ᐂᒨᓯᐅᑉ ᐊᒡᓚᖏᑦ 7:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐊᑕᓂᐅᓪᓗ ᐅᖃᐅᑎᓚᐅᕐᐹᖓ, “ᐂᒨᓰ, ᓱᓇᒥᒃ ᑕᑯᕖᑦ?” ᑭᐅᓚᐅᕐᐸᕋᓗ, “ᓇᐸᑦᓯᐊᕐᒪᖔᑦ ᖃᐅᔨᓴᐅᑎᒥᒃ.” ᑕᕝᕙ ᐊᑕᓂᐅᑉ ᐅᖃᐅᑎᕚᖓ: “ᑕᑯᒋᑦ, ᓇᐸᑦᓯᐊᕐᒪᖔᑦ ᖃᐅᔨᓴᐅᑎᒥᒃ ᐋᖅᑭᒃᓯᓂᐊᕐᐳᖓ ᐃᓄᖁᑎᒪ ᐃᓴᕆᐊᓕᒥᐅᑦ ᐊᑯᕐᖓᓐᓂ, ᖄᖏᑐᐃᓐᓇᕐᓂᐊᕈᓐᓃᕐᐸᒃᑲ.

ᐂᒨᓯᐅᑉ ᐊᒡᓚᖏᑦ 7:8 Iomraidhean Croise

ᐊᑕᓃᑦ ᐂᑉᐸᖏᑦ 21:13

ᔨᕉᓴᓕᒥᐅᑦ ᓱᒋᐊᕈᒫᕐᐸᒃᑲ ᓴᒥᐊᕆᐊᒥᐅᓂᒃ ᓱᒋᐊᕐᓯᓚᐅᕐᓂᑦᑐᑦ, ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᖓᑦ ᐂᕼᐊᑉ ᑭᖑᕚᖏᓪᓗ ᐊᑕᕆᓇᒋᑦ ᓱᒋᐊᕐᓯᓚᐅᕐᓂᑦᑐᑦ. ᔨᕉᓴᓕᒻ ᐊᓪᓚᕐᑎᕈᒪᕙᕋ, ᓂᕐᕆᑏᑦ ᐊᓪᓚᕐᑎᕐᑕᐅᓪᓗᓂ ᓴᓗᒻᒪᕐᑕᐅᕙᖕᓂᖓᑐᑦ ᓴᓗᒻᒪᕐᑕᐅᔭᕇᕋᒥ ᐳᓯᑎᑕᐅᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 28:17

ᓱᓕᔪᒥᒡᓗ ᐃᖅᑲᕐᑐᐃᓂᖅ ᐆᒃᑐᕋᐅᑎᒋᔪᒫᕐᐸᕋ, ᓇᓛᒎᕐᓂᕐᓗ ᒪᑭᑕᑦᓯᐊᓕᕐᑐᕐᓯᐅᑎᒋᓗᒍ, ᑕᕝᕙ ᓇᑕᖅᑯᕐᓁᑦ ᓴᒡᓗᕿᑦᓯᓂᒃᑯᑦ ᕿᒫᕕᐅᕐᓯᒪᔪᓂᒃ ᐲᔧᔪᒫᕐᐳᑦ, ᐃᔨᕐᓯᒪᕕᐅᔪᓪᓗ ᐃᒪᕐᒧᑦ ᑕᑕᑕᐅᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 34:11

ᕿᓐᓄᐊᔪᐊᑦ ᐃᓪᓛᖁᑦᓰᓪᓗ ᓄᓇᒋᓕᕈᒫᕐᐹᑦ, ᐅᒃᐱᒡᔪᐊᓪᓗ ᑐᓗᒊᓪᓗ ᑕᒫᓂ ᐃᓂᖃᕈᒫᕐᐳᑦ, ᐃᓯᕕᑦᓯᔪᒫᕐᐳᖅ ᖄᖓᓄᑦ ᓇᓗᓕᕐᓇᕐᑐᒥᒃ, ᐅᐃᒻᒪᒃᑎᑦᓯᓂᕐᒥᒡᓗ ᐱᑎᑦᓯᓗᓂ ᐊᖓᔪᖅᑳᖁᑎᖏᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 15:6

