ᐂᒨᓯᐅᑉ ᐊᒡᓚᖏᑦ 7:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐱᒡᓕᕐᑕᐅᔮᕐᑐᑦ ᓄᖒᑦᓯᖕᒪᑕ ᐃᕕᖕᓂᒃ ᓄᓇᒦᑦᑐᓂᒃ, ᐅᖃᓚᐅᕐᐳᖓ; ᐊᑕᓃᖅ ᒎᑏᒃ ᕿᓄᕗᖓ ᐃᓱᒪᒋᔪᓐᓁᕐᕕᒋᒃᑭᑦ! ᔧᑰᑉ ᑭᖑᕚᖏᑦ ᐊᓐᓇᒍᓐᓇᖁᓪᓗᒋᑦ, ᒥᑭᔫᓗᐊᕐᒪᑕ.

ᐂᒨᓯᐅᑉ ᐊᒡᓚᖏᑦ 7:2 Iomraidhean Croise

ᐃᓐᖏᕈᑎᑦ 12:1

ᐃᑲᔪᓚᐅᕆᑦ, ᐊᑕᓃᖅ, ᒎᑎᒥᒃ ᓈᓚᑦᓯᐊᕐᑐᑦ ᓄᖑᓕᕐᒪᑕ! ᐅᒃᐱᕐᓂᕐᒥ ᓱᖁᓯᔪᐃᑦᑐᑦ ᐊᓯᐅᓕᕐᒪᑕ ᐃᓄᖕᓂᑦ.

ᒨᓯᓯ ᐂᑉᐸᖏᑦ 10:15

ᓄᓇᓕᒫᑦᓯᐊᕐᓗ ᑕᑕᑕᐅᓯᒪᓕᓚᐅᕐᐳᖅ ᑕᒪᒃᑯᓄᖓ, ᓄᓇᓗ ᐊᒡᓛᑦ ᑕᒪᒃᑯᓄᖓ ᑖᕐᓯᑎᑕᐅᓚᐅᕐᐳᖅ, ᐱᕈᕐᑐᓕᒫᓂᒡᓗ ᓄᓇᒦᑦᑐᓂᒃ ᓂᕆᓕᕐᐳᑦ ᓇᐹᕐᑐᐃᓪᓗ ᐱᕈᕐᑐᖏᓐᓂᒃ ᓇᑕᖅᑯᕐᓇᕐᓄᑦ ᐊᒥᐊᒃᑯᒋᔭᐅᓚᐅᕐᑐᓂᒃ; ᑐᖑᔪᕐᑕᓂᒡᓗ ᓄᓇᒥ ᐊᒥᐊᒃᑯᑕᖃᕈᓐᓃᓚᐅᕐᐳᖅ, ᐊᒡᓛᓪᓗ ᓇᐹᕐᑐᑦ, ᐱᕈᕐᑐᓪᓗ ᐱᕈᕐᓰᕕᖕᒦᑦᑐᑦ, ᐄᑦᔨᑉᑎᐅᑉ ᓄᓇᓕᒫᖓᓃᓕᕐᓗᑎᒃ.

ᒨᓯᓯ ᐂᑉᐸᖏᑦ 34:9

ᐅᖃᕐᐳᖅ, “ᐊᑕᓃᖅ ᐅᕙᓐᓂᒃ ᖁᕕᐊᓲᑎᖃᓪᓚᕆᒃᑯᕕᑦ, ᑐᒃᓯᐊᕐᕕᒋᕙᒋᑦ ᐅᕙᑦᑎᓐᓄᑦ ᐃᓚᐅᖁᓪᓗᑎᑦ, ᐅᑯᐊ ᐃᓄᐃᑦ ᓯᑎᔪᐊᓘᒐᓗᐊᕐᑎᓪᓗᒋᑦ, ᓈᒻᒪᖏᑦᑐᓕᓂᑦᑎᓐᓂᑦ ᐊᔪᕐᑐᓕᓂᑦᑎᓐᓂᓪᓗ ᐃᓱᒪᒋᔪᓐᓁᕐᕕᒋᓚᐅᕐᑎᒍᑦ, ᐃᓚᓕᐅᕐᓗᑕᓗ ᐃᓕᖕᓄᑦ ᐃᓄᖁᑎᒋᔭᐅᔪᑎᑐᑦ.”

