ᐂᒨᓯᐅᑉ ᐊᒡᓚᖏᑦ 4:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ “ᐱᕈᕐᓰᕕᓯ ᕔᓂᓕᐅᕐᕕᓯᓗ ᖁᐱᕐᕈᓄᑦ ᐅᖁᖕᒧᓪᓗ ᐱᔭᐅᑎᓚᐅᕐᐸᒃᑲ, ᕔᓂᓕᐅᕐᕕᓯ, ᓇᐹᕐᑐᖁᑎᓯᓗ ᐱᒋᓕᒃᓮᑦ, ᓇᐹᕐᑐᖁᑎᓯᓗ ᐅᕐᓱᒃᓴᓖᑦ, ᐱᒡᓕᕐᑕᐅᔮᕐᑐᓄᑦ ᓇᐹᕐᑐᐃᑦ ᓂᕆᔭᐅᑎᓚᐅᕐᐸᒃᑲ, ᓱᓕᓕ ᐅᕙᓐᓄᑦ ᐅᑎᓚᐅᓐᖏᓚᓯ,” ᐊᑕᓂᖅ ᐅᖃᕐᐳᖅ.

ᐂᒨᓯᐅᑉ ᐊᒡᓚᖏᑦ 4:9 Iomraidhean Croise

ᐊᑕᓃᑦ ᓯᕗᓪᓖᑦ 8:37

“ᑳᖕᓇᕐᑐᕐᔪᐊᕐᑕᖃᕐᐸᑦ ᓄᓇᒥ, ᑕᒫᓂ ᖃᓂᒪᓐᓇᕐᑐᖃᕐᐸᓪᓘᓐᓃᑦ, ᐱᕈᕐᑐᓪᓘᓐᓃᑦ ᑐᖁᓕᓐᓇᕐᑐᖃᓕᕐᐸᑕ ᓱᒃᑯᓪᓗᑎᒃ, ᐱᒡᓕᕐᑕᐅᔮᕐᑐᓄᓪᓘᓐᓃᑦ ᖁᐱᕐᕈᓄᓪᓘᓐᓃᑦ ᓄᖑᑕᐅᒃᐸᑕ, ᐊᑭᕋᖏᓐᓄᓪᓘᓐᓃᑦ ᐅᓇᑕᕆᐊᕐᑕᐅᒃᐸᑕ ᓄᓇᖁᑎᖏᓐᓂ ᓇᓪᓕᐊᓐᓂᑐᐃᓐᓇᖅ; ᖃᓂᒪᓐᓇᖃᕐᐸᑦ ᐋᓐᓂᐊᓇᕐᑐᖃᕐᐸᓪᓘᓐᓃᑦ;

ᑯᕉᓂᑲ ᐂᑉᐸᖏᑦ 6:28

“ᓄᓇᒥ ᑳᖕᓇᕐᑐᖃᓕᕐᐸᑦ, ᖃᓂᒪᓇᕐᑐᖃᓕᕐᐸᑦ, ᐱᕈᕐᑐᐃᓪᓗ ᐊᓄᕆᒧᑦ ᓱᒃᑯᑕᐅᒃᐸᑕ, ᐱᒡᓕᕐᑕᐅᔮᕐᑐᓄᑦ ᐅᓄᕐᑐᕐᔪᐊᓄ ᓄᖑᑕᐅᒃᐸᑕ, ᐊᑭᕋᒥᖕᓄᓪᓗ ᓵᓚᐅᒃᐸᑕ ᓄᓇᒥᓂ ᐃᒡᓗᒐᓴᖕᓂᓗ; ᐋᓐᓂᐊᓇᕐᑐᖃᕐᐸᑦ ᓱᓇᑐᐃᓐᓇᕐᒥᒃ, ᖃᓂᒪᓇᕐᑐᖃᕐᐸᓪᓗ ᖃᓄᑐᐃᓐᓇᖅ;

ᐂᓮᐊᓯᐅᑉ ᐊᒡᓚᖏᑦ 1:5

ᓱᖕᒪᑦ ᓱᒋᐊᕐᑕᐅᔪᒤᓐᓇᕐᐱᓰ? ᐊᑭᕋᕐᑐᐃᓐᓇᕐᓂᑦᓯᓐᓄᑦ? ᓂᐊᖁᓯ ᐊᑕᖏᕐᓗᑎᒃ ᖃᓂᒪᕗᑦ, ᐆᒻᒪᑎᓯᓗ ᐊᑕᖏᕐᓗᑎᒃ ᓄᑭᑮᑦᑑᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 50:11

