ᐂᒨᓯᐅᑉ ᐊᒡᓚᖏᑦ 4:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᓈᓚᒋᑦᓯ ᐃᓕᑦᓯ ᐊᕐᓁᑦ ᖃᖅᑲᒥ ᓴᒥᐊᕆᐊᒥ ᐃᓂᖃᕐᑐᓯ, ᐹᓴᓂᒥᐅᑦ ᐃᒻᒧᒃᓯᐅᒐᖁᑎᖏᑎᑐᑦ ᖁᐃᓂᔪᑎᑐᑦ ᑍᒤᑦᑐᓯ, ᐊᒃᓱᕈᕐᑎᑦᓯᔪᓯ ᐊᔪᕐᓴᕐᑐᓂᒃ, ᓱᓇᐅᔪᓐᓁᕐᑎᑦᓯᔪᓯᓗ ᐃᑲᔪᕐᑕᐅᔭᕆᐊᓕᖕᓂᒃ, ᐅᐃᑦᓯᓐᓄᑦ ᐅᖃᕋᑦᓯ, “ᕔᓂᒥᒃ ᐂᑦᑐᕐᑎᒍᑦ ᐃᒥᕐᓂᐊᕋᑕ!”

ᐂᒨᓯᐅᑉ ᐊᒡᓚᖏᑦ 4:1 Iomraidhean Croise

ᐊᑕᓃᑦ ᓯᕗᓪᓖᑦ 16:24

ᓴᒥᐊᕆᐊᒥᐅᑦ ᖃᖅᑲᖓᓂᒃ ᓂᐅᕕᕐᐳᖅ ᓯᒥᕆᒥᑦ ᓯᐅᓪᕕᕆᓄᑦ ᑖᓚᓐᑏᖕᓄᑦ ᒪᕐᕉᖕᓄᑦ, ᖃᖅᑲᐅᓪᓗ ᖄᖓ ᓴᐴᓗᑕᓕᐅᕐᐹ, ᐃᒡᓗᒐᓮᓪᓗ ᑍᕔᑦ ᓴᓇᔭᓂ, ᓴᒥᐊᕆᐊᒥᒃ, ᑍᒫᒃ ᐊᑎᖃᕐᑎᑉᐹ ᓯᒧᕐ ᐱᓪᓗᒍ, ᓇᖕᒥᓂᖃᓚᐅᕐᒪᑦ ᖃᖅᑲᒥᒃ.

ᔫᐱᐅᑉ ᐊᒡᓚᖏᑦ 20:19

ᐊᒃᓱᔪᓂᒃ ᐅᖁᒤᒃᓴᕐᑎᑦᓯᓚᐅᕐᒪᑦ ᑲᒪᒋᔪᒪᓇᓂᒋᓪᓗ, ᐃᒡᓗᒥᒡᓗ ᐊᕐᓵᕐᓯᓪᓗᓂ ᐃᒡᓗᖃᓕᓚᐅᕐᐳᖅ ᓴᓇᓚᐅᓐᖏᑕᒥᓂᒃ.

ᔫᐱᐅᑉ ᐊᒡᓚᖏᑦ 24:4

ᐊᒃᓱᔪᓂᒃ ᐊᔭᐅᕆᕙᒃᐳᑦ ᐊᖅᑯᑎᐅᑉ ᓯᓚᑖᓄᑦ; ᐊᔪᕐᓴᕐᑐᓕᒫᓪᓗ ᕿᒫᑎᑕᐅᕗᑦ ᐃᔨᕐᓯᒪᓕᕐᓗᑎᒃ.

ᐃᓐᖏᕈᑎᑦ 12:5

“ᐊᔪᕐᓴᕐᑐᑦ ᐅᖁᒤᒃᓴᕐᑎᑕᐅᖕᒪᑕ, ᐱᒃᓴᖃᖏᑦᑐᓪᓗ ᐊᓂᕐᓴᐅᒥᖕᒪᑕ, ᑕᕝᕙ ᒪᑭᓐᓂᐊᓕᕐᐳᖓ,” ᐊᑕᓂᖅ ᐅᖃᕐᐳᖅ: “ᓴᐳᑎᔪᒪᕙᕋ ᓴᐳᑎᔭᐅᔪᒪᓂᖓ ᒪᓕᒡᓗᒍ.”