ᐂᓮᐊᓯᐅᑉ ᐊᒡᓚᖏᑦ 37:4

ᐃᒻᒪᖄ, ᐊᑕᓂᐅᑉ ᒎᑎᕕᑦ ᕌᑉᓴᑭᐅᑉ ᐅᖃᐅᓯᖏᑦ ᑐᓴᕐᐰᑦ, ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᑎᓕᓚᐅᕐᒪᒍ ᒎᑎᒥᒃ ᐆᒪᔪᒥᒃ ᒥᑕᐅᑎᖃᖁᓪᓗᒍ, ᐃᓂᕐᑎᕆᑐᐃᓐᓇᕆᐊᖃᕐᓗᓂᓗ ᐅᖃᐅᓯᖏᓐᓂᒃ ᐊᑕᓂᐅᑉ ᒎᑎᕕᑦ ᑐᓴᕐᑕᒥᓂᒃ; ᑍᒤᒻᒪᑦ ᑐᒃᓯᐅᑎᓚᐅᒃᑭᑦ ᐃᓄᐃᑦ ᐊᒥᐊᒃᑰᔪᑦ ᐱᓪᓗᒋᑦ.’”

ᐂᓮᐊᓯᐅᑉ ᐊᒡᓚᖏᑦ 51:19

ᑖᒃᑯᐊ ᒪᕐᕈᐃᑦ ᐃᓕᖕᓄᑦ ᑎᑭᐅᑎᓯᒪᕘᒃ; ᑭᐊᓕ ᕿᒃᓵᖃᑎᒋᓂᐊᕐᐹᑎᑦ? ᓄᖑᕈᑦᔭᐅᓯᒪᒐᕕᑦ ᐃᒡᓗᒐᓴᒡᔪᐊᓪᓗ ᓯᖁᑦᑎᕐᑕᐅᓪᓗᑎᒃ, ᑳᖕᓇᕐᑐᕐᔪᐊᖃᓕᕐᐳᑦ, ᐅᓇᑕᕐᓃᓪᓗ; ᑭᓇᒧᓕ ᓮᒻᒪᕐᓴᕐᑕᐅᓂᐊᓕᕐᐲ?

ᔨᕆᒤᐊᐅᑉ ᐊᒡᓚᖏᑦ 14:7

ᐊᔪᕐᑐᓕᓂᕗᑦ ᐸᓯᔭᒃᓴᐅᑦᔪᑎᒋᒐᓗᐊᕐᐸᕗᑦ, ᐊᑕᓃᕐᓕ, ᐃᑲᔪᕐᑎᒍᑦ ᐊᑏᑦ ᐱᑦᔪᑎᒋᓗᒍ; ᑲᑕᒃᓯᒪᓂᕗᑦ ᐊᖏᔫᖕᒪᑦ, ᐃᓕᖕᓄᑦ ᐊᔪᕐᑐᓕᓚᐅᕋᑦᑕ.

ᔨᕆᒤᐊᐅᑉ ᐊᒡᓚᖏᑦ 42:2

ᔨᕆᒤᐊᒧᓪᓗ ᐅᖃᕐᐳᑦ, “ᑐᒃᓯᕋᐅᑎᒋᔪᒪᔭᑦᑎᓐᓂᒃ ᐊᖏᕐᑕᐅᔪᒪᒐᓗᐊᕋᑦᑕ, ᑐᒃᓯᐅᑦᔭᐅᔪᒪᓪᓗᑕ ᐊᑕᓂᕐᒧᑦ ᒎᑎᑦᑎᓐᓄᑦ, ᐃᓅᔪᑑᓕᕐᑐᒍᑦ ᑐᒃᓯᐅᑦᔭᐅᔪᒪᒐᑦᑕ, ᐃᓄᒋᐊᓚᐅᕋᓗᐊᕐᓗᑕ ᖃᑦᓰᓐᓇᐅᓕᕋᑦᑕ ᑕᑯᓐᓇᕋᕕᑦ.

