ᐂᒨᓯᐅᑉ ᐊᒡᓚᖏᑦ 9:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᑕᓂᖅ ᑕᑯᓚᐅᕐᐸᕋ ᓇᖏᕐᑐᖅ ᑐᓂᕐᕈᓯᕐᕕᐅᑉ ᓴᓂᐊᓂ, ᐅᖃᕐᓗᓂᓗ, “ᑐᒃᓯᐊᕐᕕᒡᔪᐊᑉ ᓱᑲᖏᑕ ᓄᕗᖏᑦ ᐊᓇᐅᒃᑭᑦ ᑐᓐᖓᕕᖓ ᓴᔪᖁᓪᓗᒍ, ᑖᒃᑯᓄᖓᓗ ᐃᓄᓕᒫᑦ ᓂᐊᖁᖏᑦ ᓯᖁᒥᑕᐅᖁᓪᓗᒋᑦ, ᐊᒥᐊᒃᑯᖏᓪᓗ ᑐᖁᑦᓱᒫᕐᐸᒃᑲ ᓴᕕᒡᔪᐊᒧᑦ; ᐊᑕᐅᓯᕐᒥᒡᓘᓐᓃᑦ ᕿᒫᔪᖃᕐᓂᐊᓐᖏᓚᑦ, ᓇᓪᓕᐊᓐᓂᒡᓘᓐᓃᑦ ᐊᓐᓇᒃᑐᖃᕐᓂᐊᕋᓂ.

ᐂᒨᓯᐅᑉ ᐊᒡᓚᖏᑦ 9:1 Iomraidhean Croise

ᑯᕉᓂᑲ ᐂᑉᐸᖏᑦ 18:18

ᒤᑬᐊᓗ ᐅᖃᓕᕐᐳᖅ, “ᑍᒤᒻᒪᑦ ᐊᑕᓂᐅᑉ ᐅᖃᐅᓯᖓ ᑐᓴᕐᓯᐅᒃ: ᐊᑕᓂᖅ ᑕᑯᓚᐅᕐᐸᕋ ᐃᒃᓯᕙᔪᖅ ᐃᒃᓯᕙᐅᑕᕐᔪᐊᕐᒥᓂ, ᕿᓚᖕᒥᐅᒐᓴᒡᔪᐃᓪᓗ ᓇᖏᕐᑐᑦ ᑕᓕᕐᐱᐊᓂ ᓴᐅᒥᐊᓂᓗ;

ᐃᓐᖏᕈᑎᑦ 68:21

ᒎᑎᐅᓪᓕ ᐊᑭᕋᕐᑐᕐᑎᒥ ᓂᐊᖁᖏᑦ ᓯᖁᒥᑦᓱᒫᕐᐰᑦ, ᓂᐊᖁᖏᑦ ᓄᔭᖅᑯᕐᑐᔪᑦ ᑖᒃᑯᐊᖑᕗᑦ ᐸᓯᔭᒃᓴᐅᓪᓗᑎᒃ ᐱᓇᓱᐊᕐᑐᑦ.

ᐃᓐᖏᕈᑎᑦ 68:22

ᐊᑕᓂᖅ ᐅᖃᓚᐅᕐᐳᖅ, “ᐹᓴᓂᒥᑦ ᐅᑎᕐᑎᑦᓱᒪᕙᒃᑲ; ᐃᒪᕐᔪᐊᓪᓗ ᐃᑎᓂᕐᔪᐊᖏᓐᓂᑦ ᐅᑎᕐᑎᑦᓱᒪᕙᒃᑲ.

ᐂᓮᐊᓯᐅᑉ ᐊᒡᓚᖏᑦ 30:16

ᐅᖃᓚᐅᕐᐳᓯᓕ, “ᕿᒻᒥᕐᔪᐊᓄᑦ ᓱᒃᑲᓕᔪᓄᑦ ᕿᒫᔪᓐᓇᕐᓂᐊᕐᐳᒍᑦ.” ᑍᒤᒻᒪᑦ ᕿᒫᔪᒫᕐᐳᓯ; ᐃᓕᑦᓯᓐᓂᒡᓕ ᒪᓕᒍᒫᕐᑐᑦ ᕿᒻᒥᕐᔪᐊᖃᕈᒫᕐᐳᑦ ᓱᒃᑲᓂᕐᓴᒋᐊᓪᓚᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 6:1