ᐃᓐᖏᕈᑎᑦ 140:12

ᖃᐅᔨᒪᕗᖓ ᐊᑕᓂᖅ ᓴᖅᑭᑎᑦᓯᑦᓯᐊᕐᓂᐊᕐᒪᑦ ᓱᖕᒪᑦ ᐋᓐᓂᐊᑎᑕᐅᓂᕐᑕᖃᕐᒪᖔᑦ, ᐃᑲᔪᕐᑕᐅᔭᕆᐊᓖᓪᓗ ᓈᒻᒪᓈᑦᓯᐊᕐᑐᒥᒃ ᐱᓇᓱᐊᕐᕕᒋᓗᒋᑦ.

ᐃᓐᖏᕈᑎᑦ 22:12

ᐃᒻᒧᒃᓯᐅᒊᑦ ᐊᖑᓴᓪᓗᖏᑕ ᐊᕙᓗᓯᒪᕚᖓ; ᐊᖑᓴᓪᓗᐃᑦ ᓴᓐᖏᔪᑦ ᐹᓴᓂᒥᐅᑦ ᐊᕙᑎᓐᓃᑉᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:7

ᐊᒃᓱᐃᑦᑐᑦ ᐊᐅᓚᑦᓯᕗᑦ ᐊᒃᓱᔪᓂᒃ, ᐊᑦᑕᑐᕐᑎᓗ ᑭᒡᒐᕆᔭᐅᕗᖅ ᐊᑦᑕᑐᕐᑎᑦᓯᔨᒧᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 4:1

ᓱᓕ ᖃᐅᔨᓇᓱᐊᒃᑲᓐᓂᓚᐅᕐᐳᖓ, ᑕᑯᓚᐅᕐᐳᖓᓗ ᐅᖁᒤᒃᓴᕐᑎᑕᐅᓂᕐᓂᒃ ᐊᑐᕐᑕᐅᔪᓂᒃ ᓯᕿᓂᐅᑉ ᐊᑖᓂ: ᑕᑯᒋᑦ ᐅᖁᒤᒃᓴᕐᑎᑕᐅᔪᑦ ᖁᕝᕕᖏᑦ, ᒪᓂᒍᐃᔨᒃᓴᖃᓐᖏᓚᓪᓕ; ᐅᖁᒤᒃᓴᕐᑎᑦᓯᔨᖏᑦ ᐊᖏᔪᒥᒃ ᐱᔪᓐᓇᕐᓂᖃᕐᐳᑦ, ᑖᒃᑯᐊᓕ ᒪᓂᒍᐃᔨᒃᓴᖃᓐᖏᓚᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:8

ᑕᑯᒍᕕᑦ ᐊᔪᕐᓴᕐᑐᒥᒃ ᐅᖁᒤᑎᑕᐅᔪᒥᒃ, ᐊᑦᔨᒌᒃᑎᑦᓯᑦᓯᐊᕐᓂᐅᓪᓗ ᐃᓱᐊᕐᑐᓕᓂᐅᓪᓗ ᐊᑐᕐᑕᐅᖏᓐᓂᖓᓂᒃ ᑲᑉᐱᐊᓇᕐᑐᒃᑯᑦ, ᓄᓇᐅᑉ ᐊᐅᓚᑦᓯᔨᖏᑎᒍᑦ, ᑕᒪᓐᓇ ᑕᑕᒥᓐᓂᐊᕈᑎᒋᓇᒍ; ᐊᖓᔪᖅᑳᖅ ᖃᐅᔨᓴᕐᑎᖃᕐᒪᑦ ᐊᖓᔪᖅᑲᐅᖅᑭᔭᒥᓂᒃ, ᑖᒃᑯᐊᓗ ᐊᖓᔪᖅᑳᖑᖅᑭᔭᖃᕆᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 28:1

