ᐂᒨᓯᐅᑉ ᐊᒡᓚᖏᑦ 3:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐊᑕᓂᖅ ᐃᒫᒃ ᐅᖃᕐᐳᖅ, “ᓰᐱᓕᕆᔨ ᐊᕐᓵᕐᓯᕙᖕᒪᑦ ᓛᔭᒥᒃ ᓂᐅᖕᓂᒃ ᒪᕐᕈᐃᓐᓈᖕᓂᒃ ᓯᐅᑎᐅᓪᓗ ᐃᓔᓐᓇᖓᓂᒃ; ᑍᒫᒃᑕᐅᖅ ᐃᓴᕆᐊᓕᐅᑉ ᐃᓄᖏᑦ ᐃᓔᓐᓇᖏᑦ ᓴᐳᑎᔭᐅᓂᐊᕐᐳᑦ ᓄᓇᖃᕐᑐᑦ ᓴᒥᐊᕆᐊᒥ; ᐊᔪᕐᓴᖏᑦᑐᕐᓯᐅᑎᓂ ᐃᒡᓕᕐᓂ ᓇᓚᕈᕐᑐᑦ, ᐃᒃᓯᕙᐅᑖᓗᖕᓂᓗ ᐃᒃᓯᕙᔪᑦ.

ᐂᒨᓯᐅᑉ ᐊᒡᓚᖏᑦ 3:12 Iomraidhean Croise

ᐊᑕᓃᑦ ᓯᕗᓪᓖᑦ 20:30

ᐊᓯᖏᓪᓗ ᕿᒫᕗᑦ ᐊᐱᒃ ᐃᒡᓗᒐᓴᖏᓐᓄᑦ; ᑖᒃᑯᐊᓗ ᐊᒥᐊᒃᑯᐃᑦ ᐊᕙᓗᕐᔪᐊᒧᑦ ᑲᑕᒡᕕᐅᕗᑦ 27,000ᓮᑦ. ᐱᓐ-ᕼᐊᑖᑎᑦᑕᐅᖅ ᕿᒫᒋᕗᖅ ᐃᒡᓗᒐᓴᖕᓄᑦ, ᐃᒡᓗᐃᑦ ᐃᓗᓪᓕᕐᐹᖏᓐᓃᑦᑐᓄᑦ.

ᐊᑕᓃᑦ ᓯᕗᓪᓖᑦ 20:34

ᐱᓐ-ᕼᐊᑖᑎᐅᓪᓗ ᐅᖃᐅᑎᕚ, “ᐃᒡᓗᒐᓮᑦ ᐊᑖᑕᒪ ᑎᒍᓚᐅᕐᑕᖏᑦ ᐊᑖᑕᖕᓂᑦ ᐋᖅᑭᒋᐊᑦᓯᐊᕈᒫᕐᐸᒃᑲ; ᓇᖕᒥᓂᒃᓴᕐᓂᒡᓗ ᓂᐅᕕᕐᕕᓕᐅᕈᓐᓇᕐᐳᑎᑦ ᑕᒫᓯᑰᓯᒥ, ᐊᑖᑕᒐᑐᑦ ᑍᒤᓕᐅᓚᐅᕐᒪᑦ ᓴᒥᐊᕆᐊᒥ.” ᐂᕼᐊᐱ ᑭᐅᕗᖅ, “ᐊᐅᓪᓚᕐᑎᑦᓱᒪᕙᒋᑦ ᐊᖏᖃᑎᒋᓗᑎᑦ ᑕᒪᒃᑯᓂᖓ ᑐᓐᖓᕕᖃᕐᑎᓪᓗᒍ.” ᐊᓱᐃᓛᒃ ᖃᓄᐃᓕᐅᕈᑎᒃᓴᒥᖕᓂᒃ ᐊᖏᖃᑎᒌᒃᐴᒃ ᐊᐅᓪᓚᕐᑎᑉᐹᓗ.

ᐊᑕᓃᑦ ᓯᕗᓪᓖᑦ 22:25

ᒤᑬᐊᐅᑉ ᐅᖃᐅᑎᕚ, “ᑕᑯᒋᑦ, ᖃᐅᔨᔪᒫᕐᐳᑎᑦ ᐃᒡᓗᕈᓯᕐᒧᑦ ᖃᒪᓃᓐᓂᕐᐹᒧᑦ ᐃᔨᕆᐊᕐᑐᕈᕕᑦ!”

