ᐂᒨᓯᐅᑉ ᐊᒡᓚᖏᑦ 8:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑐᒃᓯᐊᕐᕕᒡᔪᐊᒥ ᐃᓐᖏᕐᓃᑦ, ᐅᓪᓗᒥ ᑍᑲᓂ ᕿᐊᓂᕐᔪᐊᓐᖑᕐᑎᑦᓱᒫᕐᐸᒃᑲ,” ᐊᑕᓂᖅ ᒎᑎ ᐅᖃᕐᐳᖅ, “ᑐᖁᖓᔪᑦ ᑎᒥᖏᑦ ᐅᓄᕐᑐᕐᔪᐊᖑᔪᒫᕐᐳᑦ. ᓇᓂᑐᐃᓐᓇᖅ ᐊᓂᐅᖃᕐᑕᐅᔪᒫᕐᐳᑦ ᓂᐰᑦᑑᓗᑎᒃ.”

ᐂᒨᓯᐅᑉ ᐊᒡᓚᖏᑦ 8:3 Iomraidhean Croise

ᐃᓐᖏᕈᑎᑦ 39:9

ᓂᐰᑦᑑᓚᐅᕐᐳᖓ, ᖃᓂᕋᓘᓐᓃᑦ ᐂᑦᑕᓚᐅᓐᖏᓚᕋ ᐃᕝᕕᑦ ᑍᒤᑎᓚᐅᕋᕕᖓ.

ᐂᓮᐊᓯᐅᑉ ᐊᒡᓚᖏᑦ 37:36

ᑕᕝᕙ ᐊᑕᓂᐅᑉ ᐂᖏᓕᖁᑎᖓ ᐂᓚᐅᕐᐳᖅ, ᑐᖁᕅᓪᓗᓂᓗ ᐅᓇᑕᕐᑎᓂᒃ 185,000ᓂᒃ ᐊᓯᕆᐊᒥᐅᓂᒃ ᑕᖕᒫᕐᓯᒪᕕᒋᔭᖏᓐᓂ; ᖃᐅᒻᒪᓕᕐᑎᓪᓗᒍ ᐅᓪᓛᒃᑯᑦ, ᑎᒥᕕᓃᑦ ᑐᖁᖓᐅᓚᐅᕐᐳᑦ ᓇᓂᓕᒫᖅ.

ᔨᕆᒤᐊᐅᑉ ᐊᒡᓚᖏᑦ 22:18

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ ᔨᕼᐅᐃᐊᑭᒻ ᐱᑦᔪᑎᒋᓪᓗᒍ ᔫᑕᒧᑦ ᐊᖓᔪᖅᑳᕐᔪᐊᖑᔪᖅ ᔫᓮᐊᐅᑉ ᐃᕐᓂᖓ, “ᑐᖁᒃᐸᑦ ᕿᒃᓵᒍᑕᐅᔪᒫᓐᖏᓚᖅ ᖃᑕᓐᖑᑎᖏᓐᓄᑦ ᓇᔭᖏᓐᓄᓪᓗ ᐅᒡᒍᐊᕐᓇᕋᔭᕋᓗᐊᕐᐳᖅ, ᕿᐊᑦᔪᑕᐅᓐᖏᓚᕐᓕ, ᐊᖓᔪᖅᑳᕐᔪᐊᖃᕐᑐᓄᑦ ᐅᒡᒍᐊᕐᓇᕋᓗᐊᕐᐳᖅ, ᐊᖓᔪᖅᑳᕐᔪᐊᖑᓂᖓ ᐱᑦᔪᑎᒋᓪᓗᒍ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:10

ᓮᐅᓂᐅᓪᓗ ᐊᖓᔪᖅᑳᖏᑦ ᓂᓪᓕᐊᑦᔪᑎᒃᓴᖃᕈᓐᓁᕋᒥᒃ ᒪᓂᖅᑲᒥ ᐃᒃᓯᕚᑐᐃᓐᓇᓕᕐᐳᑦ, ᐊᕐᔭᓕᓂᕐᓂᒃ ᓂᐊᖁᕐᒥᓄᐊᖅᑬᕗᑦ ᐆᒪᔪᓪᓗ ᒥᖅᑯᕕᓂᖏᓐᓂᒃ, ᓴᓇᓯᒪᔪᓂᒃ ᐊᓐᓄᕌᑲᕐᓗᑎᒃ, ᔨᕉᓴᓕᐅᑉ ᐊᕐᓇᖁᑎᖏᑦ ᒪᓂᖅᑲᒧᑦ ᐅᑯᖓᕗᑦ.