ᐃᓯᑭᐊᓕᐅᑉ ᐊᒡᓚᖏᑦ 11:13

ᑕᒪᒃᑯᓂᖓ ᐊᑐᕈᒫᕐᑐᓂᒃ ᐅᖃᓪᓚᒡᑎᓪᓗᖓ ᐱᓚᑍᐊ ᐱᓁᐊᐅᑉ ᐃᕐᓂᖓ ᑐᖁᕗᖅ. ᑕᕝᕙ ᒪᓂᖅᑲᒧᑦ ᐹᒻᒪᒃᓗᖓ ᕾᒐᓛᓕᕐᐳᖓ, ᐅᖃᕐᓗᖓ, “ᐊᑕᓃᖅ ᒎᑏᒃ! ᐃᓴᕆᐊᓕᒥᐅᓕᒫᑦ ᐊᒥᐊᒃᑯᖏᑦ ᓄᖑᓐᓂᐊᓕᕐᐱᒌᑦ?”

ᐃᓯᑭᐊᓕᐅᑉ ᐊᒡᓚᖏᑦ 9:8

ᑐᖁᕅᓕᕐᑎᓪᓗᒋᓪᓗ ᐃᓄᑑᓕᓚᐅᕐᐳᖓ, ᒪᓂᖅᑲᒧᑦ ᐹᒻᒪᒃᓗᖓ ᕾᒐᓛᓕᕐᐳᖓ, “ᐊᑕᓃᖅ ᒎᑏ! ᐃᓴᕆᐊᓕᒥᐅᑦ ᐊᒥᐊᒃᑯᖏᑦ ᓄᖑᑕᐅᑎᓕᕐᐱᒌᑦ ᓂᓐᖓᐅᒪᓗᐊᕐᓂᕐᓄᑦ ᔨᕉᓴᓕᒥ?”

ᑖᓂᐊᓕᐅᑉ ᐊᒡᓚᖏᑦ 9:19

ᐊᑕᓃᖅ ᑐᓵᓚᐅᕆᑦ! ᐊᑕᓃᖅ ᐃᓱᒪᒋᔪᓐᓁᕐᕕᒋᓚᐅᒃᑭᑦ! ᐊᑕᓃᖅ, ᑐᓵᔭᑎᑦ ᒪᓕᒡᓗᒋᑦ ᐱᓇᓱᐊᓕᕆᑦ ᐅᑕᕿᖏᓪᓗᑎᑦ! ᐃᓕᖕᓂᒃ ᐱᑦᔪᑎᒋᓪᓗᑎᑦ, ᒎᑎᒐ ᐅᑕᕿᓐᖏᓚᐅᕆᑦ, ᐃᒡᓗᒐᓴᖁᑎᑎᑦ ᐃᓄᖁᑎᑎᓪᓗ ᐃᕝᕕᑦ ᐊᑎᕐᓂᒃ ᑍᒍᓯᖃᕐᒪᑕ.”

ᔪᐃᓕᐅᑉ ᐊᒡᓚᖏᑦ 2:17

ᑐᓂᕐᕈᓯᕐᑎᑦᓯᔩᑦ ᐱᔨᑦᓯᕐᐸᒃᑐᑦ ᑭᒡᒐᕐᑐᕐᓗᑎᒃ ᐊᑕᓂᕐᒥᒃ, ᕿᐊᓕᕐᓕᑦ ᑐᒃᓯᐊᕐᕕᒡᔪᐊᑉ ᑐᕐᓲᖓᑕ ᑐᓂᕐᕈᓯᕐᕕᐅᓪᓗ ᐊᑯᓐᓂᖓᓂ; ᐅᖃᕐᓗᑎᒡᓗ, “ᐃᓄᖁᑎᑎᑦ ᓂᑲᒋᓚᐅᒃᑭᑦ, ᐊᑕᓃᖅ; ᐃᓅᖃᑎᒌᒡᔪᐊᓄᑦ ᔫᑎᐅᖏᑦᑐᓄᑦ ᓇᕐᕈᓇᕐᓯᑎᑕᐅᖁᓇᒋᑦ ᒥᑕᐅᑎᒋᔭᐅᖁᓇᒋᓪᓗ ᐅᖃᖁᓇᒋᓪᓗ, ‘ᓇᐅᒡᓕ ᒎᑎᖓᑦ?’”