ᑲᑉᐱᐊᓐᓇᒦᒃ ᐃᕗᕅᑎᒥᐅᑦ ᐋᖓᔮᕐᑐᑦ, ᐊᖓᔪᖅᑳᕐᔪᐊᕐᓯᐅᑦ ᓂᐊᖂᑎᖓ ᐅᐱᓐᓇᓚᐅᕐᑐᖅ ᑕᑯᒥᓇᕐᓂᖓ ᓄᖑᓕᕐᐳᖅ ᓄᓇᕋᕐᑎᑐᑦ ᑐᖁᓕᓕᕐᑐᑐᑦ, ᐊᖓᔪᖅᑳᕆᔭᖏᑕ ᐃᒥᕐᓯᒪᓗᐊᖃᑦᑕᕐᓂᖏᓐᓄᑦ, ᐱᔪᓐᓇᕋᓱᒋᓂᕐᒧᑦ ᓂᐊᖁᖏᑦ ᑎᐱᑎᑦᓯᐊᕐᓯᒪᒐᓗᐊᕐᐳᑦ ᓇᓚᑐᐃᓐᓇᓕᕐᐳᓪᓕ ᐋᖓᔮᓗᐊᕐᓂᕐᒧᑦ.

ᐂᓮᐊᓯᐅᑉ ᐊᒡᓚᖏᑦ 5:8

ᑲᑉᐱᐊᓐᓇᒦᒃ ᐃᒡᓗᓕᐅᕐᐸᓪᓕᐊᔪᖅ ᐊᒃᑐᐊᖃᑦᑕᐅᑎᔪᓂᒃ, ᐱᕈᕐᓰᕕᓕᐅᕐᐸᓪᓕᐊᔪᕐᓗ ᐊᒃᑐᐊᖃᑦᑕᐅᑎᔪᓂᒃ, ᐃᓂᒃᓮᕈᑎᑐᐃᓐᓇᕐᓗᒍ ᖃᓂᒋᔭᖓ, ᐃᓄᑑᓗᑎᒃ ᓄᓇᖃᕐᕕᒋᓕᕐᓗᒍ ᓄᓇᒋᔭᓂ.

ᐂᓮᐊᓯᐅᑉ ᐊᒡᓚᖏᑦ 56:12

ᐅᖃᕐᐸᒃᐳᑦ, ‘ᕾᒋᑦᓯ ᕔᓂᒥᒃ ᐃᒥᕐᓂᐊᕐᑕᑦᓯᓐᓂᒃ ᐱᓂᐊᕋᒪ, ᐃᒥᕈᐃᑦᓯᐊᕐᓗᑕ ᓲᖑᔪᒥᒃ ᐃᒥᓚᐅᕐᑕ; ᖃᐅᒃᐸᑦ ᓱᓕ ᐅᓪᓗᒥᑐᑦ ᐱᓂᐊᕐᒥᒐᑦᑕ, ᐅᕝᕙᓘᓐᓃᑦ ᐱᐅᓂᕐᓴᒃᑲᓐᓂᕐᒥᒃ ᐱᓛᕐᐳᒍᑦ.’”

ᐂᓮᐊᓯᐅᑉ ᐊᒡᓚᖏᑦ 58:6

ᐃᒫᖓᕐᓕ ᓂᕆᑦᑍᓕᓂᕐᒥᒃ ᐊᑐᕐᑕᐅᖁᔨᓚᐅᓐᖏᓚᖔ? ᐊᔪᕐᑐᓕᓂᕐᒧᑦ ᕿᓚᒃᓱᕐᓯᒪᔪᑦ ᕿᓚᕈᑦᔮᕐᑕᐅᖁᓪᓗᒋᑦ, ᐅᖁᒤᑦᑐᑦ ᐊᒃᔭᕐᑕᖏᑦ ᐲᕐᑕᐅᖁᓪᓗᒋᑦ, ᓵᓚᐅᓯᒪᔪᓪᓗ ᕿᓚᕈᑦᔮᕐᑕᐅᖁᓪᓗᒋᑦ, ᓇᖕᒪᐅᑎᒋᔭᐅᔪᓕᒫᓂᒡᓗ ᓯᖁᒥᓪᓗᒋᑦ ᐲᕐᑎᑦᓯᖁᓪᓗᓯ.