ᐊᕐᕌᒍᒥ ᐊᖓᔪᖅᑳᕐᔪᐊᑉ ᐅᓮᐊᐅᑉ ᑐᖁᕝᕕᐊᓂ, ᐊᑕᓂᖅ ᑕᑯᓚᐅᕐᐸᕋ ᐃᒃᓯᕙᐅᑕᕐᔪᐊᖕᒥᓂ ᐃᒃᓯᕙᔪᖅ, ᖁᑦᓯᒃᑐᒥ ᐳᕐᑐᔪᒥᓗ, ᐊᓐᓄᕌᖓᑕᓗ ᐅᓕᒡᔪᐊᖓᑕ ᑐᒃᓯᐊᕐᕕᒡᔪᐊᑉ ᐃᓗᐊ ᓈᓯᒪᕚ.

ᔨᕆᒤᐊᐅᑉ ᐊᒡᓚᖏᑦ 11:11

ᑍᒤᒻᒪᑦ ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦ ᐱᐅᖏᑦᑐᒧᑦ ᑎᑭᑕᐅᑎᓐᓂᐊᕐᐸᒃᑲ ᕿᒫᔪᓐᓇᕐᓂᐊᓐᖏᑕᖓᓐᓂᒃ, ᐅᕙᓐᓂᒃ ᑕᑎᖃᕋᓱᒃᑲᓗᐊᕐᐸᑕ, ᑐᓴᕐᓂᐊᓐᖏᓚᒃᑲ.

ᔨᕆᒤᐊᐅᑉ ᐊᒡᓚᖏᑦ 42:16

ᑍᑯᓐᖓᕈᑦᓯᓕ ᐅᓇᑕᕐᑕᐅᓂᕐᒧᑦ ᓯᕘᕋᒋᔭᑦᓯᓐᓄᑦ ᐅᓇᑕᕐᑐᓄᑦ ᑐᖁᑕᐅᔪᒫᕐᐳᓯ ᐄᑦᔨᑉᑎᐅᑉ ᓄᓇᖓᓂ, ᑳᖃᑦᑕᕆᐊᒃᓴᕐᓗ ᓯᕘᕋᒋᔭᓯ ᐱᕐᓕᕋᕈᒫᕐᐳᓯ, ᐄᑦᔨᑉᑎᒥᓗ ᑐᖁᔪᒫᕐᐳᓯ.

ᔨᕆᒤᐊᐅᑉ ᐊᒡᓚᖏᑦ 48:44

ᕿᒫᓇᓱᐊᕐᑑᒐᓗᐊᑦ ᑲᑉᐱᐊᓇᕐᑐᒧᑦ ᐃᑎᕐᓴᒧᑦ ᑲᑕᖕᓂᐊᕐᐳᑦ, ᐃᑎᕐᓴᒥᓪᓗ ᒪᔪᕐᑑᒐᓗᐊᑦ ᓂᒐᕐᑎᑕᐅᓂᐊᕐᐳᑦ, ᒧᐊᐱᒥᐅᑦ ᐊᕐᕌᒍᖓ ᓇᓪᓕᐅᑎᓯᒪᖕᒪᑦ ᓱᒋᐊᕐᑕᐅᕕᒃᓴᖓᓄᑦ, ᐊᑕᓂᖅ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 10:4

ᐊᑕᓂᐅᓪᓗ ᐱᓐᓇᕐᓇᕐᓂᖓ ᓯᕈᐱᒻᓂᑦ ᖁᒻᒧᐊᒃᐳᖅ ᑐᒃᓯᐊᕐᕕᒡᔪᐊᑉ ᐃᑎᕐᑕᕐᕕᖓᓄᐊᕐᓗᓂ; ᓄᕗᔭᐅᓪᓗ ᑐᒃᓯᐊᕐᕕᒡᔪᐊᖅ ᑕᑕᑉᐹ, ᐊᓃᕐᕕᖓᓗ ᖃᐅᒪᓂᕐᔪᐊᒧᑦ ᑕᑕᐅᕗᖅ ᐊᑕᓂᐅᑉ ᐱᓐᓇᕐᓇᕐᓂᖓᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 15:7

ᑖᒃᑯᐊ ᓵᓐᖓᔪᒫᕐᐸᒃᑲ; ᐃᑯᐊᓚᔪᒥᑦ ᐊᓐᓇᒃᓗᑎᒃ ᐊᓂᒍᐃᒐᓗᐊᕐᐸᑕ, ᐃᑯᒪᒧᓪᓕ ᓱᓕ ᓄᖑᑕᐅᔪᒫᕐᐳᑦ; ᑕᕝᕙ ᖃᐅᔨᔪᒫᕐᐳᓯ ᐅᕙᖓᐅᒐᒪ ᐊᑕᓂᖅ, ᑮᓇᓐᓄᑦ ᓵᓐᖓᓕᕈᒃᑭᑦ.