ᓇᕐᕈᒋᓕᓚᐅᕋᑦᓯᓐᖓ, ᐊᑕᓂᖅ ᐅᖃᕐᐳᖅ, ᐅᕙᓐᓂᒃ ᑐᓄᐃᒐᑦᓯ; ᑎᒍᓂᐊᕐᐸᑦᓯ ᐊᓯᕈᕐᑕᐅᑎᓪᓗᓯᓗ; ᑕᖃᑦᔪᑎᒐᑦᓯ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:8

ᓮᐅᓂᐅᑉ ᐊᕙᓗᕐᔪᐊᖏᑦ ᐅᕐᕈᑎᑕᐅᖁᓪᓗᒋᑦ ᐊᑕᓂᐅᑉ ᑲᔪᓯᑎᑉᐹ, ᐆᒃᑐᕋᐅᑎᒧᑦ ᐆᒃᑐᕋᕐᐹ ᐊᓯᕈᕐᑕᐅᓂᒃᓴᖓ ᓇᓪᓕᐅᑎᖁᓪᓗᒍ, ᓇᐸᔪᕐᔪᐊᖏᑦ ᐃᒡᓗᒐᓮᓪᓗ ᐊᑭᓐᓇᖏᑦ ᐊᓯᕈᕐᑕᐅᑎᑉᐰᑦ.

ᕼᐆᓯᐊᑉ ᐊᒡᓚᖏᑦ 1:6

ᒎᒪᓗ ᕿᑐᕐᖓᕐᑖᒃᑲᓐᓂᕐᐳᖅ ᐸᓂᒃᑖᕐᓗᓂᓗ. ᐊᑕᓂᕐᓗ ᐅᖃᕐᐳᖅ ᕼᐆᓯᐊᒧᑦ, “ᐊᑦᓯᕈᒃ ‘ᓘ-ᕈᕼᐊᒪᒥᒃ,’ ᓂᑲᒋᓂᐊᕈᓐᓃᕋᒃᑭᑦ ᐃᓴᕆᐊᓕᒥᐅᑦ ᑭᖑᕚᖏᑦ, ᐃᓱᒪᒋᔪᓐᓁᕐᕕᒋᓂᐊᕈᓐᓃᕐᓗᒋᓪᓗ.

ᐂᒨᓯᐅᑉ ᐊᒡᓚᖏᑦ 7:7

ᐃᒫᒃ ᑕᑯᑎᓚᐅᕐᐹᖓ: ᑕᑯᒋᑦ, ᐊᑕᓂᖅ ᓇᖏᓚᐅᕐᐳᖅ ᐊᕙᓗᕐᔪᐊᑉ ᓴᓂᐊᓂ ᓇᐸᑦᓯᐊᕐᒪᖔᑦ ᖃᐅᔨᓴᐅᑎᒧᑦ ᓴᓇᔭᐅᓯᒪᔪᒥ, ᑎᒍᒥᐊᕐᓗᓂᓗ ᓇᐸᑦᓯᐊᕐᒪᖔᑦ ᖃᐅᔨᓴᐅᑎᒥᒃ.

ᐂᒨᓯᐅᑉ ᐊᒡᓚᖏᑦ 8:2

ᐅᖃᐅᑎᕚᖓᓗ, “ᐂᒨᓰ ᓱᓇᒥᒃ ᑕᑯᕖᑦ?” ᑭᐅᕙᕋᓗ, “ᐃᕕᐅᔭᕐᒥᒃ ᐸᐅᕐᖓᓂᒃ ᐱᕈᕇᕐᓯᒪᔪᓂᒃ ᐃᓗᓕᓕᖕᒥᒃ.” ᑕᕝᕙ ᐊᑕᓂᐅᑉ ᐅᖃᐅᑎᕚᖓ, “ᐃᓄᖁᑎᒪ ᐃᓴᕆᐊᓕᒥᐅᑦ ᐃᓱᓕᕝᕕᐊ ᓇᓪᓕᐅᑎᕗᖅ, ᖄᖏᑐᐃᓐᓇᕐᓂᐊᕈᓐᓃᕐᐸᒃᑲ.