ᔨᕆᒤᐊᐅᑉ ᐊᒡᓚᖏᑦ 50:11

“ᖁᕕᐊᓱᒃᑲᑦᓯ ᓯᕆᓪᓗᓯᓗ, ᓇᒡᕚᕐᑕᕐᓂᑦᓯᓐᓄᑦ ᐃᓄᖁᑎᒪ ᐱᖏᓐᓂᒃ, ᒥᓯᒃᑕᕐᐳᓯ ᐊᕐᓇᓪᓗᒃᑎᑐᑦ ᐸᐅᕐᖓᒃᓴᓂᒃ ᓯᐊᒻᒪᕐᑎᕆᔪᑎᑐᑦ, ᓂᓪᓕᐊᓪᓗᓯᓗ ᕿᒻᒥᕐᔪᐊᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 50:27

ᐊᖑᓴᓪᓗᓐᖑᕋᑖᕐᑐᖁᑎᖏᑦ ᑐᖁᕋᕐᑕᐅᓕᑦ, ᑐᖁᓮᕕᖕᒧᐊᕐᑕᐅᓗᑎᒃ ᑲᑉᐱᐊᓐᓇᒦᒃ ᑖᒃᑯᓄᖓ ᐅᓪᓗᖅ ᓇᓪᓕᐅᓯᒪᖕᒪᑦ ᓱᒋᐊᕐᑕᐅᕕᒃᓴᖓᑦ!

ᔨᕆᒤᐊᐅᑉ ᐊᒡᓚᖏᑦ 51:34

ᓂᐱᑯᓁᓴᐅᑉ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᔨᕉᓴᓕᒥᐅᖑᔪᒍᑦ ᓂᕆᓚᐅᕐᐹᑎᒍᑦ, ᒪᕐᕋᑎᑐᑦ ᐃᓗᓕᖃᖏᑦᑐᑎᑐᑦ ᑍᒤᑎᓚᐅᕐᐹᑎᒍᑦ, ᖁᒡᓗᒋᐊᑎᑐᑦ ᐄᕚᑎᒍᑦ, ᓂᕆᓚᐅᕐᓗᓂᑎᒍᓪᓗ ᐅᕆᐊᕆᕚᑎᒍᑦ.

ᔨᕆᒤᐊᐅᑉ ᐊᒡᓚᖏᑦ 6:6

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᒫᒃ ᐅᖃᕐᐳᖅ, “ᓇᐹᕐᑐᓂᒃ ᓇᑲᑎᕆᓗᓯ ᐃᑯᕐᕋᓕᐅᕆᑦᓯ ᔨᕉᓴᓕᐅᑉ ᐊᕙᓗᕐᔪᐊᖏᑦ ᓯᖁᑦᑎᕐᑕᐅᔪᒃᓴᐅᖕᒪᑕ, ᐃᒡᓗᒐᓴᒡᔪᐊᖏᑦ ᐱᐅᖏᑦᑐᓂᒃ ᑕᑕᒻᒪᑕ.

ᔨᕆᒤᐊᐅᑉ ᐊᒡᓚᖏᑦ 7:6

ᐅᖁᒤᒃᓴᕐᑎᑦᓯᖏᓪᓗᓯᓗ ᐃᓅᖃᑎᑐᖃᕆᓐᖏᑕᑦᓯᓐᓂᒃ, ᐃᓕᐊᕐᔪᖕᓂᒃ, ᐅᐃᒡᒐᕐᓂᕐᓂᒡᓗ ᐸᓯᔭᒃᓴᐅᖏᑦᑐᓂᒡᓗ ᑐᖁᑕᐅᑎᑦᓯᕙᖏᓪᓗᓯ, ᒎᑎᓐᖑᐊᓂᒡᓗ ᒪᓕᒐᖃᕐᓂᑦᓯᓐᓄᑦ ᓇᖕᒥᓂᖅ ᓱᕋᒍᑎᒋᕙᖕᓂᐊᖏᓐᓇᑦᓯᐅᒃ.