ᐊᑕᓃᑦ ᐂᑉᐸᖏᑦ 16:9

ᑎᒡᓚ-ᐰᓖᓴ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐂᕼᐊᓯᐅᑉ ᐱᔪᒪᔭᖓ ᒪᓕᒡᓗᒍ ᐅᐸᒍᑎᕗᖅ ᐅᓇᑕᕐᑎᖁᑎᓂ ᐅᓇᑕᕆᐊᕐᑎᓪᓗᓂᒋᑦ ᑕᒫᓯᑰᓯᒥᒃ, ᓵᓚᖃᕐᓗᓂᓗ ᓄᓇᓖᑦ ᑎᒍᕔᑦ ᐊᖓᔪᖅᑳᕐᔪᐊᖅ ᕆᔨᓐ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᑐᖁᑕᐅᑎᓪᓗᓂᐅᒃ ᐃᓄᖏᑦ ᑎᒍᓪᓗᓂᒋᑦ ᐊᐅᓪᓚᕈᑎᕔᑦ ᑭᕆᒥᐅᓄᑦ, ᑎᒍᓯᒪᓂᐊᓕᕐᓗᒋᑦ.

ᐃᔅᑕᐅᑉ ᐊᒡᓚᖏᑦ 1:6

ᑕᕝᕙᓂ ᖃᓪᓗᓈᕐᑕᑦᓯᐊᓂᒃ ᖃᑯᕐᑕᓂᒃ ᑐᖑᔪᕐᑕᓂᒡᓗ ᑖᓗᑕᖃᕐᐳᖅ ᑖᒃᑯᐊᓗ ᓂᕕᖓᕕᖃᕐᐳᑦ ᐊᑦᓱᓈᓂᒃ ᑕᑯᒥᓇᕐᑐᓂᒃ ᐊᐅᐸᓪᓚᕆᒃᑐᓂᒃ ᓯᐅᓪᕕᕆᓂᒃ ᐳᑐᓕᖕᓂᒃ ᕿᓚᒃᓯᒪᕕᖃᕐᓗᑎᒃ ᖃᓪᓗᓈᕐᑕᓂᒃ ᓵᑦᑐᓂᒃ ᓇᐸᔪᖏᑦ ᐅᔭᕋᐅᓪᓗᑎᒃ ᑕᑯᒥᓇᕐᑑᕗᑦ, ᐃᒃᓯᕙᐅᑕᖏᑦ ᓯᐅᓪᕕᕆᐅᕗᑦ ᒎᓘᓪᓗᑎᒡᓗ, ᓇᔪᕐᑕᖓ ᓇᑎᖃᕐᐳᖅ ᐅᔭᕋᖕᒥᒃ ᐊᓚᐹᓯᑕᒥᒃ ᐊᑎᓕᖕᒥᒃ ᑕᑯᒥᓇᕐᑐᐊᓗᖕᓂᒃ, ᖃᑯᕐᑕᓂᒃ ᕿᕐᓂᕐᑕᓂᒡᓗ ᓯᑎᔪᓂᒃ ᕿᓪᓕᕐᑐᒥᒃ ᐅᔭᕋᖕᓂᒃ ᓇᑎᖃᕐᐳᖅ.

ᐃᔅᑕᐅᑉ ᐊᒡᓚᖏᑦ 7:8

ᐊᖓᔪᖅᑳᕐᔪᐊᕐᓗ ᐅᑎᕐᐳᖅ ᐊᖓᔪᖅᑳᕐᔪᐊᒃᑯᕕᐅᑉ ᐱᕈᕐᓰᕕᖓᓂᑦ ᑕᕝᕗᖓ ᓂᕆᕕᒋᔭᒥᖕᓄᑦ, ᕼᐂᒪᓂᓕ ᐹᒻᒪᖓᕗᖅ ᐃᔅᑕᐅᑉ ᐹᒻᒪᖓᕕᒋᔭᖓᑕ ᑭᒡᓕᖓᓂ; ᑕᕝᕙ ᐊᖓᔪᖅᑳᕐᔪᐊᖅ ᐅᖃᕐᐳᖅ, “ᐅᓈ ᐊᒡᓛᑦ ᑯᐃᖕᒥᒃ ᐊᕐᓇᕐᓂᐊᕋᓱᒃᑐᖅ ᐊᖏᕐᕋᕐᓯᒪᑎᓪᓗᖓ?” ᐊᖓᔪᖅᑳᕐᔪᐊᖅ ᑍᒫᒃ ᐅᖃᑐᐊᕐᒪᑦ, ᕼᐂᒪᓂᐅᑉ ᑮᓇᖓ ᐅᓕᒃᑕᐅᕗᖅ.