ᔪᐃᓕᐅᑉ ᐊᒡᓚᖏᑦ 1:11

ᐅᒡᒍᐊᓕᕆᑦᓯ ᐃᓕᑦᓯ ᐱᕈᕐᓰᕕᓕᕆᔨᐅᔪᓯ, ᕿᐊᓕᕆᑦᓯ ᐃᓕᑦᓯ ᕔᓂᓕᐅᕐᑎᐅᔪᓯ, ᕿᒃᓵᒍᑎᒋᓕᕐᓯᒋᒃ ᐃᕖᑦ ᓂᐊᑰᔭᒃᓮᓪᓗ ᐱᕈᕐᓰᕕᖕᒥ ᐊᓯᕈᕐᑕᐅᖕᒪᑕ.

ᔪᐃᓕᐅᑉ ᐊᒡᓚᖏᑦ 1:13

ᐊᓐᓄᕌᓕᕆᑦᓯ ᐊᕐᔭᓂᓕᕐᑎᕐᓯᒪᔪᓂᒃ ᕿᐊᓗᓯᓗ, ᐃᓕᑦᓯ ᑐᓂᕐᕈᓯᕐᑎᑦᓯᔨᐅᔪᓯ, ᕿᒃᓵᒋᑦᓯ ᐃᓕᑦᓯ ᐱᔨᑦᓯᕐᑎᐅᔪᓯ ᑐᓂᕐᕈᓯᕐᕕᖕᒥ, ᕾᒋᑦᓯ, ᐅᓐᓄᐊᓕᒫᖅ ᐊᓐᓄᕌᕐᓯᒪᓗᓯ ᐊᕐᔭᓂᓕᕐᑎᕐᓯᒪᔪᓂᒃ, ᐃᓕᑦᓯ ᐊᔪᕆᕐᑐᐃᕙᒃᑐᓯ! ᑐᓂᕐᕈᓯᕈᑎᒃᓴᖃᕈᓐᓁᕐᒪᑦ ᓂᐊᖂᔭᒃᓴᓂᒃ ᕔᓂᒥᒡᓘᓐᓃᑦ ᒎᑎᒧᑦ.

ᔪᐃᓕᐅᑉ ᐊᒡᓚᖏᑦ 1:5

ᑐᐸᓕᕆᑦᓯ, ᐃᓕᑦᓯ ᐋᖓᔮᕐᑎᐅᔪᓯ, ᕿᐊᓗᓯᓗ; ᓂᐹᓕᕆᑦᓯ ᐃᓕᑦᓯ ᕔᓂᑐᕐᑎᐅᔪᓯ, ᕔᓂᐅᑉ ᐃᑦᓯᒃᓴᖏᑦ ᓄᑖᑦ ᐊᓯᕈᕐᑕᐅᖕᒪᑕ.

ᒨᓯᓯ ᐱᖓᔪᖏᑦ 10:3

ᑕᕝᕙ ᒨᓯᓯᐅᑉ ᐂᕉᓂ ᐅᖃᐅᑎᕚ, “ᑕᒪᑦᔭ ᐊᑕᓂᐅᑉ ᐅᖃᐅᓯᕆᓚᐅᕐᑕᖓ ᐅᖃᕋᒥ; ‘ᐅᕙᓐᓄᑦ ᖃᒡᓕᔪᓄᑦ ᐃᑦᔪᕐᓁᓐᓂᓐᓂᒃ ᓇᓗᓁᕐᓯᓂᐊᕐᐳᖓ; ᐃᓄᐃᑦ ᑕᒃᑯᐊᓐᓂ ᐅᐱᒋᔭᐅᓂᐊᕐᐳᖓ.’” ᐂᕉᓂᓗ ᓂᓪᓕᓐᖏᓚᖅ.