ᐃᓯᑭᐊᓕᐅᑉ ᐊᒡᓚᖏᑦ 18:12

ᐊᒃᓗᔪᓂᒃ ᐊᔪᕐᓴᕐᑐᓂᒡᓗ ᐅᖁᒤᒃᓴᕐᑎᑦᑎᕙᒡᓗᓂ, ᑎᒡᓕᒃᐸᒡᓗᓂ, ᐊᑐᕐᑐᐊᕐᑕᕕᓂᕐᒥᓂᒡᓗ ᐱᑖᑐᐃᓐᓇᖃᑦᑕᕐᓗᓂ, ᒎᑎᓐᖑᐊᓄᓪᓗ ᑐᒃᓯᐊᖃᑦᑕᕐᓗᓂ, ᓇᕐᕈᓇᕐᑐᓂᒡᓗ ᐱᓇᓱᐊᖃᑦᑕᕐᓗᓂ,

ᐃᓯᑭᐊᓕᐅᑉ ᐊᒡᓚᖏᑦ 22:12

ᐃᓅᖃᑎᓯ ᐃᓚᖏᑦ ᓯᓔᕐᕆᒃᓯᓂᒃᑯᑦ ᐊᑭᓖᓪᓗᑎᒃ ᑐᖁᑕᐅᑎᑦᓯᖃᑦᑕᕐᐳᑦ; ᐃᓚᖏᓪᓗ ᐊᑐᕐᑎᑕᒥᖕᓂᒃ ᐃᓅᖃᑎᒥᖕᓂᒃ ᖄᖏᕐᓂᑯᓕᐅᕐᐸᒃᐳᑦ ᐅᓄᕐᓯᒋᐊᕐᑎᑦᓯᓪᓗᑎᒃ ᑮᓇᐅᔭᓕᐅᕈᑎᖃᕐᓗᑎᒃ ᐃᓅᖃᑎᒥᓂᒃ ᑎᒡᓕᒃᓗᑎᒃ, ᐅᕙᓐᓂᒃ ᐳᐃᒍᕐᓯᒪᓕᕐᐳᓯ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 22:27

ᐊᖓᔪᖅᑳᖁᑎᖏᑦ ᐊᒪᕈᕐᑎᑐᑦ ᐆᒪᔪᕐᑕᒥᖕᓂᒃ ᐊᓕᒃᑐᐃᔪᑎᑐᑦ ᑍᒤᑉᐳᑦ, ᐃᓄᐊᖃᑦᑕᕐᐳᑦ, ᓈᒻᒪᓈᖏᑦᑐᒃᑯᑦ ᐊᒃᓗᐃᓕᓇᓱᐊᕐᐳᑦ ᑐᖁᑦᓯᕙᒃᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 22:29

ᑕᒫᓂ ᓄᓇᓖᑦ ᓯᕘᕋᓵᕆᓂᒃᑯᑦ ᑮᓇᐅᔭᕐᑖᕐᐸᒃᐳᑦ ᑎᒡᓕᒐᖃᑦᑕᕐᓗᑎᒡᓗ, ᐊᒃᓗᔪᓂᒃ ᐃᑲᔪᕐᑕᐅᔭᕆᐊᓕᖕᓂᒡᓗ ᓱᒃᑯᔨᐊᖃᕐᐸᒃᐳᑦ, ᓄᓇᓕᑐᖃᐅᖏᑦᑐᓂᒡᓗ ᑮᓇᐅᔧᕐᑎᑦᓯᕙᒃᐳᑦ ᓈᒻᒪᓈᕐᑐᒥᒃ ᐱᓂᐊᕐᕕᒋᓇᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 22:7