ᐃᓯᑭᐊᓕᐅᑉ ᐊᒡᓚᖏᑦ 9:2

ᑕᑯᒋᓪᓗ, ᐊᖑᑎᑦ ᐱᖓᓲᔪᕐᑐᑦ ᑕᒪᐅᓐᖓᕐᐳᑦ ᑐᒃᓯᐊᕐᕕᒡᔪᐊᑉ ᓯᓚᓪᓕᕐᐹᖓᑕ ᐃᑎᕐᑕᕐᕕᖓᑕ ᓇᓛᓂᑦ, ᐅᓐᓄᐊᓪᓗᐊᑉ ᓇᓛᓄᑦ ᓵᓐᖓᔪᒥᑦ, ᐊᑐᓂᑦ ᓱᒋᐅᓯᔭᕐᓗᑎᒃ ᑐᑯᕅᑦᔪᑎᒥᖕᓂᒃ, ᐃᓚᖃᕐᓗᑎᒃ ᐊᖑᒻᒥᒃ ᖃᓪᓗᓈᕐᑕᓂᒃ ᓵᑦᑐᓂᒃ ᐊᓐᓄᕌᕐᓯᒪᔪᒥᒃ, ᑎᑎᕋᐅᒻᒧᑦ ᒥᓱᒃᑕᕐᕕᖕᒥᒃ ᕿᑎᕐᒥᐅᑕᓕᖕᒥᒃ ᓴᓂᕋᕐᒥᒍᑦ, ᑖᒃᑯᐊ ᐃᑎᕋᒥᒃ ᑐᓂᕐᕈᓯᕐᕕᐅᑉ ᑲᓐᓄᔭᐅᑉ ᓴᓂᐊᓂ ᓇᖏᓕᕐᐳᑦ.

ᐂᒨᓯᐅᑉ ᐊᒡᓚᖏᑦ 3:14

“ᐅᓪᓗᒥ ᑍᑲᓂ ᐃᓴᕆᐊᓕᑎᑦ ᓱᒋᐊᕈᒃᑭᑦ ᐊᔪᕐᓂᖏᑦ ᐱᓪᓗᒋᑦ, ᐱᑎᓕᐅᓪᓗ ᑐᓂᕐᕈᓯᕐᕕᖏᑦ ᓯᑯᒥᖃᓯᐅᑎᓂᐊᕐᐸᒃᑲ; ᑐᓂᕐᕈᓯᕐᕕᖏᑕᓗ ᓇᒡᔪᖏᒃ ᓇᑲᑦᓱᒫᕐᐳᒃ ᒪᓂᖅᑲᒧᓪᓗ ᑲᑕᒡᓗᑎᒃ.

ᐂᒨᓯᐅᑉ ᐊᒡᓚᖏᑦ 7:17

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ: ‘ᓄᓕᐊᑦ ᐊᖑᑎᓄᑦ ᐊᑐᒐᐅᓂᐊᓕᕐᐳᖅ ᐃᒡᓗᒐᓴᖕᓂ, ᐃᕐᓂᑎᓪᓗ ᐸᓂᑎᓪᓗ ᑐᖁᑕᐅᔪᒫᕐᐳᑦ ᓴᕕᒡᔪᐊᒧᑦ, ᓄᓇᖁᑏᑦ ᐊᕕᒃᑐᕐᑕᐅᔪᒫᕐᐳᖅ ᐆᒃᑐᕋᐅᑏᑦ ᐊᑐᕐᓗᒋᑦ; ᑐᖁᑕᐅᔪᒫᕐᐳᑎᓪᓗ ᓄᓇᒥ ᐃᑦᔪᕐᓇᕐᓂᕋᕐᑕᐅᔪᒥ, ᐃᓴᕆᐊᓕᒥᐅᓪᓗ ᐊᐅᓪᓚᕈᑦᔭᐅᓪᓚᕆᒍᒫᕐᐳᑦ ᑎᒍᔭᐅᓗᑎᒃ ᓄᓇᒥᖕᓂᑦ.’”