ᐂᒨᓯᐅᑉ ᐊᒡᓚᖏᑦ 4:10

“ᖃᓄᐃᓐᓇᕐᑐᓂᒃ ᐱᑎᑦᓯᓚᐅᕐᐳᖓ ᐊᑯᓐᓇᑦᓯᓐᓄᑦ ᐄᑦᔨᑉᑎᒥᐅᑎᑐᑦ, ᐃᓅᓱᒃᑐᖁᑎᓯᓗ ᑐᖁᓚᐅᕐᐸᒃᑲ ᓴᕕᒡᔪᐊᒧᑦ, ᕿᒻᒥᕐᔪᐊᓯᓗ ᑎᒍᔭᕕᓂᓯ ᑐᖁᓚᐅᕐᐸᒃᑲ; ᑕᖕᒫᕐᓯᒪᕕᑦᓯᓗ ᒪᒤᑦᑐᓐᖑᕐᑎᓚᐅᕐᐸᒃᑲ ᑕᒪᑐᒥᖓ ᓁᒪᑎᓚᐅᕐᐸᑦᓯ; ᓱᓕᓕ ᐅᕙᓐᓄᑦ ᐅᑎᓚᐅᓐᖏᓚᓯ,” ᐊᑕᓂᖅ ᐅᖃᕐᐳᖅ.

ᐂᒨᓯᐅᑉ ᐊᒡᓚᖏᑦ 5:16

ᑍᒤᒻᒪᑦ ᐊᑕᓂᖅ, ᕿᓚᖕᒥᐅᒐᓴᒡᔪᐊᑦ ᐊᑕᓂᖓ ᒎᑎ ᐅᖃᕐᐳᖅ: “ᕿᐊᓂᕐᔪᐊᖃᕈᒫᕐᐳᖅ ᓄᓇᓖᑦ ᑲᑎᑕᕐᕕᖏᓐᓂ, ᓂᓪᓕᐊᔪᒫᕐᐳᓪᓗ ᐊᖅᑯᑎᓕᒫᓂ, ᐱᕈᕐᓰᕕᓕᕆᔩᓪᓗ ᕿᒃᓵᖁᔭᐅᓂᐊᕐᐳᑦ ᐃᓚᓐᖓᕐᑐᑎᑐᑦ ᕿᐊᖃᑎᖃᕐᓗᑎᒃ ᐊᑭᓕᕐᑕᐅᓗᑎᒃ ᕿᒃᓵᒃᑎᓂᒃ.

ᐂᒨᓯᐅᑉ ᐊᒡᓚᖏᑦ 5:23

ᐃᓐᖏᕐᓂᓯ ᐅᕙᓐᓄᑦ ᓂᐸᖏᓚᐅᕐᓕᑦ, ᓂᑦᔮᑎᑦᓯᓂᓯᓗ ᓄᖃᕐᑎᓕᖕᓄᑦ ᓈᓚᖕᓂᐊᓐᖏᓚᒃᑲ.

ᐂᒨᓯᐅᑉ ᐊᒡᓚᖏᑦ 6:4

ᑲᑉᐱᐊᓐᓇᒦᒃ ᐃᓕᑦᓯ ᐃᓐᓇᖓᕙᒃᑐᓯ ᐃᒡᓕᕐᓂ ᑑᒑᕐᓂᒃ ᐱᐅᓴᐅᑎᓕᖕᓂ, ᐃᒃᓯᕙᐅᑖᓗᖕᓂᓗ ᐊᑭᑐᔪᓂ ᓇᓚᕈᕐᐸᒃᑐᓯ, ᓰᐱᖁᑎᑦᓯᓗ ᓄᕐᕋᖏᓐᓂᒃ ᓂᕆᕙᒃᑐᓯ, ᐃᒻᒧᒃᓯᐅᒊᓪᓗ ᓄᕐᕋᖏᓐᓂᒃ ᓂᕆᕙᒃᑐᓯ ᐃᒻᒧᒃᓯᐅᒐᒃᑯᕕᑦᓯᓐᓂᑦ ᐱᔪᓂᒃ.