ᐊᑖᑕᒥᖕᓂᒃ ᐊᓈᓇᒥᖕᓂᒡᓗ ᐅᐱᒍᓱᒃᑐᖃᓐᖏᓚᑦ ᓄᓇᑦᓯᓐᓂ; ᓄᓇᓕᑐᖃᐅᖏᑦᑐᑦ ᓯᓔᕐᕆᔭᐅᓪᓗᑎᒃ ᑎᒡᓕᒐᕐᕕᐅᕗᑦ ᑮᓇᐅᔭᓂᒃ; ᐃᓕᐊᕐᔪᐃᑦ ᐅᐃᒡᒐᕐᓃᓪᓗ ᐃᓖᔭᕆᔭᐅᖃᑦᑕᕐᐳᑦ ᓄᓇᑦᓯᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 34:16

ᐊᓯᐅᓯᒪᔪᑦ ᕿᓂᕈᒫᕐᐸᒃᑲ, ᐊᕝᕗᑎᓯᒪᔪᓪᓗ ᐅᑎᕐᑎᓪᓗᒋᑦ, ᑭᓕᕐᓯᒪᔪᓪᓗ ᒪᑐᓯᕐᑐᕐᓗᒋᑦ, ᓴᓐᖐᑦᑐᓪᓗ ᓄᑭᒃᑖᕐᑎᓪᓗᒋᑦ, ᖁᐃᓂᔪᓪᓕ ᓄᑭᖃᑦᓯᐊᕐᑐᓪᓗ ᑐᖁᑦᓱᒫᕐᐸᒃᑲ; ᓈᒻᒪᓈᕐᓯᒪᔪᒥᒃ ᐱᓇᓱᐊᕐᕕᒋᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 39:18

ᓂᕆᔪᒃᓴᐅᕗᓯ ᐊᔪᖏᑦᑐᕐᔪᐊᑦ ᑎᒥᖏᓐᓂᒃ, ᐃᒥᕐᓗᓯᓗ ᓄᓇᒥ ᐊᖓᔪᖅᑳᕐᔪᐊᑦ ᐊᐅᖏᓐᓂᒃ, ᓰᐲᑦ ᐊᖑᓴᓪᓗᖏᑎᑐᑦ, ᓄᕐᕋᐅᔭᕐᑎᑐᓪᓗ, ᒎᑦᓯᑎᑐᑦ, ᐊᖑᓴᓪᓗᕐᑎᑐᓪᓗ, ᖁᐃᒃᓯᑦᓯᐊᕆᔭᐅᓯᒪᔪᑎᑐᑦ ᐹᓴᓂᒥ.

ᔪᐃᓕᐅᑉ ᐊᒡᓚᖏᑦ 3:3

ᐃᓄᖁᑎᓐᓂᒡᓗ ᓇᓚᐅᑦᑖᕈᑎᒃᑯᑦ ᓂᐅᕐᕈᑎᖃᓚᐅᕐᑐᑦ, ᓄᑲᑉᐱᐊᒥᒡᓗ ᐊᑭᓕᐅᑎᖃᓚᐅᕐᐳᑦ ᐊᕐᓇᒧᑦ ᓄᓕᐊᒐᕐᒧᑦ, ᓂᕕᐊᕐᓵᒥᒡᓗ ᓂᐅᕐᕈᑎᖃᓚᐅᕐᐳᑦ ᕔᓂᒧᑦ, ᐃᒥᕈᒪᓪᓗᑎᒃ.

ᐂᒨᓯᐅᑉ ᐊᒡᓚᖏᑦ 3:1

ᑐᓴᕐᓯᐅᒃ ᐊᑕᓂᐅᑉ ᐅᖃᐅᓯᖓ ᐃᓕᑦᓯᓐᓂᒃ ᐅᖃᐅᑦᔨᔪᖅ, ᐃᓴᕆᐊᓕᒥᐅᑦ ᐃᓄᖏᓐᓂᒃ, ᐅᖃᐅᑦᔨᔪᑦ ᐃᓚᒌᓕᒫᓂᒃ ᐄᑦᔨᑉᑎᐅᑉ ᓄᓇᖓᓂᑦ ᐊᐅᓪᓚᕐᑎᓚᐅᕐᑕᓐᓂᒃ, ᐅᖃᕐᓗᖓ:

ᐂᒨᓯᐅᑉ ᐊᒡᓚᖏᑦ 3:3

“ᒪᕐᕉᒃ ᐃᖏᕐᕋᖃᑎᒌᒃᐸᓐᖏᓛᒃ ᐊᖏᖃᑎᒌᒃᓯᒪᒍᑎᒃ ᑭᓯᐊᓃ?

