1 ᐊᑕᓂᐅᑉ ᒎᑎᐅᑉ ᑕᑯᑎᓚᐅᕐᐹᖓ: ᑕᑯᒋᑦ, ᐃᕕᐅᔭᖅ ᐸᐅᕐᖓᓂᒃ ᐱᕈᕇᕐᓯᒪᔪᓂᒃ ᐃᓗᓕᓕᒃ.
ᐊᖓᔪᖅᑳᕐᔪᐊᖅ ᔨᑯᓁᐊ ᔨᕼᐅᐃᐊᑭᐅᑉ ᐃᕐᓂᖓ ᔫᑕᒥᐅᓄᑦ ᐊᖓᔪᖅᑳᕐᔪᐊᖅ ᐊᖓᔪᖅᑳᖁᑎᖏᓪᓗ ᕿᔪᓕᕆᔨᖏᑦ ᓴᕕᕋᔭᓕᕆᔩᓪᓗ ᐊᐅᓪᓚᕈᑦᔭᐅᓯᒪᔪᐃᓐᓇᐅᓕᕐᑎᓪᓗᒋᑦ ᔨᕉᓴᓕᒥᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᓂᐱᑯᓁᓴᒧᑦ, ᐊᑕᓂᐅᑉ ᑕᑯᑎᓚᐅᕐᐹᖓ: ᑕᑯᒋᑦ, ᐃᕕᐅᔮᒃ ᒪᕐᕉᒃ ᐱᒋᓕᖕᓂᒃ ᐃᓗᓕᓖᒃ ᑐᒃᓯᐊᕐᕕᒡᔪᐊᑉ ᓯᕗᕌᓃᑦᑑᒃ.
ᐊᑕᓂᐅᑉ ᒎᑎᐅᑉ ᑕᑯᑎᓚᐅᕐᐹᖓ; ᑕᑯᒋᑦ, ᐱᒡᓕᕐᑕᐅᔮᕐᑐᓂᒃ ᓴᖅᑭᑎᑦᓯᓚᐅᕐᐳᖅ ᐅᓄᕐᑐᕐᔪᐊᓂᒃ ᑲᑎᕐᓱᐃᕕᒃ ᓇᓪᓕᐅᑎᕋᑖᕐᑎᓪᓗᒍ ᐱᕈᕐᑐᑦ ᑭᖑᓪᓕᕐᐹᑦ ᐱᕈᕐᐸᓪᓕᐊᓕᕐᑎᓪᓗᒋᑦ, ᐊᖓᔪᖅᑳᕐᔪᐊᖅ ᑲᑎᕐᓱᐃᕋᑖᕐᑎᓪᓗᒍ ᐃᕕᖕᓂᒃ ᐆᒪᔪᐃᑦ ᓂᕿᒃᓴᖏᓐᓂᒃ.
ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ: ‘ᓄᓕᐊᑦ ᐊᖑᑎᓄᑦ ᐊᑐᒐᐅᓂᐊᓕᕐᐳᖅ ᐃᒡᓗᒐᓴᖕᓂ, ᐃᕐᓂᑎᓪᓗ ᐸᓂᑎᓪᓗ ᑐᖁᑕᐅᔪᒫᕐᐳᑦ ᓴᕕᒡᔪᐊᒧᑦ, ᓄᓇᖁᑏᑦ ᐊᕕᒃᑐᕐᑕᐅᔪᒫᕐᐳᖅ ᐆᒃᑐᕋᐅᑏᑦ ᐊᑐᕐᓗᒋᑦ; ᑐᖁᑕᐅᔪᒫᕐᐳᑎᓪᓗ ᓄᓇᒥ ᐃᑦᔪᕐᓇᕐᓂᕋᕐᑕᐅᔪᒥ, ᐃᓴᕆᐊᓕᒥᐅᓪᓗ ᐊᐅᓪᓚᕈᑦᔭᐅᓪᓚᕆᒍᒫᕐᐳᑦ ᑎᒍᔭᐅᓗᑎᒃ ᓄᓇᒥᖕᓂᑦ.’”
ᐃᒫᒃ ᐊᑕᓂᐅᑉ ᒎᑎᐅᑉ ᑕᑯᑎᓚᐅᕐᐹᖓ: ᑕᑯᒋᑦ, ᐊᑕᓂᖅ ᒎᑎ ᐱᖁᔨᓚᐅᕐᐳᖅ ᐃᖅᑲᕐᑐᐃᓂᕐᒥᒃ ᐃᑯᒪᒧᑦ, ᑕᕆᐅᖅ ᐃᑎᔪᕐᔪᐊᖅ ᐃᑯᐊᓪᓚᓚᐅᕐᐹ ᓄᓇᓗ ᐃᑯᐊᓪᓚᖃᓯᐅᑎᓕᕐᓗᓂ.
ᐃᒫᒃ ᑕᑯᑎᓚᐅᕐᐹᖓ: ᑕᑯᒋᑦ, ᐊᑕᓂᖅ ᓇᖏᓚᐅᕐᐳᖅ ᐊᕙᓗᕐᔪᐊᑉ ᓴᓂᐊᓂ ᓇᐸᑦᓯᐊᕐᒪᖔᑦ ᖃᐅᔨᓴᐅᑎᒧᑦ ᓴᓇᔭᐅᓯᒪᔪᒥ, ᑎᒍᒥᐊᕐᓗᓂᓗ ᓇᐸᑦᓯᐊᕐᒪᖔᑦ ᖃᐅᔨᓴᐅᑎᒥᒃ.
ᐅᖃᐅᑎᕚᖓᓗ, “ᐂᒨᓰ ᓱᓇᒥᒃ ᑕᑯᕖᑦ?” ᑭᐅᕙᕋᓗ, “ᐃᕕᐅᔭᕐᒥᒃ ᐸᐅᕐᖓᓂᒃ ᐱᕈᕇᕐᓯᒪᔪᓂᒃ ᐃᓗᓕᓕᖕᒥᒃ.” ᑕᕝᕙ ᐊᑕᓂᐅᑉ ᐅᖃᐅᑎᕚᖓ, “ᐃᓄᖁᑎᒪ ᐃᓴᕆᐊᓕᒥᐅᑦ ᐃᓱᓕᕝᕕᐊ ᓇᓪᓕᐅᑎᕗᖅ, ᖄᖏᑐᐃᓐᓇᕐᓂᐊᕈᓐᓃᕐᐸᒃᑲ.