ᐂᒨᓯᐅᑉ ᐊᒡᓚᖏᑦ 4:9

“ᐱᕈᕐᓰᕕᓯ ᕔᓂᓕᐅᕐᕕᓯᓗ ᖁᐱᕐᕈᓄᑦ ᐅᖁᖕᒧᓪᓗ ᐱᔭᐅᑎᓚᐅᕐᐸᒃᑲ, ᕔᓂᓕᐅᕐᕕᓯ, ᓇᐹᕐᑐᖁᑎᓯᓗ ᐱᒋᓕᒃᓮᑦ, ᓇᐹᕐᑐᖁᑎᓯᓗ ᐅᕐᓱᒃᓴᓖᑦ, ᐱᒡᓕᕐᑕᐅᔮᕐᑐᓄᑦ ᓇᐹᕐᑐᐃᑦ ᓂᕆᔭᐅᑎᓚᐅᕐᐸᒃᑲ, ᓱᓕᓕ ᐅᕙᓐᓄᑦ ᐅᑎᓚᐅᓐᖏᓚᓯ,” ᐊᑕᓂᖅ ᐅᖃᕐᐳᖅ.

ᐂᒨᓯᐅᑉ ᐊᒡᓚᖏᑦ 7:5

ᐅᖃᓚᐅᕐᐳᖓᓗ, “ᐊᑕᓃᖅ ᒎᑏᒃ, ᕿᓄᕕᒋᕙᒋᑦ, ᓄᖅᑲᕆᑦ! ᔧᑰᑉ ᑭᖑᕚᖏᑦ ᐊᓐᓇᒍᓐᓇᖁᓪᓗᒋᑦ ᒥᑭᓗᐊᕐᒪᑕ!”

ᓴᑲᕅᐊᐅᑉ ᐊᒡᓚᖏᑦ 4:10

“ᑖᒃᑯᐊᓕ ᖁᕕᐊᒋᓐᖏᑕᖃᕐᐳᑦ, ᓴᓇᔭᐅᔫᑉ ᓱᒃᑬᓗᐊᕐᓂᖓᓂᒃ ᔨᕈᐸᐱᐅᓕ ᓴᓇᕙᓪᓕᐊᔪᖅ ᑕᑯᒍᓂᑦᔪᒃ ᖁᕕᐊᓱᖕᓂᐊᕐᐳᑦ.” ᐂᖏᓕᐅᑉ ᐅᖃᐅᑎᕚᖓ, “ᓇᓂᕈᐊᖃᕐᕖᑦ ᐅᑯᐊ 7ᐅᔪᑦ ᑐᑭᖃᕐᐳᑦ ᐊᑕᓂᐅᑉ ᐃᔨᖏᓐᓂᒃ ᓄᓇᕐᔪᐊᕐᒦᑦᑐᓕᒫᓂᒃ ᑕᐅᑐᒃᑐᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:4

ᐅᖃᐅᑎᔭᐅᕗᓪᓗ ᐊᓯᕈᐃᖁᓇᒋᑦ ᐃᕕᒃᓱᒐᕐᓂᒃ ᓄᓇᕐᔪᐊᕐᒦᑦᑐᓂᒃ ᑐᖑᔪᕐᑐᓕᒫᓂᒃ ᓇᐹᕐᑐᓂᒡᓗ ᐱᕈᕐᑐᓂᒡᓗ, ᐃᓄᖕᓂᒡᓕ ᑭᓯᐊᓂ ᐊᓯᕈᐃᖁᓪᓗᒋᑦ ᒎᑎᐅᑉ ᓇᕿᑦᔪᑎᖓᓂᒃ ᖃᐅᕐᒥᒍᑦ ᓇᓗᓁᒃᑯᑕᖃᖏᑦᑐᓂᒃ;