ᒤᑲᐅᑉ ᐊᒡᓚᖏᑦ 7:18

ᑭᓇ ᐃᓕᒃᑐᑦ ᒎᑎᐅᕙ, ᐃᓱᒪᒋᔪᓐᓁᕐᓯᔪᓐᓇᕐᑐᖅ ᐱᐅᖏᑦᑐᓕᓂᕐᓂᒃ ᐊᔪᕐᑐᓕᓂᕐᓂᒡᓗ ᐊᒥᐊᒃᑰᔪᓄᑦ ᐃᓄᖁᑎᒥᓄᑦ ᑭᖑᕚᕆᔭᐅᔪᓄᑦ, ᓂᓐᖓᐅᒤᓐᓇᕈᓐᓇᖏᑦᑐᖅ ᖁᕕᐊᒋᔭᖃᕋᒥ ᓇᒡᓕᖕᓂᕐᒥᒃ ᓱᖁᓯᔪᐃᑦᑐᒥᒃ.

ᓴᑲᕅᐊᐅᑉ ᐊᒡᓚᖏᑦ 4:10

“ᑖᒃᑯᐊᓕ ᖁᕕᐊᒋᓐᖏᑕᖃᕐᐳᑦ, ᓴᓇᔭᐅᔫᑉ ᓱᒃᑬᓗᐊᕐᓂᖓᓂᒃ ᔨᕈᐸᐱᐅᓕ ᓴᓇᕙᓪᓕᐊᔪᖅ ᑕᑯᒍᓂᑦᔪᒃ ᖁᕕᐊᓱᖕᓂᐊᕐᐳᑦ.” ᐂᖏᓕᐅᑉ ᐅᖃᐅᑎᕚᖓ, “ᓇᓂᕈᐊᖃᕐᕖᑦ ᐅᑯᐊ 7ᐅᔪᑦ ᑐᑭᖃᕐᐳᑦ ᐊᑕᓂᐅᑉ ᐃᔨᖏᓐᓂᒃ ᓄᓇᕐᔪᐊᕐᒦᑦᑐᓕᒫᓂᒃ ᑕᐅᑐᒃᑐᑦ.”

ᓴᑲᕅᐊᐅᑉ ᐊᒡᓚᖏᑦ 4:2

ᐅᖃᐅᑎᕚᖓᓗ, “ᓱᓇᒥᒃ ᑕᑯᕕᑦ?” ᑭᐅᕙᕋᓗ, “ᑕᑯᕗᖓ ᓇᓂᕈᐊᑉ ᐃᓂᖓᓂᒃ ᒎᓗᒥᒃ ᓴᓇᓯᒪᔪᒥᒃ, ᖄᖓᓂ ᐊᓪᓕᕋᐅᔭᕐᑕᓕᒃ ᐅᕐᓱᖃᕐᕕᖕᒥᒃ. ᓇᓂᕈᐊᓪᓗ ᐊᑐᓂᑦ ᐃᓂᖏᓐᓂᒃ 7ᓂᒃ ᓇᓂᕈᐊᕐᑕᖃᕐᐳᖅ, ᐊᑐᓂᓪᓗ ᑖᒃᑯᐊ 7ᓂᒃ ᐃᑯᐊᓚᒍᑎᖃᕐᐳᑦ.

ᓴᑲᕅᐊᐅᑉ ᐊᒡᓚᖏᑦ 5:2

ᐂᖏᓕᐅᓪᓗ “ᐊᐱᕆᕚᖓ ᓱᓇᒥᒃ ᑕᑯᕕᑦ?” ᑭᐅᕙᕋᓗ “ᑕᑯᕗᖓ ᑎᑎᖅᑲᓂᒃ ᐃᒧᓲᓂᒃ ᓯᓚᒃᑯᑦ ᖃᖓᑕᔪᓂᒃ; 30ᓂᒃ ᐃᑎᒐᓂᒃ ᑕᑭᓂᖃᕐᑐᓂᒃ 15ᓂᒡᓗ ᐃᑎᒐᓂᒃ ᓴᓂᒧᑐᑎᒋᔪᓂᒃ.”