ᐂᒨᓯᐅᑉ ᐊᒡᓚᖏᑦ 5:11

ᐊᔪᕐᓴᕐᑐᓂᒃ ᑐᓪᓕᕌᕋᑦᓯ ᐊᕐᓵᕋᑦᓯᐅᓪᓗ ᓂᐊᖂᔭᒃᓴᖏᓐᓂᒃ, ᑍᒫᒃᑕᐅᖅ, ᐃᒡᓗᕐᔪᐊᓕᐅᕐᓯᒪᒐᓗᐊᕐᑐᓯ ᐅᔭᕋᖕᓄᑦ ᓴᓇᔭᐅᓯᒪᔪᓄᑦ ᐃᓂᒋᓂᐊᓐᖏᓚᓯᓕ, ᐱᐅᔪᐊᓗᖕᓂᒡᓗ ᕔᓂᒃᓴᓂᒃ ᐱᕈᕐᓰᕕᓕᐅᕐᓯᒪᒐᓗᐊᕐᑐᓯ, ᐃᒥᕐᕕᒋᓂᐊᓐᖏᓚᓯᓕ.

ᐂᒨᓯᐅᑉ ᐊᒡᓚᖏᑦ 6:1

ᑲᑉᐱᐊᓇᒦᒃ ᐃᓕᑦᓯ ᐊᒃᓱᕈᕐᓇᖏᑦᑐᒥ ᐃᓅᔪᓯ ᓮᐅᓂᒥ, ᑕᑎᖃᕐᑐᓪᓗ ᓴᒥᐊᕆᐊᑉ ᖃᖅᑲᖓᓂᒃ, ᓯᕗᓕᕐᑎᐅᔪᓯᓗ ᐅᐱᒋᔭᐅᓪᓗᓯ ᐃᓅᖃᑎᒌᒡᔪᐊᓂ ᐊᔪᖏᑦᑐᕐᔪᐊᓂ, ᐃᓴᕆᐊᓕᐅᑉ ᑭᖑᕚᖏᓐᓄᑦ ᑕᑎᒋᔭᐅᕙᒃᑐᓯ!

ᐂᒨᓯᐅᑉ ᐊᒡᓚᖏᑦ 6:6

ᕔᓂᒥᒃ ᐃᒥᕐᑐᐊᓘᕙᒃᑐᓯ ᖃᑦᑕᕐᓄᑦ, ᐅᕐᓱᕐᑎᕐᐸᒃᑐᓯᓗ ᐅᕐᓱᕐᑎᕈᑎᑦᓯᐊᕙᐅᓂᕐᐹᓄᑦ ᑎᐱᑦᓯᐊᕆᒃᑐᓄᑦ, ᕿᒃᓵᒍᑎᖃᖏᑦᑐᓯᓗ ᐃᓴᕆᐊᓕᐅᑉ ᐊᓯᕈᕐᑕᐅᓂᖓᓂᒃ.