ᐂᒨᓯᐅᑉ ᐊᒡᓚᖏᑦ 7:9

ᐂᓴᑭᐅᑉ ᐳᕐᑐᔪᒦᑦᑐᑦ ᑐᒃᓯᐊᕐᕕᒋᕙᒃᑕᕕᓂᖏᑦ ᐃᓄᖃᕈᓐᓃᕈᒫᕐᐳᑦ, ᐃᓴᕆᐊᓕᐅᓪᓗ ᐃᑦᔪᕐᓁᑦᑐᕕᖁᑎᖏᑦ ᑕᒫᓃᕐᕆᓕᕈᒫᕐᐳᑦ, ᒪᑭᓐᓂᐊᕐᐳᖓᓗ ᓴᕕᒡᔪᐊᓕᔭᕐᓗᖓ ᔨᕈᐳᐊᒻ ᐊᖓᔪᖅᑲᐅᕕᖓ ᐅᓇᑕᕆᐊᕐᓗᒍ.”

ᕼᐊᐸᑲᐅᑉ ᐊᒡᓚᖏᑦ 3:13

ᐊᓂᓚᐅᕐᐳᑎᑦ ᐃᓄᖁᑎᑎᑦ ᐱᐅᓕᔭᕐᑐᕐᓗᒋᑦ, ᐊᖓᔪᖅᑳᕐᔪᐊᖑᖁᓪᓗᒍ ᓂᕈᐊᕐᓯᒪᔧᑦ ᐱᐅᓕᔭᕐᑐᕐᓗᒍ. ᐱᐅᖏᑦᑐᓕᔪᑦ ᐊᖓᔪᖅᑳᖓᑦ ᐅᕐᕈᑎᓚᐅᕐᐸᑦ ᒪᓕᒃᑎᖏᓪᓗ ᓄᖑᑦᓯᐊᓚᐅᕐᐸᑎᑦ.

ᔨᐸᓁᐊᐅᑉ ᐊᒡᓚᖏᑦ 1:12

“ᑕᒪᓐᓇ ᐊᑐᓕᕐᐸᑦ ᔨᕉᓴᓕᒻ ᕿᓂᕐᕕᒋᔪᒫᕐᐸᕋ ᓇᓂᕈᐊᓄᑦ, ᓱᒋᐊᕈᒫᕐᐸᒃᑲᓗ ᐃᒻᒥᖕᓂᒃ ᓈᒻᒪᒐᓱᒋᔪᑦ ᐱᔪᓐᓇᕋᓱᒋᔪᓪᓗ, ᐆᒻᒪᑎᒥᒍᓪᓗ ᐃᓱᒪᔪᑦ, ‘ᐊᑕᓂᖅ ᐱᐅᔪᓂᒃ ᐱᐅᖏᑦᑐᓂᒡᓘᓐᓃᑦ ᐱᓇᓱᐊᕐᓂᐊᓐᖏᓚᖅ.’

ᔨᐸᓁᐊᐅᑉ ᐊᒡᓚᖏᑦ 2:14

ᐆᒪᔪᐃᓪᓗ ᐊᖁᐱᔪᒫᕐᐳᑦ ᑍᑲᓂ ᐆᒪᔪᓕᒫᑦ ᐃᓅᖃᑎᒋᒡᔪᐊᓂᑦ ᐱᔪᑦ. ᑎᖕᒥᐊᓪᓗ ᓱᕋᒃᓯᒪᓂᖏᓐᓂ ᐃᓂᑖᕈᒫᕐᐳᑦ. ᓂᓪᓕᐊᓂᖏᓪᓗ ᐊᑭᐅᕈᒫᕐᐳᑦ ᐃᒐᓛᖏᑎᒍᑦ, ᐃᑎᕆᐊᕐᕕᖏᓪᓗ ᑕᑕᑦᓱᒫᕐᐳᑦ ᓱᕈᕐᓂᒃ. ᐃᒡᓘᓪᓗ ᓴᐅᓂᖏᑦ ᕿᔪᐃᑦ ᓯᑎᔪᔧᑦ ᓴᖅᑭᑦᓱᒫᕐᐳᑦ.