ᐃᓐᖏᕈᑎᑦ 132:3

“ᐊᖏᕐᕋᓐᓄᑦ ᐃᑎᕐᓂᐊᓐᖏᓚᖓ, ᐃᒡᓕᓐᓄᓪᓘᓐᓃᑦ ᓇᓪᓚᕆᐊᕐᑐᕐᓂᐊᓐᖏᓚᖓ;

ᐂᓮᐊᓯᐅᑉ ᐊᒡᓚᖏᑦ 17:7

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᐃᓄᐃᑦ ᐱᓐᖑᕐᑎᑦᓯᔨᒋᓚᐅᕐᑕᒥᖕᓂᒃ ᑕᑯᓇᓱᓕᕈᒫᕐᐳᑦ, ᐃᔨᒥᖕᓄᓪᓗ ᐃᒃᐱᒍᓱᑦᓯᐊᕐᓗᑎᒃ ᕿᓂᓕᕈᒫᕐᐳᑦ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 31:4

ᐃᒫᒃ ᐊᑕᓂᐅᑉ ᐅᖃᕐᕕᒋᓚᐅᕐᐹᖓ, “ᓛᔭ ᐃᕐᓯᓵᕐᐸᑦ ᐅᕝᕙᓗ ᓛᔭ ᐃᓅᓱᒃᑐᖅ ᐃᕐᓯᓵᕐᐸᖕᒪᑦ ᐅᒋᐊᕐᑕᒥᓂᒃ ᓴᐳᓐᓂᐊᕐᓗᑎᒃ, ᓰᐱᓕᕆᔩᓪᓗ ᐅᓄᕐᑐᑦ ᕾᒐᓛᕋᓗᐊᕐᐸᑕ ᓂᐱᒥᖕᓄᑦ ᕿᒫᑎᑦᓯᓂᐊᓐᖏᓚᑦ ᑖᑦᓱᒥᖓ, ᑍᒫᒃᑕᐅᖅ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᑎᑭᓐᓂᐊᕆᕗᖅ ᓴᐳᓐᓂᐊᕆᐊᕐᑐᕐᓗᓂ ᓮᐅᓂᐅᑉ ᖃᖅᑲᖓᓂᒃ ᐱᖑᖏᓐᓂᒡᓗ.

ᐂᓮᐊᓯᐅᑉ ᐊᒡᓚᖏᑦ 8:4

ᑖᓐᓇ ᓄᑲᑉᐱᐊᖅ ᐊᓈᓈᕈᓐᓇᕐᓯᓚᐅᕐᑎᓐᓇᒍ ᐊᑖᑖᕈᓐᓇᕐᓯᓚᐅᕐᑎᓐᓇᒍᓗ ᓱᓕ, ᑕᒫᓯᑰᓯᒥᐅᑦ ᐊᔪᕐᓴᖏᑦᔪᑎᖏᑦ ᓴᒥᐊᕆᐊᕐᒥᐅᓪᓗ ᓵᓚᒃᓴᕈᑎᒋᓯᒪᔭᖏᑦ ᐊᐅᓪᓚᕈᑦᔭᐅᔪᒫᕐᐳᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ.”

ᐂᒨᓯᐅᑉ ᐊᒡᓚᖏᑦ 6:4

ᑲᑉᐱᐊᓐᓇᒦᒃ ᐃᓕᑦᓯ ᐃᓐᓇᖓᕙᒃᑐᓯ ᐃᒡᓕᕐᓂ ᑑᒑᕐᓂᒃ ᐱᐅᓴᐅᑎᓕᖕᓂ, ᐃᒃᓯᕙᐅᑖᓗᖕᓂᓗ ᐊᑭᑐᔪᓂ ᓇᓚᕈᕐᐸᒃᑐᓯ, ᓰᐱᖁᑎᑦᓯᓗ ᓄᕐᕋᖏᓐᓂᒃ ᓂᕆᕙᒃᑐᓯ, ᐃᒻᒧᒃᓯᐅᒊᓪᓗ ᓄᕐᕋᖏᓐᓂᒃ ᓂᕆᕙᒃᑐᓯ ᐃᒻᒧᒃᓯᐅᒐᒃᑯᕕᑦᓯᓐᓂᑦ ᐱᔪᓂᒃ.

ᐂᒨᓯᐅᑉ ᐊᒡᓚᖏᑦ 9:8

ᑕᑯᒋᑦ, ᐊᑕᓂᐅᑉ ᒎᑎᐅᑉ ᐊᖓᔪᖅᑳᐅᕕᒃ ᐊᔪᕐᑐᓕᔪᖅ ᑕᑯᓐᓇᕐᐹ, “ᓄᖑᑎᑦᓱᒫᕐᐸᕋᓗ ᐊᖓᔪᖅᑲᐅᕕᒃ ᓄᓇᕐᔪᐊᒥᑦ; ᔧᑰᓪᓕ ᑭᖑᕚᖏᓐᓂᒃ ᓄᖑᑎᑦᓯᑦᓯᐊᒻᒪᕆᖕᓂᐊᓐᖏᓚᖓ,” ᐊᑕᓂᖅ ᐅᖃᕐᐳᖅ.