ᒪᓚᑬᑉ ᐊᒡᓚᖏᑦ 3:5

“ᑕᕝᕙ ᓴᖅᑭᑦᓱᒫᕐᐳᖓ ᐃᖅᑲᕐᑐᕆᐊᕐᑐᕐᓗᓯ; ᐱᒋᐊᑦᓴᐅᑎᒋᔪᒫᕐᐳᖓ ᐊᑭᕋᕐᑐᓪᓗᖓ ᐊᖓᒃᑰᓇᓱᐊᕐᑐᓂᒃ, ᐊᓯᓐᓂᐊᕐᑎᓂᒃ, ᓱᓕᖏᑦᑐᒥᒡᓗ ᐊᖏᕈᑎᓕᖕᓂᒃ, ᓯᓔᕐᕆᒃᓯᓗᑎᒡᓗ ᐊᑭᓕᕐᓱᐃᔪᓂᒃ ᐃᖅᑲᓁᔭᕐᑎᓂᒃ, ᐅᐃᒡᒐᕐᓂᕐᓂᒃ ᐃᓕᐊᕐᔪᖕᓂᒡᓗ ᐊᒃᓱᕈᕐᑎᑦᓯᔪᓂᒃ, ᓄᓇᓕᑐᖃᐅᖏᑦᑐᓂᒡᓗ ᑐᓐᖓᓱᒃᑎᑦᓯᖏᑦᑐᓂᒃ, ᐅᕙᓐᓂᒃ ᐃᓕᕋᓱᖏᑦᑐᓂᒃ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᒨᓯᓯ ᓯᑕᒪᖏᑦ 21:33

ᓴᖑᒐᒥᒡᓕ ᐃᖏᕐᕋᕗᑦ ᐹᓴᓂ ᐊᖅᑯᑎᒋᓪᓗᒍ. ᐊᖓᔪᖅᑳᕐᔪᐊᓪᓕ ᐋᒡᒥᒃ ᐊᑎᓕᐅᑉ ᐹᓵᓂᒥᐅᑦ ᐊᖓᔪᖅᑳᕐᔪᐊᖓᑕ ᐅᓇᑕᕆᐊᕐᑐᕐᕕᒋᕔᑦ, ᐃᓄᖁᑎᓕᒫᑎᒃ ᐃᓚᒋᓪᓗᒋᑦ, ᐃᑐᕆᐂᒥ ᐅᓇᑕᕐᐳᑦ.

ᒨᓯᓯ ᑕᓪᓕᒪᖏᑦ 24:14

“ᑎᓕᓯᒪᔭᕐᓂᒃ ᐱᔨᒥᒃ ᐊᔪᕐᓴᕐᑐᒥᒃ ᐃᑲᔪᕐᑕᐅᔭᕆᐊᖃᕐᑐᒥᒡᓗ ᓴᒡᓗᕿᑦᓯᓗᑎᑦ ᐱᔮᕆᔪᒃᓴᐅᓐᖏᓚᑎᑦ, ᐃᓴᕆᐊᓕᒥᐅᖑᖃᑎᒋᒍᕕᐅᒃ ᐅᕝᕙᓗ ᓄᓇᖃᑎᑐᖃᕆᖏᒃᑲᓗᐊᕈᕕᐅᒃ ᐃᒡᓗᒐᓴᒡᔪᐊᑦᓯᓐᓂ ᓇᓪᓕᐊᓐᓂ ᓄᓇᖃᖃᑕᐅᒃᐸᑦ.

ᒨᓯᓯ ᑕᓪᓕᒪᖏᑦ 28:33

ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓂᑦ ᐱᓯᒪᔪᓄᑦ ᖃᐅᔨᒪᓐᖏᑕᑦᓯᓐᓄᑦ ᓂᐊᖂᔭᒃᓴᖁᑎᓯ ᓂᕿᒋᔭᐅᔪᒫᕐᐳᑦ ᐊᒃᓱᕈᒻᒪᕆᒃᓗᑎᑦ ᐱᓇᓱᐊᕈᑎᒋᖃᑦᑕᕐᓯᒪᔭᑎᑦ ᐱᕈᕐᑎᓐᓇᓱᐊᕐᓗᒋᑦ; ᐱᑎᑕᐅᖏᑦᓯᐊᕐᓗᓯ ᐅᖁᒤᒃᓴᕐᑎᑕᐅᔪᒫᕐᐳᓯ ᑍᒪᓐᖓᑦ ᐱᑲᒻᒪᒃᑕᐅᖃᑦᑕᕐᓗᓯᓗ ᓂᑲᒋᔭᐅᖏᓪᓗᓯ.