ᑕᑯᒋᑦ, ᐃᑯᒪᒥᒃ ᐃᑯᐊᓪᓔᔪᓕᒫᑦ, ᖃᕐᔪᓂᒡᓗ ᐃᑯᒪᑎᑦᓯᓪᓗᑎᒃ ᐊᕙᑖᒍᑦ ᐱᓱᒃᑐᑦ: ᐱᓱᒃᐳᓯ ᐃᑯᒪᑎᑕᑦᓯ ᖃᐅᒪᑎᑕᖓᒍᑦ, ᖃᕐᔪᓄᓪᓗ ᐃᑯᒪᑎᑕᑦᓯᓐᓄᑦ! ᑍᒤᑦᑐᒥᒃ ᐱᑎᑕᐅᔪᒫᕐᐳᓯ ᐊᒡᒐᓐᓂᑦ: ᓇᓚᔪᒫᕐᐳᓯᓗ ᐋᓐᓂᐊᑎᑕᐅᓇᕐᑐᒥ.

ᐂᓮᐊᓯᐅᑉ ᐊᒡᓚᖏᑦ 9:12

ᓯᕆᐊᒥᐅᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᑦ ᐱᓕᔅᑍᓂᒥᐅᓪᓗ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᑦ; ᐃᓴᕆᐊᓕᒥᐅᓂᒃ ᐄᓯᔪᒫᕐᐳᑦ ᖃᓂᑎᒃ ᐂᑦᑕᕐᓗᒋᑦ. ᑕᒪᒃᑯᐊᓕ ᑕᒪᕐᒥᒃ ᓂᓐᖓᐅᓯᖓᑕ ᓄᖅᑲᐅᑎᒋᔪᒫᓐᖏᓔᑦ, ᓱᓕᓕ ᐊᒡᒐᖏᑦ ᐅᕐᓕᕐᑐᕐᐳᑦ ᑖᒃᑯᓄᖓ.

ᔨᕆᒤᐊᐅᑉ ᐊᒡᓚᖏᑦ 3:10

ᑍᒤᓕᐅᕋᓗᐊᕋᒥᒃ ᐊᓯᓐᓂᐊᕐᑎᐅᖃᑎᖓᑕ ᔫᑕᐅᑉ ᐅᑎᕐᕕᒋᓚᐅᓐᖏᓛᖓ ᓱᓕᑦᓯᐊᕐᓗᓂ, ᑭᓯᐊᓂᓕ ᐅᑎᓐᖑᐊᑐᐃᓐᓇᓚᐅᕐᐳᖅ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 5:3

ᐊᑕᓃᖅ, ᓱᓕᔪᓂᒃ ᕿᓂᕐᐳᑎᑦ, ᐋᓐᓂᕋᓗᐊᕋᕕᒋᑦ ᐃᒃᐱᖕᓂᓐᖏᓚᑦ, ᐱᕕᒃᓮᕈᑎᒐᓗᐊᕋᕕᒋᑦ ᓱᓕ ᐋᖅᑭᒋᐊᕈᒪᓐᖏᓚᑦ. ᑮᓇᖏᑦ ᓴᖑᑎᑕᒃᓴᐅᖏᑦᑐᑎᑐᑦ ᑕᐅᑦᑐᖃᕐᐳᑦ ᓵᒋᐊᕈᒪᓇᑎᒡᓗ.

ᕼᐆᓯᐊᑉ ᐊᒡᓚᖏᑦ 11:5

ᐅᑎᕈᒫᓕᕐᐳᑦ ᐄᑦᔨᑉᑎᒧᑦ, ᐊᓯᕆᐊᓗ ᐊᖓᔪᖅᑳᕐᔪᐊᕆᔪᒫᕐᐹᑦ, ᐅᕙᓐᓄᑦ ᐅᑎᕈᒪᓚᐅᖏᒻᒪᑕ.