ᔪᐊᓇᓯᐅᑉ ᐊᒡᓚᖏᑦ 1:18

ᒎᑎᒥᒃ ᑕᑯᓯᒪᔪᖃᓐᖏᓚᖅ; ᐃᕐᓂᑐᐊᓪᓕ ᐊᑖᑕᐅᑉ ᓴᕐᓕᐊᕐᑕᖓᑕ, ᑖᑦᓱᒪ ᒎᑎ ᖃᐅᔨᔭᐅᑎᑉᐹ.

ᔪᐊᓇᓯᐅᑉ ᐊᒡᓚᖏᑦ 1:32

ᔪᐊᓇᓯ ᓇᓗᓁᕐᓯᓚᐅᕐᐳᖅ ᐃᒫᒃ, “ᐊᓂᕐᓂᖅ ᕿᓚᖕᒥᑦ ᐊᖅᑲᕐᑐᖅ ᑕᑯᓚᐅᕐᐸᕋ ᑎᖕᒥᐊᑐᑦ ᑑᕕᑐᑦ, ᑖᑦᓱᒪᓃᓕᕐᓗᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 26:13

ᐊᖓᔪᖅᑳᕐᔪᐊᖅ, ᖃᐅᒪᔪᐊᓗᖕᒥᒃ ᑕᑯᓚᐅᕐᐳᖓ ᐊᑐᕆᐊᒥ ᐅᓪᓘᑉ ᕿᑎᕋᕐᓂᖓᓂ, ᓯᕿᓂᕐᒥᑦ ᖃᐅᒪᓂᕐᓴᒻᒪᕆᐊᓗᖕᒥᒃ, ᕿᓚᖕᒥᑦ ᖃᐅᒻᒪᒃᑎᑕᐅᔪᒥᒃ ᐅᕙᓐᓄᑦ ᐃᖏᕐᕋᖃᑎᓐᓄᓪᓗ.

ᔮᓱᐊᑉ ᐊᒡᓚᖏᑦ 10:18

ᔮᓱᐊᓗ ᐅᖃᕐᐳᖅ, “ᐅᔭᕋᒡᔪᐊᓂᒃ ᐊᖏᔫᑎᓂᒃ ᐊᒃᓴᑳᑎᑦᓯᒋᑦᓯ ᕾᕈᓲᑉ ᐹᖓᓄᑦ, ᖃᐅᔨᓴᕐᑎᑦᓯᓗᓯᓗ ᐹᖓᓂ ᑖᒃᑯᐊ ᖃᐅᔨᓴᕐᑕᐅᖁᓪᓗᒋᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:17

ᑕᑯᒐᒃᑯ, ᐃᑎᒐᖏᓐᓄᑦ ᐅᕐᕈᕗᖓ ᑐᖁᔪᑎᑐᑦ. ᑕᓕᕐᐱᖕᒥᓄᓪᓗ ᐊᒃᑐᕐᓗᓂᖓ ᐅᖃᐅᑎᕚᖓ, “ᑲᑉᐱᐊᓱᖕᓇᒃ, ᓯᕗᓪᓕᕐᐹᖑᕗᖓ ᑭᖑᓪᓕᕐᐹᖑᓪᓗᖓᓗ

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:3

ᐂᖏᓕᑦᑕᐅᖅ ᐊᓯᐊ ᑕᒪᐅᓐᖓᕐᐳᖅ ᑐᓂᕐᕈᓯᕐᕕᐅᑉ ᓵᖓᓄᐊᕐᓗᓂ ᒎᓗᒥᒃ ᐳᔫᑦᑎᑦᓯᕕᖕᒥᒃ ᑎᒍᒥᐊᕐᑐᖅ; ᑐᓂᓯᕕᐅᕗᕐᓗ ᐳᔫᕐᑎᑕᒃᓴᖏᓐᓂᒃ ᐊᒥᓱᓂᒃ ᐃᓚᓕᐅᑎᔭᐅᖁᓪᓗᒋᑦ ᐃᑦᔪᕐᓁᑎᑕᐅᓯᒪᔪᓕᒫᑦ ᑐᒃᓯᐊᕐᓂᖏᓐᓄᑦ ᑐᓂᕐᕈᑕᐅᖁᓪᓗᒋᑦ ᒎᓗᒧᑦ ᑐᓂᕐᕈᓯᕐᕕᖕᒧᑦ ᐃᒃᓯᕙᐅᑕᕐᔪᐊᑉ ᓵᖓᓃᑦᑐᒧᑦ.