ᐂᒨᓯᐅᑉ ᐊᒡᓚᖏᑦ 6:5

ᕼᐊᕐᐱᓄᓪᓗ ᐃᓐᖏᕐᐸᒃᑐᓯ ᐊᑑᑎᖃᖏᑦᑐᓂᒃ, ᑍᕕᑎᑐᓪᓗ ᐃᓐᖏᐅᑎᓕᐅᕐᓗᓯ ᓄᑖᓂᒃ;

ᐂᒨᓯᐅᑉ ᐊᒡᓚᖏᑦ 6:8

ᐊᑕᓂᖅ ᒎᑎᐅᓂᕐᒥᒍᑦ ᐊᖏᒻᒪᕆᒃᐳᖅ, ᕿᓚᖕᒥᐅᒐᓴᒃᔪᐊᑦ ᐊᑕᓂᖓ ᒎᑎ ᐅᖃᕐᐳᖅ, “ᔧᑰᑉ ᐱᐅᔪᕆᓂᖓ ᓇᕐᕈᒋᕙᕋ, ᕿᒫᕕᖏᓪᓗ ᐆᒥᒋᕙᒃᑲ, ᑍᒤᒻᒪᑦ ᐃᒡᓗᒐᓴᖓ ᐂᑦᑑᑎᒋᓂᐊᕐᐸᕋ ᑕᕝᕙᓃᑦᑐᓕᒫᓪᓗ.”

ᐂᒨᓯᐅᑉ ᐊᒡᓚᖏᑦ 8:10

ᓇᓪᓕᐅᓐᓂᕐᓯᐅᕐᕕᓯᓗ ᐅᒡᒍᐊᕐᓂᖑᕐᑎᑦᓱᒫᕐᐸᒃᑲ, ᐃᓐᖏᕐᓂᓯᓗ ᕿᐊᓂᓐᖑᕐᑎᑦᓱᒫᕐᐸᖅᑲ; ᓂᕈᒥᖏᑦᑐᓂᒃ ᐃᒃᐱᐊᕐᔪᒃᓴᔭᓂᒃ ᑕᒪᑦᓯ ᐊᓐᓄᕌᖃᕐᑎᑦᓱᒫᕐᐸᑦᓯ, ᓂᐊᖁᓯᓗ ᓄᔧᔭᕐᓯᒪᓕᕐᓗᑎᒃ; ᕿᒃᓵᒃᑎᑦᓱᒫᕐᐸᑦᓯᓗ ᐃᕐᓂᑐᐊᑦᓯᓐᓂᒃ ᑐᖁᔨᐊᖃᕐᑐᑎᑐᑦ, ᐅᓪᓗᖅ ᑍᓐᓇ ᖃᓯᓕᓇᕐᑐᑎᑐᑦ ᑍᒤᑦᓱᒫᕐᐳᖅ.”

ᓇᕼᐅᒥᐅᑉ ᐊᒡᓚᖏᑦ 3:3

ᕿᒻᒥᕐᔪᐊᒥ ᐃᑭᒪᔪᑦ ᐅᓇᑕᕆᐊᕐᕙᓗᖏᑦ, ᓴᕕᒡᔪᐊᑦ ᕿᓪᓛᒋᕐᑕᕐᓂᖏᑦ, ᖃᓗᒋᐊᕐᔪᐊᓪᓗ ᕿᓛᒡᒋᕐᑕᕐᓂᖏᑦ, ᑎᒥᕕᓃᑦ ᖃᓕᕇᒃᑐᑦ ᐳᕐᑐᓯᕗᑦ, ᑎᒦᑦ ᑐᖁᖓᔪᑦ ᓇᓂᑐᐃᓐᓈᓕᕐᐳᑦ ᑎᒥᕕᓃᑦ ᐊᒡᓛᑦ ᐹᓪᓚᒡᕕᐅᕙᓕᕐᓗᑎᒃ!

ᔨᐸᓁᐊᐅᑉ ᐊᒡᓚᖏᑦ 1:7

ᓂᐰᓕᕆᑦᓯ ᐊᑕᓂᐅᑉ ᒎᑎᐅᑉ ᓵᖓᓂ! ᐊᑕᓂᐅᑉ ᐅᓪᓗᖓ ᑎᑭᓕᕐᒪᑦ; ᐊᑕᓂᖅ ᑐᓂᕐᕈᑎᒃᓴᒥᓂᒃ ᐊᑐᐃᓐᓇᕈᐃᓯᒪᓕᕐᒪᑦ ᕾᖁᓯᒪᔭᓂᓗ ᐃᑦᔪᕐᓁᑎᑉᐰᑦ.