ᔪᐃᓕᐅᑉ ᐊᒡᓚᖏᑦ 1:4

ᐅᓄᕐᑐᕐᔪᐊᑦ ᓂᕆᔩᑦ ᐱᒡᓕᕐᑕᐅᔮᕐᑐᑦ ᓂᕆᓂᐊᕐᐳᑦ ᐱᕈᕐᑐᓂᒃ, ᐊᒥᐊᒃᑯᖏᑦ ᓂᕆᔭᐅᓂᐊᕐᐳᑦ ᐱᒡᓕᕐᑕᐅᔮᕐᑐᓄᑦ ᐹᕐᖑᕐᑐᓄᑦ ᐅᓄᕐᑐᕐᔪᐊᓄᑦ, ᐱᒡᓕᕐᑕᐅᔮᕐᑐᓪᓗ ᐹᕐᖑᕐᑐᑦ ᐊᒥᐊᒃᑯᖏᑦ, ᓂᕆᔭᐅᓂᐊᕐᐳᑦ ᓄᖑᕅᔨᓄᑦ ᐱᒡᓕᕐᑕᐅᔮᕐᑐᓄᑦ.

ᔪᐃᓕᐅᑉ ᐊᒡᓚᖏᑦ 1:7

ᕔᓂᓕᐅᕐᕕᕗᑦ ᐊᓯᕈᕐᑕᐅᖕᒪᑕ, ᓇᐹᕐᑐᐃᓪᓗ ᐸᐅᕐᖓᓖᑦ ᐱᒋᓕᖕᓂᒃ ᓂᕆᔭᐅᖕᒪᑕ, ᓇᐹᕐᑐᐃᑉ ᐊᒥᕅᔭᑦᓯᐊᕐᓗᒋᑦ ᐃᒋᑕᐅᕗᑦ; ᐊᕙᓚᖓᔪᖏᓪᓗ ᖃᑯᕐᓯᓪᓗᑎᒃ.

ᔪᐃᓕᐅᑉ ᐊᒡᓚᖏᑦ 2:25

ᐅᑎᕐᑎᑦᓯᕕᒋᓂᐊᕐᐸᑦᓯ ᐊᕐᕌᒍᓂᒃ ᐊᓯᐅᔨᓚᐅᕐᑕᑦᓯᓐᓂᒃ ᐱᒡᓕᕐᑕᐅᔮᕐᑐᑦ ᐅᓄᕐᑐᕐᔪᐊᑦ ᓂᕆᓚᐅᕐᑕᖏᓐᓂᒃ, ᐱᒡᓕᕐᑕᐅᔮᕐᑐᑦ ᐹᕐᖑᕐᑐᑦ, ᓄᖒᑦᓯᔪᓪᓗ, ᑕᒧᐊᔪᓪᓗ ᑎᓕᓚᐅᕋᒃᑭᑦ ᐅᓇᑕᕐᑐᒃᓴᕐᔪᐊᑎᑐᑦ ᐊᑯᓐᓇᑦᓯᓐᓄᑦ.

ᐂᒨᓯᐅᑉ ᐊᒡᓚᖏᑦ 4:6

“ᑳᒃᑎᓚᐅᕐᐸᑦᓯ ᐃᒡᓗᒐᓴᓕᒫᓂ, ᓂᕿᒃᓴᖃᕐᑎᓚᐅᓐᖏᓚᑦᓯᓗ ᐃᓂᒋᔭᑦᓯᓐᓂ. ᓱᓕ ᐅᑎᓚᐅᓐᖏᓚᓯ ᐅᕙᓐᓄᑦ,” ᐊᑕᓂᖅ ᐅᖃᕐᐳᖅ.

ᐂᒨᓯᐅᑉ ᐊᒡᓚᖏᑦ 4:8

ᑕᕝᕙ ᒪᕐᕉᒃ ᐱᖓᓱᓪᓘᓐᓃᑦ ᐃᒡᓗᒐᓮᑦ ᐃᓄᖏᑦ ᐃᒡᓗᒐᓴᖕᓄᑦ ᐊᓯᖏᓐᓄᑦ ᐃᒥᕐᓯᐅᕆᐊᓚᐅᕐᐳᑦ ᐃᒥᕈᒪᓪᓗᑎᒃ, ᓇᓂᓯᓚᐅᓐᖏᓚᓪᓕ, ᓱᓕᓕ ᐅᑎᓚᐅᓐᖏᓚᓯ ᐅᕙᓐᓄᑦ,” ᐊᑕᓂᖅ ᐅᖃᕐᐳᖅ.

