᐱᖁᔭᖏᓐᓂᒃ ᒪᓕᒃᑲᑦᑕ ᖁᕕᐊᒋᔭᖓᓂᒡᓗ ᐱᓇᓱᐊᕐᓗᑕ.

ᔪᐊᓇᓯ ᓯᕗᓪᓖᑦ 5:20

ᖃᐅᔨᒪᕗᒍᓪᓗ ᒎᑎᐅᑉ ᐃᕐᓂᖓ ᑎᑭᓯᒪᖕᒪᑦ ᑖᑦᓱᒪᓗ ᑐᑭᓯᐊᓕᕐᑎᑉᐹᑎᒍᑦ, ᖃᐅᔨᖁᓪᓗᑕ ᑭᓇ ᓱᓕᖕᒪᖔᑦ; ᑖᑦᓱᒪᓃᑉᐳᒍᓪᓗ ᓱᓕᔪᒥ, ᐃᕐᓂᖓᓂ ᔩᓱᓯ ᙭ᔅᑑᓯᒥ. ᑖᓐᓇ ᒎᑎ ᓱᓕᔫᕗᖅ ᐃᓅᓯᐅᓪᓗᓂᓗ ᓄᖑᓱᐃᑦᑐᖅ.

ᔪᐊᓇᓯᐅᑉ ᐱᖓᔪᖏᑦ 1:6

ᑖᒃᑯᐊ ᐅᖃᐅᓯᖃᓚᐅᕐᒪᑕ ᐅᒃᐱᕐᑑᖃᑎᖕᓄᑦ ᓇᒡᓕᖕᓂᖃᕐᓂᕐᓂᒃ. ᐊᐅᓪᓚᓕᕐᐸᑕᑦ ᐃᑲᔪᕐᓯᕋᔭᕋᕕᒋᑦ ᐃᓱᒫᓗᖏᓪᓗᑎᒃ ᐊᐅᓪᓚᓕᖁᓪᓗᒋᑦ ᒎᑎᐅᑉ ᐱᔪᒪᔭᖓ ᒪᓕᒃᓗᒍ.