ᕼᐊᐸᑲᐅᑉ ᐊᒡᓚᖏᑦ 3:17

ᓇᐹᕐᑐᐃᑦ ᐱᒋᓕᖕᓂᒃ ᐸᐅᕐᖓᖃᕐᐸᒃᑐᑦ ᐱᕈᕐᕕᐅᖏᒃᑲᓗᐊᕐᐸᑕ ᐸᐅᕐᖓᓂᒡᓗ ᕔᓂᒃᓴᓂᒃ ᐱᕈᕐᑐᖃᖏᒃᑲᓗᐊᕐᐸᑦ, ᓇᐹᕐᑐᓪᓗ ᐅᕐᓱᒃᓴᓖᑦ ᐱᕈᕐᕕᐅᖏᒃᑲᓗᐊᕐᐸᑕ ᐱᕈᕐᓰᕖᓪᓗ ᓂᐊᖂᔭᒃᓴᓂᒃ ᐱᕈᕐᕕᐅᖏᒃᑲᓗᐊᕐᐸᑕ, ᓰᐱᓕᒫᓪᓗ ᑐᖁᒐᓗᐊᕐᐸᑕ ᐃᒻᒧᒃᓯᐅᒊᓪᓗ ᐃᓂᒋᕙᒃᑕᖏᑦ ᐆᒪᔪᕐᑕᖃᕈᓐᓁᕋᓗᐊᕐᐸᑕ,

ᕼᐊᒊᑉ ᐊᒡᓚᖏᑦ 2:17

ᓱᒋᐊᓚᐅᕐᐸᑦᓯ ᐱᕈᕐᓯᐊᓯᓗ ᑕᒪᕐᒥᒃ ᑐᖁᓕᓇᕐᑐᓄᑦ ᐅᖁᖕᒧᓪᓗ ᓇᑕᖅᑯᕐᓇᓄᓪᓗ, ᐅᕙᓐᓄᓪᓕ ᓱᓕ ᐅᑎᓚᐅᓐᖏᓚᓯ, ᐊᑕᓂᖅ ᐅᖃᕐᐳᖅ.

ᒪᓚᑬᑉ ᐊᒡᓚᖏᑦ 3:11

ᐃᓂᕐᑎᕐᓂᐊᕐᐸᕋᓗ ᐱᒃᓴᑦᓯᓐᓂᒃ ᓂᕆᕙᒃᑐᖅ, ᐊᓯᕈᐃᖁᓇᒍ ᓄᓇᒥᑦ ᐱᕈᕐᑎᑕᑦᓯᓐᓂᒃ; ᕔᓂᒃᓮᓪᓗ ᐱᕈᑦᓯᐊᕐᓂᐊᕐᐳᑦ ᐱᕈᕐᓰᕕᑦᓯᓐᓂ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒨᓯᓯ ᑕᓪᓕᒪᖏᑦ 28:22

ᐊᑕᓂᐅᓪᓗ ᓱᒋᐊᕈᒫᕐᐹᓯ ᖃᓂᒪᓇᕐᑐᓄᑦ ᓯᐊᒻᒪᕐᐸᓪᓕᐊᔭᑦᑐᓄᑦ, ᐳᓪᓕᓕᕐᓇᕐᑐᓄᑦ ᐆᑎᕐᓇᕐᑐᓄᓪᓗ, ᓄᓇᒧᑦ ᐸᓂᕐᓇᕐᑐᒧᑦ ᐅᖅᑰᔪᐊᓗᖕᒧᓪᓗ ᓂᐊᖂᔭᒃᓴᖁᑎᓯ ᑎᑭᑕᐅᔪᒫᕐᐳᑦ ᐊᓯᕈᕐᑕᐅᖁᓪᓗᒋᑦ. ᑕᒪᒃᑯᐊᓗ ᐱᓂᕐᓗᖕᓇᕐᑐᐃᑦ ᐃᓕᑦᓯᓐᓃᖏᓐᓇᕈᒫᕐᐳᑦ ᑐᖁᓚᐅᖅᑳᕐᑎᓐᓇᓯ.

ᒨᓯᓯ ᑕᓪᓕᒪᖏᑦ 28:42

ᓇᐹᕐᑐᖁᑎᓕᒫᓯ ᓄᓇᒥᓗ ᐱᕈᕐᓯᐊᓯ ᐱᔭᐅᔪᒫᕐᐳᑦ ᖁᐱᕐᕈᓄᑦ ᐱᒡᓕᕐᑕᐅᔮᕐᑐᓄᑦ.